|
|
|
FAQ常見問題 |
|
|
7/1/2005
|
被人屈抄牌
上到法庭, 個官係中立, 不會偏幫警員, 但係現在打口供, 無實際證據, 你可以將你的觀點講出來, 都要反問個警察馮甚麼肯定你cut雙白線, 可不可信, 例如佢距離好遠, 會影響到佢的判斷, 這些都是疑點, 法律要係無合理疑點的情況下先可以判罪. 無錯重來都不應該認. 不認罪而入罪好似會罰600-800. 老編應該不會比意見, 會構成防外司法公正.
|
7/1/2005
|
想買車
本人想買第一部200c.c綿羊，請問PIAGGIO X8 好 還是Atlantic 200 好！謝謝。
心急人
新車的話，兩者老編揀X8，因為Atlantic有250。
|
7/1/2005
|
爆胎問題
老編先生!我架車前日尾胎發現有釘, 拔左出來用水林過無氣泡出, 之後行左兩日都無事.但條胎會唔會慢慢漏氣?麻煩哂你~~~
Alff
即使係無內膽原子胎，拔釘後都應該會暗漏。應該有番妿水唔係清水測試。除非口釘根本未刺進杋布層內。
|
7/1/2005
|
再續 "咩野世界?"
行過講兩句
果個路口無記錯的話
最左線係唔可以直行，一定係左轉上東廊
左二線可左轉或直行，左轉後東廊有兩條線行，二百米後才二轉一
唔知你行最左定左二線呢?
小力奇
|
7/1/2005
|
再續再續 "咩野世界?"
我睇小羊就算唔係P仔,路面經驗同人生經驗亦應要提升吓,...以前睇車主雜誌其中一篇散文話香港的馬路基本上係男人嘅世界...某程度上更係英雄地,快蝦慢,大蝦細乃係天經地義,呢篇文章有D嘩衆取𠖥,但又好似幾對,小羊如果你係小妹妹,就要學習適應了,如果你係仔,要知道承相胸襟可載舟and知恥近乎勇.
CB佬 kennethcllaw@hotmail.com
|
6/1/2005
|
再續 "咩野世界?"
首先o係度多謝老編費神睇左我篇文, 估唔到重俾老篇讚:)
有小小野想補充or修改.
1.總結個度係想話唔通告人強姦都要搵下有冇目擊證人o係度現場睇住先告得入疑犯?
2.o個個畜生可能覺得係我車速慢,又或者佢係唔想miss左個上東廊路口而冒死切入(不過係我死)
3.老編意思 "私家車插入時，可能預計左會收到車，而你果然不負所托，發揮到一位駕駛者應有的警覺性和一般操控，係一位技術不錯的P牌。"
我唔係p牌, 只係想話私家車冇p牌制度係一個好低能o既決定, 因為我地d老電羊好大機會係死o係佢地手上.
4.老編你話 "你急煞後仍有半個車位剩....所以你當時其實無需急煞...只要收油拖迫力同時車身向左邊靠，己可從容避過一劫。"
因佢切入時向左的路口己在佢車頭位置under兩米, 因為我係諗住直行, 而佢係轉左,我唔急剎的話, 驚佢dup慢d我dup唔切炒車咋. 同埋我己在最左線, 咁重點靠左? 無啦啦嚇我一野我都真係心都黎埋. xyz@, 真係多得佢唔少. 海嘯又唔順路帶埋佢走......
5. 不過都有得著, 就係以後行d有路口的地方如果唔轉彎的話, 行中線比較好dd.
6. 有冇計集体活動要求加重醉酒駕駛懲罰呢, 因為駕車者明知飲酒都仲渣車等同手執火把走入油站一樣, 另外有事的話可以冇得挽救, 好似個交通警大哥咁, 20歲都未夠......
"記住老編講緊現實情況唔係書本或法律理論：在馬路上，慢車沒有選擇，只能配合或去遷就快車。正如好佬怕爛佬…爛佬怕潑婦一樣，早已超出對或錯的層面。"
呢句就真係好鬼有feel, 多謝老編過料.
