|
|
|
FAQ常見問題 |
|
|
29/7/2005
|
換呔用咩撜
條呔就到期要換,有d車行話有機撜,有d又話用手撜仲好,信邊句先真? 撜完係米貼D鉛係呔"link",有冇得整靚仔d ah? 同可唔可以講下撜呔方法同原理? Thank You!
小P
呔真係無得講,賣花讚花香.
|
29/7/2005
|
自行噴油
大家好..問下有關噴油問題,我部係bros400想自己噴呤噴油缸,因我買了一枝噴漆噴了頭沙板,出左黎個效果同部車主色分別唔大,不過唔識整個呤出黎,係唔係用個大士巴拿整佢出黎(我見到個士巴拿位),唔知有咩野油出黎既效果會好d.比d意見 多榭
大伯
大伯 fung2003@netvigator.com
先拆下迫力鉗,再用24mm鬆出縲絲.要噴油一係用鎗較油噴,唔係用罐裝就買soft99,噴咀比較正d.
|
29/7/2005
|
大鷹200 錶版內有水氣
大鷹200 錶版內有水氣, 一個個水珠, 請問有冇方法可清除 W^.^W
thanks!
咪錶好小入水,除非,可以的話先用風筒遠距離把水氣蒸乾,再拆出咪錶在周邊封上玻璃膠.
|
29/7/2005
|
majesty 250
我架Majesty 250右邊車尾有d吹bb咁聲呀
唔知乜野事
可以點呀
tks
king
是否死氣喉散左,睇下是否比油才有聲!
|
29/7/2005
|
Re: Ben 轉波問題
Ben,有可能是你的極力子沒調教好﹐虛位太多。所以扣盡後還未完全離開﹐仲有小點磨喳。於是拖波是便出現入晤到掃牙聲﹐彈回假空波。可試下先從簡單方面入手﹐較較極力子先。
機油太舊或用了太“傑”的型號亦會張問題惡化。但還是先校校極力子虛位。(先從牛角校﹐轉到盡都唔夠便再從極力子威也的另一邊校。)
motoronald
|
29/7/2005
|
P Man reply all
好彩有個信箱俾大家交流一下經驗,吾駛一個人揸住部車鳴吓鳴吓...
咁多位!!!我好多謝大家的意見同體諒,原來揸兩個碌真係另一個世界,我曾經揸過超過三佰匹馬力的私家車,當然會開快喇,跑吓灣甩吓尾呀,重認為自己技術好好.但係我揸兩個碌之後先發覺,咁樣係馬路揸車會害死人架!!!唉~吾好喇.
雖然我係P,但係揸左兩個碌之後最大的得益,就係平時揸私家車的警覺性都提高左dd...我而家覺得揸四個碌識飛都無用呀,[電單車]果種感受係無得比呀...[褲浪底下的力量]正呀嘻嘻
Man
|
29/7/2005
|
我想問下究竟點先可以封咗個pair hole?
大舊飯
起油缸開風盒拿走風格後便會見到PAIR入氣小孔，搵一d肯定唔會俾PAIR孔吸入的物料塞住佢便可。
|
29/7/2005
|
請問如何調教避振?要咩工具
如題, 請幫幫忙......
無名 dtkw08@yahoo.com.hk
有個勾狀物體調較彈簧預載，其他衰減用平頭批便可。
|
29/7/2005
|
RE : P 牌 阿 MAN ( 司機大話西遊 )
初初出馬路係有好多類似情況架啦 ! 馬路上唔係你界我就我界你 , 技術 & 經驗就係一切 , 不過特別要注意的士,小巴,貨VAN , 皆因佢地都係搵食車 , 走多轉搵多D果種 , 所以會特別博命 !
上堂學o既所謂行車警覺性就係呢樣野 , 呢樣野好緊要 , 你要明白其他車o既動向 , 突然會作出咩動作 , 都係你應該要預計之內 !
