|
|
|
FAQ常見問題 |
|
|
13/6/2005
|
Isle of Man TT的玩法?
本人想問，Isle of Man TT(人島TT)，這個比賽是不是一大堆車一起比賽，去完成指定的時間(Le Man 24電單車耐力賽)，或指定圈數(像BSB，MotoGP，SBK.....等等)圈道在那裡，全長是幾多。
WONG Ho Ying
人島是英國屬地，賽事繞島而行，像澳門一樣跑街和鄉村道路。出名瘋狂危險，對居民滋擾亦很大。但因為旅遊收益十分龐大，所以島上居民都沒有反對賽事舉行。有關TT人島賽事的歷史及細節，請參考http://www.iomtt.com/
|
13/6/2005
|
尾輪怪聲
你好老編,本人用自動綿羊的,新車買入用了差不多2年,上星期發覺開車的時候,覺得
後輪不知那部份有好像公共小巴開車時那種扭轉的聲音,每一次停車開車都聽到,是否
我的綿羊開始有無病?本人對電單車認識很淺,望給專業意見,謝!
無知人
自動波的傳動機構，需要較頻密的維護。你用左兩年都冇搞過的話，係時候俾車行檢查一下皮帶、珠盤、極力子等。
|
13/6/2005
|
續牌第二問
我 1 月買車(2手), 當時仲有牌費到 6月,但到依加, 我只係得張 cover note.....@@
cover note 只係有效 30日???? 咁我係咪續唔到? 一定要拎份正單先得??????????
thx!!!!
Tommy
你一定要拿番份正單先可以續到牌費。
|
13/6/2005
|
俾人偷左架愛車TW200
係度想先問下各位車友:
1) 係房屋處屋村停車場失車可以以民事方式告停車場疏忽嗎?
2) 可以告房屋處的停車場管理不當引致失車嗎 ?
3) 屋村收費停的cam壞左影唔到有力的証據, 這可以告停車場嗎 ?
案發經過:
6月11日: 4點左右返到青衣住所, 泊底架愛車tw200 ( 全改 ). 心想明天都開車架啦, 一個懶字, 唔 "扲" 車都冇所謂啦. 回頭望一望架愛車, 帶住疲倦既身軀回家.點知 ......................
6月11日下午5:00訓醒, 食完飯打o下機, 10點半一心想同女友開開心心去睇戲. 落到樓, 去到車位... " 依 ~~~~~ 我架車呢 !!! ". 估唔到, 咁就冇左. 報左警, 落完口工, 出左警局.... 個心都未信lee件事, 好似發夢咁,個心好痛. 返到去又再問d 保安, 原來同一日同一地方都有一架Super Four不翼而飛. 原來仲有一個苦主, 我地真係慘 ... 問d保安佢地有冇發現o個日有咩可疑既人或車, 佢地又話冇. 問佢地如果個仆x 開部車入村, 村口個cam應該影到, 佢地又話個cam壞左好耐. 有冇攪x錯, 咁我地俾錢泊停車場為咩 ?! 泊街又驚食牛肉乾, 又驚俾人偷車 . 所以買車後泊左半年街就搬左入停車場, 點知就咁燒焦..
Allen geyclun@hotmail.com
閣下遭遇深表同情。作為停車場經營者或管理者，為保障利益都會把停車場使用條款訂立在對停車場有利的位置。是否有法理根據控告停車場疏忽要求賠償，要視乎停車場條例點樣寫。o黎緊有單類似的case排期上庭，請參考一下。
|
13/6/2005
|
iBike Gal
老編,唔好意思,係我叫佢(娜娜)炸你個(mail box).事因有一日上ibike時, 突然又見到娜娜wake up(icq), 心唸, 你地好似有d關係喎(因為佢好似係mod dell), 又因為之前都聽你講過被人炸完就可以做iBike Gal, 所以我就叫佢炸你, 唔講咁多, 要(目訓), 下次再炸過.
業
哈哈，原來你就係幕後功臣。Thanks！
|
13/6/2005
|
圓錐體
老編大人,想請問車手的賽車衣背後都有個圓錐體的東西,他的作用是什麼?是否用來保護頸錐呢?如何做到保護作用呢?謝謝
David
你講好似枕頭咁樣果舊野？三個作用，首先係裝飾。第二係擾流，第三係保護後腦和頸椎。作用係當撻落地高速翻滾時，有舊野墊住希望可以減低頭盔後腦部位與地面撞擊的力度，以及減少頸部關節屈曲的角度。
|
13/6/2005
|
英雄地
成日聽d人講英雄地,咩大清,大帽山,其實實際路線係點?我並不是去飛,只係想見識多d種類既車友,因我仲係p仔.多謝回答!
