|
|
|
FAQ常見問題 |
|
|
31/5/2003
|
事發經過:
慶幸沒有'炒底',不過都想同大家'呻吓',今天放工回家由紅磡往官塘方向,在啟德對開天橋,約75km,6:15P.M.(因剛望完啟德停車塲個大鐘),突然覺得條頸一痛,本能地用手一抓,發現原來有一條線在條頸上,跟着就斷了(好彩不是我條頸斷).但部車都因突然有大動作而擺了幾下,好彩沒有炒底.後來立即慢下來.看一看條頸有沒有血...好彩看不到手套上有血,當時都想到該條線是D人在啟德放風箏的線跌落嚟.
人命財物傷亡損毀:
條頸有條一尺多的傷痕 , 沖涼都 '哪住哪住' 痛.
當時感受:
太突然,好驚.以前經過啟德看見D人放風箏都心想如果條線跌落條路上,而剛巧又有電單車經過就慘嗱.點知.........今次是自已中.
事後影響:
以後經過該處都會很小心......(可以嗎?),帶頸巾.....(30幾度喎),我已决定向有關方面投訴(請告知向那一方面投訴).
肇事原因及教訓啟示:
意外是來得很快及你是沒有任何準備下發生的.更加小心揸車
Lawrence / Superfour
|
31/5/2003
|
你好。本人而家開YAMAHA R1,以前開過CBR250RR 和 NSR150SP 同 MAJASTY 150,我對NSR車係情有獨中,我想問NSR250 P4快D定CBR250RR?如何係NSR咁會快幾多?我覺得CBR250RR也是一部好車,為什麼停產呢?本人現在澳洲,聽人說在香港開綿羊第3保都要成5千,我在這裡買全保比部R1都唔洗6千,咁香港D保險公司米發大達?請問香港ARAI頭盔邊度最平同最齊款?我去過ARAI的HOMEPAGE看過,有日本,歐洲同美洲網頁,各地方有唔同款,香港的款式是屬於那一地區的?那我便可以上網睇下款,有人說而家的ARAI是大陸做的,是ARAI本身設廠在大陸還是COPY頭盔來的?另一牌子SHARK是那一國家做的?最後,請問你們的電單車手高度大約是什麼?本人高約170CM,算唔算小個子?
澳洲篤篤王上 berry@opera.iinet.net.au
你應該將PGM IV和CBR400RR比較，邊個快主要係睇車手的技術，我估PGM快D。猜想停產的主因係日本唔興細跑車。細綿羊的保費只係兩千蚊左右，唔洗五千咁多。Arai頭盔返總代理會最平，但價錢係咪最平競唔敢講，香港行貨係日本貨源。Shark頭盔係法國牌子。電單車手通常身型唔會特別龐大，170cm係一個唔錯的身型。
|
31/5/2003
|
Hi!!我架et8由珍珠白色變咗珍珠「黃」色，但我又唔想翻噴。請問洗車和打臘可以令架車變回「白」呢?如可以，麻煩你可否介紹有關的products給我，謝謝各位!
SonRaku ryushin@hkstar.com
白色油漆因受紫外光破壞而變色，基本上係冇得救。盡人事可嘗試用粗臘搏命把面層車漆卒走，令底層白色車漆浮現，再勁打幼臘拋光。不過未必一定成功。
|
31/5/2003
|
請問自動羊使用的全合成機油，我發覺在油站見到果D美孚一號乜乜喜力，私家車同電單車完全一樣，其實係咪可以互用架？因為買4L裝平好多~~~ 多謝解答
support support@WPQhorse.com
有份生產電單車機油的機油商都聲稱電單車機油的配方是和私家車不同。理據是電單車的機油用於濕式離合器，波箱和潤滑引擎。而汽車一般採用乾式離合器，波箱油和機油分開....另外一個原因是電單車普遍使用的轉數較汽車高。所以我們一向都習慣購買售價較貴的電單車機油。如果以上的論點是使用電單車專用機油的全部理據的話，那麼專用機油便對CVT自動波皮帶傳動的單缸綿羊，顯得無用武之地。我們的看法是，使用汽車級全合成機油，應用於電單車的日常使用中全無問題。
|
30/5/2003
|
老鬼先生，您好!!我是一個有大半年P牌的人，現在在一間車行睇到一架 92/01'Virago400 (XV400)，是日本翻新車，只行了2萬幾咪左右。我現在想請教您，這款車是否真的只行2萬幾咪，而且點樣在購買時，可以檢查到機件是否有問題，請多多指教，謝謝!!
