|
|
|
FAQ常見問題 |
|
|
4/11/2005
|
撻車
謝謝..想問下
(問.1)我最近買了joy-max250 , 但每天撻車時 , 都不能立刻撻著,要比小小油先著到車,是否正常.. ?
(問.2)若是正常,那個方法撻車較好?
1.按撻車制,立刻再比小小油 or 2.先樓小小油,再撻車
謝謝..
長期讀者 replace_mail@yahoo.com.hk
好多車都係要俾少少油先撻到車。通常會係輕輕扭先先油門，跟住先按start掣。
|
4/11/2005
|
留相做咩
老編:點解要留我既相???仲要係全身同半身寄去k100號???唔通你會張張相比佢睇下先???唔係掛........???
baby
唔係，係俾我地睇先...靚女自用，豬扒先轉介俾佢...哇哈哈...
|
4/11/2005
|
版本問題
請問Magna250 / Magna250s / Magna V-Twin 有何分別?
Thanks!
明皮 laumingp@yahoo.com.hk
在老編眼中看，並無分別。都係一部泊街好阻定的baby cruiser。
|
4/11/2005
|
車底燈法例
老編大佬:請問那裏可找到車底燈的法例呢?因早前知道有位老電朋友被告後成功申訴, 現在他的車就裝上了車底燈...
Teddy ng teddyhei@sinaman.com
點解唔問番你老友？
|
4/11/2005
|
偈油燈問題
今天如常用車時發現行行下偈油燈亮起來本來想停車,但係佢又息左咁又繼續上路點知搓左一陣又係咁,油隔同偈油剛換左幾日,真係頭痕,亮起燈時行車係咪好傷車?唔該99小第
你要睇下係偈油量不足？定係電子野有問題。你架係咩車？
|
4/11/2005
|
尾燈
那就是說 除了外殼以外其它地方都要換 00年R6換01年的尾燈
蚱蜢 r124400@yahoo.com.tw
是整個尾殼都要換。
|
4/11/2005
|
有關邊款車有H架問題
老編大佬:本人睇中Honda嘅VTR250同Hornet250,但睇相都好似無H大架,你知啦！泊街魚骨位用Side架的話要用成個半車位咁滯,好乞人僧嗎!故請問上述邊架車有H架呢？
羊仔上
兩架都冇大架個喎…不如CB250啦：)
|
4/11/2005
|
老編你好!請問當我起大架後,着車入一波握緊離合器,尾輪會否轉動?
my car is estrella 250.tks
cody
會，不過唔應該轉得太勁。
|
4/11/2005
|
請問風力燈有什麼好處?
我是新仔, 覺得尾燈唔夠光, 又唔想加多一尾燈於車尾, 影響原裝!風力燈有用嗎? 我有想過於鴨記買單車尾燈, 但要時常換電....
新仔
唔好意思，乜野係風力燈？風力發電？
|
4/11/2005
|
香港而家係咪仲有經常發生偷倒後鏡事件? 有冇方法對症? 如果套上車套可有幫助？謝謝
靚鏡風險會較高，用殘鏡或者可拆式的後鏡會好d。
|
4/11/2005
|
老編大人，我個P牌就黎到期，而家抯繄400街車，第日想雙騎載老婆出街，想轉抯綿羊，但唔想買Suzuki ，心水有T-Max 500 及 Silver Wing 600，請問邊架適合剛介奶的我？又或者師傅你有甚麼好提議？謝謝！
辛仔一嗚
Silver 600可以放兩頂頭盔，又會坐得舒服d。
|
4/11/2005
|
良好車主一個(講笑)，其實問都係d 老問題。成日都聽人講，警察收到投訴就會去抄牌，我都係想收下風，近來阿sir 係未收緊左，抄得多左。講真，唔知係緊左，係沙田俾人抄左，之後在九龍灣見到處都出晒違泊就抄的牌。而且唔同區d阿sir 係未對抄牌有唔同的做法呢？
船 s0169356@ied.edu.hk
應該係。不同區份的風聲可能都唔同。
|
4/11/2005
|
泊位問題
近來去開一些地方，如龍門區，富榮花園對開，都發現那裡有超多合法位，我想問下同咩人爭取先可以令我樓下都有咁的待遇呢？
船 s0169356@ied.edu.hk
可以去信運輸署「反映」意見。記住一樣野：電單車位只有電單車友先會鐘意，其他人都會反對。記得某次參觀運輸署開會，會上高官表示劃位係要徵詢地區意見，但果s街坊組織通常都會反對。
|
4/11/2005
|
回p仔...
