|
|
|
FAQ常見問題 |
|
|
1/9/2005
|
生死只差一秒鐘!
小弟今天照舊渣愛駒放工由觀塘去葵涌方向,近美孚落斜位轉彎時險些俾架5.5噸大貨車當場夾死,我行緊快線大約75km落斜,架5噸半行緊慢線,本來大家各有各行,點知突然間個貨車佬在我的正左方向係咁一野燈都唔打轉埋快線,
小弟渣咁多年車都未嘗試個有這種離死亡咁近的感覺, 我當時個心好寒(真係咁大個仔都未試過), 當時我即刻諗計,比油向前? 立即收油? 我直覺係第一時間收慢油俾佢過,卒之我在貨車的車身同右邊的路中石壆隙縫執番條命返來(同佢最近的距離相信唔足半尺位),
以後渣車一定要更加小心大貨車,電單車相比之下實在很渺小,簡直好像雞蛋撞車頭,咁樣俾佢撞埋黎肯定粉身碎骨. 我冇記錯最近先有對情侶死係呢段路上,結果係一男一女再加一隻"戰羊"當場死亡.上左頭條新聞.
B12
|
31/8/2005
|
小西灣橋底
今日下午五時左右見到有兩個警察行來行去根住寫薄 唔知做乜
大家泊果到既小心小心
路人丁
|
31/8/2005
|
pizzahut車手回應老編
渾身解數就誇左D,部車極限都係有限,其實個尾箱有個火牛,可以令到個pizzabag keep 溫度,老編你下次叫pizza食時記住比tips哦.上呢個網既同事,講下自己點樣渾身解數啦,哈哈.
^.^
比較印象深刻o既係以前係置富商場見過車手返回停車場前先來一個stoppie，跟住下一個車手出停車場又起一起頭打個招呼，簡直係....敬業樂業呀~~
|
31/8/2005
|
hi 老編
我部HONDA-STREAM 125CC 車,ENGINE-OIL...發現有好多粉碎...行左15800 KM.......要MAINTAIN 嗎?
Dick
似乎幾嚴重，俾車行睇睇好d。
|
31/8/2005
|
CBR400
IBIKE內找不到CBR400座高? 可以TELL ME 嗎?
CBR400多不多野壞?
矮仔 sam20041001@yahoo.com.hk
好似係750mm高.....高年份的車實有野壞。
|
31/8/2005
|
re GN 250
小 弟是老單車迷己二十年見盡不少高 人,高人曾對本人說能玩盡D細車,好似TZR125個D車種,才轉玩大車所以個人見解你係快抯 架爛車都係快架la thx
過氣車迷
鐵殼薄餅羊就係典範喇，為左令到個餅可以熱辣辣咁交到客人手上，車手們都施展出渾身解數，把車子推向極限作出超水準演出。
|
31/8/2005
|
Re: 細細粒Beep
你出左車,多數去那? 等我叫埋親友避．．．．．見你話好Ｈｉｇｈ, 令到我等老電老屎忽,回想十幾年前都好似你......依家都渣到麻L木, 有米寧願玩46.
魯獅佛
平有平玩，貴有貴玩姐...
|
31/8/2005
|
ZXR 400 優點&缺點!?
麻煩老编先生,我只有一年駕駛經驗,剛買了一部ZXR400,雖然我日日都會駕駛上班,但我知道部ZXR400優點&缺點在那?要那一些基本的補品要補等,若我想換死氣喉的話換什麼類型好?(我想改穩定些)...麻煩了,老編先生!
neo.
係咪有兩條洗衫喉隊入油缸果隻跑車款ZXR400？弱項便是不適宜作天天上班用途o羅：)優點是400級跑車中操控最似大車o羅。睇左【車主報告】未？
|
31/8/2005
|
fork 油
老編你好! 小弟想問如果頭Fork 冇油, 會對車本身和操控有什麼影響?
Hello
彈弓冇左油壓，便會彈下彈下，重心變化太大阻礙操控
|
31/8/2005
|
頭盔
我是一名新手,想問問如頭盔內棉不能除下點樣清潔頭盔,可否用水洗?謝
嘩有排先晾得乾...懶人快速乾洗法：噴酒精！
|
31/8/2005
|
fairing車
何以多數fairing車的座高都over800mm?徐pgm外,有無d低座高fairing車介紹?fairing車如何起頭?如何沿地打圈?謝謝老編andibike...
