|
|
|
FAQ常見問題 |
|
|
12/12/2004
|
HONDA Forza 250
老編你好,客氣的話不講了,因為無網能及^.^"言歸正傳.
想問o下HONDA Forza 250真係可以上到百三四km/h嗎?
因為在車主報告中,有部分車主寫可以.想問o下老編.
係真唔係呀.ths
aries
以老編個人經驗，上一款原庄forza極速應在120km/h之內。
換喉改車可能會再快d，但要條路好長先得。
其實極速有好多因素可以影響，例如順風逆風，路面斜度，車手體重，胎氣，皮帶珠仔極力子皮的情況等等，當然原庄咪錶偏快，作大失實...都會導至極速數字有極大的起落。
|
12/12/2004
|
RE: 華潤油站九折入油
仲有柴灣杏花村足球場隔離都有華潤~ 依家九折. $10.8幾/ Litre, 幾抵ga!!!
Alff
|
12/12/2004
|
runner 200
請問how 保養部車?eg 行１０００ｋｍ 換偈油ｔｈｅｎ．．．．．
請詳盡一些
工作愉快
ａｌａｎ badmosquito903@yahoo.com.hk
你要詳細d？請買書睇。
買咩書睇？FAQ內有推介。
唔想俾錢或冇咁多時間？
請重溫【知識技術】內各相關文章,
或翻閱搜尋以往老鬼信箱。
|
12/12/2004
|
ford 油一問
請問我呢o的150羊幾耐要換 ford 油? 連人工一般大約幾錢? 同埋換左係o米可以無咁硬?
大鯊王
Fork油一兩年換一次都得，只要覺得避震反應ok便可。
要更改頭fork硬度，除了換不同度數的fork油之外，
還可以更改彈簧的硬度，但通常會換硬d，好少會換軟d。
|
12/12/2004
|
問題
乾式極力子操縱時應該怎樣??如果我係騎pgm4仔應該要用什麼極力子最好~而又最岩p仔呢???其實我好LIKE PGM4仔既~但個個都話危險...你覺得呢~?我是否應該重新諗清楚呢...
唔該晒你呀!!
R
其實行街最好用濕式極力子，冇咁易燒。
老編除左覺得NSR二衝跑車唔適合新牌之外，
重覺得呢款車幾肉酸。
|
12/12/2004
|
極力子皮
Pls can you tell me how many KM need to chnge "極力子皮", my bike is cb400sf thanks.
man
極力子皮係耐用品，正常使用的話可以用幾年都唔使換。
當俾油時轉數上升但車速冇加快時(尤其係上斜時)，
便可能是極力子皮到期，出現打滑情況。
|
12/12/2004
|
華潤油站九折入油
致各位牧羊人：
上年華潤曾經推出九折入油優惠，但後來沒有了； 如今重新開始，實在是你和我的一個天大喜訊． 不要以為它是大陸油，它是新加坡油，這是油站職員講呀！ 真是平靚正． 不過可惜油站地點比較少，我所知道的一間在沙田小瀝源，如果你有多些地點資料可以放上網以供一同參考．
牧伯上
12/12/2004(Sunday)
＜聖經金句：一句話說得合宜，就如金蘋果在銀網子裏．（箴言２５：１１）＞
Howard Kwok
|
12/12/2004
|
大家知唔知公路咩車,要小心D!.........................
其實唔洗我講大家知道一二架啦..........................
的士就專玩急煞接客............
紅小巴同貨VAN就有大食細當你死........................
大貨櫃車,當你靠近佢時就有道反吸力......................
其實仲有二類車係會殺人於無形
就係垃圾車,因為佢專放哨水來冼你..(小心係佢後面)
第二都係大貨車,因為當你在它後面行車時,經過碎石路面就會向你連珠炮發(我個頭盔大螢幕就此報燒)
請各位弟兄姊妹小心D啦.........................
點解我會知?因為我都係渣車個羅
Tiger
因住Esso收你版權：)
|
12/12/2004
|
油!!
你地好∼小弟剛成位騎士一份子^^想問下各位車友你地用開邊間Ｄ汽油架?
