|
|
|
FAQ常見問題 |
|
|
10/12/2005
|
新牌仔出車問題
我想問新牌出shadow 400有冇大問題呢? 定話出magna250好D 呢?
NYS
視乎個人技術和體形而定。新牌技術水平都可以頗為參次。如果一次pass的話，可以考慮Shadow 400。考超過四次都肥佬的話，應該慎重地重新考慮應否繼續下去。
|
10/12/2005
|
快相問題
我上個月頭係屯門公路中左白鴿籠,但係到今日都冇信黎但我11月26日中左雷射槍今日就收左信,請問之前個幅係咪影唔到,有人話一張相有兩架車一齊影到就取消請問係咪呢
扣分人
唔敢寫包單你一定唔會收到信，等多陣喇。
|
10/12/2005
|
大鷹200
老編你好, 我隻大鷹新車買入, 只行左300幾,現在有2個問題想問. (1) 早排開始行D路"凹凸不平"時聽到sit位下面及車尾附近"拍拍"聲, (2)另外近一星期前於轉彎時常常聽到車頭"eat eat"聲, 究竟隻羊發生甚麼事????? 關唔關事我成日行D路都幾"凹凸不平"
THX
MCC
拍拍聲咁恐佈比較難估，「車頭」eat eat聲，係指引擎還是車頭的部份？通常有聲都係從避震傳出來。唔放心的話俾番代理檢查下，新車有保養嘛。
|
10/12/2005
|
et8點換尾牙油?
我買左支牙油，但唔知鬆邊粒螺絲放d牙油出黎,會唔會係用返check下夠唔夠油果個窿放油出黎嫁,但果個位好高,d油根本流唔到出黎,會唔會用pump pump返d舊油出黎先,之後先放返d新油落去呀?希望解答到我問題啦,因為我想自己學下整部車,唔洗成日搵車行攪,唔該
sotung
對不起，呢度唔會教人DIY整車的。個個自己整，老鬼咪食西北風？
|
10/12/2005
|
請問本港有冇車行或其它地方有售(訂購)日本二手零件?例如整台機器、避震、轆軨等等。
見識淺薄
二手件香港大把，(通街都係)...應該冇人會訂，運費咁貴，二手件又賣唔得貴...
|
10/12/2005
|
轉數突延遲
無行車..空波俾油到7千轉到..收一收油之後即刻質大啖油上水..轉數錶同引擎既聲都有遲鈍既感覺..大約一秒先至識標上去..點解呢?
新生
如果係細cc車路話，化油器有機會食唔切，來不及把電油充份霧化。
|
10/12/2005
|
比人抄牌
泊車差佬1個鐘多些就抄了兩張,是否合理？可否抗辯？謝謝！
泉
冇記錯好似係每一張告票應相差兩小時....
|
10/12/2005
|
車齡
如果96生產，但係05番新，咁即係代表96還是05的出牌
八卦
96年生產係不變的事實。05出牌只代表05年在香港正式落地咁解，和車身狀況無關。
|
10/12/2005
|
Tmax 500
我想問tmax500的電磁 是不是成日無電 幾日唔開車無曬電 又不能開燈
華 qqq777mmm@yahoo.com.hk
應該唔係，如果電池冇打柴，防盜冇漏電，便要檢查發電機。
|
10/12/2005
|
sv650s
我架04sv650s行i既,呢架車除左一般火咀,偈油,迫力油,水相水,風隔,保養以外,有冇那一部份要特別留意更換?
文 wallacetwm@yahoo.com.hk
電壓，行i的車比行化油器的車，更注重穩定的電壓
|
9/12/2005
|
再續頭fork問題
可能我上次發問時表達有d出錯,其實我是剛剛換了fork油的,起初我都以為是之前的fork油到期(不過其實都是用了太約一年多d),今次換新油之後一樣沒有改善,依然沒有油壓緩沖的效果!跟住個大偈就話係fork芯入面有問題!雖然之前老鬼師父答話superfour vs的fork芯好小打柴!噤我可以點樣確定係fork芯問題定係其他方面有問題呢?如果要換fork芯會一會很貴呢?請再多多指教!謝謝!
