|
|
|
FAQ常見問題 |
|
|
31/3/2005
|
能源來源
回應有關能源問題:
一般內燃機效率為30%左右，即有7成電油是消耗在熱、聲、未完全燃燒電油上，此乃內燃機的特點，暫時科技上未能達到正更高效率。
電動摩打一般有90%以上效率，看似電動摩打效率比內燃機高出3倍以上，更合現今環保要求。可惜大家不要忘記一點，除了太陽能電池是把光能直接轉化為電能之外，其餘絕大多數發電方式包括核電都是採用內燃機或渦輪發電，渦輪的效率和內燃機差不多，可能更差。
大家要比較引擎與電摩打的效率時，要考慮推動摩打的電能是如何產生的。總結是，摩打比內燃機要差10%效率，此外我們還未計算長途電纜的損耗。如果用[叉電]要計算電池的損耗。所以其實電能是比內燃機更消耗燃料，更不環保，只不過電能可以將污染源頭集中在發電廠一帶。
Al
|
31/3/2005
|
再論喇叭
Hello,記得有一次在屯門公路開著架日產,突然間很想睡,但一直堅持著,死頂著,但最後竟然睡了三秒,醒來時真的嚇到膽都破了,後來與朋友講起呢件事,他們說裝個裝音響係架車到會防止入睡,因為紿終係長途來說都十分悶...昨天晚想了想,係架電單車到裝個音響有可能有個好處,就係在長途的時能解悶,不會容易入睡,我也不知對不對,要試過的人才知了....我過個人覺得把電單車改來改去,變出自己喜愛的東西且與別人不同,也是一門高深的藝術,我不會去批評別人裝音響,只是當成一個可討論的題目,看看這樣改法的效能究竟可以去到什麼情度而已....我們當然沒權利去否定別人的玩法的,老編的觀點在我看來相當客觀,因為提出的理由都相當能成立,屯門車友應不會介意這樣小事的.....只不過是聊天而已....
David
|
31/3/2005
|
電單車可否泊一般大型停車場
請問電單車可否按照私家車般取票或用八達通進入一般沒有電單車車位的大型停車場如海運、金鐘、機場等停泊？
Al
每個場都有佢自己的規距，要睇清楚先。金鐘和機場的停車場可以泊電單車，海運唔清楚。
|
31/3/2005
|
re : 頭盔
咁有冇機車或巡航可以放到兩個頭盔 ?
同樣不計尾箱~
re
唔計尾箱，咁邊箱或掛袋計唔計呀？如果唔計的話，咁莫過話兩個頭盔，搵架車可以放到一個頭盔都窄窄地。車身採用假油缸設計可放頭盔的，印象中有Suzuki Across 250和SW-1。呀！重有Honda PC800，可以放兩頂係車尾！其他重型巡航跑車跟埋邊箱果d算唔算？
|
31/3/2005
|
所有屋苑近期狂捉泊車
唔知大家知唔知發生乜嘢事呢？我最近去到幾個以前唔捉泊車嘅屋苑最近都開始唔比泊，好認真鎖你車。我屋企都唔例外，有D位D人都泊咗幾年而家都話鎖車。最慘係電單車無時租，我屋企附近又無排骨位，咁有朋友去我屋企都唔知泊邊！究竟發生乜嘢事呀？
腦細
|
31/3/2005
|
喇巴
其實呢個問題亦都出現係我同我D朋友之間，我有D朋友好享受一路聽歌一路揸車，而我就同老編之前所講一樣覺得揸車就揸車，裝個音響係架車道我覺得好多餘。而我就更偏激甚至乎連綿羊都唔多鍾意。最後我覺得其實揸電單車大概分開兩種人，一種係好似我咁享受揸電單車本身嘅樂趣，所以就算而家D綿羊性能拍得住街車都唔會鍾意揸，因為比油就去拉brake就停跟本滿足唔到我。另外一種人係享受揸電單車嘅方便，如果綿羊裝埋音響揸得又舒服又可以聽吓歌無咁悶。佢地根本唔會明白到我地對電單車個種嚮往，個種情意結。所以到最後我都覺得只不過係大家對電單車有唔同嘅要求。
單氣缸生命體
同意閣下所言「只不過係大家對電單車有唔同嘅要求」。之前有車友講過：對電單車的外表越多要求，越古靈精怪的，通常駕駛技術都麻麻地.........。咁如果唔能夠充份享受電單車的機動性能，自然會向其他方面動腦筋，補償駕駛樂趣。
老編正在努力學習尊重多元化的社會，只要不影響安全和操控的改裝，便可各自各精彩。
|
31/3/2005
|
大車或細車
本人經常要行走西貢, 一架細車如 et8是否不太適合, 400cc以上的綿羊會否適合一點?謝
ET-8在西貢區內行走？都OK架。咁400cc綿羊梗係幾時都好過150。
|
31/3/2005
|
頭尾牙
老編:我想問下我在拍賣網看到有cb400既頭尾牙賣而價錢亦很平，用得過嗎?個Ｄ係咪大６野黎架??