邊間抵用同邊間好用呢^^"邊間回贈多架
希望車友你地可以比下意見^^
him
電單車入得果一百幾十蚊油....拿唔到油公司咩著數...
|
12/12/2004
|
行車時誤開死火製！
今日行經菠蘿輋，由於夜晚上斜彎多，於是想開大燈，但係因為係第一次開高燈，又係黑麻麻所以誤開死火製，死喇！上緊斜架羊即時冇力！於是立即閂番死火製，好在架羊都即時行番，現請問經此一事架車會否內傷呢？謝謝^_^
yaooo
唔會內傷，只係高速地推撻部車姐。
|
12/12/2004
|
Re: P牌選車的疑問
Aprilia Atlantic 250外型＆性能力確係唔錯，但日後架車有乜頭暈身慶，個代理就唔係咁適合ｄ冇乜維修經驗o既ｐ仔喇！Honda Foresight 250個樣雖然老土ｄ，但日本車加個服務一流o既代理，日後維修問題相對較少！以上純屬個人意見．
Oakyeah
|
11/12/2004
|
成日撻唔著
我架係mojito 125, 一年車,身經百戰, 有次跌車後冇楂一排, 唔知係咪冇電, 撻唔著, 拎左去域高整, 整完好多時都要撻一陣先撻得著. 之後泊低左架車俾人整跌左, 過左一晚先發現, 跟住又係撻唔著, 拖左返阿林整, 整完之後三個月都冇問題. 不過之後有試過冇楂兩日車, 再楂返撻唔著, 以為天氣剛轉涼車仔唔慣, 俾佢休息下, 但係都唔得. 之後拎左架車去阿林, 佢地話冇電喎! 叫我唔好放架車嚮度唔理佢. 行左一個月左右, 又係咁. 今次搵左個的士司機幫我用過江龍撻車. 的士司機話個電池頭發毛, 走電喎! 教我用整走D毛後, 用"牛油"防止再發毛. 我跟足做.
行左唔夠一個月, 又係咁. 晨早想開車, 撻極都唔得. 到第二日黃昏, 起初都唔得, 扭下電池頭o個兩粒"鏍絲, "撻左幾次又得喎! 跟住行左二十公里左右諗住幫佢上電. 點知第二日晨早又撻唔著!唉! 心灰意冷! 都唔知點算.我想問下:
1. 係唔係又冇電呢?
2. 撻著車唔行係唔係會自動上電呢?
3. 行緊車時又會唔會上電呢?
4. 撻唔著同天氣涷有冇關係呢?
5. 我平時係按住BRAKE, 然後同時間俾油&按撻車制, 之後行車. 停車後立即熄匙. 以上程序有冇問題? 係唔係手勢唔o岩, 整壞車?
6. 架車行大約$0.4 一公里, 算唔算食油?
煩請解答!
manmandydy ivalinep@hotmail.com
當然如全套供電糸統是沒問題的,是不會咁快無電,只要檢查一下是可以斷尾的,但亦可能是由於電池頭縲絲鬆引致經常接觸不良而整壞電池.行車時是會補充失去電量,但並不代表可充爆電池,電氣凍難撻車可能只是化油器問題.4毫子叫平,一d都唔大食.
|
11/12/2004
|
續加強接地問題
唔好意思呀上次問漏左少少野架^^
因我聽人講話加強接地係引擎外殼會比較燒得好d係唔係真呢?
因照睇情況應該只會回路會變得好左對機車既效能會有乜提升呢?重有分電盤係咪即係火咀線接住果個盒仔呢?
這是本身電器可能比較弱些,加強地線會有幫助,個個我地叫coil.
|
11/12/2004
|
請問單騎呔氣應打多少?
hihi
你條問題等於問：「單Q幾多錢？」
叫人點樣答？問問題前用下腦先，幫幫忙。
|
11/12/2004
|
SIT 位太高，有乜計？
小弟剛購下一部比華利200，但發現腳踭點唔到地，就比人改矮個SIT 位，點知個師傅話SIT 位內有氣袋，最多只可以改半吋，一係改埋條避震，令部車低多1吋(要成千5銀)，加埋都係減得吋半，......現請問老鬼大人，呢個方法係咪唯一方法，或者重有乜方法可以改矮部車？
大P tsui_mae@yahoo.com.hk
本身改短避震會影響彎向,落側架時車身過直,雙騎可能會到底等..是沒有其它方法的.
|
11/12/2004
|
P牌選車的疑問
小弟剛考車合格一星期，好想買新綿羊。
現請教老編/老鬼在以下兩隻綿羊，你會怎樣去選擇？
Aprilia Atlantic 250c.c.
