|
|
|
FAQ常見問題 |
|
|
17/7/2005
|
適當的轉數？
我個牌過了一年才買車~前排買了部二手xr250~但是總是開車好易死火的？之前學車d呀sir會將轉數題高d~易d開車？咁我部車幾多轉or是否大d轉數易開車呢？
新仔
這是油門和離合器應用的課題。你需要多練習，XR250唔係高轉車，起步只需把轉數輕微提高一點便可，主要是找磨擦點和在磨擦點停留多久的技巧。
|
17/7/2005
|
比警車嚇親!
本人用電單車只係假期駛去沙灘或泳池, 係新牌一名, 就算去沙灘or泳池都係行好近, 唔駛十分鐘車程果隻。
自問仲係新牌仔(拎o左年幾, 不過p牌冇用過車, 考o左牌之後都係用過四次), 所以開得都好慢, 60km 左右, 話說我游完水之後開車返家, o向一個燈位停預備右去, 點知後邊有架警車o向後面, o的警號瓜瓜嘈, 老實講, 個心真係驚驚地, 跟住不自主咁將架車轉左(仲有一條路左轉, 不過指揮燈冇轉到)咁就比佢叫停, 仲問冇咩ma, 你係咪車主...下刪一百字....事後我就諗, 人o地本來開得好好地, 唔係你架車都唔駛嚇親人....
私家車有o的標示"baby in car", 唔知26有冇o的類似標示呢?有就o岩哂我呢o的駕26當係慢車享受o既人!
慢中郎
在馬路上開車，你當然有慢慢嘆的自由。但要緊記行左線，同埋最低車速要與交通流量配合。快未必危險，慢亦未必等於安全。警車響號便要在安全情況下讓路俾佢先行。電單車係咁咦靠左少少，便可騰出空間俾警車扒頭。
|
17/7/2005
|
請問？
是否轉數高d會易d開車呢？
新仔
應該係有適當的轉數。你部係咩車？
|
17/7/2005
|
RE:睇唔過眼的人
其實交通部有一個部門叫TIG,佢地係負責一般交通投訴,你可以去各大交通部投訴由佢地轉介..
但有一點要提提你--
1)如果你影到小巴超速,你可以影到幾耐,你又係唔係要超速跟住佢呢??
2)我估你話影埋銤錶係影自己果個呀????噤你影唔到佢果個又點証明佢超速...
3)就算警察要告人超速,都要尾隨佢一段時間以定速影像並顯示到車速讀數先可以上法庭..
4)警察車上既定速影像儀係有定期比大學檢查,証明係正確顯示速度讀數,而且,每個操作既警員都要上堂學過有沙報紙架..因為法庭上係講証據,你無就無法証明對方有罪(唔同大陸呀).
5)雖然警方一樣會接,但你有無o禁多時間上法庭呀...總之自己小心,唔好為想報串而攪到自己又超速跟蹤人喇!
VFR800 chuen@mail.hongkong.com
|
17/7/2005
|
Re:p仔+(cb250)差d比無良車房斬一脛血,小心
不過你部車都唔後生囉！壞這兩種也很正常，過來人的經驗來說，如果舊電因為整流有事而引至你壞電池燒保險絲到時可能仲甘啦！炭刷這東西因為是損耗性的零件，你的情況是初期再遲D你知味道。小心《因小失大》
細路
|
17/7/2005
|
Re:p仔+(cb250)差d比無良車房斬一脛血,小心
如果你知來貨價就知400一舊日本池真係唔貴喎.. 仲有d平...450就差唔多..
200只可以買大陸池或老翻池..用半年至一年到啦..
收你一千換整流炭精計落都淨袋人工錢咋..日本野來貨好貴架..
你架車甘舊換下整流都好正常..電器野舊左唔穩定..否則轉頭又唔得..你又話佢唔識整車..唔好一句就話人黑店啦..
