|
|
|
FAQ常見問題 |
|
|
20/8/2006
|
有關台灣車問題
我想問下JoyMax 250好唔好??同埋而家D日本車多數係用電子撚油系統,但呢架台灣三陽就用化油器,請問化油器同電子撚油系統有咩分別??同埋台灣車同日本車用油分別邊架好D??
天天
三陽機車係台灣名牌之一，Joymax亦係一部好抵買o既250綿羊。電子燃油噴注的主要優點係減少耗油量和提升廢氣質素，但如果噴注系統的電子零件出現問題又沒有新件替換的話，維修上便會較化油器麻煩。耗油量取決於引擎設計，和產地無關。
|
20/8/2006
|
2T引擎
2T的引擎有沒有像4T那樣,有曲軸.連桿的潤滑機油?
Dr.T tom22237891@yahoo.com.tw
沒有，二衝機器只有波箱油。
|
20/8/2006
|
唔知揀那部車
經常來往屯門至黃大仙(行highway)，Honda freeway250好定150羊仔好，想維修及油費平。及來回約多少公里?
小明
路程有幾長不清楚，請在會館中向其他館友求證。至於你想維修費和油費盡量便宜，應該出部150新車，起碼頭六個月唔使煩有野壞。如果只買二手車，咁就買Freeway 250。
|
20/8/2006
|
換車
本人而家用緊大鷹200,最近想換過部腳波車,心目中都有幾部,分別係:vtr250,hornet250。
但好多朋友同我講cb400會好d...但係我驚剛轉腳波車會操控唔離呀...老編,可唔可以幫我比d意見呀???
心急人 fat2213@yahoo.com.hk
VTR250車身較輕和較窄，是最友善和容易適應的250車款之一。你用開綿羊，初嘗街車如果轉騎直四機器，可能會覺得辛苦。
|
20/8/2006
|
污漬問題
老編您好！本人鐵騎之死氣喉，被雀糞射中，但沒有即時清理，幾天後已變了膠狀般貼實喉面，用籃威宝也去不掉，應怎樣處理呢！ Thankyou!
Benny
可試用清理爐頭的清潔劑
|
20/8/2006
|
高把手和低把手在操控上有何分別？
跑車都係用低把手的設計，除了方便讓上身盡量低伏外，在車子的操控上會有何分別呢？其實我所謂的高把手就是街車的把手。例子就如sv650s 就係低把手的設計，而sv650、gsr600就是高把手的設計，其實在操控上的分別是如何呢？
把手高度只是決定上身俯伏角度的其中一個因素，真正影響操控是把手的闊度和角度。把手越闊，槓桿作用越大，操控也越省力，把手也變得敏感。把手角度越窄，越難發力，在高速時也越較穩定。
|
19/8/2006
|
架車開到大燈、輔助燈、防盜...但硬係撻唔著
我架shadow，今朝發現開到大燈、輔助燈、防盜...但硬係撻唔著，夜晚再試都係一樣，燈仍然好光，防盜仍然好正常，但撻車只有「達達...達達...」聲...是冇電？還是其他問題。
同埋我呢排差不多日日出車，每日行50至60公里，都會冇電??
jsbach2@netvigator.com
都係無電.同埋檢查整流.
|
19/8/2006
|
鐽唔著車呀!!!
你好呀小弟今日渣車回家,回家前買小小野
之后再諗住鐽番著部車返停車場(只是停低5~10mins 到,引擎還熱)
點知鐽唔著,電池有電(因我開匙低燈,空波燈等等都著)
按start 時第一下有小小反應,之后第二下和第三下就得dee dee 聲 (低燈空波燈都會暗一暗)
但鐽唔著...請問是乜原因
請問可否推鐽??小弟愛騎是magna 250 !!
煩請解答!! 唔該曬!!!
心急人
換電池..之後到車行檢查整流.
|
19/8/2006
|
VTR250 轉數不定
本人剛買了台04 VTR250.上任車主應該很少用車, 部車只走了1600km, 而且看上去極新淨.現在澳洲這邊是冬天, 氣溫大概14度.START 車一定要拉風 CHOCK, 否則一定死火.要等大概15分鐘才可關風 CHOCK.但是關了後, 轉數就會在1000轉浮動 (+/- 100 RPM).聽聲覺得引擎轉得不是太順.
