26 June 2002 Italjet Jet Set 150 本地試騎

　

Bike：S&S Motorcycle International Ltd 2572 8275
Production: Loretta / Dave
望一望Office牆上掛著的刻板時鐘，已是下午五時四十五分。剛和客戶開完一個冗長會議的如夢(網名)，散會後馬上返回自己坐位中再次埋首工作。

一位正準備放工的同事多口地向如夢說：「喂，乜你今晚唔係去Ball咩？你重話要番屋企裝身添，點趕得切呀？」

如夢臉上洋溢著幸福的笑容，但眼睛仍然注視著電腦屏幕地回答：「乜你唔記得我出左部新綿羊咩？翻屋企都唔使十五分鐘，大把時間剩喇」

「唔係呀嘛？著裙都騎到電單車？」無知的同事一臉茫然.....「究竟係咩車咁方便？」
如夢口中所說的新綿羊，正是意大利Italjet火辣抵港的Jet Set 150。動力心臟是一臺四衝程單汽缸強制風冷引擎，簡單可靠。加上是意大利名廠Piaggio的出品，更添信心。

Jet Set 150圓渾厚實的外型，和現今常見的綿羊線條絕對別樹一格。加上前叉採用30mm倒立式套管前叉和前後12吋轆軨，也能給予車主一份穩定信心。

尾架方便加裝尾箱，錶板清晰易讀，前輪掣動規格是250mm單碟配單活塞卡鉗，符合現代潮流

Jet Set 150使用手冊
Prepared by: OL-如夢(網名)

身為Office Lady數年的我，早已厭倦了每日返工放工的迫車人潮。

唔想同人迫車，但黃金商業地段的房車泊位又貴，唯有出部電單車代步。

出車後發覺時間慳番唔少。夜晚可以玩夜D唔使趕尾班車，第朝又可以遲D起身唔怕塞車....全靠Jet Set 150，我先可以咁方便。
每日返工開車，手袋便掛在前方的方便勾上。從方便勾下的櫃桶內取出手套便可以準備開車。抵達公司後，我的MOMO頭盔不用帶返公司，只需放在座位下便可。

因為平地臺和適中座高的關係，身穿套裙上班的我仍能輕鬆上落。無論我是穿著皮鞋或高跟鞋，在市區駕駛都能應付自如。

如夢的同事又問：「咁樣大風吹怕唔怕走光o架？」

(有去過澳門的朋友都應該見過澳門女騎士著裙開車是一件很普通的事)
答案係唔會o既。反而較鬆身的長裙應該摺起後擺再坐住條裙，便不怕大風亂吹了。

由於車身輕(103kg)和操控好的關係，即使合併雙腳駕駛Jet Set 150，一切操控也十分自如。不過如果係新牌或腳短的朋友，換過條褲再開車會好D。
訪問完畢後，如夢(網名)用行動表現出Jet Set 150的馬力輸出是如何柔順，操作掣動桿所需的力度是如何輕巧。

回眸一笑講拜拜時展示出Jet Set 150是極為適合東方女性使用。當然出部車俾男朋友用，等佢載出載入，閒時自己用都係一個好提議。正所謂護花使者，香車美人 - 冇車點做護花使者？

　
買車買車！

哎，臨走前唔記得再問如夢(網名)，佢真名係乜添？重有就係唔記得佢架車買左幾錢.......認真失策。等我地打個電話落去Italjet總代理Ss電單車中心2572 8275問下先！
　

Jet Set 150格表及相關資料