車房仔
|
17/7/2005
|
油錢
想問我架95 cb400,kit喉,6毫一公里是否合理。
如果炳o既話都唔算貴。
|
17/7/2005
|
Re: 實在睇唔過眼
同意 James 所講，我係新牌，一個月都沒兩次出車，但係就次次都有D咁既司機。反而我去咁多地方，甚至臺灣泰國都無咁衰。
燈位唔覺意彈Clutch / 唔記得轉1波死火，嘩！後面就呠到你死，前面路囗仲係紅燈(長沙灣青山道)，未有得去住，駚唔駛呠到人飛起咁滯呀？
仲有一次係美孚天橋入荃灣行緊70，嘩！比架巴士推到！你睇個睹後鏡就騰晒雞，未夠！仲係咁閃你。開巴士定消防車呀！？最衰睹後鏡反轉左個車牌，唔係實 Port 佢。
仲有係旺角就最憎D粉腸又要快，又要兜入西洋菜街，呠人不夠，有5-6米空位就踩地板油響人面前狂 dup ，嘩！呢D人呢架！？有咩事告得謀殺 la !! 做差佬行bip應該抄下呢D cheap 精就v. good la.
P牌新丁
|
17/7/2005
|
機油
我架車入3L機油，想問我上次用剩1L半合成，今次我想入全合成，兩者加埋一齊得唔得，因不想浪費。
你不如今次入番半合成油喇，用埋果d舊油，下次先換全合成(下次先換埋油隔)
|
17/7/2005
|
實在睇唔過眼
無耐性嗎?的確 , 我都同意 , 不過都要看咩情況喎 , 有時遇到d盲毛....真係令人心急架.
有一次我囉車由大角咀取車回家去 ,經塘尾道橋底右轉入櫻桃街,只有最右面哥條線係可以轉右,而且係讓對頭車行先既 , 咁我架電單車排第2 , 前面有架黑色好殘舊既"酷撈拿" , 後面有一大班紅的跟尾 , 咁一綠燈 , 大家相安無事一個跟一個係雙虛線前等無對頭車時轉右 , 我停係架酷撈拿後面編右既位置(因為可以睇對頭有無車來) , 好啦 , 第一輪對頭車龍走晒啦 , 見到明顯無對頭車 , 前面架酷撈拿仲未開車喎 , 經車窗見到個司機明明望緊條馬路架喎?! 等阿等 , 等左6-7秒左右 , 都仲未開 , 我個人就開始有d唔耐煩啦 . 前面完全無車都唔開車? 我想響響安之際已經有一排的士由左面高速cut線扒頭....他們的心情我都明白.....個酷撈拿司機都唔知做乜9.....見到的士cut線之際他就慢吞吞咁開始行了....於是我就跟他尾行 , 轉完灣就比大油走人....
有時d人唔識禮讓 , 真係令人幾煩惱架 , 屯門公路成日都見到d車 , 左線中線有大車 , 有架私家車係快線行60-70 , o岩o岩做左個box trap晒後面d車 , 你都咪話唔興 , 最搞笑通常那車過左左面d大車之後 , 明明左面無車都唔會行返左線 , 好似右線有金拾咁....duck住晒後面d車...我記得有一次成排車比前面架車勁慢咁duck住晒 , duck左好耐(差唔多由丁9去到小欖....) , 我興興地就zip車去到他則面 , 拿clutch , 飛大油 , 之後全速由他前面走人(無車....勁順)....望鏡先望到他終於入返左線車群讓返後面d車...
雖然我後面飛油哥度有dd做得唔o岩 , 不過 , 有時d盲毛真係會令人好興
燎
|
17/7/2005
|
老編大人
i)想問下除左馬力外joy max 250 和 Liberty200邊架車好d
1) 主要用來代步 (要行高速公路)
2) 油錢
3) 維修費用
4) 邊款大機會比人偷
ii)傳聞話意大利車多電器野壞，而且零件貴，仲成日要等原零件，是咪真的?
