搜尋由Jan 2001至今的來信及問答文章 - 請輸入關鍵字
　
FAQ常見問題
第頁
16/9/2004
 		車
老編我上次比人從後抄上 而家楂車成日不停看後鏡 坐WAN仔都會成日看左右好敏感 好地地比D盲毛撞到今 好心D人楂車小心一點
愛車人
如果你係年輕又貌美的女仔，老編有辦法幫你消除陰影....男仔就冇計！
16/9/2004
 		打炮問題...???
(((新仔一名)))...想問下主持人咩叫做打炮.......???同埋係咩情況下會發生...???thank you !!!
PP仔!
請在【關鍵字眼搜尋】中輸入打炮兩字，會出現多份以往關於打炮的問答。
16/9/2004
 		YAMAHA T-MAX500 打炮問題?續
多謝老編回信 :)YAMAHA T-MAX500 打炮問題?(原裝喉)
1.本人買了此車1星期,此車是日本翻新二手車,02年行5500公里,發覺此車嚴重打炮,不論高轉或低轉收油,回到車行說是正常,請問是否正常及有否解決方法?(請詳細點)
2.本人此車不知道是否日本版或歐洲版,請問有否方法分出？因為在日本本土都有歐洲版賣,聽說日本版是38ps及普利珠比較重29g1粒，0-60km起步比較慢,已歐洲版是40ps及普利珠比較輕20g1粒,如果是日本版,有否方法改回歐洲版?

原庄車打炮係唔正常，由於你係翻新車關係，唔知道上手車主係日本搞過d乜，例如換左後喉改左setting，但賣車時裝番原裝喉等等之類...建議拿番俾代理檢查。歐洲版和本土版通常會係咪錶的速度計到睇到，出口版用英里，本土版用公里，兩ps馬力點樣追番？差咁少馬力，應該係為左符合歐盟的廢氣管制，車廠通常會係死氣喉做手腳，導至馬力減少。橫掂你部車都打炮，不如索性換過條kit喉，跟手再洗化油器，set埋唧咀。
15/9/2004
 		china
there are some bike made in china but associated with japan company. the price is very low. is the quality worth to buy, or use the same budget to buy a 2 nd japan bike but with large cc is better, thanks for ur opinion.
kwan
目前所有中日合作的車種排氣量都較細，老手未必會覺得夠用。個別新車款的品質，要待一兩年後才有公平定論。以新手角度來看，價錢平已經是最大優點。
15/9/2004
 		扭力問題
老編你好...本人已經睇左貴網好耐,但係有樣野仲係唔明白,就係到底扭力係咩野...到底扭力大同細有咩野分別?因為我自己仲係新牌仔,所以唔係好識呢d野,所以唯有請老編幫幫小弟,唔該晒~!
Vieri
1 kg-m扭力(扭距)的意思是能把一公斤重的物件提高一公尺。純扭力的數字並無實際意思，因為沒有時間限制，可以是一小時，也可以是一年，並不能完全反映機車的動力性能。所以我們要加入時間的因素考量。1 ps = 75kg-m/s ，意思是一ps馬力等於在一秒時間內，可以把75公斤重的物件提高一公尺。當中加入了時間的因素考慮，可以更清楚地表示機車的功率有多大。因為馬力是跟扭距和引擎轉速成正比關係，引擎的容許轉數越高，馬力會越大。

馬力是「扭距」加入「時間因素」的計算單位，馬力越大，表示能在更短時間內舉起相同重量的物件，或是在同樣時間內舉起更重物件。極速數據和馬力的大小當然是正比關係，但並不是線性關係。加上以幾何級數增長的風阻，要挑戰極速，如何應用空氣動力學也是一個重要課題。

