|
|
|
FAQ常見問題 |
|
|
4/4/2005
|
擴和油?
老編,甚麼是擴和油? 是否和既油一樣? 謝謝
唔係好明你想問乜？
|
4/4/2005
|
re:小心鬼佬
你唔好彩啦,佢以為你係成日上大帽山玩果班人嘛,我地見到佢就會收車唔玩架啦,佢都唔算好離譜,對面海果班差佬渣得重緊,郁下都話鉤車添呀!
honda dreamwin
|
4/4/2005
|
自動走左
老編你好!小弟日前自己替部CB250調教車鏈虛位(free play),之後部車於行駛中有少少搶左.請問怎樣修正返呢?
John Wu
搶左的情況是發生在攝鏈之後？請重新檢查尾轆縲絲是否真正左右對稱。
|
4/4/2005
|
專業名詞一問
RE: 專業名詞一問
老編您好:在電單車規格表內，最大馬力的專業名詞都有很多種，如 20hp、20ps、20kw等，它們那個最大/小呢？英文字代號解作甚麼呢？煩請指教！THX : )
pferdestaerke (PS)=1
horsepowers (HP)=0.98632
kilowatts (kW)=0.735499
--------------------------------------------------------------------------------------
請問老編那麼 CV 又代表甚麼呢？THX!
辛仔一鳴
pferdestaerke (PS)=1
cheval vapeur (CV) = 1.00042ps
|
4/4/2005
|
Re:高速公路
>>龍翔道及呈翔道是否高速公路, P牌能否行最右線?
>>RR
龍翔道及呈翔道不是高速公路....因為上高速公路,係有一個sign 既,好似天橋咁.
william
|
4/4/2005
|
高速公路
龍翔道及呈翔道是否高速公路, P牌能否行最右線?
RR
|
4/4/2005
|
RE: 親力親為
HELLO!請問哪裡可以買到洗車屋同人打腊果部拋光機專用O既毛球?THANKS A LOT!!!!!!
++++++++++++++++++++++++++++++++++
鴨遼街有得賣
|
4/4/2005
|
小心鬼佬 !
各位,如果星期日有上大帽山遊車河,相信都會知到有一個揸架警察宝馬的高級督察成日上嚟巡.同趕車,陳日發生咗一件事令我很不開人,希望大家比 D 意見,平下理!
陳日我同個甩咗P牌無耐的朋友上大帽山學走線位同搬車動作,而我地都知錦田上山已放有快相机,而個(高級督察)都四圍巡,加上我的朋友手車又差,所以一路都保持40-50km車速,當我們落錦田方向,經過一個左灣後在可以合法爬頭的直路邊彈出嚟,示意我停車,而叫我的朋友走,並要我息匙.落車,車牌及身份證,他向我指出我出左灣時(波勾)過咗雙白線,要向我發出告票,而我好很定當時確實並沒有波勾過雙白(ps.平睇7-80km我都無波勾喇)我向佢解釋及理論,而佢話確實睇到我(波勾)過雙白線,有咩叫我同法官講,我即睇叫當睇的朋友同我做證,
那個(高級督察)同我講,:我好大壓力,我阿頭住下面,你哋個個星期日都係度玩.我好難做,
我再三同佢講,你難做都唔関我事架!如果要上庭我一定要求我朋友上庭,佢即時怒啤我朋友話我教佢講大話,話上到庭講大話係犯法,但我朋友堅持會為我做證,佢開始轉太,:(而家我有冇用告票比你啞? 我而家抄底你D資料警告你............及一大輪比佢教訓的說話,我知無謂再同佢理論,我比佢鬧咗成4-5分鐘都只係sorry sir都萛俾足臉啦,最後佢話唔好比我見到你,我唔想見到你,之後佢仲走得快過我,
真係好唔開心,明明無犯法,如果無證人正如佢講(我係專家,法官信我定信你吖)屈都入死味.就萛佢唔告,都比佢鬧咗3-4分鐘喇,我都有阿媽生架,有過線就(心今命底).而家D警察真係令人失望!
|
4/4/2005
|
大貨車壓線，Forza X避開自炒
其實電單車已經比私家車好了, 因為可以有少少線位就一就。如果是私家車就只有剎車同求神拜佛希望佢唔好僮過來，所以以我愚見，遇到這情況剎車望後鏡重要過一切，只要車速夠慢，避得過機會應該會大妤多。
祝你妤運！
EY
|
4/4/2005
|
Rear Shock (ZXR400H)89
老編好! I am thinking of replacing the present rear-shock cos it seems "KO" already... I can't find new ones out there cos the model is too old...