萬二分感激
祝生意興隆
cyyam
cyyam
1)兩架都得
2)一定係大cc油錢會貴d
3)兩架都係新車，都係同一代理，相差應該唔多
4)冇得估，咩車都有人拿。
買車唔唸馬力？咁只有唸價錢。咁邊部平d丫？
|
17/7/2005
|
實在睇唔過眼
各位好.事先聲明, 本人絶對唔係食飽反等xx既人, 亦唔係想搵野搞既人. 有野想同大家研究下.
ok, 入正題. 本人同時擁有 26 同 46 超過8年路面經驗. 亦有在外國駕駛既經驗.發現香港有一半司機(其實普遍香港人)既容忍及耐性非常低.
如: 燈號前綠燈開車慢一至兩秒已會有人從後響安.
高速公路繁忙時間三線行車(max100km/hr)我車中線行緊90km/hr, 後車中線約100km/hr駛至, 同我車相距少於2秒. 如果慢線唔係有巴士及貨車行緊(約70-80km/hr不等). 我係會考慮安全情況下轉至慢線 "讓路" (其實從後鏡得知它來勢洶洶, 已會預早作出此舉) 但係僈線車輛數目多.而當我把車速提高至95-100. 它的2秒跟車距離不會有太大的改善. 所以我會把車速保持原速或會減至85 (不是有意作對. 只是對自己多一點保障). 當然此車絶對唔會放過任何"有利"時間, 唔理會影響快線車輛而做到唔打燈咁cut去快線.
夠喇! 多一點觀察力既守法駕駛者都不難搵到呢一類既"人". 其他驚險鏡頭多到係唔會係度講得完. 其實我講咁耐, 係想帶出呢一類既"人"最大既問題係 道路使用者應有的 "良好態度" (香港人就係人cut我一次, 我就要cut返你兩次).
香港人既態度問題我諗係冇得搞. 算吧. 但係我來講, 我最唔想見到就係有人傷亡既交通意外. 係意外中傷亡既人既家人都係最無辜. 講到尾,交通意外絶對可以因改變 "態度" 而減少 (當然 路上"零"意外直係幾難可以做到) 從今日起, 做好自己吧. 在交通意外中死或傷一個都係多.
簡單d講, 例如, 係車上裝上dv拍到前車 如小巴以 105km/hr (max 100km/hr) 行駛. 拍埋小巴既車速顯示器喎 (話! 司機大佬. 我知你要搵食, 快d可以多跑一兩三轉,但你知唔知可以因你一個人既自私行為導致車上16個家庭受到影響, fuxk u, 就算比你一晚多搵1000又如何??) 講衰d, 有乜正式途徑報寸, 寄上超速片段, 等政府先給他罰款再給他態度教育.
你估我直係搵野搞呀. 實在睇唔過眼. (我都係唔想意外有機會發生者)
James harleyip@yahoo.com
|
17/7/2005
|
邊度買皮靴
本人細個食錯葯，隻腳超大us14/eur49.5，請問有冇地方可以買到or訂皮靴?
kk
|
17/7/2005
|
Re:p仔+(cb250)差d比無良車房斬一脛血,小心
佢比左50蚊, 不貴喔, 我check左150蚊, 舊日本電池要成$450添. 不過無同你再著車由你自生自滅, 就無d風度. $200蚊國產免維護電池, 小心d用, 我試過10個月就流汁, 小心.
推車的人
|
17/7/2005
|
跑車定綿羊??
老編唔該比些少意見,我揀左兩部新車, 但唔知買邊部好
1. 05 CBR150R
2. 05 Joyride 200
我剛剛甩P(手波), 但未有路面經驗, 以我178cm高, 主要用黎代步, 究竟點揀好,THX!!
danny
Joyride 200.
|
17/7/2005
|
二手車
請問burgman150 同fazer150 o係香港是否冷門車, 因好少二手盤此外, 老編認為有咩250樓下既中羊or街車適合P仔(新舊款都得)??
