|
|
|
FAQ常見問題 |
|
|
19/6/2005
|
莫須有的黃袍加身?
政府設法減低電單車意外的出發點是好,但是否將解決方推在鐵騎士們的身上?
意外發生不外乎是主動或被動,主動即自己失控,被動則可能是被其他駕駛者撞或追趕而導致,
試問穿上反光衣物後,可以提升駕駛技術,減少失控? 可以減低被其他路盲撞倒,或追尾一族的追趕? 於二零零二年七月一日,立例要求各鐵騎士開大燈,是應該的,因為有實際的用途,車前車尾都亮起燈號,能讓前車及後車留意.
但到現在,政府要求"道路安全議會委員、香港汽車高級駕駛協會副主席蒙海強"等人提供意見,專家們竟然此等高明的政策,佩服佩服,不知委員們平日以什麼交通工具代步呢?
當你到餐廳用膳,侍應將食物掉到你身上,然後他跟你說"為何你不穿上反光衣物呢,我看不到你丫"又或是路人過馬路時,是否要穿上反光衣物才可以走過呢? 委員們,請你們不要立例,要是你們把條例通過,相信不可以把意外數字減低,如果可以的話,可能是沒有騎士願意穿上反光衣物才減低,但肯定會成為世界的笑話.
不是所以的鐵騎士都是烈火戰士,你倒不如立例管理四輪戰車,貨灣王,櫃頭霸王,訂立"2秒的行車距離",加強打擊酒後駕駛,我相信更加有效.請政府在道路安全議會委員中加入一些電單車車會的人仕,聽聽他們的意見.要不是可能在數年後立例全面禁止電單車在路面行駛.再次強調,問題的精要是那些追撞我們後不顧而去的路盲路霸,不要加在鐵騎士們的身上!!!
請老編及各騎士留言
隼仁 yoshiki@japan.com
晚上，在沒有街燈的道路上，有著反光衣的確會安全好多。但香港的街燈又光又多......
|
18/6/2005
|
反光衣回應 .
我不嬲都覺得香港有關車輛的法律好白痴．好似早兩年有關車窗茶色既問題，一些汽車生產國家都係咁用啦∼香港又話要點管制．人地汽車生產國如果有無問題一早已經考慮了啦∼到你香港的官員考慮！？
哩家反光衣問題又係咁，你有無見外國渣電單車係咪要著反光衣吖！？唔該Ｄ官諗下野吖∼！
bill仔
其實電單車已經立左例，開車要著大燈。反光衣的幫助有幾大呢？如果架車有風擋有尾箱，著反光衣都睇唔到。其實著多件反光衣，係咪真係會令果d盲H司機睇到呢？著左頭燈都睇唔到，著反光衣會睇到？盲H司機喎？
|
18/6/2005
|
油缸生鏽
如果發現油缸生鏽的話,應怎麼辨?對行車有影響嗎?
心急人
唔想翻新油缸的話，只有保持油缸常滿，和添加電油隔。
|
18/6/2005
|
迫力油箱
你好，今日見到XJR1300左右手都有迫力油箱，而400只得右邊，點解?
PING
XJR1300左手邊果個係油壓極力子。400行威也所以冇。
|
18/6/2005
|
初哥問
老編先生，我是電單車初哥，能否告訴我二衝和四衝的引擎差別在哪里和如何運作者呢？
無知小子
簡單來說，兩者都是往復式行程內燃機。四衝程內燃機運作分開四個過程，首先是進氣，其次是壓縮，再來是燃燒，最後是排氣。四衝程引擎要做晒四個動作先會點一次火。
二衝程內燃機則只需兩個行程便點一次火。簡單來說，汽缸內的油氣被壓縮時，進氣動作同時間在曲軸箱進行。當廢氣在汽缸內被排出時，曲軸箱內的油氣同時進入燃燒室準備接受壓縮。
文字很難令人明白引擎的運作，最好買本參考習看便會清楚一點。在FAQ內有介紹。
|
18/6/2005
|
前叉漏油
前叉漏油可以自己整嗎?如果比車行整幾多錢?一條新前叉又要幾多錢?o吾該各位大佬!萬分感激!
樺
換油毯工程都幾大，要成份頭叉拆晒出來整。建議俾車房搞。都係幾舊水姐。
|
18/6/2005
|
反光衣!
