搜尋由Jan 2001至今的來信及問答文章 - 請輸入關鍵字
　
FAQ常見問題
第頁
9/10/2005
 		市面上好難尋找Hornet 600！
我去過好多車行睇過D,hornet 600又殘又貴,唔多合理....部部都差唔多成4萬！買新車好過啦？！所以先想問下老編GSR600~~太約幾時返貨...嗚嗚！
人仔
個答案係連代理都唔知....ER-6n你唔唸下？
9/10/2005
 		GSR600幾時會到港？
我架400上月炒左,打算換車！現在又冇車用,想問下老編知唔知GSX600香港幾時會有？太約幾$？！會貴過FZ6嗎？
人仔
你係咪想講GSR600？趕住用車的話便唔好等佢，代理都未收到廠方可以訂貨的消息。喜落呢類車款整住部hornet 600夠玩有凸。
8/10/2005
 		氣喉問題
本人渣hornet 250既，但條氣喉好高係坐位下面，雖然有塊鐵蓋com住，但載人時隻腳一定貼住條喉，好熱真係好熱，擺隻手埋去都頂唔得幾秒，咁點算好呀???
有冇其他喉冇咁熱架??教我如何是好。
sTePhY
更換碳纖喉會冇咁熱。
6/10/2005
 		轉數錶指示針升降不定?
你好!.本人是駕hornet250, 近日每當我開車空波時轉數錶的指示針是停在"1"數值的第一格位置,當行車一段路後停車時,指示針就會上升至"1"數值的第三格位置. 我明白這一點是WARM UP車後的情況,但細心看的時後見到指示針會在浮動不定,同時聽到引擎運作聲音的頻律不一. 究竟有甚麼毛病?
愛車人
熱車後怠轉高過正常，可能係之前調高了怠轉？如果冇的話，應該係檢查風格,火咀,生氣膠和化油器。
29/9/2005
 		一年冇抯車(十萬火急)
老編..我係一年冇抯車o個個人呀!(唔知您重記唔記得呢?)問題2個.請指點....
(問題1.)我下個星期去買車喇.本來聽您意見買細cc車會好D而我都去過好多車行睇過好多車最後選擇係(VTR250或hornet250)<---呢2架車同係250cc車老編您會點分析?請提點!!!
(問題2.)起<鐵騎會館>個邊有車友又話Kawasaki的ER-5好適合新手用(話唔好淨係睇cc問題喎!)攪到我有D....
ps:我問呢2個問題並唔係唔相信您o既尊業.請諒解...........#多謝老編解答...到我買車後再call你呀!
煩人一名
最穩陣的選擇會係VTR250，因為馬力最細，車身窄又輕。其次係hornet 250，最後係ER-5。但最穩陣的選擇唔代表最過癮。最過癮的選擇次序會係調番轉，ER-5最夠力水。由於唔知你的技術水平去到邊，所以好難幫你出主意。
25/9/2005
 		點揀
cbr250rr..(01制翻新..)定hornet250(02~04..0首)2部都有改kit喉...車價1樣$3皮....

hornet 250，年份較新。
24/9/2005
 		水溫好熱到紅喇
你好老編，請問點解我架車會咁高溫，差好少好少到紅，但我平時用車唔會咁架從未試過咁架，最多都去到3/4到，知唔知點解?而我睇過水箱有水，我架係hornet 250，請問知唔知點解?咁如果到左紅會點架?
苦苦
風扇識唔識著？
16/9/2005
 		hornet 250cam鏈
請問hornet250 換cam鏈要不要打散機器呀,,同cam鏈有冇得&#20928;係攝,唔換可不可以呀
如果換人工$,零件$ 倒呀,,,,小弟今期無$呀...真是感謝老鬼大人回復.
吳生
兩種做法,最安全係原絛拆出,但一定要全散,正常係唔會叫你咁做,除非做埋大修,另一種只雖打開盤頂交差換鏈便可!一般人工千元到,亦是正常做法!.cam鏈係靠cam鏈頂自動攝的,過鬆係雖要更換.
15/9/2005
 		部車難著
今朝部車勁難撻著 己檢查 電池 火咀 死火掣 推撻都唔掂 想放棄時又著到 乜野原因呢? 請老編幫幫小弟 愛驅係hornet 250