Honda Foresight 250c.c.
若有時間，提出一個原因就更好了。
十萬個謝！
Tim
講新款講樣講功能，當然係Aprilia Atlantic 250佔優。
買新車，唸唔到咩原因唔買Atlantic 250。
|
11/12/2004
|
黃某心得之--- 油門控制。(只適用於自動波)
多謝老編大哥俾小小地方，等細佬發表一下o係車房老闆學o番o黎o既油門控制心得！！先要聲明一下，以下所講o既係由老闆示範，加上口述，細佬從後騎領悟，再發表。朋友們如覺得細佬講錯o既記得要指正指正，如果跟o住渣而引起o既所有問題，細佬真係擔當唔o黎！！亦唔關"鐵騎信箱"/老編大哥事。
好喇，講o左好多廢話，入正提喇！！其實都好間單，部車起圍o既時候俾大啖小小油，你會感覺到部車有一度標o住o既力，咁係呢個時候部車會自己標到去，呢個時候收油，部車會漂o住去，去到差唔多無力再俾油，但係唔使咁大啖。至部車漂到幾時無力呢？我諗每部車都唔同，我摸兩三次就感覺到。以上既方法係避免"定油"，"定油"，會對引擎做成好大負荷，好易打柴。
至於"吊油"道理都好間單，但係要做到就好難，就係當部車標o住去既時候再俾小小油，我諗大概係四份一至三份一左右喇！！似有還無、若即若離咁喇！如果得既話呢你會發覺每一次俾小小油都會有一度小小既力推部車走，每次都會大力d，部車就可以好快咁爬升到一定o既速度，細佬o既極速係七十五，始終都係p牌唔敢渣咁快，但係仲覺得應該有得去。咁再keep住以上講既俾油/收油方法，就可以keep到部車既速度。
細佬文筆唔係咁好，多謝老編大哥不持勞苦咁幫細佬指正錯誤，鐵騎信箱無得頂呀！！
青衣黃某
多謝青衣黃某的分享。
呢個油門控制的竅門，係盡量讓綿羊在高波狀態下行駛，減少引擎在高轉運行的時間。
換另一個講法，即係加速時油門不妨俾大d，當獲得一定衝刺感時要收收油，等部車進入高波狀態，然後保持適量油門，等部車繼續有動力但又不會返回低波狀態中。
這個油門控制方法，也適用於自動波私家車。因為一俾大油，部車以為你想加速，會自動跌低一個波提升引擎轉速，是為kick down也。
再簡單地講一次：唔好以為死扭住油門部車就會快，要回一回油讓波箱更快速地進入高波狀態，咁做會慳油d和減低引擎的負苛。
|
11/12/2004
|
咪錶唔識轉
老鬼你好, 我想問下,我架羊個咪錶唔知點解就算著左車同行緊車都唔識轉,令到我睇唔到行緊幾多。其實係因為咩原因呢?維修又貴唔貴架?
Superm@n
呢個咁簡單o既問題唔使驚動老鬼，等老編代答。
咪錶鍊鬆左或者斷左就會有咁o既情況。速度和里程計都停晒，換過佢最多都係幾舊水之內o既事。
|
11/12/2004
|
電單車三保
今日問三保價錢,原來而家要問結左婚未,直系新鮮 !
7-11
駛唔駛填埋性生活有幾愉快o架？
|
11/12/2004
|
因本人之前渣開私家車
仲有一兩支偈油未用晒,可否換入手波電單車到用呢
本人之坐駕係超四...........
聽人講話會壞極力子
是否???
唔該晒老編大人
偈油人
如果你支偈油係全合成油就冇問題。不過最好唔好溝油，如果你剩番一兩公升油，要滲其他牌子偈油就唔係咁好。
|
11/12/2004
|
RE:行車途中比油冇反應??!!
