|
|
|
FAQ常見問題 |
|
|
15/6/2005
|
火咀風格
請問老編大人，風格的情況可否從觀看火咀得知呢？
你係咪想講如果火咀熱值正常，但有積炭甚至濕濕地的現象，是否代表風格流量不足導至油氣過濃？都有可能，不過拆風格似乎易過拆火咀，點解唔真接睇風格呢？
|
15/6/2005
|
職業司機就衝紅燈罰則請願
汽車運輸業總工會卅多名代表在立法會門外請願，希望有完善的配套措施才增加衝紅燈罰則。
工會是趁立法會駕駛違例扣分及定額罰款修例小組開會時進行請願，他們表示，並非反對增加衝紅燈的罰款及扣分，只是希望有完善的配套措施才推行，例如交通燈增加攝影機、安裝倒數器在等。
多個運輸團體的代表出席委員會會議時，都反對政府提高司機衝紅燈的罰則，不少代表都希望當局先改善交通燈設施，才考慮增加扣分。
環境運輸及工務局常任秘書長羅智光在會上稱，當局會統計司機衝紅燈及衝黃燈的情況，明年底前完成檢討，到時會考慮對分別對衝紅燈及衝黃燈的司機加以不同的罰則。
FROM YAHOO NEWS...
===============================================================================
睇到都好笑....為衝紅燈罰則請願......咁你地係唔係想政府搞到運輸業既人衝紅燈唔使罰先好?? 安全駕駛既,加到扣13分罰天文數字都唔怕啦....
我有個網友係網上post左個topic.....內容係以下....:
(節錄自某電單車forum)
>頭先同兩個同事坐部的士
>由中環坐去旺角
>一開車,個司機話,坐我車特別快架,唔似佢地咁守規距
>跟住,嘩嘩,紅燈 d 車停哂,行快線直去 我諗:下....色盲炸掛.......再去.......嘩
>嘩......又衝.................
>70 路行 110 ,仲要 cut 白線.............
>兩條線行正中間
> 我心諗(快 d 去死掛)...
>去到衛理道窩打老道
> 照沖
>變 X 態..........最後去到中旅社轉洗衣街........
>d 人行完.......比油又衝
>
>變態司機
你地話點....
文狄
|
15/6/2005
|
拍街位...
我個人就覺得你泊親骨位都預左比人正花架車架啦....我相信你地點都會有試過....我都試過一次....不過就唔係因為想泊位...係想出車...
哥次我去尖沙咀接女朋友 , 咁就去金巴利道對下(元綠對面,斜路), 試下運氣有沒骨位泊車啦 , 好好運一去到就有架chopper出車 , 超easy就泊入去了, 心想真係lucky...咁我去接女朋友同去食dinner啦 , 咁3小時之後回去取車 , 見到架車既左右已經有車埃埋來我架車到...(記得兩架都係街車).....架車係貼到直情係油缸貼油缸, 死氣喉貼死氣喉哥隻 , 完全無位入....走之前架車係起左大架既 , 回來看時只係則架. 位置明顯移左約一米....分明比人搬完車又再搬車....咁我就叫女朋友等等我試下出車先...完全入唔到....我試試由最左面架車既sit位好似劉翔咁一架車挎過一架車咁坐左落自己架車啦...想出車不過我架車比左右既街車既"車太"頂住出唔到...又唔想夾硬撞開人地架車(大佬....自己都係車主...都唔想人地撞開你架車架? 最緊要lee度係斜路..)....結果我由最近哥邊架車一架一架搬開dd....先出到車.....唉...
我覺得.....搬車唔係最可惡....最可惡既係明知唔夠位都唔做野既WET DOG 政府....
燎
Wet Dog....濕九？
|
15/6/2005
|
CB400SS 和 SR400
DEAR 老編,我最近愛上左CB400SS 和SR400,但因我較為懶,比較喜歡有電撻的,剛留意到CB400SS已改有電撻,但不知道新出SR400有沒有電撻??,如果2者都有的話,請問想買易手車
什麼年份開始的CB400SS,SR400才有電撻??