P仔
呢個世界唔係樣樣o野都要見識過先得o既，咁唸法好易衰o架。
|
13/6/2005
|
Re: 有那些店舖專門為巡航車改裝配件呢?
尖沙咀利時後面地下 (唔知搬左未)
midnight fly
|
13/6/2005
|
re: TW225粗軑
TW225可否轉用街tire?
睇怕佢的size都幾難搵到....
|
13/6/2005
|
買車試車
老編你好,我想講講買26無得試這問題,我知道香港地全部老電車行都唔會俾你試車(BMW除外),佢地成日搬D無保險等看似有理由的藉口來推搪,我自己就認為好無道理,據我所知,
even在大陸買26都俾你試,其係唔知點解HK無得試.....如果係無保險點解唔買定,唔通少少錢車行都唔捨得出 ?? 驚俾客撞爛部車咪先收錢,我想好多車友都唔反對.
想極唔明為何46有得試26冇得試 ? 其實是否D車行做慣做熟壞手勢 ? 大拿拿幾萬元(約數)買野試都無得試下講唔通喎,多數車友揀車都係靠睇書,上網,朋友介紹,但始終是別人講的,自己試先可以FEEL到.....唔知老編及各方大佬可有同感 ?
以上所講的只係自已有感而發,唔同意就當我發嗡風啦.
快人快語
之前有某車行標榜可以試車，但講明炒左就要買。最後呢間車行...都摺左。
|
13/6/2005
|
續牌一問
老編大人:我保險只有一張covernote, o吾知可o吾可以續牌呢????Thx!!
續牌仔
臨時保單所cover的日期足夠新牌費生效三十天便可。
|
13/6/2005
|
Re: P牌加監...!
我0係第一次楂電車出街時(當時仍是P牌),因經驗不足及唔熟路，都試過駛入巴士專線。又咁0岩有警察0係度，佢就叫我停埋一邊同俾左張告票我，罰$450。到換牌時都無問題，唔駛加監。
AN150
警察有權發告票俾P牌咩？老編越來越混亂.....
|
13/6/2005
|
超白光燈同HID有什麼分別？
兩種燈有什麼分別，兩者都合法嗎？那一種比較食電，我本身已經有裝防盜，安裝超白光燈或HID燈後會否很容易扯乾電池？Shadow 400適合安裝嗎？
John
白光燈可以揀到唔增加耗電的燈泡，HID要透過升壓火牛提高色溫，當然會較用電。裝HID燈唔好貪平，你部Shadow400唔值得裝。呢d錢駛左，賣車時會收唔番。
|
13/6/2005
|
點解買400cc既爬雞會好d老編大人請解答(我買新車)
hang
夠力d。
|
13/6/2005
|
年份有新揀新，機器有大揀大
謝謝老編之前解決小弟的問題,但另一問題又出現了
(小弟只有二十歲,P仔來的,有半年1,2牌),憑我這樣的身勢,(由於只喜歡Fairing車)我想我只可寄望出到CBR250RR吧,400CC或以上真的不知可能性大不大呀?所以想問...
1:二十歲,P仔,有半年1,2牌,出到CBR250RR機會大嗎,聽說須要二十一歲才出到?
2:如以我這樣的身勢,出400CC或以上的Fairing車,不知可能性又大不大呢?
阿傑 peropsk@yahoo.com.hk
可以試下問保險中介人。
|
12/6/2005
|
我想買部爬雞唔知250cc好呀...還是400cc好Ｄ(平時返工放工用)
hang
400
|
12/6/2005
|
黑店???
老編好,小弟有幾位朋友都不其言地異口同聲說(xx電單車行)是黑店,因曾經有位朋友的老友用$9000買左架PGO T-Rex 150,之後三個月內用多$9000黎整車,全數足夠買架新車......但小弟就看中了它們所發售的(CBR250RR),並親身前往看此車(幾新淨),但它說在它那裡買車是不能試車的,所以想問問老編兩個問題:
1:買車行翻新車,是不是不能試車的?
2:老編,你對此車行的評價如何呢,它們信得過嗎?
