|
|
|
FAQ常見問題 |
|
|
22/3/2005
|
油隔問題
請問油隔是否分偈油隔和電油隔兩種,因看見老鬼的回答才知道有這個字眼,所以想問一問o 電油隔又是否每部車都有呢? 另常聽見有人說水滾問題,請問如在塞車時真的水滾又可以怎去處理?難道要即時關掉引擎然後任由愛駒停在路上冷靜下來?
求知者
管電油便是電油格,管偈油便稱偈油格,管入風便是風格,....係車位整爛人地倒後鏡叫衰格.正常如在塞車中水滾,一係找車隙走人靠速度用風冷卻,如果唔得就真係要停埋一面,凍左入番水再到車行修理.
|
22/3/2005
|
偈油放氣喉
請問師傅,偈油放氣喉對CB400機器是否正面作用? 安裝後偈油會否由放氣喉射出? 喉身是否不能出現向下彎曲(因偈油會停留於彎曲位而不能反回機器內)? 安裝時有甚麼須要注意?
Gary
有散熱和減壓作用,有幾大作用就不知道,外觀嬴多!裝的時侯避免屈曲便可.
|
22/3/2005
車友投訴
|
關於：張貼電單車保險宣傳單張
敬啟者：
事緣敝公司於3月10日收到一名讀者向iBike投訴，關於張貼宣傳單張在其電單車車套上，因撕開宣傳單張時雙面膠紙同時將車套面層之防水膠質破壞，留下永久痕跡！
敝公司對上述事件深表歉意，同時十分理解作為車主的感受！經過今次事件，我們會檢討張貼宣傳單張之做法，以避免再有同類事件發生。
敝公司在此再三向有關車主致以萬分歉意！
三聯顧問有限公司
|
22/3/2005
|
RE:小心拍車
15分鐘走一家車吾出其丫.有時我放低家車.5-10分鐘就閃
又路過的
|
22/3/2005
|
人牌過期
在實施電單車强制試前曾報考電單車但肥佬的可向運輸署提供証明免考強制試。因此人牌過期３年後重考應該無須考強制試。
沙田友
|
22/3/2005
|
被七人車撞
老編你好,我架Magna 250泊街位,但泊左出Park位,有日被架七人車撞到前轆,成架野反左,當時我並不在場,好彩有第三者睇到,願意作證,雖然未聯絡到七人車主,但已知佢車牌號碼
架車已車去車房,換呢樣換o個樣後話要$二千幾...請問我應否報警,同車主商討賠償時有乜要注意?Thanks
應該報警備案，再聯絡車主，表明有證人及報左案。保留所有單據，維修前影低相作證。
|
22/3/2005
|
電池水
我想問如果電池無水是不是可以去油站買o的電池水自己添加可以嗎,有什麼地方要注意呢.thank you
123
入蒸餾水便可。但現在的電池應該係密封式電池，冇得加水。
|
22/3/2005
|
小心拍車
勞氣人,好高興大家回應,有好有壞,寫小左時間,大家就估估吓,又話本人由早拍到晚未必係佢整花咁,我拍左一小時咋,你可以話十五分鐘走一架車都得,鬼叫我唔係人贓並獲,死無對正,唔花都花左,唔通整番人咩,張心比己,我都唔係咁無品,下次放路邊或後巷好過,好彩我部車唔算新同靚,但係都有感情,用咗四年,點講都有小小唔高興,希望各位大哥小心拍車
勞氣人
|
22/3/2005
|
Re : 泊車
雖然搬車、掂人地架車已經構成「干擾車輛罪」。但學老編咁講，排骨位緊張既情況又令到大家迫於無奈要咁做，真係幾矛盾.....我諗，如果真係唔識點搬既話就唔好亂黎，因為到時唔小心、因一己魯莽而搬爛o左人地架車，就唔係干擾車輛罪咁簡單，係刑事毁壞；就算識搬都好，搬既時候個動作點都要溫柔d，好似搬自己架愛驅一樣，因為搬車呢個動作始終有d瓜田李下，俾d錫車既車主見到你郁佢架車，佢點都會有d唔高興，如果你當時唔say聲sorry，仲大大聲、義正辭嚴咁以為自己係o岩哂咁講：...話唔搬點泊....呢度無位就個個都係咁架啦，諸如此類既說話，而對方又係識d野既話，就真係報警拉你都有之。
|
22/3/2005
|
REAR SUSPENSION
MY SUPER FOUR NEED CHANGE REAR SUSPENSION AR , I SAW A REAR SUSPENSION ABOUT $400 , I KNOW IT MADE IN CHINA , ANY ONE TRY IT , I AFRIAD ITS VERY POOR , BUT THE OUTLOOK IS QUITE GOOD AND HAVE BOTTLE .DID U TRY IT BEFORE ?
