|
|
|
FAQ常見問題 |
|
|
27/8/2005
|
re:大出血
好在你去check下架車，而家銀包出血小事，有事上黎，個人出血就大件事。
|
27/8/2005
|
慢長的半年 !
我現在剛開始停賽半年 !我想問問半年後拿返個牌 , D分點計 ?我5月有3分 , 7月中左一野50行110 , 理應扣10分 , 咁我即時停牌係咪會計我而家13分 ?咁我半年後拿返個牌咪都係13分係身 ? 衰多2分又停過 ? 即係要等多年半先無晒 ?但有朋友話停完牌D分會除消晒 ?
現在想請教下 , 等我有心理準備 !
PGM4 - 政
積分重新計過，俾你重新做人。
|
27/8/2005
|
想改色
我本身楂緊架vino 125 黑色,若果我想將成架車噴成其他色,得唔得架??
手續麻唔麻煩??係唔係要去運輸處申報??大約要幾錢呢??
vino仔~
可以。唔麻煩，應該唔使錢。
|
27/8/2005
|
大出血
部2手vtec1囉左返黎成個月, book左2個星期, 今日卒之落左x基大check, x街, 一check, 頭碟曲左, 迫力皮, 尾鍊, 波子盤到期要換, fork太軟, 要換fork油......嘩.....大出血啊
jj
|
27/8/2005
|
re 老鬼哥所講的色差
色溫是用來量度光或光源顏色的一種量度單位，單位用 K (Kelvin) 表示。具體點說，是將「理想黑體」不斷加熱，令它發出與光源相同色光時的溫度。
藍色的色溫較高，約為 8000K 至 10000K，被稱為「冷色調」 (Cold tone) ；而黃色的色溫則偏低，約為 2000K 至 3000K，被稱為「暖色調」 (Warm tone)。
以下是一些常用光源的色溫值：
光源 色溫(K)
晴朗藍天 10000 – 20000
藍天白雲 8000 – 10000
陰天 7000
早晨或下午的陽光 4000 – 5000
黎明、黃昏 2000 – 3000
電子閃光燈 5500
攝影棚燈 3400
石英燈 3300
鎢絲燈 3200
150W 家用電燈泡 2800
燭光 1930
kit
上緊攝影堂？
|
27/8/2005
|
新牌仔出車~
本人20~7月到考左電單車!想出架棍波車~~!!!各位有咩好介紹同意見可以比下我呢!!
同去做燕x牌費個d~又會大約幾多的la!!(本人有了一年的ran 仔車牌的)有那間會好點的la??
阿sam
|
27/8/2005
|
呢個政府...
呢個政府成日只係識抄牌,成個秀'謬'坪都冇個合法車位,到月尾小心d啦...羊仔係曉光街中左蕉喇
羊仔
|
27/8/2005
|
re: chi
人地話 "以往"
Tommy
|
27/8/2005
|
開軑
請問點為之開軑?
利用路面的磨擦力，把輪胎光滑的表面破壞。
|
26/8/2005
|
H4 燈一問
你好, 我部車係大鷹王200,(大燈係 H4 的 12V 60/55W) (細燈係 12V 5W)請問55W前那個60是代表什麼呢?現我想換隻光d既白光燈, 請問有冇好介紹? (除左HID)但係會唔會換左之後有影響, 例如燒電器 OR 燒溶插座?如果大燈OR細燈換既都係 12V 但係 W 數可能高左, 例如90/90W,那有冇問題呢?另外什麼是色溫呢? 因為我見有d寫住 4500 OR 6500 色溫?換了燈既話, 個燈罩頂唔頂得住呢可?多謝各位意見! THANKS!
60係指高燈,如裝正確的hid是沒問題的,雙反,裝90w90w就包你溶插,無電,燒整流巳乜都齊,另雖注意色差,唔係色溫,有牌子的hid係唔熱,色差是會影響燈的藍白度.
|
26/8/2005
|
各位你們好！我用的是B&W250，近日擰匙按start制時無反應，需要大力少少才可著車，是否個start制壞開始有問題呢？
芳芳
多數是接觸不良或內裏銅片損蝕,可用w40噴下試試.
|
26/8/2005
|
冷光錶板
我個冷光錶板唔著, 度過隻牛有60v output, 使唔使度埋有幾多Hz先知隻牛有冇燒架? 冷光片會唔會燒架? 同埋點check冷光片有冇問題? 謝謝
vin
check左fuse未,佢應該有粒玻璃fuse,隻牛60v轉幾多w?
|
26/8/2005
|
老編,06年CB750會唔會出新款??機會大不大??CB750是不是較CB400SF好??(耐用,加速力,操控,維修簡單)thank.................!!