小羊
|
6/1/2005
|
RE:咩野世界?
老電人每日都可能會遇到呢d事,冇可能日日俾人扯左巴就都追車呀,最緊要沉得住氣,我有次都試過俾人扯左巴,話說小弟開住部超四s,0係青山公路青龍頭段d來回單程雙白線都俾部雙騎NSR扯左巴,果陣我仲驚過佢呀,D紅VAN過彎會偷線位呀...
總之,好似成龍個廣告咁就最好,雖然好難做
PS:俾人推住死咬唔放既話前頭盡量留返好多好多空位俾自己(最好前面冇車),有乜野事都唔既做三文治,尤其係隧道呀,有事真係冇得走...就好似N年前大老山部偉士咁...哀
隼仁
|
6/1/2005
|
RE:老爺車續牌
之前我都有問過老編,無記錯既話好似係拎返d文件,燕梳去運輸處就搞到,唔駛驗車,但當然係要你部愛車仲識行先得啦
隼仁
|
6/1/2005
|
咩野世界?
有日夜晚7點半左右o係北角渣華道嘉華國際向太古方向,我行左線,諗住直行落太古城,重有2個車位度有個路口可上東廊,有架灰色4個轆LB7X2,應突然高速O係我右線切入,我急剎都同佢得半個車位距離. 果條粉皮幾乎整得死我. 本來想追上去小佢,不過諗諗下,係人就話小唧, 呢D畜生黎O架......
總結: 2個轆點都係蝕底D, 就算你係ROBOCOP咁不死身都冇用, 如果報警又搞一大輪重要唔知告唔告得入, 又話要目擊證人, 出左事我有冇命都唔知啦(咁點解人地告強姦又要搵有冇目擊證人睇住?). 都唔知D法例點解咁唔保障我地D老電人, 2個轆已經危險啦, 又要行P牌, 但係D4個轆又亂咁黎, 當我地D老電唔係人咁, 成日死貼有得分咩, 有起事上黎都唔知佢地DUP唔DUP得切. 果D咩醉酒駕駛又係, 整死個交通警都唔洗釘牌, 咁算唔算行政失當?
小羊
老編絕對明白你感受，也認為係私家車不當。
但在現實中...可以發生呢d情況係代表你當時的車速，別人覺得慢。
私家車插入時，預計左你會收到車，而你果然不負所托，發揮到一位駕駛者應有的警覺性和一般操控，係一位技術不錯的P牌。
你話你急煞後仍有半個車位剩....所以你當時其實無需急煞...只要收油拖迫力同時車身向左邊靠，己可從容避過一劫。呢d情況每日在馬路上都不停發生，有經驗的駛駛人士在應付過後媽兩句，轉個街口已經忘記左。
記住老編講緊現實情況唔係書本或法律理論：在馬路上，慢車沒有選擇，只能配合或去遷就快車。正如好佬怕爛佬…爛佬怕潑婦一樣，早已超出對或錯的層面。
繼續努力！
|
6/1/2005
|
內燃機效率加速器
請問老編大人有冇用過內燃機效率加速器?細羊用左較果易唔易察覺到?極速係唔係可以提升到??
ho
咪上次試用果次有用過o羅，詳細可重溫當時的報告。而老編因為唔係用細車，所以冇裝到。
|
6/1/2005
|
被人屈抄牌
我昨晚8時駕駛電單車途經斧山道迴旋處，在轉入斧山道前有一條有虛線的雙白線，當時我好確定我是在那虛線的雙白線前巳cut入外線轉入斧山道，當我將車駛至富山村位置時，有部交通大馬在後面叫我停車泊埋一邊，停車後他對我說你知唔知迴旋處那處是雙白線，我話我知，我在雙白線前巳cut入，他說他一路跟住我，看到我在虛線第二格cut入。
1.我好確定我自己在雙白線前巳cut了線(因為我知道那條雙白線好短，我有足夠時間cut入)
2.該名交通警員說一路跟住我尾，見住我在雙白線cut線，那應該我與他的距離係好近他才可以看到我cut雙白線，那他為何要在離事發地點差不多成公里的地方截停我。(我在斧山道的路程中，路面暢通，有好多地方可以截停我。而且我在行了差不多半公里以上那名交通警員才在後面跟上來。)所以我相信當時那名交通警員在事發地點是與我保持好遠距離。
我想老編兄給小弟意見，我應否不認罪?(因我知道上到法庭法官會相信執法人員多過駕駛者。)
另外，如果我真的不認罪，而又判我輸的話，通常要罰多幾錢呢?
