|
|
|
FAQ常見問題 |
|
|
18/1/2005
|
咩叫怠轉
咩叫怠轉
新手一隻
即係著車後唔俾油，引擎處於最低工作量的空轉狀態。
|
18/1/2005
|
bike owner's report
i like your owner's report very much....but wonder why no fazer 1000 in it...really no anyone reported it?anyway...what's your comment on this bike....i'm a holiday driver...driving cb400vs now and over 5 yrs experience.
thanks!!
nolan
Of course it is a good bike, remaining 90% power of R1 and easy to control too.
|
18/1/2005
|
P牌出車....
P牌出唔出到 00-03款 FORZA 250 ??燕梳大約會幾多歲? 大約得架喇....THANK YOU!
同埋一般電單車~~~幾多錢~~幾多年車先上到會分期???thx~
Gap'Z! leolai1437@yahoo.com.hk
P牌應該出到Forza 250，保費真係唔知，因為要視乎你有冇私家車牌，歲數，職業而定。
估計應該係三千零蚊......o卦？
上會分期應該係同銀碼有關而唔關車齡問題，因為現時都流行以私人貸款或信用卡形式進行。
|
18/1/2005
|
damper需要run-in嗎?
小弟早一個月裝了damper...有人同我講新damper要調到用最輕果格..run-in番100公里...真到嗎?thx~~
T.F
應該唔使，因為你可以用手推支damper等佢行晒成個行程。但裝上去後便應該由最輕用起，慢慢調高至適合位置。
|
17/1/2005
|
ET-8最近常有窒油
本人的ET-8最近常有窒油的情況出現,反覆試驗後發覺有幾種情況最易出現窒油. 1)起步 2)慢車時再加速,通常係慢到空波滑行後再加速 3)盡油上斜. 架車起左步行順左,又或公路行8,90KM/h 都好順無問題. 隻羊仔行左63000KM,在60000KM時已換過火咀,洗過化油器同風隔. 俾師傅睇過,他懷疑風油比不對,前後較過幾次,都好似無什幫助.
1)應該再CHECK什麼呢?
2)如何知道風油比是否正確呢? SLOW車及風油比都會影響引擊運作,在什麼情況應該較風油比/SLOW車呢?
3)我自己覺得,(其實都係估)每次扭大油門都容易窒油,會唔會係每次扭大油門時,餵得太多油入去呢?聽師傅講,ET-8有個好似泵既野,每次扭油門時會額外"吱"D油入去,唔知有無得調較的呢?雖然係小問題,但又好影響駕駛樂趣, 燈位起步又阻住地球轉.有勞老鬼.另外想多謝在火炭整車的師傅,這些花時間的豬頭骨問題都好有心機跟,專業態度一流.多謝!
白羊
你部ET-8行左六萬幾公里？嘩直情蝕左俾你啦....
判斷風油比是否正確可以睇耗油量和排氣管積碳的狀態估估下。
反而你有冇睇過油鬥威也是否到期？
|
17/1/2005
|
re: 尾鼓 brake 問題
thx
有調較威也虛位和清理迫力粉, 可能部車主要係上山落山, 用得多所以快打柴
1. 咁請問要換大概幾錢?
2. 同埋有冇d 好車行推薦 (會換d 高質素o既料, 有多d呢方面o既經驗, 快手, 想即日取車)? 如有, 可以 e-mail 俾我嗎?thx~
Tommy tommyhk@gmail.com
換尾皮？應該幾舊水搞掂，視乎你部車要唔要拆好多野而定。尾皮料係你決定，換皮係輕巧野，間間都得。
|
17/1/2005
|
呔氣和火咀問題
老編你好我剛買左架二手Bandit 250，想話自已換火咀，但我上網搵唔到應該買咩型號既火咀，所以想請教一下！另外呔氣要打幾多呢？謝謝！
兩個look
你折舊果支出來睇下咪知o羅。
|
17/1/2005
|
想死火
我的大羊GRAND DINK 250以下問題,在山路(暗上斜)的修路工程燈位,那些燈位通常等3,4分鐘,轉綠燈的時候比油起步但好像沒油到咁,但又唔死火,要扭好大油先行倒小小,跟住我泊埋一邊熄車再開就冇野,之後再試幾次都冇野"即又係等3,4分鐘然後再起步,就好正常了",請問有什麽事呢? 很邪!兩天都係咁仲要係同一個位 ,本人對鐵騎網誌十分支持
神神
你條問題與「本人對鐵騎網誌十分支持」無關：)
怠轉幾分鐘後要俾好大油先可以行車？平路係咪都一樣？
水溫正常？風扇著唔著？
|
17/1/2005
|
RE: CBR600
或者再補充一下...油費其實應該算平..around 6毫子一公里..