矮仔 sam20041001@yahoo.com.hk
高座位有利彎向操控，所以現在的跑車無論造得如何細小，座位都有810-830mm高。起頭和打圈屬於高階高危動作，睇過就算，最好唔好立亂試：細車起頭可以利用彈極力子的方法起頭，大車純綷質油便可起頭，兩者都應該利用前制動壓縮頭叉避震，把握避震回彈時彈極力子或質油。打圈由burn胎做起，當可以控制到一路burn胎一路慢慢行車時，便可以開始調較轉向，做到靚便是花式donut。
|
31/8/2005
|
無奈
老編你好,本人玩26已經十幾廿年,約兩年換新車一次(一架比一架大CC)但好景不常,今年初已由新界村屋搬至九龍某高危偷車地區所以立刻將心愛的CB1300賣掉,只換回bandit650一部(偷左都無咁傷)...我都想買STX1300..TUONO RACING..BMW..但睇番偷車report立刻淚兩行,警方從你們上次meeting後都無什突破..失車數字相約,各大車行只好目送我們這班付得起錢但唔敢買的人遠去!!
現有小小建議向警方提供:
買幾部熱門失車(cb400vs..舊車)裝上GPS system..放在三數個失車熱点..守株待兔,好過乜都做唔到!!(如資源不足..徵用民車咪得Law..^ ^)
一個花得起但怕的人上
之前聯盟開會席上有警察提議過，但席上又有警察提出反對，驚真係唔見左瀨野喎....
因為GPS都唔係萬能，入左密斗便收唔到。
|
31/8/2005
|
RE: 亞士厘道被Cut電單車位
我都覺得正苦行政決策上係失當，鬼咩，d主任級人員個個都七八萬蚊一工，佢地係街剩係知道四個look 既需要，同埋d舖頭既要求，就係因為佢地見到既環境(佢地好主觀架):
1.有好多大車停係度。
2.兩排都有電單車位。
3.有好多車去到盡頭，發現掉唔到頭。
4.仲有好多私家車想駛入條死路。
5.錯覺以為係老電一手做成。
d 區議員更加唔會順我地d 2 look 意思，未搞到咁law，我都覺得cut 左位之後問題會更嚴重，但係就算我係正苦做佢都唔聽我地d 低職級既人既說話~~
之後情況冇改善隨時連個位都冇埋呀(佢地唔會禁大車入黎架啦，人地大大間舖係到搵食，我地渣老電冇人企係果樹say no 嘛)。呢個香港就係咁唔公平，就好似係d村口空地加建咪錶車場，d圍村佬出一句聲就唔敢做野啦，正苦都係欺善怕惡架啦，睇下幾時大家頂唔順咪出黎反抗反抗啦~~~
知情人
|
31/8/2005
|
RE:廣告H人
小弟都有這樣的感覺,除此之外,價格亦沒有下調,幾年來的價格好像從來沒有變過(看看SUPER超就知道了),相信多post十年亦是一樣,賣車?誰買?繼續炒炒...炒作吧
小超人
價格由供求決定，冇計。家下原油狂升，油價越來越貴，應該會有更多懂騎26的人回流鐵騎士行列，如果真係多左人買電單車的話，二手價錢會更加硬淨。
|
31/8/2005
|
台灣車展
我果日去左台灣 好彩冇去睇車展 我知大多數係四個look冇去睇 台灣現在都係綿羊多十年前都係 大車好小見去左四日見到大車行街+車行唔過30部 R1 SV100S 都有 不過主力都係綿羊 泊車不成問題泊足一絛街今長都有 香港唉冇位 重有分享天鷹飛機千其唔好坐其他公司冇位先買左 我去等左7-8個鐘先上到機 返都等左十幾個鐘先上到機 今就冇左日幾兩日慘 本來想影Ｄ車相給你不過大趕了 SORRY=.=
醬爆
thanks，下次再影過lu…
|
31/8/2005
|
1手或2手衫
請問各方車友,能提供那裡有Runner-SP的全套fairing買,一手二手也可,深圳亦可.約幾錢,因本人的車在排骨位被人推爛fairing,無乜錢去車房換,想自行更換,如能提供,感激不盡.