阿仁
真係冇留意SR400有冇追加電撻喎，應該冇o卦？如有錯請各位Retro車迷補充。
|
14/6/2005
|
Engine oil
Dear sir,so many people ask about engine oil recently, i also have a question:
you always said that the first numebr of engine oil is not important and we only need take care of the second number, so for 2 oil:
oil A: 5W50
oil B: 15W50
if their price are the same, is that oil A is better since the range is wider? if not, then why?my bike is a 150 scooter
fans
of course Oil A can deal with wider temperature variation than oil B, but it is meaningless in HK weather. Oil A is more difficult to made than Oil B, why pay extra cost for something you never use?
|
14/6/2005
|
您好,請問
一般綿羊的車呔可以行幾多公哩?半年新車行左12000km原裝呔,有問題嗎?brake要換嗎?
honda125,thankyou very much
YIN yinwcy@mail.hongkong.com
要準確地判斷應何時更換輪胎，不應參考行駛里數而是觀察輪胎的狀況，例如輪胎的形狀，胎紋的深淺，有否裂痕，曾否補胎，膠質有否變硬。如正常使用，半年走萬二公里應該屬於高用量，但還不至於要換胎。迫力皮也要視乎實際耗損而定。一般正常斯文使用，萬二公里還未用完迫力皮。
|
14/6/2005
|
re: 頭盔安全標準
如根據上次Motorcyclist的比較報告，測試樣本中符合DOT，BSI/DOT和ECE22-05/DOT的頭盔表現，比起SNELL 2000的樣本，頭盔內承受的G force力更少。Motorcyclist呢份報告其實好具震撼性，佢指出左頭盔並非越硬越好，亦指出SNELL的測試方法其實有點捉錯方向，但好可惜香港好多新車友，連SNELL係乜都未知，更加唔會捨得花錢買頭盔，所以呢份可以講得上係挑戰我們對頭盔基本信仰的文章，都唔知有幾多人睇過。
------------------------------------------------------------------------------
正好老編所講, 我都唔明點解可以用幾多幾多錢改靚自己架車, 但係唔可以用多小小錢去買個好小小既頭盔 ....(我的friend 都係噤)
自己命離架ma lee, 一千幾百都唔捨得, 不如唔好用車啦，希望噤多位車友知道, 一炒, 大家既朋友只係有頭盔同手套..
一個7 月先luck P 既 --- 新手
|
14/6/2005
|
老編呀~啜啜
你好,我想問我而家仲有4個月左右就甩P,我係想抯Fairling,咁我等埋個4個月等甩左P先買定係而家抯住部二手車好呢,PS.小弟金錢有限=.="
換車犯本，金錢有限更加唔好唸換車。儲多四個月錢等甩P先唸啦。
|
14/6/2005
|
回:偈油黏度
老編..個位車友應該係想問你大cc fairing用唔用得20w40or10w40播...做乜帶人遊花園呀?????我自已架車以前冬天就用10w40..夏天就10w50..事關我都搵唔倒20w個d..加上水冷系統運作正常..夏天旺角塞住燈先會高正常溫度少少..即使跑山都可以keep倒正常溫度..所以其實40度個隻都應該夠用既..話晒50同40既偈油個價錢又真係差得幾遠下既..其實我都有打算轉返晒用10w40個隻:p唔知我呢個參考答案幫唔幫倒老編手呢^^"
馬格斯
你都識講話夏天會用10W50啦。40度偈油當然用得，但香港係亞熱帶地區，跑車壓縮比又高，架車熱到無倫，最好梗係用50啦。如果唔係人地出呢隻複合偈油做乜？再講多次：香港地揀偈油，唔需要睇複合偈油的第一組數字，因為香港天氣根本唔凍。
|
14/6/2005
|
頭盔安全標準
話時話近來抄電單車死得人的都是帶大牌子SNELL規格的頭盔多.個頭盔冇爛頂多花,個人就..