例如前面係的士or小巴 , 你就要預佢隨時停車上客o既心理準備 , 唔好跟咁貼 , 如果前面係巴士 , 你就唔好跟太耐喇 , 因為佢遲早要埋站停車 , 呢D都係基本要學o既野 , 岩岩講o既都係前面 , 有能力o既話留意後面先係最緊要 , 因為你屎忽無眼 , 後面情況你睇唔到 , 過線個鏡唔可以信 100% , 請相信用自己隻眼去望先係最安全o既 , 想過線就預先留意後面車o既情況 , 過果下再令頭望 , 咁先叫安全 ! 我見過好多唔係P牌o既人都會跟車好貼 , 過線唔令頭望 , 我地一齊願主保佑佢地 ... 阿門 !
總之呢位朋友記住 , 馬路上有可能令你受傷o既都要留意 , 即使係行人亦會無啦啦係市區彈出馬路 , 果D我地俾個專稱佢 - 盲H ! 有物體接近你 or 你接近其他物體 , 精神都要加倍集中 !
我o既駕駛格言就係 ...
危險駕駛 =/= 技術好
技術好 =/= 可以危險駕駛
楂得快 =/= 危險駕駛
楂得慢 =/= 安全駕駛
凡事都係睇個人o既駕駛態度 !
政
|
29/7/2005
|
轉波問題
老編你好：老電駕駛己有數年了，一向以來都是以 400CC以下的電單車代步。近日嘗新，買了一部SV650 ， 車子沒有大問題，就是轉波有點問題，令我有點不習慣。以往都習慣由高檔轉落低檔時，在拿極力子時會呼一呼油才落波,但這部車，如在五千轉以下落波做以上動作會出現進入空波狀態，要再呼幾下大油或拿極力子再踏多一次落波(但就會掃牙)，曾試過在呼油這動作作出呼大一點或呼細一點，及在拿極力時放慢一點或放快一點，結果都是一樣，但有點特別是不作呼油這動作是沒有問題出現,但只要在五千轉以上落波，呼油落波是沒任何問題,老編可否解答是出了什麼問題呢，以往買過多款不同類型的街車，也重未出現以上的問題，煩請幫忙解答
BEN
老編未遇過呢d問題，聽落都好奇怪。你話5000rpm樓下呼油拖波會變空波，換句話說即係5000rpm以下，扣極力子空波滑行時如果俾油的話便會變空波？咁恐佈？
|
29/7/2005
|
re : 司機大話西遊
其實我都好明白俾人推既感覺~ 自己渣左兩年車, 開頭掛p渣架羊仔真係成日俾人左cut右cut. 渣耐左發覺未必慢就安全, 快就危險. 因為最緊要既就係同路面上既車差不多,太慢太快都唔好. 依架雖然換左架街車, 但載人既時候因為安全都渣得較慢, 時不時俾d紅Van的士狂推, 渣緊個時就驚, 渣完就興. 所以自己一個人無載人時通常都會渣得快, 咁樣就只有你cut人,你推人, 無人蝦到你 ( 個人觀點, 請勿介意 )
Alff
|
29/7/2005
|
機油問題
兩隻吾同牌子的機油可吾可以混合用?如果混合用又會有咩問題?
大羊人
同一種類的偈油，都可以撈埋一齊用，但唔同級別的偈油便唔好一齊用。
|
29/7/2005
|
求助~~
話說我架et-8車底左側近大架位置有兩條"交"喉斷左!!想問下呢兩條有乜用??如果唔即時換...咁會有乜野問題或危險??pls help me
「斷左」的意思係咪指有兩條喉「跌」左出來？其實佢地一條係油喉，一條係透氣喉，可以不理。
|
29/7/2005
|
xjr400 vs cb400
would u tell me that which one (xjr400 or cb400) is good for new driver ?
and which one is your choice?
andy ajpchiu@yahoo.com.hk
400cc in-line 4 cylinders may be too powerful for new rider.