Will Chan
willi8_hk@yahoo.com.hk
今年係03年，你果部92/01己經唔算係日本翻新車，因為係香港落左地行左兩年有多。十一年只行兩萬多公里，你話有冇可能？咁老的車機件一定有問題，即使去信譽好的車行買，都爭在係大問題或者係小問題。呢個係事實，係新車與舊車的事實。想拿買舊車的預算，期望可以得到新車的享受，係不切實際的想法。所以無論同私人買又好同車行買都好，一定要預留充足預算執執佢。唔係話車行有心騙你，但要將部舊車整到非常精神，售價會好貴而冇人會買。車行會著部車俾你睇，俾你扭下油，聽下聲，有懷疑揀過第二架。
|
30/5/2003
|
問題望答
老編兄你好！有些問題請多多指教。謝謝！！！！！
(一) 本人即將成P牌，現年 39歲 有私家車至重型貨車牌，請問第三保可會低過五仟元呢？各保險公司的價錢，會否相同呢？
(二) 想買 REBEL 250 P 牌合用嗎？ 有否其他價錢相約可供選擇？希望是新車，不想跟手尾。
(三) 有否 REBEL 250 規格表呢？因找了很久也尋不到，請幫忙！
(四) 車之質素是否取決馬力及扭力呢？其實馬力及扭力是甚麼啊！
mok mokkwokhung@netvigator.com
聽講就好似要五千幾蚊，重要唔係間間保險公司都肯受保。Rebel 250當然適合新牌使用，不過換轉我係你，男人四十坐係部Rebel身上未免有點....俾我會揀CB250。搵唔到相關資料？唔係呀嘛？係搜尋器上打"Honda Rebel 250"果d相關網頁叭叭聲咁湧出來播？睇左呢個未？http://www.motorcycle.com/mo/mchonda/rebel250.html 車的質素並不完全取決於動力輸出。穩定可靠，經濟耐用都是內在價值之一。馬力和扭力也要配合整體車身的設計和配套是否相輔相承，尤其是電單車更注重操控性，油門響應性和動力輸出是否線性。簡單來說，極速取決於風阻、馬力和減速比，加速則取決於減速比和扭力。作為用家我們只需要記著以下定律：若只比較排氣量的話，cc越大扭力便越大。若比較汽缸數目，汽缸數目越多馬力越多。若比較汽缸缸徑和衝程比的話，缸徑越大，衝程越短，馬力越大，相反則扭力越大。你喜愛的Rebel250排汽量小，汽缸數目也不多，所以馬力和扭力都不提也罷。唔好介意！
|
29/5/2003
|
請問如果衝黃燈，會唔會收告票？﹝燈位前有個專係影衝紅燈或影快相的東西﹞有時轉黃燈都唔知急停好，還是衝過去好，請指教，謝。
Keith keithlinda@mail.hongkong.com
取決於你過sensor時係紅燈定係黃燈。學車有教咩叫"決定點"，咩叫"老綠燈"，你唔係回晒堂呀？
|
29/5/2003
|
大鯊皇火咀
老鬼先生你好:請問大鯊皇火咀在車的那裹,自己可否更換呢?