阿傑 peropsk@yahoo.com.hk
除左BMW之外，所有電單車行都唔會俾你試車。買二手車發現車有問題要整，係好常見的現象。唔係點解老編成日苦口婆心咁叫人有大買大？細機器負苛高，容易勞損，所以修理係必要的事情。不過你朋友果部T-REX 150要整成$9000，又真係誇左d，佢整左d乜野呀？
最後你話該車行信唔信得過的問題，老編認為應該要信車而不是信車行。如果部車有問題，咩車行都死。咁點樣信車呢？年份有新揀新，機器有大揀大。
|
12/6/2005
|
TW225粗軑
想問TW225咁特別既軚, 有冇邊款街軚岩用?同埋呢類fun bike, 條菠羅軚如果用黎行街有冇問題, 咬唔咬地? 濕地又如何? 其實菠羅軚既軚紋for 咩用?
菠蘿胎的膠粒係俾泥地用，在舖裝路面上使用，抓地力當然不及道路輪胎。
|
12/6/2005
|
續牌費
想請問雹單車續牌費洗唔洗好似私家車咁要驗車先架?
不用。
|
12/6/2005
|
P牌加監...!
其實P牌其間都未必一定要加監或上庭，小弟係P牌時曾經係停字路口冇停車，都係罰左450冇加監...所以唔一定P牌犯錯就加監嘅...!
Kin
以老編理解，法庭係唔會話俾你聽要加監。到期換牌時，運輸署先會話俾你知？
|
12/6/2005
|
VTR極力子
小弟剛買了一部02年VTR250！但小弟有個問題！WHY我每次停車起步,入一波,跟住比油再慢慢放極力子,但差不多放晒架車就CHOCK一CHOCK,跟住我比車行跟返,第一次發現入面D鋼片燒了一隻！車行跟住更換了一隻鋼片,但係之後架車無了起步CHOCL一CHOCK！但係架車起步打冷震！我再次比個車行再跟返！發現原來極力子另外兩隻鋼片都燒埋！車行再次更換另外兩隻鋼片！但係換完之後都係有起步打泠震既惰况,但係重有起步CHOCK既情况,無第一次咁嚴重！嗰Ｄ鋼片有咩作用,同點解會燒左？同埋個車行個老細馬力較大既老電都有理Ｄ情况(起步CHOCK一CHOCK)但小弟以前楂CB250都無咁既情况,是不是馬力較大既老電真的起步都有輕微CHOCK一CHOCK！
(因為我攞車未夠一個月以經整左兩次極力子,同換左兩次碣油)免費！
鐵騎巡警
正常車起步唔會chock。猜想你的VTR250極力子片到晒期。電單車通常採用濕式多片極力子，作用係順滑動力連接時的突然感覺。通常換極力子片一換要換成套，唔會逐塊換。車行幫你換果d極力子片，分分鐘都會係舊片。呢d野唔慳得。換極力子片梗係要換埋偈油啦，唔通搵個盆裝番佢再用番咩。重有換完極力子片後，舊砧口要用刀片俾心機慢慢剃走晒佢，才換新砧口，咁樣先至唔會漏油。
|
12/6/2005
|
R:除了違例泊車外，基本上P牌即使犯下任何輕微違例事件，初犯都會被加監半年。再犯即時吊銷執照。你要逃出生天，便要證明當時的環境不是不準掉頭。
是不是不用上庭都自動加監???
cheung cheung217322@yahoo.com.hk
以老編理解，除左違例泊車唔使上庭之外，P牌觸犯其餘交通事項違例事件都要上庭。
|
12/6/2005
|
super4 vtec I 想加長尾泥擋
本人每日都會駕車(super4 Teac I)上班。有時下雨回到公司後發覺尾箱底非常不潔！！請問有沒方法保持尾箱底乾靜D！！
1.是 否要加長尾泥擋？
2.改裝後會否影響高速飛駛？
3.請問邊間車行可以做到尾泥擋加長(要靚仔)？
wing
加左長泥擋一定唔會靚仔。求實用只有加多一塊橡膠泥擋，釘係原庄泥擋上。裝後唔會對行車有影響，但只能減輕濺泥情況。
|
12/6/2005
|
an400 i疑問
當我每次停車熄匙都聞到一陣電油味檢查過冇漏油唔知是否正常
如果你停車係密封地方，聞到電油味都唔出奇，但如在空氣流通的地方便有點奇怪。
|
12/6/2005
|
請問續牌費
我部二手車個行車證就到期,
1. 我去續牌費, 要帶齊d 乜?
2. 可唔可以買 8個月? 姐係 488+488
thx!