細路
|
14/6/2005
|
yp400
本人經常行龍翔道,有一兩段路好震(90km),而車本身係油壓避震原庄,如果轉氫氣避震會唔會好Ｄ,有冇好Ｄ選擇
gary
路爛行車表然當然會較dun，嘗試調軟預載，或在該路段行慢一點。
|
14/6/2005
|
re偈油秥度
20w50??係邊度有得買??而家巿面好多都係10w40or10w50咁上下...同埋又會唔會有20w40架呢??我發現巿場上用到50度既偈油都係比較貴..所以主要想睇下咁大容量既跑車係咪真係雖要用到50度咁高...煩左d..唔好見怪..
揀20W50係因為10W50根本用唔晒。要高溫下仍能保持油膜，偈油要更多合成添加劑，所以價錢會較貴。
|
14/6/2005
|
其實食得鹹魚抵得渴 (拍位)
見到好多人都話因為拍位架車花o左. 我都經歷過(心痛).但係好多時有人搬車整爛野. 我朋友試過尾箱個架俾人搬車整爛.咁無計架, 唔通整番隔黎D車. 有時可能唔係個架車, 整花你的已經走o左.個架剛剛拍入去,咁咪做o左代罪羔羊?以下係我經歷:
某月某日,我拍車係旺角.拍個陣個為可以攝到個人.囉車個陣,你知點啦.隔黎拍o左架750街車.人都入唔都.唯有搬車,街車大cc個D多數都無大架,訓晒過黎,個牛角頂住晒. (重要鎖住個牛角,無得郁牛角就位.)想出車真係花九牛二虎之力.又趕時間,好多時會搬車.我試過真係搬到架車個Side架跳起o左.架車想訓,我個人重係車頭頂住.好彩我朋友係度爬入去幫街車落翻個架.最終都順利出到.不過成身汗.所以我發覺,個位拍得鬆咪以為好正,其實剛剛好係最好.希望各位有車之人拍車時想下兩邊車先. 正所謂勉強無倖福.俾人整花唔好怨!!!
有車之人
|
14/6/2005
|
re: 64 or spirint
64 or spirint係幾靚但如你諗住只要靚就得既,你諗下買左返來行行下會壞左係馬路等拖車如你覺冇問題咪ok.我落親去整車實有幾部忠實fans 係下面擺係度等整.
提外話唔知點解最近好多職業司機成日恰綿羊仔(本人和朋友都是渣px200)成日冇lala 係隔離線抽頭過(係完全冇打燈有心玩野果隻),之後係燈位指住個司機係度x佢，唔知係咪以為我(雖然不是老手但以有幾年馬路經驗)是新手，唔知各車友有冇呢ｄ 類似情況
ｐｇｍｔｈｒｅｅ
|
14/6/2005
|
哈囉,老編大人,有d死氣喉有調較回氣壓的設計,想請問這類喉管是否比較高級d呢貴d?
David
都係加多個可拆式豬咀俾你姐，通常都係大牌子先有，唔會貴好多。除非係Supertrap喉可以俾你逐塊逐塊片調較，如果只係一個豬咀的話，拆左太大聲，裝左又太細聲...
|
14/6/2005
|
頭盔安全標準
請問頭盔的安全標準規格是Snell較嚴謹還歐盟標準較嚴謹？歐盟標準是否只有ECE R22-05標準？還有沒有較高規格？謝謝。
Al
如根據上次Motorcyclist的比較報告，測試樣本中符合DOT，BSI/DOT和ECE22-05/DOT的頭盔表現，比起SNELL 2000的樣本，頭盔內承受的G force力更少。Motorcyclist呢份報告其實好具震撼性，佢指出左頭盔並非越硬越好，亦指出SNELL的測試方法其實有點捉錯方向，但好可惜香港好多新車友，連SNELL係乜都未知，更加唔會捨得花錢買頭盔，所以呢份可以講得上係挑戰我們對頭盔基本信仰的文章，都唔知有幾多人睇過。
|
14/6/2005
|
sv650
老編你好！本人由攞牌到揸cb250到而家vtr250唔夠ハ個月月！小弟覺得vtr唔夠力而家想換大Ｄ,但係本人重係(p仔)小弟而家心水有sf400,sv650！老編你話邊部好,同埋sv650why個２手價咁低？02年都係3.5k！而家多唔多人揸,同多唔多野跟！sv650操控性好唔好,難唔難揸？我唔想換左sf400無耐(因馬力唔夠而再換車)thx！
鐵騎巡警
都話唔好打香港字，你睇下成篇文好似2046咁難明？重係P牌？而家用緊VTR250，想轉SV650？建議忍多一陣，等P牌完左之後先換SV650。雖然SV650唔難用，但果度力同VTR250係兩個世界。想了解多dSV650應該睇【車主報告】。
香港地電單車二手價格係由供求決定，細車多人搵，大車少人搵，所以大車的二手價其實係抵過細車好多。
|
