|
|
|
FAQ常見問題 |
|
|
3/8/2005
|
Re：2006有人可以同Vanlentino Rossi鬥
有傳Daniel Pedrosa是本田在2006年MotoGP的新希望。
2006年MotoGP確定升班到MotoGP
WONG Ho Ying
|
3/8/2005
|
灣岸電單車版 - 請自重 !!!
昨天去飲, 所以冇用車改去"打的". 點知比我睇得更前
大埔道出九龍, 部的士行緊80-90. 先有一部 pgm 飛過, 左穿右插. 後有兩部綿羊互推. 直頭好似機鋪灣岸電單車版. 的士佬媽媽聲.好心啦. 你死好啦, 唔好影衰其他電單車友.
pgm->r1
|
3/8/2005
|
magna250問題(續)
尋晚去買左舊電反黎, 撻反著左. 但好快又會死火..岩岩行左40km 後放底架車熄車, 之後再撻車, 又係同一樣情況..好似撻煮食爐咁. what the hell????多謝再旨教
山治 sanji@net-yan.com
如果換左新電池都唔得，咁就可能係發電機或者係整流有事。用電錶度下，未著車11.8-12V，著左車應有14.xV，唔夠的話，便可能是發電機問題。
|
3/8/2005
|
係唔係打錯字呀?
躍馬車隊和羅絲在2006年八月二日向外宣佈大家的合作關係會再延續一年
2006年八月??
業
Thanks阿業！
|
3/8/2005
|
2006有人可以同Rossi鬥-->>名字更正「柏度沙」
或者各人只係專注於motoGP, 無留意過250CC。有一個西班牙仔叫柏度沙Daniel Pedrosa，佢效力 Telefonica Moviestar Honda 250，佢明年已經confirm o左會升上motoGP，佢有咩料可以挑戰Rossi?佢係上年度250cc既全年總冠軍，今年到德國站為止，9站250cc一共5站得第一，已經係積分榜拋離第二位成50分，雖然睇成績係唔及Rossi咁一面倒，but佢今年都只不過係一個19歲細路仔，論經驗同賽績，佢一定唔及26歲既Rossi，但睇佢抯車個種風格同拼勁，比Rossi有過之而無不及，所以歐洲好多人稱佢為250cc既Rossi。德國站一役可見，人地炒車禍及佢，尾喉彎o左出o黎、撞到半邊皮衣都花晒，仲跌落第5位都無放棄，不但逢車過車，最後仲一放到尾衝線。憑佢呢份拼勁就值得令人期待，大家都希望Rossi都有返個對手，所以我好期待2006既motoGP。
羊咩咩
嘩你真係連汁都撈埋....
|
3/8/2005
|
換頭燈
我拆左原庄個燈膽黎睇，係55/60W的，我換左粒同是55/60W的膽落去，應該唔會有問題掛?
小李
咁就ok喔！
|
3/8/2005
|
波箱
老編：早晨，想請問我部1993年車有時拖波不順，如何才知是波箱到期呢？又如維修要多少$$呢？謝謝
Big One 人
未必關波箱事。先俾車行換偈油和調較極力子威也虛位先再睇下點。
|
3/8/2005
|
買車一問
老編，如果俾你楝，你會買98/04 HONDA Hornet 600 (零手車,KIT喉,FORK碼,迫力鋼喉,護架,OHLINS避) HK$ 35,800 ，定係買 02 /02 SUZUKI SV650S ，6500km ，HK$ 35,000﹗
為何你會這樣楝？論維修，油費及耐用，邊部好呢？
想轉大車的人 tmm_810@yahoo.com.hk
98/04?即係日本車？先睇馬力係咪足版先。如果得個六十幾匹，梗係揀SV650S啦！其他問題...價錢差不多，但SV650S年份新四年，四年喎...生個仔都識行識駁咀lo....俾你玩兩年賣車，到時部Hornet 600成九年車...賣唔到咩好價錢。
|
3/8/2005
|
恭賀 最佳機車中文網站
您好,我是住在台灣的iBike忠實讀者，今天看到iBike得到世界最佳機車中文網站以及世界最佳網站Top 100的殊榮，十分開心，於是「浮出水面」來寫封信，錦上添朵小花。
其實看到消息有點驚訝，因為向來知道鐵騎網誌好，看是沒有想過「竟然這麼好」。看來當時沒有去買一件iBike的紀念衫，真是值得大大的後悔一番。(是很想買的，無奈沒有信用卡)
貴網站的優質內容跟高超效率，對我來說已經到了「驚奇」的境界了，其背後的辛苦是一點也不難想像的，真的謝謝你們提供這麼棒的網站。^___^
柳橙汁
多謝你的鼓勵啊！淚流滿臉...