浩
頭尾牙係高壓傳動零件，原廠貨最耐用，但較重。Kit身輕d，但會蝕得快d。唔知你講果d係乜野料....自己問清楚好d。
|
30/3/2005
|
喇巴
是否好聽是見人見智問題了,我沒有裝也沒想過要裝,但客觀上音質應該痳痳地,雜音太多了,或許這樣才有一種特殊的享受,這我不知道了....
我騎車時連自己亨歌都很少,除非路況非常明朗,車流不複雜的情況下帶著個大頭佛才敢亨一兩下,否則連女友都不敢多想,耳聽八方,眼觀四面,專心一至,才是正路.我見過一些人騎著部車好像還未訓醒,...又見過的騎士自己痴笑,一定是在想女友了...甚至見過打手機的,....始終係人包鐵,一定要專心,開房車聽歌會比較安全d,....意外可能只會遇到一次,是第一次,也是最後一次...你問我這樣騎車法會否很悶,我很享受風流在安全帽底下衝過的聲音,真的好聽,要聽歌返到屋企至聽...
David
老編對風聲冇乜興趣，反而享受排氣聲的變化....人車交流唔使睇轉數錶....
其實有關安裝喇叭的問題，之前老編講大段喇叭文章，純綷係一時衝動，家下有d後悔。
事緣答信時剛完成上海SIC的報導，再殺緊Ducati春裝iBikegal的製作，做到好L煩，所以先會發脾四。希望係屯門公路開100km/h一路聽歌一路唱果位仁兄唔好介意。
|
30/3/2005
|
er-5一問？
請問er-5有否新舊款,有沒有轉過款？謝謝！
小羊 pinky_cyc3001@yahoo.com
有冇轉大款就唔肯定，細緻改良一定有。
|
30/3/2005
|
普通車的馬力
我想知一般車的馬力大約幾多,平均時促是幾多?
happy
在香港馬路常見的電單車，由八、九匹馬力到一百八十幾匹都有。平均時速？呢條問題難答少少。係跑道先有平均時速，馬路冇得計。
|
30/3/2005
|
人無人有Suzuki RG500 既相偍供?....有無人可以幫幫手..十萬分感激...
thank you very much !!!
jay jay123@hgcbroadband.com
|
30/3/2005
|
喇叭
唔係下代
電單車都攪咁多野......小心抄車呀......兄弟
|
30/3/2005
|
re: 喇叭
見過有人裝..
騎者可能好陶醉,,但其他人就覺得係嘈,
除非你對係超靚喇叭,若是普通雞野,擺係頭盔d 聲仲靚.
咁空礦既地方,,可以想像到d 聲會係點呢..一個字....散
|
30/3/2005
|
天若有情電單車牌子
三)Suzuki RG500
eason
|
30/3/2005
|
re: 4仔 細 2t的一問
我架偉士px200, 2t都係咩都入, 唔理牌子, 冇問題, 不過esso最平果隻(紅樽), d白煙嚇到我怕, 好似火災咁.