BOBBY
咁既價錢真係幾難抗拒....當你幾個月換一對新o既都唔係貴....
|
22/3/2005
|
Re:車牌過期
人牌過左3 年應該唔得~
路過的
又好似係呀~~DD
|
22/3/2005
|
Re:車牌過期
4.1.1 正式駕駛執照
- 正式駕駛執照可於有效期屆滿前四個月內續領。如執照有效期屆滿超過三年，則不能續期。在此情況下，你如欲再次領取正式駕駛執照，必須重新申領學習駕駛執照（表格TD 555）及參加駕駛考試，但無須再次參加筆試。
- 如欲續領執照，請填妥指定表格TD 557，連同原有駕駛執照、香港身分證(或其他認可身分證明文件)及應繳的費用一併遞交。
平民
唔該晒！
|
22/3/2005
|
泊車
老編：想問問見到有人在排骨位搬緊自己部車想泊位，大家會點做。老編你又會點處理呢！謝
kk
老編出入的地方，電單車位超級緊張，兩個位泊四架車係好正常的事。通常見到人搬車面都係拿車走人的時候。老編通常都會快步走埋表示要走，叫對方等一等唔使急，然後推架車出來俾左個位俾人泊先，再慢慢搞埋開車前的細節野。
法例上雖然話唔俾搬人地部車，但現實生活中好多時唔搬車根本泊唔到，因為咁多車不停咁出出入入，空位唔可能每次都o岩o岩好。如果只是輕輕搬半個車位自己便可入到車，人地又走到的話，冇可能唔搬。但搬車都要識得搵受力位搬，只要唔會扯爛推跌，便可以接受。家家有求嘛~~
|
22/3/2005
|
回覆擔心人
我上次講六千轉都很90~100到..但本人換咗新傳動組咀線整流所以爽DD 你部車六千轉80幾勁正常放心!!
PX200 大宝
|
22/3/2005
|
私人買賣
請問私人買賣電單車有咩地方要留意?我是賣方 轉名交車 收錢現金定轉帳好?? 賣給車行差得遠唔遠 煩請老編大人3q
新牌仔
睇左呢篇文未？車行收車當然會有差價，幾千蚊燈油火蠟錢點都要。
|
22/3/2005
|
Re: 鎖車(隔離檯)
老編講野真係好鬼玄... 好鬼正, 睇得多真係唔單止電單車技術增加. 仲學埋做人添... 我日日都睇你信箱. 唔睇過都唔舒服. 真係好感激你,要你每日覆甘多既留言.真係辛苦曬....
BTW: 我都係支持隔離檯既睇法... 老實講呢個世界甘多人,佢點做我唔會過問, 仍無需多講,你話我百癡又好點都好,有時做人最緊要過到自己既姐.問心無悸.對得住自己,對得住人地.
Po
|
21/3/2005
|
買車
老編你好,本人身高約1.68米左右,是否可以騎到sv650 (800mm seat height)?
有一定技術冇問題。
|
21/3/2005
|
gn250
is suzuki gn250 made in china?
kwan stephen98021@yahoo.com.hk
yes
|
21/3/2005
|
呢排瘋狂抄泊車
想問正常位無哂, 泊側邊定附近天橋底或後巷比較容易過骨? 點泊先唔會比人抄? 唔該唔該!
siu sstam@mail.hongkong.com
違例泊車點樣可以唔俾人抄牌？呢樣野唔到你控制個喎....
|
21/3/2005
|
你好:我想問下,如果水箱漏水可以怎麼辨,只是小漏,要熱才漏.
水箱漏水當然要整，視乎邊部份漏水，會用燒焊或更換的辦法處理。
|
21/3/2005
|
Re:希望各位大佬小心拍車
勞氣人大哥.我想同你講.我無刮花你部車同無搬過人地部車.我見有位o米泊車.不一定是我呀.你夜晚先取車.中間有咁多時間.有其他人搬過都吾出其.大家都知旺角車位少電單車多.同一個位都不知道有多少部車泊過.以家你一口咬定係我刮花你部車.我還有甚麼話說.有點兒無耐...