|
3/8/2005
|
是否可以轉載貴站文獻於非營利自有網頁?
您好,想請教貴站的文獻,我是否可以轉載於自己的網頁中?想轉載的文章是關於機車引擎的介紹(單缸 雙缸 四缸 及運作動畫)以下是敝人的網站http://wildmotor.net也是機車車友會/車隊的網站
台灣奇士車隊 副領隊 煥仔 chulikeyou2@yahoo.com.tw
Hi 煥仔，上次【2004台灣機車市場概況】一文，好多謝貴會提供資料和圖片。請轉貼文章連結。
|
3/8/2005
|
換頭燈
聽過車行講HONDA車整流好特別，如果改任何電路就會令整流器出問題。想問如果HONDA街車系列如果換H4白光燈膽(12V, 50W出100W)會唔會令整流器或電路出現問題?
小李
只要不改變耗電量，便不會有影響。好少車原庄燈有50W咁高？
|
3/8/2005
|
SYM Joymax250 vs Joyride200
If two bikes choose one, what will u choose?I am a P girl which lack of energy.
Joymax is new model compare to Joyride, however, I afraid it's too heavy for me. Any suggestion?
Bike Lover
It's look like Joyride 200 is more suitable to you.
|
3/8/2005
|
有冇兄弟用緊派拉利mt-66 或dunlop d404 車呔??
我想請教下有冇人知道邊度check到佢地既產地呀??thanks!
clement
|
3/8/2005
|
過彎與避震 2
請問是否因為避震讓車子更貼地,從而增加過彎能力?
飛櫃直直
不是讓車更貼地。當車「更貼地」時代表避震行程被壓縮，再吸震的效能會下降。良好的避震讓輪胎適當地吸收震動，然後再慢慢釋放，過程會盡量平滑，減低輪胎負重變化的時間。
但如果平滑的路面高速過彎，對避震的要求又是另一回事。減速時頭避震彈簧要有一定承托力，防止重量轉移至頭輪耗盡避震行程，當放開制動時，回彈速度不能過急。出彎時尾避震必需有一定承托力，以抵禦加速時尾輪的過份負載，從而保持頭輪有一定的負載。
|
3/8/2005
|
叉電一問？
本人車無電，拿走胎舖代叉，問題解決，胎舖無收錢(相識的)。但此等小問題，可否自行解決呢！自想一法，請指教：
一個火牛 Input 110-220V, output 3-18V,將火牛output至18V，將紅黑線連接於電池上，叉它十個八個鐘。可行嗎？ 謝謝解答。
ET
恆電式充電法比較危險，過度充電會煲乾電池。一定要做的話，電壓保持在14.4.v-14.8V，充電八小時，定期檢查電池溫度會否過高。雖然不能100%充電，但應該夠用。
|
3/8/2005
|
過彎與避震
老編你好, 我想問一問過彎同避震有什麼關係?聽人說個避震好,部車會好好彎,好靚彎,共其實偏硬好定偏軟好呢?
直直
現代避震的主要作用是讓輪胎時刻保持適當負載，從而提供最大的貼地性，所以良好的避震除了講求吸震的速度之外，更講求釋放能量回彈時的特性。單單討論避震軟或硬，並不全面。而良好避震的調較要因應車種，駕駛者的體重，車速，路段而定。
|
3/8/2005
|
Re. 又俾部死人3.3貨車一路勁推
有日子，有時間，有車牌，告佢呀!!!!