richkong
fork心只有銅杯士會損壞,但絕對不會影響軟硬度,又會否是彈弓打柴,沒有彈力何來感覺到油壓,咁其實會否是fork過多或用錯度數,又有無之前加左介子來加壓彈弓,又或且將彈弓頂的介子裝錯,於左落底到,引致過唔夠油,fork心徐非撞彎或被石仔打花,生銹等,引致經常漏油,否則絕少更換它.
|
9/12/2005
|
95年 gsx-r 750 排氣喉~
本人係澳門ge~ 想問係香港邊度又或者會有可能可搵反一條2手95年細R750原裝尾節(尾鼓)~?? thks ~!
明
95年GSX-R750？莫講話原庄喉，車都幾少見....你可以試下在【買賣搜尋】中免費刊登徵求訊息。
|
9/12/2005
|
車鏈一問
老編大人,架車換左新車鏈發覺行車暢順左，架車定左.請問是否換左新鏈的現像還是自己的錯覺.多謝老編大人.
唔係錯覺。條鏈行得順，尾擔都會定d，入彎時會感覺得到。
|
9/12/2005
|
rs100
唔知係咪香港冇yamaha rs100 呢
都唔見有關佢ge 資料................
+ho
應該冇
|
9/12/2005
|
偈油
請問新車750c.c.行o左1300km都未換偈油會唔會有問題？(因為未book到期驗車，要13號先換....)仲有平時多數走機場，keep住行100km/hr.....會唔會傷車？thx!
小鳥
750cc偈油量斷估都有三公升以上，走1300km未使換偈油住(如果是run-in的話則一定要換)750行100km/h，只要係適當波段，根本係散緊步。
|
9/12/2005
|
請問風冷式引擎在塞車時會否有問題，另外巡航車可否加尾箱放頭盔??謝謝
一般風冷車引擎壓縮比會做得比較低，熱量不太高，一般塞車冇問題。
|
8/12/2005
|
釘把
釘把即係咩黎呢??有咩用架,係咪都要定期換ga
Wayne
steering damper，防甩頭。作用係在高速時穩定把手。
|
8/12/2005
|
RE: RE: ET8 著唔到車
我搵人check過舊電係冇事既,仲有一半; 咁係咪即係匙膽有事呢?
如果真係,去普通車房有得整嗎? 定拎去代理奧X有好啲呢?
重有...最重要既,咁整係咪好甘ga,洗唔洗幾千銀?
仲有一半係點解..?夠就夠,唔夠就唔夠.咁你check左電池隔離個粒fuse未,換匙膽幾錢可打去代理問下先.
-------------------------------------------------------------------------------
一半係舊電仲有一半,但係我睇睇下又唔似係匙膽有事(only我自己覺得)因為我之前鬆接電個兩條紅黑電線,會有火花既,但係我今次拎走舊電就冇...但係check完駁番又有火花wow...個盞"piaggo code"既燈又著; 好古柽呀,咁係咪架車detect唔到舊電呢??
心急的人 wayne_chw@mysinamail.com
咁我問你...你又話有電...!
|
8/12/2005
|
放車
想問一問放車是否渣部車去車行,問o岩價就ok 嫁啦??要否帶備牌薄等?可否講解一下程序呢??
新仔
如果賣俾車行，一定要白紙黑字寫清楚收車的細節，由收車日開始，以後有告票或其他違例事項的責任，由收車的車行承擔。(雖然運輸署唔會承認呢張紙，但總好過冇。)
帶備牌簿和簽過戶紙。收錢。
|
8/12/2005
|
偈油10W50
我想問下偈油係面寫住Racing 4T & 10W50係點解呀, 我部車係Magna 250每月行2000km 大約個半月就去換偈油, 應該點擇偈油呀 ?