小羊
|
30/3/2005
|
RE:天若有情電單車牌子
三)Suzuki RG500
華 Dee
|
30/3/2005
|
re: 喇叭
駕駛電單車風聲大過引擎聲，點聽歌呀？
+++++++++++++++++++++++++++++++++++++
好多人都係咁講, 你試過未先!? 真係聽唔到, 就唔會咁多人裝啦, 屯門公路行100都聽到, 仲可以跟住唱添呀~
老兄多謝你的來信，但相信老編和好多車友都同你唔同境界。包括對速度和對音質的要求。
講音效，o靚仔騎果d單車仔掛住對喇叭可能重好聲d，起碼有機會用一個真正的實木音箱。
但係對生活有要求的人，聽到喇叭有聲唔等於聽緊音樂，反而係噪音。大部份喇叭的設計都係俾你在室內聽，重在指定的距離範圍內聽。一般常見在錄音室內擺在桌前的鑑音級喇叭比起常見家居喇叭會貴好多，因為咁近距離聽，喇叭一定要做到冇雜音。而要在戶外空曠地方使用的喇叭又是另一種設計。放在電單車身上的喇叭，又會是甚麼喇叭呢？講左咁大段文都只係假設架車在靜止狀態，喇叭的音質己不能接受。莫過話開車個時。
駕駛電單車應集中精神，何必聽歌擾亂聽覺分散注意力？(假使你唔當果d係噪音)
|
30/3/2005
|
天若有情電單車牌子
請問你地知唔知華仔以前拍果套"天若有情"
係揸咩suzuki電單車架? (有三個人同我講左,不過三架都唔同)
一)Suzuki T100
二)Suzuki SWX 8WU
三)Suzuki RG500
Thank you very much.....
幫幫手呀,我好雖要知道真正既答案!!!
jay jay123@hgcbroadband.com
|
30/3/2005
|
2t的一問
請問如果入開eIf的2t,但朋友叫我試下用motul 2t,我想問問如果未用晒之前
eIf的2t,可唔可以溝埋motul2t一齊用?還是等到用晒之前的2t先好入呢?
4仔 細
應該冇問題。都係拿去燒姐。
|
30/3/2005
|
高性能儲風鼓
Dear Editor,
1. Can '高性能儲風鼓' improve SR400's overall performance?
2. If I decide to use '高性能儲風鼓' instead of the original air filter, any further auxiliary modification(s) be needed? E.g Exhaust pipe, Carb main jet etc.
3. How long can '高性能儲風鼓' be used?
4. Can it be cleaned and re-usable?
5. Any comment(s) on Japan VS Taiwan's '高性能儲風鼓'?
Thanks
SRbiker
唔係好知咩叫做「高性能儲風鼓」。如果係高流量風隔，要配合低阻kit喉和增加燃油量方有效果。如果係加大風盒容量，便可起到穩定入氣壓力的作用，對於有Ram-Air的高轉數引擎有一定作用，起碼值幾匹馬力。但風盒容積唔係話改就改，所以一般車都唔會有現成的加大風盒購買。最後係，玩SR400係講feel，唔係講馬力。要馬力，唔該換車。
|
30/3/2005
|
能量來源
係呀!~D 人話內燃機有大部份能量變左廢氣同熱能(火),
所以內燃機能量輸出其實不太好
機器人 hayabusa_su@yahoo.com.hk
|
29/3/2005
|
vtec2
頭呔和尾呔最多行幾闊?風隔可以自已清洗?
KEN ayu8096@yahoo.com.hk
最闊就係原庄呎吋。紙隔只能吹，吹到咁上下都要換。
|
29/3/2005
|
能量來源
我想問內燃機和電動摩打,邊種會有較好的能量輸出?
janmy
純理論，老編估電能效率較高。
|
29/3/2005
|
小弟一心想去遊車河,點知行到東廊時不知何事死火(好像無力一樣).點都著唔返,以為是水滾,看見水箱又有水正常,又不是無油,結果等個字後試下,著車,著得番,但行了大約二三分鐘後又好似無油咁,死火,於是只有Call台叫拖車.我想問知不知是什麼一回事?My bike is VFR400 (NC30),Thanks
Chris chanhangcheong@hotmail.com
一係落唔到油,一係化油器油路不暢順.
|
29/3/2005
|
老鬼師父你好;小弟的二手CB250剛買數日,行得走得,但今朝想用車,著匙後全車無反應,無燈,無安,無START,連OFF波燈都無,用'他錶'CHECK電池又有電喎!點解會咁架?點先救得番呢?
John
是要檢查main fuse,如main fuse燒得,即係有長火落地,必須小心檢查全車電器和電線,以免行車途中死火.
|
29/3/2005
|
散熱風扇
如果散熱風扇壞死,會對車子有什麼影響.怎樣才知道, THANKS.
唔夠散熱引致水滾,經常過熱會損壞機器.
|
29/3/2005
|
CB400 Vtec I
部 cb400 vtec I 著左車後轉數表在1000-1500上上落落,好易死火,唔知係咩野原因呢? 熱左車都係咁.