睇警察點做嘢，拿個經驗好啊，再給大家車友分享吧！
ET
|
3/8/2005
|
AN 400 轉不轉喉好？如轉又應用什麼？
如題。另外，我想出銀藍色隻ａｎ４００ｓ， 請問有冇尾箱可以襯到色？
jacky jackywinning@yahoo.com.hk
如果要把聲則無你計，求性能的話，原庄喉表現最平均。要襯色尾箱只能噴油。
|
3/8/2005
|
車位
本人住天水圍但停泊的天橋低近來都成日抄牌,想問有無人知道天水圍區有無電單車車位可泊或租?請幫幫忙!
小姝
|
3/8/2005
|
majecty
係行車比油先有聲!!多數是乜野問題呀?tks!
king
未聽過好難估，俾師傅現場檢查一下會易估d。
|
2/8/2005
|
多嘴一問
咁踢1,,避震彈弓顏色??咩色代表咩??
路人甲
原廠車款彈弓顏色更改係冇意思o既。
|
2/8/2005
|
Re: 震震震
架車係換左日本摺鏡，化油器由02年出廠到而家應該無平衡過。老編言下之意，係咪去洗一洗化油器再平衡?
卜卜
唔係原廠鏡係會震d。如果怠轉時架車都唔係太震的話，唔使搞。
|
2/8/2005
|
看了關於Valentino Rossi續約之文章的看後感
唉!Valentino Rossi，包括今年在內，已經嬴了4次MotoGP冠軍
2次本田RC211V(2002 -- 2003)
2次Yamaha YZR-M1(2004 -- 2005)
我反而想佢，去Ducati、鈴木、川崎。嬴番一次唔係用本田或Yamaha的冠軍。果時真係好睇，睇下可不可以憑Valentino Rossi的一己之力去拯救呢D弱隊，到時被一大堆本田RC211V圍攻。睇下Valentino Rossi點殺出重圍？
WONG Ho Ying
|
2/8/2005
|
震震震
老編，我架tec1一上到高轉時，把手就會好震，震到鏡震埋，望鏡都望唔清楚。唔知係咪軚的問題，係咪換大同重d的軚的會比較定d呢?
卜卜
應該唔係主因。你個係咪原庄鏡？化油器幾耐冇做過平衡？
|
2/8/2005
|
RE:又俾部死人3.3貨車一路勁推
成日見佢地當跑車咁開ga la~ 今日我係就快入荃彎路果到 ..前邊有部fast line blocker
我都保持2部車gei range ...忍讓ma....佢就貼到我緊一緊跟住比行油係中線想超我(中線不遠都有部重型貨車)古計佢好大機會會係我車頭一野cut過來我到...咩呀..睇唔起羊仔呀? 好..反正出緊去換計油 勁飛都唔怕...下斜 ,比大油 8xkm/h 一野爆到12xkm/h 過彎 係重型貨車同block住果部c +車中間位過 ~ 直路差唔多 13xkm/h直衝 ,望下鏡...哈...佢過唔到..係咁推部c +車...部c+車唔理佢...一個理佢都傻的樣子 :p
好....放完佢...回番8x km/h 跟番快線d 車行...到葵"衝"路 佢又跟上來唔死心...過曬雙白之後又想係我右邊超...點知我前邊果部又cut 出去右wo...咪由佢地cut..我cut去左又爆12xkm/h...聽住佢部野高轉想衝...衝鬼咩...過完個大彎上"麗"支角大橋 佢就影都唔見lo~ 4衝runner 200 :p
dtwo
編按：...................
|
2/8/2005
|
精明!!!
老鬼哥..又係我宇宙大怪物呀,你話VTEC1.2.3只係有DD分別..o甘其實買VTEC1係o米最精明呢???另外避震顏色係o米只係軟硬分別呢???最後前叉又有o米唔同呢???
宇宙大怪物
最精明應該買轉款前最新淨的Big One VS版，因為價錢最平。
|
2/8/2005
|
magna250問題
上星期五因懶打斜上駁訓左車, 之後架車撻唔著, 抖左半個鐘再撻就冇事撻反著. 懷疑係火咀立左.尋晚再想搾, 起左幾步落左駁之後就死火, 再撻唔著. D聲好似平日係屋企撻煮食爐一樣. 係唔係火咀/電池已經打左柴要換?? 要換火咀的話, 換咩MODEL 呀? 因第一次出現呢D問題, 好擔心架車.多謝旨教.