p
Burgman UH150都唔算冷門車。但係Fazer 150係咩車黎架？250以下的任何車款，只要係四衝引擎便適合P牌使用。
|
17/7/2005
|
re:YP 250開吾到行李箱
最大可能, 我之前成日都係開唔到, 因為....擺得多野, 但強行壓落去com埋個seat位, 因為裡面d野頂住你個扣, 所以好難開!解決方法: 一手用力把seat位按下去, 另一手就開seat位。
|
17/7/2005
|
老編你好:小弟的是大鯊王,今天開車時正常,開左幾十公里後停車一會再開車,一按電撻發覺有撻一聲停頓左一秒後至會開到車?由新車到現在行了12000都未試過,是不是電池有即像開始夠期要換!!我在代理奧士換過粒燈禁多多,是白燈35/35W對電池有無問題,我不想到撻唔到車時至整到時就痛苦囉!!!謝謝回答
<<我老婆是大佬>>
按電撻之後「撻」一聲後就冇聲，寂靜左一秒之架車突然著左？咁神奇？偶一為之的話好難估，睇下會唔會成日都係咁？(不過就算冇電都唔使驚，有腳撻架嘛？)
|
17/7/2005
|
頭皮問題
老編，依你所講我架車出現的拖碟情況，對架車會有咩負面影響呀？我初頭以為個迫力皮未bed-in，所以依你先前果篇文章個方法黎bed-in佢，但情況都唔見有轉好！聽你既意見，我咁做咪仲反而傷左架車？咁有咩方法解救？換過第二塊？我點揀合適既迫力皮？或者你建議下我架車用邊隻頭皮好？我架車係Magna250,唔該哂！
慘人
因為如果拖碟拖得太緊要的話，迫力溫度會好高，一般行街皮遇到高溫會變得冇力，影響行車安全。俾師傅檢查下先，如果真係要換皮，換番原庄規格的迫力皮便可。
|
17/7/2005
|
Re:p仔+(cb250)差d比無良車房斬一脛血,小心
我諗個問題係話師父提議要換整流+炭刷,但而家袛係換個電池就無事!
咁係o米個師父的經驗&技術有商確呢?
|
17/7/2005
|
re: CB250 黑客 P仔
老友, 你知唔知電池有分牌子,有分大陸電定日本電架, 過一過砵砵街睇下, 大陸同外地都唔同價啦我!!我諗$200買左舊咩電你都仲未知啦,你唔識O既問多幾個人先, 再唔係打去honda代理燦雞問都問到價錢啦!!你唔識唔好話人黑店!!!上黎呢度拍下FAQ都大把野你學啦!!
唔係開車房o既阿黑
|
16/7/2005
|
車底有油滴出黎
我呢幾日發現我泊番部車係停車場時,係落大架支野對上有油滴落地下(少過十滴), 會係咩問題??
大力仔 pluto_3650@yahoo.com.hk
綿羊?街車?SR,S/F.T-MAX,?
|
16/7/2005
|
尾Brake
hi :老鬼你好
小弟的vtec 2尾Brake皮去得比頭皮快，頭皮一半尾皮就玩完？本人很小用尾Brake
，(安裝新尾皮後)前晚高速公路一轉後發覺尾碟好熱但頭碟唔多熱？是否新皮的問
題。
DM jj2522@yahoo.com.hk
一係本身隻碟蝕,一係尾迫力唔識回彈.
|
16/7/2005
|
指揮燈題
老鬼.我架Magna250 前指揮燈之前有D問題,當比了左燈號後,前燈唔著,但有時行行下就著返.尾燈無事,不過係前燈唔著既時候會閃得快左.打死火燈一樣得左前燈唔著.因為seach過之前既留言,知道可能係燈旦,電線或閃制問題,所以就折左出黎睇下.發現燈旦無燒,電線都應該無事.閃制唔識check.當安返落去既時候初時都無事.但轉頭就全部燈都唔著,包括轉波燈同尾燈.安都唔識響.得返個頭燈正常.著車都無問題.我想知會晤會係燒左總fuse?同埋係唔係之前指揮燈問題開始嚴重而令到整流有事?修理會否好貴呢?其實都會羅去整,不過想清楚知道大約係壞D乜,因為呢間車行我未幫襯過.