PPK
暫時未聽到有新款CB750的消息，相信機會不大，因為沒有合適的跑車引擎接棒。力水當然係CB750足d，操控會係CB400SF好d。可靠性則兩者同樣高。
|
26/8/2005
|
re:百記亞b
Re: 3號貨櫃碼頭附近邊度可以泊車
我以往在3號貨櫃碼頭，在車塲入口右面 ，有一列電單車泊車位，
再右多少少，有一條用作控制車流的小路，都可以泊電
百記亞b
b哥唔好玩啦,我日日0係3 logistic ctr 返工,入口右面邊度有一列電單車泊車位?0個條係入3 logistic ctr 行人路,有種柱有食蕉睇住,再右多少少，有一條用作控制車流的小路,o個條係警方用作3號貨櫃碼頭對出有嚴重擠塞或交通意外時作緊急通道,每日都有速遞或交收文件老電作短暫停留,如落com擺成日預定$320比庫房,唔係海員俱樂部隔離難地車場點會0甘多老電
chi
|
26/8/2005
|
學牌買車
知道學牌有某D地方，某D時間有限制唔俾用車，咁究竟有無一張表列出限制的地點及時間呢？除了唔可以上高速公路之外，咁海底隧道同埋香港仔隧道又得唔得呢？唔該各位！
小羊
學牌梗係唔入得隧道啦。其他唔入得的地方都會有不準學牌進入的標記(你有考筆試o架？)
學牌買車，唔上得高速唔入得隧道，去得邊？係屋企附近兜下就得。
|
26/8/2005
|
RE: 紅磡體育館車位
在紅磡火車站多層停車場入口上橋位前面（不要上停車場天橋）有一列排骨位；但通常會滿座，最好早少少去，放工時間會有人走。否則一係泊尖東或紅磡的排骨位。
Chris
|
26/8/2005
|
Re: 3號貨櫃碼頭附近邊度可以泊車
我以往在3號貨櫃碼頭，在車塲入口右面 ，有一列電單車泊車位，
再右多少少，有一條用作控制車流的小路，都可以泊電
百記亞b
|
26/8/2005
|
TW225原子呔問題
老編你好呀!!!TW225如果要換原子呔,可唔可以用番鐵線軨,同果條肥仔呔!因為鐵線軨同肥仔呔外型靘D!!!thx...
唔可以。
|
26/8/2005
|
engine oil
I just recently moved to Hong Kong from the US, and there were a few questions that I was hoping you can help me with:
1) If I change my own engine oil, where can I find a receptor for the used engine oil?
2) Regarding spare parts, I've called a few places and it seems that most motorcycle shops only do repairs for the bike, but won't just sell the parts (or it wouldn't be economically feasible to). I was wondering if there were shops that only sell motorcycle parts so that I wouldn't have to pay the premium that most mechanics charge.Thanks.
airplanedriver
合法傾倒油站有：
1）九 龍 灣 啟 福 道 5 號（官 塘繞 道 橋 底 官 塘 方 向）
2）北 角 電 器 道 1 6 9 - 1 7 1 號（A I A 付 近）
3）屯 門 震 寰 路 5 號
買零件可以直接去代理度買。
|
26/8/2005
|
界限街天橋走鬼
各車友:
大子界限街與通菜街天橋底(近貝殼油站)近日可能被差人掃場抄牌，請留心。
靠近消息人士
|
26/8/2005
|
問 鎖
之前看到post有隻勁響的xxxa 碟鎖,係邊到有得買? 用幾長時間換一次電?
有無得set 敏感度?(時時響會比人罰$ ga wo好似 = =")
dtwo
|
26/8/2005
|
車位
紅磡體育館睇演唱會可泊邊處呀。謝謝
kk
|
26/8/2005
|
25/8/05二手YP250
唉,我再返去車行,佢又話波子盤鬆!我實在頂唔住搵左擰一間可靠的車行再Check車,師傅話隻頭碟要換,頭令要換(有d隋圓型),極力子彈弓軟左要換,睇怕埋單無二千蚊唔駛走!仲以為幫親車行買二手車會穩陣D.到頭來仲衰過幫私人買!
