|
|
|
FAQ常見問題 |
|
|
6/10/2005
|
X8 尾箱邊度安裝平D呀??????
我就嚟除 P 牌了,現想裝尾箱,但一定要原廠尾箱 $2,400嗎?實在太貴了！
有無平 D 架?唔該提点一吓啦。
joewa
其他雜箱可以平少少，但尾箱架都幾貴。成套箱連架兩三千蚊好正常。
|
6/10/2005
|
本港廄車回收資料
本人欲想出售二手車 (2000年 TGB 125) , 但苦無出路 , 現欲想交予回收 , 但交政府回收好以好慘 , 請問私人回收唔知會唔會有少少錢收回 ? 交政府回收要幾多日前預約 ? 可否提供一些私人回收商資料給我呢 ?? 非常感謝 !!
LEUNG
車行一般都收，可能會有幾百蚊俾番你，但記得拿番「湯」車紙以資證明。
|
6/10/2005
|
又係新仔,又有問題
我想問問川崎ZXR同ZZR有乜分別? 其実係一架98年ZXR-250同03年ZZR-250? 機件,性能,同操控上有無分別? 係咪ZZR会好揪過ZXR少少(我估)? ZZR係唔係ZXR改良版?
Simon
兩款係唔同車種，ZZR係巡航跑車型號，採用直二機器，馬力只有35ps。ZXR250係跑車，採用直四機器，馬力有45ps。以練習和舒適角度來看，ZZR250會較適合。但要快一點的話，便是ZXR250。
|
6/10/2005
|
保費問題
本人今年年齡20,剛考到電單車牌3個月,,但對羊不感興趣,請問可否出250cc街車或其他..
望覆,謝
Andrew
應該可以，詳情請向各保險中介人查詢，聽講呢期保費平左好多。
|
6/10/2005
|
新手一問
想問９３年ＡＮ４○○有什麼好壞的地方和換什麼車呔，皮和偈油是最好的？
謝謝
ＣＣＴ
93年冇AN400.....你意思是民國93年？輪胎，剎車墊片和機油都有不同級數，應付不同用途，沒有產品是全面優勝的。
|
6/10/2005
|
轉數錶指示針升降不定?
你好!.本人是駕hornet250, 近日每當我開車空波時轉數錶的指示針是停在"1"數值的第一格位置,當行車一段路後停車時,指示針就會上升至"1"數值的第三格位置. 我明白這一點是WARM UP車後的情況,但細心看的時後見到指示針會在浮動不定,同時聽到引擎運作聲音的頻律不一. 究竟有甚麼毛病?
愛車人
熱車後怠轉高過正常，可能係之前調高了怠轉？如果冇的話，應該係檢查風格,火咀,生氣膠和化油器。
|
6/10/2005
|
怎樣處置沒用的電單車
我架TCB-125十月中保險及牌費便到期 , 我想買一些私人轉讓的二手車 , 但架TCB怎麼處理 , 我聽人說拆掉車牌及行車證推下山便可 , 這樣可以嗎?
Dennis
唔係化？推落山？有關如何合法地棄置車輛，請參閱「FAQ」部份。
|
6/10/2005
|
思域&大鯊王
點樣另有內情丫..?身有屎?大鯊王係邊度講過..?我要上去睇下先得..
龍少
據說係因為事主係P 牌但冇掛P，所以自己選擇賠錢了事....
|
6/10/2005
|
油泠，水冷
油冷車左停車或塞車時會煲車(煲水禁煲)越煲越滾，我的Ｂ１２現在連油池底佔口膠都滴油，盤頂必然漏油，怎麼辦，要自行加風扇才可降温，但為何設計會這樣的？
Ｂ１２Ｓ
即使係水冷電單車，都唔可以長期塞車。但過熱唔代表一定會漏油，除非砧口燒左。你部車似乎要換砧口多過係過熱？
|
6/10/2005
|
回覆show pass一問.
因為根據香港法例272章警隊條例內定明,如為便裝人員而執行職務,即需展示委任証...
