|
|
|
FAQ常見問題 |
|
|
19/12/2004
|
cb400耗電問題
請問老鬼師傅如果cb400裝私家車既12V牛(鞍)裝兩隻實會燒保險絲架啦咁可唔可以架個繼電器直接係電池度取電比牛(鞍)用呢?如果咁做會唔會影響整流,電池同埋行車時的電力供應呢?即行車時使用牛(鞍)唔該哂
吳~~~~~~~~~~~佢應有埋relay比你,跟佢咁駁線就無問題.
|
19/12/2004
|
R6-水溫問題
本人新買一部00年R6，而家天氣涼涼地，但水溫表都有90-102度，是否正常？
另外，當行到4-50km/h，就聽到有打字聲，是否正常？
IPIP lazy96@yahoo.com
如風扇能自動開啟水溫屬正常,亦可更換水箱水來作改善,聲音可能是尾鍊或哇佬聲.
|
19/12/2004
|
勁打炮
老編救命呀,我部150羊勁打炮呀,打到條死氣裡面o候散o左,今次已經係第二條散o左喇,請問老編大哥有什麼方法可根治,或者換條 KIT o候有佢照打炮,KIT o候裡面是否唔會散ga?因它是直出o候?救命~!
gigi
相信好小機會是因打炮而道致死氣喉散,如真的那應該是爆炸,檢查一下風格,火咀和死氣喉有否漏氣!
|
19/12/2004
|
架車冇油隔
我上兩個月買左架科西。
行左二千幾，今日第一次去換機油，我就問個師傅洗唔洗換油隔，佢話架車唔洗換油隔，整出黎洗下得架啦。佢話設計係咁，因為架車冇乜鐵屎。
我想問下冇既車好定有既車好???
文仔 manunt@hotmail.com
真的是設計問題,沒有話好不好的,可能只是機器磨損部份比較小,所以才不需油格.
|
19/12/2004
|
re:慢車急轉彎片段
那一架是vfr400改街車,不過都係段估咋
dream wing
|
19/12/2004
|
單拖換偈油不求人
今日小弟自行同部愛駒更換偈油,我真係唔想去車行換,上次去個間車行都唔知道佢倒d乜野落我部車到,好唔掂,今次一於來個DIY,首先去專賣偈油的專門店購買最適合我部車的偈油,跟住買個盆用來放舊偈油用,ok,開波,先將舊偈油從車底放出來,記住用個盆接住,唔係一地都係的時候就大件事,放盡晒後將d舊偈油倒入事先準備好的樽到,舊偈油事後要送番去油店到回收,千其唔好周圍倒,係犯法架!!!!刑事!!!然後將新買回來的偈油按照適當的份量倒入部車到,唔好多唔好少.
bandit
|
19/12/2004
|
re:慢車急轉灣
慢車急轉灣
段片係咪以正常速度黎播?我感覺到好似快左d咁
不過真係好勁,打電話叫羅絲仔去玩下都好
冇睇錯應該係VTZ250...估唔到咁好灣(又一次証明老電係睇車手有冇料多過睇部車齊唔齊料)
羞愧者
聽engine聲唔似較快左。你睇背景其他電單車移動速度正常。
**果部唔係VTZ250來的,而是ＶＦＲ４００Ｚ改ＶＦＲ４００Ｒ尾擔！**
chow
|
18/12/2004
|
問問
老編
如長時間不換偈油，會對部車及副偈有甚麼影嚮。謝
ken
等如一盤洗碗水唔肯換，但係咁不斷洗碗，清潔能力會冇晒，污糟野係副偈內不斷循環洗云，鐵屎塞住油隔減低偈油流量...而且偈油變質失去潤滑能力，副偈會嘈會震會冇力，機器損耗增加，唸起都開心！
|
18/12/2004
|
巡行車那種好？
我現時用VX250，但希望Upgarde到400，不知換Steed, Shadow 還是 Dragstar 的400好，請給意見。
亞古 koo_is_cool@hotmail.com
美式巡航車都係睇款為主，最緊要你鐘意！
|
18/12/2004
|
趕盡殺絕！！
自從警方月頭o係德士古道"黎"庭掃穴行動，細佬連食兩張三百二後，昨日又食一張！！淨o係呢三張售票都已經過晒入息中位數喇！！
細佬已經將部車泊係橫街，我諗o果位阿sir都要行得好入先搵到呢幾部車，甚至連告票上
o既街道名都係寫"unkown"，橫掂都o係要抄，不如泊晒係警署門口仲好喇！！起碼唔驚俾人偷！！
我真係投晒降！！寧願行十分鐘將部車泊係政府位，但係三個政府位都full晒，逼住又泊出界，聽聞話咁都會抄.......