不平人 gp802@hkstar.com
老編唔可以直接俾應否認罪的建議俾你，因為老編唔係律師。
呢類問題老編真係冇乜概念，因為未試過。
|
6/1/2005
|
老爺車續牌
老編大人, 你好, 我有部老爺車,想請問係咪兩年唔續牌,就會被取消登記呢?真係被取消o既話, 第日可能復活嗎?thx
v7
呢個問題留番俾其他經驗車友補充...
|
6/1/2005
|
'牙'油
我想問問.. '牙'油大概幾時先要換? 會唔會好似偈油咁. 大概每公升就一千公里換一次?
我部係新車. 行左七百公里時. 番去代理換過一次'牙'油. 到兒家已經行左四千幾公里.
咁應唔應該換呢?會唔會有D準側比小弟作參考. 等小弟知道幾時換?小弟萬分感激!
小人物
尾牙油大約8000-10000km更換，到時可以順便睇埋珠仔和皮帶的狀況。
|
6/1/2005
|
老編您好！我想請教本田FTR223及CB250兩車除o左越野車及街車分別外，究景有甚麼分別？那款適合P牌用家？我想用作代步 (很多機會在東區走廊來回)，有勞老編了！
bryan bryan821@netvigator.com
CB250是並列雙汽缸引擎，輸出比起單汽缸的FTR223較順滑。但CB250外型較平實，不及FTR223般有玩味，(雖然FTR223不是走offroad越野車路線)，兩款車都適合新牌使用。
|
6/1/2005
|
有用網站
老編你好,最近無意中收到一個有關騎士知識既美國網站, 入面既資料非常詳盡, 希望可以登出黎, 幫到大家, 網址如下.
http://www.motorcyclesafety.state.mn.us/pages/tips_pages/tips_sharing.html
http://www.motorcyclesafety.state.mn.us/pages/tips_pages/tips_lift.html
kalok jt1215@sinaman.com
|
6/1/2005
|
想問本人的PGO Trex 150 咪錶俾其他車快約10km. 請問可以點修理正常, 自己可以修理嗎?
台灣細羊原庄錶又叫哈哈錶，數據不能作準大家開心就算。
要準確量度速度，要改用非觸式感應套系統。
老編:咁咩叫非觸式感應套系統? 幾多$?
即係唔行咪錶鏈，改用磁力感應，價錢連錶頭應該要千零蚊。
|
6/1/2005
|
頭brake油刻度
請問rebel250個brake黑盒, 個level係架車垂直時監察, 定係落side架時check
謝!
垂直
|
5/1/2005
|
漏迫力油,及油喉問題
本人的電單車現有兩問題﹐望得到指點。
最近在拿頭迫力時有迫力油在手柄位滲出﹐請問會是甚麼原因?可以如何解決﹖
另一年前我換了油缸接氣缸的油喉﹐現表面又出現裂痕﹐是否代表又要再換﹐為何這麼容易有裂痕呢﹖
阿志
只要更換泵心便可,膠喉是有分質料的,由於氣喉近於機器位置,所以容易硬化.
|
5/1/2005
|
搵車
請問各位車友有冇人知邊度仲有
majesty 125c 行 CUP 黑色 $23800 >>> 問左好多車行都冇
同 PGO T-rex 150 blue&black $17800>>> hk 總代理都冇
新車如果有, 可唔可以 email 車行名俾我?thank!!
