|
|
|
FAQ常見問題 |
|
|
19/1/2006
|
老編你好,如果係香港騎大cc(750-1300)舊車會否難保養及維修呢?因為見d日本仔好興,如80年代的GPZ,刀,CBX,Z系果d，舊車個feel真係唔同d，我都好想搵返部，有幸的話。
400小騎士
首先請勿打香港字。你篇文呢篇都係怪獸字，老編斷估幫你改番。
呢度幾時都係話有大買大。尤其是舊車，大容量引擎的狀態會較舊車好，而香港大車造價因為供求問題而偏低，更加抵買。現時有代理唔敢再入重型街車，是因為個個老手都走去買舊車(因為真係冇問題)，在冇乜人買新車之下，代理都唔係咁敢入重型街車。
但係你搵果d八十年代街車，在現今科技水平，真係落伍，唔係咁好騎。買來當收藏，假日車就得，得閒可以上網搵下零件，等佢寄過來唔會心急。如果得一部車日日用驚你頂唔順。
|
19/1/2006
|
新手一名,下個月考牌但現在已心急去睇車。本人目標是hornet 250,我想問下hornet全線係唔係都冇大架? 因為今日去睇車時發現到。此外,我想問如果第一次買車係咪去車行比較好? 仲有日本翻新車定義係點? 係咪好過一般二手車?
Manus manus316@netvigator.com
Hornet 250冇大架，900就可配大架。第一次買車如冇相熟朋友幫眼，去有信譽的車行買二手車的確較有保障。所謂日本翻新車的真正意思，是指由日本運過來的二手舊車，翻新工作主要由本地車行負責。但何謂翻新？著唔到車搞到佢著車，有塵有泥抹下架車都可以叫做翻新。買翻新車千祈唔好抱有等於買新車的期望，一樣要預錢去修理。
|
18/1/2006
|
新手玩2衝問題.
我剛買左部2沖yamaha v2 ,但係番到黎.一停車就死火,搵人睇過.又唔係死火咀.吸又冇塞.
D人話2沖車唔可以一下子大力.因為油未燒晒會整濕枝火咀.咁就會一停車就死火.到底真唔真?其實又應該點耒揸先好呢.唔該你教一教我.麻煩晒!
國
冇錯。駕駛二衝車較駕駛四衝車需要更高技巧。車未熱得晒，大油質會死火。但如果唔扭佢，又會積炭屎越行越立。新車還好，因為各項機件都正常。但一般二衝舊跑車百病纏身，又冇人肯捨得換引擎內的主要零件(因為分分鐘貴過車價)，所以老編俾你既終極提示係，忍多佢一陣，叫做過左手癮之後便速賣，搵下一個「傻仔」接手，平買平賣。今時今日要做舊款二衝跑車的車主，一定要係又識野又有錢的人，才可保持部車的正常狀態。
|
18/1/2006
|
5好意思再問多一次
其實我想問水冷車的水箱可不可以裝去油冷車到當作油箱使用,因為通常水冷車的水箱比較大,但係我又怕佢設計有5同or壓力5足夠推動D油向裏面運行,所以想請教一下,之前問得5清5楚真係5好意思
油箱俾車撞壞的人
冇人會咁做。除了技術問題之外，冷卻水和機油的溫度也不同。如果機油用面積更大的水冷散熱柵，機油溫度便會太低。
|
18/1/2006
|
舊車TRADE新車手續
新仔想請教各師兄/老編大哥舊車TRADE新車手續,小弟想新年前將部用2年UH150去YAMAHA代理換部YP400...代理收唔收我部舊車???係咪代理話收..即日放低架車!!!??請詳細小小...小弟第一次..唔係好識..十萬個THANK!!!
KEVIN
車行唔一定會收你部車，視乎新舊、手數、狀態，和價錢而定。簡單地說，車行認為呢個價錢收你部車有錢賺的話便會收，冇錢賺便唔會收。收車價錢，如何交收，過不過戶等細節都係雙方商議而來，冇話一定係咁就係咁。通常都唔會馬上放低部車，會等你帶埋文件，再約時間交收。不過戶的話，一定要放俾信得過的車行，因為車輛一日未過戶，你重係車主，仍然要負上車主責任，包括刑事責任。
|
18/1/2006
|
老編大哥,我請教
我想買一部CB Super-Four 400cc 的車,但是車年份是93年,價錢是賣$13000蚊,
我想問佢會唔會欺騙我呢?因為我部cb250cc車用左一個月就死左副engine係車行出車,本人沒有信心,所以很請老編master 指導我....和有什麼建議呢?多謝老編.......