應該檢查哪裡? 有甚麼解決方法嗎? 謝謝.
PC perry_cheung@yahoo.com
不應用風chock等15分鐘咁耐,應用人手keep住油門,可以檢查一下偈油度數,因溫度差異有機會影響油的潤滑工作,至於slow有雖要檢查火咀同化油器,清洗後調較平衡和風油位便可.
|
19/8/2006
|
電問題
我想問我冇行車時冇開大燈有14v...但開左大燈行車得13.1v...
甘有冇問題呢???..
我頭燈係55w....
有冇咩提議比我??...thx!!!
旭 yuk12131986@yahoo.com.hk
電池同整流.
|
19/8/2006
|
SF VS 溜偈油
你好,本人架SF VS 熄匙停低後,側架位置近 CAR低有時有一兩滴偈油滴出,是否有問題及要維修 !!! THANKS !!
DON
有機會是波棍油oil seal損壞.
|
19/8/2006
|
熱車反而開唔要車~
小弟抯既係Majesty 99 行cup 的, 最近測試過架羊仔有少少問題, 問題在於每當用車後(switch off) 約10min - 1hr 內再用車時, 發覺車子不得再著車, 當時只按撻車制, 反應只是著了紅燈, 沒聲發出, 要再著車只可用腳撻數下才可著車, 請問是否只是炭精用完, 換了便可呢?一般車行料連工要多少錢呢?thx~
Ken martin79170@yahoo.com.hk
有機會..一般3.4百元.
|
16/8/2006
|
兩者揀一??
HI,老編,我近日看中一部YP250(99年),又看中一部@150(02年).因為兩部都有我看中的優點~
YP250,出名實用,載人載貨都沒問題;@150,是我渴求很久的綿羊,也能滿足虛榮心.我該怎辦呢?求指引.
AND 3
99 YP250太舊款，還是02 @150較好
|
16/8/2006
|
唔該幫下手
我啱啱出左部新honda forza,但落地第二日向慢車行時(約10-20咪),間唔中聽到車地傳出一d好以括鐵既聲,唔知向前lok定後lok,但一時有聲,又一時無聲,有時轉灣訓側小小又有聲傳出黎,上鈄落鈄間中都有,不過係好短時間有聲,有時架車駛過d坑渠蓋面或粒突面之後,又跟住有聲傳出黎,但一陣就會無,曾經令返去維修部check,佢地話試完車之後,唔多覺.只係聽到小小聲,之後就話可能係新車,d break皮厚,所以有聲,話已經幫我省左,叫我揸一排,但依家都過左四五日,都仲有聲,各位大哥,可否指點下小弟,我架車有d什麼事呢?
心急人 gary_ckl@yahoo.com
刮鐵o既聲？通常都係迫力皮輕微揩碟時的正常聲音，即使開晒皮都會有呢d聲。代理check過話冇事便ok了。
|
16/8/2006
|
迫力油和輪軚問題
老編大哥你好
本人駕駛的是Mejesty250，車齡兩年半，是否雖要換迫力油呢？如果要換，是否雖要等到換迫力皮一齊換較好Ｄ呢？
問題2~如果想換車軚，市面上有什麼牌子好Ｄ和適合Mejesty250呢？聽聞"石橋牌"幾好，但唔知有無分型号呢？又如果頭尾車軚一齊換，是否合較好呢？價錢大約幾多呢？
你的支持讀者
David Lam
迫力油唔需要話等埋迫力皮一齊換，只要顏色混濁或者係兩年以上，便應該更換迫力油。而換新迫力皮時，通常都會換過新迫力油。各大胎廠都有不同定位的輪胎，只要跟隨自己駕駛習慣而選擇相對應的胎種便可。換胎最好頭尾胎一齊換，重要係同一型號，以免頭尾胎的工作溫度、抓地力、轉彎特性、損耗速度等出現偏差。
|
16/8/2006
|
煩請問CB150R假如裝防盜及HID燈會否不夠電???
煩請問CB150R假如裝防盜及HID燈會否不夠電???