車呔磨損還算平均,有少許磨平(可能因爆直路較多)
當然油費可能會同駕駛方法有關..始終小妹都不太算經常操車之人..
會否因為車行知道小妹經常單騎..所以用21/28既呔氣就夠應付約100磅既我呢??
另外我想知道新呔打既呔氣會唔會細d..到run-in左之後先打返大呢???
你可以話新胎唔會打太漲，等佢易d開胎，但都唔會打咁少。
你部係CBR600F還是CBR600RR？如果係180胎更加唔會打咁少氣。
|
17/1/2005
|
好車行推介
九龍城道匯彩, 今日去換尾牙油, 迫力油, 搞左成個鐘先係$80..(羊仔)
而我格過價(避震), 佢取價都好公道...(個人意見)
jkeny
|
17/1/2005
|
CB750
老編你好!小弟架抯了super four已經兩年,而家想轉CB750, 想問老編對此車有咩評價?
CB750會唔會跌左抬唔番起,因為乾重有成210KG,同埋耗油重大唔大?唔該晒!
唔會，抬起部車梗係唔得，扶番直佢就一定冇問題。CB750係一部好車，任勞任怨，所以買二手車都冇問題，只要你唔會嫌佢款舊就得o勒。耗油量一定會比CB400SF多，預佢起碼六毫子一公里。
|
17/1/2005
|
尾鼓 brake 問題
請問 yamaha 97" 150 綿羊仔尾鼓剎 brake 皮大概幾多公里/幾多年 先要換?
上次換係大概十個月之前, 走左四千幾公里, 依加支支聲, 係咪又要換?
咁合唔合理?
thx!
Tommy
應該唔駛咁快換。不過鼓煞要定期調較威也虛位和清理迫力粉。做完睇下點？
|
17/1/2005
|
換車胎後的胎壓
請問換了車胎後，胎壓應該跟返原廠的建議、還是每一款胎都有不同的指定胎壓？
我的AN400換了胎後，車房建議前後打30/32，這跟原廠建議的25/42(雙騎)有很大差異……
盪撈
原廠只提供參考數字，你應該自己調較至自己覺得合適為至。
|
17/1/2005
|
CBR600
剛換新呔(象牌Z6).車上冇貼紙.車行換新呔後打前21後28磅.
九成九單騎.會唔會打得太輕??
(因見各車友的小羊都打得比本人重,特此來信一問)
咁睇真係輕得滯，通常110/140會打28/32，120/180會打32/36，120/190會打36/42，你可以試下由32/34開始調較，在咬地和省油之間作一平衡。
|
17/1/2005
|
中槍??!!
前陣子小弟見倒有位交通警務人員用雷射槍執行職務...但竟然係射向迎面而來的車輛車頭既車牌..而唔係射向車尾車牌...想請問老編..一般四輪或以上既車..車頭都有show車牌..但係兩個輪既車..車頭係冇車牌既..咁其實係咪唔會中槍呢??(有d位置可能可以轉身返兜..但係好多係天橋位既..佢要過對面馬路先可以返兜倒..)照計咁樣咪即係唔會中槍??????
電單車一樣照捉，正面射向電單車，取得超速讀數後，用眼望你尾牌咪搞掂o羅。
|
17/1/2005
|
Runner 180sp 數個問題
請問 runner 180sp 的胎氣前後為幾多才合適? 條呔其實可以承受到幾多既胎氣? (本人通常雙騎) 前28 後 32 ok ma ?