Tommy tommytommy@gmail.com
你要話有回佣至得架：)
|
5/1/2005
|
Re: Re: 改裝問題
如三萬蚊內可以考慮下阿林有部二手紅色Atlantic200，行左三千幾，賣$28,XXX。部車仲好似同劉華映過相tim。
劉福榮
|
5/1/2005
|
小麟子~~~
本人最近比人釘左牌~~~~有三個問題想問~~~
我想問冇車牌可唔可以續牌費~~~我遲左二個月續牌費會唔會罰錢 因我家的停車場冇牌費唔比租停車場~~~~唔該晒~~~~~祝步步高昇
有羊冇得牧~~~
續牌費唔使睇駕駛執照，只係睇牌簿。就算唔續牌費，
等到拿番駕駛執照之後先去續牌費，填張聲明書便可以
無需多付之前牌費。(但條件係呢段時間內部車真係冇出過街便可}
冇牌費唔俾租停車場？咁嚴格都有o既？
|
5/1/2005
|
想問本人的PGO Trex 150 咪錶俾其他車快約10km. 請問可以點修理正常, 自己可以修理嗎?
台灣細羊原庄錶又叫哈哈錶，數據不能作準大家開心就算。
要準確量度速度，要改用非觸式感應套系統。
|
4/1/2005
|
有感而發
老編你好!由於小弟經常由大埔道沙田出九龍,發覺該段路都幾危險,今日都差d出事
因為過左加記油站後有時有d車等對面線無車才轉右入去私人屋苑,而該處又係灣位,後面d車又快又睇唔到,危險萬分請問可唔可以向運輸署反映?
hung
你可以去常用資料中搵到交通諮詢委員會，填寫道路投訴表格
|
4/1/2005
|
老鬼,
本人02年AN400綿羊車, 現有問題查詢 : -
1) 風格是否時常多油滲在棉上
2) 此車收油時40至20公里, 打炮問題出現, 已經搵左師傅修理,
師傅說座化油器零件一切正常, 火咀及死氣喉都正常.可解會打炮呢.... !!
.....謝謝....
煩惱人AN400
咁CHECK下偈油是否過多,打砲多數是你的風格棉過濕.
|
4/1/2005
|
2002年FORZA的速度咪錶突然郁得好慢﹐是壞了嗎?換新的價格是?
hei
有錶牙同錶鍊,CHECK左先.
|
4/1/2005
|
cb250！
我今日換左兩條呔！個師傅話"條呔未開"叫我唔好開得咁快！想問"未開呔"係咩意思？
同埋今日去幫朋友睇車！(97！cb250！)個車主話大修過車頭！
我著車試"擰大油"死氣喉有白煙噴出"打開偈油尺,Ｄ偈油黑蚊蚊！
我問車主,佢話傘鈴未run in 得好,所以有煙係正常,同埋入波行車,一鬆極力子就"鳴,鳴咁響,我部車都有,但係好輕微,why佢個部係咪唔正常或有問題呢？？(佢話大修個陣換埋極力子碟！)大修完車頭D偈油應該好乾淨致係架,WHY會咁污槽！唔同佢講大話？希望師傅可以解開小弟心中理個迷！唔該晒！
萬潔靈！cb！超人！
咁係幾耐之前大修先?如行了2,3千仲有白煙咁可能仲有問題.開呔是指行丟面的膠積,百零公里便可!
|
4/1/2005
|
死氣古維修
本人之坐架為cb400vs,買車時巳有kit死氣喉,而尾古是overUSA出品的碳纖維嗰隻!在某個早上如常準備取車返工時,不幸發覺架車被無良手痕友推跌!及後發嗰碳纖維尾古的邊位(有拉釘拉實的位置)巳被壓爆,固此發覺有漏氣及震盪時有什聲出現!
