|
|
|
FAQ常見問題 |
|
|
15/4/2005
|
風扇問題
請問水箱風扇唔會自動行原因何在?我已裝手動制 啟動手動制就會行,之前換左水喉就出現問題 thx
應該係感溫sensor壞左？手動掣信唔過，你點知幾時應該開風扇幾時熄風扇呢？
|
15/4/2005
|
迫力壺
我見倒車頭個迫力壺個窗口仔(應該係check油量個個位)見倒個氣泡係個窗口頂位置..細細個咁..未到low個條線..咁請問有冇問題呢..駛唔駛加返滿..???因為有人話迫力壺有氣唔係咁好..咁係咪咁既意思呢??
呢個係正常o既現象，唔使擔心。只要迫力牛角扣下時唔好軟綿綿扣到好低便可。
|
15/4/2005
|
cb400至街飛
我唔係咒佢,只不過見佢咁渣車,諗返起之前一個fd有感而發姐,意外意外更係意料之外啦...我唔想再親眼目到囉,希望各位小心駕駛
cb400
|
15/4/2005
|
Hi請問聲cb400 solo版,當空波時急速畀油,急速收油就即刻死火,是否有以下可能：
轉數慢，風格污糟,汽油，蛙佬彈弓．．．thank you so much!
freeman
會唔會係大油得滯秊熄左火咀？化油器和火咀的狀態都要睇下。
|
15/4/2005
|
ABS
老編大人,市面上有賣機械式的ABS,想請問一下實際用途如何?如果有用,加在前輪定後輪呢?謝謝!
David
呢樣野都好耐世紀，但老編重未用過...所以俾唔到意見。如果真係要裝，跑車應該裝係車尾，因為鎖尾轆機會大d。
|
15/4/2005
|
re : 江湖規舉
another case :
小巴左線停低洛客後, 打燈一兩秒即快速抽頭,如果我係中線行緊, 而佢冇諗過要等我讓, 就抽頭導至我要制動, 咁我可唔可以响安/洛車小佢/甚至告佢 ?(當然假設我既時速係可在我地距離下停得切車)此事係咪只關乎大車烚細車or咁唔禮讓咁簡單呢?但可構成危險又點計?
初到路面 actiontaker1@yahoo.com.hk
純理論：如果小巴抽頭的動作導至你要收油或制動，已經侵犯左你的道路優先權。
純現實：小巴會估你知佢抽頭，而且會收車讓佢。
假安慰：老編明白你的擔憂，但你真係唔知路上其他駕駛者唸緊乜。
建議：未有私家車牌的話，速學。
|
15/4/2005
|
de de 聲
細佬最近發覺架cbr400車頭有D de de聲，高轉時有d震同埋加上力水爭咗小小，請問關唔關死氣喉o爭口事呢，同埋仲有可能係d咩事呢?Thank you 老鬼師父!
小明
如沒有漏氣的話是不關事的,
|
15/4/2005
|
自行安裝死火燈制
最近見有時間，就嘗試自行安裝死火燈制.安裝後發現當打死火燈時兩邊指揮燈閃動頻率
比只係打指揮燈時快而且短，光度有較為暗，指揮燈聲(dak dak 聲)又快又密但熄左死火燈只打左/右指揮燈時又冇問題(正常閃動頻率和光度)想請教一下為何會有這樣情況出現？
有何解決方法？請指點，謝謝~~
Tony smallfat1980@yahoo.com.hk
如無駁錯線就雖要更換閃制.
|
15/4/2005
|
頭fork生銹漏油
老鬼師傅,老編大人
小弟架車頭fork生銹以致漏fork油,現已將銹磨去,但留下了很多凹陷,
換頭fork油毯後呢d凹陷位會再引致漏油嗎?
v7
v7 z750haru@hotmail.com.hk
因表面電鍍巳花左而又在行程位上,你再換新都有機會再漏,只是時間問題.