請問老編大哥，我可唔可以投訴呢位阿sir寫告票唔清唔楚呢？？
青衣黃某
ar.....如果張告票寫錯野就有得拗。
|
18/12/2004
|
R仔
4仔一蚊一公里差唔多啦,因為你換左kit喉,可以改細返個唧咀會好d,我用上盤132下盤134的不過會慢好多,同埋大約千五至二千公里洗吸會好好多,我部係3仔全原裝大約5-6亳子一公里,一剛油行到270-300公里,常用轉數係7千-1萬.我icq~158269988~
五號仔
|
18/12/2004
|
慢車急轉灣
段片係咪以正常速度黎播?我感覺到好似快左d咁
不過真係好勁,打電話叫羅絲仔去玩下都好
冇睇錯應該係VTZ250...估唔到咁好灣(又一次証明老電係睇車手有冇料多過睇部車齊唔齊料)
羞愧者
聽engine聲唔似較快左。你睇背景其他電單車移動速度正常。
|
18/12/2004
|
保險 & 牌費
唔該老編我出車就快一年,我想問保險公司是否會到期前,自動寄已減10%(無claim過)續保繳費單給我,定係會經車行? 通常會到期前多久收到?
去續牌費係咪要帶埋車保証明?
KIT
你當時經邊個買保險o既，佢到咁上下自然會寄信俾你。
通常一個月前應該會收到續保通知書。
續牌要出示有效保險證明。
|
18/12/2004
|
Re : 超速
其實行50km又好，行80km又好。我覺得最緊要係容易比駕駛者知道每一段路嘅速道限制。我個人就覺得最衰格就係有D上橋落橋位忽然由80轉到50，而可能只係得一個牌。老實講你揸車梗係望前面多，尤其是開得快更加睇唔切牌。你要人知道點解唔大大隻字寫係地下，就算我有心超速都就住嚟超吖。最衰格之處，就係其實佢地知道好多人睇唔到或者無睇，專登放雷射槍係道捉人。你如果第一次行好大機會中招，擺到名係一個super trap。而家仲話捉跟車太貼，點樣衡量呀?任D差佬話呀？咁我地攝車計唔計呀？佢地有無諗過繁忙時間，點保持兩秒距離啊，會唔會由唔塞車變成塞車啊？過紅隧會唔會要半個鐘呀？
單氣缸生命体
|
18/12/2004
|
SUZUKI GSX-R1000K5 馬力已經出來了
Claimed Maximum Power 178ps (131kw) @ 11,000rpm
Claimed Maximum Torque 12.8 kg.m (118Nm) @ 9,000rpm
Sirano
|
18/12/2004
|
大食的問題 ???
想問下咁多位車友和老編!
我部pgm4仔行1公里要成$1,有冇咩辦法可以平d冇咁大食同埋要改d咩呢...??
部車已經冇改過d咩野..只係換左條kit喉..係5係會有影響?? thanks
仲有.多謝＜５號仔＞既恭喜∼！有冇方法可以搵到你呀∼？？
R 仔
一蚊一公里唔算大食o架喇，有d要個幾呀~
|
18/12/2004
|
轉數
老編hi：你說自動羊保持高轉數行車對台車會較好，但是我部羊是沒有轉數錶睇，咁我點樣會知到幾時會到達高轉數位置呢！thank
kk
你誤會了，應該係保持高波行車，降低引擎轉數。冇轉數錶睇唔緊要，一切憑感覺便可。
|
17/12/2004
|
RE:轉灣技巧
老編大人:
3)車輛牌費到期前後多小天要去換?