Tmy
我以前部二手hornet都試過好似你咁樣(窮,買返黎之後乜q都冇check過),行行下俾油冇反應,之後停埋一邊停車,著得返喎,又行過,行多1~2公里之後就唔得喇,及後拖返車房整,發覺風格塞左同個化油器污髒,換左風格,洗左化油器之後,搞掂...睇下以上果兩樣做左未
買2手車換"風油火電"少不免呀喇
過來人 cb400sf@bikerider.com
|
11/12/2004
|
哇佬問題
換咗新哇佬,使唔使(溫in)
kkk
彈簧和哇佬腳都要時間磨合。一開始唔好扭咁盡。
|
11/12/2004
|
我要做車手！
老編您好：
本人年過３０，牌齡超過１０年，實際經驗則約５至６年。
我的問題是，如果想去珠海參加比賽，有甚麼途徑？我對這方面所知不多！也沒有這方面的朋友。其實，我想參加的目的，並不是要取得甚麼成績，只是想一嘗心願而已。
我的想法是，買一部戰車，運到賽車場存放，之後，間中到那裡進行練習，直到有把握，才正式參加賽事。而我打算買的戰車是 TZ125 或 RS125（當然是二手車），這些廠車該到甚麼地方購買？價錢大約多少？另外，如果想買一般街車，是否如常在一般車行購買？因為無需行車証，是不是不用付該車的入口稅？
除了購買戰車（及維修保養）及個人裝備之外，其它開支需要多少？之前有些車行提供了一些訓練課程（講解賽車場的攻略法），現在是否還有舉辦？謝謝！
Martin
有心有力喎Martin兄！
建議唔好心急買車住，先租車玩下，練習下，睇下感覺如何才作決定都未遲。
RS125/TZ125二衝125戰車買少見少，參賽者亦都買少見少，如果真係要玩，上多幾次識左人之後便可以問下有冇二手車出讓，不過要預一筆錢執執佢。至於其他新車，因為唔係香港落地，所以無需繳付首次登記稅。真係要鬥125，買架全新Aprilia RS125都唔錯丫。
鬥一場車平平地都要使幾千蚊，報名費，油錢，大偈，租場路票，船飛酒店飲飲食食咁樣，鬥足六場都會使唔少錢架。不過只要覺得開心便可。
初哥可以搵Track Torque，因為James真係用心教人，而唔係租車俾你玩咁簡單。
|
10/12/2004
|
CC問題
如果我日日都要係元朗出旺角既,
想請問係咪250cc好d呢,因為仲係p牌,出唔到街車,有咩車好介紹?
P
P牌都應該出到街車架喎？250單缸fun bike如 Suzuki GrassTracker 250, Yamaha TW225, Kawasaki 250TR.... 等等都適合P牌使用。
|
10/12/2004
|
VECT-1頭碟
請問VECT-1頭碟同唔同其他所有CB400頭碟一樣?
另外,如果頭碟孿左少少, 有少少拖碟,可唔可以"彈"返直? 如果唔得, 除左換左佢之外,仲可以點樣呀?????
是不同的,一係接受,一係換左佢.安全緊要.
|
10/12/2004
|
clutch plates
Dear
I have a cb400, I have already ride it for 40000KM. do i need to change the clutch plates? What other parts i need to check or repair? Thanks!
Willy
同樣如正常是可以不雖換的,換下fork油,迫力油好過,check下頭尾牙,鏈.
|
10/12/2004
|
續:ET8 林計...
多謝老鬼先生回答....
其實以前扣住右brake都撻到車架,
不過唔知點解用用下, 就要扣大力d先撻到,
而家直頭撻唔到, 要用左brake....
左撻右撻我冇乜所謂呀,
我最怕你前brake唔知係唔係壞壞地,
你知啦, 人命黎架嘛....我驚架...抄左點算...
老鬼先生知唔知如果要整, 要幾錢呀? 貴唔貴呢? 有d擔心添...
我部車一向好保養架嘛, 冇啦啦有d咁既野, 唉....
另外, 入上水我梗係唔會全程70km啦,
我都會行到100km, 不過唔會全程都係100km,
大多數都係85-90km到啦....