8809
咦...喂乜咁齊人呀呢度？投訴者與被投訴的人都陸續現身....
|
21/3/2005
|
愛驅出問題,但唔知信邊個
你好,本人架atlantic200前排行高速公路時突然間死火,之後去車房整,師父話架車油隔可能污糟塞所以死火,之後佢冇幫我裝番油隔就插番條油管落副偈,話咁樣冇問題重會行得好順,之後須然著到車但架車慢速時好明顯有小小窒,但速度行過60km後直頭狂窒之後死埋火,要停一分鐘到先可以著到車,之後再返去維修,今次師父幫我加個油泵加大泵油壓力去副偈,但係佢都係冇裝番油隔,裝完後話渣番二日睇下點,結果行上高速公路都係好似之前咁死法,之後同朋友傾番架車件事,佢話架車其實只係冇裝油隔先會咁窒法,裝番個新油隔就冇事,重話個師父咁整法我架車副偈重死得快D,請問知唔知我架車其實壞乜?我朋友講係唔係正確?個整車師父咁做我架車副偈係唔係會好傷?thank
一個乜都唔識P牌仔-chung
第一電油格是隔開油缸內的污物,是要定期更換,如果唔係一樣會過唔到油,而之後佢無裝番電油格係佢的做法,如電油泵打柴是可以check到的,並不會番手因試車後唔得就唔會叫客取車除非佢無試車,而無裝電油格是不會傷車的,你架車壞得好明顯,一係火一係油,只係佢無試車,因試車後便知乜問題.
|
21/3/2005
|
side car 2
如果自己係外國買部side car回香港交車房安裝,唔知有什麼政府手續呢?電單車牌怎麼樣改做機動三輪車牌?要唔要比稅?點計?需要交比政府做test嗎(安裝之前及之後)?
Mac mactse777@yahoo.com.hk
唔係原廠規格，或者冇原廠安全證明書，即係自己改裝車輛，批準的機會好微。
|
21/3/2005
|
買車
老編你好,我想問通常1.68m高可以騎到幾高既座高(seat height)? and 是否 cc 越大既車
越危險 or 越困難控制??
你不如介紹一下自己，同埋講幾個心水車款出來等老編參詳一下重實際啦。
|
21/3/2005
|
死氣喉
大佬好，小弟剛買左９３／９６ super four big one , 但佢本身有kit 喉，吾鍾意佢嘈得?，請問big one 可否裝VERSION S喉 二手全原裝死氣喉呢? 我只想像原裝一樣，全車POWER平均一點，因只是番放工? , 同想慳油D .
今日係車房見到一條 VERSION S二手全原裝死氣喉約 70 % NEW , $1000 （INCLUD INSTALL ) 最擔心係裝完，吾知效果會如何，能否CHANGE 回原裝一樣，好煩．THX U VERY MUCH ......................
彥
Version S和原庄Big One喉有少少唔同，雖然裝到但冇位頂大架。如果你想冇咁嘈，都可以換。
|
21/3/2005
|
車牌過期
老編你好, 小弟已有十多年電單車車牌, 曾經揸過兩年電單車, 不過因種種原因而放棄了. 但近來正考慮揸番電單車, 但車牌已過期而當時又無再續牌. 想請問小弟需唔需要重考電單車車牌呢? 如要, 是否又要考埋強制呢?盼覆.
一個想揸番電單車的人
駕駛執照唔記得係七年定係十年之內續番就得。問下運輸署。
|
21/3/2005
|
轉數問題
老編大人，小弟有些問題想請教,本人剛看到於本月十四号的一編文章所提及到綿羊轉數問題,文章裏所提及的綿羊在6000轉時已行100km,而本人用的也昰同款的羊,但在平路上行6000轉時只行80km,新車到現在都昰一樣(FORZA 04年行貨,全原庄),昰否本人的羊有問題還是自己多疑呢?
擔心人
聽落你部車正常喎...
|
21/3/2005
|
轉數錶
hi,請問私家車用的轉數錶可不可以裝落大鷹王.thanks.