|
15/4/2005
|
空波燈
我部係3仔丫,唔該晒你丫
黑仔上
似乎你都係check清楚個電池先YTX4L-BS.
|
15/4/2005
|
fork油度數請教補充
唔好意思,老鬼師父,忘記左講我架車,我係fazer 400,我觀察頭fork筒與fork芯之間最大的痕漬達三寸半長之多.靜止推車按頭break頭馬上便往下chop一野.想請教應該點樣做呢?要更換彈弓連油嗎?彈弓價錢多少?用几度既fork油.另尾避震亦有問題,有象坐板仔的感覺,可否修理?如更換有哪一款避震能建議使用呢?價錢又如何?謝謝
ben
如要攪好避震就真係要試清楚,因你整好個頭,個尾反應仲大,個頭究竟壓下去上番個一下係無吸啜力定係上都唔肯上,一般彈弓,fork油連工都成千元而尾避震平可選擇美國牌子,當然還可選用ohlins.
|
15/4/2005
|
兩遮鮑魚換四遮鮑魚
Hello 你好,
我想問一問, 我有架電單車, 車頭用兩遮單向小鮑魚, 如果改用四遮對向大鮑魚, 係唔係一定要換16 master cylinder?
唔該.
單細包及單打CEO pay_99@sinaman.com
當然會好好多,,即係8分5直汞.
|
15/4/2005
|
撻車無反應
老鬼師傅你好!
本人駕駛的是CB400 Version S, 近日經常發生撻車無反應的情況, 請指教.
1. 插入車匙 turn on 後, 一切燈都正常.
2. 按 start 制時, 部車沒有任何反應及聲音, 只係頭燈及空波燈輕微暗一暗(或者可以話無暗, 因為真的很輕微), 此情況於凍車或熱車時都有機會發生.
試過暫時唔理會, 隔個多小時後又可以撻著.
又試過息匙一陣(約10分鍾)之後就出現無反應的況.
3. 最後唯有推撻, 不太困難便可推著.
謝謝!
杰
檢查電池頭有否上緊,跟住就是start摩打碳精和start索制,(如電池正常)
|
15/4/2005
|
re; 換胎問題
我都係抯@150, 已2年車, 初初新牌時亦試過類似情況, 但抯熟左就唔覺, 地濕換乜胎都無用, 早前我都因為地濕而撻車, 最初都覺得關條胎事, 其後再次經過案發現場就明白係自己對路面警覺性不足, 車速過快又壓得過低而出事, 反而想問下點解大部份人都鐘意換TT91, 而且賣車時以此作賣點? 其實仲有乜野選擇 ??
POOH hkd@netvigator.com
|
15/4/2005
|
睇中Suzuki GF125U 的人
請問 Suzuki GF125U 是否足 125cc 呢？大約要幾多錢行一公里？零件費及維修費貴嗎？
謝謝回覆
Beep
我們對此車所知也不是很多，簡單的規格資料也是由代理提供。大陸零件應該唔會好貴。新車關係，未有足夠用家報告參考。
|
15/4/2005
|
域多利道我鐘意 .....
老編鐘意行域多利道去，貪佢有d彎可以「卒」下.... 小弟住在西灣...出車就行下域多利道... 希望有機會"根"下老編車尾... ;) ... 而小弟是VTR250.. P仔一名 :)
老編係超慢卒彎咋....
|
15/4/2005
|
Re: 湖規矩再問
多謝老編指教,真係獲益良多!! 謝謝!
比的士佬蝦的P仔
|
15/4/2005
|
打臘一問
請問打臘程序(Hornet 油江):補油 > 上油 (重複幾次) 再用粗臘研磨車漆> 再用幼臘拋
係點樣做? 程序細節係點? 邊度買料好? 牌子介紹?
傷心人..