TEC 1
要檢查風格,火咀,有必要清洗和調較化油器.
|
29/3/2005
|
水箱
老鬼 你好 本人愛驅水箱漏水 但唔想買個新 睇過以前文章 你話可以cut左個水箱 頭尾燒焊 咪無水箱都得架咩?會唔會有咩影響?唔該!!!
心急人
並唔係無水箱,係打橫cut,行小一行水路,有無得修補車行師榑一看就知.因有些位置是不能燒焊的.
|
29/3/2005
|
指揮燈問題(續)
唔好意思!請問係咪去私家車用品舖同佢地講12V圓形L腳閃制佢地會知架呢?駛唔駛講埋要低火數D呢?因原裝個寫住18W12v的.駛唔駛改插座呢?因原本果種有3條線架喎?唔好意思又要解答多一次!唔該哂!!!
要買這個制原因是它乜火數燈膽都用到,得一種無得錯,但麻煩在要改電線插頭,將3線改為2線,將中間綠色拆起,其餘照插便可.
|
29/3/2005
|
車牌問題?
最近在條街嘟見到個女子,當時覺得好面熟,當我記反起原來是我的初戀情人,我正想走過去時她就開車走了,我記下了她的車牌號碼.我想問老編用什麼方式可以撿到她的電話號碼呢?我听朋友講可以用車牌檢冊但我又唔知點檢,請問你可以幫我嗎,謝謝.
心急人 man166896@yahoo.com.hk
向運輸署查閱登記車主的用意，是為車輛轉讓而設。你想起人底，呢個途徑嚴格來說是不道德也應該不合法。(好似話修緊例定係已經修左例，進一步保障個人私隱)
|
29/3/2005
|
hi 老編兄：CB400 BIG ONE 一問？風鼓下有一圓孔,其直徑約1cm大,其形像尾趾,時有機油泄出,不知其有何作用？best regards!萬幸！
freeman leungwaimanhk@yahoo.com.hk
請檢查機油容量是否過高。
|
29/3/2005
|
Re:SAM車胎
Becareful, there are some shops selling brand new (but expired, the tie was made in year 2000) 象胎 in the market. I was one of the victim. The 胎質 has changed and is really 滑. You never know only when you change the tie. I was told by another shop while i change my ties..
adult
|
29/3/2005
|
re喇叭, 頭盔
老編.. 高音甜，中音準，低音勁.....聽落會好散兼一舊舊架,咪鬼俾無間道呃倒你啊
呵呵
|
29/3/2005
|
喇叭, 頭盔
請問老編 :
1. 係咪差不多所有大羊都可以有位加音響系統 ? 巡邏車或機車得唔得 ?
2. 哪些 250 / 400 cc 車可以擺放兩個頭盔 ? (不用尾箱)
多多指教 !
i bite
老編冇研究過在綿羊上裝音響的可能性。一定要裝的話不惜工本肯改位一定裝到o既，但老編想問果d外露防水喇叭，得少少塑膠櫃桶做音箱，d聲得唔得架？老編要「高音甜，中音準，低音勁」果隻喎？重要破壞車身還原唔到，用電多左，車身又重左，又少左地方放野，重要驚俾人爆機頭.....聽少一陣歌唔使死呀？
可放兩個頭盔的綿羊有好多，如果兩頂都係full face的話，Forza/Majesty/Burgman一定得。
p.s.駕駛電單車風聲大過引擎聲，點聽歌呀？
|
29/3/2005
|
新車行了幾天個電子錶版有裂紋.
老編你好,我買了部KAWASAKI 05' 636R ,新車只行了幾天,今天發覺個電子錶版之邊位,有半吋長之裂紋伸入中心.推斷可能是行車震到所致.那位置沒有人及物會推到它的,心感疑問..
取了車一星期沒有撞及趺,行了300多/KM, 返去問代出車之車行,車行問泰力代理,代理回覆我收車時沒有問題,車之配件有問題不負責,我覺得有點不合理,請老編指點..祝各位工作愉快..