講左N咁多次：舊車不同新車，千萬唔好以為可以用舊車價錢，得到新車享受。買舊車一定要預錢執。
|
26/8/2005
|
P仔想買車??
請問CBR150R同PGO G-MAX250,你認為邊部好呢??我己前楂4個LOOK(大踢..損耗品勁貴呔.油.避震,)本人較愛轉波車(150),又想快得(250),綜合你會點拺>.<...
心急人...
以你的經驗和個性，點揀你都會唔開心。揀CBR150R會嫌唔夠力，揀G-MAX 250又會嫌冇波轉....如果預算不足的話，揀部二手250腳波車會好d。
|
26/8/2005
|
re:3號貨櫃碼頭附近邊度可以泊車
海員俱樂部隔離難地車場,$300一個月
chi
|
26/8/2005
|
老編你好呀!!!我想問你原裝TW225係唔係原子呔,如果唔係原子呔既話,可唔可以自己換原子呔呢!!!thx...
唔係原子胎，除非你換軨，否則唔可以。
|
26/8/2005
|
Re: 3號貨櫃碼頭附近邊度可以泊車
葵德街有一行排骨位，即係近住永得利附近，相信o個度會比較近貨櫃碼頭，但過o左九點就可能會無位。
葵芳返工的Chris
|
25/8/2005
|
壓縮比的問題
老編你好!想問(壓縮比)是不是越大越好,如果係的話,為什麼有時見到有一些匹數比較細的車(壓縮比)還比大匹數的車高呢?thx...
同一排氣量之下，壓縮比較高的車會有較高馬力，但同時引擎的熱度和所受壓力也會越高。一般都要用水冷散熱。
|
25/8/2005
|
求救
各位車友，有冇人知道3號貨櫃碼頭附近邊度可以泊車，我今個月轉左新工，唔知道附近有冇地方可以泊車，而且我又唔想泊係葵芳，因為係葵芳坐車要浪費好多時間。
jony jonyb13@gmail.com
|
25/8/2005
|
偷車
之前，在ibike常看到有關其他車友給偷車後的感受，是事不關己，己不勞心，但今天看見其他車友拑老電時，還是不能忘記自己架車，因有好多回億嗎。總之，班仆街撚屌要偷，佢地一定已早好research，你拍開邊個位，一早已mark好晒車牌型號，唔好彩又比佢見到的，多數都走唔NUT，仲有honda係偷車品牌中佔7成以上，需特別小心，唯有比多少錢買把勁野，甚至用大錨鏈，不能有曉幸之心。我就是一個例子，覩車一定要泊有管理的車埸，係起碼，否則必然後悔但已太遲。
火
|
25/8/2005
|
re:新手
如近深水埗試o下去桂林街黃色招牌o個一間我在哪處出車覺得他們跟修幾好收費都很合理！
路過的之 iiiooo@hkji.com
|
25/8/2005
|
LX150 vs GT200
咁同GT200比呢？
兩部都係好車(哈哈)
|
25/8/2005
|
re:致SKYWAVE650, 車牌KT823x 車主
正正因為有尼d粉腸，d人就覺個個抯老電都禁乞人憎，你死你事啦，分分鐘累街坊之餘，仲要警察做多好多野，除左滿足到你充滿自卑的弱小心靈外(情況有如你當眾自x，只有自己得到快感)，我實在想不到KT823X車主你在世上生存的價值。
路人
|
25/8/2005
|
我係新手,我架車前兩日開始有D問題。每當我慢車時我發現個軑唔係好定好似兩邊搖來搖去咁，但每當加速超過20 km時此問題就沒有了.我想起兩天前因雨後多爛路不小心駛入左一個洞大力地等了一下.是否會等爛車軸的滾珠.....如果是的話有冇得換定要成係頭輪換左佢。
只雖檢查頭轆,頭轆啤呤和波子盤便可.
|
25/8/2005
|
水溫高
本人架TDR250二冲車，水温很高和水箱Ｄ水入咗又好快冇，又要再入，未知是否有問題？
小飛象 alslal1962@yahoo.com.hk
已經是燒諍口,要起盤更換.
|
25/8/2005
|
二手YP250頭鮑問題
本人於月初在大角咀安X車行購買了一架二手YP250,初頭都發覺用頭break有d脈搏跳動,但因為本人是新手,又心急取車.又因個多星期下雨沒用車,現在問下問人下才知頭碟應該變了形!本人發現頭轆很緊,應該是頭鮑夾緊車碟不能放鬆.過熱令頭碟變形!請問現在本人應怎麼辦呢?車行是否應有責任,我應否比錢換零件?我還剩個多星期免費保養!