Tommy Cookie
細車發電機功率一般都係好細，o岩o岩好預你夠用就算......此外防盜和HID燈的質素可以有很大的差別，遇著質素差的貨品再加上裝工出現問題的話，便會得不償失。
|
16/8/2006
|
CB400vs 輪胎問題~
想請問一下如果我既輪胎改到好似VTEC 123代咁,用(頭120/尾160)可唔可行呢?要更換d咩?價錢幾錢到? 如果係可行既話想問會同我呢家用緊既(頭110/尾140)兩者分別係邊到 ?_?
新手仔
尾胎要換軨先可以落到160。分別就係你有條闊d o既尾胎做裝飾，同埋轉彎會鈍左。以前400級跑車用150胎都夠晒數，所以結論係140胎冇需要換。
|
15/8/2006
|
Vtec III 打炮問題
您好,小弟之座駕Vtec3於最近發現有一問題發生, 就是當駕駛時如收油,死氣喉便會有一吓 "呯"的聲響, 請問是發生什麼問題及有什麼解決方法?. 謝謝!!!
請利用「打炮」一詞，搜尋以往來信。【鐵騎會館】的精華區中也有相關討論。
|
15/8/2006
|
請問香港駕駛學院成立之前d人去邊度考強制試??
當年係唔使考強制試架
|
15/8/2006
|
買唔買好
我走去yamaha度睇部R6...個老闆話要成十一月先有車...
老編你話買唔買好,定係等07年新車呢
阿土
07年車唔知幾時到喎？就得船期可能又要二三月先到，你等唔等到咁耐先？
|
15/8/2006
|
ZZ-R250
請問ＺＺ－Ｒ２５０合不合Ｐ牌，是不是巳停產，如果真的要維修零件會不會難找同很貴，每公里大約要多少錢，省油嗎？除了ＺＺ－Ｒ２５０外還有別的選擇嗎？（本人因個子有六尺高坐不了ＣＢＲ－１５０Ｒ．）
Ｐ仔
放心，還有新車供應。
|
14/8/2006
|
小童乘電單車
小童要滿多少歲及多重才可乘坐電單車？
八歲或以上便可
|
14/8/2006
|
bandit250
想請問老編bandit250是否停產多年?現今還有很多零件在市面嗎?小弟看中了一輛bandit 250,想請問在老編而言,此車機件可靠嗎?會否經常被它出賣?如日常使用代步夠用嗎?
對，巳停產。一般消耗性零件供應沒有問題，但較專門的替代零件，便要問一問代理是否仍然有得訂。高年份的小車，難免會較多小毛病。
|
14/8/2006
|
超速 無掛P 載人
請問如果P牌無掛P載人,跟住超速俾人捉到,通常會點判呢?
約高
請參閱FAQ相關部份。
|
14/8/2006
|
車身問題!
車頭外殼裂開,花左,請問有冇得換個新既外殼??
幾多$$到??
thanks
小p kenma1984@yahoo.com.hk
咩車？換新野要問代理，修理則可以係用纖維修補，再跣灰噴油
|
14/8/2006
|
換呔一問
本人架大鷹頭呔原廠setting110/80/12尾呔130/70/12,不過o岩o岩換呔換左頭尾都係120/70/12,有咩大問題啊???thx!!!
大大
雖然頭胎粗左尾胎幼左，但差別輕微，正常駕駛應該問題不大。
|
14/8/2006
|
著車一問????
本人隻TGB 150cc 羊已經兩個多月冇用, 但剛剛換了新電, 但是無法著車????? 有咩方法可以著到車???? 唔該......
心急人上
著唔到車好多原因，可能係火咀問題，可能係發電機問題，可能係整流有問題，也可能係你部車漏緊電，即使換完新電但唔係經常用，新電池都一樣會冇電。但你部車應該有腳撻？
|
14/8/2006
|
行貨定水貨silver wing 600 (全新)好?
may i ask your professional opinion that if considering SW then 行貨定水貨silver wing 600 (全新)好?
THX.
kwan stephen98021@yahoo.com.hk
行貨一般較有信心，但視乎價錢差別是否很大而定。
|
14/8/2006
|
死氣喉
小弟跌車後接駁位(近後避震器)有鬃,洗車之後見到個個位有D水噴反出來,有時抯抯下覺得隻腳好鬼埶,煩請高人指教指教.唔該曬.