14/6/2005
|
我可唔可以 claim到車手獎等任何賠償
我有三年電單車牌,5年貨van牌
6月x日 在荃錦公路, 前車好慢好慢, 大約 10-20km/h, 他將私家車駛向靠左, 我以為他是停車,我便秋頭過車, 誰不知他突然轉右入小路口, (他在全程是沒有打任何燈號),
本人就人車撞向那私家車. 沒有報警. 因我可能自己身有使,怕反而被罰賠錢, 這是雙白線. 他的私家車其實都幾傷, (我諗新車要 二三十萬果種跑車.), 他沒有要我賠錢, 他提出賠償$1000 和解. 我架愛車油江 lom 左, 後鏡 斷左, fairing 花同爆左, 都好傷 (新車一個月都唔夠). 意外後免強都行得, 現在自己就愈來愈痛, 左手左腳唔動得.
想問大家對此意外的看法, 我可唔可以 claim 到車手獎等任何賠償???我同佢簽左張和解書註明不會備案, 我現在應該點做?謝回覆!
---------------------------------------------------------------------------
佳保專員:
希望你能解答我的問題.我同佢簽左張和解書註明不會備案,現在備案, 行嗎?
警方會唔會告我們任何一方??? 如告我錯的話要我賠錢扣分等等..............
RED ahrain@yahoo.com
簡覆：
1) 閣下有否看醫生？「車手獎」按病假日數計算，不論過失，但最小要有三天病假及要証明是因交通意外受傷。
2)簽左張和解書，除了註明不會備案外，還有什麼內容？閣下有受傷，實不應草草簽字和解。如可以，可把和解書盡快傳真過來，我們研究後再給你具体意見。
佳保公証行
|
14/6/2005
|
偈油黏度
其實係香港地,即使抯住0.6,0.75或1公升既跑車.係咪唔駛用到40度(eg.10w40)就夠呢??
唔駛用到50度(eg.10w50)偈油呢??各有抯跑車既人士又不妨分享一下丫.
老編揀20W50。香港地有幾何凍過5度？有咁凍你都唔會開車，所以唔使用到10W咁稀。
|
14/6/2005
|
去左土瓜灣睇車
去左搵vespa 64 / sprint,見到好多呀..不過都係人地拎去整既,搞到我好鬼傷心,仲有邊有有呢d 車買呀,?
基仔 keisk8@
好多同一類型o既車排隊整緊喎？咁都重俾唔到啟示你？
|
14/6/2005
|
頭燈變光
我想問我每次比油的時候都覺得頭燈變光,請問是不是正常呢,如果唔正常有什麼問題呢,同解決方法,車是hornet250 thanks
hornet
check整流和電池。
|
13/6/2005
|
Engine Fan out of ordeer
My bike is 98 Kawazaki EL 250, today found that the engine fan is stopped after 40km running. Then, it spit some coolant in green color out from the bottom of engine. I know this time is the problem of fan, but what is the cause of it?? If I wanna fix it, about how much?? The situation is the engine is still running normal under 7000rpm (14,000red zone) in night.
Jack jackylibmw@yahoo.com.hk
風扇的溫度感應器或電力供應都會導至風扇失靈。水冷車唔識開風扇會好易水滾，快d俾車房睇睇，價錢唔會好貴。
|
13/6/2005
|
volty
請問何處有volty set位改?
jim jimlitszhim@yahoo.com.hk
咩叫set位？係咪seat位？想改咩呢？冇時間玩猜謎。
|
13/6/2005
|
體諒新人的問題
老編大人及各位大人,這份網誌的內容又多又豐富,我看了一年才慢慢熟習,一名新仔真的吾知道點樣找資料,專有名詞又多,看明白都有問題,不是飯來張口吾肯做甘簡單的....記得我最初看電單車時,好像架架車都差吾多...