引擎曲軸所產生的扭距會透過減速比加以放大。假設當引擎曲軸每分鐘運轉7,500rpm時，尾輪每分鐘只轉2,500rpm，減速比為3.0：1，便會產生三倍的槓桿力量，放大了引擎曲軸的扭距。加上引擎的扭距並不是用作舉起機車，只是推動輪胎向前走，所需的力量便能大大減少。
15/9/2004
 		FUN BIKE
可能我見識小，如有錯請唔好見怪我想知有冇250CC FUN BIKE 係雙缸呢？因為單缸車我控制得唔好(新牌嗎)，請指教！！！
M.C.D.181
第一次聽到有人話汽缸數量會影響操控。醒唔起有咩新款funbike係雙缸播...其實單缸應該重輕巧d至真。
15/9/2004
 		續撰擇題
甘出部二手街車有咩好介紹? 見到的車行有部98年車,話新淨,只行5千幾,唔通罷係度幾年唔用???另FZS400又對我這類綿羊轉街車又適合嗎??唔該!!!
龍
日本翻新車的哩數如果太少不可盡信。Fazer400都幾好，起碼唔會通街都係。
15/9/2004
 		Brake Pad
你好....本人是p牌一名, 但所駕駛的et8又可能要換brake pad, 唔知如果換左brake pad, 要唔要開brake pad呢? 因為我睇左技術資料, 話新brake pad要同brake disc磨合, 但我是p牌, 我沒有信心做高速急殺, 請問如果唔開brake pad, 又會點呢? 會唔會真係要用時, 唔夠brake? 請賜教...謝!
GaryII garyii22@hotmail.com
唔使咁擔心。換左新迫力皮後，初期早點煞車，柔順地使用便會越來越好用。
15/9/2004
 		無知的人
唔該,想問一下新牌仔(年24)可以能出PGMIV電單車嗎?可以能出400cc電單車嗎?CB400有多小型號?無經驗，請指教！CB400是否適合新牌仔？Thanks^^

豪仔 hokwai@netvigator.com
有關CB400SF的型號，請看FAQ常見問題。可唔可以出邊d車款，要睇埋你職業，也要視乎每一間保險公司當時的收保態度是否積極，所以你要問番售保險代理。
勸你一句：唔好唸PGMIV喇。
15/9/2004
 		保險一問
想問架車賣左出去,而保險仲有成 7 個月, 可吾可以退番錢? 如果可以手續如何 ?

sam
如果你唔打算買番車的話，份保險係可以退保拿番一部份錢o既。通知你個保險代理喇，佢會教你點做。
15/9/2004
 		車
本人以前用開四個輪比D盲毛抄到差D冇命之後很少用車 有都不想用 之後返宜覺得電單車安全D經過家人多年反對之後而家成功拿到人牌後買了一部400到手後又不想用 因為怕馬路有太多盲毛它們個牌不知道點考回來的大便到飛起 自己楂車十分有信心四個輪甩住去都得 兩個輪都冇問題 我覺得楂電單車的人齊心過楂私家的人好多大家見到都會點下頭話你部車好正呀^^私家車D人就唔會眼超超今 殺了你的父親???奇怪 請問老編我是不是比人抄到怕 問題大不大 請話我知OK
愛車人
我唸你重未脫離當年意外的陰影，導至你可能仍有【過度創傷後遺症候群】之類的問題困擾緊。相信你都應該好痛苦....試下以平常心駕駛，做好自己安全本份，其他唔到你唸。真係覺得唔舒服，搭一排車先o羅。
15/9/2004
 		YAMAHA T-MAX500 打炮問題?
1.本人買了此車1星期,此車是二手車,02年行5500公里,發覺此車嚴重打炮,不論高轉或低轉收油,回到車行說是正常,請問是否正常及有否解決方法?
2.請問此車是否要更改頭brake,因本人是新丁,不知是否夠收?(請推薦)謝謝
心急人上 delicacy@mail.hongkong.com
你係咪換左喉架？條喉爽得滯係會打炮架。正常的意思係換kit喉冇改setting的必然現象。原庄迫力正常用的話一定夠收，除非有野壞，例如碟和皮過薄，迫力油有問題，或泵拍有問題。
15/9/2004
 		hornet 250
呢兩日楂車回家後發覺有電油味,再聞近油缸蓋越濃烈,是否油缸蓋膠邊老化,另全車剛check完,行$0.66一公里是否正常,再平些是否要更改駕駛習慣,還是和路段有影響(每天來回龍翔道)而此車是高轉引擎,keep高轉低波行車還是快些上高波低轉行車比較好THANKS
fai
你話果陣電油味咁濃，可能係密封性差，電油揮發左先行到六毫幾子一公里咁L貴。建議俾車行檢查。其實行車幾時轉波好簡單，覺得部車嘈，踢高一粒。覺得部車冇力，踩低一粒。你又唔係鬥緊車，唔使成日睇轉數錶，久而久之熟左部車後，單憑感覺都會知道用咩波行緊幾多轉。長期低波高轉或高波低轉都唔正確。低波高轉加速機件損耗，高波低轉到打冷震的話會加速金屬疲勞，俾油架車唔去火咀和引擎又易積碳。
15/9/2004
 		T-rex一問?
老編你們好,我想問T-REX150如果唔加尾箱,淨係SEAT位下放唔放得哂半開頭盔,車笠加車鎖?
THANK YOU
WAI
除非你肯將個車套塞入頭盔內，否則擺唔到咁多野。
15/9/2004
 		RE:P女載人
絕對同意那位Moshing車友意見，揸老電唔好話呢期興就去揸，人有我有嘅心態。本人在路面有十多年經驗，亦發覺架車越多裝飾嘅使用者，手車越危險。見到啲小姐們穿得好少衫去揸老電，真係替佢哋擔心，若果有意外啲皮膚就會赤裸裸响地上磨..奉勸各位女仕們箸多件衫先好揸老電，到後悔時真係太遲喇。
大傻
15/9/2004
 		Re :P 女載人
Dear Moshing :唔理您喺 P仔/P女/P佬/P婆 呢一年�m是要忍受嫁La ! 我忠告各位新晉騎士都喺多多練習及在駕駛時加多一此設備保護自己好D.嗰 D 西瓜皮�m是少用為上(就算PK都唔會變花面貓吖Ma).

