|
|
|
FAQ常見問題 |
|
|
16/6/2005
|
X4 點解咁勁(咩料)
上個星期六見好天.於是出車往九龍,由上水出發.燈位停車.發覺後面有一股好强烈的咆吼 聲働上來.回頭一望.有一架黑色(油訌刻有X4章)的車.SP孖喉.6傘鮑魚.O貼士避震.勁齊料.再望車手.戴住銀色BOXER頭盔.載住條女.好COOL.好型仔.似遊車河. 到轉綠燈起步一刻.嘩!!條友一支箭彈出.我心唸.我架Ｒ１追唔倒佢.話哂有成百五匹在手.點知.過了迥施處正式入粉嶺公路見佢越放越遠.而當時又大風又多車.看錶一刻有成196ＫＭ.估計對方唔子呢個數.分分鍾過200KM.到去到康樂园.仍不見佢.決定放系.事後和朋友講.話響三禾見過佢.我都想見吓佢真人係點.但係到而家都唔明.又載住條女.點解可以甘快.Ｒ１都输.很請各位幫我分訢下,,,,點解!!點解!!
R 1 車手
X4扭力係12.3kg-m/5000rpm，起圍加速當然猛過R1。不過捱到220km/h度便冇貨賣，相反你部R1先開始發癲。X4係Honda對付Yamaha V-Max之作，直路加速當然有一手。但彎路一定唔夠R1利。
|
16/6/2005
|
回應泊排骨位的問題
Re: (回應泊排骨位的問題
發神經咩！老電唔准去油尖旺及銅鑼灣、灣仔、中環................你係咪儍。)
+++++++++++++++++++++++++++++++++++++++++++++++++++++++++++++++++++++++++
我絕對同意你講法，果個大泡和係儍㗎！
亞Punk
|
16/6/2005
|
Runner兩邊之風閘有何用途??為何其他綿羊都無呢D風閘呢??
影月
裝飾及散熱之用。
|
16/6/2005
|
其實我覺得好多地方天橋都有好多空位.而且無人會行到的. 點解唔開發呢D地點做電單車位??好似旺角警處對出個條天橋, 下面改晒做電單車位.都唔知幾好. 起麻落雨有得遮!!
又唔會阻行人.如果可以的話攪示威遊行+慢駛, 抗議電單車位不足!!!!!! (等全世界都知香港係咁的)
有車之人
你唸到o既野，前輩們點會唸唔到？上述動作搞過晒架喇....包括收集簽名及提供地點予運輸署考慮等動作，做左架喇。
|
16/6/2005
|
超過份的 －－－＞ 的士佬
今日早上係尖沙咀廣東道海洋中心對出果個行人過路燈位等過馬路時（行人燈紅色，車的交通燈綠色），看見對面有架的士打左死火燈停左係行人過路位距離唔夠１米遠的地方，而個的士私機就打開左個車頭蓋睇野，睇左一會佢就山番個車頭蓋然後上車.
正當佢上左車唔夠幾秒的時間，行人人像燈就轉左綠色，咁這個時候當然所有正在等過馬路的行人都開始過馬路啦﹗就係這個時候，對面馬路的行人行出左佢地的第二步的時候，個的士佬就突然開車（不是慢慢開，而是一比油就彈出果隻），一彈出，佢架的士差的撞到正在過路的數名行人時就停一停，這時，正常人都會立刻停車比的人過馬路啦，最多比人鬧，但果個死人的士佬不但無咁做，佢重邊揮手邊大聲叫正在過路的行人：走開﹗走開﹗（佢個窗係打開左的），重要一邊咁ｃｈｏｃｋ住部車向前行，當時的行人就客到雞飛狗走﹗
當ｄ人讓開晒時，條友就比油走左。我見到咁，第一時間想，如果有個警察／交通警在場見到晒就好啦，可以抄佢牌，但，通常係里ｄ時候都係無個係左近的，所以我就ｌｕｍ住記底個車牌之後有機會時投訴佢或做證人。但，佢架車實在開得太快，人又多，所以抄唔到．．．＞＝＜！！！
各位﹗其實我唔太清楚係這些情況下如果想投訴果ｄ超過份的駕駛者時，我除左抄低佢果車牌，記下時間同地點之外，我重要點做先可以投訴傢？
細細粒ｂｅｅｐ
抄低車牌後，去就近警署報案。講明要投訴佢。詳情可以重溫FAQ內「如何舉報危險司機？」
|
16/6/2005
|
再問彎路問題
如果連輪胎都用同一牌子,一齊落賽邊架會定d快d好d呢??唔該晒............