我上2個星期去續牌費淨係有得選擇4個月($438)同埋12個月(1314)
無得3個月咁續喎
Terry
哎顖老編意思係想話一季一季咁續...唔該晒...
|
17/12/2004
|
黑色星期二 - 葵涌道路段
首先對2位死者致哀。本人亦曾常走葵涌道路段，有以下觀察讓其他朋友警惕：
返工時間不時看到老電左穿右插，該路段車速高重型車多一般情形下實不宜穿車的，老電隨時被其他司機看漏眼，老電駕駛者是十分蝕底的。
有時亦看到老電與其他司機的意氣之爭，即大家互不相讓，老電駕駛者可能恃着"你夠膽就撞死我"的想法，其他車輛司機就死不讓位給老電過，夾到你老最後一刻。上述行為都會令其他車輛司機對老電愈來愈反感而對老電毫不客氣，意外很多時亦由此而生。
上述意見只是本人的從實際觀察得出的意見，當然亦看到很多非老電駕駛者的劣行。
本人十分認同老編的至理名言：無論意外發生的責任是否在老電身上，老電駕駛者所受的傷害往往是最大的。希望其他老電駕駛者警惕。
Jack
|
17/12/2004
|
TO:強制新丁
恭喜晒！！細佬都係源順圍一take過！！
青衣黃某
|
17/12/2004
|
轉灣技巧
麻煩老編大哥,細佬我年前考牌後因事忙無玩,月前手痕痕出左隻細cc羊,有野想請教 :
1)唔知點解每次轉灣都會驚跌唔敢壓低車來過,要減到好慢速來過,有無辦法可以除去呢個
心魔? 點樣練習好?
2)乜野是風安?
3)車輛牌費到期前後多小天要去換?
德仔
電單車有一定速度之後，一定要壓車先轉得順。你可以重溫知識技術內有關推軑的文章，便知道電單車輪胎的形狀是為了轉彎而設。
風Horn即係俾貨車用的電horn，好鬼嘈好鬼恐佈。
續牌費應在到期前去續，以三個月為一個單位，可以續一季，也可以續一年。過左期先續，運輸署要你填一張聲明書，話冇牌費期間冇用過車，否則要補交過期牌費。
|
17/12/2004
|
Re : 超速
文卓兄，小弟就不太同意閣下之言論。雖然許多駕駛者也認為現今香港的時速限制已不合時宜。可是我們每日翻開各大報章，均會找到各宗大大小小之交通意外報道，如昨日發生在屯門公路的嚴重事故(在此祝各傷者早日康復)。由此可見，是香港普遍的駕駛者不論技述或態度上都暫時未能給予政府信心去放寬限制。易地而處，假若您是政府官員，相信您亦不會輕率地提高時速上限，否則，只會令交通意外的傷亡數字每年趨升，從而影響香港的形象。
(老編對小弟的意見又有何看法??)
小警員
現時道路速度限制是以最低駕駛技術和反應的人來考量。
若從管治者的角度來看，這點無可厚非。
現實是，大部份人都沒有嚴格遵守。
|
17/12/2004
|
小心駕駛
知道最近一連發生多宗老電意外後,需然唔識佢地,但個心都好唔安樂.大家都係老電人,所以清楚渣老電所面對的危險,自己固然要小心渣,亦要"林"埋它人會點樣不小心,渣老電時真係唔可以鬆懈,呢D野只要一次就可能無得番身;又要身邊既老婆同老友擔心,真係過意唔去,有時都有D意想放棄老電,但一坐上隻馬迎風而去時又鬼死咁精神,呢D吸引力係唔同4個6既 !
係自己經驗中,覺得最危險就係後面跟車太貼(當然自己一定會同前車有足夠空間),特別係D搵食車就最鐘意咁做(唔好意思得罪哂各位大佬),可能佢地持住自己手車熟,喂大佬呀,我地老電人都唔係先知,都唔知前面有無突發事情要急剎,有事你一野撞埋黎咪X街,遇到後面有呢D車,我一定cut lane或靠邊俾佢去,費事阻住人去睇急症啦 !