請檢查電池電壓
13/9/2005
 		Hornet 600
hornet 600 可否加裝尾箱？有好多人話唔得，但我見過有一部裝到。
KK hugoboss430@yahoo.com.hk
搭晒橋咁一定裝到，但靚唔靚就係另一回事。
12/9/2005
 		頭牙漏油
hornet250 頭牙油毯漏偈油是不是一定要打散架車先換到呢,因為有o的師傅話可以唔打散都換倒,有o的就就話要打散先換到,,同打散換是不是返代理換會平o的呢,,是大工,中工,定細工呢,,,取價幾錢先合理呢。 萬分感謝
敏記 ngyukman478@hotmail.com
我都唔知!但係最簡單就是睇下隻油氈有無邊,有邊就一定要打散,人工貴過零件.
12/9/2005
 		車胎一問
老編,why hornet 250 用180胎??部車極速是多少和耐用嗎??
PPK
係款式的問題，原廠俾左條5.5軨俾佢所以hornet 250可以落180尾胎，但其實無咁o既需要。有關hornet 250的問題請參看【車主報告】。有關輪胎呎吋的選用，視乎輪框呎吋：
4.5=160
5.0=170
5.5=180
6.0=190 or 200
6/9/2005
 		"P"牌一問
老編你好。小弟參考貴網頁差不多大半年了，獲益良多，今次是第一次來信請教問題。我的"P"牌期限已過了大半年，一直沒有駕電單車，可是我打算在不久之後買車。想問：
1.如果已取得正式駕駛執照，但"P"牌仍掛在車上，遵守"P"牌限制，若一旦被警截查，會否被起訴?
2.我的體重約90KG，學車時由亞皆老街左轉上天光道途中車竟死了火(1或2波中)！想問一下如果我用250cc的車，行同一路段(或更斜如上山頂)，車子出現"死火"或"超慢"的情況如何?
3.我看到有二手的HONDA VTR250 及 hornet 250，請問那一部車會好力D? 直四偈是否比V2偈"襟"和維修費平?
4.我需要經常長途，又要上斜落斜的，如果選用陳年的CB400(10年或以上)，會不會較適合?
5.現時電單車數目不斷增加，老編你們有否打算開班授徒(如選車、搶修、安全、保命、法律漏洞...)呢?
祝 出入平安
A.W.
1)你可以掛個新手而不需掛P
2)死火是因為操作問題，不關車種問題。
3)低扭差唔多，尾段馬力會係直四hornet 250，直四和V2都一樣咁耐用，維修費會係V2平d
4)用400當然較適合，但如果揀到部問題多多的陳年佳釀....咁就頭痕。
5)冇。
4/9/2005
 		偈油
我想問偈油入得多過上限會不會在車底近左邊波棍機&#27586;底小小漏油的,我的車我懷疑是這個原因先會有漏油,唔知有冇可能呢
hornet250
thank
應該會流向風箱,應該是波棍油seal漏油多d.
4/9/2005
 		Re: HORNET 250
130差唔多呀喇,原裝車得40ps,仲要係曲軸輸出,加埋部車既年份,你自己計下仲有幾多馬0係手?(仲有減埋你既體重),你想有幾快?
部車原裝喉高轉果陣都嘈到仆街,得陣死人聲,但係你身後部石油氣的士已經好唔耐煩咁追尾...
(以上就係我既hornet經驗,兄弟,要快?換大馬啦,努力)

隼仁
3/9/2005
 		致:Hornet 250車主(我就是hornet250試用volcano內燃加速器車主)
睇過volcano內燃加速器果個威力見證hornet250車主報告覺得同我自己架hornet250有D問題。我既每公里只需要$0.51~0.54，但我見佢用左volcano同冇用都係咁貴$0.67,$0.59，係唔係volcano冇用架?就算電油加價都冇乜特別。

本人架hornet 250有一問題想問希望可以幫我解答。
在100km/h 以下就好正加速一流，但當我行6波時上到100km/h以上 8,000轉到，我覺得引擎開始嘈係唔係正常，我見人地車主報告話極速行到百幾，但我覺得如果要上到百幾唔係唔得，但架車引擎會勁響，究竟係唔係我架車引擎有問題?
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