SV650
跑彎又唔同落場跑。跑彎SV650好d，直路就Hornet 600好d，換左避震又調較得宜o既當然會較著數。
|
16/6/2005
|
頭盔問題
四年前去台灣時無情情買左個西瓜皮電單車頭盔, 當時連牌都未考, 亦無想過要揸電單車, 現在出左部羊仔, 有日係櫃底搵左出來, 見仍十分新淨, 不知香港是否可以使用, 我記得頭盔上印有BS標準之類字眼, 我乃一等一良民, 如果香港政府不准使用我就一定唔會用, 但如容許的話, 我亦係環保主義者, 用得就唔好浪費, 作為後備頭盔可也, 煩請老編指教之, 謝謝!
ET8
唔用得。理由一：頭盔殼不能包裹耳朵的西瓜皮不合安全規格。理由二：四年頭盔過左保鮮期。
|
16/6/2005
|
RE 馬格斯
重有如果一大班出車, d警察叔叔就會質問你有冇申請, 兇你又話鎖你返去又點又點. 喂大佬, 一大班人實搞事咩, 係咪先. 有時o係度睇到d P仔P女俾人o係公路截又話唔行得,其實自己唔熟例, 搞到d人一見老電就覺得係壞人, 咁台灣咪成街都係?
總之邊個有錢, 咪邊個有公平
牛一
你咁樣講又有點偏激。一條長車隊出車，對馬路其他道路使用者的滋擾好大。莫講話係為興趣出車，人地為生計示威，車隊都要俾人斬開一截截。
台灣成街綿羊，係車輛過多的自然現象，每架車都係獨立個體。車隊為娛樂出車，係人為刻意的現象，兩者根本不同性質。
另外成日有人話有錢有公平...小朋友，呢個世界根本唔可能有公平。而如果有錢人比窮人享有更多特權，亦係絕對正常現象。試想如果有錢人在社會的待遇比窮人更差，咁d有錢人咪走晒？消費、投資、就業市場咪死得？再講得明白d，一間公司話事人，梗係最大股東話事。一個社會，點解唔係由納稅最多的人話事？
香港人應該明白要有付出，才有收獲。自力更新，唔好抱有共產心態，憎人富貴。
|
16/6/2005
|
想問下vespa sprint 既款,,係咪係香港已經冇新車賣家la???只能買2手??
Jason
唉.....
|
16/6/2005
|
RE: 老編留言
老編留言
政策制定者者如果和民眾採用同一套思考方法的話，這個社會便會完蛋了。
--------------------------------------------------------------------
其實26車位供求問題, 存在已久. 我都試過問運輸署點搞, 官方答案就係做緊野, 將來會邊度加幾多, 又話用全港黎睇, 有d地方重有剩位添(可能講緊人小到d地方咁), 即係話旺區就盡力加幾個俾你, 就無能為力. 算啦, 我再如果我肯俾咪錶錢用46位得唔得呢, 佢又話唔得, 話可以俾人搬走你部野, 涉及保安問題. 咁私人停車場可唔可以強制要佢按某個比例加26位呢, 又係唔得, 問你死未? 最後我又問, 可唔可以安排d位在無人經過d橋底, 佢話可能有人會放其他26以外d野. 我跟住無野講, 禮貌地完成通話.
唔係話佢無做野, 但係發牌同車位佩套方面好脫節 正所謂錢收(牌費)左先算, 如果d架啡仔真係狠心d, 我諗會更多人放棄老電, 因為我地已經無咩希望旨意政府, 求架啡哥哥, 警察叔叔高抬貴手機會重大d.
小羊
老編的個人看法是，香港政府一向不鼓勵個人運輸工具，所以利用泊車位不足來抑壓汽機車增長。至於私人停車場增設電單車位的問題，運輸署無權過問別人如何經營生意。
|
16/6/2005
|
回應：憤怒
我的見解同老編完全 100% 一樣，哩 D 低等動物，平時做野好九，人工又少， 這樣做才可以自已覺得好叻，因為此刻佢話哂事，佢自抄身亡或累死你，只有這一刻他才有資格作主，其他時侯係一條受氣的死棘哩狗咋！
你唔駛咁興，我試過有一次，等哩D仆街過頭後，記住車牌，時間，地點然後報警，最好找白咋，因為佢地理解我地老電多 D，個次佢有做野，在此讚一下此約 1-2% 的好公務員。
車神
|
16/6/2005
|
保單
請問如果唔見左,可以續牌嗎??唔該.