當開車時到太約60-80KM 有時會聽到連續"吱" 的聲音, 雙騎太約50-70KM會聽到, 雙騎上斜40-60KM就聽到, 係唔係部車開得好"盡"? 但再開快些到90KM 度就冇D 咁既聲, 請問知唔知係乜問題?
高燈燒左, 可否自行換? 係唔係一般12V 既燈炮就得?
買車時想裝防盜, 但車行師傅裝完後話攪到條電線燒左, 攪到裝唔到,係唔係代表呢部車D 電器有問題?
加裝死火燈一般幾錢度? 因為間車行話收 $800, 係唔係要咁貴?
好多問題, 希望解答, 不勝感謝
星仔 simonlausing@sinaman.com
再講一次，原廠建議的胎氣可以係車身上的貼紙找到，然後再憑自己感覺調較。吱吱聲係邊度傳來？好難估。換燈你識換的話當然可以自己換，拆出舊膽睇番電壓和火數去配便可。裝防盜搞到有電線燒左？聽落似乎係師傅經驗的問題而不是車的問題...不過防盜的作用不大，冇都冇所謂。$800加裝死火燈OK啦，要改好多野。最緊要死火燈果粒掣要就手，危急時真係用到。
|
17/1/2005
|
攝哇佬問題
本人剛剛換左架新車 sv650 ,但聽朋友講最好行到千零公里就要攝哇佬, 有無咁既雖要呢?
分別有幾大呢?因之前渣開私家車都無人叫我咁做,但電單車點解又要呢?
煩人 thx
私家車的哇佬多數用液壓自動調整，所以無必要咁做。新車走左千零公里去攝哇佬，目的係維持最佳狀態。唔做的話亦唔係咩野大問題。睇你有冇時間肯唔肯俾錢而決定。
|
17/1/2005
|
呔氣打多少?
98年CBR900請問頭尾呔氣打多少?現在本人打頭33尾36是否太重呢!!
小豪
應該唔會，可能重要再打多d。好多大車打緊38/42，你睇番尾擔貼紙，冇的話自己試下調整。
|
16/1/2005
|
Charity ride Jan 16, 2005
Charity ride this morning at Chater Road Central, for Tsunami Victims and those need help:
This morning we have 95 motorcycles and 127 passenger cars at the event.
Weather a bit cool, but all of us with a warm heart! They all woke up early and well prepared for the event.
Thanks for all participants, YOU ALL are great(especially bikers!!)
Photos I took today were not so good due to light conditions and speed of bikes, sorry......
電單車會攝影: 區先生 (Monster-Inc)
Monster-Inc
|
16/1/2005
|
火咀
老鬼hi：
1) freeway用那隻火咀
2) 部車車底近風格有條喉漏水，仲水滾停車後車頭出白凐，入返水箱水行車唔夠一陣又水
滾，請問是甚麼問題。車頭出過白凐會不會好傷部車，維修大唔大單啊！
德
DPR8EA-9,水滾唔理可大可小,要檢查風扇和水箱蓋,如已有食水和溫度高,則有機會已燒了機器崢口,已是小修機器.
|
16/1/2005
|
怪病...
近日小羊runner 180sp 得上怪病...
前天交給車行換了副油壺和電油喉
這幾日早上著車可一達就著,但行了不到3分鐘就死火,再達就唔著,要等3幾分鐘先得,
如果行的路不用開開停停佢就唔死火,否則又死比你睇...
另外發現最奇就係起了大架,冇loading時點比油,縮油立即再比大油or idea車都唔死火.
但落地時單騎時就會好似上面咁講死火
雙騎時就冇死過火,一次都冇!
最後佢死火的一刻係......好像是"則"油般,而且"樓"油門到底都唔會再起番
醫師係咩原因呢,幫幫手呢 謝謝!!!