謝謝老鬼回答,萬分感激
Po
其實應該好小問題,通常都是指揮燈線或座問題,fuse巳燒巳証明,而通常都會是整流有事先.價錢要睇佢check幾耐.應該唔會貴.
|
16/7/2005
|
Re:Re:YP 250開吾到行李箱
原來有d生銹......噴一些wd40,即刻試下先!~~
Thank you David!!!
manju
|
16/7/2005
|
p仔+(cb250)差d比無良車房斬一脛血,小心
話說早前架車(cb250)經常撻唔著,有(得),(得)聲有頭燈,係到留過言,之後自己都係攪唔掂,結果都係攞左比九龍區某間車房check ,間車房係朋友介紹嘅,之後我同舊車主去到車房比師父check,佢問我係咪落完雨無楂幾日,我話比佢聽唔係,之後佢開始check,首先佢好有技術地一撻就著,(之前我死撻難撻都唔著),之後佢又比油,然後放手,就指著空波燈話唔變光d,係差唔起電,之後拿它表放左電池上兩極度,重復以上比油,然後放手的動作,然後又話整流有問題,之後再話(得),(得)聲,係因為start炭刷損耗,都要換,重賣行廣告話其他車房要整成個幾兩個鐘,佢熟手三個字就ok,(廢話),兩樣野成為1千大元(6百元整流+4百元炭刷),佢話好抵,我心想我架95年車買返黎萬幾,整1千好肉痛,但無計都要整啦,但舊車主叫我唔好整,重問師傅電池幾錢,佢話成4百元,重強調話唔關電池事,換左都冇用,之後我聽舊車主話唔整啦,車房話要收50元check 車費,之前冇講明,我都比左,我重叫師傅幫手撻著車,但佢都辦聽唔到,我唯有推撻著架車走人,可能佢以為我p仔好蝦d,以為我唔識推撻,一定要比佢整,之後我決定換電池試左先,去左其它專賣車牌及電池店舖問,又係4百大元,我都覺得貴,之前楂46換大池都係4百,再問多間,2百大元攪掂,換電後,成個星期撻車都冇問題,所以我係度同其他p牌講,整車都係要揾d有口碑嘅整,最好有經驗識車朋友陪同會好d,我唔係想唱衰d黑店,係唔想其他p仔受害,,如果你地真係想知間黑店叫咩名,可以e-mail比我,不過唔好係度共開啦,無畏搞到人地家破人亡啦.
p仔 swming1809@yahoo.com.hk
200元一個電池？祝你好運。你部車幾錢買番來係一回事，零件替換維修人工幾多錢又係另一回事，唔可能話你部車平，就要收你平d。咁人地送部車俾你，你咪唔駛俾錢整？
車行利用經驗利用技術去賺你錢，係應得o既。熟手o既用十五分鐘，唔識o既用一個鐘，用的時間越少果個師傅應該重要收得貴d，因為佢識。知識係值錢架。無知係罪o黎架。你唔好下下話人地係黑店，一千蚊換整流換炭精已經好平，俾老編可能驚平得滯添。
你呢套思想和口德，係「黑客」先真。400蚊一個正廠電池已經好平，你搵親d車店其實賣價都冇水位走，都重要嫌貴？咁叻你自己番屋企整晒d野佢，咁咪唔駛俾錢人賺o羅？
|
16/7/2005
|
re:YP 250開吾到行李箱
吾使架,有d生銹咋，噴一些wd40就可以了,二十元都吾使...
David
|
16/7/2005
|
YP 250開吾到行李箱
YP250C版,返到屋企,座下行李箱點開都係開得一面鎖,另一面開吾到,搞左半小時開左,關上再開又開都係開得一面鎖,D 錢,鎖匙係裡面, 好在先取回0者.......有無車友試過??
車房識唔識修理?要去"Yamaha"代理修理? Thanks
Manju ihm_manju2@yahoo.com.hk
|
16/7/2005
|
點解會出現咁情況, 需維修否 ?