對新仔來說,什麼都是新的,你叫佢地自己問保險公司,他們起初唔知點問,他們都是年輕人,有機會抯電單車,吾使被地鐵巴士控制,鐘意去邊都得,這樣自由的感覺使他們真的很高興,所以會很急知道一些對他們來說陌生又不易解答的問題,而且車友之間講d野都吾知真定假,個個講法都吾同,對社會經驗不足,又怕買貴左保險,又怕被車行騙,屋企人又反對,靚老婆又以死相迫....所以請個有公信力的人來問一問先至放心,這其實也很正常的,若果對制式問題不願重複回答的話,老編大人可以用個指令,讓他們自動進入在網內的資料庫的相關位置就可以了,以前有時老編大人也是這樣作的...
David
所以咪整左個FAQ同埋「關鍵字」搜尋功能，希望各位大哥有問題想問之前先睇左，再search完先問o羅。
|
13/6/2005
|
交通意外調查組的回應
本人為交通意外調查組之警員,自問接CASE不下5千宗,本人小小見解,如果你自己泊車時整跌左人地架車,你第一時間做乜呀?有估10個有9個9會即時望下有無人見到,無就即刻走,仲點會原封不動泊番o向道呀.
你要知道如果你報警,有得驗油漆架,驗中o左告入o左扣13分架,你會不會企向道等人拉呀...所以,我諗不是你旁邊果部電單車.最後,不要登人地車牌呀,無品呀...人地見到又登番上黎你話點呀......何況你都無見到人地整跌你部車...
VFR800 chuen630@mail.hongkong.com
|
13/6/2005
|
RE:借地方比我發洩下
我試過,而且亦比我影到相,之後報警,去到警局佢要求和解,
個差人叫我地自己係一邊私下和解.因為我車身花左,我都幾嬲,
我要 HK$10000 維修費,佢回價 HK$5000. 我等佢去羅錢比我之後,吾追夠.
而家我成日都有影住我架車,睇下幾時又有 5000 蚊.
苦主
|
13/6/2005
|
本人是p仔,在上月我在馬路上掉頭被警察抄了一張不跟路牌,食了一張$450,不用扣分的告票,我很擔心會不會被加半年,我打了電話問駕駛學院師夫,但他說應該會叫我上庭不会給告 <<後文省略>>
==============================================================================
除了違例泊車外，基本上P牌即使犯下任何輕微違例事件，初犯都會被加監半年。再犯即時吊銷執照。你要逃出生天，便要證明當時的環境不是不準掉頭。
以小弟理解 , P牌除左係衰左係"P牌三禁忌"同"扣分事項"之外 , 係唔會加P既 , 小弟試過以前係P牌時係tolo比阿sir捉左練扒頭...罰左$450 , 不過就唔使加P
文
|
13/6/2005
|
P仔之謎
你好老編:
Q1. 甚麼是二衝及四衝? 大家有什麽分別?
Q2. 甚麼是轉數(rpm)? 如沒有轉數錶，怎樣斷定轉數呢?
Q3. break 油有什麽用途？幾時先至要入或換它？
Q4. 電池充滿後，要隔幾耐先至再充？
Q5. 車房話偈油通常有2種，一種是一般的($60/litre)，另外一種靚D($100/litre)。如果用$60那種會對架車有咩影响(小弟一星期大約揸二、三次)?
Q6. 幾耐或什麽情況才要換偈油呢？
多謝老編回答！
P仔1號
【知識技術】中有引擎種類和偈油種類的文章。【FAQ】中有書本推介。用關鍵字搜尋以往來信或留言，可以搵到好多答案。
|
13/6/2005
|
您好,我是台灣文仔
老闆您好,我在台灣有部99年YAMAHA-R1,在一次失誤中將"EXUP"的兩條鋼索調錯了,目前的問題在於我對"EXUP"之動作不了解!想請教您!此車之動作是否為發動後"EXUP"會微開,隨著轉速拉高,開啟越大!!!但回油後(怠速時),此EXUP會自動回正常的位置嗎?