羊羊
私家車的零件不太清楚,對不起!我想如果個錶有咁高轉數應該得呱..
|
21/3/2005
|
邊隻羊好ｄ？
小弟最近考獲電單車駕駛執照，並有意買一部綿羊仔作代步之用，想請問，Suzuki's Skywave VS Honda's Forza，邊隻性能好ｄ，耐用ｄ，零件易配的，請俾小弟一ｄ意見，同埋仲想問，點解咁多新綿羊都會被建議換kit喉？有咩作用？
新Ｐ仔 newbiker@motorcycle.com
代步羊用到Skywave或者Forza都好好喎...以250計Forza會好過Skywave250。綿羊換喉都係玩車手法之一，實際作用不如電單車大。
|
21/3/2005
|
AN400 原裝喉穿o左
本人剛買o左架2手AN400, 去o左SBS check 車後, 師傅話條喉入面穿o左, 無得焊番佢.
我想問除o左換喉外, 有無其他辦法? 因為宜家行車要差不多 $0.7/km (紅墈 <-> 官塘)
長期渣又好似唔係辦法, 換喉又好貴 (> $2000) .....希望能提供意見. Thank You.
Ken ken.lawwh@gmail.com
喉膽穿左真的無法修理,而換了kit喉亦不代表慳油.不如向好方面想,換番原裝喉最好,大陸喉唔掂.
|
21/3/2005
|
買車
請問新牌仔,仲要係細細粒既女仔,有邊款街車選揀?價錢唔好咁貴.
新牌仔
P女揀街車，可以唸下Honda VTR250，FTR223，Yamaha TW225，Suzuki ST250，Grass Tracker，Kawasaki250TR之類輕巧街車，又型又安全。
|
21/3/2005
|
高温噴油
用高温噴油(1200'F)噴完死氣喉,隔左一晚,朝早行完車,D油好似仲溶溶地未乾咁,何解???
羊仔
牌子問題.
|
21/3/2005
|
hornet 250
3月份已失兩部,hornet 車主小心
黃蜂人
|
21/3/2005
|
Temp 警告燈
老編你好, 我係新牌仔, 最近購入了一部 CB400, 但有點兒擔心有關水滾的問題. 我從何得知錶板上的TEMP 警告燈操作正常呢? 我驚水滾但係警告燈都唔著就大獲! 同時想問一般行車時, 水箱風扇會否達到操作溫度呢?
新牌仔 ust_kit@hotmail.com
你擰匙至on未撻著車前，警示燈會亮著，著車之後會熄番。你睇到盞水溫燈曉著曉熄表示冇問題。「一般行車」即係行幾快？當時氣溫幾多度？夏天行車一塞車風扇便會著，冬天則要等耐d。
|
21/3/2005
|
AN250S、Majesty400、T-max
心郁換車
性能較全面又唔等於較易控制。性能一定係T-MAX 500最好，但係在三者中最難用。性能最差的是AN250S，但又最易用喎。乾重138kg算係輕的車，上述任何一架車都重過你果架。
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
「T-MAX 500最好，但係在三者中最難用」，如何難用呢？
咁老編有咩意見？
三者中以T-MAX 500車身最重，馬力最大，座位最高最闊，所以最難用。
|
21/3/2005
|
Side car一問
老編：我在17-3-2005，放工回到大埔廣福道(中段燈位)，真是百聞不如一見(係條街行好鬼突出)，看到Side car。當然不是雪糕車。是長江750Fla。部車大約幾多錢？除了這部外，有沒有日本和歐洲的新出的Side car。
WONG Ho Ying
最新價錢你要問番合平先準。其他常見Side-car當然要數H-D喇。
|
21/3/2005
|
呔一問！
老編您好！本人老友買左架cb250！佢發現條尾呔siza好細(圓周)同food度比小第發現佢條尾呔原來係頭呔(真恐佈)小弟打去(燈笠總化理問過)想問頭呔装左去尾呔,行車有無影鄉why我個老友條尾呔size會同真係裝係尾既尾呔siza差不多同有咩車用條用size做頭呔呢！thx
萬潔靈
麻煩你抄一下印在胎肚上的規格睇下？
|
21/3/2005
|
擺車o係停車場都會跌!!!
19號早上4點15分...放工返到停車場,鎖好架車...返屋企
20號中午4點正...發覺架車俾人搞過黎
右邊d野爆得就爆,花得就花
兩塊鏡無部鬆晒,落大架變左落偷架...我頂
即時走去媽個實Q...佢話紀錄上面跌o個架唔係我o個架
係我前面o個架跌...