現在想請教老鬼坊間有沒有舖頭有提供維修此等纖維尾古的服務?及所費多少?因本人問個某電單車從業人仕而他說可以切去爛咗的一小段纖維(當然包括內膽)再重新拉上拉釘,請問這樣是否可行?
因為本人覺得這尾古爛的程度不至於無藥可救!如老鬼兄能提供一些意見或能提供有此等服務的店舖的知料!實在令小弟萬分感激!
亞剛 richkong@sinaman.com
這做法非常正常.我都係咁做,人工2-300元到,最好用不銹鋼拉釘.
|
4/1/2005
|
火咀
老鬼你好
1 想問下hornet 250 換火咀是否需要拆油缸呢?
2 火咀型號係邊種?
thx
係...型號CR8EH-9
|
4/1/2005
|
滴油問題
To 老鬼:
我近日發現架車有滴油現像, 第朝羅車時見地下有油, 約直徑3-4cm, 但又見唔到車身有滴油woo, 點解會咁既?
kit kit0723@yahoo.com.hk
咁車底呢?你從油的位置向上望.
|
4/1/2005
|
老兄：
請問super 4 換條油門線,有無一樣醒的的工具呢？搞左成個鐘都裝吾到上去。
幸甚！
freeman
對不起...係無...想易d裝可把化油器取出,同埋威也心不能用工具觸踫,因防止威也變形和損壞.
|
4/1/2005
|
風choke 常開
本人駕2000年款mejesty 250, 早已發覺engin軩速非常高,如調慢了,行久後便會死火,調快了有時又會自己識行, 而且急停一定會死火,久了知道可能是風choke有問題, 因行超過15-20分鐘, 軩速會特然減慢, 之後就會正常番, 但天氣凍可能會由頭行到尾,軩速都係咁快, 想問問老鬼先生我的車最可能是那裡出問題, 因整了兩次也找不到何處出了問題, 如可以的話請介紹我到那兒check check 佢. 祝新年快樂.
輝 dickymak2001@hotmail.com
一係個自動chock感應制壞了一係風油比唔正確.
|
4/1/2005
|
拆散引擎
請問如需拆散引擎維修,費用約多少....(換CAM鍊)
偉仔
換cam鍊可以唔駛全散,你架咩車先.
|
4/1/2005
|
joyride200 油錶
我在入油後行左60k到,鄀依然是用左一格油。為甚麼呢?祝斬年快樂
鷹仔 hchealthclub@yahoo.com.hk
當你行到百零公里時間,你就會發覺個錶會跌得好快.設計問題.
|
4/1/2005
|
找車
請問係香港邊到找到D 50仔∼90仔既綿羊仔???唔該∼！
阿基
.......你要o黎做乜？
外國就話唔使考牌姐，香港又要考牌，牌費燕梳又要交足，
但係上唔到highway...你唸住係後花園玩呀？
你可以問下萬里達，佢地有呢d細綿羊。
|
4/1/2005
|
re: 改裝問題
台版 yp125 好似 23800?
budget, 應該全數 30k 之內
諗過 t-rex, 但係一年後放可能冇人要(一年後成街g-max),
但 yp125 好似仲有人會要
and 自己都好 like yp125,
舒服(有靠背, 斜前地台, 可以申直隻腳),
少/唔會雙騎, 1-2年會換車
thanks!
小小意見: 其實呢度可唔可以改到 forum 型式? 等識答o既人可以幫手答
Tommy
有冇唸過cygnus 4V？搞控都幾好，又多野改。
forum形式太危險，直出的留言我地冇時間管理。
目前可以用車友留言的形式和其他車友交流。
|
4/1/2005
|
re: 改裝問題
回老編大人 想買, p牌, 車靚(想要250大羊, 但唔夠錢, 呀媽要我買新車, yp125就夠錢)
死.....咁行 cup o既 yp125 新車o係 hk 易唔易搵???係bor..冇可能 cut 水冷 thanks
Tommy
YP125都唔平，點解唔搵架價錢重平d o既 150呢？
你預算係幾多錢？
|
4/1/2005
|
dear 老編,may I know whether the cagiva raptor 650 is a high stolen risk model??