Dick
高年份的車如果以前冇好好保養，便會易有問題。舊車唔同新車，一定要整一定要執，所以一定要預留金錢修理。車價可參考【買賣搜尋】的參考價。
|
18/1/2006
|
2沖runner問題..
部車無啦啦係禁死火咀...拆出來支火咀又黑又濕...換左新火咀..行幾十里又死....己比車房睇過...跟左個cup....都仲係禁...仲有乜原因呢....>.<.
kk
生氣膠,鴨咀片.(乸左)
|
18/1/2006
|
我想問下車鏈如何保養及是否要加潤滑油
eric ericywm@gmail.com
如日用車就要檢查密些,大約兩星期一次,太鬆就必須調較,當發覺鍊亁的時候就雖要落油,潤滑一下便可,不雖太多.
|
18/1/2006
|
胎氣問題
本人的綿羊(2000 前 Majesty YP250, 購入四個月左右) 尾胎氣o係我換胎之前每兩個禮拜(大約兩至三次入油的時間) 便會由我新打的31psi下跌到20 - 22psi左右(我用胎氣筆檢查), 不過前胎下跌都係2psi左右. 我見條胎很舊所以順道換o左前後石橋胎, 以為會從此無問題, 不過而家用o左一個月之後(即係我已檢查兩次) 仍然有呢個問題, 想請教一下以下問題:
1. 呢個問題正唔正常呢?
2. 如果唔正常的話, 問題出o係邊度呢?
3. 如果要維修要幾錢左右?
Alpha alphachan999@yahoo.com.hk
可用皂液噴落呤邊,喉咀位置檢查,一定是有地方漏氣的.
|
18/1/2006
|
死氣喉燒風焊
我架車死氣喉近車底位置穿左好多洞，現用鋼膠頂住先..但成日甩..好煩！但因鏍絲積死左不能拆下來燒焊，車行話要拆的話要開盤頂，人工好金下！請問我把車訓低，再把電池...整流等拆下...再直接燒風焊可以嗎？會否有危險呢?祝新年快樂
偉仔
咁樣都唔係辦法!因燒焊後其它位置亦會發生,最好是想想辨法能張死氣喉成絛取出,方便日後繼續維修.
|
18/1/2006
|
電池問題..
本人部Runner VXR 200 因電池問題而開不到車．．想問下邊隻電池好用和太約幾＄．同埋（MAX VOLT 光神萊特 蓄電池電壓安定器(電單車用)Runner VXR200 可否用到和好唔好用）．Thank you
leung thanksleung2002@yahoo.com.hk
此車市埸上已推出乾電,可以改用此亦不必加水.!
|
18/1/2006
|
油箱問題
請問一下我的坐騎係行油冷的,如果想改大油箱,可5可以用其他車的水箱or油箱改,水箱同油箱既設計相5相同,感謝你回答
是否問油泠車可否改用水泠?答案係唔可以,因為本身設計不同,但有些水泠車就可以加裝油泠來幫助散熱.
|
18/1/2006
|
續6波時"疾"油
我架係hornet250既，頭果1至5波冇問題，但一上到6波架車好似冇油咁"疾"下"疾"下咁，請問點解呢??
++++++++++++++
當時行六波的轉數和車速是多少？
++++++++++++++
行緊80km
本田
檢查風格.
|
18/1/2006
|
cut電and拖波一問
老鬼大人你好,小第架four仔kick著車時無lala"熄車重著電"
(即係出card再入番"架"一聲咁).
試多幾次先著到.咁請問係乜問題呢?(會否係腦呢!)
丫重有請問拖波動作過激係會傷clutch多D還是波箱多D呢?
thx....
pgm fans
check左電池先,另拖波轉數太長只會對機器做成負擔,拖得密唔緊要,但唔好太長.!
|
18/1/2006
|
電壓不穩定
係電池問題, 定係整流問題呢??
電池未撻車都有12.x V喎~
兩者都可以用錶來量度,唔駛估!
|
18/1/2006
|
CH 250 水滾問題
小弟有一問題想請教，小弟部 freeway 水溫都很高不過未入紅區。之前已換了水箱蓋，水箱水，風扇正常，無白煙及漏水。但一慢車水溫就很高，快車好正常。是否要洗水膽或換成個水泵？又或者是什麼問題呢，要整價錢會大約多少，分別大嗎？
Thank
如一切正常我就會拔去水膽等去行水順暢些.
|
18/1/2006
|
曾經都炒車
「我有朋友都試過」在一些如朗豪彷一樣繁忙街道上炒車, 「我的情況」是繁忙街上行人多, 有一個突然想行出車路, 緊急煞車之如, 又要大角度扭太, 所以就炒低, 路人就一走了之. 話明係突然, 路人身份都是個謎.