KK
有關資料請參閱【知識技術】內的相關文章
|
8/12/2005
|
火咀一問
老編︰火咀大概幾耐要換一次？
如果好耐無換﹗又點先可以察覺到是時候換呢？
光頭仔 tcm_810@yahoo.com.hk
有關資料請參閱【知識技術】內的相關文章
|
8/12/2005
|
hornet250
我想問每當我急停車時,頭尾制一齊用,感到車頭有cat.tok的一下聲,感到頭叉有前後的感覺,這是不是波子盤過鬆才會道致到的,須不須要即時維修呢,維修會不會好貴呀$$$
hornet250
吳
有可能，如果只係鬆左，上番實便ok。如果要更換的話，則人工會貴d，因為要拆好多野。
|
8/12/2005
|
vento v-thunder from USA
Sorry, I have to type in English, Please reply in Chinese OK!
It is a 250cc American Motocycles , Look a like a Harley Davidson but very value for money (Because it look better & Cheaper than a Japanese's One..That's why I like it)How can I ship it back to HK or How it work?
Harley's Big Fan
請重溫FAQ中有關車輛入口手續的文章。
|
8/12/2005
|
舊車零件
我想買架XJR400, 但呢d已停剷既車, 如果唔係d咩"了能"parts, 一般易唔易搵呢? 性能黎講呢款車ok嘛?
thx~
(乜XJR400有話正式停產咩？)代理有供應XJR400零件。性能都幾好架。
|
8/12/2005
|
再續-cb250過左100km勁嘈同唔去...
都唔係run車問題掛...我果時都好忍得手下嫁..(何況都仲有強硬派run in嘛^^)
其實諗諗下...都行左兩萬幾,會唔會係極力子?(幾多倒要換架?_?)
>_
|
7/12/2005
|
跑車行街一問
如果D 4衝600跑車大部份時間都用低轉行車(4000-7000rpm)架車萬四紅區,唔扭的話
會唔會越渣越笠架?,如果真係俾我渣笠左的話,要點樣令到佢爽番?我部係R6,thx老編!!
茄撈人
四衝車至多係驚火咀唔夠溫度積碳姐，定期檢查火咀便冇野。
|
7/12/2005
|
晶片防盜
想出架新車但要泊後巷，有晶片防盜但唔知真係有冇防盜作用？再加條防盜長鐵鍊唔知夠唔夠？
有好過冇，防盜野越多越好。
|
7/12/2005
|
尾輪'eat eat'聲
唔知點解最近行車時，尾輪附近總會發出'eat eat'聲？究竟係尾牙、車轋抑或其他部份？我抯400街車。THX.
偉
最常見係尾避震打柴，其次係尾轆啤鈴有事。
|
7/12/2005
|
安全帽如何判定有效期 ?
編輯大哥哥!安全帽如何判定是否還在有效期間呢 ?煩請解說!謝謝!
阿華
以三年為限，掀開內綿可以看到頭盔的製造日期(大廠一定有，雜牌唔一定有)
|
7/12/2005
|
run車
請問run車同run in有乜分別？
apple
run車？應該都係指run in。
|
7/12/2005
|
電量不足
小弟的cb250已換電池(新換已差滿),每日都用(返放工每程10分鐘),扭油有電壓上,但無用錶量,現假設車頭電力輸出不足,是否有可能?那裡出問題?煩請解答,唔該師傅!
nuts tmpicture2003@yahoo.com.hk
有..意思係線圈出ac唔夠.兩者必須用錶量度作準.
|
7/12/2005
|
CBR 929
您好...之前我提出過一條問題..如下
想請教吓,我部CBR929,有改喉,洗完吸後,用返之前的setting,架車無曬低扭,未洗之前係ok的,師傅幫我放大d油路,先回復之前的效果. 但當凍車着車時,油路大左,有d電油燒唔曬,扭落去有打炮同火尾,但當熱身後就無曬問題. 咁點樣先可以改善到我部野凍車着車時果種情況呢....唔該...
Ben
你的回覆係(哦!可以訂套jet kit去改善呢個問題..!)
不過我部車之前已經有裝 Jet Kit......有乜其他解決方法呢??