大家不妨參考吓Ah Lucky 於 12/09 的回應.因為我們都是騎士Ah,所以我希望大家開心心開車去,平平安安回家.造一個守規則的騎士.

Fatboy
15/9/2004
 		車輛入口
hi..小弟想問問關於車輛入口問題.我係外国有部車想返嚟hk.想知到我係外国係吾係車主.個稅有無分別?同埋有乜有續?吾該...
小強.
如果你能證明你係車主並擁有不少過六個月，你可以運番自己部車番來，好似唔使打稅或者稅務會有優惠。有關車輛入口的詳細指引，請參閱FAQ部份，
15/9/2004
 		MAJESTY 的分別
HELLO老編!!小弟是 MAJESTY 的愛好者.但有一問題要請教請教.MAJESTY C & MAJESTY 有什麼分別? (好似還有 MAJESTY SV)如買MAJESTY 250, 那種好D?MANY THANKS!
MAJESTY愛好者
Majesty SV係第一代Majesty 250的頭尾碟版本。其後轉五圓錶Majesty 250，C版係改用電鍍街車把手和短風擋，機件冇分別。
15/9/2004
 		HR186X 1000cc大車
尋日我響將軍澳隧道入將軍道方向既收費亭望見後鏡有架大車 1000cc 可能係SV1000
我如常入隧道...但見後面架大車死追~~~出到將軍澳出口~~~條友就發難係咁追埋黎~~~我行快線...佢就響我左邊以高速過我....後來我跟住佢尾~~~佢就響我面前表演花式~~
去到小赤沙個回旋處之前~~~佢就出醜~~~卡卡~~~成架車貼左埋壆~~仲差d炒埋~~~我好心涼呀~~~呢d敗類真係比小小教訓佢就岩架喇~~~各車友小心 紅色大車 HR 186X

車友
15/9/2004
 		撰擇題
本人差不多兩年牌,一路駕綿羊,宜家想轉街車!有兩個撰擇,CB400 VTEC III, FZ6N
無駕棍波甘耐,一黎就600cc,可以駕得到嗎?兩車價錢差小小,但係就600 同 400!! 你會要那一部呢?
龍
你已我揀我梗係FZ6N啦！Fazer1000重好添呀！不過老兄你騎羊轉街車，開頭一定好d唔習慣，零咪都可能有機會跌車....出新車會唔會豪左少少？
15/9/2004
 		PIAGGIO X9 500車尾箱一問
我打電話去澳仕問,裝個尾箱,佢話要 hk$3500 (而且冇貨)我問佢可吾可以裝非原裝,佢話吾可以,因為裝箱一定要有個原裝架,而個原裝架一定要買個原裝車尾箱先至裝到,跟本就冇貨.
用 $3500 買都吾化算.請問係味真係好似佢甘講,一定要用原裝?吾係有咩方法?