重有就係無論你係開車前有幾煩惱有幾唔開心有幾愁,渣車前要全部擺低哂先,有乜事一陣泊完車先拿出來(小弟也試過分神差D出事),記住生命無TAKE TWO !
高高興興上車,平平安安落車 !
有心人
|
17/12/2004
|
洗吸一問
前兩日落車房,d師傅又叫我洗吸,話洗吸後部車無咁多黑煙,耗油小咗咁話,但多年前丁高人話只要整條直路,高轉d行,都可以將d積炭吹走,而耗油就換風格外,因為車舊無計,好多零件造成耗油高,叫我唔好洗成6,7百蚊去洗吸,車房叫我洗吸都係想賺份人工姊,其實本人渣老電很多年,不過個樣後生,似新牌d車房就好多時係度吹水,所以我勸大家整都係去d信譽良好的車房,起碼有嗰句講個句.我好想讚油*地極*非常老實又唔貴
年輕車友
|
17/12/2004
|
各位渣老電o既人
大家如果一個唔好彩炒低左,
記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住記住
得番最好一口氣都要起番身, 走去路邊, 如果唔係好易俾車車死!!!!
MMC
嘩唔係咁猛哇~~
|
17/12/2004
|
嚇親學神
話說我係沙田學車, 今日第一堂自己渣部電單車出街. 係一個三線燈位處, 左線左轉直去, 我身處中線, 可以直去同右轉, 右線就只可右轉. 當時我係停係第一位既, 未幾有部銀灰色Hiace 停在我身後. 轉燈起步, 一轉二波, 眼尾望一望右鏡準備轉右, 已經見到那部Hiace 的大燈朝我而來, 那個仆街仲加速追上黎係我右邊離我大約一尺過頭. 大佬, 我打晒右燈要轉灣, 中線轉右梗係要拉直d 個灣先轉嘛, 這條狗娘養的從我右邊過頭幹嘛. 掛住學牌梗係慢d 啦, 駛唔駛做到咁呀 DE 1XX9?
學神
既然右線只能轉右，貨van係你右手邊爬頭佢已經唔o岩。
不過老編從來唔強調邊個o岩邊個錯，因為撞左車後你o岩晒都冇用。
下次在相同情況下，要轉右而右線又冇車的話，停係右線等轉右會穩陣d。
|
17/12/2004
|
英國品牌 - Chof????
有日返工泊好架車"口向"停車場，有個阿伯(都有六十幾歲)同我一齊等緊"車立"，佢話佢以前都有渣電單車，英國Chof????有無人聽過呀？咩電單車黎架？
仲有呀，佢話以前香港無咁多車，渣電單車比起而家安全及好玩好多，對住我講個陣仲笑笑口，好回味，成個大細路咁！:D
後生仔
佢會唔會係講緊英國Triumph呢？
|
17/12/2004
|
2004-12-16 天氣：晴 路面：乾爽 考牌路線：源順圍
我係上次學神宿醉未醒炒崩門牙個強制新丁
好開心，一次過 pass ，我而家係P 仔一名喇
雖然昨晚練習時轆過左同學隻腳，不過今日考試都無驚無險
強制新丁
恭喜晒！踏入人生新一頁，要珍惜今天所擁有的一切。
小心駕駛，唔好違反P牌守則以免讓保險失效，
更加唔好醉酒駕駛，天地不容呀~~
|
17/12/2004
|
增加罰則意見
正如有網友留言,酒後駕駛已經不是新聞,私家車唔在講,有時見到報紙報導有老電駕駛者都可以醉駕(都唔明佢點駕駛,開得部老電去,就唔好飲,預左飲,就唔好揸去),真係制唔過,私家車撞都會爆下袋,老電就真係...