Do you think the shocks from other models might fit? e.g. R1? ZX6R? etc
How can I find out if these shocks fit or not? only by the length or it is a lot more complicated?
Many thanx for help!!!
Fei kinwolee@yahoo.com
先決條件係長度適合和碼位o岩裝，可以試下aftermarket有好多牌子。
|
4/4/2005
|
尾避振短了
my bike is sper four big one
我部車最近換了尾避振，但換完發現比平常矮了１吋（因新個條尾避振short than old 尾避振about１吋)，吾知對部車有無影響呢？
my bike 個尾 compare with other super four also 矮了１吋.最慘在少少凹凸路面上尾避震已經野野撞底，好驚連車架ALSO受到損毀，全車便要報銷.條尾避振已較到最長 , 但係最軟， WHAT CAN I DO AR .車人仲慘，尾避震野野撞底．老編大人請幫忙. THX VERY MUCH
KITKIT
明知長度唔同，你都重肯裝上去o既？大架冇揩鏈咩？
試下把避震預載擰到最硬睇下救唔救到？不過即使得，
為左保住你支避震，行車表現會硬到跳，可能影響安全。
|
4/4/2005
|
親力親為
HELLO!請問哪裡可以買到洗車屋同人打腊果部拋光機專用O既毛球?THANKS A LOT!!!!!!
HIN HIN hinhin616@netvigator.com
|
4/4/2005
|
BMW維修???
老編好，而家用緊AN650,有意轉二手BMW R1150GS或同類車種，想問一年SUPER 4街飛採訪經驗，加年幾AN650用唔用得掂呢類車？BMW原廠維修係咪好貴??一般換油保養出面又有冇鋪頭做到???
影相佬毛毛
哦，老編估到你係邊個啦。以閣下的經驗，駕駛BMW電單車當然冇問題。事實上BMW電單車唔難用，問題只是習唔習慣咁解。你部AN650放呀？咩水位到呀？
呀掛住傾唔記得答問題添：BMW一般都返原廠整，因為好多時出問題都係電子野多，一定要用番原廠電腦去跟。
|
4/4/2005
|
AN650頭了
咩叫"鄧"呔?
我呔氣夠呀, 換左冇耐已經開哂仲有排用(石橋)
新胎安裝時要放小鉛塊在輪框邊，用以消除輪胎高速轉動時有機會產生的不穩定感。
|
4/4/2005
|
re: 屯門泊車問題
屯門市中心泊車泊可處好??
++++++++++++++++++++++++++++++++++
巴士總站旁有排骨位(海x大酒樓下面)
|
3/4/2005
|
車主手冊
我部二手 hondaforza 冇車主手冊可以點樣買到
kit1022@so-net.com.hk
可嘗試向代理查詢。
|
3/4/2005
|
lost report
老編你好：
可否update下最近的lost report ？？
CAN
唔係老編唔想update，而係大聯盟好像停止了運作，警方也沒有發放報告給我們。
|
3/4/2005
|
re大貨車壓線，Forza X避開自炒
抯搵食車既人,,唔好希望佢地會有悔意.
因為....有悔意既時候已經不能補救.
出事前,佢地以我大過你,你夠膽就唔避,
出事後,佢地就好有悔意咁去落口供,,原因,,唔好判咁重者..
所以,,千萬唔好俾機會佢地後悔
|
3/4/2005
|
風格
我發現自己部ｖｔｅｃ最近的死氣電油味較重，是否關風格事？另外發現入Ｎ波後，引擎離合器發出ｓａｓａ聲，但入１波後，拉盡離合器ｗｉｒｅ就冇，問題左在哪？？如要換風格，可以點做？？另外推介 3M 有隻車腊(液體)，好正。thanks a lot!!!!!!!!!!!
pingucan
有一定年事的電單車，廢氣通常都會有少少電油味，可先檢查火咀狀態。如果火咀正常，耗油量又冇明顯變化，可以不理。聽聲呢樣野比較難估，行開車行不妨俾師父聽下。
|
3/4/2005
|
re: vtec ll 換邊種牌子尾喉????