Scuber scuber31440@hotmail.com
你乜都唔知點搞？俾車行換一次自己睇實下次咪識換o羅。
|
29/5/2003
|
新手問題
你好！本人剛考獲車牌，並於車行訂了部96年製，剛翻新進口的Virago250，有以下疑問：
1)由於未試車，請問在試車時應注意什麼？
2)由於車行說該車是剛從日本翻新及進口，故仍未交運輸處驗車。請問若於運輸處驗車合格及出到牌後，是否表是該車的機件一切正常？
3)請問部車幾耐之後先要再驗車？
多謝！凍檬茶上Kalvin Li
kalvinli@hkguy.com
試車？應該冇得試車。運輸署驗車，主要睇輪胎，掣動系統和各式燈號是否正常安全，還要看廢氣和噪音有否超標等等，只要著到車，機件是否正常唔係重點。電單車唔同私家車，唔使再驗車。
|
28/5/2003
|
新牌仔
老鬼大偈你好呀!本人剛取得P牌,有幾件事想請教請教,可能之前你已經答到麻木晒,但希望你唔好見怪。
1) 我今年29歲,做倉務文員,之前沒有任何車牌,那麼可否出到"街車""燕梳"呢?
2) 我諗住出一部新車, Hornet 250 或者 Forza Type X, 兩者那一架比較適合新駕駛者?(代步返工用,會走高速公路)
3) 如果出以上兩部車,以我資格,"燕梳"費用大約需要幾多錢?
4) 新駕駛者其實比較適合買新車 or 舊車?
5) 考車牌時是考棍波的,棉羊的駕駛方法是否很大分別,需要注意些甚麼?
6) 假若買了新車,是否需要run-in, run in 需要注意些甚麼?
千萬個唔該!!!! 新牌仔Scifo
如你連私家車牌都無,咁用自己名就應該買唔到街車第三者保險。但你冇私家車牌就窄D。如果有私家車牌又夠25歲的話，首年保費約五千餘元。新牌唔識車，買新車或年份較新的車會舒服D。其實以車論車，Hornet250係好適合棍波P牌操練，因為綿羊太舒服，又冇得拖波，時間一長驚會學壞手勢。新車run-in，車主手冊有講，一般都係幾多公里之前唔好用幾多轉幾多油門之類，幾多公里之後要換偈油等等。
|
28/5/2003
|
頭盔問題
你好:請問交警用的頭盔是什麼牌子型號? 有否得買? 多少錢?Thank you!
Rambo
頭盔牌子是shoei老編咁(大枝野)都係用佢,可到代理成舊機場附近找到.
|
27/5/2003
|
水箱漏水 (2)
老鬼你好:我架車係cb-1300,我架車個水箱#32422;年半前換過新的,喺今日,我又發現個水箱百葉片內又滲出水箱水,但表面完全無損壞,架車又冇撞過,我想問除咗#25442;新水箱外,有冇D.I.Y#32500;修方法,又如果要車行修理,大#32422;要幾多錢.你#35805;用止漏粉,後果自負,係有乜嘢後果.
心急人上
止漏粉能修補細微窿位,換句話說有機會影響機器運水情況或(塞)水箱.
|
27/5/2003
|
White + blue smoke problems
Dear Mr Devil,My bike 'bmw r1200c' have sometimes white smoke blow out from exhaust pipe during starting and keep within about 10 second, and then no further smoke again. and then return to normal on next starting ( the rate of above white smoke condition is arround 10:1 (ie: 1 time white smoke) )
Is that inside gearbox sealing problems ? or exhaust pipe problems ? or combustion in not complete condition then few fuel state inside the exhaust pipe, then next starting will blow out the white smoke ? or I shall needs to change oil ? please advise ! many thanks
Nam Nam
you sure that is not steam, or too much engine oil . if blue smoke that is big problem of engine .
|
27/5/2003
|
老鬼師父你好，我想問可唔可以用洗潔精洗車同去油積，會唔會傷害車身，有何方法有效地除鍊油積；另可如何處理後擔上出現的銹蝕？
Jack
自問愛車就唔好用清潔精,因為洗完車身會比較"鞋",鍊油積可用電油抹去後再洗車.生銹是無止境,可以用噴油上色減慢速度.
|
25/5/2003
|
水箱漏水
老鬼你好:我架車係cb-1300,我架車個水箱#32422;年半前換過新的,喺今日,我又發現個水箱百葉片內又滲出水箱水,但表面完全無損壞,架車又冇撞過,我想問除咗#25442;新水箱外,有冇D.I.Y#32500;修方法,又如果要車行修理,大#32422;要幾多錢.