仲有呢排成日話要檢討扣分既罰則,建議政府應該將一d違規既司機如醉駕,危險駕駛仲有係跟車太貼(都唔明點解d人咁鐘意做跟尾狗),違規後一段時間(一年左右)好似p仔就貼張野0係車頭車尾,跟返p仔既規例,其他車睇到你地,認清楚你地,怕左你地,罰錢唔怕,坐監又唔驚,冇面,佢地會慘d
請你班泥鬼,貨van佬,的士佬,村巴佬,拖頭佬唔好再追尾喇,請你地過主啦
老電人
|
16/12/2004
|
Chopper
Chopper係咪即係哈利呀？哈利係咪又即係巡迒車？
Andy
哈利係美式巡航車，chopper意思係經過相當改裝變形的美式巡航車。
|
16/12/2004
|
綿羊應點俾油
我經常行高速，有人話最好唔定住油行，應俾下油收下收，咁付偈先會襟D，係唔係真？
天路客
當在高波中行車便可以定油行。當然唔係長期爆錶行極速啦。
|
16/12/2004
|
想請教幾個有關set吸同死氣喉問題
小弟駕駛單氣缸街車換了supertrapp喉及大冬姑
1)問過好幾間車房一般都話set吸之後低扭會差好多, 點解？
2)Set吸之後好小打炮, 是否代表set得好?
3)Supertrapp官方網頁話增加同減小鋼片可以影響燃料汽化及扭力,什麼原理?
單氣缸生命体
安裝aftermarket部品要調較到最理想效果，需要精密儀器和豐富經驗再加大量時間。
加鋼片的作用係增加回氣壓力，減少末燃燒的油氣流失。落齊鋼片當然最慳油最好扭力，但聲音和高轉都會差左。
|
16/12/2004
|
風安
想請問風安會對150羊有影響嗎?因我想妀風安..
唔該晒老編^^
fion
唔會有影響，不過係違法姐。
小心嚇親阿婆。
|
16/12/2004
|
R仔
恭喜你買左車先^^,pgm4仔只有94年第一代係r版,所以搵到係超難,既然你巳經買左就冇謂晒錢啦,大陸啡呤大約二千至二千五睇下去邊間車行代訂,約二個星期交貨但質量全無保證!!!
五號仔
|
16/12/2004
|
黑店!!!
近日本人去某車行更換整流,卻遭無理剪斷龍根還要駁錯線路,導致短路還差點著火,令車輛再懷整流以及水電還有電腦...,請問有什麼部門投訢或在此公開該黑店名稱,讓各人有所警裼...
受害者
呢個係業務過失，唔係欺詐騙案。
應與車行商討賠償，有問題可試向摩托車商會投訴。
|
16/12/2004
|
有感而發......
黑色星期二，的確令好多老電人心情跌落谷底！！
其實一直以o黎，細佬受o既壓力都好大，家人不在話下喇，有私家車o既朋友出o黎玩o既時候都會問：幾時考番四個6呀你，皮包鐡始終唔係咁好！！加上近人細佬部愛驅接連出現毛病，什麼"平買貴渣"呀、"整埋整埋d錢考四個6好過喇"等等既說話真係聽唔小。
我唔係話四個6唔好，不過由細細個開始已經好想渣老電，真係天性使然，改唔到，四個6都會考o既，不過唔會買o黎渣。
細佬由細到大都好留意老電出事o既新聞，因為要好了解每一件意外既成因，咁發生係自己身上都可以借鏡一下，預計到可能會出事，咪避下咯！！細佬既總結係，好多時都係基於四個6司機大食細o既心態下出事！(當然自炒除外喇。)
希望咁多位司機大哥，尤其係的士大哥、紅van大哥，唔該你o地都留意一下，老電都o係車之一，都要學車考牌，犯規都要抄牌扣分，一樣要年年俾牌費保險！！我地都係渣車o既，有膽o既就去"界"d長車，唔好下下"虾"我地老電！！
另外想問候一下o果位不顧而去既司機，呢兩日你訓得好嗎？？有無發悪夢自己撞車，俾安全帶"kee"住更生燒死？？
係黑色星期二過身o既兩位朋友，願你o地在另一片樂土繼續飛馳......
青衣黃某
|
16/12/2004
|
re p仔出車pgm3,4
p仔真係唔好出呢d車玩啦,我個friend一年炒幾次,最好果次都損哂手腳,最好彩就係未上頭條,同埋個款真係out哂,又要成日整,我部cbr250rr都唔要點整,係出都出cbr啦,都唔知點解cbr250rr要停產,同埋想問下老編,我部車可唔可以改街車把手呢?唔該.