Chris
續牌時一定要出示有效保險文件。
|
16/6/2005
|
原裝 SV650 同架換晒頭尾OHLINS避震既 Hornet600比較彎路
邊架會快D好D呢
係唔係一定換左野既會快D呢(同一個人渣的話)
SV650
如果原裝SV650o既避震唔係太柴的話，走彎路靠胎的關係會重緊要d。換左野梗係會快d，因為心理作用嘛。
|
16/6/2005
|
re電單車泊位<BR>
老編留言
唔知係咪落大雨關係，今晚好多人寫論文一抒己見。老編好似「睇」緊「十八樓C座」咁樣，好熱鬧。熱鬧還熱鬧，部份意見過於偏激或以偏概全。其實社會問題常見激發於利益立場和觀點角度之不同上而各說各話。現實世界有很多情況都是「零和遊戲」，某人的得益正正可能是建立在某人的損失之上，所以...錯與對實在視乎你站在那一方。
老編
===============================================================
絕對認同老編的說話，試想想，若政府在全港只加多一百幾十個車位 ( 仲可能係一些偏辟地區 )，佢地就會話已經增加左好多個percent車位，已滿足幾多成電單車需求 ( 記往、唔會有100 percent，因為私家車都無100 percent 既車位 )，到時D差人又要被迫做野，抄違例泊車，連累一些貪方便長期將愛駒停泊在屋企樓下後巷橫街的車主；另外，差人的主要職責是維護法紀，抄牌唔係主要工作，抄一張告票要在記事簿寫一大編論文解釋點解要發出呢張告票，以防上庭比口供，你估抄牌真係好好玩呀 ( D後巷又污穢、個車com又污穢、架車仲污穢，係追票既話，抄私家車乾手淨腳啦 )！其實如果唔係有市民投訴或者D人泊車泊得太離普 ( 當然，個個都會話自己泊得好好 gala )，差人都明白香港係存在車位不足既問題，因為..........好多差人都係車主或曾經係車主嘛。
辛仔一嗚
|
16/6/2005
|
自動羊尾牙
其實有D自動羊可以換尾牙改變極速, 皮帶輪後重要拖兩隻牙先到尾輪果D..(很多台灣羊都是這種設計, 而且仲有aftermarket kit可以改), 但係應該唔多, 而且要改很大工程, 要拆引擎case, 唔似腳波車拆look拆牙就可以.
宗宗
|
16/6/2005
|
頭盔安全標準
老編兄：公平抨一抨,一個300元DOT規格與一個2000元同樣是DOT規格,(除了貴的通風好)兩者的安全性是否一樣呢？
ET-HOME et-home@ctimail3.com
兩個頭盔如果都一樣貼有DOT貼紙，代表兩者對吸收震盪的保護能力符合DOT的最低要求，但超出多少則沒法知道。
請留意DOT只是一個規格要求，並沒有機制檢驗。是否夠資格貼上DOT貼紙，全靠生產商的操守良心。所以購買大牌子會較有保障。
|
16/6/2005
|
發生交通意外後的問題??
你好!本人於六月二日凌晨時份,於葵浦道發生交通意外,當時落住微雨,路面濕滑,
我當時行緊中線,而慢線行緊部七人車,相距2-3個車位,突然該七人車"線"o太,
打o左個轉并切入中線,我當時立即殺車,跟住就"線"低,人車就分別"線"開,
咁橋有個交通警員係現場!?佢立即過o黎并Call白車將我送院!!
後來醫生俾o左8日假我休息,休息後我致電警局查詢是否需要"落口功",該警員話需要,
會於約一個月後致電通知我!
我想問claim"車手獎"是否要在"落口功"時申請?一個月後會否太遲?
另外,我想維修部車,是否隨時可以維修?要等的話,要等幾時?
維修後的費用可否向該七人車司機追討?可以的話,要如何追討?唔該!!
Seven pang506@yahoo.com.hk
Seven:
1) 「交通意外傷亡援助」(俗稱“車手獎”)可在意外後6個月內提出申請。要証明是因交通意外受傷(警察口供紙是很好的証明)及最小有三天或以上病假。
2) 維修汽車前要先找公証行拍照做報告‚否則會影響日後追討。如何追討‚涉及很多專業知識‚有興趣可先瀏覽本公司網頁www.bestrecovering.com以作初步認識‚確定自己要追討後; 再找律師或專業人仕協助。
佳保公証行
|
16/6/2005
|
好嬲好嬲, 話說我付了錢在停車場準備出車. ....
個車位是一個位泊 兩輛車的, 我在最後的車位, 出到前面車位多小小時, 我停車入了P波仍踏住迫力, 一道白光由左閃過, 對方架車就撞上我. 對方停好車時, 車門正對我車頭.
個衰人一下車就說是我撞佢, 於是報警啦. 差人竟話車停下的位置是我唔著數, 我停車但沒有證人. 差人說總之車頭向人車門, 就通常我衰8成. 差人還說對方車頭沒有花, 一定是我架車有動, 才會令對劾車身花……對方車停定時真係正軑......但係我真係冇開車呀, 我想問:
但在相中可以見到對方車轆踏進我架車的泊車線上, 是不是對方不對?