只係長示而無話要比你拿上手睇,我諗係預你玩野架...點知你睇幾耐呀...睇一個鐘瘁都話睇唔清楚,又唔比番我點算.....
vfr800
明白晒，Thanks。
|
6/10/2005
|
Re: 思域&大鯊王
老編大佬，睇完"思域&大鯊王"，有D野想更正返。無錯市民係有權要求警務人員出示Warrant卡，佢可以慢慢仔細睇清楚上面o既資料，但警務人員o既責任只係去到出示張証俾市民睇，唔包括交俾市民拎上手檢查。警察係唔可以將委任証交俾任何人o架。事實上，就算俾你拎上手，你有真係識分真假？市民有懷疑最好都係打去該人所屬差館核對下佢身份。
唉~~~呢個年代show warrant卡真係完全無著數，只會死多幾錢重。呢件事件發生響大庭廣眾，又有第三者做證人，真差人邊會咁白癡大大聲講粗口又臭寸，萬一投訴起黎真係話入就入。
市民
OH!明白晒，即係話如果同便衣警察講借個pass來睇下，可能會俾人濕一身...
旁白係：「睇？睇丫拿！睇丫拿！係咪想睇呀？」
|
6/10/2005
|
賣車廣告
老編點解我比左錢賣車但係在直接搜尋找不到我刊登的資料既。唔該
kk
通常會有以下可能性：
過數紙冇fax或email俾番我地。
過數紙冇寫廣告編號，最好寫埋車款和聯絡電話。
如果做齊晒野，都搵唔到的話，可能係付款日期太遲，廣告已被刪除。
都唔係的話，便要俾個電郵去 payment@ibike.com.hk
留低聯絡電話及廣告日期及內容，自然會有專人跟進。
如果你見到份廣告，但不能直接搜尋，咁就要睇下車款型號有冇打錯，
或者在型號分類中有冇揀錯車款。你可以利用自設密碼管理及修改車盤資料。
|
6/10/2005
|
break皮
迫皮到期有咩先兆?
?
到期的意思係指損耗過多，主要特徵係迫力行程會長左，甚至制動時會有吱吱聲。
|
6/10/2005
|
ET 8
最近發現熄車後,死氣喉會發出"沙沙"聲,請問:車是否出現了問題? 請回覆。
Rookie
熄車後死氣喉會因為冷縮熱漲的關係，會發出的的聲，但沙沙聲就....
|
6/10/2005
|
回覆show pass一事..
任何一個大機構或部門都會有D唔生性嘅人存在,由於我唔係當時人,所以,無法平論事件真偽.
第二警察PASS係展示比你睇,而唔可拿上手睇嘅,記住..
VFR800
點解呢？唔拿上手睇，睇唔真啊？
|
6/10/2005
|
思域&大鯊王
其實另有內情... 大鯊王車主分別係唔同forum發表..都唔知點講好..唉,唔睇過你真係唔知真相..
Po
身有屎...冇計。
|
5/10/2005
|
氣缸平衡
老鬼師父你好:
本人有部bigone,每日凍車start著到後都要扭盡油門才能keep到一千轉,四五分鐘開始熱車後才能正常地提升番轉數(怠轉1500rpm),run順後其間熄車再開車都沒問題.因現在還是夏天都這麼難著到車,如果到秋冬時真的不知怎算.此車上星期已經大洗吸,換了火咀和火咀線,但情況沒有明顯改善.現在想問老鬼師父你如果從新seting氣缸平衡的話會否有幫助呢?
謝謝
sk sang@ktg.com.hk
氣缸平衡和風油位調較會在洗化油器後同時做埋,這才算完整清洗,少一項都無用,(是包埋的)返去叫佢攪番掂!
|
5/10/2005
|
怠速
小弟部超四現時怠速有1200至1300轉, 一波放極力子後, 不俾油都會照行, 不會死火
咁算唔算正常, 定是轉數太高?
請指點迷津
李小龍
怠速應在800~1200轉,你必須盡快調較極力子威也開埋位,或更換威也,否則會嚴重磨損極力子皮和鋼片.
|
5/10/2005
|
天，為什麼這麼慢?
你好﹐老鬼師父:
我部羊先前一停車就死火，經車行維修後，沒有死火，但由原來的最快110km/h，下降至70km/h，上斜什至只有40km/h，到底車行做過什麼呢?老鬼師父可否幫我話俾我知呢?