Ben
大哥..唔好玩我啦.講d唔講d.咁有無k&n風格,如有就無辨法.再set過.
|
7/12/2005
|
頭fork問題
我架superfour vs 頭fork入面個管油壓哇佬柴𦴩, 搞到好似只行彈弓噤! 當行過凉不平的路面時就好似跳馬一樣! 不知道有咩野最經濟的方法整呢? 成對頭fork換? 定係可以只換個哇佬? 如果可以只換個哇佬, 唔知個哇佬係唔係只有廠先有得買呢? 價錢又大約幾多錢呢? 請老鬼或老編多多指教!
richkong
sf vs原廠係無油壓哇佬,得個彈弓加壓,倒fork油壓心極小打柴,係咪只是fork油夠期或換了錯的度數同份量.
|
7/12/2005
|
RE: ET8 著唔到車
我搵人check過舊電係冇事既,仲有一半; 咁係咪即係匙膽有事呢?
如果真係,去普通車房有得整嗎? 定拎去代理奧X有好啲呢?
重有...最重要既,咁整係咪好甘ga,洗唔洗幾千銀?
心急的人 wayne_chw@mysinamail.com
仲有一半係點解..?夠就夠,唔夠就唔夠.咁你check左電池隔離個粒fuse未,換匙膽幾錢可打去代理問下先.
|
7/12/2005
|
續-cb250過左100km勁嘈同唔去...
唔記記講架CB250新架../_\ 唔多似有食計油..(嘩○_____○"換遮軨???)穿死氣喉...(絛喉好似成千幾銀...=______=")咁咁咁....仲有冇可能有係其他野呢?
新車？過唔到100km/h？係咪run車run得唔好呀？(你話你以前可以炳到百二公里)
|
7/12/2005
|
cb250過左100km勁嘈同唔去...
先感謝設立呢一個地方比我地有一個渠道問下車既問題~讚
小弟有架cb250騎左10個月倒,以前都可以去倒120~130km倒,但近日一鈕到100就完全唔肯去,呱呱叫咁嘈,雖然話cb250係得咁上下姐,但係都冇理由100都冇掛....已經換左~火咀~風格~計油~攝左鏈;~幫幫忙講講似咩事+_+
有冇燒偈油或引擎滲油？死氣喉有冇穿？
|
7/12/2005
|
抹車
想問下有咩野抹車最好,想立立ling唔想影響市容ma,有冇d好介紹,如用立水或big 麗珠可唔可以用來抹車.嫁車係果d台灣綿羊.謝謝
洗車、抹車、打蠟係三樣獨立動作。蠟水只係打蠟，事前要洗車除去塵埃沙粒，待抹乾身後先可以打蠟進行漆面徹底清潔和拋光。
|
6/12/2005
|
tw200
妳好...以前看美麗人生時就很想買劇中的那台車.只是台灣現在才有但是也不是到處都有
好像是要跟貿易商進口是嘛.有在新竹看過.看過依次之後就忘不了ˋ了.聽說是20萬左右吧
但是並不是用到好.牌照好像是一ㄍ很大的問題....希望我能對我夢想中的車更療解..謝謝
小猴子 littlemonkey208@yahoo.com.tw
TW200要大量改裝才會漂亮。(只是漂亮，不代表好騎)
馬力太小，輪胎太粗。沒勁，拐彎反應慢。
|
6/12/2005
|
偈油量
點樣可以知道架車ge偈油量呢？
bird
通常機器殼上有寫明。
|
6/12/2005
|
CBR150R
您好,小弟岩岩考到個p牌,想買架honda既cbr150r,唔知岩唔岩我渣呢?因為我17幾高....坐上去會唔會有d怪呢^^?""
同埋我想問問咩叫 "石仔o太""kit喉"因為係d網度見有人話換左呢d架車會好d....但其實呢兩樣野有d咩作用呢^^?"
同埋如果真係整左 咁架車既保養仲有無架(家庭電器如果自己整過既會無左保養)^^?"""