當時是夜晚我架車當時有開車頭燈, 對方從彎位轉出不是應該小心慢駛嗎?
佢話車前有個凹位是我撞的, 但看相中我架車根本沒有這麼高, 可否由此在庭上說佢不可信?
以上都不可證明是對方不小心駕駛嗎?
對方仲叫我賠6000元, 我好想叫佢去死呀. 我點都落不到啖氣, 應該佢賠俾我就真啦. 好嬲呀......
天秤座 joy_183@hotmail.com.hk
簡覆天秤座:
按雙方停定後的位置確是對你有所不利‚ 但你也有不小其他對你有利的証據。有時「清官難審“交通”事」‚真的會口同鼻抝。世上沒有必嬴的官司‚如覺自己真的清白並受屈‚只能據理力爭‚堅決不賠‚並多尋求專業的協助‚希望法庭能還你一個公道。
佳保公証行
|
16/6/2005
|
老編留言
唔知係咪落大雨關係，今晚好多人寫論文一抒己見。老編好似「睇」緊「十八樓C座」咁樣，好熱鬧。熱鬧還熱鬧，部份意見過於偏激或以偏概全。其實社會問題常見激發於利益立場和觀點角度之不同上而各說各話。
現實世界有很多情況都是「零和遊戲」，某人的得益正正可能是建立在某人的損失之上，所以...錯與對實在視乎你站在那一方。
作為政府，當然希望盡量照顧社會上不同階層和社群的利益。但世界點會有咁易做o既事呢？於是為了平衡各方利益的措施或政策，當然會被人批評為辦事不力。批評的人永遠容易，而且他們只是站在自己的利益立場和角度，去觀看這個世界。政策制定者者如果和民眾採用同一套思考方法的話，這個社會便會完蛋了。
老編
|
16/6/2005
|
re電單車泊位
唉,其實呢個壞風氣真係好難改,我咁講並唔係我會搬人車,因為我都好憎,所謂己所不慾嘛..不過冇偈,電單車比人感覺係平..輕.所以d人搬得就搬..郁得就郁..即使唔係駕駛者..只係路人..行過見倒你架車泊係度..行過會搵隻手搭下..師奶去完街巿會搵你架車放下執下袋咁..更有細路無聊到走上你架車度坐下..搞下d制咁..
泊位泊出界冇人理..係因為..唔駛錢就冇人理..
如果一個私家車位有兩架smart放係度..差佬會做野..一個電單車位放兩架電單車..行過唔理..原因係咩..可能覺得抯老電既就冇咁有錢..費事抄佢牌..但係又唔點知解有時泊骨位出左少少界又比人抄喎..有時真係想搵兩架smart放埋同一個位伏d執法人員抄牌再嘈上court...可惜冇地位冇錢..政府一定會"睇"恤我地d窮人既...just睇..
就以銅鑼灣改道為例..改左咁耐d人cut雙白線cut足咁耐..明知有人cut都唔捉..走去大帽山捉人過雙白線..走去各高速捉人快相..仲話甚麼交通安全月會加強檢控..原來檢控個意思係檢點咁指控...政府認真檢點呢！
馬格斯
|
16/6/2005
|
Suzuki Bandit 400
老編請你出出手,請問Suzuki Bandit 400 同 Bandit 400V 有咩唔同呢??連Suzuki o既網頁都找不到佢o既分別資料!! 謝謝~~
呢兩部車停產左咁多年，官方網頁當然唔會有佢地資料。多個「V」的分別是引擎活瓣多了可變技術，在高轉時生氣瓣開啟角度高d，俾多d鮮風進入，咁就可以提高供油量，搾最更高馬力。
|
16/6/2005
|
有關電單車泊位問題我的意見
電單車是方便人們返工或外出代步用的，如果不給電單駛入XX區或XX區電單車的方便性大大降底了。<僧多粥少>運輸署應把較大的天橋底妀做合法電單車停車場。<三個位泊五架車，誰出了界，警察可合理抄牌>可以抄誰?
A,B,C三人早上泊好在分界線上没有出界，D下午來到無位把A搬搬了小小再把B搬了小小才泊得入，結果三架車都出了界過程無人睇到，晚上差人來了抄誰?三個都抄?A回到車場時發現比人搬車弄花弄壞兇手不一定是D，可能F搬車弄花弄壞但泊了一至兩小時走了，
D來到見到有A&B中間有空位就泊入去，A去投訴雖?