木仔
|
31/8/2005
|
Re: 新手換巡航
兩架都係所謂日本返新車, 0 字牌薄.一架 98/03, 一架 99/03, 其實分別唔大.咁即係睇錢?電鍍既野點保養? 係咪用省銅膏? 但係用得多會唔會整走 D 電鍍? 就咁用完之後#25274;干架車定期打臘水又得唔得?另外後坐乘客方面的舒適又如何?
文
如果兩部車都係精精神神機件企理的話，都係睇錢份上喇…電鍍常保乾爽打下蠟便可，千企咪用省銅膏呀。
|
31/8/2005
|
廣告H人.
老編你好,請問可否改一改車行車盤的刊登方式?小弟覺得有幾間H車行用佢地的"容量自由"來不斷賣D過期車, 果幾部清朝機器都走咗唔知幾多年,D "H"車行重重複又重複地番post!大佬,其中有幾部我識的人買了都年幾兩年,但果D "H" 車行重賣緊廣告,重要日"L'日update 頭位, 大佬! 一來咗"L"往人地比錢出post果D私人盤,二來連二手車盤位都玩弄斷.實在不知所為,太唔公平!
robert
我地有機制平衡各方面利益架 -->>你可以淨係search心水車款，或者揀選私轉盤觀看。車行日日親自update咁勤力，我地冇得阻撓。之前試過唸用random方式顯示，但又怕d人搵唔到最新盤....你見呢期【買賣搜尋】係咁改版，就知我地唸緊計仔，讓各方都各有所得。
|
31/8/2005
|
RE: 亞士厘道被Cut電單車位
點解會u turn唔倒先?因為這處經常有私家車停泊不特止,又時常有車上落貨!根本係46阻46!!我都試過俾車阻住入唔倒去泊位!!但真的關電單車位問題嗎???我地縮得越入,咪越多46泊在此,情況最終都冇改!同埋點解要在這u turn呢一眼看埋去都清楚是掘頭巷,你仲駛入去......(等人,上落貨etc)!!
這個措施,本人有所保留,請多包涵!!
賢少
|
31/8/2005
|
re:路人甲
當有D騎士玩到部細車山路無問題,公路唔求用時,就好自然改玩大車,當果D車手用大車玩山路都無問題時就代表這車手完全升級了...自然定律....請問要把細車在山路快要有幾難呢? 要把大車在同一山路上快又要有幾難呢??我會覺得要把大車起山,公路都可以好快先係高手..我的想法可能同我手車差有關,如有不對請見諒
WarJunkie
手車快冇乜值得自豪，搵錢快先係叻仔！
|
31/8/2005
|
零件問題..
請問04 同 05 的CBR600RR 風鏡是否可以交換安裝? 另外代友一問, 98 同 99的R1 Fairing 是否相同呢?因為怕再浪費金錢了....Thank you.
Robert
你問代理重準喇...呢度冇啡呤賣架…
|
31/8/2005
|
換車一問!
CB400S、SV650S、Z750S，老編如果買新車你會怎樣選，其實我想了很久有點怕買本田車了，但其他車找零件會給本田難找嗎??
愛上半截風擋的人
唔知你技術水平、玩過咩車、有乜用途、抱咩期望之下，好難話邊部車適合你喎？你送俾老編的話，梗係要Z750S喇...不過你重講漏左一部好車喎 --->> FZS600，都幾難揀...
|
31/8/2005
|
RE: 亞士厘道被Cut電單車位&GN250
鬼咩！D冇錢的又要渣46的傢伙停係度等人,D送貨的大佬貨車又停係度，仲有D唔知點考個車牌返來的人夠位三手軑掉頭可以十幾手都掉唔到頭所以要cut小數民族的福利囉！GN250係好野不過要來改裝似乎草上飛Big Boy 好改D（除了加尾箱）
細路
|
31/8/2005
|
考到車牌o拉!!!