唔係路呀?仲話通知過車主,而車主唔o係香港,我當時o係屋企咋喎
我o既泊車位置右手面係欄杆,左手面係馬路
我相信閉路電視應該影唔到添
老編大人...可唔可以教下我點做...
Vieri
你可能先要調查一件事：你果間停車場的責任係包括幫你看管車輛？還是只是提供地方停泊？
|
21/3/2005
|
有碗話碗
想講兩樣野:
1./ 完全同意隔離檯的意見,古惑律師的意見跟本非正人君子所為...(得罪哂)
2./ 我覺得老編不應教Kevin(p牌衝燈被影相)用計仔脫罪,講緊係刑事的,既然錯了,咪認
囉!! (唔好意思啊老編,都係有碗話碗咋)
路人Z
路人Z，有意思！
|
21/3/2005
|
Re:希望各位大佬小心拍車
嘩,我又係廣華街比人括花架車呀陰公(早你1日19/3),轉個頭連頭盔鏡都無左.......死未!!!
陰公人上
|
21/3/2005
|
Re: 鎖車(隔離檯)
[隔離檯]先生:你真係好純,好天真(唔知你係咪扮),我講D野出嚟,係讓各位車友知道佢地既權利,你講到我好似教人做壞事咁,係咪夾硬cut入嚟,你唔駛理,發生意外時,後撞前唔o岩就一定係永遠不變既定律,唔該你番回現實先出post啦~~~~
真係死牛一邊頸,唔聽人講野果D,多數罪名成立..........
古惑律師
一樣米養百養人，每人處事方式不同的原因，來自本身性格，價值觀，經驗，知識等等數不盡理還亂的因素所影響。只要沒有觸犯法例，討論誰對誰錯是沒有結論也沒有意義的事。社會正因為有不同聲音不同意見才會變得多元化。
同一件事，可以有相同的處理方法但卻擁有不解釋。舉例A和B和C都分別在私人地方被扣車要罰款，三人都乖乖俾錢，但A的想法是不懂如何反抗，所以即使付了款心裡也很不爽。B付款後心情沒有改變，因為他認為錯在己方，所以罰錢也是應該，如果要想辦法甩身，始終要付出時間和氣力，到頭來也不值。C也是乖乖付款，因為他認為用技巧用計謀甩身，是滑頭賴皮的表現，違返個人價值觀。誰對誰錯呢？誰人也沒有錯。
那麼老編的看法又是如何呢？老編相信影響行為決定的最大因素，是那人到底有多重視那罰款的數額。如果在他眼中只是小數目，無關痛癢的話，根本不會浪費精神去反抗。
「我秒秒鐘幾十萬上落」。在金錢掛帥的世界中，當人遇上這種事件的反應和行為，也可以作為個人成功指數的一種參考。
|
21/3/2005
|
Re:希望各位大佬小心拍車
朋友!!未必係佢刮花家.你下午泊車.夜晚取車!中間大把時間.不一定係佢姐.旺角車多位少.
路過的
|
21/3/2005
|
AN250S、Majesty400、T-max
AN250S、Majesty400、T-max
以上3部車，除了排氣量以外，在性能上，那部較全面、較易控制呢？
(本人用緊部乾重大約138kg重的車，最擔心的是上落大架、靜止時唔夠力)
心郁換車
性能較全面又唔等於較易控制。性能一定係T-MAX 500最好，但係在三者中最難用。性能最差的是AN250S，但又最易用喎。乾重138kg算係輕的車，上述任何一架車都重過你果架。
|
21/3/2005
|
P牌
hi....I want to know whether suzuki sv650 suitable for P牌 and is it a high stolen risk model?
P牌即使能夠騎到SV650，都只係停留在「騎到」的階段，在有限技術和經驗中要發揮架車的性能，易生危險。是否高危請參閱失竊報告作一參考，基本上架架車都有機會被人偷。即使唔係熱門車都有權唔見架？
|
21/3/2005
|
呔的
我架CB250兩邊 把手呔的 扭極都扭唔到出來
有咩辦法?
係唔係隻隻呔的都岩裝?