心急人上
噢!真是慘事,點解你成日都穿水箱嫁,車行修理最多都係將個水箱cut左個行,然後頭尾燒焊,大約都要300元起,另一樣就是自行到專賣汽車零件,的士,買一種修補水箱的粉沫,一樽仔細細樽,加入水箱中用以填補巳穿位置,但後果自負.
|
25/5/2003
|
溫拿4沖
唔知點解流電油..開左黎睇發現油江果舊圓形似舊餅咁既野...流電油~唔知整幾錢又有無得整呢?我楂出去唔知有無事呢?
家榮
電油漏晒未,如著車後漏電油就唔好搾!叫拖車啦!幾多錢你都要整,唔通唔用車咩.
|
25/5/2003
|
老鬼你好, 本人係新牌, 打算買架易手車代步, 想請問92/95Honda Bros400 已行13000公里,是否合新牌, 這款車好不好, 買保險要多少錢, 本人已有5年1,2車牌.
chiumancheun
雖然Bros係好車，快慢旨宜，但新人即使有1、2牌和夠歲，出街車燕梳都要成5千蚊，係你部Bros400o既一半車價以上！買唔買自己決定。
|
24/5/2003
|
Hi 老鬼,我架 et-8近來渣完之後引擎附近有醲味.....羅去車房換左皮帶同偈油(普利珠佢話仲用得).......換完之後的醲味仍然有,架車仲冇咁爽。
老鬼兄有咩意見呢? 等我再去車房時可以提提佢。 唔該晒。
文慈
請問你係咪姓張o架？：)講番部車，係唔係有地方漏油？或者車底附近有無垃圾？死氣喉有沒有噴過油？還是那轉車你扭得過激.最後會否發覺自己個布cum穿左窿？
p.s.如果你真係姓張的話，我可以蝕底d同你認真研究下你陣味，呀唔係，係你架車陣味點來：p
|
24/5/2003
|
有關綿羊仔問題
你好.....我係綿羊fans...剛剛考到牌..我一直都非常鐘意vespa o既古典綿羊仔,我林住買駕車返離改到佢靚靚咁,我想問如果我林住將駕車噴油,咁其實買舊車靠唔靠得住呢??如果新車大約要幾多錢到??同埋我想問如果我想玩經典個隻feel,好似平時綿羊仔出巡個o的車咁,我應該買邊隻型號呢??唔該晒,感激萬分!!
栢朗 陳
見你咁有誠意!你應該找那些綿羊社團,問下佢地意見，一個唔覺意分分鐘買到架正野！始終佢地玩車，講番玩車的意見會比我地整車佬既好.
|
23/5/2003
|
Suzuki UE150
老鬼您好,想請問 Suzuki UE150 這車好嗎? 適合新牌仔駕士駛嗎??
心急人EVA上
UE150同我本人一樣，都係咁適合新牌女仔使用，帶佢或者我去街睇戲食飯都絕對無問題!
|
23/5/2003
|
New rider!
Dear Sir:CB400SF have V-TEC and VERSION S which one is better choice for me ?I see the bike shop have edition 98 version S about $35000and edition 2000 V-TEC about $40000,this two bike system is have so a lot different or not? please you let me know? thanks you!
benny
vtec is new model, all design is different: engine ,speedometer, front fork, tyres size, fairing.....etc, if both os them are made of same year then buy vtec will be better, and when you sold the bike , it is easier to sell too.
|
22/5/2003
|
大偈又係我呀，有少少野補充...用完化油器清潔劑之後行高速會無啦啦無左力之後『啪』一聲又回復正常...(但再行一排又重複出現...)我想再比多少少資料就係我頭先再拆支火咀出黎睇，支新火咀又黑晒，上面有好多好似炭粉既野...抹完d炭就啡啡地...上面係乾既~火咀度數照計無問題架~因為我未洗之前都係用同一樣既火咀...當時行晒全條屯門公路都無問題...吸個邊我又無搞過佢，只係拆開風格噴佢個支野入去...