至於其他留言話不合理等, 假設的理據不會用來檢控, 現在表面證據是你正在開車, 你發生交通意外, 如無特別原因, 表面證據成立, 就要控告你, 除非前面車輛不追究或你有緊急避難之原因.不過錄口供, 說真話就最好.
讀者一名
究竟係你的朋友，還是你炒車呢？(偷笑)
|
18/1/2006
|
Foresight 250 vs Beverly 200
老編，你好,本人剛剛新牌，想買綿羊代步，車價大約二萬左右,想問在車行買98/99年Foresight好，還是02/03 Beverly好呢?車價差唔多，但是日本車年份舊好多，會唔會動軋用2成車價執車呢?問題:
1. 有年份二手車有無機會，上一手已經是日本翻新車?如果有如何知道呢?
2. 歐洲車有無日本翻新車?
3. Beverly對新手是唔是不太合適?
大亨利
1)全新手車入口，在牌簿上會寫上類似brand new vehicle的字眼，舊車入口會寫上
import used之類的字眼。
2)來港機會較微，因為價錢唔會平，好難有錢賺。
3)唔會，Beverly很容易駕駛。
在同一售價之下，98年foresight和02年Beverly 200的距離拉得十分近，都幾難選擇。兩部車你買番都預左要整，而日本車雖然好，但相差4年，要整的地方應該會較多。所以如果你睇到果部Beverly 200係企理的話，一買無妨。
|
17/1/2006
|
回覆:朗豪坊外亞皆路街炒車之無名朋友..
vfr800 兄:
為什麼你咁大火氣呢? 我只是講出事實, 也不用同你拗. 但我就不同意你所講20km就一定不會趺車, 再說, 當時路面情況你又唔知, 點可以一口咬定是我行車太快,跟車太貼? 我都騎左廿年車,知道什麼叫安全車距. 如果個個好似你咁可以用腳煞停車, 係渠蓋都避到, 就無人抄車啦. 我只是問俾比口供有什麼要注意, 又點算推卸責任, 而且責任是由法院決定. 如果法院好似你咁武斷就死啦. 我都知如果平時就當然唔會煞到抄啦, 但意外...
我亦希望藉此多謝落口供的阿sir, 好禮貌又有耐性解釋有關法律程序.
黑仔
如有交流，麻煩兩位請移玉步往【鐵騎會館】
|
17/1/2006
|
放置問題2
牌照剛過期後想放置部羊三個月在街或排骨位，有咩要注意? 如果見未續牌,會唔會抄牌?
(未續牌費唔可以放係街或公眾位，會抄牌的。)
甘如果用鎖鎖住部羊及用車(甘)甘好住個車牌，佢拆唔到,甘可唔可以?
冇用。停泊車輛需要展示行車證及車牌。有好多人試過俾人扯爛車秊抄牌。公眾車位只能泊24小時，泊三個月有可能俾人當棄置車輛被勾走。
|
17/1/2006
|
67千ga防盜
hihi,67千ga防盜真係有用嗎?一部cbr600rr可以用咩防盜保住部車係最好呢?
fung hongfong2000@yahoo.com.hk
靚防盜好食電，除非日日用車，否則擺得一星期電池便會被扯乾。講來講去，都係用兩條靚鎖鏈和電腦鎖，攬柱鎖住頭尾轆或車架。但幾靚o既鎖都好，對住油壓剪和液化氮都無用。
|
16/1/2006
|
lmpluse 400
請問 suzuki lmpluse400 去邊間車房維修好 d ,同e 部車糸香港好少見維修同會唔會好難? thank !
mark
唔會好難，impluse咁耐歷史，好多人都識整。最好當然係去番代理度整啦。
|
16/1/2006
|
老麥250 被驗車
我架車係原廠萬里達出,我亦致電萬里達問過佢,佢話可以幫我免費攪番 即係證明 萬里達亦知道同認有件咁既事,佢話入口驗車同 捉車既係兩班人,anyway 我可以肯定 大部份原廠代理250或四百老綿都有以上問題 ,今日先見到架 for 西都係咁 我個朋友既fusion 都係咁
另外一位朋友剛係萬里達出左架老麥 400 都一樣,我改唔係問題 只係我唔服姐 .