其實到而加我都估唔到你係左邊扒頭定右邊扒頭...
但都係果一句喇扒頭都係唔係o禁好架喇!加上你走位走得唔好o罹,我唔知出面有無教一條行車線分開1至5位,以我地警察電單車教,通常都係行中間左小小或右小小,我地叫2,3位既地方,因為通常中間會多油漬,而且,又唔會太過靠左或右比人有位上升即係你既情況,下次有得行都唔好o禁靠埋一邊喇!
vfr800
|
4/11/2005
|
125cc如何改裝
我部125cc既波車, 點改可以獲得速度上既進步???
可以更換頭尾牙，以換取加速性能或提升極速數字，兩者取其一。
|
4/11/2005
|
型男
老編:上次我話個男仔到底你係咪識佢咖...???冇啦啦點去車行搵人呀...???嚇死人咩...既然你知佢係咩水...咁可唔可以介紹下佢先....!!!
baby
不如咁啦，你留低個人資料和聯絡方法，最緊要係全身、半身近照，寄來九龍郵箱K100號收...有消息會通知你架喇…
|
3/11/2005
|
自已裝手擋一問.
你好呀,小弟見到貴網既靚車檔案中serow05的靚女vivien,見到個手擋咁正,我咪買番個囉,點先我部03年serow個牛角高過頭,頂住左,點解vivien又裝到,我同佢果個手擋係一樣既,唔通佢係換左個細既牛角?
bb
無錯,,是要換短牛角的或把原裝cut短.
|
2/11/2005
|
巡航車魋白色車呔
見過有些巡邏車和懷舊偉士羊的車呔兩旁是白色的，很有型，請問是甚麼來的？或是車呔買回來就是這樣子？在何處有售呢？我的車是GZ150
亞力 rick96674301@yahoo.com.hk
通常都係自己加上去....小心顏料破壞輪胎膠質
|
2/11/2005
|
夠唔夠胆答
老編大哥，一句到尾，邊架最好：FORZA Z、MAGESTY 250C、SKYWAVE 250 SSS。
呢個唔關升膽量問題，而係事實問題。「邊架最好」的定義每人唔同，所以應該轉換另一個問法。如果你問三架車之中老編你最想要邊架，答案係Skywave 250SS。因為呢個係個人主觀選擇，所以無分對錯。(但真正o既個人答案係AN400SS)
|
2/11/2005
|
二手零件
請問老編大哥可以係邊度搵到日本二手電單車零件，謝謝。
Alan fuegoalan@yahoo.com.hk
買賣二手車有一定歷史的車行，便會有d散件。冷門車的話便可能會困難d。
|
2/11/2005
|
回vfr800
我當時係紅燈時, 已經係架的士的左前面, 到綠燈時, 我已經成功攝入, 仲可以行係條lane既扁右面, 行下行下, 架的士係我既左少少沖上黎,我諗我攝佢可能我係唔arm..係唔係唔可以攝架, 正常黎講...
P 仔
可能你偏右太多，留有空位俾後車攝上來。下次試下行番中間偏右，唔好漏位。
|
2/11/2005
|
換尾燈
你好請問一下我的00年YZF-R6的尾燈如果想換０１年的尾燈要換那一些東西
小鍾 kuangr6@yahoo.com.tw
成份尾啡呤...
|
2/11/2005
|
型男
上次我話有個型仔...係呀...係呀....佢冇帶眼鏡咖....老編唔通你識佢..????
我上返果之果個網睇...見到係一間見好運車行攪咖...唔通佢就係吒間車行做???
如果老編係識佢...唔知可唔可以介紹一下佢呢...???嘩嘩....如果有專輯或者佢既檔案仲正....哈哈哈
baby
你想認識佢？直接落好運車行搵佢咪得o羅。私人資料點可以係網上講呀？
|
2/11/2005
|
電子化油器 比 化油器
想請問兩者係油量使用有冇大分別,邊一個慳油D??