我部係vtec1黎既,我而家用緊忠男尾段既喉把聲會比 Yoshimura 喉較響少少
因同車友比較過同埋爆踼果一下會明顯少少
同埋忠男喉比Yoshimura較為沉少少
性能就唔太覺得因試過車友部車一波起步轉數上得差唔多基本上要好快轉波到3波先得
|
3/4/2005
|
請問泊車問題
屯門市中心泊車泊可處好??
Francky
|
3/4/2005
|
大貨車壓線，Forza X避開自炒 - 事主再補充
老編:
以下乃"大貨車壓線，Forza X避開自炒"的一些補充，我也希望藉互相交流令自己及其他車友可以在將來避免意外發生。
當時我一直已留意此大貨車，他是由另一路merge入我所駕駛的路段之慢線，如我所講，由於快線修路，慢線及中線的車都多，我由東隧出來，一直跟住車群(我的前後都有車的)在同一路線。
我見到此大貨車時，也考慮過應如何應付，我有想過一直留在中線及此大貨車的後面，但中線的車群穩定地以70km/h前進，而大貨車是慢過70km/h的，我當時是pass緊大貨車的及在中線的第二部份(以五份計)，無想到當我過了它的後轆去到它車身的一半時，它是有打右指揮燈，但是一打便切過來。
我有想過加油但怕唔夠佢快，我要強調那時祗是電光火石的很快時間，我按不到horn，我事後也有檢討為何按不到horn，有以下結論，除了時間好短，另外是由於我是駕綿羊，當我收油並用左手煞車時，我左手手指公是很難按到horn的，回想我以前駕街車時，用右腳煞車時，左手手指公較易按horn。
講番當時，我有收油煞車及把車一直移到中線的右邊，當時都驚會被後面的車撞到，可惜我發現我一直移到中線的右邊，已差不多碰到分隔快線和中線的雪糕筒，而眼見架大貨車的後轆已由左邊逼到埋身，因此唯有希望在雪糕筒間鑽出去，要讚一下架車的煞車系統已好正，車身沒有很擺動，可惜雪糕筒排得幾密又硬，一撞之下架車還是片低。
除了你的建議外，我想把左手指公刻意放定在horn掣上也是重要的！謝謝！
yualbert
駕駛馬力不足的電單車在公路上遇上其他亂來的人，應付危機時只能減速而不能加速，的確少了一份選擇。
講番當時情況，你話老編馬後炮都係咁話：只要後車不是緊隨，便不用擔心後車會撞上來，因為後車都會見到有車轉線而收慢。各位車友也千萬別輕視雪榚筒，在行車中撞上仍有一定殺傷力。(老編試過50km/h時揩到鞋尖，驚訝地發現有如撞上石頭般一樣痛)
|
3/4/2005
|
vtec ll
如果係你會換邊種牌子尾喉????thanks
煩人
老編未擁有過VTEC II，真係要決定的話，要借部車俾老編用番三五七年先決定到：)
|
3/4/2005
|
新仔想買車
您好,本人已過左P仔的時間LA...依家都諗住出架BIKE 代步,不過...有好多野都唔係好知...希望大家可以比少少提示我..指點一下
1) 保險係應該幾時買呢? 0係邊買呢? 第3保係唔係唔包防盜呢?
2) 咩係牌費呢? 通常又要幾$呢? 幾時比呢?
CLOVER cloversasa@yahoo.com.hk
三保的意里是第三者責任保險，只會負責第三者的人命財物損失。何謂第三者呢？即是投保人和保險公司以外的人，便是第三者。
牌費係政府向車主每年徵收的稅項，私家車的也費是按照排氣量而定，越大越貴。電單車則是劃一收費，125-2300cc都係首年1414，以後每年1314。要取得貼在車上的行車證，先決條件便是交牌費。
|
3/4/2005
|
cb400vs換喉一問
我想換一條較響的尾喉,我去打過去車行問過,佢地話有大陸&日本做既~而價錢相差一倍以上.我想問一下大陸&日本制做既喉,0係性能同聲響上分別大唔大?唔該哂~
Tony my_life_my_story@hotmail.com
如果你淨係要把聲，唔介意性能的話，都可以試下大陸喉。不過預左冇咁襟用。
|
3/4/2005
|
AN650
highway當開到130km/hr到, 個頭好"了", 見到堂軑係左右震震下.....