既然運輸處俾佢入口 何以警察同驗車官話我違規?一係就萬里達同susuki同honda 都入口時做手腳 呃左政府,而政府坐視不理 一係就運輸處出錯 ,點解要將問題責任俾左我地呢班駕駛者呢????如果代理都可以買有問題既車 咁仲有皇法既?我亦都想大家留意及小心 我俾人捉,即係你地都有機會 ........問題係理由何在呢 ??????????萬里達個人同我講,佢問我記唔記得政府宣傳電單車日間要開頭燈既短片?o個架車都開住兩邊指揮燈(我記得都好似係)
呢個政府真係攪笑 ..........我亦已致電運輸處 要求合理解釋,本人完全不明白 點解會有咁低能既事,現在仲話我唔改正就會控告我 違法......要告 都係告佢幾間車行先啦....
政府部門之間辦事不協調，係事實。車行改動原庄車設定以符合香港法例，需要時間和成本，又係事實。你冇錯，係社會o既錯....
|
16/1/2006
|
px150與px200構造問題
小弟想問一問px150與px200構造係唔係一樣??除左cc唔同之外,仲有冇特別分別??咁外觀上既零件可否共用呢??e.g,尾架,燈罩,護架,等等....thanks!!
羊羊
sorry 鐵殼羊唔係咁熟。但你話尾架燈罩呢d外觀野，則無所謂任你點砌都得。
|
16/1/2006
|
放置問題
牌照剛過期後想放置部羊三個月在街或排骨位，有咩要注意? 如果見未續牌,會唔會抄牌?
未續牌費唔可以放係街或公眾位，會抄牌的。
|
16/1/2006
|
訂購日本電單車kit
請問那裡訂購日本電單車kit料
joecatle@yahoo.com.hk
去車行訂o羅。視乎車種，歐美流行的大車，佢地都有專門的英文購物網站。
|
16/1/2006
|
致:朗豪坊外亞皆路街炒車之無名朋友..
板方講得啱,落口供一定要講
其實查交通意外，我本人就會睇當事人既態度喇！現場環境，你本身駕駛乜野車，車速路形，天氣等等．
第一你話跟車２－３個車位係乜野車位先，電單車位定私家車位先，第一我唔知你事發時間，早上定深夜，我估以果段路跟２－３個電單車位多喇！因為你都講行２０ｋｍ左右，無乜車就可以行得快ｄ喇！．．
我都駕駛ｏ左６年左右老電，除非你果部係啡鈴車喇！一般時速２０ｋｍ落迫力就算係濕地（有油除外）點都不會跣喇！用腳都停到喇！
另你自己都講到你係派ｏ左先撞到前車，即係你自己失平衡先喇！有乜情況會失平衡呀，車速快用迫力用得唔靚，即係話你當時做既動作做得好急，不跟得貼又點洗ｏ禁急先．
得２０公里車速又點會煞掣煞到打了幾個跟斗？？？
至於你話果個渠蓋，你都話大ｏ羅，你煞都見唔到電單車煞掣就不好駕過渠蓋喇！正如你行緊見到路面有舊大石，你自己轆過炒ｏ左，可不可收話因為路面有舊石攪到你炒呀？？
至於你話比果部ｐｘ２００害，我都好明你心情，因為我同人落口供，都好多人係焚講過架喇！又有邊個會承認係自己不好呀？我通常都會同佢地講，ｏ禁如果當時你後面又有另一部車因為你炒而炒，佢可不可以話係你害佢呀？ｏ禁要去到幾遠先不關前車事呀？？都話明跟車距離喇！係當前車有任何突發情況，你都可以安全停低呀．．．如果今次前面架ｐｘ２００不是突然停車，而係炒車，禁你都係會炒，因為佢點樣突然都無一段煞車距離先停到車駕，佢都係兩個轆架，自己諗喇！不要想推卸責任．．．．
vfr800
|
16/1/2006
|
炒車受傷&不小心駕駛
小弟幾日前炒車,當時正在朗豪坊外亞皆路街以20km在中線向海皮行, 大約2-3車位前有一PX200, 在朗豪坊外燈位該PX200突然停車(當時正是綠燈!), 我即急煞車, 但感到車仍向前衝, 0.5秒後已片低, 並繼續撞向PX200尾部, 左腳被自己車責了一下, 再打了幾個跟斗才停下... 結果左腳腫過豬腳不能動彈, 要休息2星期,右邊身多處擦傷, 好在沒有骨折. PX200 司機及乘客均無事.