Sam sam@wideland.hk
你要搵一個又聰明，又有改裝技術，又有時間又有心機的司傅同你搞...不過搞完之後可能都收番你咁上下價錢....其他X9-500車主有咩計仔？
15/9/2004
 		95 CB400 SF
老編你好,架SF擺咗一兩日,之後着車有一段輕微黑煙噴出,是否機器以出現問題? 是否偈油上盤?若到車房檢查維修,大約要多少金錢?95 CB400 SF ..kit 喉, 新呔, $21000 合理嗎?

東仔 komatsu1945@yahoo.com.hk
偈油上盤係白煙唔係黑煙，黑煙係燃燒不良，舊車通常空波扭到好高轉數時便會有黑煙。如果火咀風格好耐冇搞過的話，睇睇佢。二手價錢請睇番【買賣搜尋】內的【同類賣盤】和【以往叫價】作比較。
15/9/2004
 		左搖右擺
老編你好,我的車是150羊,(只有)雙騎慢車的時候,試過不止一次有左搖右擺的感覺.我已確定胎氣足夠,但在剛過去的兩月內換了兩次頭fork油氈.我想知道怎樣才能確定頭fork完全正常?是否一滴油也沒有在頭fork上才算正常呢?請問有其他原因導致以上情況嗎?Thanks a lot


Alias
雙慢車時左搖右擺，可能是技術問題，也可能是波子盤問題，也可能是尾避震預載過輕，不關頭fork有冇漏油。正常頭fork係唔會有油黐係fork芯上。
14/9/2004
 		車底發現有水漬
師傅你好,本人渣開二沖溫拿,
前日我發覺支溫度計去到高溫的位置,
我諗有問題因為以前都未試過咁樣的,
最多都係去到一半到啦,
跟住我打開水箱望下,幣!冇晒水!
於是我即刻入番d水落去, 差唔多入左成一公升到啦.
今朝一開車, 我發現車底有水漬,
咁係唔係部車有問題呢? 請多多指教.

cws superman888hk@yahoo.com.hk
一係你入水時入瀉左,如果無就係有地方漏水,要拆晒套衫睇下邊樹漏水,(多數水喉)長期不理會引致高溫而損壞機器.
14/9/2004
 		YP 125 FI 改裝問題
請問把YP 125 FI 的尾鼓剎改為碟剎好嗎? (因為我覺得鼓剎不夠用)
另外儲風鼓有甚麼用途?
Ray fankl88@hotmail.com
如有這種部品梗係換啦!安全好多.
14/9/2004
 		自動羊在落斜收油時打炮???
致老鬼大師
本人隻FREEWAY250羊為可一落斜收油就出現打炮情况。請問老鬼大師???為何導致這個原因，維修時有什麼要注意。
大B boriswtk@netvigator.com
風格,化油器調較同死氣喉有否漏氣都接影響!
14/9/2004
 		P女載人
我都係女仔, 抯電單車約年半, 個人認為P牌制度無問題, 回想個一年的P牌生涯, 每日抯車總可能遇到無厘頭既人, 但你咪話之佢死LOR, 自問P牌時技術的確唔好, 載人亦需要好既平衡同手力, 自己都未搞得掂仲載人?? 仲想講下依家好多女仔係覺得潮,CUTIE先抯電單車, 有時見到D女仔著背心, 短褲, 拖鞋抯車, 戴西瓜皮或半截式頭盔, 無錯係好靚, 但有冇諗過萬一撻車會點, 損手爛腳唔駛講, 塊面(個樣)整親點算好, 經驗所得, 架車越係多野改越多裝飾, 就算冇掛P, 抯車技術都係麻麻, (可能會得罪好多人, 但的確係我觀察所得), 女仔要抯電單車都係諗清楚先啦, 唔好人抯你又抯 !!
moshing
14/9/2004
 		有關高速公路問題
我係外國考牌番香港及即係我對香港既交通守則不太懂.因為我自己比較騎得慢,所以想問一下,如果行大埔公路,最快我因然知道啦,不過請問有冇限制最慢幾多架?因為我開 70km 我怕已經犯法了,我見架架車都快我好多.謝謝解答
Sam
香港係冇速度下限o既。不過行得太慢，都一樣咁危險。
14/9/2004
 		PIAGGIO X9 500
我係明仔,上次問過架 PIAGGIO X9 500,已經決定買啦,不過架車冇尾箱,想加尾箱,架車黃色,如果是但搵個尾箱好似好樣衰...吾知有冇原網尾箱? 價吾價?大哥大大教下我點樣買尾箱比較好thx