羊仔
理論上電子燃油噴注會較化油器慳油。做得靚的噴注系統，油門感覺和化油器分別不大。
|
2/11/2005
|
新手一問
剛剛上星期出咗架honda @stream 125 羊仔, 請問架車有冇乜野平日要留意架 ?
sa
先check車，更換消耗性零件，以後勸換油便可。
|
2/11/2005
|
點解CB250同CB400冇得用腳撻，如果電池突然耗盡，車子便無法起動?? 謝謝
有番咁上下cc，比較難用腳撻。真係冇電你都可以推撻。
|
2/11/2005
|
我想post 我個車會响ibike既車會組織到∼
我想post 我地個車會响ibike既車會組織到∼
點做好呀？
bill仔
連同車會網址，logo，簡介，send email俾我地，ok的話便會登。
|
1/11/2005
|
績: 水溫
即係我沒有噴水而到紅係senoer壞左先會到紅?
本田
係..
|
1/11/2005
|
杯士壞？？？
老鬼大人或老編大人
小弟愛駒係01年ET8，行約30000公里。近排唔知係唔係心理作用，每逢片灣時(呔氣足夠)，尾轆總係了了下(双騎更甚)，車房(估)係大陣膠到期..........
1)車房話杯士等於大陣膠，是嗎？？？？？？
2)本人己用力將尾轆上下左右搖，發現無乜虛位，十分正常，和其他朋友的ET8一樣！唔似係杯士壞！
3)更換大陣膠要$1700！！！合理嗎？
4)有乜其他可能性引致尾轆了了下？？？
多謝解答！！！
Wing wingwaterfish@yahoo.com.hk
首先應檢查一下避震.睇下是否過軟.跟住到尾轆,你可起大架,叫朋友幫忙比小小油,看看尾轆轉動時是否垂直.
|
1/11/2005
|
老鬼大哥好
我部97年"科西"條kit喉因為打柴,而家換左條原裝喉,之後唔知點解一缸12L油平時可行三百幾,而家只行二佰八十已乾塘(在路邊擺抵),請問應該係咩問題?
Mrjuice lewis9932@yahoo.com.hk
試多一缸先..
|
1/11/2005
|
電單車修理問題
您們好:
本人是新牌仔啊洪買佐一架韓國暁星(Hoysung Cruise 125)年份2000年電單車朋友$3000買比我他已通知我,波箱1波同2波及離合器有小許問題,請問各下如何修理大約多小$xxxx錢或何己行修理,如可己行修理請問(Hoysung Cruise 125)1波同2波牙及離合器可在何處買來...
多謝您們
新牌仔啊洪 singli997@yahoo.com.hk
波牙必須到代理購買,如必須維修,價錢必到$2000.00.
|
1/11/2005
|
漏油
老鬼師夫,
上期問及漏油問題，原來是漏電油。
1.已給車房換plastic ring & 洗cab = HK$700。
2.另外也更換了頭牙和車鏈 = HK$700
還有三個問題想問
1.以上價錢合理嗎？
2.在偈右方外露的plastic有小許偈油滲出，在現階段並不嚴重，車房師夫建議不雖理會，就算更換plastic ring, 亦有機會返發，適當嗎？
3.以平均計，由一波轉二波，每二十次有一次中空波，其它波段就ok，這是否表示波箱有事？嚴重嗎？
所以老編成日講，舊車一定有問題，亦要預留維修費，真係無錯。小弟已用了車價的20%啦！錢花了，算罷。只希望以後安心平安上路。
VNlover
VNlover
價錢ok!放心..膠位要睇情況而定,試下再楂耐d,跳波持續才到車行檢查.
|
1/11/2005
|
cb400vtec3錶板安裝
車子因意外錶板摔破了,打算過兩天來港從代理買一個新的回來,但問題是標板有一HISS的防盜系統指示燈,本人身居海外,未知新買回的錶板安裝後會否因和車匙的防盜晶片不合(甚至會否因而不能著車!?),還是需要帶備車匙到代理?抑或是我想太多了,根本就沒關係呢?
因需在近日來港且時間較倉促,煩請指教,有勞有勞...
cb車友 weng1106@hotmail.com
不雖要reset的.
|
1/11/2005
|
爬雞避震一問
你好呀,我買左部鹿仔,行左7000km,唔知係咪頭fork軟,有時訓灣浮浮地,請問頭fork油可以濃d嗎?and想問下加油冷,會唔會今部車無唔耐用呢?
bb
爬山車避震是偏軟的,如真的可選用15wfork油,但油量可能要減少,加油冷會使機器更快散熱..點會令部車唔耐用,更耐用就真.