山治
如果撻車聲比平常聽到的較慢和細聲，表示電壓不足。建議你如果撻得著的話，唔好咁快熄車，走一轉長途車等電池充番電，另外轉數高少少，等火咀燒得靚d。
|
2/8/2005
|
隻羊無力咩原因？
本人的綿羊（大鯊１５０）最近無力．車齡只有年幾。早排換了皮帶和火咀，但之後一段時間後便無力，想知咩原因（一定和車胎氣無關），和若要维修要幾多＄＄。
ｔｈｘ！
小強 arwinlcheng@yahoo.com.hk
好難評估你話「冇力」的程度，150綿羊本來就係「冇力」。會唔會係你日慣左度力呀？
|
2/8/2005
|
架車有問題
問題一,個尾迫力時有時冇,當冇時個感覺係踏落去冇反應,而且好似唔識彈番上黎咁,好似冇晒回彈力咁,但係踏踏下佢又會正常番,已經拎過去車行睇過兩次,但都係冇改善,請問知唔知有甚麼可能性呢?駛唔駛成個換左佢?但我知係好貴的,所以盡量希望可以修理番佢
問題二,架車原本好好力,比小小油就好肯去,而且力黎得好平均,但係前排下完雨後,開車行了一陣死了火,要撻好耐先著得番,拎左去車行換了潤滑油,又好似冇事,之後因為天氣太熱,冇用車兩,三個星期,呢排用番,發覺架車冇力,一上到五千轉就會虛一虛(好似冇油時咁),而且D力好唔平均,好似有小小彈下彈下咁,上一百都唔易(我的車是V2 650CC,之前唔係咁的),請問知唔知大概係邊到發生問題呢?
唔該晒!
Fat Jaa
似乎係尾迫力泵有事，一係入左氣，一係泵拍有事。維修應該唔會好貴。電單車要經常用先可以保持身心健康。擺得耐唔用的話，化油器、電池都會有問題。呢兩樣野出現問題的話，便會令火咀狀態變差。建議先睇火咀和線圈。可能的話，盡量多用車，尤其是舊車。
|
2/8/2005
|
ET8 有怪聲
我的是2002年12月的ET8, 行左31000km左右, 而家在Seat位下有 "達" "達" "達" 的聲音, 當車行得越快就越大聲, 究竟係邊度有問題呢?Thanks a lot !
pboy pboypboypboy@yahoo.com.hk
聲音係隨著車速的變化而提升？還是頻率隨著車速而變化？會唔會係有野鬆左？
|
2/8/2005
|
綿羊起步“震”！
您好！本人部大綿羊每次起步都好“震”！當行順左好少少，無咁震！請問係咪極力子問題呢？需唔需要換呢？謝謝！
James
一般綿羊都係咁，情況特別嚴重的話便要檢查珠仔和珠盤
|
2/8/2005
|
掣動系統
我想問掣動系統(卡鉗)有幾多款?每一款有咩大分別?
6 仔
有單向卡鉗，有對向卡鉗。當中再分單活塞，雙活塞，四活塞甚至六活塞卡鉗。制動皮可以是一塊，兩塊，甚至多至六塊。多活塞卡鉗中，又有異徑活塞和聯動活塞。安裝方法又有傳統和放射性卡鉗。總之最靚的制動系統，只會再最新款的跑車或街車上出現。目前最靚的制動規格係雙頭碟+放射性多活塞卡鉗，每一個卡鉗的制動皮要有四塊或者六塊。
|
2/8/2005
|
I bought LX150, my girl friend feel uncomfortable for placing the feet, since too narrow for the platform, please reply what can I install to widden the platform for backseat/
LX150
never heard this kind of option for LX150.....
|
2/8/2005
|
技術問題
老編您好.小弟架CB1300巳改孖喉每邊(60MM粗)喉咀及直接孛風(有風隔). 最近發現架車很食油$1.3KM.現有三個方案.想採用以致改善一下油費 A )在吸風多及排氯多./ B )吸風少及排氯多. / C )吸風多及排氯少(想加喉咀收細個嚨).請教一下a .b .c在全段有什麼分別.如頭中段低扭.尾段馬力等.及邊個方案比教最好用.最可取 .可否詳分拆一下............謝謝.