Tommy
續牌要帶有效保險單，牌簿，填好form，俾錢。續牌費只能續一季或一年。
|
11/6/2005
|
Re:的士佬11:00pm後特登搏撞車，收錢好過開工
唔係化,真有咁事,咁狼胎 香港人唔係咁對香港人下話????????
神
|
11/6/2005
|
新牌仔
本人想問老編yamaha tricker 250是否合新牌仔駕駛呢,這車的控制困難嗎
ypt ypt225@yahoo.com.hk
當然適合。容易得到的駕駛樂趣，正是Tricker 250製造的宗旨。
|
11/6/2005
|
本人是p仔,在上月我在馬路上掉頭被警察抄了一張不跟路牌,食了一張$450,不用扣分的告票,我很擔心會不會被加半年,我打了電話問駕駛學院師夫,但他說應該會叫我上庭不会給告
票,他說該位警員出了錯,所以應該不會被加半年...究竟是不是....有車房涗不論抄甚麼除了亂泊車,上不上庭都會加監........請問究竟是誰對錯>??????????///
cheung cheung217322@yahoo.com.hk
除了違例泊車外，基本上P牌即使犯下任何輕微違例事件，初犯都會被加監半年。再犯即時吊銷執照。你要逃出生天，便要證明當時的環境不是不準掉頭。
|
11/6/2005
|
我想問呢如果不幸買左架鬼車,咁到左要驗車買牌費驗時時會唔會比佢驗到,會有d咩問題發生
MEGA
咁你一定要搵番上手賣車俾你果個人，以示閣下清白。否則...嘿嘿...
|
11/6/2005
|
二手鐵殼羊
邊到車行多vespa 古羊
上過呢到search 同一d 古羊網,都唔係睇到好多2手車,唔知邊到會多d 有得睇,勁想快d出到車,謝
KEI keisk8@sinaman.com
二手鐵殼羊行可以去北角利行，土瓜灣健力望下。
one more option for you:
wancha xizman street nice garage.
|
11/6/2005
|
的士佬11:00pm後特登搏撞車，收錢好過開工
有日無楂車坐的士,同的士佬講開楂車好驚跟的士,的士經常急停,u-turn等等. 個的士佬同我講有d行家是特登的, 特別是11:00后,佢地博你撞埋去,有$收,好過開工,如果見你飲到pair pair full 仲楂車, 佢地什至會后面撞你再屈你,博你吾報得警. 真係信不信由你,大家小心D la.
|
11/6/2005
|
x8 200一問
老編你好... 本人剛剛做O左偉士X8 200車主幾日,重係人生中第一次戴人,但有個問題係我太太坐後面架車慢車時車頭會自然左右慢慢搖,唔知憬乜問題... 重有轉彎時有頂住頂住落唔到彎噤點解呢???
VFR800 chuen630@mail.hongkong.com
載人對電單車的影響很大。轉彎時會發現重心向移了，尾避震行程變短，車重後無論加速或煞車，效率都減低。駕駛者需要時間適應，而乘客也要學習如何乘坐電單車。轉彎頂住頂住的原因，可能係你太太作怪。
|
11/6/2005
|
撞車問題
老編你好,我的朋友(cbr250rr)之前在燈口位前被尾隨的私家車撞尾•當時燈號一早已黃轉紅.但我的朋友依然被撞
是次事件私家車車主願意作出賠償 他(私家車車主)先拿出五千元給我的朋友(電單車車主) 之後待我的朋友拿車到車房修理後再給尾數 跟住再簽左張紙(列明出事地點車主id card no.等等以上重要資料)
我想問的是私家車車主已作出賠償,我的朋友還要報警備案嗎?還有假如去到車房整完車 修理費超過5000千,而車主不肯給尾數,我的朋友在冇備案的情況下可以控告他嗎?
老虎
老虎君：
按所述情况，意外責任在私家車。如雙方就賠償已有協議並簽紙同意（包括願給尾數），又沒有人受傷，可不需報警。假如對方不肯給尾數，可憑協議及有關損失証明（紅「公証報告」等）向法庭追討對方。
佳保公証行
|
11/6/2005
|
美孚百老匯街停車場AN250i 險被強行拉坐位偷頭盔
2005年6月10日，早上10:30至21:00，本人將AN250i停泊在車場，當取車時發現坐位有異是被人曾經強行拉起過，但好彩開唔到本人立即通管理員及報警
當警員來到佢都話好多你同款車比人強行拉起坐位偷頭盔，這次真係好彩。
各位渣AN車友小心比人拉起坐位偷頭盔，本人發現如果將一條51吋長(威也鎖)由2邊扶手穿過坐位Q形鎖住都應該會有小小作用。
kw chui cc6162@yahoo.com.hk
|
11/6/2005
|
落雨好很線!