我就是hornet250試用volcano內燃加速器車主我看見你條問題.你話你油費是每公里$0.51~0.54,你開倒8000轉100km話嘈唔去你油費當然平o拉,這款車是高轉數車,要去倒約9000轉先轉波先有力,我長其行高速,下下去倒130-145km重有得去(6波 10000-12500轉)當然會貴,人地這車高轉去倒成$0.7-0.75km 一o的都唔出奇,,,,,同你聽倒8000轉好嘈是正常的,這款車8000轉倒就會轉聲,這才是力量的開始,放心去飛o拉,,,,,,,待復....
敏記 ngyukman478@hotmail.com
2/9/2005
 		VOLCANO內燃加速器
睇過volcano內燃加速器果個威力見證hornet250車主報告覺得同我自己架hornet250有D問題。我既每公里只需要$0.51~0.54，但我見佢用左volcano同冇用都係咁貴$0.67,$0.59，係唔係volcano冇用架?就算電油加價都冇乜特別。
Hornet 250車主
人地基數一向高過你，你咁講唔係咁客觀。耗油費每人不同，不能一概而論。
2/9/2005
 		有關Hornet 250
本人架hornet 250有一問題想問希望可以幫我解答。
在100km/h 以下就好正加速一流，但當我行6波時上到100km/h以上 8,000轉到，我覺得引擎開始嘈係唔係正常，我見人地車主報告話極速行到百幾，但我覺得如果要上到百幾唔係唔得，但架車引擎會勁響，究竟係唔係我架車引擎有問題?

Hornet 250車主
好難講，機器高轉一定會比較嘈和震。你架車咩年份行左幾多公里？有冇定期換機油？
2/9/2005
 		引擎溫度
本人部hornet250每當塞車慢行或在隊道行駛時,溫度錶就會由一半上升致4份3多d左右,如再行高速公路會下降番致一半多d左右,請問引擎溫度升升降降是否正常(因汽車是經常保持在一個溫度的)和上升致4份3多d正常嗎是否過熱?
tam
汽車支針衡溫是人工做出來的假象，電單車支針則是根隨真實溫度而變化，只要唔入紅便可。
29/8/2005
 		hornet250偈油格
請問hornet250偈油紙格位粒羅是不是有專用工具可以儜開佢呢,好實儜唔開點算,開這粒羅絲是不是有獨特手法呢，因為想自己換
敏記
你可以買叫做(3分的6辨扑頭同駁管)便可容易鬆開.
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
請問在哪裡可以買到,五金鋪定係電單車店呢,,地址
敏記
可到新填地街(緝記)買到,非常出名五金工具舖.
29/8/2005
 		hornet
想問下hornet600係點樣分日本版同出口版，我唔識驚俾人騙，可否指點指點。

原庄設定日本版用日清四頭鮑，出口版用普通鮑。
24/8/2005
 		車胎有裂痕
本人架車的車胎坑紋有D撕裂既紋..好似欄咁..咁我需唔需要理佢，要唔要換呀?本人的車胎係前130/70ZR16,後180/55ZR17 大約要幾多錢一對呀?我真係好擔心，唔知會唔會行行下裂開左發生意外。
Hornet 250
好難講，視乎有冇影響杋布層。你架車係CBR900RR定係hornet？如果你唔會開得慢的話，最好俾師傅睇睇好d，一般換胎都要二千幾蚊一對。
24/8/2005
 		hornet250偈油格
請問hornet250偈油紙格位粒羅是不是有專用工具可以儜開佢呢,好實儜唔開點算,開這粒羅絲是不是有獨特手法呢，因為想自己換
敏記
你可以買叫做(3分的6辨扑頭同駁管)便可容易鬆開.
23/8/2005
 		RE: 換車
老編您好:本人剛甩"P"現役坐騎係hornet250，現在想換車(本人坐騎用途係返工放工，遊山玩水等等，一天大約行30-40公里左右，經常行highway)，現有心水車如下(本人只愛街，跑車):
1) CBR600rr
2) CBR600f4i
3) SV650s
4) Z750s
請老編俾的寶貴意見，多謝!!!
Lawrence
四部車各有所長：Z750S最舒服，CBR600RR最好玩，CBR600F4i最便宜，SV650S樣樣有d。睇你要乜(重有考慮泊位會否刮花和防盜性問題)
22/8/2005
 		>>關於偷車的小小心聲
睇完咁多位車友對偷車的感想,小弟都想分享下自己的親身經驗,記得幾年前買左架hornet250渣,當時冇諗過會俾人偷車,自己屋企附近又冇car park,所以跟大隊擺係街但有落車套,有一日想開車出街,大件事,部車俾人偷左,當時的感覺好震撼,幾皮野咁就冇左,眼見當時其他車,只係得番d爛羊冇俾人偷但個sit位已經俾人爆開左,值錢的野都冇晒,唉,呢個就係活生生的例子