我目前"EXUP"是熄火(OFF),再開啟(ON),"EXUP"才會歸位!!!不知這樣是否為正常現象!
"EXUP"尚若異常的話!!車子會有甚麼樣的訊息?
感謝您的回答!!
文仔 cheng.yenwen@msa.hinet.net
查清楚回覆你!
|
13/6/2005
|
Fazer 400
你好!如果要換生氣膠,材料及人工價錢大約是.......?thank you!!
一輝
零件要問代理,換生氣膠最好連埋清洗化油器,這樣會經濟些.因大家都要拆咁多野.
|
13/6/2005
|
'96 Virago XV750 Backfires decelerating
Dear guru and Editor,
Backfiring (like consecutive 2 rifle shots, not too loud though) occurs whenever the throttle is closed during deceleration stage, to my '96 XV750. I kind of enjoy this sound effect but I am eager to know if it is a phenomenon(as the mechanic from whom I purchased this bike suggests) or a problem. I'd like to have a second opionion. Besides, this Virago is giving an average of $0.9/km on a highway/street-mix trips with Esso's F1 and I'm not sure if it is the norm or anything need/can be done about it!
Thanks in advance for your response (may reply in Chinese).
Ray rider_lite@yahoo.com.hk
如風格太多塵,死氣喉穿或化油器調較不當或有污漬都會有打炮現象,只要看一下火咀便知道.
|
13/6/2005
|
yp250c版入水問題
老鬼先生你好..本人昨晚駕車回家途中,突然前面路段爆水管,成條路都給水蓋滿.當時我行更大約10-20km(本人以菲常小心被開水).突然部車完全沒有動力比油都唔去(但當時部車沒有死火).於是將部車停了一邊關了車匙在等一分鐘在開車,今次部車有了動力便將車駕回家,,本人到現在都不明白為何會這樣,這樣濕了水對部車將來有沒有影響(部車會不會有後遺症嫁..本人現在菲常擔心)...........多謝老鬼解笞我這問題,祝身體健康
小生 freeflyaway17@yahoo.com.hk
可能機器因過導冷卻引致,並沒有後遺症的.
|
13/6/2005
|
又無力又勁食油?
老鬼大人 , 小弟剛剛借朋友架Fazer600(98年車)試抯幾日 , 抯了2-3日就發覺架車當落完雨之後就chork下chort下 , slow突然會跳一跳什至搞到死火...比油無力 , 比我以前架VTR250更無力....比多小小又好似想死火咁....抯了3日入油計計 , 成一蚊一公里 , 貴得唔正常....雖然換左喉同kit料都應該唔會貴成咁同低轉無力吧? (唔濕時低轉已經無力....濕左一放clutch就死火添...)
架車係唔係有大病架呢?要整貴唔貴架?
文狄
有機會壞了火咀和油缸入水,可以檢查一下先,價錢唔會好貴.
|
13/6/2005
|
RE:借地方比我發洩下
如無人親眼目擊到事件，會唔會誤會o左人呢！我諗整跌你架車o既人，可能巳經走o左，而事後有第2個人入位泊車，就被你誤會！
不平則鳴
|
13/6/2005
|
re:憤怒左成日既人
呢位兄台都唔好咁興喇.香港地d衰人比例都好多架.照睇返你個case.都好難斷定係佢搞到你架車咁.你留個位咁闊.佢架街車泊完都應該會有dd空位.分分鍾係有人想泊佢同你之間或者佢隔離.由你個架搬起搞成咁都唔出奇.
借機係度又分享下我既事.我架車泊街(非法位.行人路).呢個位多年來都有車泊.都冇乜幾何有差大哥請食野.有次有位大叔抯住架01年銀色有尾箱既forza.想泊係我同建築物之間個空位(個度只得企人小朋友既闊度).而家仲有其他闊落既空位.當然佢泊倒我都冇所謂.郁我架車唔倒咪得囉.只可惜佢泊之前唔知做咩.打斜撞落我架車個尾轆度.防盜響都唔止.衝力大到連大架都自己落埋.我個架係舊款既600車.個大架較高又比而家d車難落.加上我鎖左steering.咁都撞成咁.好彩個側架頂住.我即時飛落街..見倒呢位大叔同另一位大叔係附近餐廳飲緊野..我冇理佢..之後試車.我架車個尾轆bearing歪歪地.