灰心車主 onduty0884@yahoo.com.hk
這可能是裝油壺和油喉的位置問題,因可雙騎和單騎角度問題引致供油不暢順.
|
16/1/2005
|
換了喉的問題。
小弟最近換左條尾喉，係唔係需要換埋風格呀？同埋我發覺中尾斷比較強左而小左些抵扭呀，改些什麼可以加強番個抵扭?要多少錢呢(hornet600)
koko henrykoiii@yahoo.com.hk
你係成梳換定係換中尾截？係Road Legal還是Racing規格？
如果係成梳喉換晒才一定要換風格改o即咀setting。其他按情況不同都可以忍受。
換kit喉後回壓低左，低轉扭力一定會流失。改換不同的死氣喉只是改變馬力分佈特性和減輕重量，唔係變魔術。
要追回失去的低轉反應，便要提早點火時間。幾千蚊實冇得走。(重可能要不斷調較，煩到你嘔)
|
16/1/2005
|
會唔會中槍
老編你好，琴晚兩點幾三點左右我同朋友由大埔經大帽山去荃灣，到左荃灣停車後我朋友話落山果段有大支炮，仲話我當時幾快下但就冇閃兩閃，中途又冇road block所以我真係唔知乜事。因為落山我都冇留意自己行幾快，但我諗我可能有超。想問問老編係咪冇閃即係冇事? 定係唔駛閃都捉到快車?
烏蠅 it_depends@sinatown.com
你話「大支炮」係咪講緊好似隧道內的速度探測器？唔閃當然冇事。
|
16/1/2005
|
皮帶
我的自動羊里數壞了"電子錶板最屎",而家冇得計里數,所以我唸住拆開黎睇,請問用肉眼睇可否睇倒皮帶幾時要換?教下我丫,和LED胆是否比一般燈胆慳電?被震硬好嗎? 謝!
神神
綿羊傳動皮帶可以用肉眼判斷大約狀況，但拆得條皮帶出來驗屍，總有相當理由懷疑應否要替換。橫掂都拆左出來，順手換埋都係正常。呢d野交俾車房做啦。錢係要駛o既。
LED燈較慳電。避震唔係越硬越好，詳細請重溫知識技術內的相關文章。
|
16/1/2005
|
電單車呔氣
兩位師父~本人想問一問!suzuki gn250打呔氣頭28,尾30係唔係正確呢?唔該~
Chili
基本上可以，但實際上要睇番你自己感覺。
|
15/1/2005
|
p仔
請問我想換迫力皮加迫力油連人工需要多少錢呢,十萬個唔該
敏記
乜車?
|
15/1/2005
|
fusion 死氣喉
我o係大陸買左條不秀鋼死氣喉返黎換左落我架大陸版fusion，不過之後出現頂油情況，開車好震，行得快又疾，除左換喉之外有冇其他辦法?可以點整呢?
amk y_lun@yahoo.com.hk
震就好難攪,不過疾油還可調較化油器來改善.
|
15/1/2005
|
xjr 400 起步叫救命點算
老鬼你好!本人11月份買入一部xjr 400 01/01二手車，發覺越渣越唔妥，此車已按了kit喉，之前已發覺架車無力，更換了風隔及火咀，好了少少。但現時唔知點解起步一D力都無，而且架車在開車後一段時間(約20分鐘)，竟然在燈位停車時死火，檢查過剛換的火咀，發覺已經黑黑地，係咪消唔晒D油呢?真係唔知點解?請老鬼-指教指點!
ALAN wilks_toffee@yahoo.com.hk
全無低扭,加上火咀黑,洗吸之餘還要改動MAIN JET.
|
15/1/2005
|
迫力有'支支'聲
兩位大師你好.本人的羊係03/04AN400,新買的日本番新車.差不多一個多月,最近發現開車時或慢車時後轆迫力有'支支'聲.之後起大架用手轉O下個後轆,都係轉倒兩三個圈到就停了.重有扣左邊迫力停車時就會有更加大的'支支'聲.但係扣右邊就好似冇聲.想問O下係唔係後迫力有問題?重有就係AN400迫力係唔係左邊迫力係後重前輕,右邊迫力係前重後輕的?及AN400經常雙騎應該打多少太氣呢?重有最後一個問題就係老編係唔係都抯AN400呢?^.^"
麻煩曬.