心急人上
無死火,但速度下跌太多,一係強行更改或調較化油器,一係裝錯起動珠!��
|
5/10/2005
|
雨后撻不到車
97 Honda 250 forsight，大雨后及兩個多月無用，現不能着車，已查fuse 正常、 試過用過江龍比電一樣無用，完全無声、無燈，只有鐘有電到，請問會有什麼問題？請指點。
Dickson dicksonc425@yahoo.com.hk
fuse是總fuse喎,30a的,如無燒就可能過江龍夾得不穩,就算著不到也一定會有燈!
|
5/10/2005
|
死火
我部車成日死火
majesty125
一停車就死火= =
俾住小小油就唔會
不過好煩
去車行整過2次都唔ok
點算阿
縮油死火只得化油器問題!
|
5/10/2005
|
思域&大鯊王
小弟在10月2號晚上10點半左近在旺角道經洗衣街途中目睹一宗令人可恥的行為,
事緣一名駕駛私家車(銀色思域)及另一名當事人(駕駛黑色大鯊王的司機),兩名司機在旺角道時已產生出火花,當時我一直在大鯊王後面,而私家車一直很不禮貌地在沒有打燈的情況下打尖,還不停向兩架電單車之間推進,
正因為當時放完煙花後路面十分擠塞的關係;當大家開車的時候,私家車還在後方跟著,意外就此發生,私家車從後左方抽頭而出(兩線轉右的方向)但大鯊王已在抽頭之前打燈向左切線,半架車已過線的大鯊王在已正常車速之下被私家車故意加速後碰撞,電單車在沒有跌下來的情況後停車,私家車司機便下車看損毀情況(司機立刻掛上警務人員的工作證)便問事主如果賠償,
那時我作為第三者的便說:(是私家車不對還在不斷加速下結果相撞,不應作出賠償);後來大鯊王司機不知如何是好的時候做出叫我不要干涉的手勢便對私家車司機說:(只好無奈地賠償一千大元);那時作為一個見證人的我已經沒有干涉的餘地,再沒有看一眼他們的車牌及警員號碼便離去,
在我準備開車的時間那警員還在大聲喝罵:(關你撚事咩咁撚多事)我便立刻回答:(警察大哂嗎?)警察再次回答:(吹吖!還問候我娘親!)我真的很氣憤,心跳不停加速之下便離去;在這?
坐U我想問問各下這是什麼的紀律人員?可否答一下小弟是否已放過一個衰人?還是應追究下去?我跟本未完全忘記過這種人渣!揸大鯊的是不是太過不了了之呢!!真是有理說不清!請還我一個公道好嘛!!
龍少
恕我直言，你地三個都係蠢人。如果civic果個真係警察，向古惑仔濫用職權就得，向普通市民濫用職權，係超級蠢。唔係執行職務而無端端晒pass，動機係乜？
第二蠢係騎大鯊王果個。即使係警察政府車輛，發生交通意外後都要按照正常調查程序辦理，何況一個自稱警察又唔知係咪休班警員駕駛私人車輛的交通意外？何況照你描述的情況看來，civic實在唔o岩，大鯊王冇理由會覺得自己錯。
第三蠢係你。既然睇到眼火爆，點解唔抄低civic車牌？既然佢話係差人，問佢拿個Pass睇下，抄低號碼去投訴佢。便裝探員的警察證件唔係揚下就得，有懷疑便要拿上手檢查。點知有冇作假？有懷疑甚至可以問佢可以打去邊個差館求證佢o既警員編號。身有屎o既人先會怕警察，只要你行得正企得正，點解要怕？
就你所講的情況，作為一個普通市民，可以去警察投訴科投訴佢濫用職權，企圖以警察身份在交通意外中獲取特別對待。也可以就近差館投訴佢駕駛不當。就係因為你係第三者，所講證供先係最可信。經一事長一智，下次咪輕易放過呢d人渣。唔好浪費左你一番熱血心腸。
|
5/10/2005
|
請教! 請教!
本人1年前楂過 runner 200, 楂左 8個月就無楂, 但楂4.6 接近十年直到而家, 本人想問:
1) 一年牌買架 400cc 街車會唔會好危險,
2) 街車 CB400SF 同 xjr400 邊架好d 同 馬力差幾遠?
3) CB400SF 好d 定 xjr400 好d? 但 CB400SF 價錢貴過 XJR400 wor!
runner
唔可以話危險，有好多P牌第一架車都係買直四400街車。CB400SF勝在表現夠平均，維修又容易，但講極速應該係XJR400快d(新車果陣)。
|
4/10/2005
|
油冷, 水冷
請問油冷車快定水冷快, 如cc一樣!!!唔該!!!
Chris
排氣量一樣的話，水冷機器通常都會較油冷車有較大的馬力。但加速快慢主要取決於汽缸數目，缸徑衝程設計和齒輪比率。
|
4/10/2005
|
CB1300
小弟係貴網近來見到有幾架CB1300出售，價錢貴過CB400小小，我想請教下，一年牌多小小買架CB1300會唔會好危險？小弟身高180cm，重超過100KG，買架細CC就唔係好夠力，還定都買不如CB1300，但係會唔會好易出事?