考到車牌o拉!!!想請問老編...因小弟怕維修問題所以會買新車...而又想部車耐用D..想問400cc車會不會比250cc車耐用呢?(因我想買了它後會抯返好幾年)多謝回答!!!
p.s:我會買街車
VAN
答案係視乎咩車而定。不能夠話400一定會少問題過250。400全新街車冇乜邊幾款揀...你的心水係...？
|
31/8/2005
|
矮仔揸fairing
本人1.66米高,like揸fairing車,but,我腳短停車不能全腳店地,好無安全感,(本人從前揸pgm3)now wannabuy R6(重高)請問有無得改seat位?i think 760座高啱我and 好多女仔.
矮仔
R6即使刨seat位都改唔到760mm咁低？加埋調軟避震預載，盡晒人事...
|
30/8/2005
|
小建議
老編你好! 請問可否出一個專欄叫"洗cap diy"or"tune cap diy"呢?多謝回答
明仔
你意思係指清洗或調較化油器？部部車都唔同，而且呢味野功夫和經驗都好重要，想睇完就即刻識做，有d難度喎....
|
30/8/2005
|
Re: 考到車牌 lu ! ! !
係hk駕駛XX 學最快都要5-6個月先可以考到牌，仲要筆試，強制試同路試全部一take pass 晒先ok. 仲要考路試果日冇落雨等天氣問題令到考官要取消考試先得。近排每日冇la la落雨之後又出太陽，搞到有d同學考唔到，最後要再排期考過，並要等多1-2個月先有得再考咁就爆痛苦la. 雖然話唔洗比錢再排期考過姐﹗但點都要比d錢補堂ga. 里d又係冇la la 要支出的錢同時間la.
所以我今次考試冇落雨真的要多謝主啊﹗
我會係下星期買部 CBR150R 平平地渣住先，還惦P排唔可以過70 同載人，練好d路面經驗再諗過其他車﹗
講到里到，可能已經有人知到我的真正ga身份啦﹗............
細細粒BEEP
滲少少聽下丫？你係邊個jet？
|
30/8/2005
|
馬力不是代表所有
車友其實無須花大量金錢來改自己的愛車 希望可以再快一些 我覺很無謂 現今的日本電單車已經很完美 換條靚呔乜都夠啦 如你發現飛街或飛山 總是話自己部車唔夠人快 其實檢討一吓自己的技術和心泰仲好啦 各車友有冇見山間中有啲細T上落揸到很快呢?
路人甲
|
30/8/2005
|
Re:MotoGP捷克站
WONG Ho Ying 多謝你
LG an400
|
30/8/2005
|
RE: 亞士厘道被Cut電單車位
其實路政署之所以cut 左果度d 車位(電單車位係路政署劃的)，係因為果邊經常有人投訴，一架私家車都u turn 唔到，所以惟有cut 左佢，而運輸署亦鼓勵電單車主使用中間道多層停車場。(當然我也唔太讚成啦，一d都唔就腳，但係冇辦法，正苦做野就係咁，只係聽到有錢人既聲音，我地想要多d 位都有排等。
知情人
|
30/8/2005
|
RE:如何在轉低檔時防止後輪鎖死
謝謝老編回答。再請問轉低檔次右手呼空油門的動作除了增加引擎轉速以求達成暢順地轉檔之外，可否有防止或減少後輪鎖死的機會？
Al
增加引擎轉速的目的，便是要防止尾輪跳動或鎖死。
|
30/8/2005
|
re: 考到車牌 lu ! ! !
您2月中報名...等到而家先考到...
我8月頭先黎報....而家仲未考筆試...都唔知要等到幾時先有牌...
漫漫長路..../.\
咁您有冇心儀既電單車款呀?
飯仔
|
30/8/2005
|
hi老編
我想問,如果我手日日都飛車,但又無外到告票,咁係咪會沒事呀?定還事會到續牌先知道?
dick
除非車輛的登記地址有錯，否則俾人捉到的話，一定會收到告票，唔駛等續牌先知。
|
30/8/2005
|
買車買車
如果學牌想買二手車，係咪一定要有保險單先至可以轉名同出牌簿呢？因為有架二手車好抵買，我想買了後先泊係停車場，到正式考到牌先買保險，咁得唔得呢？
車輛轉名o既時候，運輸署會要求新車主提供有效保險文件先可以成功過戶。所以要搞保險。
|
30/8/2005
|
第一次
第一日上路試,第一次出街,心情既緊張又興奮,阿sir叫我地跟貼D,唔係會比D車JAM入黎
奈何前面果個舞龍咁龍,自己又唔係好叻,所以保持一D距離,o係一個位我地左線轉左
臨轉果陣有架Ben屎o係中線cut埋黎,我個人果時同佢車尾平排,第一個反應係比油跟番車群(不過我冇)跟住就諗到你地成日話o係條路度只可以信自己,o岩唔o岩都好,死o既傷o既都係我地自己,o係學院漫長排期o既等待中,o係ibike睇下人地點撞,點跌,點比老編鬧,都可以學到下野o既~~~
Dash
老編冇鬧人呀~~~(不過有時又「語重心長」左d既...)