有心人
可以燒焊補番佢啊。
|
14/8/2006
|
懷疑爆胎
救命呀老編大哥,今日我drive住架sf vtec3去遊車河,行到某街道突然聽到pop一聲,但當時唔肯定係咪自己架車發出的,照樣drive回家,泊好車後發覺前車胎有一口長大約4-5mm既螺絲係胎上,但輕輕用手指一撩就跌了出來,胎上有一個很小的洞,其實粒螺絲咁細會唔會傷到條胎呢?如果我唔理佢咁drive落點先覺有問題呢?唔該
懷疑爆胎的人
先用番妿水檢查車胎有冇漏氣先，有就要補胎。如果只係一個小孔，便唔會傷到杋布層。如果傷口在胎肚附近，或在胎面留上長長破口，便要留意。
|
13/8/2006
|
...老鬼d答法.....
睇左幾年iBike,印象中無乜見過老鬼會答信多過3,4行字....
不嬲都係幾隻字仔果隻格!...究竟?!........係咪另有其人呀老編!! XDDDDDD
阿迪
老鬼唔識打字，只懂用手寫板答信。加上佢老人家唔係文科出身，所以一定係長話短說。老鬼風格一向只會幫手斷症，唔會教人DIY，以免影響行業利益，希望各位明白。設立【鐵騎會館】的其中一個目的，便是提供一個互動空間，讓車友互通分享，以補信箱不足之處，請多加利用。
|
13/8/2006
|
車頭燈
老編你好,請問老編知唔知sf vtec3有冇原裝白光燈呢?如果無咁我想換請教換乜牌子同型號先岩呢?唔該
換燈人
原庄冇白光燈。可以選配相同火數的白火燈膽，但耐用性可能不及原庄燈膽。
|
13/8/2006
|
氣缸
請問同一容積而不同氣缸數目的引擎有什麼分別呢？祝生活愉快！
健仔
多汽缸引擎構造複雜，重量和成本都有所增加。但在同一排氣量之下，汽缸越多，活塞和連桿的重量便變得越小，有利高速運動來搾取馬力。有關各引擎佈局和優劣比較，請參看【知識技術】內的相關文章
|
13/8/2006
|
油江
本人cb400vs油江俾人推跌...推倒在樹上...並凹在一大個洞..連油江d骨都冇埋....有咩方法可以補救同治理
新手 s1986101@hotmail.com
通常係dup番佢出來，再跣灰噴油。但骨位線條有d麻煩，如果凸位太深便修復唔到。
|
12/8/2006
|
foresigh避震一問
本人新車落地至今條原廠避震用了7年都無換係咪好過份?唔換會影響d乜?部車行咗九萬公里,平時都有載人,兩個人加埋220磅!小心d渣,唔換得唔得?如果一定換bitubo定daytona好?
小妹
如果係我,絛避震無事我就唔換,最好用上十年添..如果要換,可選擇有油壓調較那種會比較舒適些.
|
12/8/2006
|
「高速電球」
「高速電球(有充電)」,是什麼黎架?
請問安裝左「高速電球」之後,是不是會使電單車供電量加大呢?另外,若安裝後,會對電單車有乜(好or壞)處呢?
本人的電單車是Silver Wing 600 (01年日本返新車,上年(秋天)購買,購買時顯示為5,000多公里,當時是很好的,沒有什麼問題發生),後來到了今年的熱天時,因天氣很熱,在繁忙的道路上行駛,時常在道路上段段續續的時開車、時停車,因此電單車的風扇時常不停的開動著,另外,本人的電單車安裝了一顆HID頭燈,以上這兩種原因,使電單車的電池(原裝)很快用完(無晒電),差不多要每隔一星期,便要取出來叉電(唔取出叉電,架車不能開動)。
「如果在雨季or時常在無阻隔的公路上行駛,電池是可以用很久也不用取出叉電」。
<<打那磨、電池(原裝)、電風扇、風隔、電線和其他有關要用電的零件,(在6月、7月期間,繼繼續續的更新所需零件),在三星期前巳在某某車行全部更換新完畢的,但效果一樣(無晒電)>>
之後,再回某某車行說情況一樣,但某某車行的員工說將電池加大,這樣儲存電量亦增多,我便又再付錢換上一舊大一點的電池,約一星期後,效果一樣(又無晒電),換了大一點的電池後,原來只可比之前用多2-3天咋!