因為其實快得濟都有d漂~~~
GaryII garyii22@hotmail.com
只是個brake著車感應制壞了,不是brake有問題,一百幾十換個制就無問題.
|
10/12/2004
|
早上疾油？
老編先生：本人的CH250 經常有疾油情况，也曾到過車行，無理頭花了千幾元，洗 CAB.後換CAB，但問題尚未解決，只是發作頻律低了，我已對一些所為車房失去信心。又有另些大偈話是自動促問題，情形是早上開車慢行無問題，到上了公路走過大斜後就突然疾油，而且車速由八十跌到六十，幸好無死火，否則好危險，後面的車可能收制不及就大XX。但爬到慢線行一會，車頭又可以�𦏵翩A不過問題只是時有時冇，多數是雙載和大風的日子發作机會較多，而且小弟發現溫度錶好遲滯，由屯門出到長沙灣支針都係指向下，但塞車時又可�孆W中間，有冇好建議？
Tmy
如你所說,我會先檢查電油泵供油有否問題,機器壓縮比等,因你說雙騎會明顯d,同時說換了化油器有輕微改善,所以會從這方面埋手,至於溫度因長時間撞風而得到泠卻所以溫度針才不高.
|
10/12/2004
|
行車途中比油冇反應??!!
小弟遇倒D問題,想請教一下.
愛車:96 CBR600FT...
維修:9月中二手購入..於10月頭經燦基check車.換油gp20w50.油隔.放油介子.火咀.
(頭截死氣喉穿但廠方都認為問題不大.可暫不更換)
行車途中比油冇反應..再比大d就郁一郁..然後又再次冇反應..大燈指揮燈操作正常..
初次事發係燈口前..所以一停車就死火..tak極都唔著..跟住拉風chok再tak先著..
其後試過係高速公路發生..車速由大約120km/h拖至80km/h..途中比油全冇反應..即時諗起個chok..拉左下..比一比油..之後個油門有返反應..拖低兩粒波就繼續行車..
想問下點解會出現咁既情況???
同埋有時係公路操一輪之後..出公路後頭個兩個燈口位..停車就跌轉死火..一定要比位空油..又試過係停車前(已拖至一波扣極力子準備停車時)已經死火..有時一tak就著返..有時tak幾次先著倒..
呢個情況又點解會出現呢???
最近轉數上萬時更會噴出算多既黑煙..
請問以上問題點解會發生呢??會否與化油器有關??
問題較多..煩請高人回覆指點..>.<"
馬格斯 misanthrope_tik@sinatown.com
有黑煙是消化不良,初步會是化油器或風格問題,亦有機會是電器.因keep唔到slow車所以一停車就會死火.
|
10/12/2004
|
老兄：
請問聲cb400sf的娃佬隙大約要行幾多km先至要set架，
目前打火還未見有問題。
thank you!
best regards!
freemen
FREEmen unitedal@netvigator.com
通常好多車無事都唔會檢查這部份,直至有聲或熱車後非常難著,如想查可每一萬公里檢查一次.
|
10/12/2004
|
接地一問
請問cb400vtec既電池接負極係接去車架?整流既來電負極?定係要去其他裝置呢?但聽人講係引擎外殼駁地線返去咁最終端係咪電池既負極呢?唔該哂
無錯!
|
10/12/2004
|
It is a brand new Silverwing.
I better take it to service after the first 1000km.
smart
新車傳動機構未磨合，唔好扭咁勁住，換埋油再睇下點。
|
10/12/2004
|
「忽然"林"偈」之劫後重新
老編大哥：
琴晚部愛驅終於回到我邊身喇，外表無乜點變，只係多左幾分"蒼""爽"(全身都有師傅留底o既手指摸、油漬)，但係一撻著部車就知有d唔同。
燈比之前光亮，不過返應比以前慢，但係一有力到的話就好夠勁！！標到去果隻，試完車又同老闆傾下有乜換o左，老闆話部車"燒傘"，其他都無乜事，不過呢種車係"耆英"車，淨買果部份既組件點到要過二千蚊，咁佢有部舊車放o左係度好耐，就索性將兩部偈最好o既o野合二為一。當係蝕小小做埋我呢單生意。
之後我請教佢點樣渣呢d車先係good，佢二話不説拎左個頭盔：跟我走轉！！咁佢載住細佬行左一轉深水"土步"，佢手車真係勁，好短時間部車可以標到八十，雙騎果隻喎！！邊行邊講俾油、收油、釣油o既要門。走果陣仲話：小心d渣喇，係我手出o既車我唔會俾佢跪底o架！！老闆真係好有hart！！
不過仲有問題想請教老編大哥，之後我跟佢住講o既方法去渣，發覺俾油o果陣有"格格"聲，不過去順o左又無聲，點解？？同埋當部車停o左係o度一陣(大概係一支燈o既時間)，會突然間死火，要再撻過，又係咩問題？？
至於鋪頭名我唔講喇，希望老編大哥見諒！自己覺得好，未必人o地都覺得好o架嘛！！不過係深水"土步"蒲開o既一定知！！總之九江街得兩間車房，比較舊果間就係喇！
青衣黃某
你都識講部車係耆英，新車時已經唔係名牌，家下重整得番識行識走咪算執身彩，唔好咁高要求o勒。重有，老友你講d唔講d....咁老闆係用咩方法俾油收油吊油呢？最後有一樣野唔明：「老闆真係好有hart？」咩叫Hart？係咪heart呀？
|
10/12/2004
|
換喉
老編你好，本人抯02年sv650，想換左條喉，某牌子的JMCA規格除左冇禁大聲之外，同其他直出喉性能上有冇分別？本來唔想成梳換，但換半截又要cut喉，老編有冇好介紹。Many Thanks!