RAYMOND ray877@netvigator.com
要代理承認問題所在，此現象必需發生在大部份同類產品身上。否則偶一個案，不會受理。
|
29/3/2005
|
安全帽問題
老編大人，我剛買了個一仟元的Nolan N61安全帽，但外殼那一層好像還是用硬膠造的，想請問用多少錢才能買到用纖維造的安全帽，，，，謝謝
David
名廠俾真係賽車手用o既Full Carbonate頭盔，萬多元應該買到。行街用的幾千蚊都應該有。
|
29/3/2005
|
Re:高速公路一問
Aaa......關於呢個問題我諗有老編有需要澄清......
根據道路者使用守則第五章入面，關於快速公路及主幹路所講：「除駛往右面出口或超車外，在快速公路上必須靠左綫行駛。」留意字眼係必須而唔係盡量。
而快速公路上每隔一段距離就有一個白邊藍底，上面寫住「除越過前車外 靠左駛」既「指令性」交通標誌，唔遵守係絕對會被票控架。
隔離檯
差人拉架~~
|
29/3/2005
|
Re: CB250 vs SR250
前面有人問邊部250街車比較好CB or SR ,其實兩部我都抯過一段長時間,其中CB250比較可取,因其全車結構比SR實淨,雙騎比SR穩陣,雙缸機器比單盤於高轉時有更佳表現,SR用綱線吟,不能用原子呔,唔實際,至於油錢、保養兩架車就差不多,但車價CB就比較貴,但二手有價,唔抯都唔驚冇人承接,不過重有一部250街車我想提供,就係GN250,用來代步一流,比CB唔輸涉,但肯定好過SR。
魏福如
|
29/3/2005
|
專業名詞一問
老編您好:在電單車規格表內，最大馬力的專業名詞都有很多種，如 20hp、20ps、20kw等，它們那個最大/小呢？英文字代號解作甚麼呢？煩請指教！THX : )
辛仔一鳴
pferdestaerke (PS)=1
horsepowers (HP)=0.98632
kilowatts (kW)=0.735499
|
29/3/2005
|
Skywave的分別
小弟想請問：Skywave AN400 Type S版同埋Skywave AN400i Type S版,分別在於邊度呢？邊款好ｄ？
心急人 forza_bike@hotmail.com
你講緊兩代車喎，除左供油系統有行「i」和行化油器之外，直情連個樣都唔同埋。車頭儲物佈局和錶板都唔同。咁梗係新款好過舊款啦。
|
28/3/2005
|
re:換油
乜唔係有換油服務個d油站個d就可以倒廢油架咩?全港得個兩個油站公開比人倒廢油??少左d喎..另外我想問老編知唔知邊度有個d板手(好似叫"呤梗"同埋"喉呤")買呢??仲有拆偈油隔個個叫咩??(好大個六角匙咁架呢)呢幾樣野我都搵唔倒邊度有得又平又會散賣..,請問老編你知唔知邊度有呀....最後想問係咪個個偈油隔都係一樣架??會唔會唔同車又唔同架呢..買個時又應該注意d咩?
新仔
處理廢油要俾錢架...有兩個油站俾你倒咪偷笑o羅重想點？維修工具可以試下問三禾，油隔都有分呎吋，買油隔人地梗會問你係咩車
|
28/3/2005
|
高速公路一問
電單車係高速公路係咪吾可以行最右線(例：屯門公路)
同行高速有咩要小心比抄牌
gary
只有P牌先唔可以行最右線，其他人都得。但都應該盡量只在超車時先用，不應長期佔據快線行車。高速公路的抄牌機會有超速影快相和跟車太貼，記得保持兩秒守則。
|
28/3/2005
|
RE: SUZUKI GZ150在高速公路
我都係用GZ150,經常由將軍澳去馬鞍山,都要行觀塘繞道及大老山,老編說得對,keep 70-90km/h 係無問題架, 我騎過SUZUKI AN250行觀塘繞道,穩定性同GZ150差唔多,但當然AN250加速好D啦!
RR
|
28/3/2005
|
RE告票一問！
會唔會係抄錯牌啊,攪清楚先啦
|
28/3/2005
|
如何合法地棄置舊車
老編你好.本人有部250cc電單車巳不能駕駛,想將它劏掉.
請問以下問題?
1.正常手續要點做?
2.需要付那些費用?例如需否繳付拖車費?劏車費.......等?一般是多少?
3.需否付費給運輸署?
4.劏完的零件是否可以出售?售去何處?可賣到多少錢?
5.可否介紹一兩間可靠劏車行?謝謝.