冷門車..應該唔係..數量少....即使見一架偷一架，統計數據上都唔會多。你冇睇警方提供失車報告咩？
|
4/1/2005
|
改裝問題
Majesty 125, 睇完車主報告, 好似好多問題, 但係咪可以解決呢?
1. 涷車易死火 >>>>
cut 左個水冷, 教大空轉 ok ma?
2. 洗 tire >>>>
換 tire, LOL, 但係換晒兩條....咪要 1k+
3. 行 i 多問題, 加速慢, 易死火, ETC >>>>
台版好似行 cup, 唔係行 i, 好似好力過行 i
其實想問咁樣解唔解決到呢d 問題
Tommy
凍車易死火，咁咪俾時間暖一暖車先o羅....好多細車都有呢個問題。
點會cut左個水冷架？台灣好多新車都轉用電子燃油噴注，化油器會被淘汰。
你究竟係車主定係準車主？反而老編想知道呢部車有咩咁吸引呢？
|
4/1/2005
|
05年入口車價格
hi老編,本人想在05年入貨(出架新車), 請問今年入口車價格係持升? 牛皮偏軟? 定係步趺呀?;p
05年大cc日本車同歐洲車價格走勢如何呀? 如果美元今年升, 對港元利好下, 日本車同歐洲車價格會否有下降呢.
小股民
先唔好講美處今年會唔會轉強咁長遠，淨係睇過去一年歐元日元升左咁多，好多入口商都有加價壓力。今年車價一定有貴冇平。美國龐大的軍費令財赤嚴重，以前克林頓時代儲落既錢俾布殊呢個敗家仔駛突.....美元點會轉強丫？還錢梗係想還少d家嘛~~
|
4/1/2005
|
火咀問題
老編你好我想問問一般火咀正常使用要幾耐先換一次架呢?
有朋友同我講火咀每行一萬會下降10%既性能
咁果10%會唔會食油多過0.1毫呢,定自己一d都感覺唔到呢??
如果我每兩三萬先換又有無問題呢??
因我朋友見意我每五六千換一次火咀,但有無咁既必要呢
已用白金火咀.....
火咀 火咀@火咀.com
火咀係耐用品，壽命會有幾萬公里，有幾多要視乎火咀實際燃燒狀態而定。
你呢個問題有少少鑽牛角尖。換火咀的目的係為左保持性能？或是為左慳油/慳錢呢？
換火咀本身要用錢，所以為左慳錢唔應該五六千公里便換火咀。
為左性能而換，則無話可說，但又要看看你是什麼車而定。
作為一位用家，只需定期拆出火咀檢查燃燒狀態，每次撻車都得心應手，
便可以不理火咀。
|
4/1/2005
|
老編哥哥,有一個小問題.我發覺每當我開著大燈行車時.燈會一時變大一時又變回細燈.一段小路程會有數次的出現,是否燈泡有微鬆.抑或是車的電池差不多夠期呢.記得我在新車落地時至13000公里換過一次電.現在差不多26000了是否須要再換呢.如果要那一種會好些呢.我架係大鯊150. 唔該哂老編..
宏
唔夠電頂多係光度不足，唔會大燈變細燈咁神奇。可能係燈掣感應鬆左？
電池一般可以用年半以上。
|
4/1/2005
|
風
請問老編師傅 街車有冇方去可以減低風阻 頭燈小風鏡有冇作用 後鏡有冇得改出少少方便睇後面有冇車 因着了風褸吹漲了得返三份一難睇後唔方便 唔該師傅
北條司
即使加裝了小風鏡也不能防止你的風褸被吹漲。除非你埋風擋好大塊。
|
4/1/2005
|
懷疑整流有問題
如懷疑整流有問題，點樣測試才知到是壞左呢！thank
kk
最簡單度法,他錶去dcv,篤住電池,slow車要有13.5v,比油要over14v,(亮頭燈計)
|
3/1/2005
|
hello,謝謝回答,再請教綿羊問題.