AW
如肯定是尾轆有聲,多數雖要檢查尾迫力部份,同埋手制有否扣死,呔氣可打頭30,尾32,連動迫力是這樣的.
|
15/1/2005
|
Thank you
我有架Steed 400,不知用那一種火咀?和我有一枝羊仔的火咀通(UE150),不知是否合用?
另外,我一枝break油和一枝波箱油,但都是私家車用剩,不知是否合用?唔該晒!
Kwong geso168@yahoo.com.hk
火咀DPR8EA-9,機油要用10W-50W.迫力油可共用其如就不可.
|
15/1/2005
|
一般大綿羊需要注意D咩架
如果購買一部大綿羊(新車或者二手)需要檢查邊幾部份呢?
一般大綿羊經常性會出現D咩毛病又點樣可以預防呢(例如YAMAHA T-MAX500/HONDA SILVERWING 600)
需唔需要好似一般二衝程綿羊咁成日要加2T架?
薯薯
四衝程機器係唔使用2T油o既。買新舊車都好，都要核對車架和機器編號，是否和行車證紀錄相符。二手車主要睇下有冇撞過，其餘有關二手車的檢查，請參閱【知識技術】內的相關文章
|
15/1/2005
|
覆:有關 AN400 油費問題(01年方尾)
如無記錯 Burgman 係英里
Skywave 水貨先有公里
不過而家 SUZUKI 返既新車多數都係 公里 LU
因我公司同我朋友都有部
一部係 英里 00車((車尾寫住 Burgman ))
一部係 公里 00車((車尾寫住 Skywave ))
有錯請更正.....
AN偉
|
15/1/2005
|
有關 Honda Foresight250
有冇搞錯呀?咁都唔值得出，4萬蚊出架全新日本250棉羊，台灣野都要3萬幾啦，維修費多一陪都唔止。壽命閒閒地過十年啦。真係"禁"過人。
文
|
15/1/2005
|
p仔問
本人剛考倒車牌,買了一部温拿VXR180 一手車 18000公里 在下有一啲問題,問:制動方面我覺得好以完全冇一樣,師父答我這部車已很久沒有駕駛,所以要等部車run in 但我朋友說應該制動是不須要run in的.我心有點亂,同我覺得前輪近碟位置有一啲吱吱聲出現.請問是否正常嗎.請回答
敏記 ngyukman478@hotmail.com
只有新制動皮才需要磨合。你部車係新皮定係舊皮？
二手車應檢查迫力皮和迫力油，可能你部車冇皮，迫力油又過期都本定。如果要換皮，一次過換埋油，安心d。
|
15/1/2005
|
包車速遞 制唔過
聽聞呢位老友想做包車速遞
我念...都係死心把啦,做死你都未天光呀
我有朋友係"得安乜流"度做緊,個間死人"得安乜流"
包車價都係得一萬零幾百蚊咁大把,當你自顧人士咁看待，乜福利都冇之餘，炒車重要自己受。一日分分鐘要你走成200公里，油錢都一百蚊一日啦,念下...一萬零幾百扣番油錢兩三千，所餘七千幾,重有維修費呢？你想用自動羊做呢行，咁一日行200公里，咪兩個月要換一次珠同皮帶，貴唔貴d呀老友?
七千幾再減千蚊一個月維修，剩番六千幾...再計埋牌費保險，又減幾百一個月,即係實袋六千，做足十個幾十一二個鐘...點解咁on居益呢d無良公司呢？重有楂電單車都屬於搵命博既職業，有乜事幹起上黎就...實袋六千但要搵命博？有冇搞錯呀？我不如楂槍去搶冇咁嬲...我勸你都係唔好念啦. 我所識既所有車手朋友都話做呢d工既人係傻仔加白痴...真架...唔好益d無良公司.另外重有一樣最無良既就係如果你唔番工,佢唔出果日糧不特止，重要倒扣多一日糧,當你炒車番唔到，都照扣...今下，炒車喎...咁都畀人扣人工...簡直無良中的無良...另外重有唔記得講，如果你架車死火要拖車，呢條數又點計呢？如果你d件未交晒又死火，重聽過話搭的士都要你死完去交晒d件貨...搵果人黎幫你都冇呀陰工
我真係想講...點解重有咁多人屈係"得安乜流"呢？唉...可憐...