|
28/7/2005
|
關于汽油號
厰房規定使用90號汽油的綿羊，能否使用93號。使用高標號汽油會有什么問題？
新手上路 dep@163.com
使用規格更高的汽油當然沒有問題。
|
28/7/2005
|
re: 大鷹200 漏水
係咪o係車底平地平個位??? 黃黃啡啡黑黑, 生誘水咁,應該係雨水黎, 每次落完雨都會咁, 張部車打側d, 就會漏晒出黎 :D我試過好多次, 但水箱d 水都正常冇少過, 電池狀態都 ok 冇問題, 唔洗"劣"~
Tommy
|
28/7/2005
|
re : 司機大話西遊
Man哥 , 出車第3日就比人介真係慘左dd , 不過lee d都係路面上時時見到既事 , 4.6見p牌仔大蝦細 , 要見到你赫到biu尿先心息既都有d咁既人架......我以前都係咁 , 所以我先換大車 , 你介我? 我要你食塵.... (笑~ 無惡意)
其實如果可以既 , 最好盡量靠左行 , 因為有好多50km既路 , 行70對某d想快d去死既人來講真係好慢.....
燎
|
28/7/2005
|
re: AN650
老編我記錯左, 請改返佢....
轉換km/hr & MPH 係著匙後, 按select轉去"ODO", 再按實reset掣, 就ok架喇!
AN650車主
|
28/7/2005
|
Re: 不平人/老編
事後我夠知自己麻煩啦…吾報警,我可以點樣投訴個人渣呀??我P牌出車第三日就遇到無品司機,我行得慢咪慢囉!!!又無人吾俾佢超車,不過吾駛甘近呀!!!放直隻手就可掂到部VAN喇!!!
甘近好大風壓架嘛,當時我架車即刻兩邊擺呀!!!我都未驚完呀!!!重講俾油……
我同個司機理論,佢重要講大話!!!倒轉頭話我騎住條分界線黎行,令到佢吾知我想行左定右,
實情我當時係行緊右線正中間,所以個司機先會同我講一句[你P牌就吾行快線啦],即係話我阻住佢呀!!!佢駛得咁近我係蓄意呀!!!
果位警察都有電單車牌,佢咪過左兩招俾我囉:[個人渣走o左要入佢你會好煩架,你想清楚,最緊要個人無事,下次望鏡發覺吾對路,即俾油走呀,吾好等佢過呀]
Man
原來你出車只有三日，慢慢來喇，等路面經驗累積多d既時候，情況便會有所改善。
|
28/7/2005
|
買私人二手車事項
我想問買私人二手車,點樣可以做分期呢?
私人貸款嘛~~<即check>
|
28/7/2005
|
RE: 司機大話西遊
我覺得個貨van司機問題唔係好大 , 其實你只係比人推推比人介介車就報警....我覺得先係最怪既野....
如果你唔LIKE他的駕駛態度 , 其實可以記低車牌之後去警局投訴(什至告他) , 可是....唔通你去警局投訴你比人介完車之後比則面既乘客"小"? 我覺得LEE D雞毛蒜皮既野 , 警察理你先奇....
係路上駕駛 , 沈住氣先係大師傅 ^^
燎
|
28/7/2005
|
大鷹200 漏水
請問唔知點解我架大鷹200 車底本身有個孔會出水 前個星期我冇開車一個星期, 到取車時想開車發覺車底本身有個孔會出水,重好多添, 啡黃色, 好似銹水感, 但我架係新車, OC話係正常 不過出晒水之後,係開左一陣車就冇喇! 點解呢? 係咩水呢? 電池水? 正常?另外, 綿羊是否一定要俾小小油先可以著到車? 我架新車大鷹都要係感, 正常?THANKS!