文
CB1300易用到你唔信。話說當年老編在某雜誌試車時，同場重有一架踢one一齊試騎，一齊U-Turn時，唔知係咪果位踢one試車員唔慣U-Turn，轉細彎表現竟然重差過部CB1300。你有咁強勁o既臂彎，有馬係手，扭唔扭係你o既事姐。
|
4/10/2005
|
請教 !!
本人想買一架越野電單車,唔知邊隻嘅扭力比較好同有咩好介紹?
edmond edmond2001@sinaman.com
扭力與排氣量絕對係正比關係。你唸住搵幾多cc到呢老細？
|
4/10/2005
|
無牌費想賣車?
老編大大, 我有架車放左係到好耐無抯 , 而家想賣 , 不過牌費同保險都過晒期 , 我想問下有無方法可以輕鬆d唔使再買保險來賣車呢?
文
唔騎出街咪可以o羅。叫買家上門睇。到成功賣車時買家先需要買牌費和辦理保險。
|
4/10/2005
|
新仔上路問題多多
老鬼您好！本人用的是BURGMAN, 一直用架車表現都好好, 但近日有D問題出現(跟時間先後,順序發生)
1. 有時凍車後, 撻車後,無比油, 3-4秒後死火, LEE個情況時有時無
2.尋日油錶到白區尾,但剛未到紅區(無油?)發現定油70KM/HR有 油情況,時快時慢
3.同時,當車到紅綠燈停定後2-3秒死火,撻好多次都唔著, 之後見燈位要按BRAKE, KEEP住比D油先揸到油站,
4.當入完油後見收據入得7公升, 明明油缸有10公升容量
入油後,情況3無了, 但情況2重時有發生
老鬼帥傅, 以上情況會唔會同我偈油過期有關,定係其他問題?`可以點做
請用1,2,3,4 代表問題THXTHX!!!!!!!!!!!!!!!!!!!!!!!!!!!!
新仔 MATHEW@IEAA.ORG
1,可能雖要檢查個自動風chock制!2,檢查火咀同化油器,有機會直接影響1的, 3,可能係因為無油電油泵開始索唔到油引致,!4, 不能清缸油錶不可盡信,3升係後傋油用完就要推車!
|
4/10/2005
|
PX200同一些小問題
我想問下呢97年px200有冇計油換嫁,因為聽人遘係冇計油換嫁因入2t
仲想問下私家車就睇年份來驗車丫,咁電單車由點嫁呢??
唔該晒~唔該晒~
px cheung1881@yahoo.com.hk
電單車出牌後不雖驗車,除非牌費用完後過左兩年或比亞sir睇你唔順眼(係因為你改車),又或且比綠色組織話你噴煙臭親佢啦!2沖只雖換波箱油便可,唔明可到代理詢問!
|
4/10/2005
|
熄匙不死火
本人駕駛TW225，最近出現很奇怪嘅事，就係熄匙後把鎖匙取出，引擎仍然啟動，但頭燈、尾燈、指揮燈則正常cut電，用𨫋匙、死火制、惻架死火制都無法熄車，夲人亦嘗試取去車房檢查，鎖匙膽正常，死火制正常，側架死火制正常，又無FUSE燒咗，無法找出原因。最後會唔會係壞腦呢！但係我架係04年制造嘅車。另外最快車速去到110KM/H，這昰正常嗎？因為車主報告中顯示可去到120KM至130KM/H，最後TW225的頭燈光線弱(35W/12V)，但其燈線很幼、電池及整流都好細，換燈膽又怕超負笴損壞整流，換HID燈可以嗎？有無合適型号(指燈膽型号)，有咩牌子推介同價錢多少。
YIN YIN59149@yahoo.com.hk
有否改裝頭份或電池附近組件?以至不能跟到電線顏色,匙膽只有長短火,一定是中途有線駁通左,否則不能有電到電腦!頭燈不能改燈膽致高w數,除非整枝更換,但如果日後會改細電,咁就唔好攪咁多,車速我想差不多..此車只是玩款!
|
4/10/2005
|
死火問題
你好!!本人楂的車是台灣YAMAHA RS100 買了差不多一個月，不知何解，每日撻車時過了數秒後部車自動死火，重撻後要比住小小油先唔死火，之後找個師父睇睇，佢幫我較快了個slow，但過了一日後又是這樣，是不是slow較得未夠多還是火咀問題呢??