再之後,又再回某某車行說情況仍是一樣,沒有好轉,但某某車行的員工又再叫我加裝這「高速電球」,說這產品能解决供電問題,還說「高速電球」可以使供電量加大&叉電加快,從而使電池能在行駛中能快速叉電,而又不損打那磨。我巳肉在砧板上,當時只能半信半疑,在一次又一次維修推介失望之下,所以我當時無安裝這「高速電球」。
現煩請教導本人,那某某車行的員工所說的「高速電球」,真的可以使供電量加大&在行駛中能使電池叉電加快,而又不損打那磨嗎?某某車行的員工所說的方法可行嗎?除了這方法之外,請問又有沒有其他可加大電量的補品or儀器呢?煩請教導和指點!Thanks!(但請不要提議我換車or買新車呀,因剛巳用完一大舊錢去左更新維修電單車零件,本人荷包巳很傷了!)
orange www.orangejeams@yahoo.com
首先我會說明一下,風扇會跟隨水溫感應制而開動是正常的,而風扇的電量係非常小.
一部車如經常無電,要檢查幾部份.電池.線圈(所謂打籃麼.是私家車行的叫法).同整流.
電池供給車輛各電子用品,如著車一刻.
機器運轉,線圈會出AC電.
AC電會經整流轉DC進入電池.再供給各電器使用,係一個(巡)環系統,壞任何一樣都不可.
三樣都可以用(電壓錶)量度,以知道有否打柴,電池是否不能蓄電.線圈OUTPUT是否不足或過量,整流有否穩壓不定情況等.
你的倩況以換了新電池但還是無電,就必須檢查整流同線圈.
如一切正常就好明顯HID有問題,但市面上的車輛,裝燈多到成棵聖誕樹咁都無問題.一係駁線有問題,一係死以上任何一樣.
加大電池係可以蓄多一些電,而我唔知(高速電球)係咩,佢意思可能係銅線密度高D同靚D,所以能做到OUTPUT AC電力強些,但並不是代表AC有無盡OUTPUT,係有限度的,否則燒到飛起.
徐左GOLDWING有得加大之外,我就不知道其它車種.
長期無電而要充電,是會影響所有電器零件壽命.如你只是加裝一枝正牌的HID燈,相信所有完廠電器是夠推的.請檢查清楚.以免火警.(再續)
|
11/8/2006
|
換喉問題.......
我部05年SV650想換喉，唔知有乜喉好呢？其實本人己看中了MICRON喉,唔知好唔呢?
但係我已經到過很多車行都冇賣依隻牌子,我想請問一下那一間車行有得賣呢?謝謝...
svrider
Micron當然係好喉，但近年香港比較少見。一係你可以上網訂購，但計埋運費都會幾貴。不如搵其他大牌子喉啦，例如Akrapovic有出SV650專用的racing line作品。
|
11/8/2006
|
大鷹換HID灯
04年,大鷹換 H.I.D 灯,改用私家車果 D H.I.D燈胆同牛,吾知有冇問題 ?
同,會吾會影響,發電机同電池及其它零件呢?
玖午義柒
最好唔好咁做，耗電量、防水性、手工、燈殼都可能會出現問題。
|
11/8/2006
|
再問05aprilia RS125
請問125cc二衝跑車,載客後會否唔夠力?aprilia RS125 是否"高危車種"?感謝 ^^
TL
要用高轉數和低波先得，人車都會伸伸地利。高危車種是指偷車？其實就算唔係高危車種，都一樣會有機會俾人偷。做好本份便冇得唸咁多。
|
11/8/2006
|
跑車一問 ~~~~
老編,e家日本四大車廠的600cc同1000cc跑車,有冇分本土板和出口板 ??? 兩者馬力又有冇分別 ???
p仔
日本受法例所限，電單車馬力上限係100ps。所以日本人玩跑車，都係買番逆輸入的出口版本。
|
11/8/2006
|
買車
小弟新排想出車...純粹代步番工同有時可以出去玩下咁....睇中左新車cbr 150 同2手250 街車vtr/horent...不過我經常行highway(元公,屯公)...所以好難從中取捨(車size...油$$(150/250)...保養(新/2手)...排費等等)...請老編指點迷津...thx
kevin
牌費一樣，油費以CBR150R較便宜，但相信相差不遠。個人選擇會係年份較新的易手VTR250或Hornet 250。
|
11/8/2006
|
機油
hi 老編你好 小弟最近發現所用的機油用車後在油眼見到很多小氣泡？是否機油唔靚？
全合成10-40 VTEC2用的. THANK YOU.