如有保養的話,當然可以返去檢查一下.免費保養是不包零件的.
|
25/8/2005
|
想問偉士LX150好嗎？我想睇車主報告，但係冇！
LX150
每人要求不同，不能一概而論。中肯d講，比起ET8，LX150當然係一部好車。
|
25/8/2005
|
珠海超級摩托車公路賽第三回合
請問老編有這場比賽的相片及比賽結果嗎 ? 如有可否分享給我呢?不好意思,因我真的找不到其他有報道的,所以才麻煩老編,謝謝!
神秘人
冇呀，我地講左暫時唔會再報導珠海賽事。只知道水戰好多人撻車....
|
25/8/2005
|
尾喉問題﹗
老編，我想問一問只換土炮尾喉，沒有換前段的喉，會否對車有影響？
如果有，又是什麼？到底大陸尾喉會有那一方面不當？與日本kit喉的差別又在那？
文 tcm_810@yahoo.com.hk
可以搜尋一下以往留言。總之一分價錢一分貨。
|
25/8/2005
|
LX150 撞裂噴漆!!
辛辛苦苦洗完車, 去食糖水, 只泊車在糖水店門口15min, 破車時發現車身噴漆給撞裂(應是推車仔撞裂), 去食糖水泊車在糖水店門口又冇理由落車COM......可怎樣修補給撞裂噴漆部份??
Vespa LX150
撞裂左d油？你意思係咪撞裂左車身部份？可以俾車行修補再翻噴。
|
25/8/2005
|
TV 2
老編今晚電視有老電睇8:30
醬爆
邊一個台？
|
25/8/2005
|
re:終於輪到我
偷車賊,放火狂![你們]高班仆街陷家隡正卵人.想做多D生意呀,咁俾心機啦知嘛.
不過小心喎.[你們]這高危行業有好多後遺症的,例如盲眼,跛手跛腳,飲錯鏹水等等...都會一一在現場就地解決,但是會有好心人幫你打三條9,送去醫院,到時你再慢慢同人講,點解會咁???
車友共勉
火兄,換車啦.不要多想知嘛.
P Man
|
25/8/2005
|
致PONG兄
我女子同意你的CASE.可能架650羊仔.以為自己是andy lau.又有可能佢以為自己用左隻 V Power油.當左架自己檯係GSX1300.加速驚人.會唔會呢...............而我都有類似CASE.有日放エ.行吐露港途中.見倒SIDE鏡後.有架老電緊貼在後.於是迫住係感依放甩亻巨(150KM).之後用番正常速度(110KM).....點知.又追上來喎..於是咪秋落中線行.順便悌吓係セ料.吓.....,原來是一架陳年垃圾CB750...車手是一名無型無款的乞衣人.條友真係不知所謂..............
ANDY andylau@miteng.com.hk
|
25/8/2005
|
Re:回應老編提供警察投訴表格
多謝老編借出地方發表小小意見；首先暫時唔好理對方是否有超速，香港很多駕駛人士(包括26/46司機)的壞習慣是.....一見隔離線有空位便....立即打燈......立即將車駛過隔離線 (需然佢覺得無問題、佢覺得無危險、佢覺得後面架車應該是有足夠空位的、甚至佢覺得有打燈就係大晒有權優先過線.......但全部都是自己估計咋)
其實任何教車師父都會教學員在過線時應以漸進形式將車遂漸駛進隔離線(可能需要一段較長的距離)，小弟於20年前在駕駛學院學車時肯定記得阿sir有講過上述安全過線手法；再講、如果前後車只得4個車位距離 (其實真係很短距離)，後面架車多數要輕按迫力 (可能只亮起尾迫力燈，但車速未必有太明顯的減慢)，這樣你就瀨野La........差人會因為你的過線動作而影響後車為理由而charge你不小心駕駛 (其實這樣亦是保障其他道路使用者的安全)，所以過線不宜太急進，亦不應高估自己的判斷力。
如有講錯、希為見諒，請與賜教。
夕陽騎士
絕無講錯，轉線或出路口時，如果搞到人地要用迫力的話，考牌時便會肥佬。重溫一次正確過線程序：先觀察，後打燈，再觀察，一切ok的話才加油過線。除非你知道自己車速比所有人快一倍或以上，咁就可以話轉就轉喇。
|
25/8/2005
|
新手一問
我想問,如果唔想去番買車果間無良車行換偈油,咁去油站換偈油o唔ok,係咪咩車都得,收費係咪好公道?