最點黎喇....我之前較左個閉路電視..影倒成個過程之餘..我已將佢架車影晒相..行車証我都影埋..車牌我唔想公開..個天收唔收佢我唔知..因為好多野係整定既..希望個位大叔下次返黎小心d..撗掂我知道..久唔久我都會見倒佢..
老編同各位兄台.....唔知對小弟呢件事有咩睇法呢??會唔會覺得我傻仔左知佢邊個係邊出現都唔鏟佢一鑊..定係覺得我比個機會佢係岩架呢???
<<<大叔......小心d喇>>>>
各人處事方法不同，只緊要係合法又開心便可。不過你唔做任何野，果位阿叔都唔會多謝你。
|
13/6/2005
|
老編,今日睇鈐木科研新車價表,發現多o左部BANDIT600 (規格寫 GSF600),定價不到5萬,真係口水都流.請問此車是否新型號,或是取代GS500? 有無過往報導? 如果無會o吾有機會報告一o下?
Warren chancm@hkc.net
你唔係呀化？Bandit 650都出左，重問Bandit 600？快d去【靚車檔案】和【車主報告】度望下先啦。
|
13/6/2005
|
借地方比我發洩下
大家小心呢部街車kl7155
今日我8點半泊左部車係長沙環消防局既排骨位,我己經泊得好出la,特別留左左個位比人泊(哈利都入到),中午攞車既時候,我個位比佢霸左一半,成部車訓左係黃格入面,明眼人一睇就知係比人推趺la,我都比左咁多位la,你做要攪到我部車咁,左邊鏡成個爛左,左邊車身爆左,油光冇左一半油,喂大老呀,大家都係泊車傘,唔洗玩到咁串呀,個時真係好想打爆你部車,希望大家小心呢位人,唔好係佢格黎泊車
憤怒左成日既人
|
13/6/2005
|
RE: P牌出保險
又係P牌,保險,買吾買到400c.c.車0里類.....!
吾好話老編, 我都睇到怕.....
吾該!0里 D 野自己去問La!!!!!
N i n j a
|
13/6/2005
|
Re : 可唔可以cam車手獎
老編唔知我啉得啱唔啱? 我啉 ah Red 末必有得cam,因他/她事發後未有報警或到交通部備案,而又收了人家的賠償.這件事似乎已完結.唔知我啉得啱唔啱?有勞老編詳加指點!
Fatboy
o我乜冇報警咩？咁就窄窄地喇。要去【常用資料】中重溫一下「如何claim車手獎」先。
|
13/6/2005
|
屯門兆康苑車位
請各方大佬提供屯門兆康苑邊處可泊26,可以係合法或偷雞 ?
文仔
|
13/6/2005
|
尾迫力碟磨損
老編你好, 我部CB400 尾迫力碟其中一面磨損到起坑, 已經不再是滑面. 但我起了大架後用手轉動尾輪, 又沒有轉不動的情況出現. 想問對制動力有影響嗎? 還是需要換迫力碟呢?
謝謝老編!
杰
舊碟唔多唔少都會起坑，只要情況不是太嚴重的話都可以接受。而CB400SF煞車主力係頭碟，尾碟麻麻地都可以接受。
|
13/6/2005
|
RE: P牌出保險
想出保險的新車友, 算我多口講句, 自己問下保險公司la, 唔好芝麻綠豆都問老編 !!! 老編你真好人ka la... 係我就無禁好氣 !!
不平人
|
13/6/2005
|
輪呔
請問輪呔上的ZR意思係吾係（放射性），咁只有一個R係點解？
650
R先係放射性，Z係速度，請溫書：認識你的輪胎
|
13/6/2005
|
P牌出保險
我是準備考電單車的,我想問下如果想出電單車,P牌出保險要幾多$$呢?THX~~
JASON
保險費絕不是一個定額收費。視乎投保人年紀，職業，投保車種，其他駕駛經驗等等，每間保險公司在不同時候都會有不同的定價策略。所以答你唔到，到時你自己再問保險中介人。
|
13/6/2005
|
Re:的士佬11:00pm後特登搏撞車，收錢好過開工
I totally believe on that ! I have experienced many self-fish and dangerous taxi-driver on the street.
|
13/6/2005
|
Re: P牌加監...!