之後小弟再唔敢買全新車因為實在太過傷,改左方向買d比較冷門d的車,只求返工放工用, so far 都未俾人睇中, 有錢係袋的唔會再花錢去加乜加物落部車到,但係影響到部車的操控與安全性就唔會慳,車太brake皮偈油就會時常留意住,好似小弟今天係電腦展買左個19寸LCD芒俾自己享受下,上iBIKE網睇下車咁咪幾好.
小騎士 B12
19吋芒幾錢呀？
21/8/2005
 		re: RUNNER好嗎..
我是P仔一名,我之前一部車就是這部runner180vxr,,後悔不已,上高速又(了),,又唔定,
又多野維修...用了個半月就賣了,真是不知幾後悔,,,我已轉了部hornet250(棍波),真是一部好車,又飛得,又有型,又有玩樂性.....維修呢樣野無幾多部不用維修的...徐非你自己
懂維修....建以買部棍波車好o的呀.
敏記 ngyukman478@hotmail.com
21/8/2005
 		新手買車...
(老編哥)小弟考到車牌了...有朋友想賣架hornet 250俾我...請問呢款車適合我嗎?Thank you
阿生
都適合丫，不過直四250都可以好快架，小心d。
18/8/2005
 		&#36141;Hornet250&#36824;是VTEC好
我想&#36141;一台街&#36710;,要性能好&#32500;修便利（因我只能&#20080;到二手的）排量不做首&#36873;,&#36710;行老板推荐02年的VTEC,&#35828;hornet故障多,&#23545;否？可我更&#29233;hornet的外形,&#36824;是&#36873;VTR250,&#36825;&#20004;款&#36710;是不是停&#20135;了?如&#36873;&#36825;&#20004;款哪一年的好,最好&#24110;推荐一款,不胜感&#35874;!
金先生 jys@3339yahoo.com.cn
不知道Home是什麼。VTR250沒有停產，維修也容易。
17/8/2005
 		一年無抯車
重有一個月就過P牌...但這一年都無抯過車...學院教的都有D忘記了,當P牌過了諗往買本田街車代步返工(馬鞍山去紅磡)而小弟的女朋友很想做電單車乘客>.<
所以當抯得架車有信心時肯定要雙騎>.< #有以下問題#多謝回答!!!
(1)想請問老編哥VTEC1.2.3.適合無抯一年車的我嗎?車速.車重和學神車差很遠呢!小弟6呎高但只得140磅重...(2)如不適合細馬力一D的<hornet250>又點睇法呢?(但這款車的設計很怪死氣喉貼近乘客位,想燙傷乘客的設計..(奇怪)
這二款車只是外形吸收小弟並不清楚性能.如果老騙有其他推介請指教(最好係本田車.哈哈..)
煩人一名
考完牌避P一年，剛成形的駕駛技術因沒有機會去鞏固，水準大倒退是必然的事。建議先補路路通，執番d感覺番來先。然後再考慮買車的問題。Honda的初心車款可以考慮FTR223或者XR250 Motard，馬力較細車身較輕，操控也較容易。因為你有六呎高，所以XR250 Motard較佳。
16/8/2005
 		本人想買hornet250或VTEC-1,2,3
1/主要接人及代步
2/VTEC-1,2除了看車身花可分別外，還有什麼方法可分別呢
3/如買SF要注意什麼
4/有什麼街車介紹
多謝老編解答...THX
小朋友
要接人，400一定較250好。分辨VTEC的最佳方法係睇引擎編號，可惜老編沒有資料在手，你有興趣不妨上網尋找專門網站，應該會有講解引擎編號的資料。如果買舊款SF，除了一般買車要注意的事項外，也應看車身是否出現不同年代的Big One部品。雖然好難避免，但唔好太離譜。要熟習每代車款的用料，最蠢但最有效的方法係睇多d車，車行又睇，街上泊的又睇，記得睇埋牌簿，望下製造年份，互相比較便會知道咩年份應該係用緊咩料。淨係一個CB400Sf都有排你揀，唔好唸其他住先喇。
10/8/2005
 		曲軸響
我前幾天羅了部車給師夫試車,師夫話我車曲軸響,我自己感覺上比油低轉時真是有這種聲,但師夫話這種車款hornet250高轉車有這種聲是正常的,,,我想問是不是真是不用維修呢,如果不維修有沒有什麼影響呢,大約維修費多少錢呢 還想問嘩咾響同曲軸響的聲音是怎樣的thanks
敏記
事關重大,請打清楚.再續!
敏記
機器聲好難形容到,但如肯定是曲軸的聲音咁就有問題,因如果機器是正常,你只會聽到整体的聲音,而不會是個別的,v4同直4都不一樣,不同機器會有不同聲音.是否要即時維修,就要聽下先知,而維修連零件一定唔平.
10/8/2005
 		曲軸&#21709;
我前幾天羅了部車給師夫試車,師夫話我車曲軸&#21709;,我自己感覺上比油低轉時真是有這種聲,但師夫話這種車款hornet250高轉車有這種聲是正常的,,,我想問是不是真是不用維修呢,如果不維修有&#27809;有什&#40637;影響呢,大約維修費多少錢呢 還想問嘩咾&#21709;同曲軸&#21709;的聲音是怎樣的thanks
敏記
事關重大,請打清楚.再續!
3/8/2005
 		買車一問
老編，如果俾你楝，你會買98/04 HONDA hornet 600 (零手車,KIT喉,FORK碼,迫力鋼喉,護架,OHLINS避) HK$ 35,800 ，定係買 02 /02 SUZUKI SV650S ，6500km ，HK$ 35,000﹗
為何你會這樣楝？論維修，油費及耐用，邊部好呢？
想轉大車的人 tmm_810@yahoo.com.hk
98/04?即係日本車？先睇馬力係咪足版先。如果得個六十幾匹，梗係揀SV650S啦！其他問題...價錢差不多，但SV650S年份新四年，四年喎...生個仔都識行識駁咀lo....俾你玩兩年賣車，到時部hornet 600成九年車...賣唔到咩好價錢。
29/7/2005
 		o太氣一問
hornet250 o太氣應該幾多呢?點知條o太幾時要換?