|
30/8/2005
|
Re: 考到車牌 lu ! ! !
好開心呀﹗我終於考到車牌 lu !!! 我由今年2月中報名，到現在終於考到車牌，學左足足半年﹗等到臉都青﹗下星期 law 牌後一於去買車﹗ :d
===================================================
恭喜晒﹗好明白你現在的心情﹗我等緊攞牌果幾日已經忍唔住買左車。
仲要 P 多半年
|
30/8/2005
|
想換車
我想問一問 Burg文 AN650 和 AN400 一公里 油費 幾錢? an400 可否坐一個150 lb的我 加 一個200 lb my fd 上山頂 會否好辛苦 ? 我現有的是runner 180 一個人 我以覺醒他好辛苦 .......thxq老編
祝大家出入平安
kei
油耗數據每人不同，可參考【車主報告】。AN400當然可以350磅雙騎，辛苦又唔講得，不過都唔會太自在。
|
30/8/2005
|
請問咩叫電單車減速比（1次／2次）
如題答謝!!
P Man
第一次係指由引擎曲軸去到波箱之前的初級減速主動齒輪的比率，第二次係指落到去尾牙的比率。
|
30/8/2005
|
手換車巡航
本人家下抯緊 150 羊，近日想換架 Magna 250。最主要原因係上公路吃力同埋後坐乘客坐得唔係咁舒服。因為個人唔係咁鐘意大羊既關係，睇中在兩架巡航，一架第一手車主買返尼 8000 行到 11000。一架第一手 8000 行到 18000，但係保養就一定第二架好。第一架好大機會係買返尼無乜點抯過，D 電鍍野有 D 銹蹟。但係係唔知自己唔鐘意抯定係抄過所以唔再抯。如果車本身無大問題，有乜 Suggestion? 係咪點都一定買少里數個部呢?
電鍍野會唔會好難執得返靚呢?就上公路同埋後坐乘客舒服問題，Magna 會唔會好 D?
文
一萬一千公里和一萬八千公里，對於日本車來說沒有大分別。而電鍍的保養稍一怠慢便好易生銹，老編的看法反而是年份，前任車主數目和價錢才重要。行貨？水貨？都有分別。所以應該揀年份最新，價錢最低，手數最少，又係行貨果部.....即係邊部呢？
|
30/8/2005
|
考到車牌 lu ! ! !
好開心呀﹗我終於考到車牌 lu !!! 我由今年2月中報名，到現在終於考到車牌，學左足足半年﹗等到臉都青﹗下星期 law 牌後一於去買車﹗ :d
細細粒BEEP
恭喜恭喜！
|
30/8/2005
|
Re:唔好睇小GN250
𠲖......你都見到部GN呀!咁你有冇留意到一部大R1000,我咪係揸架1000c.c個四眼仔,我只係想講....電單車-個人技術比車重要好多.以我為例就算我揸架1000技術唔好一樣快唔過架GN250c.c....所以唔好話架車有馬就無敵(直路就係-但邊個唔識去丫).上面仲有架無敵細T添呀.....上山仲係頭車講你都唔信........
大R
|
30/8/2005
|
MotoGP捷克站，BitTorrent
http://bbs.100kan.com/viewFile.asp?Boardid=105&ID=240876
WONG Ho Ying
|
30/8/2005
|
買車問題
sv650s同bandit 650s點揀好?通常90%時間行highway,bandit就多sv7匹,但係sv就有水+油冷
邊部會耐用d?