會係咩問題呢? fork碼有冇改善呢?
呢個速度唔應該會「了」。胎氣夠唔夠？頭胎是否有磨蝕至波浪紋？有冇「鄧」過胎？
|
3/4/2005
|
尾避振....
我部super four , 剛換了新尾避振，而家較到最軟，d灣ok,但係過親d凹凸地方，會feel到車架撞底(我諗條尾避振行已到底^~^），和感到車架正承受壓力，what can i do ?
如要調較，how to do ar ?
KITKIT
你都識話較到最軟，咁較番硬少少再試下。工具包應該有個勾，可以擰避震預載，即係套住彈弓果個環。
|
3/4/2005
|
Runner vxr一問
我想問我車二手買回來,感覺倒過凹凸的路時頭叉有吱吱的聲音的,這是否不正常呀.同我條頭叉是不是可以換fork油的,我應不應該去換油呢,同會不會好貴加
hello
是可以更換fork油的,價錢2-3百元到.換時可請師傅順便檢查一下波子盤.因好少會頭fock發生吱吱聲,
|
3/4/2005
|
換喉一問
老鬼你好,有事請教
本人的R6換了全梳己半年多,但沒有換風格及唧咀,最近發現在4500 rpm to 6,000 rpm 很嘈及很難上高轉數,是否要再tune engine 和 caburater, 有甚麽麼方法救,是否我經常慢車有關, 請問是否換回原裝喉好些,是全梳換或衹換梳焦便o.k.,那些嘈聲是否生氣筏問題,走了幾次高轉又好一些, 有點疑惑請老鬼幫忙.
relax winson31464@hotmail.com
巳換喉大半年從來都無問題請先檢查火咀,至於嘈聲會有多方面,如確定是生氣筏這只好攝一次生死氣筏確保距離準確.
|
3/4/2005
|
上斜
my bike is super four 我部超四，用３波上斜(SAI KUNG 大S 灣），rpm 到在大約６仟轉， 大約８０km，比極油 RPM ALSO 吾上，比d pgm 3 係咁過頭，是否my bike have problem , 直路就吾輸，好奇怪．
上斜時(SAI KUNG 大S 灣)，連部FTR ALSO 係咁過頭 ．
CAN U TELL ME WHAT HAPPEN AR ? ENGINE PROBLEM ?
THX U .... VERY VERY MUCH !!!!!!
KITKIT
直四400三波六千轉係巡航緊，上斜要發圍，試下落番二波把轉數推番上9000rpm先踢上三波。
|
3/4/2005
|
燒胎
在下最近學識燒胎覺得好好玩所以不停地練習，但請問成日玩除左傷胎之外(係人都知），對架車有冇ｄ其他傷害?
Scholes
唸唔到有乜特別傷害，不過猛烈操作通常都會加快極力子片的損耗。
|
3/4/2005
|
釘巴
本人之釘巴因炒車而(銀)到少少，發覺調整鬆緊時冇以前一格一格咁明顯，同埋有非常非常輕微滲漏，但仲feel到有油壓，咁係唔係會加快佢既生命週期呢?可否照用?日日用車的話一般平平地d DAYTONA 可以用幾耐，o lin 屎又可以用幾耐?提外話：如果同一個車手的話，一枝釘巴究竟裝落一架super 4 定一架cbr400作用大D呢?