明仔 wlsamchen@yahoo.com.hk
肯駛錢的話，俾個尾箱俾師傅噴過咪得o羅。靚尾箱都係Givi之類的硬膠尾箱。
14/9/2004
 		電單車?
師父,有冇d電單車唔係用電油啊?(例如:石油氣,柴油,或電). 電單車果d鏈油要行幾多公里就要噴下條鏈啊??
Jason
有用電的電單車，但現在未成氣喉。鏈油見乾或者洗完車落完雨就可以噴。
14/9/2004
 		about the probationary classes
hello!! sir my name is DD WAI,i had something problem about my probationary classes,i was in a half year probation,and one day i drive my bike on a 50km/h when going home....suddenly i was took a speeding photo by the police,and i was stopped by them,and the police told me i was speeding over 20km/h ,but on that time i havent take the < P > marke on my bike.....so im so so worry about my driving licence,is that would be cancell?? or extend ?? ....SO PLEASE GIVE ME SOME OPINION !! THANKS FOR YOUR HELP !! IM SO FRIGHTEN...
DD WAI
超速應該係加監半年，冇掛P會導至保險失效，咪傻! 睇番FAQ裡有以往P牌犯事的親身個案補充。
13/9/2004
 		狗屎狗尿
老編你好:我部車的cover成日比d狗光顧，有鍋仲成督狗屎放係頭輪前，真係佢有得解時我唔知點解(鎖)，我想試下噴d殺蟲水上去，有冇效呢?請點路，感激萬分，謝!

spoon
寵物店有賣一種貓狗唔鐘意聞果陣味的噴劑，噴左應該可以制止呢班畜生再係你處解決。
13/9/2004
 		冇左d油...??
老編先生,之前你話我部CB250燒計油,但係唔係死氣喉出白煙先至係燒計油啊?但我部車都沒有出白煙??
Jason
唔係燒左，唔通漏左？咁你部車有冇漏油呢？
13/9/2004
 		羊的問題
又要勞煩師父,我隻250 majesty羊起步震,照以往經驗,車起步震入就拿去換珠,就OK。
但這次車房師父話珠是要換,但是極力子三條彈弓軟了,也要換,如果唔換,起步也會震的, 對嗎? 謝謝!!