Allen macau_allen@yahoo.com.hk
slow 應快些小,但尾轆不能快到自轉,火咀,風格,風油位都有影響.
|
4/10/2005
|
PMG 3
請問Honda PGM 3 原廠新零件 由機器上至下 在那間車行找得到呢？
感激不盡！！！
祝
工作愉快！
CY zzz20029413@yahoo.com.hk
更係代理燦基!
|
4/10/2005
|
"tart"唔著
本人是香港人，現在到澳門進修，剛剛買了一部接近十年車齡的"光陽 100cc"，購買時只是看到車的外觀，並沒有試車，賣方說它會行會走，過了兩天取車時也沒有問題，但取車過了數小時後就很難"tart"車，找路人幫忙他用腳一"tart"就著，後來國慶回港渡周末，星期一再用車時只能用腳tart，而且還tart了好多次，勉強駛回賣車的車行，老闆給我們換了新電池，之後短短時間內部車變得很"生猛"，可惜過了一晚之後老問題又再出現，而且連腳tart都唔著，腳tart個制都好像有些故障，除"tart"車有事外，其他看似正常，究竟部車發生乜事，請多多指教。
David david_lui93@yahoo.com.hk
只是差電係統問題,只要佢換電池時同你度埋整流便知道!而腳tart只是掃牙問題,維修不會很貴!
|
4/10/2005
|
油冷, 水冷
請問油冷好定水冷好, 兩者有邊方面唔好???唔該!!
Chris
水冷比較複雜，又有水又有風扇咁，舊車會多野跟d。但因為水冷較其他方法更能穩定引擎溫度，所以引擎壓縮比可以做高d。油冷較簡單，唔怕水滾，但壓縮比唔可以咁高。以日常用車計，水冷車和油冷車冇乜分別，因為引擎會因應唔同冷卻系統而在設計上作出適應。
|
4/10/2005
|
新車
我想問在主頁中的一個廣告中看見韓製GT250R，唔知有冇現貨睇同大約要幾多錢呢？
新品白老鼠
唔清楚，新車話十一月先到港。
|
4/10/2005
|
揀車一問
本人十年前楂過Across250 同 93 CBR400, 楂左兩年抄左鑊, 就無楂2.6, 轉左楂4.6一直到而家. 最近, 見d 2.6 咁鬼靚仔又心郁想出返部, 想問:
1) 現時600cc級 fairing 車, handling 同以前 CBR400 差幾遠? 易d 定難 d? 因試過騎常部ZX6R, 好鬼大部好大壓力.
2) 600cc級街車又如何 (e.g SV650S, ER-6n)?
3) CBR150 掂唔掂? 會唔會衰過部 Across 好多?
4) Aprilla RS125 又如何?
謝謝老編回答
小星
你雖然以前玩過250/400，但係因為炒車而抬出場，事隔八年先可以抹走陰影，但駕駛技術回塘至那一個程度，真係無人知。現今新款的600好輕巧好細架，操控同以前d400唔同o既地方係座位高左，同埋把手距離近左。
如果你冇玩車八年，真係唔建議你一出就出部600，但係又唔使退到CBR150R咁激。話晒你知道電單車如何駕駛，也有豐富路面經驗，只欠身體和大腦要重新協調和適應駕駛電單車。不如揀一架冇咁快o既車，練下轉彎先啦。250-500雙缸或四缸四衝機器都適合。如果你一定要搵跑車，咁Aprilia RS125都係一個唔錯的練習對象，玩得一年半載先出600跑車。
|
4/10/2005
|
想買3仔
本人想買3仔應該要留意d咩呢?(px200岩岩除p牌)唔該晒~唔該晒~
px cheung1881@yahoo.com.hk
都冇乜邊瓣唔使留意。
|
4/10/2005
|
ET8
有冇得check下咪錶有冇比人攪過?另外我未考到牌就買左車,而家冇哂電,腳撻又撻唔掂,想問問應該點撻又或者我可唔可以用12v charge番佢,應該正駁正 負駁負,定係相反?唔該哂
ET仔
行車里數只是一個參考，還要看車身其他狀態來作出評估。即使唔撥錶，拆左咪錶鏈一樣可以達到減少里數的目的。叉電當然係正駁正，負駁負。
|
4/10/2005
|
大鯊同t-rex
請問老編~呢兩架車邊架耐用d~邊架唔使成日維修呀
亮
睇你粗唔粗用而定，任何車都係，最緊要有零件換便可。
|
4/10/2005
|
PX200同一些小問題
我想問下呢97年px200有冇計油換嫁,因為聽人遘係冇計油換嫁因入2t,仲想問下私家車就睇年份來驗車丫,咁電單車由點嫁呢??唔該晒~唔該晒~
px
二衝機器冇偈油換的。電單車登記後也不會按年份來再次驗車。
|
3/10/2005
|
頭盔一問
坊間頭盔價錢上落相差好大 (幾佰至幾仟),請問是否貴的真是好D.日本又是否真的最安全/規格最高,有沒有推介 / recommend 給一些意見 !!!謝謝
JJ
安唔安全係睇規格而定。【知識技術】內有幾篇文章講述頭盔的安全規格。你買頭盔時可以檢查後腦的標籤。日本頭盔並不一是最安全，但帽形適合東方人頭形佩戴。
|
3/10/2005
|
what is fun bike
老編 what is fun bike
泛指250以下，四衝程風冷單汽缸引擎，低座位，線條簡單但用料精美的棍波街車。
|
3/10/2005
|
懷疑於城墜影想
想問城墜有冇快相影?城墜內影快相有冇閃光燈呢?