P仔IVAN
|
16/6/2005
|
轉名問題
老編你好．．我想問部車是本人的，而牌簿是用我哥哥的名，咁如果上運輸處做轉名手續時是否要由我哥哥親自去又或是本人自己去亦可呢????如果本人去又要帶甚麼文件去與否？唔該你回答
小朋友
小朋友，法律上只會承認部車係你哥哥的。轉名手續雖然唔一定要車主親身到場，但過戶書一定要車主親筆簽名。過戶時要有上述文件和牌簿。
|
16/6/2005
|
您好,請問
請問老編大哥,您好~! /*<>*\
我想問綿羊honda/125cc車尾牙有幾多齒?換尾牙是否可以增加速度呢?一般要幾錢呢?有無好介紹?thankyou
ray
唔好玩啦，自動波綿羊唔同腳波車，冇得玩換尾牙齒數呢家野架。你可以改珠仔重量，但拿得尾段失頭段，125綿羊唔好搞咁多野喇。
|
16/6/2005
|
換大車一問
老編先生你好,想問下列大cc車邊款長期走highway最好力最夠用,因本人長期雙騎行元朗出觀塘來回.silverwing600,an650,cb400sf-vter.三款車中那款最好力.極速及頭中尾段邊部最快.因本人想轉其中一款車.多謝老編給我寶貴意見.
祝身體健康..
小生
AN650應該最舒服好用。極速會是CB400SF最高。頭中段會是AN650。雙騎長途玩街車一定唔夠豪華綿羊舒服。
|
16/6/2005
|
憤怒
收工落大雨已經0係 慢 線安全車速行車(龍翔道近獅子山出口落斜),,但比架貨van係0甘推,前面係尾板車又唔敢跟0太貼,左右雙白又無得cut,我o係後鏡見倒個pk大銀幕好撚大,己經知道同我尾o鹿得一兩尺,心想之前又無得罪你,落0甘大雨我前面又有車你推到我o甘貼可以快0的咩,好似死神好近o甘,
到過左天馬苑即刻過返慢線,但個撚樣即刻快車cut左線去九龍城方向,o個陣慶到想追個撚樣去邊停低x死個pk,但大雨得滯又趕住回家唯有放棄,泊車後仍很憤怒,有錢一定不在香港楂老電,買架hammer,本人己有十年老電同貨車牌,工作己經日日楂車,仍覺得香港楂電單車很危險,老編有沒有統計過老電交通意外幾多成係比人撞呢,或者香港如要成為電單車樂園只有強制4.6司機考埋電單車牌,還要經常楂2.6感受下
fai
呢d係人o既質素問題o羅：自私自利，責任感低，自我形象低落o既人，咪要趁呢d機會重振雄風，重拾遺失的自信和自尊o羅~~~
唔怕得罪講句，呢亭人做野冇幾何會成功，冇幾何會有人讚。工作場合中只係俾人呼呼喝喝o既失敗典範。唔塕呢d機會玩下人，點證明自己仍然存在？
|
16/6/2005
|
立法會十九題：電單車的泊位需求和供應
以下是環境運輸及工務局局長廖秀冬博士今日（六月十五日）在立法會會議上就陳偉業議員的提問所作的書面答覆：
問題： 本人接獲市民投訴，指多個地區電單車泊車位不足，其中尤以荃灣、青衣及天水圍為甚。就此，政府可否告知本會：
（一）各個地方行政區的電單車日間和夜間泊車位的供求情況，以及哪些地區嚴重缺乏電單車泊車位；及
（二）有否計劃在未來12個月增設電單車泊車位；若有，請列出擬增設泊車位的地點及有關數目？
答覆：
主席女士：
我們每年都會評估全港電單車的泊位需求和供應情況。現時，領牌電單車約有31,000輛，而全港指定的電單車泊位（包括路旁及停車場泊位）則約有23,000個，指定泊位的數目已可滿足超過七成在夜間泊車的需求。而由於電單車車身細小，司機亦可把電單車停泊在非指定的停車地點，例如新界村屋前的空地等。我們留意到在荃灣、屯門、元朗、沙田、葵青和北大嶼山，指定電單車泊位不足的情況較其他地區嚴重。
至於在日間，我們估計約需9,100個電單位泊位，而供應則有8,600個，指定泊位的數目已可滿足超過九成的需求。我們亦留意到在北大嶼山、深水埗、灣仔和荃灣的指定電單車泊位不足的情況較其他地區嚴重。
為增加電單車泊位，我們會：
（1）要求新的發展項目根據《香港規劃標準與準則》提供足夠的電單車泊位；
（2）在批出短期租約停車場時，要求營辦商提供更多電單車泊位；及
（3）在不影響交通流量及道路安全的情況下，設立更多路旁電單車泊泣（包括位於天橋底及行人天橋底的泊泣）。
在未來三年，我們預計可在路旁、政府停車場、短期租約停車場及新發展項目增加約6,000個電單車泊位。但提供泊位的確實時間需視乎新發展項目的落成，以及開設短期租約停車場的日期等。而在路旁設立電單車泊位亦需諮詢地區人士的意見後才可實施。