大雄
1. 將車輛售予商營廢車回收公司
(1) 保存該車輛的登記文件及車輛牌照正 本；
(2) 向該廢車回收公司索取車輛拆毀證明書或收據 (你必須確定該廢車回收公司的商業登記證號碼已列於證明書或收據上)；
(3) 於十五天內攜同以下文件，到運輸署牌照事務處辦理取消車輛登記手續：
a. 該車輛的登記文件正本；
b. 該車輛的牌照正本 (若牌照仍屬有效)；
c. (i) 車輛拆毀證明書或收據正本(如該車輛已拆毀)；或
(ii) 運送文件(如該車已輸往外地)；
d. (i) 車主的身分證明文件 (如車輛屬私人所有，請帶同車主身分證或護照； 如車輛屬有限公司所有，請帶同該公司的公司註冊證)；或
(ii) 假如車輛是交由他人代辦取消車輛登記手續，代辦人須帶同由車主簽署 的授權書及附有車主簽名的車主身份証影印本，及出示代辦人的身份証 正本；
e. 已填妥的「取消車輛登記通知書」(TD 184)。
有關經營廢車回收業務公司的資料，可以參閱各大報章的分類廣告或從電話指南分類廣告中的「汽車拆卸」取得。
2. 將車輛交予政府廢車收集中心 - 現時，本港祗有兩個政府廢車收集中心。一個位於九龍大角咀，另一個位於沙田火炭 。如果你決定將車輛交予政府廢車收集中心，請留意以下各點：
(1) 由於面積有限，這兩個廢車收集中心是以先到先得的形式為市民提供服務。為避免不必要的延誤，請先致電火炭收集中心 (電話：2604 4197)或大角咀收集中心 (電話：2391 4423)，查詢是否有空位容納你的車輛；在確定收集中心可接收你的車輛後，請自行安排將車輛運送至該收集中心；
(2) 取走車內所有個人或貴重物品；
(3) 帶同以下文件，辦理交付車輛的手續：
a. 該車輛的登記文件正本；
b. 該車輛的牌照正本 (若牌照仍屬有效)；
c. (i) 車主的身分證明文件 (如車輛屬私人所有，請帶同車主身分證或 護照；如車輛屬有限公司所有，請帶同該公司的公司註冊證)；或
(ii) 假如車輛是交由他人代辦交付車輛手續，代辦人須帶同由車主簽署 的授權書及附有車主簽名的車主身分證影印本，並出示代辦人的 身分證正本；
d. 已填妥的「取消車輛登記通知書」(TD 184)。
中心職員在接收了車輛後，會發出一張收據。待有關取消車輛登記手續辦妥後，運輸署會根據車主向運輸署申報的地址寄發一封通知書，知會車主已辦妥取消車輛登記手續。
|
28/3/2005
|
告票一問！
老編你好！本人上次比人抄牌,(本人收唔到告票)但三個月收信要本人交$320
我在限期最一日交,但大鑊啦！我係網上或提款機都交唔到(話個告票号碼唔正確)
(因四日假期交通部休息)我又打去北區交通總部問,佢地話可能或唔洗罰$640
老編:如果要罸$640！我可唔可以用網上銀行交易記綠黎(on jet 唇架)
why罸款個編号why會唔正確(上次都係網上交都得)thx
PSP
可以一試，但呢個故事o既教訓係：掂都都要俾，點解要等到最後一日呢？$320計你兩厘息存一年先得個$6.4，拆開一個月先得個$5.33..........
|
28/3/2005
|
操控方法
老編你好..我想問一下操控的手勢問題，假設開一架150自動羊，想行平均80 左右..究竟是, 行到九十左右，收油等佢跌到七十再加速，還是全程定速80..對引擎的保養較好?還有，哪一種方法較慳油?
多多指教
應該係扭油上到90km/h之後，收油等佢溜一陣，當速度慢慢下跌時，吊住油門維持在80km/h，此時便會在高波低轉的狀態，較慳油也對引擎的負苛較少。要保養引擎，主要是不過熱，多換偈油。
|
28/3/2005
|
Re:SAM車胎
我都用緊象胎真係覺得麻麻地 都試過甩尾 D胎質好似好硬今唔多咬地 其他牌子綿好多
唔打今多氣可能會好D 不防試下吖 SAM兄
車仔
|
27/3/2005
|
RE: RC Supberbike!!
如果在日頭會好d,光猛d嘛
|
| |
|
|
|
 |
|