新牌仔
請看【知識技術】中的相關之章。
27/7/2005
 		尾制動
我部hornet250尾制動不知怎解都是唔夠,已換碟,皮及迫力油,重有冇其他未做呀.
man
hornet 250煞車主力是頭轆而不是尾轆。唔好用咁多尾轆煞車。
21/7/2005
 		油費
我部hornet250都要$0.65一公里,你部techIII$0.6都話唔合理
敏記
15/7/2005
 		二選一
本人正為換車煩惱,用緊hornet 250,請老編幫手,現日日用車來回30km,行龍翔道貨櫃碼頭,少飛車,最多行100,要求最緊要低扭好力,百四,五km仲有得扭上去0個0的唔關我事,事關膽小.現心水有新車sv650s同二手hornet600,因二手hornet600,99出廠都叫3個幾,連埋執最少都4個(因小弟現在呢架都執左6,7千,仲車行買添,二手車唔使執仲難個中六合彩,徐非係你老死私讓)相信老編都佔到小弟偏向出新sv650s,但為何車房唔多鍾意維修鈴本0的車,同埋係咪整親都要等零件,因小弟天天用車,等一兩日無所謂,但如果整親都等一頭半個月就要考慮,老編你會點揀
chi
Honda車在設計上的確較方便維修，好多師傅學師時都係摸住Honda車大o既。但現在Suzuki的600以上新車都好少要整。其實Suzuki車唔難整，鐘意整Suzuki車o既人都好多，例如大角咀耀昌，觀塘新幹線等。不過零件少水貨，所以多數都要番代理拿零件。
7/7/2005
 		車o太和泊車問題
請問如果架車補過o太我可以點樣知道?本來想泊月租停車場，但因為Full了，只好泊街啦...本人架車係hornet 250好新架多唔多人偷架?請問用咩鎖鎖車好呢(但我鎖車果到沒有柱可以鎖)? 價錢就冇所謂既。
新手新車
補過胎會留下牛根在胎上，即使碌平左，細心d睇都可以見到痕跡。從失車數字上看，Honda車較其他車款高危。鎖鏈o既野，同揀hi-fi一樣，三大原則：大件，重手，同埋貴！
4/7/2005
 		問Hornet250 and VTR250如何選擇?
問hornet250 and VTR250如何選擇?本人P牌,想出二手車(my first car)
purpose:返工代步(meifoo to northpoint) and 交遊
pls give me some idea, thanks a lot.