完
===============================================================================
side鬼氣！
怒人甲 mc4000@motorbike.com
政務官咁高人工，就係要寫呢d講左等於冇講既野o羅。
|
16/6/2005
|
賣車
hi老編,小女子是楂honda@150,想升級轉楂其它車,想請問賣俾街鋪定俾原廠收返,邊度會收得價錢會好d呢,如果trade返原廠換其它車會唔會回收價會高d呢,我新車買入楂左差不多20000km,少花,請俾意見,唔該曬
換車女
賣車想賣得較好價錢，一定係私人放售。不過你會好浪費時間和精神。賣俾任何車行都好，只有trade-in，價錢先會高d，你可以比較三者(私讓、Trade-in、收車佬)的分別有多大才決定點做。
據老編所知，本田代理收車都係射俾行家收，自己唔會責呢件貨。所以分別應該不大。
|
16/6/2005
|
Re:職業司機就衝紅燈罰則請願
其實我想問各位職業司機，其實你門有無注意到紅燈前路面都會有路面標記(箭咀)，其實不單只係只是方向，亦都提示司機於邊個位置留意燈號避免衝燈呢？
Mcmugkwong
|
16/6/2005
|
re:有關泊電單車位搬車問題我見
我的想法是:怎會用大陸的極權管理方法加到自由的香港身上,限制電單車入中環?法理何在?大家都有交稅,為何不准進入?這個想法只會視電單車車友為二等公民,....中環,銅鑼環不准入?港島有多大,這些地方不准入就差不多等於港島不准阻電單車吧!電單車車位不足便要想法子,政府為甚麼不去增加呢?因為無著數囉!停車就要過水,資本主義社會就是這樣,要人理你,就要企理,人家有著數,自然會替你想法子,你有比錢,自然有權要求,消費者付費,天經地義之事,要用電單車玩,換取自由,就要付出,若果香港玩車像台灣般平民化,就一定是個災難...法律的作用只是消極的防止,法律吾准人偷電單車,還不是日日有case,要用經濟的角度看:要玩就要比錢...待電單車成為貴而高級的運動,停車位不足的問題才會相對減輕(只是相對的)...運輸署是失職,原因是他沒有用經濟的手法控制電單車的成長,讓他有平民化的傾向,而不是他沒有替我們劃好足夠的停車位...我們又無比錢停車,他沒有責任這樣作的...
David
|
16/6/2005
|
Re:職業司機就衝紅燈罰則請願
呢班人，全部唔係新牌仔，駕駛最重要的反應和警覺。佢地這麼大的反應都心知自己在這2種第一天學車的基本知識已經蕩然無存(如果唔係基本知識，強制試都唔洗考急停La)，在路上駕駛的變數太多，佢地有了這麼多的經驗，如果是還記得反應和警覺，根本唔洗這麼大反應，又話要生，又話要死，又話要拿刀吉大脾!講什麼大壓力，佢一個司機楂車就話大壓力,那麼衝燈炒車死了的家人仲大壓力!邊個壓力大D，1個司機，定成車成客!
WONG Ho Ying
|
16/6/2005
|
完成強制課程後?
我有個朋友想完成強制課程後，除了在駕駛學完練習外，想自己買架電單車來加以練習，想請問?
1. 如果電單車的頭尾都掛上認可的「 學 」字牌同不在「 禁止學習駕駛者駛入」標誌 生效的道路上學習，佢可唔可以自行學習駕駛電單車?
2. 學神保險係唔係好貴?
3. EN125-2A 是否合適?謝謝!
菊花
可以，但學牌除左不準進入指定路段之外，重有時間性限制。學保會比正常保險貴d。四衝單缸125學校都係用呢類車上堂。
|
16/6/2005
|
Re:職業司機就衝紅燈罰則請願
洗鬼請願咩,,晒氣啦,,學LMF語氣,, 無能官員智慧低,特首只係鐘意威,差佬唔會認低威,口水議員大隻西.請咩願..我地抯平車請願有個屁用,拿,,搵d抯賓屎,保馬,快拉柴,波子呢,,就有用啦
|
16/6/2005
|
HONDA V-TEC SPEC I/II
請問 HONDA CB400SF V-TEC SPEC I & SPEC II, 機件, 引擎上有何分別?
lasara
睇FAQ啦老闆
|
16/6/2005
|
再問：火咀風格
如果係綿羊既.風格係易拆過火咀,不過如果係街車或者fairing.就要拎走個fuel tank.
如果有士啤cord計既fuel tank.正確拎走佢個程度係點呢?拎走之後點放呢?(反轉佢一或墊高佢等佢唔好壓住d油喉呢?)