現約了阿sir星期六落口供. 阿sir已warn我可能告我不小心駕駛 (跟車太貼, 車速太高... 但明明已很慢及離前車很遠)..我記得地面正改道因此劃到花哂 (十分不平), 後來再到現場見煞車位前有一大渠蓋, 懷疑煞車時正中渠蓋而lock了前輪, 不過都不敢肯定. .請問落口供時有什麼要注意, 有冇機會以什麼理由解釋呢 ?
雖已打定輸數...不過最不值是自己受了傷還要被告, 以及被該PX 害...
黑仔
發生意外是很不幸的事，且不一定意外受傷便可向他人追討賠償。像你上述的情况，警方很可能會控告你「不小心駕駛」。落口供時當然要講事實（落假口供是刑事罪），不過你可將現場照片拍好，落口供時可幫助向警方解釋，或許有助你洗脫嫌疑！
|
16/1/2006
|
避震問題
點樣才會知到尾避震，調較得過硬或過軟。thank
kk
過硬會跳，過軟會撞底。詳情可重溫【知識技術】內相關文章。
|
16/1/2006
|
6波時"疾"油
我架係hornet250既，頭果1至5波冇問題，但一上到6波架車好似冇油咁"疾"下"疾"下咁，請問點解呢??
本田
當時行六波的轉數和車速是多少？
|
15/1/2006
|
日本翻新車
日本翻新車有沒有一定保證，會不會一定維修過才運回港???
始終要睇買手功力和車行的服務水平而定。通常d車到港後，車行都會再執。但係記住一樣野：成本係會反映在車價之內。
|
15/1/2006
|
re:拖波
咁係正常定唔正常,我慨拖波方法正唔正確?
榮
好難從字面中判斷你拖波拖得正唔正確。你不如先參考一下以往有關「拖波」的留言。
|
15/1/2006
|
老麥250 被驗車
本人駕駛 yamaha 老麥250c 前幾日俾人捉左去驗車,話我行車時兩邊指揮燈長著,但這是原廠 yahama 入口就係咁,未經改裝,既然運輸處批左 係馬路上面行,為何驗車官話唔合格要我改,我可以上訴嗎???????????????????????????????????
aiken tk719719@sinaman.com
香港法例係唔俾著巡航燈。行貨來港都要更改呢個原廠設定先可以賣。你部車係咪水貨？
|
15/1/2006
|
大陸車友silverwing600問題（新）
我係大陸的車友，想換一部silverwing600，為防止奸商欺騙，現在想請教一下：2001款的silverwing600同2003款的silverwing600有什區別;不同，購車時在外觀上如何區分？我們這裡都是水貨車（一啓動引擎，大燈就亮那種）望老編詳細解答我！不勝感激！
烈火
最緊要睇有冇HISS晶片車匙，如果冇的話，便不是03年。如果有HISS晶片匙的話，唔係賊贓的機會便高d。
|
15/1/2006
|
拖波
我想問拖波個陣,條死氣喉係唔係會“啍~~”一聲好長又大聲!(慢放極力子拖波)
榮
你個係「o拿」字定係「o亨」字？通常拖波因為引擎轉數重新上升又再慢慢下降，排氣聲係會隨著引擎轉數的變化而作出改變。
|
15/1/2006
|
JASO
老編...HONDA話如果唔用JASO規格會傷極力子
1)如果無用到JASO規格的偈油會唔會傷極力子？
2)是否要根原廠JASO規格換偈油?
YUKI
人地咁辛苦開發一種規格出來，當然會強調它的好處。
你用，當然係好事。唔用，都唔見得係一件壞事。
|
14/1/2006
|
cup and i
請問行i是否不用清洗, 因行cup要洗cup
另洗cup後是否一定要再調校風油比才叫完成洗cup動作呢
求知者
「cup」係港式俚語，除左香港之外全世界都唔可能會估到「cup」竟然係代表化油器/carburettor。電噴不用清洗。真係要洗都只會交俾原廠代理洗。一般清洗完化油器之後，都會再重新調較風油比。
|
14/1/2006
|
將軍
我想問下o果d乜將軍防盜其實都係無乜用？其實係咪只要被人剪斷條電線就會唔識響？thx!