新手
油站師傅未必肯同電單車換油？私家車就真係幾平。其實間間車行都會幫你換油。
|
25/8/2005
|
疑問~
之前在一間車行買了架二手車,~咁佢地一條龍服務幫搞掂d投保同d運輸署文件,但我現時只持有臨時保單的副本~請問是否要向車行取回有關文件的正本?如果得臨時保單的副本係咪續唔到牌?
430
通常正單會係一個月至兩個月到你手，有疑問應該打去保險公司check單。cover note得三十天有效，當然續唔到牌。
|
25/8/2005
|
回應老編提供警察投訴表格
我再重申一次我回頭望嘅時候佢起碼距離我有四個車位，我相信係呢個情況下任何人都會覺得轉線唔構成危險，如果佢唔超速的話佢絕對唔使讓我！
本人絕對唔相信 "香港係法治，你可循法律途徑上訴" 呢句說話。如果個位置換轉，咁錯嗰個都會係我，因為我超速。就算撞咗都係我錯，因為我撞人個尾。請問你教我點樣上訴，人地有兩個差佬一齊超速有証人，我一個人你話點個官信邊個呢！
如果你肯定當時警察有超速，而你第一次擰頭望時佢地離你四個車位，咁第二次擰頭望時佢地離你又有幾近呢？因為要判斷其他車輛的速度，不可以長時間盯住同一物件，只能快速地瞄兩次從而判斷速度。如果佢地真係超速，當你真係轉線時便會和他們十分接近，甚至乎係「阻人前進」。
p.s. 如果老編行70km/h，一定只會行慢線。
|
25/8/2005
|
好想泊街,但夠位泊嗎? - 我地個會諗住搞大遊行
好多車友因為電單車位唔夠,被逼泊非法位,泊橫巷,上行人路.......唉,一個唔好彩比人抄牌事少,因為泊後巷比人偷車事大......上次唔記得係路政署或警察部話咨詢大家意見電單車位建地錨,最後又係無件事......同D濕9議員投訊又係得啖笑......我諗係時候大家要團結起來,搞一次全港最大型的遊行,等傳媒報道,比壓力政府做返D野啦,你估我地每年的牌費係白交咩?集合地點和時間暫時要保密,詳情可聯絡本會
花園街快閃黨 http://groups.msn.com/allmoto
搞集會遊行要向警方申請，同埋最好為遊行事件買公眾責任保險，唔好亂來。
|
25/8/2005
|
風格
請問風格夠期會唔會令到車輛有問題??除耗油量外,例如點火,起步,加速,散熱等等!!
除換風格外,還有什麼方法可以減低耗油量??唔該!!(RVF400)
RVF
風隔阻塞會令鮮風供應量不足，影響馬力。保持正確胎氣，定期換機油，潤滑車鏈，唔載人，柔順駕駛甚至乎唔用車，都可以慳油。
|
25/8/2005
|
炒車
我今日駕車到了迴旋處口, 本來想停下來, 不過看到沒車便駛出去, 不過在遠方看到一架小型貨車好快出左另一邊迴旋處, 之後我即刻收油, 點知收得太急後尾室控, 成個人向左邊"冼"底左, 我同警察講左個情況, 佢話我應該讓路, 可能會告我不小心駕駛. 到醫院檢查完之後, 好彩只係拉親隻腳, 開左五日假比我. 我想問一下:
1. 我係p牌, 警察會唔會取消我個牌?
2. 我做地產, 我開車去睇樓, 而公司同我地買左保險, 保險公司會唔會賠償比我?
3. 還有沒有其他的賠償?
4. 我下年再買電單車三保, 會唔會加我保費?
謝謝幫忙.
Alpha
如果罪名成立的話，應該會加監，但不會釘牌。你做地產，係咪經紀？你肯定公司同你係僱傭關係？你公司同你買左咩保險？要睇條款先知。可以嘗試申請「車手獎」，詳情可參閱FAQ。冇報保險便唔會影響下年投保費用。
|
| |
|
|
|
 |