123仔 laicfst@hotmail.com
|
15/1/2005
|
cb400vs尾呔ｓｉｚｅ？
可唔可以用１５０ ｏｒ １６０尾呔？
９９７
VS仍然係140，唔好改闊胎。
|
15/1/2005
|
cb400 升高軚
老編師傅明白其實我想張堂太裝前d 近似低太今想(烏)低身今抯 我見有dcb400改左低太 對d灣有冇幫助? 硬係成曰唔就手今 有時要按低部車大小小動作先得 老編大哥唔好玩我啦我冇咩錢嫁昨 唔想整完得個吉.請問有咩呔好?唔該老編師傅又有今多問題sorry
超4迷^^
哦原來你係改低堂軑，CB400SF的油缸和跑車不一樣，改低左堂軑都唔係咁就手。其實講操控講性能，CB-1會比CB400SF較接近跑車。始終街車把手係一字軑，唔同跑車兩件頭，把手角度都唔同。如果你夾硬將堂軑擰遠左，應該會重唔就手。
|
14/1/2005
|
新仔想買二手錦羊
我想買部二手羊遊山玩水,間中才返工及雙騎,座下可放2個頭盔. 心目中有Yamaha Majesty250 同 Suzuki Burgman150,見到車價為 Majesty250 $3200~34000, Burgman150 $23000~$26000車價好像差不多.
如果買Burgman150,維修是否會比Majesty 250密一些? (細c.c.問題)二手 Burgman150 如果行左around 16000 ~18000 km,算不算多?如 150 C.C 要常常維修,買250 的Majesty好了!
蚊芝 ihm_manju2@yahoo.com.hk
Majesty三萬幾，Burgman150兩萬幾，兩者中位數差不多爭成萬蚊，咁都話差唔多？雞雞地可以買多部車架喇。既然老細你咁有貨，成皮野差額都唔多覺o既話，當然係揀Majesty 250喇。(萬零公里對電單車來說唔算多，但對小綿羊來說，有d台灣車已經要換缸。)
|
14/1/2005
|
cb400三角板 同升高太
sorry老編師傅我寫得唔清楚
我見(3禾)度有一快叫三角板的東西裝係脚踏度唔知有咩用
另外我部cb400sf裝左升高太個碼之後堂太比之前原裝向後左 如果向前裝得唔得 會唔會唔夠位入車匙
PK膠 長定短會比較合用 正常今用有咩呔好 唔該老編師傅SORRY有今多問題
超4迷^^
哦，你話果塊三角板應該係升高和移後腳踏的組件。裝左之後俾你易d搬身，離地距多左冇咁易揩腳踏，過彎速度可以更高。但係呢件「三角板」的本質，同你的「升高軑碼」的本質係相違背的。
升高堂軑的用意係唔想彎腰，所以堂軑會移後少少俾你，等你好似可以巡航車咁條腰唔駛向前「烏」得咁勁。老哥你升高左堂軑但又想將佢裝前d？咁不如拆左佢唔好裝重好？
改車無錯係樂趣，有錢當然要駛，不過都要知道改裝的目的和用途。
想駛錢，不如真係整對幾千蚊o既靚避震玩下。
|
14/1/2005
|
3M 反光貼紙
請問電單車身可否貼3M 反光貼紙(黃、籃、銀)???
歐生
當然可以貼，不過要睇你貼係邊，貼幾多。
有冇干擾正常人辦認你原本車身的登記顏色，
會唔會有機會妨礙到其他道路使用者.....
|
14/1/2005
|
有關 AN400 油費問題(01年方尾)
已經於路面上行駛約200米，咪錶數字絕對是公里。老編先生，還有其它方法可以檢查，架車除油費特別貴，其它都與第一代(圓尾)一樣正常"因本人先前都有一架 AN400 Skywave"
油費都是約$0.4~0.55.....想請問其它用 AN400 的朋友，會有上述情況出現嗎..?希望有高人指點迷津。...Thanks.!!!