最簡單係買色筆一浸一浸咁「油」。記得等佢乾晒先好油第二浸。為免「油」出界，可用膠紙封住唔需要的部份。跟住塗上粗臘，等佢乾晒先「卒」。過程注意塵埃的沾染。所有用品在汽車雜貨店有售。
|
15/4/2005
|
學車再問!!
我有十年1,2牌,對考電單車牌有冇幫助?
kim
豐富的46駕駛經驗無助駕駛電單車，但有豐富的路面經驗，知道其他駕駛者想做乜，識得相就識得配合，危險會減少好多。
|
15/4/2005
|
如果去駕駛學院學電單車，好不好 ?
有沒有其他好介紹呢 ?
無知人
駕駛學院所教的防禦性駕駛理論真係幾好，不過學四個轆都一樣學到。學電單車其實好講個人領悟，當完成強制課程對電單車操控有一定認識後，其餘一切都靠自己的造化.....
|
15/4/2005
|
RE:P牌有關快線問題
我鍾意行司徒拔道喎, 上山唔只仲可以落山, 不過可能行多左路. 但相信冇人會care.
就甩p
|
15/4/2005
|
湖規矩再問
地理環境 (高士威道住英皇道燈口,左線入興發街,中右線往英皇道)
的士仍會碰到我, 因為我係收得不夠慢同埋路面經驗不夠,我都唔知停好定去好.
而佢咁樣cut 埋黎,條氣真係唔順. 咁樣唔係佢做錯咩?
我而家就去溫下書先(「如何舉報危險司機？」)
請問何謂"一邊偷位一邊俾油走人"? 大車好用?請賜教祝萬事如意,出入平安,身體健康!
路面經驗不夠的P 仔
其實唔淨止職業司機，好多駕駛者一見到你手車麻麻地便會蝦你。偷位的意思係不論是選擇加速或減速，佢由右邊靠過來，你便靠向左，相反亦然。電單車應該盡量利用路面闊度靈活走位，一條行車線可以分成五份，要按情況靠邊行封位，封唔到位便要走位，千祈唔好行死同一份線。
|
15/4/2005
|
買車
想請問hornet250條尾呔甘闊，除外表特別，重有咩用途！濕地行車會吾會好D！VTR250同佢比，要再人計邊部好！
wai
載人會係VTR250好d，因為V2偈低扭會好過直四偈。Hornet條180尾胎的最大作用就係.....嚇人o羅！
|
15/4/2005
|
re: 江湖規矩一問
應該好似d阿婆咁扮跛, 行唔郁, 屈番個的士佬幾舊都好丫..而家佢cut線撞到人, 點都係佢唔o岩la..
jkenny
|
15/4/2005
|
街飛至cb400車主
每個人的反應同埋對速度o既感覺都唔同ma，你覺得100km/h好快可能佢覺得好慢呢，只要o係個人能力範圍內百二三攝巴士車隙都唔一定危險啫，你唔好咒人地la，就算你渣得好安全，都可能會比d醉酒司機ko你la，意外ma，大家都唔想......
街飛
|
15/4/2005
|
江湖規矩一問
本人係P仔, 有一晚行車(VTR250),一路行中線想直出(路口三線之中行中線直出燈口)之後行左線出柴灣.三線之中左線只可左轉入維園網球場(果度好似有個巴士總站), 中右線直出往柴灣方向.(天后MTR出口)
燈位前我定速行中線,想直出對面左線,剛出燈位時我見到右線有架的士打左燈cut入中線, 果陣佢開得快我少少,佢慢慢cut埋黎我身邊,個的士佬好明顯係有心埃埋黎,我收制慢車,駛到路口中心佢架車既前門碰到我大腿,我架車搖一搖,佢知道佢撞到我都一齊停左係路中心,佢開頭冇落車, 直到我拍佢車門佢先慢慢落車,比我X到佢九彩.佢話我係P仔,叫我唔好攪咁多野,又話而家我同我架車都冇事,問我"你而家想點丫?"我心諗,你呢d咩人黎架,香港地我都知你地要開飯要渣快d whatever,但係條路又唔係你條私家路,點可以右線抽頭鑑粗cut入中線架??當時我真係想報警,求個公道,無奈我又唔想停在路口中心等(多車危險),我又有d私事,唔等得耐.於是我就趕時間定左...事後覺得好唔抵....