青
照睇你支釘把柴柴地，如果釘把行程沒有彎曲，即使喪失作用唔拆走佢都冇所謂，只不過變成一支飾物。冇統計過平貴釘把的壽命，釘巴的質素也不是用壽命來區別。CBR400RR在彎中推至極限的機會大過CB400SF，所以放落跑車身上作用應該大d。
|
3/4/2005
|
Honda Forza X 炒車報告 - 老編事後檢討
事發經過:今日2/4中午時份駕著架Forza X在觀塘繞道向九龍灣方向，當時快線在修路中用雪糕筒封了，我那時在中線而交通當時都多，而一架在慢線的密斗大貨車(成架旅遊巴那般大)，在左邊突然切線過來，我當時在那大貨車的中間近後轆，他似乎完全無看後鏡及留意到我的存在，當時大家開緊 70 km/h 左右，眼見大貨車已過了我的火位線，就在電光火石之際，horn 都來不及按，馬上剎車及抽頭向快線切入，由於雪糕筒都放得密，我架車便直撞向其中一個雪糕筒，砰一聲後，雪糕筒倒下，而雪糕筒個底部把我架車拋起，成架車向右片低，我就拋離車身，右膝先落地，跟住右手肘，右肩，頭盔，在地上不知打滾了幾多圈，架大貨車就無碰到我，由於他都見不到我，因此繼續在中線駛去。
肇事原因及教訓啟示:
最後真要感謝主，今次其實稍有差池，真係有權死得！我現在祗是右膝磨捐了及筋骨肌肉的痛開始出來。警方已找到大貨車司機落了簿，他現希望庭外解決及願意賠償維修費。在此希望各位車友記住小心大貨車及穿上保護外套！
鐵騎快語：
希望今次意外，唔會對閣下造成太大打擊。
講番轉頭，老編睇番對事件描述的前因後果，對於不是教徒，唔想感謝主的話，有以下代替方法：
1)盡量避免在別人的盲區中停留，只應加速駛過或減速脫離盲區。
2)遇上車輛壓線，第一件事先響號示警，第二件事收油，甚至制動減速，同時車身在同線之內向外移爭取更多空間。
你應該知道一條行車線，電單車可以把它分成五份。當時你正在中線行車(快線封閉了)，為了防止別人在慢線佔過來，你的行車線位應是路面闊度的第一至第二部份(由左邊起計)。當貨車壓過來時，你可以減速和橫移向路面闊度的第四份或第五份。
總結是：盡量不如其他車並排，不在別人盲區逗留，靈活運用行車線位，主動利用加速或減速來避過危險，如能熟習以上技巧，便唔使感謝主。
|
3/4/2005
|
re: 滑牙問題
夠膽的話,開大孔,用大螺絲,大螺絲中間再開孔,搭條軟油喉,
以後就真係唔洗鬆,放油就拉條軟喉放.軟喉末端加一個螺絲帽,只用手上緊就ok
但此方法不適合於放油螺絲就係隔沙位置,例如shark150.
工程唔大,但就一定要有技術經驗..
有工具有地方,唔洗一小時就OK..
老鬼,你夠唔夠膽咁做...
NC
|
3/4/2005
|
回應滑牙問題
多謝老鬼
已經 dup 左牙啦,買 dup 牙同罹c都係百零蚊,自己攪掂左,唔該晒
|
3/4/2005
|
今天出車^^
好快呀^o^ 又好驚=.= 嚇到手都軟埋.又驚半路停車時死火.好似玩過山車咁.謝謝昨天的回覆
?男
??
|
3/4/2005
|
抄牌一問
老編，你話如果落車冚，唔顯示車牌的話，可以俾差人抄無顯示行車證。咁差人用乜野方法，紀錄低抄了哪一架車?如果佢只係留低張抄牌紙的話，我唔理佢開走架車，佢都奈我唔何喎...還是佢會叫拖車成架拖走?但差人都可能會怕麻煩算數喎...
無聊一問
既然你係無聊一問，咁老編又即管無聊地一答：即使你無車牌又無行車證，都重有引擎num跟到。
|
3/4/2005
|
RG 500
http://rg500gamma.net/
求其search 都有幾千個site, d 相要搵有幾難?想買? 幫你唔到~
路過的
|
2/4/2005
|
釘巴,Fork碼
老編我想問下裝釘巴定裝Fork碼個作用會大Ｄ同埋邊樣實濟Ｄ呢？
ken wong
兩種唔同野喎。前傾角較直的車，裝釘巴會減輕把手的過敏反應。前叉單薄的車種，裝fork碼能鞏固頭擔增強剛性。裝邊樣先視乎車種和駕駛習慣而定。
|
2/4/2005
|
vtec2
想問你認為忠南喉好定YOSHIMURA好,vtec2用?(斉尾喉)thanks
煩人
純屬個人印象：Yoshimura講性能，忠南講靚聲。問代理佢應該會有更心多心得。
|
2/4/2005
|
車匙防盜
磁性車匙~係甚麼原理呢???係多一個蓋那麼簡單???