著車有時只需用油門 + 著車制, 但有時要按埋迫力 ??
thanks
自動綿羊的話，當然要扣迫力先著到車。
|
16/7/2005
|
又問x8-200...
老編/各位X8車主又係細佬呀... 自上次問完呔氣之後有就轉用頭28尾32..唔知係唔係心理作用,無o禁好彎架車浮D,仲有最大問題係頭避震好似震過之前...其實智唔會有o禁既問題出現架,我之前用25/32都無野...我知道有一部份係自己心理作用,但的確個頭係震左，有無人答到我呀...
VFR800 chuen630@mail.hongkong.com
似乎胎氣過多。既然之前你話25/32冇野，做乜要改呢？
|
16/7/2005
|
Honda PGM
老鬼先生，本人現在想找一部Honda PGM 3 or 4 系列的車，(注：本人有二十多年駕駛經驗，以前年輕時也曾駕駛過PGM有一段短時間)因為本人對這車的外型情有獨鐘，想找一部作為收藏品。查市場二手車有很多已是五勞七傷，如果我不計較金錢，用新零件 去Re-built , 請問先生原廠還有沒有這系列的零件？同時保守估計費用大約多少呢？上述問題煩請先生方便作答，不胜感激！
亞黎
原廠零件當然有,由機器上至下,8-9千元到.
|
16/7/2005
|
Honda125
喂老編!我心情好正呀,您教我改車,改得好好...今日有個cbr車手係燈位前說:你頭先行到成140km...你o個o家係咪鬼車黎o家?可以開咁快ga???後來,我去車行吹水,師傅話叫我加裝轉數表!有無用o家?honda stream-125
dick
轉數錶當然有用，可以監察引擎運作狀態，唔使靠估。
|
16/7/2005
|
CB400 VTEC I 有否晶片車匙?
本人剛購入一架02年行貨CB400 VTEC I，想問TEC I是否會有晶片車匙?因為我見油缸面貼有晶片車匙的貼紙。
卜卜 louis_lee@alumni.polyu.edu.hk
Yes
|
16/7/2005
|
vtec-kit喉隔音棉
大家好,
1請問隔音棉散左唔換對架車有咩影響,換棉價錢駛唔駛條喉一半?
2只係換尾折kit喉,有咩要跟手換或調整?
冇經驗的人
1)嘈左，換綿幾舊水。
2)淨換滅聲鼓，可以唔使做其他調整。
|
16/7/2005
|
Shark 得唔得?
請問過到Snell既頭盔...有大家都認識既 Arai 同 Shoei 之外.仲有邊d係呀 ?
Shark 係唔係呢?有無車友可對 Shark 比d意見?
sun icandmh@yahoo.com.hk
每間大廠都會俾頭盔Snell測試。你買頭盔時可留意後腦位置有冇Snell貼紙。Shark當然係頭盔名牌之一。
|
15/7/2005
|
CB750
老編你好...小弟剛剛買下cb750(92年車),但發覺此車好大食,平均每公里0.95,
咁是否正常,如果唔係有咩機件出現問題,及有咩改善方法...
多謝解答小弟疑問~~~
taiki aufaiwai@yahoo.com.hk
是否英錶呀?此屬於勁改或漏電油價錢,乜都要check..
|
15/7/2005
|
98年cbr400rr水箱溫度要多少風扇才會起動輒(是到紅線位置嗎)?
curly lechung@163.com
不是,一定在紅區前,大約100度左右.
|
15/7/2005
|
風隔
x8-200洗風隔，手冊話洗完後用50%偈油和50%氣油浸，請問50%氣油的作用？
p仔
油浸風格棉?未聽過,對不起!
|
15/7/2005
|
續....死氣喉散,係cb400
我架車果條係....zero kit 喉、我自己換左D普通死氣喉綿,包得無原裝D銅絲綿甘實,效果分別大嗎？仲有其實係咪可以清洗原本果D銅絲綿等佢疏番氣而唔洗拆換呢？！
多謝解答！
人一個
只要實便可,但要注意綿的質數,你指銅絲綿是否最出個快,這是包住棉心用的,可以不換.