Yts creatart@hkstar.com
JMCA規格係legal for road use，出氣咀會細d，出氣量亦會比競賽用的喉低d。但現在的新喉通常可以拆左個細咀，所以問題不大。
其實你換喉的用意係乜？損壞替換？放把聲出來？還是想真正改善性能？如果係頭兩項原因，換乜都冇所謂。如果想真正追求性能，一定要換大牌子o既SV專用型號，成梳換，換完再set車。
|
10/12/2004
|
大車問題
本人剛剛由@150轉silverwing,但係發覺加速時感覺車身同engine震動比部150震好動喎!!甘係咪正常架?由其時突然扭油加速時由其明顯!!!是不是車cc越大越震架? 又話有雙平衡桿既!!!!
smart
應該唔會。新買的二手車？有冇檢查過皮帶珠仔珠盤？
|
10/12/2004
|
有幾招防炒車秘技,希望幫到大家
多謝tiger仔，得閒就過多D料來同大家分享囉！
michael
|
10/12/2004
|
夠期換呔???
老編你好,我部cbr900條頭呔兩邊磨損,成尖型,而尾呔中間磨損比較多,是否唔正常呢?夠期換呔???前兩日過濕地,直路比油重"了"左幾o下,對條呔即無晒信心,如果夠期換呔,換邊隻(兩仟餘元)耐用D呢?麻煩晒!
麻煩
心水就冇乜，不過最近睇左英國Fast Bike有關輪胎測試報告。佢地搵左架GSX-R750試左幾款胎，得出最佳圈速如下：
Pirelli Diablo 1' 29" 81
Metzeler Sportec 1' 30" 76
Michelin Pilot Power 1' 31" 88
Bridgestone BT014 1' 32" 34
Avon Azaro SP 1' 32" 36
Dunlop D208 1' 32" 99
你要耐用，條胎一定唔會係最啜地。
|
10/12/2004
|
Re : 有關捉偷車賊建議
警方會被Ｄ陰濕律師質疑引人犯罪 or 屈人，你條橋行唔通。而家Ｄ陰濕律師打程序多過打案情，犯法可以無罪，入罪也可求情，頂包都係服務社會。
道士
|
10/12/2004
|
RE:有幾招防炒車秘技,希望幫到大家
多謝TIGER仔既分享
我覺得第3招得確係最緊要,要俾D路盲知道你既存在,HID,KIT喉,風安,都不可缺
有起事上黎起碼其他道路駕駛者會見到你,自炒總係好過俾人撞(當然,最好唔好炒啦)
各車友路路暢通
過來人 cb400sf@bikerider.com
|
10/12/2004
|
邊度有幫人裝名牌花set 位
我想問邊度有幫人裝名牌花SEAT 位既車行??
要齊款及多果隻
價錢大約又要幾多??
THX
安少
|
10/12/2004
|
P?
老編,其實點解政府一定要用個P字來識別是否新手,點解又唔用其他英文字母??係唔係有原因啊??咁P for 咩啊???