跑車改街車把手，驚d線唔夠長，同埋俾啡呤阻住。
可以試下升高把手，攝高少少。
|
16/12/2004
|
超速
有事到東涌，辦完事，駕車從東涌市區轉到公路，誰知走不了幾步，便有警察路障，兩位阿Sir將我截停，並告知這條公路的車速限制是五十公里。而我的車速是六十八公里，超了十八公里，罰款四百五十大元兼扣三分。
我自問是一個十分規矩的司機，多年來極少超速。我下車四處張望，整條公路，根本看不見有任何時速限制的路牌。
既然沒提示，唯有憑經驗判斷，這路段從長度、寬度、設施，基本上和高速公路無異，按照我多年駕車經驗，這種公路起碼可以開八十公里，現時我七十公里不到，已經相當緩慢，誰知也中招。
我不禁問阿Sir，這條公路憑甚麼要限制在五十公里內﹖阿Sir回答，他也知不合理，他只是執行，限制時速的是運輸署。我也不再難為阿Sir，因為他也是無辜受害者，可以想像，每位「中招」的司機，心底都會問候這幾位阿Sir的祖宗十八代。連累家人受辱，阿Sir應不好受。
真正要罵是運輸署，香港很多主幹線公路，時速限在五十公里，實在是極不合理，五十公里車速放到市區，亦嫌太慢，何況在車流量甚高的公路上。若果人人都遵守此不合理限制，肯定會造成交通擠塞，難怪有職業司機氣憤道，這些不切實際、不合理限制車速的路段，簡直就是搶錢陷阱。
我相信運輸署一定有它一套限制時速機制，問題只是執行這些機制必然是死板加官僚，總之一刀切，不會按個別情況個別處理。
因為一旦個別，就意味額外多做工夫，在多做多錯，少做少錯的官僚哲學裏，當然少做為妙。
文卓
絕對明白你的感受。但法例係講明冇速度上限顯示即表示上限係50km/h。
這是一個超速圈套。
|
16/12/2004
|
警方呼籲目擊者提供消息
騎士輾斃案警尋獲貨車
16/12/2004 太陽報
本報訊】葵涌道前晨「綿羊騎士」遭輾斃案有突破進展，警方昨根據目擊者提供的資料，尋獲一輛疑涉案貨車，拖走扣查，由政府化驗師進行蒐證，暫無人被捕。新界南總區交通部交通意外調查組總督察羅維义表示，意外發生時為上班繁忙時間，他呼籲目擊者致電2611 3224提供消息。警方已尋獲一輛疑與案有關的藍色密斗貨車，交由政府化驗師跟進。死者陳健華（二十八歲），昨晨九時許，陳母、弟弟、陳的女友及數名親友認屍，神情悲傷。
|
16/12/2004
|
ＰＸ２○○想轉大ＣＣ車
其實我是想問如果轉大ＣＣ的車不載貨有沒有問提呢,例如駕駛一部４百ＣＣ或６百ＣＣ的街車不載貨和駕駛一部ＰＸ200載貨是否有很大的分別呢.多謝123仔的回應,你很明白我的想法,我很多謝你和老編的回答.多謝.
送貨南 www.blueicenam@yahoo.com.hk
相信以南哥你的技術，駕駛600或以上的電單車都絕無問題。
PX200本身重心己在後，再擺埋貨根本份頭係輕飄飄o既，
而單騎的街車重心則在頭輪之後，有好大分別。
|
16/12/2004
|
$$$
老編：你好!本人已閱讀貴網約兩年，略看過由來，其實好高興香港有如此一個高閱覽數字及質量的老單網站出現，一般來說，經營此類網站，所需資金應該不太輕。老實說，需然有時老編及老鬼所回答的問題並不能說完全盡然解答所有疑問，但看得出是靠一顆對機車的熱情，才能俞做俞好。
我覺得各ibike同事應該得到一些實質的鼓勵，同時也相信會有些有心人，願意給貴網一點兒實際幫助或鼓勵的，相信一百幾十，好多鍾意每日有visit ibike 的車友都唔會扥手jang的，如此一來可給老編請個助手，實有提高貴網質數之幫助。謝謝!請努力!