|
15/7/2005
|
唔明!再問
老鬼師父之前話我架車個波差出現微彎現象,咁如果我而家拎出去整大約咩價錢到?遲d等到跳波先整會唔會整到我破有產架?仲有就係會唔會有其他原因咁呢?同埋架車轉波唔係太靜,定係其他車都會有聲架呢?再次thx
心煩人
這當然盡早修理比較好.價錢就好難講,但代理就會實際d,亦有機會波牙一些連接零件.而轉波唔靜就有好多原因.
|
15/7/2005
|
買二手車
請問二手車買番來，通常有咩野要換呀?
p仔
除左車架和引擎唔換得之外，其他乜都可以換。
請睇【知識技術】或搜尋以往留言。
|
15/7/2005
|
26一問：我架二冲温拿起步沒有力，雙騎上暗斜路起步唔想行好危險，到車行問又話冇事怎辮？
roy kitam2004@yahoo.com.hk
換車。(咪誤會老編又串緊人，換車係最終答案)
|
15/7/2005
|
帶車到內陸..感謝
我想從香港帶車到北京,車種為cross,想請問各位前輩有什麼方式可以讓我夢想成真
我是一個到北京定居的台灣人,這裡玩車真的資源很缺乏,感謝各位阿
kasem kasemw@yahoo.com.tw
話時話咩係「Cross」呀？
|
15/7/2005
|
再來死氣喉問題
咁假設其他規格都一樣的話, 蕉位長短是否影響到加速力, 反應, 極速等! 請指點!
ritz_cal78
只要蕉位有適當長度先匯合，爭少少長短冇影響。
|
15/7/2005
|
換胎一問
老編老編:我前晚行行下條後胎穿左,推到去車行時都十點幾,原本打算前後都換新,但佢地話前胎無貨,無得換,淨係幫我換左後胎,但我發現換完胎之後架車無禁好力,(比油時架車唔再好比以前禁彈出去)同埋架車好似唔係太平衡,點解會這樣??係心理作用嗎??仲有如果我換完後胎再行成百幾公里至換過條前胎會唔會有咩影響??唔該老編....
DENNIS
如果輪胎呎吋正確，胎氣正確的話，應該唔關係胎事。另一個可能係車鏈調較過緊。
|
15/7/2005
|
battery 2
Dear editors,Thanks for your opinion, but how can I re-charge the battery? Should I buy something? Can I charge at home?
alan
You can hand it to bike shop.
|
15/7/2005
|
Suzuki DR-Z400SM 尾架
DR-Z400S o既尾架可否裝在 DR-Z400SM 呢? 哪地區有得安裝?謝！
tel: 2390 0345
|
15/7/2005
|
頭皮
老編大人，噙日換左個頭皮，發覺架車好似啜住左咁，好難郁。空波推車覺得比未換之前難推，我諗可能係塊皮未開，但行左成百公里，情況都未見得有太大改善，到底應該點做呢？
我架係Magna250
Magna Steven
換新迫力皮應該覺得收車冇咁應先真。如果你話推車都困難，咁拖碟情況都幾嚴重。俾師傅再睇睇好喎。
|
15/7/2005
|
水箱水可以入水喉水嗎?
我家綿羊係水冷的, 但我見車檔入個D水係綠綠地色,其實個D水係唔係散熱好過水喉水??
如果就咁入水喉會唔會對散熱唔好.因為水有好多雜質.
Runner車主
現在市面上售賣的coolant都是溝好晒o比例內含防銹劑既水箱水。如果要加，最好加蒸餾水。
|
15/7/2005
|
re: P仔需要您的幫手呀...好down呀
呢個情況我都試過, 應該係電池水唔夠, 有D位乾水, 去車檔或者買蒸餾水入番試試
Runner車主
|
| |
|
|
|
 |
|