整個過程又有咩要特別注意呢?
拆左油缸係正常咁放係地下，唔駛反轉，記得刪左油缸先好拔油喉。
|
16/6/2005
|
政府真係死仆街黎架
我申報既地址絕對正確
所以先會收到張320+320+440
老虎
咁你點解會過左期都未交罰款呢？
|
16/6/2005
|
回應泊排骨位的問題
發神經咩！老電唔准去油尖旺及銅鑼灣、灣仔、中環................你係咪儍。
|
16/6/2005
|
乾式與濕式離合器
老編你好,午安
１：請問乾式離合器與濕式離合器的轉波動態有沒有什麼分別的呢?
２：若車子是用乾式離合器，應如何使用才最正確和應如何保養呢?
阿傑
阿傑
乾式極力子的感覺較直接硬淨，跣極力子的動作和時間應該盡量減少。
|
16/6/2005
|
金鐘車友小心....
15/6 00:35am 在金鐘巴士總站與地鐵出口C1附近發現一名貌似道友的中年男子，正取雪糕車內物件，本人立即報警，但返比他發現及快速離開了現場。
該名貌似道友的中年男子: 年約30，大眼，叟身及長曲頭髮到肩
小心.....
B Chai
|
15/6/2005
|
UP-GRADE
DEAR EDITOR:I'm now driving CB400SFvs for daily use, my route including rout twisty and route 3 totally travil 75KM, however I found that the power of my bike can not satisify my need so I am thanking to buy a more powerful one.
Should I go for 600cc or 1000cc?
I really enjoy cornering around the route twisty. Should I go for a superbike?( the driving position of superbike for me is no problem since I am a serious bicycle rider before.)Thanks for your advice
car driver kingkongstar@hotmail.com
The only concern is your riding skill, if you have more than 2 years daily riding experience, then go for superbikes is fine. As you enjoyed twisty road more than the straights, 600SS will be better than 1000s.
|
15/6/2005
|
有關泊電單車位搬車問題我見
看到好多車友說到，泊入排骨位被搬車或去搬別人的車，其實問題核心是無能的運輸署，他們最清楚全香港有幾多電單車登記，又有幾多個電單車合法車位，而在極之【僧多粥少】情況下而袖手旁觀，根本是失職。電單車大聯盟這一個組職祇是『廢物』，又是『袖手旁觀』，為何還不去申訴專員公處代表全港電單車車主投訴？
是投訴香港電單車數目太多，應該限制數目的時候了。最該管制是綿羊，因為增長數目太快，可以考慮如祖國般，不給電單車入城，如廣州市，北京城都不許電單車駛入。
香港則可以限制不淮駛入中環，銅鑼灣，灣仔，九龍區限制不淮駛入尖沙咀，佐敦道，旺角等地。
還有警方部門也是失職，大家己经忘記了"排骨位"是劃有白線的嗎？每一架車也有正碓泊車位置，你看私家車位的例子，三個位泊五架車，誰出了界，警察可合理抄牌。大家知道是合情，合法，合理，誰也不敢哼半句。
要解决排骨位被搬車的問題，大家應同心協力，人人守法，做個好市民。大家別忘記了自己合法權益，一於看誰泊車不依白線，便立即投訴警方，要求抄他媽的牌。
電單車位雖是免費，但亦有界線劃分的呀，人人都不依規則而當正理所當然，正正是電單車友最討厭的行為。看到不依白線泊車，而不去投訴，結果是被搬車，弄花弄壞，祇是事情合理發展結果而巳，活該！（即是香港話的抵Ｘ死）！不值得同情。
還有行人路上的電單車非法泊車，也是合該投訴，要求警方抄他媽的牌。
香港法例，凡不是泊在合法車位，便是非法泊車，是非抄不可的，是不論時間。就算在半夜三時，在中環蘭桂坊附近也抄之可也。你不付鈔也不行，後果是給特區政府機構通輯歸案。
在投票日求我們投他們神聖一票的議員，區議員，又曾经為電單車位問題出過幾分力呢？
香港是講求法治，政府不知道的問題，或不想知道的問題，便不是問題。更何況我們的政府是聾的。
沉默是代表吃虧的了，怨不得誰呀！
不需使用更不敢使用排骨位的千八車主
|
15/6/2005
|
Re:職業司機就衝紅燈罰則請願
老兄，人地都唔係話衝紅燈係岩，只不過冇完善既配套措施就加重罰款及扣分會對駕駛人士做成壓力，尤其職業司機更甚，有時你去到條白線道岩岩轉燈，你收又驚比後車隊，唔收又驚比亞sir捉到扣分兼罰錢，抯重型車就更加冇得收，如果你日日起條馬路抯十個八個鐘問你大唔大壓力，政府應該起燈口加裝倒數器或其他野比司機知幾時會轉燈收車。
不平人
|
15/6/2005
|
政府真係死仆街黎架
我早係兩個月前已經先後交左4張牛肉乾(其中二張仲要係一齊抄 一張抄違例泊車 另一張就抄冇顯示行車証)果次我已經好火 仆佢個街 咋日仲要收到一封信話我未交罰款 依家要我交320+320+440 佢話我未交呢張罰款 我根本就冇收過張牛肉乾 如果我收到又點會交左四張 專登唔交一張先 所以話政府真係死仆街 罰錢就罰得咁快 要申請d乜乜攞佢錢 就又要填呢樣填果樣先攞到錢
老虎
你向運輸署申報的地址是否正確？
|
15/6/2005
|
保單
如果唔見左點算??