同埋要整大概幾錢度?.?(係邊度有得整^^?"")同埋平時維修方面要整d乜^^"???""謝謝解答^^"
line erikoline2002@yahoo.com.hk
你有番咁上下高，男人老狗擒上去又真係怪左少少。其實想操棍波車，單缸250街車或fun bike都係好選擇。要跑車款的話，最近亦都有一款韓國車。就算唔打得都睇得。
石仔胎係某胎牌子的暱稱，kit喉意思泛指改裝喉，排氣阻力較細，如果供油和點火經過適當調較的話，高轉表現會較原庄喉強。車輛週邊部品經過輕微改裝，一般都唔會影響保養條款。但其實電單車的免費保養的範圍十分有限，唔需要太過期待。
|
6/12/2005
|
engie oil 意見2
我知冇蝕底, -----> $$$ >_<
真的有需要嗎?? 會唔會浪費左d??? 全合成會比半合成更保護, 不可用耐d 的嗎??我1 個月行成 2xxx km 那麼1 個月要換2次以上..!
其實靚偈油的壽命比一般偈油更短，經常換的話，便用半合成偈油吧。
|
6/12/2005
|
噴油和保險問題
你好呀
1)想問一下magan 250想由銀色噴墨綠色,大約幾多錢到呀?
2)第三保能否轉呢??由一部車轉另一部車
鼠
淨色一般兩千蚊樓下，三保可以轉車資料，除了綿羊專用的保單 便不能轉去其他電單車。
|
6/12/2005
|
brake
I asked before...VFR vs Silverwing
請問VFR 的V4 400cc 好力還是silverwing 600cc 直2好力呢?另外理論上邊架慳油D?
Kwan stephen98021@yahoo.com.hk
Your answer: 無論是馬力或扭力都會是silverwing較高。
then why VFR has a stronger braking system?
Kwan stephen98021@yahoo.com.hk
VFR400係跑車款，Silverwing係巡航綿羊，對急速制動的需求，當然是跑車較高。
|
6/12/2005
|
engie oil 意見
CBR150R 三千換一次偈油 (全合成), okay 嗎?? (已run-in完成)
會否傷車??
DICK
偈油量是多少？參考是一公升偈油量，一千公里換油。換密d冇蝕底。
|
6/12/2005
|
Majesty好com行
好多人話majesty250副偈好com行, 十萬公里都仲好好condition, 我想問MJ400係咪又係一樣呢??
日製四衝引擎當然耐用，但都要定期做好保養先得。
|
6/12/2005
|
我駕joymax車尾右燈入水ar,點算好呀 ?
我駕joymax車尾右燈入水ar,點算好呀 ?shell個軚氣機點用ka ?唔識打氣 ar......
請指教
joe
俾代理睇下可唔可以換膠邊。打胎氣的操作可請教油站職員。做就好易，講就麻煩。
|
6/12/2005
|
車身噴油
我想問車身噴油邊到有和價錢多少.........如果噴有圖案又要多少錢....我部電單車AN400I....謝謝你
邦
【消費情報】中有介紹噴油專門店，不妨問下。圖案視乎複雜程度而定。
|
5/12/2005
|
尾牙油一問
我架係DS400,想問尾牙油幾時換一次
仲有應該用咩度數尾牙油定係同私家車尾牙油一樣呢?
因為已經兩年行左兩萬公里都未換過
維 beer451088@hotmail.com
要換..8000~10000km.用80w-90w尾牙油.
|
5/12/2005
|
slow車落斜 似打炮
本人CB400vtec 不論咩波唔俾油slow車落斜
都會疾下疾下好似有少少輕微打炮聲....硬係唔順咁
平時空波slow車,之後一下快既俾大油,會有延遲既感覺...
有時質多一兩下快既空油甚至會死火...
係唔係個cup有事??
moron
有機會丫,但可檢查風格先.
|
5/12/2005
|
CBR929
您好...之前我提出過一條問題..如下
(您好
想請教吓,我部CBR929,有改喉,洗完吸後,用返之前的setting,架車無曬低扭,未洗之前係ok的,師傅幫我放大d油路,先回復之前的效果. 但當凍車着車時,油路大左,有d電油燒唔曬,扭落去有打炮同火尾,但當熱身後就無曬問題. 咁點樣先可以改善到我部野凍車着車時果種情況呢....唔該...
Ben)
你的答案係( 行i喎...???洗咩吸呀?????? )
唔好意思,我果部係行吸的CBR900
Ben
哦!可以訂套jet kit去改善呢個問題..!
|
| |
|
|
|
 |