Alex
CB1300行PGM-Fi，改喉或改風隔都會牽一髮動全身。詳情應該上DYNO機再檢查。初步睇你的三個方案分別會有以下結果：A)唔夠油食 B)打炮 C)冇用
如果你的大前題是係拿靚聲和慳油的話，換原庄風格便可能解決所有問題。
|
2/8/2005
|
maject 250
我想問如果右邊車尾吹bb咁聲會唔會係死氣喉有問題呢?tks
king
咁搞笑？係行車時先有聲，定係一著車就有聲？但死氣喉即使穿左，都唔會有bb聲。
|
2/8/2005
|
留牌費用及手續問題
已看昔日留言，但仍有點問題，望老編解答，謝謝！
背景：本人賣出電單車後，想留牌，套用到新車．
問題１：舊車剛續一年牌費，留牌時能否帶到新車？因新車牌費快到期．
問題２：留牌費用多少？
問題３：買入新車時，新車仍有剩餘牌費及原來車牌，如何處理？能否
待原來車輛牌費到期，才套入新牌？套新牌要多少費用呢？
橙
橙
1)牌費跟車走，冇得過底
2)留牌費用唔清楚，好似500
3)新車套牌再俾錢，費用唔清楚，好似500，剩餘牌費可以繼續享用。
|
2/8/2005
|
re: LX 150 vs ET-8
花花, 其實..et8都係150cc, 尤其而家二手價咁低, 依小弟愚見, 出et8都唔錯.
vin
|
2/8/2005
|
又俾部死人3.3貨車一路勁推
我昨晚出獅山走落大圍,落斜果時又俾部死人3.3貨車一路勁推!!!前面又有車我又無路走,佢重一路係咁推到實一實,正PPK人渣呀!!!人命黎架!!!好好玩咩!!!個司機都心理變態架!!!揸部死人車係馬路亂飛,有事的話無人可憐!!!佢可能住大圍架,LN6041有尾板,白色車身有JPS三個字,此車勿近呀!!!
P Man
|
2/8/2005
|
re: P的疑問
>各位師兄師姐你們好,我剛考到車牌,但有些疑問想發問:如果是P牌在行快線(兩條線或三條線)會否加監半年.以及被影快相超速但不快於15公里,有正式牌的只須罰錢不扣分的,P牌會否又只是罰錢不加監的?
>小P女 50578322@student.cityu.edu.hk
++++++++++++++++++++++++++++++++++++++++++++++++++++++++++++++++++++++++++
兩線高速係可以行快線，但係三線或以上就唔可以。不過我過得呢條例係多餘！！！
例一，東廊西行東隊入口，快線出(鴛鴦線，只可左cut)
例二，龍翔道西行黃大仙、旺角及西貢大牌，快線出(仲有隻白線簡住)
要p牌駕駛者係咁短既路程加速，仲要cut出快線(正常車速高於限速)，簡直危險啦！
我都係p牌，我覺得唔超速、唔載人、大雨唔渣、唔cut白線、唔大dup就最好，唔好俾人騷擾，亦唔好騷擾到人，最安全。
最重要係『熟路』，一行錯路個人就會亂，做錯野(唔建議監粗cut線)。帶定地圖出車就好d。
都係p牌
|
2/8/2005
|
LX 150 vs ET-8
我係一個女仔..新牌...想買車..一路都鐘意ET-8...但家住新界區..返工就九龍區..我知ET-8得125cc....上高路會飄...剛見到新的LX150同ET-8幾似...又有150cc...講問兩車上公路是否都很飄...但LX150現有只得新車買..要成三萬..咁我想問我應買新車LX150完二手ET-8 ????
花 special_tung@yahoo.com.hk
細機器車種：有新買新，有大買大。所以兩者比較，答案一定係LX150。
|
2/8/2005
|
VTEC問題
我想問.....CB400的VTEC1.2.3.除左轉數不同而較早開(動)外!其實重有無分別呢???請覆....