請問老編先生/老鬼先生,如果我大吉利事再有類似既情況發生,我可以點做? 個的士佬想收買人命,我可唔可以告佢or賠償? 定係我應該點做??到而家我都仲係有d驚, 請 貴網誌老編先生/老鬼先生指點迷津...祝萬事如意,出入平安,身體健康!
無奈P仔比人大
老編睇左你段文幾次，都唔係好明你所描述的地理環境....
理論上，車輛轉線，道路優先權不在轉線車輛的一方，即使打左燈，都要等人讓先可以轉線。而你話當時部的士只是快你少少，打指揮燈cut入你條線，正確的做法應該係等你越過他或收慢讓位，他才可入線。
問題是，你說你有收慢讓佢，但為何的士仍會碰到你呢？是你收得不夠慢？還是的士切得太快？如果是你收得不夠慢，便是路面經驗不夠。如果是的士切得太快，便可投訴他駕駛方法有問題。
投訴其他道路駕駛者，首先要記下對方車牌，事發地點日期時間，然後去警署報案。詳情可以重溫FAQ內「如何舉報危險司機？」
講開又講，有經驗的騎士在處理其他車輛胡亂切線的情況時，通常都會一邊偷位一邊俾油走人，切線車輛根本埋唔到佢身。所以老編幾時都話大車好用就係咁解......
|
15/4/2005
|
新牌保險一問
本人買了部新的AN400i，就快甩P，想問甩P後原有的保險是否需要更新？因原本的保險是P牌時買的保險，還是等到保險滿一年才更新呢？原本的保險是P牌時買的保險，若不更新甩P後後又可否載人呢？Thanks a lot.
TaiTau
P牌期滿後要先換領正式駕駛執照才可甩P和載人。保險方面不需要做任何動作，下次續保時俾番正牌copy俾佢地，保險公司便會減番你的loading。
|
15/4/2005
|
cb400至pgm4車主
本人日前因遲到返工開快小小過左你頭[我當時大約100km,有比五蚊]但你就好似謀殺咁推我我都收慢比你行先,你過左我仲要成百二三咪攝巴士車隙!!!有咩意外你屋企人你既親人有幾難過丫??後生仔小心駕駛[珍惜生命丫]
cb400車主
|
15/4/2005
|
P牌有關快線問題
例如:灣仔告士打道去香港仔應該行快線去還是兜個大圈經銅鑼灣去??
kk
唔知你係告士打道邊一便，如果身處向東行方向的話，似乎行香港仔隧道會快d喎.....不過老編鐘意行域多利道去，貪佢有d彎可以「卒」下。
|
15/4/2005
|
電王一題再問?
老編大人:真的唔好意思,我係想問清楚,因為我架CB750坐下沒有多餘空間,又唔知道電王實際體積有幾大,亦唔想安裝其他地方,請問一聲我架車坐位下有否足夠位置可安置電王呢?萬分感激你的回答~
SO
嘻嘻你都俾左錢o勒重問？過左海就神仙啦...哈講笑講笑....
電王的體積係：長90mm x 闊50mm x 高25mm ，即係重細過一包煙。
你份件會在15號寄出，因為你唔係市區，所以星期六派唔到，應該星期一會收到。
|
15/4/2005
|
起步問題
小弟架runner最近凍車起步比油無乜力,engine有轉數,要行幾米先有力,請問係咪皮帶極力子有事,皮帶已行左15K公里
Thanks
萬五公里？真係要睇睇皮帶、珠仔喎......
|
15/4/2005
|
14 april 2005 李惠利ive門外 CBR150
想係度借一借個地方同位朋友仔/女講D野
事關今日中午時間見倒IVE門外有架CBR150"P"牌車,平時都冇泊開,又冇落車布,有靚野梗望多兩眼啦,點知發現成套車匙插左係車尾個鎖度,所以就交抵比IVE看更同留低張紙咁啦.下次幾趕都好,唔好咁唔小心喇,尤其drive fairing車,得既盡可能落個車布,冇咁傷車嘛,減低收視之餘萬一冇拎車匙都未必有人知.