key
你真係好人...淨係聽到你咁講已經好開心。我們只希望各方好友能繼續支持 iBike，
做得好時不妨讚下，做得唔好時多多包函，咁樣我地已經好滿足。
|
16/12/2004
|
PGM3積碳問題？
PGM3積碳係咪因為2T引起？點樣可以避免...？係咪點樣KEEP住高轉行駛都會出現，分別只在時間問題呢?如果出現又應該點收科呢?係咪任何2T都會積碳(不論品牌或價錢)？
溝油仔
唔關2T油事，問題係二衝程引擎在低轉時的燃燒效率差，所以容易積炭。解決辦法就係盡量多用高轉。
|
16/12/2004
|
硬Fork與珠盤
老編我想問下我換左硬Fork油對珠盤個負荷係咪會大左?用硬Fork係咪會減低珠盤壽命架?
有冇方法抵消呢個現象?
kwan
你講得o岩，波子盤食晒。唔係頭叉食就係波子盤食，任你揀。
|
16/12/2004
|
想買600cc新街車邊隻好？！
FZ6,CB600F,SV650s,呢3部論舒適、操控、耐用......請問你認為如何？
jan
老編偏心，淨係見到FZ6己經口水猛流，其他乜都睇唔入眼...
|
16/12/2004
|
霧燈?
如果裝左霧燈,其實有冇用啊??而且加裝霧燈係唔係犯法啊?
Jason
香港幾何會霧大到睇唔到路？
理論上加裝改裝任何野，未得到運輸署許可都係違法。
|
15/12/2004
|
洗路
想問d高速公路有冇人清洗?因為見好多污積幾個月都仲係度,唔通要投訴先做野?
仲有d路因4.6行得多中間位黑曬個d積會否好冼呢?特別係落雨.
謝!
johnnyshum johnnyshum@hotmail.com
投訴路面可以係常用資料中有投訴連結。
行車線中間果d漬係汽車偈油漬，莫講話落雨，乾地都應該盡量避免行。
|
15/12/2004
|
私人買賣的程序.
我打算買一部二手AN400 TYPE S，我打算把手續全部交由車行處理，咁應該轉咗名先畀錢車主先，定畀咗錢先轉名．由頭到尾應該點做先安全呀？ 煩請指點！
bill仔
通常係俾訂，轉名，俾尾數，交車。
知識技術內有買賣車輛的文章。
|
15/12/2004
|
電單車意外...!
一天內接二連三的交通意外，實在令人震驚，有人被的士捲在車底，又有人懷疑被車輾過，是否香港的司機只顧自己，而不理他人而作出超速、跟車太貼、醉酒駕駛、衝紅燈等等等等，而令到他人及其家人受傷害他們才心息嗎？他們有否想過若發生意外的是他的親友會高興嘛？香港政府口口聲聲說希望減少交通意外，有什麼能見到？祗說在行車時只可用免提聽筒聽電話而不能用手拿着電話邊講邊駕車，已實行多年，個我每天也能見到！醉酒駕駛更不在話下，就快不是新聞了，每天幾乎都有，快變成報告了...很多很多數之不盡，連抄牌都叫作打擊偷車活動？究意是那位天才想出來呢？香港政府再不嚴刑對付那些不守交通規則的人，那些人就只會繼續危害他人！請這些人也三思！
|
15/12/2004
|
迷網
老編師傅
請問低軚跑車是不是比街車好灣cb400可以改低軚嗎
阿基拉
跑車當然比街車好彎。CB400SF可以改低軑，但改左都係一部街車。
|
15/12/2004
|
新牌
請問:
hornet 250 和forza 250 邊一種性能好D和冇咁大食
2架車種邊隻岩新牌?
水貨同行貨有咩分別.....
新
250分別不大，因為海外市場唔注重250。
Hornet 250用並列四汽缸，Forza 250只是單汽缸，
馬力差一倍左右。
|
| |
|
|
|
 |