忠
如果氣泡太多的話，便是機油變稀的跡象。
|
11/8/2006
|
RS125很吸引,但又擔心
我對新的RS125很有興趣, 但是又擔心2衝引擎多毛病.
究竟新車2衝引擎可以保持多久的巔峰狀態? 通常走多少公里後會出問題? (我會好好做保養,但又一定會常用高轉 :P)
聽人說2衝引擎在低轉時很容易積炭,是真的嗎?
PC
新車無需擔心，即使經常在高轉環境工作，狀態也會在萬餘公里後才會出現衰退。低轉易積碳是事實，但要清理也不是太難。
|
11/8/2006
|
買賣
我見到在綱上可以買到比車行平好多的26部品是否可信呢?謝謝!!
你指利用免費網站搞拍賣果d？對方係人係鬼是龍是蛇都未知...睇下你買咩啦，買張貼紙都應該無問題卦？
|
11/8/2006
|
街車定綿羊?
小弟想出cb250,但系睇車主布告評語極速唔係o甘好,如果250大羊推動160kg重車身會唔會仲慢?Thanks
250羊應該快過CB250，因為無段變速會順過五速波箱。
|
11/8/2006
|
開o太一問~
老編大人您好,我部fairing剛換頭尾o太~由於少用車~兩個月黎新o太只行了六佰公里左右~o太的中間已全開(因為一條條o個d已經冇哂)~但係兩邊o太的邊緣就比較難開~(因為一條條o個d仲係度)~
小弟愛駒尾o太闊為140mm~每邊大約2-3cm 仲有一條條o個d~有冇方法可以開快o太開快d 呢?係唔係一定要搵d多灣既路線片底d?有勞回覆, 謝謝。
fairing仔
開胎時在多彎的路上用番你平時的步伐行車便可，但壓車時唔好太快，溫柔少少，條胎便會逐d逐d越開越多。其實在馬路上正常駕駛，用唔晒條胎係正常o既。勉強想開晒條胎，盞招惹無謂危險。
|
11/8/2006
|
點檢查整流
自己點檢查整流
要咩工具
Q仔 tung83tung@yahoo.com.hk
電錶一個便可。整流有事的話，扭油時電壓可以升到17-18V。
|
11/8/2006
|
vfr著唔到車
撻唔著車...推撻都唔得...之前一日係停車場推撻都得(試下自己息唔息推撻...驚仲有一曰箸唔到車都可以推撻)...不但我玩左好耐推撻佢著左我又息左佢又推玩左幾十次
係咪我玩死左支火咀
點知今曰真係撻唔箸車....推撻都唔得,係咪火咀問題?
Q仔 tung83tung@yahoo.com.hk
連續推撻幾十次，有可能係浸濕左火咀....
|
11/8/2006
|
runner 問題
小弟架runner 200 02/02
行左3萬幾,而家好食油,大約100$$行170km著燈.(我個fd 就100$$行220km先著..車一樣)
火咀新,保利新,..條皮帶上一手未換..有冇關係呢???
重有有時我嗅到有電油味係引擎到發出...
但放左成個星期係度又冇油溜出黎喎...點解呢??
同部車愈行愈慢...買番黎時有125km 到...而家得118km 到 我今年年頭買
老編有咩提議比我啊...thx@@@@@
明仔 yuk12131986@yahoo.com.hk
自動羊極速下降，要睇睇皮帶和極力子。少少電油味冇問題，好多舊車都係咁樣。
|
11/8/2006
|
Burgman650和Burgman400
老編你好，又要詢問你意見啦！如果不談價格的話，Burgman650和Burgman400，你會建議買邊部呢？
Johnny
400係一個幾好o既平衡點，有少少力，又裝到野，車又唔會太重。
650力水會好好多，但車身重，論盡dd...睇你追求d咩。
|
| |
|
|
|
 |
|