BB
|
14/1/2005
|
舊電乾晒…
您好！我的250cc街車，通常一個星期只開一、兩遍，12月有一陣子天氣很冷，所以連續兩個星期沒有開車。
上周想撻著車車時，不成功，檢查電池時，發現其中幾格電池水只餘下一半，雖然有好心人幫我注滿電池水及充電，並且成功著車，但這個電池其實需要報銷嗎？謝謝！
榮
好難講，煲乾電池即使救得番，都唔知可以捱幾耐。有時間換左佢好d。
(現在電單車通常用緊MF密封式免加水電池，點解你舊電可以加水o既？)
|
14/1/2005
|
想換大綿羊
本人現正揸開PX200綿羊仔,有感馬力及行走高速公路不太適合,故現想換大綿羊,希望可提供意見
1.本人每日都會載乘客及走高速公路,請問250CC或400CC適合呢?
2.本人心水如250CC: HONDA FOZER 250
500CC: YAMAHA T-MAX 500
600CC: HONDA SILVERWING 600
那一款車質素比較穩定(不會經常出現故障),及維修費用比較便宜呢?
薯薯
基於「有大出大」的原則下，三款車中當然揀Silverwing 600。
雙騎走highway，要穩定舒適，重要放埋兩頂頭盔，重有AN650。
|
14/1/2005
|
有關 Honda Foresight250
請老編覺得foresight 250 值得出嗎?>??本人覺得那車好像粉不值那價錢呢!!謝喔~
小車迷
你的動機是....？值唔值呢樣野係講緊價錢。
|
14/1/2005
|
有關 AN400 油費問題(01年方尾)
架車係香港行車Burgman (出口版)里程錶是電子顯示，Suzuki車有行英里的嗎..?
如果有香港代里會進口呢類車種嗎..?
BB
唔肯定AN400有冇英里顯示，但Suzuki好多大車都可以有英里式公里顯示。
|
14/1/2005
|
cbr400新手發問
小弟架陳年cbr400 slow車1000-1200轉,質一下空油會趺到死火，set1500轉就冇事，但走一轉之後就停車發現升至1800-2000轉，咁係唔係好有問題?同埋油$要$0.8-$1一公里,係唔係好唔合理?小弟以前騎羊仔，所以唔係好識野，請老鬼師傅及老編指教指教
傻Ken
你部車真係唔係好精神。火咀，風格，化油器都要睇睇。另外重要睇下風choke有冇正常地關上。
|
14/1/2005
|
FJR-1300零件的價格
我來自台灣 下周要到香港
想請問FJR-1300這款車的[48mm套管前叉]一組在香港買要多少錢?
香港那家有存貨?謝謝
龍哥(來自台灣)
FJR1300在香港也是冷門車，可以嘗試聯絡Yamaha總代理萬里達車行
www.yamaha-mlt.com.hk 總店(陳列室，修理部及零件部)：香港銅羅灣加路連山道3,7,9號及希雲街32號地下 (鄰近聖保祿書院)Tel: 2576 3079 Fax: 2890 6706
分店(陳列室及修理部)：新界荃灣德士古道62-70號寶業大廈地下10號舖 (鄰近悅來酒店) Tel: 2612 2221 Fax: 2615 2113 Email: mail@yamaha-mlt.com.hk
|
14/1/2005
|
Re: VTR250
開spare cord 後還有兩公升，total 十三公升，原裝車，波波盡咁渣都應該可以行到250km
siu ching
|
14/1/2005
|
有事一問
老編：請問本人聽民Atlantic牌子D綿羊電器好易出問題。是否真實。請回覆謝謝！
冇車的牌子叫Atlantic。
|
14/1/2005
|
cb400三角板 升高軚
師傅
請問三角板有咩用
升高軚可唔可以向前裝 唔該師傅
超4迷^^
sorry唔係好明咩叫三角板...留番俾老鬼答。
|
| |
|
|
|
 |