小心d泊車喇.
^^"
IVE學生哥一名
|
15/4/2005
|
motogp
各位車友and老編先生....
請問網上邊度可以免費睇返之前過d Motogp...thx各位~~
玉田誠
www.motogp.com
免費呢樣野就....
|
14/4/2005
|
超速?
老編你好!想問下係唔係D相機同鐳射槍影唔到電單車啊?定係影到的機會少好多?因為好多時都見到電單車比限速快好多都冇事
P仔
當然唔會影唔到電單車喇，年中不知幾多車友中招....
|
14/4/2005
|
Honda Foresight 250
請問 Honda Foresight 250 好唔好 (穩定性.安全.速度.各方面)因為主要番工用 (屯門 < > 港島) 要經好多 highway新車好 D or 2nd hand 都 OK OR 有沒有其他 suggestions
Thanks very much
aejacky
250綿羊都可以平穩地幫到你手，總好過150。新車當然好d，但舊車只要有適當保養和維修，一樣冇問題。如果預算許可的話，400羊會更妙。
|
14/4/2005
|
電王一問?
我架CB750有乜位置可以安置電王呢,謝謝!
一般要等幾多天才收到貨物呢?
SO
可以放係座下或車尾啡呤內側，以工作天計，day 0落單，day 1出貨，day 2收貨。但要視乎郵政局決定派遞區域，遍遠地區可能要多一日 day 3收貨。
|
14/4/2005
|
換胎問題
你好,想請問換胎意見,本人係楂honda@150既,新車買入用完裝胎,用了大半年,之前有兩次
係濕地以40-50公厘入彎都冼胎(當時感覺係應該兩次都係冼後胎)令本開始有入彎恐懼症,d車友同事叫我換條濕地胎,但如果換左濕地胎會唔會係乾地時俾用完裝胎無咁咬地?同埋要換的話用邊隻牌子最好和價錢是多少?(貴都唔緊要最緊要真係要安全)多謝!!
擔憂人
原庄胎已經係兼顧乾濕地需要，你話濕地入彎跣胎，要睇番當時車速和彎道的關係，重要睇下地面有冇油漆或金屬物料令你打滑。依老編估計係操作問題多於輪胎的問題。有冇睇過【知識技術】內的「濕地駕駛Maximize」？
|
14/4/2005
|
老編你好!!本人仲未有電單車車牌,現在想去考,所以有D問題,希望可以解答.其實我在八前都有在駕駛學院學過,(現在28歲係唔係年紀大左D呢?)但中途放棄左,而家又想再去考,所以想問問邊間學車好?因為我見多左好多駕駛學院有電單車課程,有D好貴但係好多人話好,有D就平D但係就有人話冇咁好,所以好難撰擇,希望可以比D意見,唔該晒!!
kim
強制試可以去荃灣駕駛學院報名，學完之後可以去鏗鏘駕駛學校或者貴記再學路試課程。
電單車係自己一個人的獨自活動，教師只能教你基本操作，但唔可以捉住你隻手或搵支棍隊住你隻腳。上車後一切都要靠自己的平衡和領悟，所以唔關教學的問題。廿八歲做女優年紀就會嫌大，學電單車有心唔怕遲。
|
14/4/2005
|
江湖規矩一問
如我想私讓電單車，買方可以試車嗎？
Ricky
多數都唔得。一來驚你走左去，二來又驚你跌。除非雙方已達成轉讓協議，價錢傾好晒，買方講明只要試車時沒有發現嚴重問題便會買，賣方便可能會容許試車。
|
14/4/2005
|
GSX750翻新車加大馬力
你好！想請問96年GSX750翻新車如要加大馬力的話，需要更換電腦及咪錶嗎？
忠
你講日本版想轉出口版？對，但換完都肯定馬力係咪可以100%還原等於出口版。
|
14/4/2005
|
re學車問題
學手動波車是否較學自動波車困難得多 ?