P仔
P stand for "Probationary"
|
10/12/2004
|
又係P仔問題
我在一條行(50km)既路行到(71km), 被影快相. 扣除4km既相差即係67km(超速17km), 想問問除扣分同罰款同加監外, 有冇機會被一次就釘牌...? 多謝!!
返醒中----P仔
|
10/12/2004
|
有幾招防炒車秘技,希望幫到大家
1..好多時在高速公路或架空天橋好大風時電單車都會左搖右擺,想定D的話拖高轉數(棍波車先得)這樣就咬地同定D
2.如果急煞時唔想被人撞八月十五,就不斷那BREAK,這樣BREAK燈就會不斷閃閃閃閃.............................到時盲都知你急煞
3.想係公路時D貸櫃車或巴士鬼敝眼見到你在後面，你要靠佢籮柚右手邊，等你大燈射住佢司機後鏡，(快線除外)或者可以改條雷聲般大的KIT喉。
4.當你楂車時，突然冼呔時，盡量自己的PAT PAT離個座位少少，因為避免自己失平衡,而可以去救車。
今次打住少少先，下次再同大家研究
不過正所謂日防夜防，意外難防。
Tiger仔
呢d咪就係路面經驗o羅.....
|
10/12/2004
|
避震
啖氣避震同普通避震係點分架?
andy
主要係用價錢去分。一般氮氣避震會多個散熱樽仔，但有樽仔唔一定係氮氣避震。
|
10/12/2004
|
有關捉偷車賊建議
KK : "...有效打擊偷車賊,未知警方有否嘗試放蛇行動,在一些偷車黑點定期派人把一些熱門偷車車種停泊該黑點,車內安裝追蹤器或派人在遠處眅住,待偷車賊以為有好野食中招
若捉賊成功更要大事宣告,以收阻赫..."
咁你會唔會自願貢獻你架靚車出嚟做放蛇行動? 如果一個唔好彩真係俾人偷o左都唔會追究及要求賠償呢? 政府要削減警察部的資源同人工時，我o地舉腳支持，宜家又叫人買架車做放蛇行動，又裝追蹤器又派人及住...有無咁荀呀?
大個仔
|
9/12/2004
|
珠仔和珠盤
我部150羊已行了3萬幾,請問珠仔和珠盤雖要更換嗎,其實珠盤是什麼??
mei mei
皮帶，珠仔，極力子皮和彈簧都應要檢查或更換。珠盤意思係普利盤，負責變速。
|
9/12/2004
|
Re:P牌被人一次過抄三樣
就係新牌出事多,先有p字出現考下你D定カ,你D定カ都未久。俾交通警攔住,可能係好事,一個唔好彩你唔撞人,人撞你保險都唔賠..早年前P 牌少女載男友上班撼菠蘿釘壆情侶鐵馬斷魂2003/12/27 聞者傷心,聽者流淚,唔好博Ａ1-頭條啦!(個交警拱醒..佢可能早輪見你仲係p牌,走過離豆下你,點知比佢古仲左)
hillman P字上
|
9/12/2004
|
有關捉偷車賊建議
看見失竊報告確實替受害人心痛,有效打擊偷車賊,未知警方有否嘗試放蛇行動,在一些偷車黑點定期派人把一些熱門偷車車種停泊該黑點,車內安裝追蹤器或派人在遠處眅住,待偷車賊以為有好野食中招
若捉賊成功更要大事宣告,以收阻赫
老編及車友有何高見?UFO能否同警方study可行性?
KK
汽車價值比電單車高，失竊情況比電單車更嚴重，警方都未有咁做，何況電單車？
|
9/12/2004
|
再續防盜問題
好~~~現在都大慨知道需要些什麼了~~麻煩老編~~
老編認為, 現在買yamaha yp250 or suzuki an250 (新車)會容易成為偷車手的對像嗎??
肥綿愛好者
熱門偷車型號請參閱警方提供的失車報告。老編認為咩車都有可能。
|
9/12/2004
|
Buy Bike
Hello! I am a P licence holder and i am planning to buy a bike, preferably second hand scooter due to cheaper insurance and my budget is only 25k(including everything). would you please give me some advice on which bike to choose. I will drive from Tsuen Wan to Tseung Kwun O and return daily. Thank you for advising with such a tight budget, thank you.
clayton superclayton18@yahoo.com.hk
Freeway 250/Foresight 250
|
| |
|
|
|
 |