呢篇問題大家一定要睇清楚,你地有無發覺我老鬼成日都話最唔buy就係呢類野.什麼添加劑,什麼50,看來只是係清潔後的污漬,同可能清潔劑還留在化油器中,引致電油霧化中含有不能爆炸之成份,如問題還在盡快找車行檢查,因為拖車都幾煩.
|
22/5/2003
|
高速放油門打炮
老鬼前輩你好:我的綿羊仔是新車,但有時在高速行車時放油門打炮,我到代理處詢問時,他們答我是正常的,又或火咀鬆了點都會的.會否?
還有他問說間中打炮會有的,在打炮過程中可另火咀中的積累物帶走?
fachaik謝謝解答,請勿登本人的電郵
你架車溫好未先?溫好後就去代理到check下風油比,睇下火咀,單盤綿羊有輕微打砲聲..... 另砲聲是唔會帶走累積物,雙反代表你消化不良.
|
22/5/2003
|
老鬼你好，綿羊加速到60-70公里時，車身感覺震動，但到75-80公里後，或60公里下後就無事，本人己換新火咀及前後新胎，起動組亦己
check，到車房檢查亦找不到答案，我請教車友，他們表示可能是機頭與車架的避震膠己老化，請他們說得對不對呢？或還有其他可能性
呢？能否解決嗎？車齡已三年了。
alan
檢查頭轆啤呤同尾轆,看車轆是否平衡.
|
21/5/2003
|
今朝從收音機聽到以下不幸新聞：
<明報即時新聞網
<電單車意外司機重傷不治[08:46] 2003/05/21
<觀塘鯉魚門道今晨的電單車意外，39歲司機送院後，傷重不治，警方正調查意外原因。
<一輛電單車今晨6時許，沿鯉魚門道西行，在駛到匯景花園對開迴旋處時突然失控，電單車撞向石壆後反彈<撞向迴旋處，司機凌空拋起撞向防撞欄，即時重傷昏迷，送往聯合醫院後證實死亡。
本人特別留意 貴網'炒車報告', 因為覺得好有參考價值，但係我覺得'炒車報告'有所不足
因為死者已不可能上 貴網寫'炒車報告'
我建議 貴網可改善'炒車報告', 記錄及分析類似嚴重個案,好令各車友有'更全面'的參考
希望 貴網可以考慮,如果人手有問題, 我認為可給網友'直接留言討論'
我的信念:'要避免炒車, 必要先了解炒車原因'
21/5/2003
HC Leung hc_leung@hotmail.com
鐵騎快語：
講得好，正著手準備中！
|
20/5/2003
|
有關油缸生鏽問題
Hi Devil,我架老電是250CC2手街車，油缸內籠有D生鏽，但架車暫時沒大問題，死氣喉沒出黑煙。問過車行，對方表示油缸內籠有D生鏽並不太大問題。但我就非常擔心。我想請問
1.油缸內籠生鏽通常會出現什麼（輕／重）問題。
2.除了換油缸之外，還有什麼方法可以改善。（鏽漬不會擴大）
煩請回覆。
亞偉
唉!生銹的情況既然已經出現,我相信是已沒辨法.有些車行是有一種專洗油缸的藥水,清洗後可減少銹漬.或加一個電油格以減少銹水進入化油器
|
20/5/2003
|
有關胎壓
小弟岡買入runner vxr200,出車時車行話胎壓是 頭27psi尾30psi，但我在跟車手天書上看到是頭1.4 bar 尾是1.6bar，換算出來後20和23....差太遠了~~ 我該信那個呢??thank
一般車行交車都會用此磅數,如發覺太硬可減少2-3磅,唔同膠質,唔同路面氣溫會有改變,別讓那些專家攪得太複習.