宇宙大怪物
都有d細微改動，例如頭叉設計，避震彈弓顏色等細節有少少唔同。
|
2/8/2005
|
尾牙
我想問乜野係尾牙呀?尾牙有乜用呀?tks
king
即係車鏈帶動尾輪轉動的齒輪。
|
2/8/2005
|
joyride200 after rain
i use the bike today feel turn on difficult,and stop then drive again will die fire,and drive in use the bike will (trok ha trok ha),i feel very danger,i dont use the bike in raining day (be4 few day),also no use cover for cover the bike,i feel the oil join the water,what can i do?
jimmy
嘩....你想講乜呀？係咪近排落完雨之後難撻車，又易死火，行車時又chok下chok咁，懷疑電缸滲入左雨水呢？電油雖然係同水溝唔埋，但如果油缸真係入左水，水份就會沉左係底，你可以叫師傅放一放化油器內的電油，同時檢查火咀線圈。
|
1/8/2005
|
空波一問
本人架車由1波想轉番空波，總係一踢就踢左上2波搵極都搵唔到空波，踢上去2波覺得係有半下感覺到空波，但我很難先至搵到空浸，請問有冇方法會易搵D架?
新牌仔
主要是力度的控制，熟能生巧。如果真係唔得，關掉引擎再試。
|
1/8/2005
|
Micrion
Dear editor:Is micrion exhaustion system american or european style? Will it cause a loss in torque? Will installation of it change mapping of fuel supply.
gary
Micrcon do have wide range of products. It's depends which product you choose. By the way, which bike do you own?
|
1/8/2005
|
SV 650
Dear editor:請問SV650行i與行Cup分別大嗎？
Guru
油門反應分別不大，行i會慳油d。
|
1/8/2005
|
鏈油
想問下鏈油呢個問題..我用左w40洗 晒條鏈d油.洗完先知(死啦) (^(oo)^)"洗左用咩野潤滑呢...用機油得唔得呢?同有冇專噴鏈既油呢..同有咩野分別呢????????
又問 fung2003@netvigator.com
死..唔係因為你唔知之後落番乜油,而係因為你用40洗鏈,生銹都徐到,你估d膠圈會否硬化呢?而減低壽命,快d買番枝鏈油噴落去,間間車行都有得賣.
|
1/8/2005
|
老鬼請救我!!!
老鬼你好,我部係CB400VS,果對頭鮑魚剛更換新的鮑魚皮呀,我想問D皮在無拉手制的情況下,係吾係仍然會接觸到隻碟架?我現就是這樣,起步同慢車我都聽到(一)有規律的前鮑皮磨碟聲音,隨車速提升而消失.(二)後面有好大聲,好似單車收制的時間果種,不過重要高音好多,又係隨車速提升而消失,後鮑魚皮重有5mm厚,會吾會因為老化所以就有聲,請救我!!!
日前我玩完水戰呀,想幫部保養落油,請問有咩位置要注意落油,同邊隻潤滑劑比較合水戰之後用架??
P Man
當然是輕微接觸到碟,並不能漏隙,否則不夠時間同時逼出8把油遮,致於尾皮多數是皮質問題,過幾日可能會無,兩後最好在鍊,側架,威也,牛角部份等一落些w40便可.
|
1/8/2005
|
我買了一台CBR400RR已騎半年,前兩天前后車輪一次換新,但出現一個問題車子行駛時双手不能放鬆,一放鬆車子就往右邊倒,以前行駛中兩手完全放開都無所謂,是車輪不好,還是安裝問題? *PS*兩條新胎人民幣850元
curly lechung@163.com
應該是安裝.
|
1/8/2005
|
Foresight頭沙板
老鬼先生，我架foresight泊車果陣時比人撞左下，個頭沙板就裂左約半吋。我想請教下果件野大約幾多錢？可唔可以唔換新而去補返？同埋我架車有幾個位都花花地，係唔係一定要成架車噴過呢?好似私家車咁噴一部份可以嗎？同大約幾多錢？謝謝！
文仔 manunt@hotmail.com
沙板唔貴,可以問燦基,單幅噴油要視手工和舖頭而定.是可以的.
|
| |
|
|
|
 |