應該係落得太多水箱水，當引擎熱左時便會流番出來。只要以後冇再流水，水溫也正常便可以不理。好多車都要俾少少油吊住個油門先著到車。
|
28/7/2005
|
claim 政府
衛理道出染布房街與窩打老道交界有幾個地洞,有次行衛理道出染布房街,因車多而睇唔cit地下, 不幸中左其中一個, 車頭即食晒, "Bak"一聲,好似有野裂左既聲,有冇得告政府路政收買人命? 有冇得claim 政府check 車費用?
kit
冇。
|
28/7/2005
|
Re : 司機大話西遊
阿哥仔你報警黎做乜 ?? 香港地無品司機多的是，假如你次次遇到都話要停車報警，浪費你自己時間係閣下o既事，但阻礙到其他真正需要警察幫手的市民就可大可小。你報警坐底有一個警察因為這宗小事走去招呼你，如果同一時間有任何罪案發生或附近正在有救援工作進行中，咁又小一個警察幫手喇！請善用999吧！
不平人
|
27/7/2005
|
老編,小弟新牌,想買新車!!
Forza Z & AN250SS 邊部好?Why?
新牌
兩部都好。點揀視乎個人喜好，主觀情緒o既野冇得解。
|
27/7/2005
|
車行服務態度值得表揚
26/7,個日我部車果個高溫燈係上午開始發神經，我由沙田去尖咀送文件之嘛，停車好好地，一開車行到邊佢就着到邊，總之扭親油就着，個風扇又吾轉喎，水箱有水．唯有去車行．
＜個案一＞ 旺角好出名個間”亞目目”，我見到有個師父座係張凳仔到，正在把一包包的零件放上玻璃櫃,我就好急甘同佢講個情況，想佢幫我睇睇咩事．佢問完我果部咩車，跟住叫我放低部車留電話等消息啦？車都吾望一眼．我再問多句，要幾多時間先可以睇睇我部車呀，我可以安排一下工作嘛．果個師父居然講一句：我都有自己的野做架．
咁呀~我走啦~
＜個案二＞ ”木田維修部”，我初初去到佢地都係叫我留車等消息，我三番四次講出我的須要之後，佢地即刻安排凍車及檢查有關部份，終於發現係有關電壓上的問題並馬上跟進，之後再幫我檢查一下車架某些安全設定．佢地的服務態度真係好好，明白到須要因應客人的情況而提供吾到服務安排．我吾會再去旺角果間[名店].
Man
|
27/7/2005
|
行車證
你好,本人想問一問關於行車證.2004年10月買左第三保,2005年10月到期,而本人行車證到期日是8月頭,而本人想續一季既行車證 即係到期日是12月頭,但第三保到期日是10月頭,我可以點做呢?第三保可否轉落第二部車??我"渣"緊既係virago 250 ,可能半年后會換部250羊
這樣如果我續左第三保,當我換羊時是否又要比錢出過一份第三保??同埋點樣先知自己NCB 有幾多我2005年4月甩P牌 ,2004年10 月出車, 年撞車紀綠這樣小弟既NCB 有幾多?
小朋友
問題係你想用呢部車用到幾時？三保十月到期後，一定要續保險先可以繼續用車。你可以拿埋保單去運輸署先續一季牌費先。Virago份三保可以轉落綿羊度，補幾舊水手續費便可。今年十月續保時你便會有10%NCD。
|
27/7/2005
|
司機大話西遊
今日我由沙田第一城去火炭，係火炭路燈位右線起步，跟右線上工業區我行速吾過７０，
後面部貨Van想從我左邊超車，食我半邊行車線平排行駛，重要距離我吾夠三尺，到下個燈位停車我即刻小，個司機只望一眼吾出聲，佢心知咩事啦，唉∼算數啦
再到下個燈位停車我前佢後，今次反而係司機傍邊個位Dee Dee有意見，又響Hon又中指．
吾講多，即跟住佢行，停車即報警，可惜警察未到佢就走左~警察到場我咩都講晒喇~
個司機淨係同我講以下的說話：
”你行緊絛白線的正中間，我都吾知你想行左線定右線，你P牌就吾好行快線啦”？？？
個位Dee Dee重叫我吾好手指指.各位,請想像一下個位司機所講的行車情況.相信我的技術已經到左化境．．．重有，如果承客手多多去干擾行駛中的車輛，吾知會衰咩呢？？下次再遇到類似情況，我一句都吾講呀，即記車牌報警．警察到場我就慢慢同警察講喇．．．
不過最好遇吾到啦∼〔意外〕係最危險架．
Man
唔係好明....點解人地話你行緊白線中間？即係指行車線分界線o既中間？點解人地食左你半條線，你唔減速或者加速，而要同人地平排而行？點解你要叫警察？同佢講咩？老編反而好有興趣想知果位警察叔叔聽完你講之後，有咩表情？
|
27/7/2005
|
為什麼VTEC II 慳油過 VTEC I
我想問為什麼其他人說VTEC II會慳油過VTEC I？為什麼VTEC I會咁食油？兩部車機件有什麼不同？
問題青年
「其他人說」咁點解你唔問佢地呢？VTEC 1又有幾食油呢？兩部車開VTEC時間不同。詳情重溫【靚車檔案】。
|
27/7/2005
|
尾制動
我部hornet250尾制動不知怎解都是唔夠,已換碟,皮及迫力油,重有冇其他未做呀.