入巴士線只係定額罰款,上咩庭...????
|
13/6/2005
|
回覆 : 買車試車
車行不給予客人試車有很多原因的,除時唔知個客試左部車去邊，就萛有抄下身分證明文件都未必追得返。炒左又唔要咁又點呢? 個客死都唔陪又 or 唔陪足又係自己拿來衰。
o的車行唔買定燕梳，做生意o既野當然係想成本低o的啦。
就萛車行買定，最後又咪羊毛出自羊身上，個個客都想比少o的買部好架啦。個個月燈、油、火、爉、舖租，人工都係錢。賣一部車唔係有好多油水架咋。而某o的車行會車住客人試，至少有咩野事都唔係個客陪車先。為了免左好多爭議，大部份車行都唔係比客人出街試。
某君
|
13/6/2005
|
我可唔可以 cam到車手獎等任何賠償
我有三年電單車牌,5年貨van牌
6月x日 在荃錦公路, 前車好慢好慢, 大約 10-20km/h, 他將私家車駛向靠左, 我以為他是停車,我便秋頭過車, 誰不知他突然轉右入小路口, (他在全程是沒有打任何燈號),
本人就人車撞向那私家車. 沒有報警. 因我可能自己身有使,怕反而被罰賠錢, 這是雙白線. 他的私家車其實都幾傷, (我諗新車要 二三十萬果種跑車.), 他沒有要我賠錢, 他提出賠償$1000 和解. 我架愛車油江 lom 左, 後鏡 斷左, fairing 花同爆左, 都好傷 (新車一個月都唔夠). 意外後免強都行得, 現在自己就愈來愈痛, 左手左腳唔動得.
想問大家對此意外的看法, 我可唔可以 cam到車手獎等任何賠償???我同佢簽左張和解書註明不會備案, 我現在應該點做?謝回覆!
RED ahrain@yahoo.com
車手獎係社會福利，不論過錯都可以申請，但如收到保險賠償的話便要退還給社會福利署。其他問題留待佳保公証行作答。
|
13/6/2005
|
鏈油???
請問鏈油要加多少才算適中????還有我發現我的車俾油的聲音和以前不同,多了一些雜聲~~~
是不是不正常呢???還是跟前幾天落過雨有關???我還是一名p仔,車買了只是半年!!!!
十常侍^^
愛車之人，雨中駕駛完通常都會加鏈油。只要見到車鏈表面保持濕潤狀態便可，過多鏈油對機器沒有問題，但會飛到週圍都係。
|
13/6/2005
|
Part worn tyres?
hello 老編大人 i need yr help again...
I am looking for pair of tyres for my zxr400, in order to pass the MOT(annunal inspections in UK), my recent ones are almost out of treads...
I have been looking at some of the 2nd hand ones on ebay, try to save up some money cos I don't need my bike to be in top one condition...
There are loads of cheap ones called "part worn" tyres, which cost 1/4 of the new prices but look reasonabily new and got lot of treads left (and they are performance spec tyres)...for example:http://cgi.ebay.co.uk/ws/eBayISAPI.dll?ViewItem&item=7979490131&rd=1&sspagename=STRK%3AMEWA%3AIT&rd=1
But I guess these tyres have been raced and usually the edges are tatty and worn, am I right? But may I ask why these are being sold? are they wasted or damaged? Can I get these for road use? will it causes danger?
other from that if it is ok if i fit a 160/70-17 instead of 160/60-17?
Many thanx for help this forum has been really helpful!!!!!!!!!
fei feilapliu@hotmail.com
比賽過的輪胎，只是磨蝕了胎邊，用作大部份時間都是直立狀態的道路駕駛沒有問題。只要你知道自己的胎不是新胎，攻彎時有保留便可。扁平率由60轉70當然沒有問題。
|
| |
|
|
|
 |
|