|
1/11/2005
|
駛唔駛感Q寸感想
我當時唔係第一男主角，雖然當時有人問問題(從無講操口)會令你唔歡喜，不過唔係男主角既我想問幾個問題，感慶既你點解要張你架Susuki 650 泊起行人路上面？..........又…我又想問點解唔行過對面馬路而有整段大把吉位既排骨位而你又唔泊？係.....…我同意....接girl friend....ok架，快d，一定無問題！但他門之前超過15分鐘己經見你泊起到，鬼影都無，其實晦氣D可以咩架……320，又…連問都唔駛問……320，記住寸唔係這樣的，如果係寸既氣氛一定好惡劣，同唔同意，妙問妙答呀，係咪！我唔鐘意告馬，因我兩都知道無位既苦處(後巷，比人搬，天橋底)，附近無位我唔會理你，但有位而又唔泊既……不如我問番你係咪要手起刀下先！
老友你呢段文都幾難跟下…
|
1/11/2005
|
快相
機乎無聽到話電單車會比人影快相,有時就算電單車行得快過私家車,差佬捉私家車都唔捉電單車;其實捉超速是否只針對私家車呢?Thanks!
明皮
梗係唔係啦，電單車一樣中快相。
|
1/11/2005
|
要唔要著尾燈
我想問係咪夜晚就要長著車尾燈，因為我架車係break時先會著燈，但有d好心人就話我尾燈壞左，我都唔知究竟要唔要著。
小寳
電單車在日頭都要著頭尾燈，所以你要盡快整番佢。
|
1/11/2005
|
型男
前排無意中上電單車網,見到有個男仔幾型...但唔知佢咩水...問朋友,朋友話原來佢間中會上珠海,係香港唔知邊間車行做,仲有買左駕咩紅色ducati添....我問朋友點知,佢話都係人地話佢知,嘩....!!!咁即係佢都算係紅人啦....!!希望你地可以介紹下佢(不過我唔知佢咩水!)
baby
你所描述的條件，香港有幾個。係咪長髮冇帶眼鏡架？
|
1/11/2005
|
買二手電單車問題
老編您好.... 我是新牌仔在荃灣駕駛學院睇到有Hyosung Cruise 125二手電單車出售年份2002及2003,請問買唔買得過及請問如何檢查有沒有故障因我居住東涌往機場工作平日小出市區.
新牌仔啊雄 minghung20032003@yahoo.com.hk
論零件供應普及性及學院車的質素...新手唔好唸。
|
1/11/2005
|
Joy-Max 250 續問
先多謝老編大人的回覆, (1) 此車的輪胎沒有起角, (2) 此車是聯動迫力系統, 小弟通常只係按左邊角牛角 (前重後輕), 只會急停時及臨停車時才一起按右牛角.
請問現在發生此問題是否要返代理檢查? 又會否是波子盤的問題, 但小弟的車是全新的.謝謝!
杰
按左邊牛角應該是頭輕尾重。輪胎起角的意思包括經常急煞車導至頭胎表面有不平均磨蝕。你的情況當然可以俾代理檢查。
|
31/10/2005
|
CB400頭指揮燈
我想將車頭指揮燈，在行車時長著，請問應點搞，如在車行代辦要洗幾錢？另外頭尾牙應如何檢查？及頭尾牙唔換對行車有乜影響，thx！
偉
長著巡航燈係違法o既。頭尾牙都係用眼睇，如見到尾牙齒輪變得太尖或變形便要更換。唔肯定的話可以找其他車比較一下。唔換的話首先係噪音好大，動力流失，容易甩鏈。
|
31/10/2005
|
Joy-Max 250
老編大人, 小弟買了一部 Joy-Max 250, 已用了約個半月的時間, 近日於 50-60km/h 的車速下常試放手, 但發現太盤即時兩頭擺, 小弟要即刻用手拿住太盤, 請問這情況是否正常, 因為之前用的CB400沒有此問題.謝謝!
杰
通常類似情況可能係輪胎起角的問題，但你用左咁短時間...你會唔會經常重扣頭迫力？
|
31/10/2005
|
回P仔
雖然我同老編一樣都不大明你講乜,但我估係果行車停燈,你就o向兩條線之間上,到人地轉燈開車你就諗住快過架的士入佢頭,的士司機不讓你比油仲o向銨是不是....
1)正如老編話,正線係的士,你只係偷用人地停燈時間上,是實上掉番轉你係要望住人地行不行你先至可以繼續去,所以,如果撞o左,比我就會告你多過告佢...