昂
滑左牙？辦法就係交俾車房搞o羅，點解要搞到自己咁辛苦？大部份軑的都係一個size。
|
21/3/2005
|
Importing second-hand motorcycles
Hi , I've read the "私人如何辦理車輛入口手續" in the FAQ section. however , i could not 100% understand it. I found the price of motorcycles (espically high CC street bike and fairing , is much cheaper than those in Hong Kong , even the shipping charges are included) Therefore , i might be interested in buying them oversea. Could I follow the following 程序 of imporating motorcycles??
1 : Pay for the motorcycles , and get it shipped
2 : During the period of shipping (probably cost alomost 2 months , becoz shipped via surface , not via air) , 提交 the 海關 forms (total 2)
3 : Once the motorcycles are arrived , get it stored ( don't ride it on roads) , and then take it to 環保署 , in order to 驗車 .
4 : and then , buy insured and 牌費
At last, if i buy the motorcycles oversea , what 文件 need to shipped with the motorcycles altogether ? thanks for sparing time to read .
david
唔好意思老編未試過私人入口車輛，亦冇咁o既打算，因為冇咁o既閒情同埋時間。
提提你在計算價格時，唔可以淨係睇賣價，重要計入口登記稅，運費和保險費。
運輸署要睇番架車在當地正式註冊的文件和貨主的名稱。
|
21/3/2005
|
Slow車
老編大佬，我想問下Slow車轉數過高好有咩野壞影響，因為我架車如果Slow車校得太慢，停燈位好易死火，咁我校高d Slow車之後就冇事，咁有冇問題？唔該！
玄野
Slow過高除左較耗油之外，也會令引擎牽引力降低，影響減速效果。
|
20/3/2005
|
TO:Ymfung
講得無錯，你朋友填地址時可能真係寫得「了」左少少，因為運輸署無責任去核實你報稱既地址既真確性，睇唔到就求其入d相似既字落電腦，有乜野事寄唔到信(傳票、罰款通知書)最後都係俾哂警方處理(如上門搵人、通緝等)，所以填form時d字最好寫得齊整d，以免開開心心去旅行過關時，無拉拉被人拉話爭政府錢而被通緝。
隔離檯
|
20/3/2005
|
Re: 鎖車
Re:Re:鎖車
咪懶正義啦........呢個世界你唔醒D咪比人食囉,無腦咪跌錢囉~~~同駕老電一樣,人地夾硬cut埋你度,你唔通仲扮哂野渣緊(中指),唔避開比佢撞呀???有時人要變通下既,你估真係好心有好報呀?殺人放火就金腰帶就真(唔係叫人做壞事)
古惑律師
===============================================================================
以事論事，閣下上面既比喻根本就係將成件事反轉黎講。停車場管理公司有鎖車既權力，就等於一架行緊正線既車，人地行使緊「道路優先權」唔比你cut入黎，你就夾硬cut，發生意外之後人地要求你為事件負責任，但你仲要反咬係人地cut線撞你，叫人賠番錢俾你，唔通咁就叫食腦？我諗食腦既意思係自己醒d，唔好俾d「古惑」既人呃。自問自己亦唔係d乜野衛道之士，但係掩住良心、歪曲事實、用所謂既「食腦」去呃番人轉頭既事就真係做唔出！除非停車場條食蕉無依本子辦事，o係我行轉背唔夠半分鐘就鎖，否則，人地依正手續程序，又何來屈你食你呀?? 好心有無好報就唔知，作奸犯科就唔方會有好下場。
閣下post出黎既唔係d乜野奇招絕招，稍為有讀過下LAW既人都會識，但識唔代表可以濫用，始終呢d係旁門左道既野，亦有違法律既精神。如果閣下真係Solicitor(甚至乎可能係Barrister都唔定)，唔該好好諗下自己既職業操守去o左邊。
閣下當然亦無叫人去做壞事，之不過，做壞事既人必先心存歪理，我諗你所教既野唔會係道理掛。
亦好希望你下一篇post唔會係教人如何「坤人賠錢屈耷砌」啦。
隔離檯
|
20/3/2005
|
Re:希望各位大佬小心拍車
如果見住佢泊車時,搬你部車或hi到你部車,即時X佢XX同埋叫佢賠償,唔賠就報警~~~~
佢行開左既話,就以牙還牙,有仇報仇,但係要扮無心(有意).......(詳情你自己識做架啦)
把X火
冤冤相報何時了.........善哉善哉.........罪過罪過..........
|
| |
|
|
|
 |