B650係新車，未有長期用家報告，估計兩者都會頗耐用，而油冷車保養更簡單。老編揀B650S，貪佢有大架，直四偈，高把手。日常用車或裝尾箱都會舒服d。
|
30/8/2005
|
給上緊強制課的同學仔
我吾係高手,只係上左兩堂共八節強制課既初學者....=.="但係我有少少愚見想同D同學分享^.^
我個人覺得"起步,直行,轉波同停車"都難吾倒同學仔.最難就係轉彎,一來阿SIR只係問有無人吾識玩單車,而無點詳述點轉彎.跟住講下機器設備同用法,就玩平衡測試,然後就著車行大運.
我電單車生涯既第一個彎係雙腳落地既....因為怕跌.之後跌左一兩次,發現架車係吾會跌落黎壓倒自己,就開始大胆左.我發現轉彎一定要跟據車速而改變身位同轉向角度.
例如: 慢車左轉,只要轉下軚就可以; 快D定住油入,上身就可以跟住車身靠左D,再轉少少軚修正(但係博頭以上要保持水平望向出彎位置,如果吾係好易BALL-OUT); 如果好慢打八字就先要比油釣離合器,用尾殺制控制車速,而當你一轉軚,車身就會自然跌落你所轉既方向,所以要同時將腰以上保持水平望向出彎位置.(但係我覺得呢個動作好好笑,好似跳草裙舞^0^).
P.S.以上只係我個人愚見,如果有錯請大家比下意見.謝謝!!
阿仔
|
30/8/2005
|
Gn250改一問
我覺得Gn250同草上飛250有d似,請問噴Gn250個油江外,sit位換白色,係條頭fork到加唔加到個彈弓護膠呢?同埋頭燈?kit把手?我覺得Gn250都算係部好車,慢慢改都幾好玩.獨一無二既車都幾過癮,老編你同意嗎?
大B
老編用車唔喜歡引人注目，所以唔會用「獨一無二」o既野，最好架車泊係街可以同環境融為一體，根本唔會有人留意到就最好。
無可否認，改車的樂趣很大，但要做好心理準備：改車費用不菲，同埋將來賣車呢d改裝費用係收唔番o既。再加上大部份人買車都喜歡買直版，改裝車對胃口便係寶，唔對胃口便係草。所以改裝車轉售時，客路會比起原庄車窄。
|
30/8/2005
|
X8 or SYM250
I am a "P" boy and I want to buy either X8 or SYM250. Which one is better for me? Could you mind to give me some suggestions? I want a safe bike with comfortable settings. Please help.
BB
They are quite similar but Joymax 250 are more powerful than X8. You should visit Oscar's showroom and compare them by yourself.
|
30/8/2005
|
如何在轉低檔時防止後輪鎖死
如題。請問正確轉低檔技巧如何？謝謝
Al
柔順駕駛，拖到落二波之後，唔好再拖落一波便可。
|
29/8/2005
|
RE:唔好睇小GN250
佢落山掂, 咁上山呢?係咪好似頭文字個拓海咁, 落山無敵呢?gn都鬥贏跑車, 真係同86鬥贏gtr一樣,這種高手真係好想見下,超勁,唔知佢用部跑車時又會係點呢?其實羅絲手車係咪佢教呢?
求知者
|
29/8/2005
|
有關違例泊車抄牌問題
當拎車既時候, 布com 被揭開哂, 是否已遭抄牌? 因為我又搵唔到告票放係車到???通常要等幾耐先會收到??
新仔
俾賊仔揭起裙底「莊」過都唔出奇。
|
29/8/2005
|
RE:GN250
算把啦~~~好多渣老電既人自以為馬力勝於一切，當然，如果所有路都係好似入機場段路咁闊咁直的話，我同意絕對會係大馬力車既天下，但事實當然唔係咁！o係一般街道，大馬力電單車正常咁渣絕對無問題，但要去玩去快係需要一定既駕駛技術，「渣得郁唔代表渣得掂」既道理唔係咁多人會明，高估自己能力既人反而好多。
就好似改裝咁，玩得耐老電既人都應該清楚駕駛技術既重要性，改裝只係當駕駛技術凌駕於架車既性能時先至考慮，令架車更能配合自己；成日剩係識得責怪自己架車唔夠好、唔夠快，改呢樣改o個樣，但又唔會諗下自己手車去到邊度，得罪D講句，佢地可能連原裝車既性能都未能完全發揮到。
隔離檯
|
| |
|
|
|
 |