2)果條行車線夠不夠位行兩架車,你都話你o向行車線既右邊,即係你都仲未入正的士前面o拉,掉轉頭講,你o向未完成入正線既情況下人地已經開車,係你不o岩...
vfr800
|
31/10/2005
|
97年的 shadow400
朋友有部想放給我，我和他都不太清楚市價，請問如果部車少改，保養都可以，行車約三萬公里左右，現在市值約多少呢?多謝老編幫忙!!THX!!!
ok仔
叫價參考請睇番【買賣搜尋】，其實真係朋友價的話，唔使跟足市價o既...俾封老毛跳場舞咪得o羅：)
|
31/10/2005
|
電單車維修問題及保養
老鬼您們好....本人是新牌仔啊洪買佐一架二手韓國暁星(Hyosung Cruise 125)年份2001是朋友賣比我$3000但朋友已通知我電單車的波箱牙1波同2波及離合器有小許問題,請問如何修理及保養.如修理請問在何車房假如我己行修理請問可在何處買到零件因我有興趣學習汽車修理及保養.....多謝您們
新牌仔啊洪 singli997@yahoo.com.hk
建議先向代理SS電單車中心，查詢零件存貨的問題，唔識整便最好唔好掂架車。有d錢係要俾人賺o既。
|
31/10/2005
|
請問一個年輕有為剛夠十八歲無耐的死0靚仔有無可能出到pgm3的保險呀.如果出到.大約幾錢呀.因為小弟屋企咩都有就系無錢.哎...........待覆.謝謝..
sing sing7708801314520@yahoo.com.hk
保險問題請直接聯絡保險中介人
|
31/10/2005
|
車鈴問題????
本人因為沒有發現尾o太爆咗(細羊 150cc),大約行了十五分鐘先發現,但發現時尾o太車鈴已經有o的變形,請問有冇得整???? 定一定要成個換????如果整幾錢???? 成個換又幾錢????唔該晒
無淚的遺憾
最好成個換，因為整番都得個樣。
|
31/10/2005
|
其實做警察洗唔洗咁ｑ串咀呀
今日夜晚１０點幾左右．．係山頂見到兩個警察．．其中一個問我．．有冇車牌．．我話有．．之後咪比佢睇囉．．跟住佢話呢度唔比拍車．．要拍車去政府位．．我話唔好意思．．我唔知邊度係政府位．．佢話洗唔洗佢帶我去呀．．我話唔洗．．之後佢又話洗唔洗比ｄ記憶我呀．．佢咁講我咪冇出聲囉．．跟住佢又問多次．．我忍住度氣答佢話唔洗．．之後佢又好串咀咁同我講話有返記憶ｌａ．．跟住佢就走左．．
其實做警察洗唔洗咁ｑ串咀呀．．要抄咪抄囉．．我又唔係唔比你抄你唔洗串９我呀．．我而家３０幾歲．．同個警察差唔多大．．洗唔洗串９我先．．真係好興囉．．好ｑ想串７佢呀．．唔係見佢揸住支炮．．做警察唔洗咁ｑ串咀既．．佢唔係咁串．．我都唔會想係度講佢ｄ咩囉．．警察大ｑ哂咩．．我而家咁講．．唔係想鬧佢ｄ咩．．係我真係吞唔落呢度氣囉．．
唔＜鋸＞的人 fucyou@yahoo.com.hk
其實呢類訊息應該去鐵騎會館發放，等多d人可以參予討論。
|
30/10/2005
|
尾燈問題
本人架et8 月前比的士車門撞, 頭歪同牛角彎左, 拎去整番正個頭同換左對迫力牛角; 之後尾燈就長著(殺制燈), 著車都唔洗禁brake就著到, 請問係咩事呢? 咁係咪車行既問題呢? 我拎番去會唔會再收我錢(但係我過左差唔多半個月先見到 ...)
ET 8
應該係車行問題，俾番佢跟。
|
30/10/2005
|
街車問題
本人剛換了一部400cc街車代步,但發覺比之前用400cc跑車時有很大分別,1~3波速度差不多(未入power band),過百要4波上到9千轉,所以通常keep住4波行車,因為有條kit o侯(上手既),覺得好嘈,所以5會去到咁盡,但係用4波縮左油(9000 down to 6000倒) 再上番去好似好鬼慢,部車power band好似要11000,想請問一下係咪都係keep番power band好D,所以請老編or老鬼大人們,指點一下,謝謝
跑車一定要盡量選用合適波段先可以keep到轉數。轉多d波，唔好懶。
|
| |
|
|
|
 |