|
20/5/2003
|
老鬼先生...請問一般綿羊, 大概行走幾多公里需要check 車呢?我是駕駛 大鯊王 150 的thx
peter pang
綿羊通常每1000km換油，check車就要睇下當時情況。覺得冇壞冇痛唔使check丫.大車就3000km換油5000km check車.
|
19/5/2003
|
高轉收油時會有打砲聲(表示乜事呢??)好多車改完Kit 喉都會有e個問題!!可唔可以解釋一o下set 返過風油比會唔好d 呢??(set返 多d風 定多d油呢???)
thank you!!!!!!
換完喉無set車多數有這些問題出現,要較風油比先要睇下火咀行成點,main jet唔對,點set都無用.
|
17/5/2003
|
開車載頭盔記住落翻面罩
車友們，開車時載頭盔記住落翻個面罩，尤其是在多貨車的快速公路，因為隨時有碎在前、右及左面彈埋來，我試過２次有右仔從正面及隔嚟行車線打正面罩，聲響不輕，估計此石子不細，如果冇面罩保護的話，後果嚴重。所以用冇面罩的型仔頭盔的車友們，開車要特別小心中招。祝各車友路路亨通，出入平安。
patricktsang
please don't show my email address
|
17/5/2003
|
老鬼前輩你好，小弟一個月前購入一部95/99年Bendit250，有兩個問題想向你請教。
一，每日晨早第一轉車必然好爽，下午再揸會《立》，用高轉行車會好少少。我已換了火咀、風格同洗了吸，但幫助不大。
二，當我起步時把極力子放鬆至六七成，部車會死下死下咁樣，然後就死火(由其揹人上斜起步)。就算平路起步，我每次都要先把極力子放六七 成然後拉回至四成，等部曷晌咗至起到步。如果一開始鬆四成起步就好似烏龜。請問係唔係部部Bendit都係咁呢？
Ben
你咁樣似無低扭,又似燒極力指皮,你點解唔問車行同你整過d乜,同佢地究景有無試車架?因為呢兩樣野一試車就知到乜一回事.
|
17/5/2003
|
大鯊皇幾耐要換皮帶
想請問你我大的大鯊皇原廠話10000KM換皮帶,但我問過幾間車行,有間話14000KM度換,有間話8000-10000換, 我係13,000KM時換佐皮帶,個
師父話條皮帶仲可以捱5000KM. 以你的經驗,應該幾多KM換, 既不浪費,又唔會太影響安全.
我記得條皮帶同拖一次車的價錢雙近,為安全起見以廠方公偉為準.是關拆開檢查,同更換人工都是差不多.
|
17/5/2003
|
Suzuki 250 Type S
你好,本人有一部Suzuki Skywave 250, 2003 年 S版. 欲更改車頭大燈為1萬K亮度的頭燈, 請問有什麼牌子好介紹, 及裝工價錢要多少呢??
另外, 本人今天在街上見到有同一系列的Suzuki S版, 有非原裝椅背, 這椅背不用拆掉原有的尾翼燈而可以安裝的, 但是小弟已經搵了好
耐都搵唔到, 請問兄弟可唔可以幫手搵搵呢??? 謝謝!!!!!!!!!!!!!!!!!!!!!
多數會用"飛利浦"大約3500-4000元到,尾背會否來自"givi"又或者專為綿羊改裝的店舖.
|
17/5/2003
|
03' AN250 機油交換量
Dear Sir,可否請問關於 03' AN250 (SkyWave 250) 機油交換量是多少呢?換機油濾芯和不更換機油濾芯各為多少 CC 呢?