光
你係咪想講「城隧」？老編少去果頭，唔係咁清楚。但應該有快相影，影相時都會有閃燈。
有懷疑可去【鐵騎會館】內請教其他車友。
|
2/10/2005
|
換車
本人現揸ET8，現希望換車，但因本人揸車技術不好和高度問題，很多車都唔夠高揸，對電單車認識唔多，想請問現時有咩車識合女仔揸，想轉街車或道航車。謝謝！
hermi
ET-8座位都好高喎...不如轉玩250Fun bike，又好睇又安全。
|
2/10/2005
|
轉波問題
老編您好!本人想知道，在車起步，由空波入一波時，有時會聽到"卡"一聲。聲音比正常的響，但不是經常發生。感覺就好像強硬地去轉波，很不爽。請問這樣會否傷極力子／波箱？？
車迷人
有"卡"一聲係正常，不過如果你覺得入一波好似夾硬入有勉強的話，便要check是否手勢唔好，或者係極力子威也虛位過多，又或是否到期更換偈油。
|
2/10/2005
|
N波都死火
你好,本人係抯99YAMAHA DRAGSTAR 400,有次在燈位停車用N波,等左5.6秒左右架車突然死火,跟住都唔敢停車用N波,唯有合實離合器,跟住又冇事！THANKS.
JACOB
如發覺經常死火而合實離合器就冇事,一係slow過低,一係極力子制有問題!
|
2/10/2005
|
CB750跣極力子問題
你好,我試過有幾次高速轉波(7千轉以上)會出現跣極力子問題,不過都只是偶然才會出現這問題.
我想請教一問我是否可以再用多段日子?
維修費用大概多小?
THX
TOM manlee924@yahoo.com.hk
7千轉以上,黎換不遠,可等到換偈油時一同更換.
|
2/10/2005
|
落雨死火
老鬼您好！
本人用的是大鷹王 200 ，新車買了約２年多，但不知何解這２、3 個月來，是否太多雨水關係，每逢雨天行了大約 5 - 6 km 後，架車便會突然死火 (全無預兆的，十分危險)，要重撻幾次著車後，又行了大約 5 - 6 km 後，架車又突然死火，如果要走 20 km 的話，如是者便要死火及重撻幾次才可到達目的地；但好天時，架車十分精神，馬力冲配，十分好渣，原全判若兩車，請老鬼師傅斷一下症。
lucky 仔 luckypchow@yahoo.com
可以檢查coil,火咀線,火咀cap等,可能是漏電引致!
|
2/10/2005
|
我部CB 400 VS 漏電油!!
老編你好!
小弟今日撻車後發現近化油器位置有電油滲漏滴出(大約每秒1至2滴),請問我部車有什麼問題呢?維修費大約多少?因我好少揸,大約兩星期揸一次,此問題是否因我少揸而導致呢?請老編指教!謝謝!
dee wanpolo@gmail.com
要看清楚化油那裏漏油,就必須把它取出,可能是坏底,中間t咀位,或油喉,可當洗化油器一起更換!只是o-ring夠期,並不代表小用車引致.
|
2/10/2005
|
re runner 漏油了
1)是否條油喉甩左都會做成這樣呢？
可能條油喉漏油 因老化 ＄１２０
2)如更換副油壺，需要放晒d電油出來嗎？
最ｃｈeap 450 but not include 人工
alan badmosquito903@yahoo.com.hk
|
| |
|
|
|
 |
|