老編你好, 近日天氣不穩,成日落雨,本人試過行車中突然落大雨,我在隧道付費後一比油開車,胎突然左右兩面擺,差點失去平衝跌車,幸好我立刻縮油,車子才能起步,可能我起步時比大了油...
之後紅燈停車,當時車速不高,只有10-20km/h殺車,我並不是一手大力殺車的,但發現尾胎仍然"冼"住咁去,幸好我預留很多殺車距離,未致撞到前車..轉灣時更感覺車胎不能咬地,之後更是龜速行駛,以免發生意外..那是我第一次落雨行車的情況..
我現在對車子在濕地行駛上的性能失去信心,看見天氣陰晴不定都不會駕車上班,希望換胎後會令情況好轉,我聽見很多et8的車主都會換一隻叫tt91的胎，不知這個牌子可信嗎?我的車是derbi boulevard 150,可以換到這種胎嗎?
還有老編你可以介紹那些牌子的胎比較好咬地(包括乾地和濕地),當然要適合我的車子,而價錢又怎樣呢?我不去問車房是因為我對那個師傅仔沒多大信心,從對話中感覺他知識有限..希望老編或各車友幫忙解答,謝謝，祝各位車友駕車順行!!
直直
如果你的車胎還有水紋，膠質沒有硬化，胎氣正常的話，跣胎的問題便出於閣下的駕駛方法而不是出於輪胎。乾地胎和濕地胎是兩極化不可共存的設計。乾地表現越好，濕地表現越差，反之亦然。所以一般街胎都會盡量兼顧乾濕地而者的需要，而便宜的輪胎往往設有更多去水紋，在濕地表現更穩定。
看過【知識技術】的濕地駕駛Maximize未？
|
11/6/2005
|
Re:會否抄牌?
我見過有人被抄. 他們會站在上橋去North point那個位置或在入口前職員室附近. 有個朋友話他們會個個都抄. 死未
紅隨仔
|
11/6/2005
|
換喉
請問邊度有深喉換呀,全套包工幾錢呢
fai
Deep Throat? 睇你去邊區啦，老尖會貴d。
|
11/6/2005
|
派車噴油後不及原來光身
早前派了車，之後交到車房噴油，取車後發覺噴了油的地方不及原來般光身(銀色車身)。
這是否車房做漏了工作？有什麼方法可以使之如前一樣光身？
史先生
原廠焗油的設備同車房簡直係兩回事。如果唔係原庄油點會係最靚的？係香港的電單車行，只有BMW 的噴油可以做番原廠水準。睇過你就明
(唉，又得罪車行了...)
|
11/6/2005
|
邊到車行多vespa 古羊
上過呢到search 同一d 古羊網,都唔係睇到好多2手車,唔知邊到會多d 有得睇,勁想快d出到車,謝
KEI keisk8@sinaman.com
二手鐵殼羊行可以去北角利行，土瓜灣健力望下。
|
10/6/2005
|
會否抄牌?
老編大人:近日經紅遂,(香港入口前)好(濕)車.見車友在雙白線中涉車la,其實會否抄牌?
警察叔叔會否隻眼開隻眼閉呢!
P仔
會抄牌架。聽其他車友講最近經常有警察叔叔係果度開餐。
|
10/6/2005
|
BOY
我想問下HONDA Fusion 250 同 春風摩托 Fashion CF250..佢地D機器野可唔可以共用呢..
唔該晒...