Mr.Beck
hornet 250馬力大d，尾段快d，直四引擎冇咁震，但架車又大架d。VTR250低扭好d，但V2引擎較震，但架車又細架d。你不妨試坐一下睇下自己鐘意邊架多d。
4/7/2005
 		honda新車
你好老編,請問知唔知點解honda仲未有hornet600賣既?係唔係唔會賣呢?如果推出既話400cc VtecIII定600cc hornet好呢?請指教
換車人
香港代理唔番倒fork hornet 600的原因係價錢好貴，唔抵買。買VTEC III定係hornet 600？不如hornet 900啦。
1/7/2005
 		轉數錶可否共用?
請問HONDA JADE 250 可否用 HONDA hornet 250 的錶板呢?因JADE 250 的錶板真係好難搵,而我又留意到兩車的轉數錶都係16000-18000轉紅區.另外再想問有冇車房可幫人搵二手轉數錶?請老鬼師傅幫助解答...THX...
man
線插可能不一樣,只雖修改便可.
25/6/2005
 		風chock
我部車無論熱車或凍車時開(風chock)都唔&#30528;車,要比住小小油十秒倒o拉 先&#30528;倒車重會去倒三千轉倒.如果唔開風chock就無問題,一達的&#30528;去倒一仟轉倒o拉,想問下正不正常呢,,,如唔正常是什麼問題呢....hornet250
hornet250
短短三句文字，老編真係要出盡九牛二虎之力，先估到你想講乜。你係想講開choke撻車，轉數會有三千轉，唔開choke則只有一千轉？正常過唔正常。風choke只會在天氣凍的情況下，凍車時先會用。
23/6/2005
 		98 CBR900
Hi老編,i am riding a 98 cbr 900, and my fronts rims is using 16 inchs, i want to know in honda models ...which models using 17 inch front rims can use to be my bike....thanks a lot and have a nice day
oldman
hornet 900
19/6/2005
 		re:死火
在此真係要讚貴網服務,快而準,好啦言歸正傳,想知如換極力子係咪要成套換,大約幾多錢呢 thanks hornet 250
tak
極力子片的價錢要問番代理維修部先知。同埋換極力子片除左人工之外，重要換埋砧口和偈油。建議你先俾車房檢查一下確定問題所在先算。
18/6/2005
 		死火
呢排架車上斜塞車停低,跟住慢慢吊極力子再開時就死火,要撻幾次同埋撻車時比大油才著得番,跟著要比油到成萬轉同快放極力子,要轉數未跌到死火前扭上八,九千才開得番,架車好似騎馬仔標一標,好狼狽不堪,但上斜唔停低又無事,同平路行車很正常,而家很怕斜路塞車同停下,想問老編我架車有什麼毛病(風火水電換左無耐)thanks hornet 250
tak
你架車的問題可以分兩方面。首先係熱車後難著車。要睇火咀和化油器。第二個問題係斜路起步有問題，要高轉先起到步。咁要睇你果組極力子片是否到期。
16/6/2005
 		再問彎路問題
如果連輪胎都用同一牌子,一齊落賽邊架會定d快d好d呢??唔該晒............
SV650
跑彎又唔同落場跑。跑彎SV650好d，直路就hornet 600好d，換左避震又調較得宜o既當然會較著數。
16/6/2005
 		原裝 SV650 同架換晒頭尾OHLINS避震既 hornet600比較彎路
邊架會快D好D呢
係唔係一定換左野既會快D呢(同一個人渣的話)

SV650
如果原裝SV650o既避震唔係太柴的話，走彎路靠胎的關係會重緊要d。換左野梗係會快d，因為心理作用嘛。
14/6/2005
 		頭燈變光
我想問我每次比油的時候都覺得頭燈變光,請問是不是正常呢,如果唔正常有什麼問題呢,同解決方法,車是hornet250 thanks
hornet
check整流和電池。
1/6/2005
 		Hornet
Dear Editor:I like Honda bike hornet 600 but also interested in SV650, any biker had driven them both and make a comparision for me? How to differentiate exported version of hornet 600 from Japanese version?
A poor Chinese character typer
hornet 600用直四偈，較SV650 V2偈冇咁震和高轉會爽d，但低扭果下就一定係SV650勁d。hornet600日本版用Nissin鮑魚卡鉗，公里咪錶。
30/5/2005
 		600 to 700cc bike
Hi editor:I want to upgrade to middle sized bike e.g. SV 650, hornet 600 or Fraser etc. For second hand bike 3 to 4 year old which model and brand would you recommend? As I want the least engine degeneration and mantinance problems.



A Super Four rider adapted to its force
May be hornet 600 is a safe bet? Please check out Owners report for further user comments.
　 　
第頁

FAQ常見問題


搜尋由Jan 2001至今的來信及問答文章 - 請輸入關鍵字