老編估佢係指匙膽上有一塊蓋遮住匙孔果隻？
|
2/4/2005
|
超級白光燈~
真係好過份,有時會睇唔到後鏡架車仲有幾遠
有心人
|
2/4/2005
|
請問?
請問老編如果老電的車com後面篕住了車牌.可否?
理論上唔得。落車套後，抄牌可以一抄抄兩張，違例泊車和沒有顯示行車證。
|
2/4/2005
|
請問邊度有天若有情果架"Suzuki RG500"賣和有關果架"Suzuki RG500"d 相!因為本人十分鍾意,但係無資料.希望大家幫幫.Thank you very much
jay jay123@hgcbroadband.com
|
2/4/2005
|
re: 滑牙問題
本人有慘痛經驗 , 在一大車行維修 , 帥父鑼大了底座但是不用大一号的鑼絲而只是在原有鑼絲繞上鋼線然後便上回並說从後也不可小折下這鑼絲, 从後要換油便要在另一顆更高位置的鑼絲, 想問這做法合理嗎 ?
an150
|
2/4/2005
|
cbr150一問
小弟呢一排見到有部cbr150 fairing賣,原本之前買架新綿羊玩下,不過而家見cbr150個價又唔係貴,攪到我好想買,不過聽我朋友講150真係無咩力,請問如果呢架150啡令同架180runner比,邊一部整體性能好d呢???(頭及尾段加速)
傻仔
頭段加速可能係溫拿好d，因為個轆細d。中尾段應該係CBR150R好d，因為個轆大d。
|
2/4/2005
|
超級白光燈~
其實真係好唔明白~~香港地d道路街燈火通明,十步一枝街燈,幾難先搵到一條好暗既路..
點解d人係都要裝到d燈有咁光得咁光~~~慌死無人睇得見,盲既都比佢地照番開眼,美其名係話安全d~~行親對頭線要人地合埋眼先行得到~~人地唔慌唔安全la...反省下la d浮誇怪...ukcf
老編鐘意呢句：「浮誇怪」
|
2/4/2005
|
wai
想問combat係咪同忠南喉一樣.???
thanks
Combat係忠南喉其中一條model line
|
2/4/2005
|
ARROW
AROWW喉係咪外國嘢,vtec2有冇得用?邊度有得賣?thanks
昭佃
以前好似係極驅做代理，現在唔知佢地咩環境？
|
2/4/2005
|
請問電單車日常保養還有沒有其他
風choke 風隔 偈油隔 電油隔
換軚 打軚氣
加電池水 換電池 換整流
洗吸(化油器) 換火嘴 攝哇咾 攝油門wire 換油門wire
攝極力子wire 換極力子wire 換極力子
攝鏈 換鏈 落鏈油 落尾牙油
換brake皮 換brake油 攝brake wire 換brake wire
換fork油 換避震
(本人本來對電單車認識不多,但自從有每天看老鬼信箱的習慣後就看見以上的字眼)
本人還未買車,但如果咁計咪好重皮?燕梳牌費加埋一年都至少三千幾啦,計埋油費同以上雜項,仲有超速衝燈違例泊車等(政府無錢係人都知,做公務員同做sales一樣要追target我更明白)真係出車前要諗清楚啊!(有些無奈)多謝指教!
求知者
睇你點唸，如果同搭巴士比較，自己用車實會貴d，但換來空間和自由，值得用錢交換。搭車要同d三唔識九的人坐埋一齊磨膊頭，坐的士又睇唔順司機的駕駛方式.....自己開車，唔使趕班次唔使追巴士唔使迫地鐵...如果你係痴漢則另計。
|
| |
|
|
|
 |