亞良
哦!3條彈弓有限錢喇,佢找到比你先係勁!換左佢唔震咪ok.
13/9/2004
 		傳動問題
你好，我剛買了架二手四衝250cc街車，一切正常，但當收油時便聽到有雜聲。即係當引擎帶住架車行就正常，但當收油時，架車的慣性拖住引擎行時就有雜聲(每個波段都有相同情況)，若果拉左極子就冇聲。請問是否波箱有事，還是係正常？
新手 yau2110@yahoo.com.hk
會否只是尾鍊過鬆!
13/9/2004
 		前&#20041;
老鬼師傅妳好,本人有YP250想賣日本KITACO電度前&#20041;,但是它是塑膠ABS做強度足夠嗎?本身是金屬呢?謝謝.
ken
死喇!前乜呢?睇唔到喎?如果前fork,我通常見都是一對cover就咁貼上面而不雖整枝更換.
13/9/2004
 		majesty250&#30528;唔到
行完半小時高速....停底左,熄左車...約1分鐘再&#30528;車
&#30528;唔到....表板有&#30528;光,閃下閃下...但有d怪聲噠,噠,噠,噠,噠....
怎樣辨??
人人 billyyiu105@yahoo.com.hk
無電同埋要檢查(整流)!
13/9/2004
 		新手再問....
小弟部車(BJ250)尾鼓剎一踩落去好似輕鐵嚮安咁,車行師父就話係塊皮濕&#21655;水,就換&#21655;塊新&#22046;,老鬼師父我想請教下,若果我下次個尾鼓剎又濕&#21655;水,咁有冇方法可以自己整呀?個頭剎又好似冇咩力(個師父話呢款車係咁),仲有去車行幫我去配多條車匙又冇問題?我怕...(佢話&#25886;去第度配),唔好意思問&#21655;你咁多!Thanks~
neo. neodreamcast03@yahoo.com.hk
尾鼓皮佢非係無我先會換,如果唔係每次落雨,洗車都要換皮,係味?拿,用多幾日車睇下點先!另外如果驚可以自己去配,如突定匙杯,可先到代理購買後再自己到街上配匙.
13/9/2004
 		shark
Dear old ghost,
i just buy a second hand 03/03 euro shark 150 which already run 6000km, i have some question about it:
1 when compare with my old shark which run 62000km, this new shark need $0.4 per km which old one only 0.33, there is 20% different, i dotn know why new engine need more petrol than old. i already change new spark, engine oil , rear gear oil, and wash the air filter and got this data.
2 the maximun speed of this one is 100kmh only, which old one can ride up to 120kmh, and this one accelarate very slow after 80kmh, why? i feel that the car only have sound but it dont accelarate, seems the clutch not completely release, is it possible reason? if yes, need how much repair? if no, then why?
3 when start the car from 0kmh, it only have sound and need to wait 1-2 second then move, but my old shark move once i give petrol, whats wrong is it?
sorry for too much question and my poor english, thanks for your help so much
kin
kin
老細!油費加左價,可能行多d遲些會平番!
13/9/2004
 		死氣喉一問
市面上死氣喉花多喉亂,請問以綿羊為例,換條kit喉對部車有咩好處,因為知識技術無講,所以想知,唔該.

所謂kit喉，除了重量比原庄喉輕之外，還會降低排氣阻力，令引擎呼吸更暢順，高轉出力更爽。但在原庄車的設定之下，改了kit喉令排氣回壓減低，在低轉時令部份油氣未燃燒前便隨著廢氣溜走，導至低轉輸出減弱。以綿羊為例，淨換一條kit喉，除了樣靚聲靚之外，對綿羊的特性而言是弊多於利。
13/9/2004
 		HID and ALARM
Dear sir,I have some problems,My bike is gsx 1400,I want to use the (HID front light)and alarms system,can I use both things at the same time?can both things make the car down,I means the (fuel injection)and the battery? thanks...
gary
應該唔會，但你最好都係請教番代理。
13/9/2004
 		技術
請問CB400VS會唔會太過好彎 因本人買入一兩二手車快車時入一些大彎時有少少BALL OUT堂汰有D了 又好大機會過了咯離線 行車時我覺得堂汰好輕 太舒服啦加技釘吧加硬或FORD碼會好D嗎?定係未習慣???它重心算低嗎???全原裝已覺好好 夠用 請給小弟意見 謝謝
大R
好彎又點會「波勾」呢？影響轉向表現有三大因素：首先係技術問題，例如姿勢不正確，上身僵硬，用錯力，入彎速度過高，線位不正確，波段、掣動及油門運用不正確。其次係機件問題，例如輪胎咬地力，避震設定和波子盤的狀態。最後係路面狀況，凹凸不平，路面傾斜度偏向外彎，有油漬等。你的情況唔知係屬於邊個情況呢？加支釘把在高速時能穩定把手，但請先檢查頭擔是否運作良好先。
12/9/2004
 		打臘程序
本人買了Polymaster的打臘膏，是全色的。想請問有關的打臘程序是怎麼樣呢? 是不是首先向車射水,然後再用乾布抹乾, 跟&#30528;用打臘膏塗上表面，(是否塗上薄薄的？？）然後再用布抹去打臘膏？（要等多久才可&#25274;去打臘膏）請指教！！唔該哂！！