人人都說腳波車性能比綿羊好,但我看你們的靚車檔案,yamaha 的T Max 以及suzuki an650 都是中置雙缸引擎,你們說性能直迫腳波車,我想請問的是:中置引擎大cc是否會是綿羊發展的趨勢.本人喜愛綿羊,因為騎得很舒服.我突然想到:以後電單車的發展會否把綿羊與腳波車的優點合而為一,變成一部中性的車:有大綿羊的舒適,又有腳波車的性能....
David
你的猜想絕對絕對有可能會實現。老編相信中型電單車採用加減波技術絕對做得到，只是成本太高昂未能推出。
|
3/1/2005
|
多認識炒車後的問題
小弟剛pass路試數天，新手一名！一直都常上貴 網看各樣老電資訊，當中穫益良多。
小弟最感興趣的是炒車報告，那百份百是前人用血淚寫下的寶貴經驗，雖然在知識技術一欄有「意外後的應對方法」，但小弟仍想多認識炒車後的問題
1)可唔可以分析一下一些typical的案例，讓我們可知道在意外當中電單車/其他車輛
/行人邊個會負上多些法律責任
2)每單案 i) 100% sure win ii)七三/三七... iii) 五五波...
3)贏硬又點? 屈對方一筆好？定係claim佢保險? 手乜手續 ?
4)乜野情況又會認衰仔好d？ 賠錢了事算數? 賠幾多才合理?
5)報警好定唔報好? 報o左警有乜手尾? (聽講話佢地又要捉你一定要去驗車/又話會
charge 你扣分...)
6)意外後，有d乜野一定唔可以做/講，否則會減低勝訴機會?有d 乜又一定要講/做(影相/錄音)去增加勝訴機會?
7)claim保險後又會加loading，咁claim唔claim 好? 什麼情況claim/唔claim 好D?
8)最好能有d 車主能講下佢地炒車後/上庭/官司勝負/點判法/claim/?幾多等....
牛腩王 h9903062@hkusua.hku.hk
你的問題相當廣泛，亦非三言兩語在這有限篇幅裡能回答。簡單回覆如下
1) 及 2) 有興趣深入研究案例，可到高等法院或圖書館或上政府司法機構的網頁查閱，可幫助你明白法庭如何考慮責任問題。想初步了解，3) 如果嬴硬對方，對方又肯賠得合理，當然可以收錢和解了事。但如果對方對責任有爭議或賠得不合理，就只得找「公証行」拍照準備將來Claim對方保險。
4) 如果輸硬，但對方損失不嚴重，認衰賠錢和解了事（以免被警方告「不小心駕駛」還要被法庭罰錢及被對方索贘），或許會較好；但如果對方損失嚴重或有人受傷，則報保險處理便更安全。至於修理費賠幾多才合理，就要「公証行」的專業意見了。
1及6及7 報警／Claim 保險有好有不好；但有些情況下你必需報警，否則後果會更嚴重，請瀏覽「佳保公証行」網頁
8) 我們會嘗試聯絡一些車主，看是否有車主願意分享他們的上庭經驗，有的話我們會再作安排。
佳保公証行 倪生 <註：本欄並非法律意見。若有疑問，請咨詢你的律師。>
|
3/1/2005
|
成架車冇曬
我架?昨晚被隔離架?一鑊熟，燒到total loss，差人做曬野，而我又有自己影相備案。
1 而家我應?點做?
2 保險公司有冇得claim?
3 架?善後點?理?
4 ?牌有冇得留番?