謝謝!
msgao
通常會印在偈油蓋位置左近.
|
17/5/2003
|
大林奇鷹150窒油是甚麼原因？
老鬼你好,我最近發現部綿羊行高速到100km/h時(持續4公里)，部車就窒下窒下自動減速到70km/h，停埋路邊等一下再開車就沒有大問
題，會否是曾經洗過化油器呢？還有之前曾經油喉鬆掉，套回後就開始有問題，本車已換火咀及化油器電子。我怕部車已有輕微燒車頭啊，
請指點。有甚麼改善方法呢？問題何在呢？
alan
情況如每次一樣則似唔夠油落.
|
17/5/2003
|
VIRAGO 250 煩事數件
老鬼你好！本人有台VIRAGO250，2週前換過偈油；下午換完後短途走一轉無發現問題，擺低後8時再騎燈口即死火，再撻又死，再撻要吊住小小油先唔死，每個燈口停低後都要吊住，而且行車中窒住窒住；兼慢車時想死火咁…10多分鐘後有所好轉…。（當日下午非常大雨，無落車套淋左數小時唔知有無影晌）另外，嚴重問題開始於近一週發生，部車愈來愈嘈，行車時引擎位好似想散想散一樣；發出像“查查”聲，格格聲的嘈音，比油開始唔肯去兼無力到、5波專4波即勁嘈勁震又勁慢、慢車拖至2波時真係好似就散咁唔知想點！？各種問題都是自從換完偈油後開始浮現，所以想知偈油的質素會否有所影晌？（之前並無嚴重嘈音、引擎想散兼無力到的問題），如偈油並無關連的話，去車行整又須留意要整什麼？最後重有，如果部車可以整番好D的話，想去改裝換軑把手及前後沙板及噴油等可以去邊搵料或有相關車行介紹？！
新手無經驗，問題多多，有勞解答
W.R.
去車行換枝火咀先,再檢查偈油是否足夠.其如d野整好後再教你.
|
17/5/2003
|
打炮~
老鬼兄你好,本人所渣的是runner vxr 180,每天行走90公里,當開快車時收車,車尾位置會有(((((((磁))))))的聲音,當慢車時收車就沒有此聲音.這是否打炮?何解?多謝您的答覆,thanks!!
打砲聲會是"咕咕咕......"請檢查尾皮是否足夠,又會否你太耐沒有check火咀同風格呢!
|
17/5/2003
|
死氣喉生銹
老鬼你好,想請問死氣喉生銹可以點攪?唔該哂!
hcl
電鍍喉可以去五金舖買(零號)幼鋼絲棉加w40輕輕力慢慢擦.
|
14/5/2003
|
綿羊滲偈油有冇得救？
老鬼你好，我最近發現部綿羊好似有少少滲偈油，行市區唔係好覺，上完高速公路就無左好多偈油，我用5w40既偈油走幾轉高速就差不多
會無晒，依家除左用傑d既偈油(如15w50)同成日加偈油之外，仲有冇方法救？($2000以下...貴過2000我寧可遲下換車...)
Jim
長痛不如短痛),有d車行是會將價就貨2000元以內是有機會整好食油現象.
|
14/5/2003
|
主持你好, 其實我好想問?,一部250或400既二手跑車,年份都係95年96年咁上下,車行賣萬三四,咁其實呢d車會唔會有好多手尾要跟既呢?(玩一排就要大修咪好慘!)同埋通常車行會唔會驗好無問題先賣既呢?就算有少問題...又會唔會話個問題比新車主知道呢?唔該哂!謝謝!
仁上
請不要登出本人電郵!
好多人都似你咁,係唔係睇見個body好靚呢!十年跑車.....你自已想跑左咁多年.既時問題唔多,之後個個月見啦!(有錢你揀車,無錢車揀你)
|
14/5/2003
|
部車大食
老鬼師父你好, 小弟買左部二手bandit 400V 後, 發覺部車幾"立"同幾大食($0.76/km), 我最近攞左去車行check 車,洗吸, 換火咀,機油
,風格,油格, 但都好似無乜幫助, 以我每日行50km highway, 咁計好唔化算.請問部車重可以點攪好佢. 謝謝
Joe 仔
請問全車是否原裝,有沒有改喉,洗吸時jet咀是否原裝no.
|
14/5/2003
|
LED尾燈問題
師傅您好!小弟想問有關LED剎車燈問題.在馬路在經常見到其他車輛在車尾加裝一條第三剎車燈,很光很美及安全,所以小弟動手加裝此燈,
不知是什麼問題,發覺加裝後並不光亮.是否該燈(台灣貨,12V專用)質數問題,還是線路問題.有何解決方法,請指點.