新牌仔
洗車應先用水把車上的灰塵浸軟，再用含有清潔劑的清水慢慢沖洗，待清理所有灰塵污漬後便要抹乾。全乾後才可上一浸薄臘膏。等臘乾後真正的清潔才開始，就係用力打圈卒佢。卒晒之後再上臘水，等臘水變乾成粉狀後先用橫直手勢拋光美容。(實在太辛苦，所以老編唔會洗車~)
12/9/2004
 		「開胎」是什麼?
您好：本人聽講過，一對新買回來的電單車車胎，是要「開胎」。到底什麼是「開胎」，和「開胎」是有什麼作用？
WONG Ho Ying
為了令輪胎較容易地離開啤模，啤模都會塗一浸脫膜劑。開胎的意思是利用道路的粗糙表面把附在輪胎上的脫膜劑磨去，回復輪胎的抓著力。
12/9/2004
 		To : 十年前已經揸電單車嘅P牌
無錯！危唔危險真係好睇個人，所以對於P女違法載人一事中那位後座乘客來說，佢o個次無出事真係好好彩，如果佢地o個次發生左意外，P女責無旁貸！呢D就係我所指o既"好睇個人"。因為乘客只係需要出個屁股去坐，其安危可謂完全交托於司機手上。小弟極不明白為何會有人質疑P牌制度的義意？你大大隻P字掛o係車頭車尾，其他道路使用者見到都會因你經驗不足而提高警覺。電單車唔同私家車，只係皮包鐵，"時來運到"的話，任你識飛都"領"野！職業賽事間中也有奪命意外，他們技術不好嗎？裝備不夠安全嗎？小弟因工作關係，血腥鏡頭屢見不鮮，冷眼旁觀不少"自己伸請"之傷亡報告，均覺涉案者愚不可及。我仲想講，不論私家車或電單車，駕車者"認叻o個個死o個個"，這是工作帶給我的經驗，亦是不爭的事實。最後我向該P女奉勸一句，上得山多終遇虎，"遇虎"不是意指被警方截查，而是指發生一些足以令你抱憾終生的不幸事件。
Lucky
12/9/2004
 		SOHC活瓣
很多綿羊的引擎形式寫著SOHC 2活瓣/SOHC 4活瓣,請問兩者有甚麼分別呢?活瓣是甚麼?而"SOHC"是一種規格?還是牌子?一般四衝程強制風冷單汽缸最少/最多有幾塊活瓣?謝!
johnnyshum johnnyshum@hotmail.com
SOHC全名係Single Overhead Camshaft，即係單頭凸輪軸。高性能引擎活瓣數目會有四個或者五個，低性能的只有兩個。控掣引擎活瓣開啟靠凸輪軸，高性能者會有兩支分別控制生氣和死氣，是為DOHC (Double)，低性能者只有一支要做晒咁多野，是為(Single)。買部書睇下啦。
12/9/2004
 		無聊頭巾問題
唔知大家有無見過D巴籍人士包頭巾唔戴頭盔&#25592;老電送Pizza? 佢地有無犯法呢?
無聊人
法例對個別宗教人士作出豁免。
12/9/2004
 		Re: 四氣缸四程電單車偈油問題
本人曾長期留意外國討論區，發現外國資深車手的結論是汽車偈油與電單車偈油分別不大，出現電單車專用偈油似係生產商為左賺多D錢的結果。廢油化驗結果也顯示使用汽車偈引擎油磨損情況好過用好多所謂電單車專用偈油。
大頭仔
12/9/2004
 		Re: MotoGP
以一個Motogp的新參與者來看，Ducati的表現已經相當不錯(好過Aprilia)！
大頭仔
12/9/2004
 		冇左d油...??
老編先生,我部CB250 今日換左計油,發覺得少左好多計油,我對上果次換計油係個半月之前(到現在行左三千五公里就換),我上次入計油係入1.5L,但今日換左d舊油出來連一公升都唔夠(大約只有八百毫升至九百毫升左右).係唔係部車會食計油啊?我係唔係要十日左右就加少少計油入去啊?e 個係唔係我部車有問題???
Thank you !
Jason
你部車應該係燒緊偈油，可能要檢查活塞環。
　 　
第頁

FAQ常見問題


搜尋由Jan 2001至今的來信及問答文章 - 請輸入關鍵字