bird
.......裝拆容易係產品一大特色
|
14/1/2006
|
車行
點解老電維修費用同私家車比較好似感覺貴0的,輕則幾佰,過仟也很普遍出現,同埋而家多左好多老電o係街行(相比十年八年前),而近年車行有點似雨後春筍般開張,連著名代理都大肆擴張,0係兢爭激烈下有冇下調空間呢
chi
一句講晒：香港電單車市場不及私家車市場成熟。
|
14/1/2006
|
胎氣問題
本人駕駛kawasaki , 05年Z750,原裝胎,前120,後180,代理話打氣要前後大約200kpa,但我睇到車主手冊講,前打250kpa,後打290kpa,究竟邊個對.
kk
先跟車主手冊，再按自己感覺調較。其實咁多車款，冇人會去記住每一款車要打幾多胎氣，車行都係睇車身標記或者係車主手冊。但原廠指引係以最慳油為原則，而且每地氣溫不同，體重，駕駛習慣每人不同，所以一定要自己搵出最適合自己的胎氣。
|
14/1/2006
|
SUZUKI impulse 的零件易找嗎, 當需要維修時? 零件貴嗎? 唔該
小羊
呢隻車的零件要問番代理先知。相信其他車行唔放存放呢款車的零件。但如果你只係指火咀油隔等消耗性零件，咁就好容易找到。
|
14/1/2006
|
re:爆軑後o米錶問題
新丁,你係咪跟住d亡命小巴呀?佢地果d所謂車速顯示器,唔好信呀,我行緊80幾90果陣佢都仲係7x架咋!!你係咪換番同size o既軑呀??唔同o既會有分別架?再唔係去油站跟跟d軑氣再試下!!
黑仔祺
|
14/1/2006
|
re :防盜
當賊仔有order 要你架車時,乜防盜都冇用,只有24小時車不離視線範圍,訓覺推入屋
chi
|
13/1/2006
|
迫力
我嫁車急停時頭迫力會‘公公’聲，吾知係吾係我未收晒油呢？定有問題！thxk
sv650
檢查一下波子盤先同頭轆啤呤.
|
13/1/2006
|
頭Fork漏油維修要幾銀?
請問頭Fork有小小漏油可否維修,還是要更換,要幾銀?我架車是xv250.謝謝
如fork無花,只雖更換oil seal便可!
|
13/1/2006
|
re: 生氣膠???
,生氣膠???
生氣膠若老化..會有什麼事情出現??
漏氣,slow不正常,常死火......
-------------------------------------------------------------------------------
請問(1)生氣膠位置係咪即係風格條管同CUP果個接駁位呢?
(2)一般生氣膠係咪算係消耗品?有無話通常幾耐到期要換?
(3)咁又係咪有有死氣膠呢樣野要定時CHECK下架??
THX 師傅!
華DEE<----250日本羊
位置係化油器落中缸個邊,會老化但唔係定期更換.是沒有死氣膠的.
|
13/1/2006
|
車軚有裂紋
老偏:
我部 Honda Rebel 頭軚有多條裂紋，這樣需要更換嗎？
Mobilfly
視乎長度同深度,如已失去信心就盡早更換.
|
13/1/2006
|
想問下VTR250的尾避震除了原裝外....還有邊一款車的避震可以取代???已問了燦基...燦基職員給我的意見是...量度了本身的避震長短...再在市面上尋找適合的....但由於我對車輛結構真的一竅不通....所以想主持人給我一些寶貴的資料
VTR250 onoutout@yahoo.com.hk
好多車行都有這種詢問服務,而市面上有美國同意大利產品可以選擇.
|
13/1/2006
|
從外國買車運回港問題
老編，我睇中一架寶馬2手 rt1150五千蚊美金左右，但係香港好少放同埋貴，美國價錢平好多好多，於是我就想問一下，首次登記稅係用新車價錢定係折舊左既價錢呢，如果用新車價，我諗都係係香港搵二手算~~因為加埋運費加保險再加風險隨時買部新既都係相差無幾
想轉渣大車的人
舊車的稅項會以舊車價評估計算。詳情請參看FAQ相關部分。
|
13/1/2006
|
大陸車友silverwing600問題
我係大陸的車友，想換一部silverwing600，為防止奸商欺騙，現在想請教一下：2001款的silverwing600同2003款的silverwing600有什麽不同，購車時在外觀上如何區分？望老編詳細解答我！不勝感激！
烈火
首先要問：國內果d車係點入口架？
|
| |
|
|
|
 |