無知人
錯，初學者用自動波打八字比用棍波打八字更難上手呢。
|
14/4/2005
|
學車問題
手動波同自動波最大分別是什麼 ?如果想學電單車，要考慮什麼來決定學那一種呢 ?是否大部份的綿羊電單車都是自動波呢 ?謝謝解答。
無知人
大部份綿羊都係自動波。學電單車最好學棍波，因為一樣可以駕駛自動波，但如果學自動波的話，不能駕駛棍波車。在應付不同路面和不同需要時，棍波可以有更全面和更安全的操控，而自動波則少了這選擇。
|
14/4/2005
|
Any official dealer for Moto Guzzi
Is there an official dealer for Moto Guzzi in HK?
John
sorry no.... for grey import enquiry you can ask Man Wai Motorcycle for help.
|
14/4/2005
|
motard
hi, I would like to knowthat is there any good motard recommended?
latest choice: Suzuki DR-Z 400SM
|
14/4/2005
|
唔小心趺左車...Hornet 油江花左少少
本人有一次唔小心整花左個油江, 朋友介紹用大度數既水磨沙紙省.於是我就一路加水一路好小心咁省.省完之後發覺雅色左(半隻手掌大), 省完果度唔光身. 加左水就暫時唔見左d花(請不要笑我白痴).雅色果度係唔係比我省走左d "拎架"? 請問有咩計快靚正可以DIY回復光身 ? or 可唔可以用機打臘打返好? 定係有咩好介紹?
仲有條死氣喉, 黑色同銀色之間(幼至粗果度),之前炒凹左, 眼望似穿左但唔知係唔係.
唔知安唔安全, 自己有冇方法check 到? 會唔會影響架車既性能?還望高人指點,謝謝!祝身體健康!
kmk kmk525-bike@yahoo.com.hk
果浸車油俾你省花晒喇，花左o既車漆係刮甩左，點磨都唔會變番原來樣子。解救辦法係補油，乾透後再上油，重複幾次之後再用粗臘研磨車漆，再用幼臘拋，但係效果都好有限....要快靚正回復靚仔.....買張合適的貼紙貼住佢係最快o既方法。
懷疑條喉穿左？聲音有冇變化？用手感應有冇漏氣？
|
14/4/2005
|
xxxxx 綿羊維修有否大問題?
(潛水俠的問題內容太直接尖銳，不能出街)
潛水俠 diver489@yahoo.com.hk
老編只能講：對該車款的車主報告內容，並不持有強烈相反意見。
值幾錢真係因人而異，或者有人會話俾都唔要呢？
|
14/4/2005
|
黑色銀色
你好,我想問黑色engine會否比較容易D花 or 難保養??
有上油漆的金屬面都是一樣，和是否黑色無關。
|
14/4/2005
|
P牌買車
老編你好,我想問 xr250 motard or xr400 motard 較好?
...............你話呢？
|
14/4/2005
|
回唔該啦
算啦,基本上咩車都係亂黎架啦,搵食車,新牌仔,禮拜司機,仲有老電尤其果d搵食車打燈唔轉線逢車過車都見慣不怪,總之事不關己,己不勞心啦~
香港人
閣下何以會肯定一定會「事不關己」呢？
|
14/4/2005
|
Majesty 250C & Forza 250X 分別
請問一聲兩車的分別,何者較好?
Ben
分別係一部Yamaha造，一部係Honda造。兩者同樣出色又各有所長，冇得話邊一部特別好。
|
| |
|
|
|
 |