man
Hornet 250煞車主力是頭轆而不是尾轆。唔好用咁多尾轆煞車。
|
27/7/2005
|
Dear Editor:Do you have any information about the up comming SUZUKI B-KING?
Car Driver
No official info yet, just take a wild guess: no turbo kit, no GPS, no fingerprint security system..... engine borrow from GSX-1300R....
|
27/7/2005
|
自動羊落斜時應如何使用制動?
因自動羊冇法拖波,落斜時如何使用制動,尤其是當落斜後接連一個接近90度的急彎,例如清水灣轉入西貢公路的彎位,又或是從山頂下來?在彎中使用制動會否造成炒車意外?謝謝!
小豬嘜
將車速提高時，便要用制動減速，減速後俾少少油讓引擎進入低波狀態行一陣，讓制動休息一會，如是者反複操作便可。
|
27/7/2005
|
死火燈問題
好多地方有得改,加多個制改死火燈.大約$250左右
路過
|
27/7/2005
|
死火燈問題.........
本人揸綿死火燈問題羊仔, 部車無死火燈, 自己裝容易嗎? 要點做? 如果去車房裝又大約要幾錢??
大力仔
市面上有死火燈配件，連工包料應該在一千蚊以下。
==============================================================================
~老編~ 我o家honda-stream 125 裝埋一佰蚊呀!
Dick
|
27/7/2005
|
我想問其實咩係"Pair System"? Pair 孔0係邊? 有咩用? 點樣封"Pair孔"? 以你所知究竟封咗之後好定唔好?
大舊飯
PAIR脈沖鮮風系統係當廢氣排出車外之前，輸入鮮風讓廢氣多一個機會燃燒，減低有害物質。看圖PAIR入風口在風盒內。有車友話換喉後封左好正，但老編未試過所以唔知。
|
27/7/2005
|
Veapa 2005 GTS 205 ie/abs
Dear Sir,May I know where or which company, that I can buy the above new model bike?
Biu
sorry not yet availble in HK, please send your enquiry to www.oscarmotors.com.hk
|
27/7/2005
|
xr250motard vs dr-z400sm
老編先生,我是p仔,我本來想買honda xr250 motard,但見 suzuki dr-z400sm 亦只是貴$3000,而且性能為佳,馬力大D但耗油量差不多,又有水冷,而xr250只是風冷.但我又驚dr-z400sm唔適合p仔,我沒經驗真的不知怎麼選擇,唔該比少少意見,唔該唔該唔該!!
P牌係驚座位過高帶來信心不足問題，建議你試坐晒兩部車，睇下感覺如何先決定。睇價錢當然係買DRZ400SM較化算，但以新牌來說，用XR250會有較多時間研究彎道的操控，進步過程比較踏實。如一開始用400SM，擔心你會直路狂，彎路....
|
27/7/2005
|
胎氣問題
買車時車行說打胎氣(頭:28; 尾:30;), 但發覺每星期頭打胎氣,星期尾只得(頭:25; 尾:27;), 是否正常? 是否要每星期頭打胎氣?