架?玩&amp;amp;#21655;好多?，好唔捨得佢……
好x慘的人 sonraku@hotmail.com
1) 如果肯定 100%是自己不對，快報「保險」。如果是對方不對(或可能是對方不對)，則應盡快找「公証行」映相，以備將來索?之用。
2) 如果你的汽?保險單只是有「三保」(通常大部份?單?只?有「三保」)，則你報保險只是為了將來對方向你追?賠?時交由保險公司??之用，保險公司一般不會代你向對方追?賠?。如果你架?有買「全保」，你的維修費可Claim自己的保險公司，你報保險後保險公司自會安排。「公証行」拍照後，如確認?輛要§Total Loss§，可找擋?房，「擋?」後拿回擋??，向運?署申?退回剩餘之牌費。
4) ?牌可以留番，不過要向運?署申?及付費用，?情?向運?署查?。
佳保公証行 倪生 <註：本欄並非法律意見。若有疑問，請咨詢你的律師。>
|
3/1/2005
|
炒車之後
炒車之後
我o係11月10日同架的士炒左車, 之後11月中收到"擬控告通知書"?可能告不小心駕?後, 至今就再冇收過任何信了, 我想?以下:
1. o甘耐都冇信, 會唔會係唔告?
2. 由於炒?後即時送院, 所以從未同的士司機接觸過, 亦唔知點找佢, 所以我只係報左上保?公司, 但至今亦冇通知過我要賠幾多定使唔使賠, o甘樣正唔正常?
3. 我架?已?賣左了, 甘我需唔需要Cut左份保單或者通知保?公司我賣左架??Thxxx
Jim jimtse@email.com
Jim:
1) 警方一般可在2-3?月內完成調查並通知涉事各方「調查結果」，但警方亦可遲至6個月才完成調查。你可再耐心等待警方的通知，就算警方不控告任何一方，亦應會有通知。
2) 交通意外後，如涉事雙方對?任有 議並已報警 理，雙方都未必留有對方的聯絡資料。應各自找「公証行」拍照受損車輛，保存証據，供日後索之用。可瀏覽「佳保公証行」網 進一步瞭解。
3) 如果賣車後不打算買回另一輛車使用，則可通知保險公司你已賣了 並CUT左份保單，退回剩餘之保費。
佳保公証行 倪生
<註：本欄並非法律意見。若有疑問，請咨詢你的律師。>
|
3/1/2005
|
推撻
新年快樂
可以教一教我推車0既步驟呢?
唔該晒
p仔
「推撻」先決條件係要棍波車先得，自動波做唔到「老漢」呢回事。不過如果部車有腳撻都踩唔著車，推撻成功的機會都好微。推撻主要係用來救冇電撻火的棍波車。
方法係入二波扣極力子，撻匙位置及死火制係ON的位置，再搵條直路推車，當車開始行順後快速地放開極力子， 同時單邊跳上車俾油，當車著左後便馬上後扣番極力子。
|
3/1/2005
|
50CC的問題。
新年快楽。
想請問５０cc可不可以出牌的？
本人在某車行見到一部Ｍonkey、有興趣但在道路上未見過５０cc的車、其欠点是甚麼？老編対monkey有何意見？
andy
香港法例規定電單車排氣量最少要有125cc才能上高速公路，導至125以下的電單車實用性能大減。老編對250以下的細車一向冇乜「意見」。
|
3/1/2005
|
yamaha 太盤一問
老鬼&老編先生你好,本人一個月前買了yamaha mejester c 版.03年車
但最近本人發覺放開手行車時有少少偏向右邊行車(在60-70km公里放開手行車)
是不是部車頭fork有問題(會唔會好嚴重).........還是所有車放開手行車時都會有少少偏左或偏右,還是直線行車(放開手計)....本人好擔心
本人祝老鬼&老編新一年身體健康.心想事成...
pp freeflyaway17@yahoo.com.hk
其實好多舊車都有呢類問題。要部車放開手都行到直線，需要好多野配合。頭尾胎的損耗和胎壓，頭叉狀態，波子盤，頭尾轆alignment和啤鈴等等的狀況都會影響。只要情況不太嚴重便ok。一般如果在70km/h左右放開手可以行到三支燈柱先過到隔離線便可以不理。
|
| |
|
|
|
 |
|