Chris
向投保中介人和保險公司報失，再睇佢地要你辦咩手續。
|
15/6/2005
|
頭碟變型,影响收車????
老編大人你好,小弟現駕駛cb400,近排發現收車時份車頭有些震(4xkm樓上就有),終於發現問題係頭碟其中一隻有少許變型(肉眼睇得一忽仔)引致收車時不暢順.....現想請問危險大嗎,換碟大概多少銀兩,小弟本身覺得問題不太大,只求問個專業議見.多謝!
頭碟變形到肉眼都睇得出？好嚴重下喎，快d換碟啦，迫力同埋胎都係電單車的先決項目，唔好慳呢d錢。原廠或after-market的價錢要問下先知。
|
15/6/2005
|
CB400SS 和 SR400
SR400據知仲未有電撻.而CB400SS呢, 04年出廠0既都有追加電撻.
Starkey
|
15/6/2005
|
防盜
請問安裝防盜會吾會傷車或對電磁不良？600級Fairing，CBR、ZX-6R、GSX，老編你會選擇邊部呢？幾部車請比D意見！Txk
車友
上次電單車權益關注聯盟和警察開會時聽到話「貴防盜扯電，平防盜冇用」的評語。最新款的600級跑車，老編會揀ZX-636，因為輸出最高，而且最齊料。
|
15/6/2005
|
我架sf big one 上星期五試過行行下突然死火,之後著唔到車,撻車冇反應,只有塔一聲.
有油,有電,死火掣在正常狀態,之後等左二十分鐘,就著到車...
到左星期一,試過燈位前停車,等待中死火,之後著到車,然後再死,再著到,之後到今日去車行CHECK,師父都CHECK唔到有問題,師父叫我照行住先,咁以為冇問題啦,點知返到停車場,
準備回家,點知手痕就去著部車,點知又著唔到車,等左約三十分鐘,先著到車,之後返去車行,師父再次幫我CHECK,佢話我部車仲好精神,撻十次著十次,於是唯有放低,再俾師父跟進,總括係熱車先有呢個情況出現,請問老編知唔知有乜問題??
SLOW FOUR
當熱車後難著車，調查方向係檢查化油器和哇佬頂是否需要調較。
|
15/6/2005
|
二手大棉羊邊架好??
小弟仲有兩個月就甩P，但因小弟超重需要考慮換車。(我幾年前都問過老編我考唔考得電單車牌)你答我250就夠。我聽完你番話後就去考，一次就考到，就買左你推介既250日本大羊。我而家一個人駕就ok(上斜行70highway行100多D)。但我甩P後要車人，現考慮車就有兩架-Sliver Wing 600 同埋 AN650，兩架都會買二手，預大約四萬多D，買02年之後。身形唔係問題over200lb，182cm高。
1. 請問邊架會耐用D?
2. 邊架駕落會輕D??
3. 補養邊架會好D??
你有乜意見？謝謝！
文
嘩你搞到老編好大心理壓力....人地講乜都只係一個參考，還需要自已思考架....邊架耐用d？可能係Honda Silverwing。AN650的加減波始終較複雜，膠牙唔係咁耐用，成組換都幾貴。重量兩者差不多，都係好適合在高速公路中使用。保養嘛，兩者都ok丫。
Silverwing 600和AN650兩部車老編會揀AN650。首先係AN650馬力大d，行李艙好用d，重有加減波俾你長落斜時唔駛拖迫力。而且Silverwing短期內再轉款的機會大過AN650。
|
15/6/2005
|
問2手車. 買車個程序係點
同第二個人買車個程序係點?因為新牌仔咩都唔知.?
基仔 keisk8@sinaman.com
乜都唔知唔緊要，睇【知識技術】買賣車輛相關文章和【常用資料】中「買賣備忘表格」後，便會有一定概念。
|
| |
|
|
|
 |
|