新仔
應該係暗漏緊胎氣。搵番妿水淋上輪胎(包括入氣咀和輪框邊)，有漏氣的地方會吹波波。視乎係邊度漏氣，再決定下一步對策。
|
27/7/2005
|
死火燈問題
本人揸綿羊仔, 部車無死火燈, 自己裝容易嗎? 要點做? 如果去車房裝又大約要幾錢??
大力仔
市面上有死火燈配件，連工包料應該在一千蚊以下。
|
27/7/2005
|
新手一問....電力問題
剛買了An400i,想問問....如何知道電力還有多少.錶版有否顯示出來?何時要換電.或是否可叉電?謝謝!
新手
電池狀態要用電錶度先知。好少電單車會內置電壓錶。當撻車聲音微弱，或者長時間無用車，或經常短途用車，電池便會沒有充份時間充電。如果電池沒有打柴，當然可以拆出來充電。
|
27/7/2005
|
CB750
老編你好...小弟剛剛買下cb750(92年車),但發覺此車好大食,平均每公里0.95,咁是否正常,如果唔係有咩機件出現問題,及有咩改善方法...多謝解答小弟疑問~~~
taiki
檢查風格和胎氣。92年車...睇下使唔使攝埋哇佬。
|
27/7/2005
|
Re: SV650 Pair system
封PAIR孔後，油耗與動力的改善及原理：
改尾管後流失的中低轉扭力，封起PAIR之後，低轉、中低轉扭力與暴力性，完全不會比原廠設定弱。 我推測封掉PAIR後，油耗不會比原廠設定更多，甚至更省油（相同的操作模式之下），原因囉唆如下：
一、原廠狀態
1. 在中低轉速啟動的PAIR環保系統，會冷卻排氣管頭段廢氣，使之減低回壓。但原廠尾管排氣慢，能產生足夠的回壓，仍可以有效阻擋由排氣閥流洩的油氣，維持充足的扭力，並將油氣燃燒完畢、乾淨
2.此時排氣管中段的感測器（heated oxygen sensor）知道排氣中有一定量的氧氣（來自PAIR），會維持理論上的空燃比（air/fuel ratio），給予原廠設定的噴油量
二、改直通尾管（未封PAIR）
1.因為直通，所以排氣流速快（這對中高轉速有幫助），但回壓降低，油氣外洩的阻力降低，所以流失較多（耗油），中低轉速扭力喪失（無力），此時PAIR啟動，更加無力
2.因排氣流速快，PAIR送氣較強（所以PAIR沒封前，油箱底下有強烈吸氣聲，比原廠狀態大聲），heated oxygen sensor會偵測到高量氧氣，會令噴油嘴提高噴油量來維持正常的空燃比，所以耗油
三、改管且封掉PAIR
1.頭段排氣不被PAIR氣流冷卻，因此維持住回壓（扭力恢復）
2. heated oxygen sensor沒有偵測到高量氧氣，只令噴油嘴供應正常油量（不浪費油）
以下是改直通尾管並且封PAIR的結果，經過一桶油的實測，提供車友參考
1.低轉速扭力增加：大多數的彎可以高一個檔位行駛，有時候5檔在騎以為是4檔，2500-4000轉的低轉速更加明顯；
2.中轉速拉轉快速：上大埔阿婆彎沿途可以用多一個檔位過彎，如果用原來檔位，拉轉快速，對S彎有點措手不及、顯得煞車不足以及前叉過軟；
3.油耗不增加：跟以往比較，低轉行駛更省油、中高轉行駛更耗油。以往滿油騎215公里亮油燈，這一次到225公里還沒亮。行駛狀況以少量的拉轉搭配高檔低轉（因為扭力增加）行駛一般道路。如果運用增加的拉轉力道行駛，預計會因發揮較多的衝力而略加耗油。
Po
|
27/7/2005
|
為什麼少人偷
我睇失竊報告.....香港Kawasaki真係好少好少唔見左....點解呢!!!!而通真係唔興....所以
比利
應該係話Honda特別多...
|
27/7/2005
|
時租停車場
你好，請問電單車入時租既停車場，係唔係唔需要按入閘飛?而係在閘邊的空位入?