BOY
個樣似唔代表入面d野一樣。引擎零件應該唔可以共用。
|
10/6/2005
|
詢問
老編你好,想查看xjr400簡介,可以在邊到找到.謝謝
豪
基本料係風油冷直四399cc DOHC機器，有分電子錶板和傳統兩圓錶，最高馬力受日本法例所限是53ps。扭力好似有3.5kg-m咁上下。極速比CB400SF快，但維修不及CB400SF方便。二手做價一向低於CB400SF，近年在香港的流通量也越來越少。其實係網頁搜尋器上打xjr400大把野你睇啦，包括search到iBike o既【車主報告】。
|
10/6/2005
|
死氣喉一問
我想問如果我架 sf4 vs 換一條仿碳纖大陸製死氣喉會否對車子有影響？對於條喉，我又應該留意咩？如換左喉，部車應該有什麼分別？(除外觀)我如何 check 條喉是否適合部車？
大陸與日本最大的差異在哪？(除價錢外)大概多久要換過一條尾喉？祝貴網業務蒸蒸日上﹗
文 tcm_810@yahoo..com.hk
專業的賽車死氣喉，貴在研發數據的成本，精美的用料和手功。老番死氣喉，一個唔該copy左人地d野，省去研發成本，而且用料和手功都有所不及，耐用性也會差好多。專業的死氣喉唔係跌車跌得太過份的話，閒閒地可以用五年以上。士炮喉淨係抄個款，耐用性好低，一跌就散。
其實你想換喉，係想從中得到乜野呢？想得把聲則換乜喉都冇所謂。真正追求性能，則要多參考死氣喉的官方網站，嚴格比較考究。
|
10/6/2005
|
Yamaha Cygnus vs Honda @stream
Why these 2 small scooters also 125cc, but the price of yamaha cygnus double than honda @stream?
Yam's is from Taiwan, where Hon's is from China.
|
10/6/2005
|
Joy Max
看過老編兩份報告,很詳盡, 但點解無ibike gal既??文中提及Joy Max 無 Joyride 咁輕巧, 呢點好易理解, 但想請問以老編的經驗,Joy Max 的操控跟同級日本羊比較又如何呢?
Thx!
ET 伯
果日要一日影四架車-->>JoyMax/Joyride/CB400SS/XR400，剛趕完Honda Track day便馬上要影相，連續幾日都睡得幾小時，金睛火眼累得簡直想死，重邊有心機約女影相丫.....其實影埋iBike Gal真係要做多好多功夫好很煩.....嘩唔使影女做得快幾多呀~~你知d姐姐仔要湊架嘛，直係幾阻時間。
JoyMax250的操控和日本羊很接近，但感覺上好似日本羊較輕巧暢順。
|
10/6/2005
|
中左招呀
係東隊深夜路牌要行50我行到93中左快相,俾人係隊門口俾東隊d人叫停左我,巨地話會send d資料俾政府,給人抄下車牌,本人是新牌之前渣46都停過牌而我中左張相又冇掛P(但巨地即埸冇捉我冇掛P),咁我駛唔駛釘牌呀請問,之前冇俾人捉過任何一樣野呢次係P牌以黎第一次俾人捉到= =HELP
不知點算好
冇得help啦，現場斷正，P牌超速實加監。不過應該唔會charge你冇掛P牌，初犯應該加三個月？
|
10/6/2005
|
今日係中環見到架an400 高達版, 搶眼到呢....
成條街既行人見到架車都立即用手指指住架車....勁呀!
|
10/6/2005
|
Check 車一問
欲購買0手AN400i, 請問如何檢查車輛? 那些部分較為重要?
Eric
檢查車輛可重溫【知識技術】。睇多幾架便可以累積經驗知道如何比較。
|
10/6/2005
|
二衝車如何高轉收車??
老編好,大家好,小弟(阿傑)剛考到牌...(想試玩二衝車)請問二衝車在高檔高轉(3波,9000rpm)時要收慢車速應怎樣做才最正確和不傷車以及不拿遮呢?(是否須要先收油,然後立即拿極力子,比淡大油(以供2T之用),再踩落低檔和落brake呢?)"即類似私家車的heel & toe"小弟不懂詳細說明,請老編大人為(二衝車如何高轉收車)作詳細的解答．．．謝謝你！
阿傑 peropsk@yahoo.com.hk
呼油拖波的減速動作，四衝和二衝都是一樣。收油同時扣迫力，跟著扣極力子，馬上落一粒，跟住呼一下空油再馬上放開極力子。重複這套動作便可。但當中的時間掌握和力度大細，需要反複練習。
|
10/6/2005
|
??
你說我「你條問題簡直似乎做「媒」問咁o既？」???我請了香港朋友幫我翻譯這句話，翻譯後讓我很失望...我沒想到你把我當這種人，我再次跟你講~~~~我是真的台灣人,台灣就是沒有賣這些東西，連總代理都沒有，我才會去香港看~~
GALLOP
如果你真的明白這句話的意思，要生氣的應該是車店而不是兄台你啊~~其實經常看這個信箱的朋友都知道這裡不是一個太嚴肅的地方，很多時候都是嬉笑怒駡，不用太認真呢。
|
| |
|
|
|
 |
|