Dr Henry
一般都是燈泡(W數)問題,如駁錯線,請問是什麼形號車.
|
14/5/2003
|
操控極力子的問題
老鬼前輩:小弟想請教一下如用食指及中指來扣極力子, 因無名指及小指仍握住龍頭把手的關係,不知會否影極力子未能完全分離呢?在此
先
多謝您的答覆,thanks!!
如牛角已到 FREE PLAY位置, 這是沒問題的.
|
14/5/2003
|
鐵馬一隻
老友鬼鬼: 93 Steed 400, 行車時, 起初噠噠聲,後來又另加咕咕聲, 噠咕噠咕響個不停, 有如騎馬, 緊扣極力子則消失, 給車行睇, 又
睇不出使然來, 已較鏈條, 無效, 有何解救? 除此, 起步,負載行車無力, 且後煞吱喳兼過敏, 已調盡, 怎辦? 是否有連帶關係? 謝!
待打救的人
較鍊時有沒有檢查頭尾牙,如你所說,請車行試車是否極力子問題.check下是否雖要換尾皮.
|
14/5/2003
|
About DNA 180 and Runner 180SP
Dear Devil,Oscar is not selling DNA 180 and Runner 180SP anymore right?But how come there's still new bikes selling from other shops? Is there another sole agent in HK for gelira? If not,are those shop reliable?Thanks.
i give you tel:25166898 he can tell you everything.
|
14/5/2003
|
撻車死火
老鬼先生,我部車(Vespa ET8) 經常撻完車行左幾步之後一停車就再死火,試過幾次出車行到街口轉彎/停車就死火,好危險,有乜辦法?
Jacky
換過火咀未?
|
14/5/2003
|
Recommend!CB400 Superfour
Dear Sir:I got the driver license enough one year already, I want buy the street bike 1998-2000 years edition:Honda cb400 but this version have so many type, Big One, Version S, Version R, V-tec 1,. V-tec 2, so many type, and than my budget about 30000-35000, please recommend which one is better for new rider driving?
bennyoxygen@hotmail.com
Around this budget, you can by version S .
|
9/5/2003
|
請教買車問題
主持你好, 我渣開私家車, 好久冇開電單車, 現想買電單車玩, 預算三萬元,心中日本番新車, 有96super4, 2000本田250cc綿羊. 二架一樣錢, 邊架好D, 修理費邊架平. 或有冇好介紹. 請指教, 謝謝
李仔上
講慳油,方便,唔追求速度又自名懶人一名就首選綿羊,但如果講好玩就一定係S.F.快又得.慢又得,有錢又可以改裝一下,係一個幾好選擇.
|
9/5/2003
|
一萬公里後要做D乜?
老鬼你好,又係我，首先多謝你上次頭碟問題的意見，現在已ok (曬)。但我架綿羊現在行左一萬公里後要做D乜?留意D乜呢?同埋駛唔駛set哇佬架?萬分謝謝!
[P牌runner180上
ok,晒就最好啦!平時如果定期換油check車就無問題,因為如果間車行係好的話,你架車有乜問題佢實會話你知,到2萬到你就要check皮帶,各樣,如機器無突別"的的"聲就可以慳番.
|
9/5/2003
|
Virago250問題
老鬼師傅你好,想問我架車(virago250) 果2條死氣喉出氣溫度相差好大, 前邊個條熱到掂唔倒,但係后邊個條又掂得,係咪架車有問題thx
Aiming
係呀!照計你架車應該無乜力同埋成日死火,我地叫做行小個盤,你去check下好d.
|
| |
|
|
|
 |
|