但有好多停車場都沒有註明電單車既時租價錢，咁我應唔應該按飛仔入閘呢?而係唔係個個停車場都有得泊電單車架?會否入到停車場先知冇電單車位呢?請教我如何好?
新牌既車友
每間停車場都有不同安排，最好在入口問清楚先。一般在政府建築物提供停車場服務的經營者，都會為電單車提供日泊服務，果d就只能捐過去，千萬不要按掣取票。
|
27/7/2005
|
買左 YAMAHA Majesty 250
我在一間電單車鋪頭買左一部二手majesty250但我買左後部車不段有問題出現成日要去整但佢成日都話ok無乜問題可以接受,但我攞去第二間電單車鋪頭佢話部車個尾好有問題,但攞返去同佢講就話有多車都係咁,但我試過其它 YAMAHA Majesty 250 都無咁嫁喎,其它年份都大過現在這部 YAMAHA Majesty 250 ,現在這間電單車鋪頭話幫我睇下要一個星期先攞得,咁我應該現在做d乜,如果一個星期後佢整唔到又可以做d乜!
這裏有無一些能夠將這些鋪頭公開的方法,唔洗其它人好似我咁
will lai kinglai14049@hotmail.com
請問你係以「要求免費保養」的姿態去要求車行修理嗎？如果要換零件，車行在冇錢收的情況下好難會幫你換。你去A車行買車，如果你拿去B車行俾佢驗，對於B車行來說是商機，當然會盡心幫你找出所有問題。掉番轉頭你係B車行買車，拿去A車行驗，A車行都會發現好多問題。所以真係要解決問題的話，係要真金白銀拿錢出來維修。
|
27/7/2005
|
泊車
新仔:請問電單車比錢$$.可不可泊私家車錶位?
新仔
不可以。
|
27/7/2005
|
我出左車喇,係一部私人盤99/02 cb400vs
用左一日走左幾轉長途.以三手車計,我好滿意部車的表現...爽快同穩定,想信我日後會有好問題發問,見諒...請問,落側架的時候有自動息火功能,正常嗎??我試過兩次喇,功能吾錯....
Man
呢個係高級安全設計o黎架，好多綿羊冇架！
|
27/7/2005
|
ET8 早上要煲車嗎?
我是p仔, 我新的ET8 早上要煲車嗎? 有人說要煲2分鍾, 另有人說不用煲...???
一筆直感
中庸之道，暖一分鐘o羅。(新車應該要暖車，舊車，是但啦)
|
27/7/2005
|
B12或B650？請指教．
想換車，請問老編會如何選擇？為甚麼？
轉款前二手B12，齊料，狀態佳．
新車B650S，但車價貴約三份一．
我試駕過B12，慢車可應付；但未試過B6，不知差多少．我會長抯五年以上．考慮設備，油錢，被盜風險，設計等等，請老編指點．謝謝！
橙仔
你意思係指二手B12賣40000？雖然老編會贊成買B12多dd，但如果係轉款前B12賣40k的話，買唔過。
|
27/7/2005
|
換指揮燈問題
我架車係Yamaha Virago 400~後面兩盞指揮燈成日都壞~換左燈膽ok左一個禮拜~點知今日又壞左~究竟係燈膽問題定係條線接駁有問題~?如果自己買指揮燈換~係咪一定要夾返Yamaha款~如果用其他如Honda咁又有冇問題~??同埋如果自己安裝指揮燈~有乜野地方要注意~??
thx!
430
燈膽經常燒，可能係線路有問題。最好俾師傅全車檢查。(燈膽無分車輛牌子)
|
| |
|
|
|
 |
|