如果真係落實立法，電單車司機要著件龜殼(反光衣)，打算唔買車，著件龜殼係僚街好揚(好樣衰)，唔洗日日驚部車比人偷。起碼小一單炒車，炒車都唔關我事。
WONG Ho Ying
|
18/6/2005
|
死火
呢排架車上斜塞車停低,跟住慢慢吊極力子再開時就死火,要撻幾次同埋撻車時比大油才著得番,跟著要比油到成萬轉同快放極力子,要轉數未跌到死火前扭上八,九千才開得番,架車好似騎馬仔標一標,好狼狽不堪,但上斜唔停低又無事,同平路行車很正常,而家很怕斜路塞車同停下,想問老編我架車有什麼毛病(風火水電換左無耐)thanks hornet 250
tak
你架車的問題可以分兩方面。首先係熱車後難著車。要睇火咀和化油器。第二個問題係斜路起步有問題，要高轉先起到步。咁要睇你果組極力子片是否到期。
|
18/6/2005
|
一項對車友影响深遠的法例
【太陽報專訊】電單車司機和乘客日後可能要效法交通警員，在行車時強制穿上反光衣。政府多年來已經想盡辦法遏止電單車意外上升，包括強制電單車在行車時開車頭燈、新牌仔要掛上P牌和禁行公路等，但電單車意外率依然有升無跌。為進一步保障道路使用者的安全，遂有意將《道路使用者守則》中要求電單車司機穿反光衣的建議正式立例。
根據運輸署編訂的《道路使用者守則》，在第七章「電單車駕駛人須知」內，已經提醒電單車司機要讓其他道路使用者清楚察覺電單車的存在，包括無論晝夜，司機都要穿上反光衣或繫上一條反光帶，以增強其他人的警覺性。不過暫時只屬守則，並無法例要求電單車司機必須遵守，所以只有經常在路面工作的交通警員和其他工程人員會穿上反光衣。
最快數年後才會立法
道路安全議會委員、香港汽車高級駕駛協會副主席蒙海強表示，強制性穿反光衣的建議仍在初步討論階段，議會會作多方面考慮，包括需參考其他地區執行有關法例後的效果和對執法帶來的困難等，預料最快都要在數年後才能正式立法。
蒙海強承認，道路安全議會一直高度重視電單車的安全問題。議會留意到以往新牌司機在首年的出事率偏高，政府遂立例新牌駕駛者要掛上「P」字標記以及禁止行駛高速公路，電單車新手的意外率已經明顯減低。
去年坃車牌增至萬人
對於近期再發生多宗電單車奪命意外，以及整體電單車意外率持續攀升，蒙海強認為與電單車愈來愈受年輕人喜愛有關。運輸署資料顯示，持有電單車駕駛執照的人數持續增加，以往每年約增加六千至七千人，但至去年大幅上升增加至一萬人，令○四年底全香港共有十八萬三千多名市民持有電單車駕駛執照。
蒙海強說：「電單車係先天不足，『皮包鐵』，一有意外就容易受傷，但年輕人好多時以為自己𡑔緊『烈火戰車』，効路上面係咁飛。有時佢㳜唔使再掛P牌，反而信心大增，但其實駕駛態度仲未成熟，咁其他路面使用者好危險。如果�韝洏凓蟡i以減低意外，確實值得考慮。」
百老匯電單車會會長郭偉業承認，如果電單車司機穿上反光衣，確實可減低意外發生，不過他就對政府立法規管有所保留。
郭偉業解釋稱：「如果–住一架白色電單車咪好似警察電單車？咁反而會令到其他路面使用者有混淆。仲有著住件衫都幾熱，反正有刋司機為了安全會自己著，不如由番司機自行決定，唔好立法。」
所以話呢；『人必自侮，而後人侮之』！
精彩啦，以後個個車手都著住件綠白間條反光衣，遊車河都十足開工。以後在人群中想認出車友，亞『中哥』一『安全隧長先生』都難矣！
又一次澄明，D官係用個屎忽惗野！
個位道路安全議會委員、香港汽車高級駕駛協會副主席蒙海強先生嘅思考方式好有問題，真係想知他真正自份是否一係蟲，係應聲個隻！
他們的香港汽車高級駕駛協會對此會作多方面考慮，包括需參考其他地區執行有關法例後的效果和對執法帶來的困難等。云云。基本上，這個高級的香港汽車高級駕駛協會是讚同政府的建議正式立例。祇是如何執行而巳。蒙海強先生真是應聲得令人五體投地！
如果他老哥真是一個懂得思考的人，在下真是想用道理同他辨論一番。
如果按照他們的羅輯：『電單車司機要讓其他道路使用者清楚察覺電單車的存在，包括無論晝夜，司機都要穿上反光衣或繫上一條反光帶，以增強其他人的警覺性。』
事實上電單車加上電單車司機，體積計起上來比行人更大吧？要其他道路使用者清楚察覺『行人』的存在，豈不是更因難？所以------結論是………
為了公平，不是針對電單車司機，改府也該立例：『每年交通意外亦有𣎴少是『行人』！『為了『行人』要讓其他道路使用者清楚察『行人』的存在，包括無論晝夜，『行人』都要穿上反光衣或繫上一條反光帶，以增強其他人的警覺性。』
精彩啦，以後個個『行人』都著住件綠白間條反光衣，包括無論晝夜，行街街都十足開工。以後大家不用為買衣服款式頭痛了，甚麼名牌，名師設計都可以掉落垃圾筒了。
至於百老匯電單車會會長郭偉業，亞偉哥，我識佢都係要鬧，他說甚麼：如果電單車司機穿上反光衣，確實可減低意外發生，不過他就對政府立法規管有所保留。仲有著住件衫都幾熱，云云….偉哥，『仲有著住件衫都幾熱』這個反對理由你都說得出？係人都不會理采你啦，何況政府D官？亞偉哥呢一劑，實在太軟弱無力啦！
問題核心是：『如何令電單車司機要讓其他道路使用者清楚察覺電單車的存在』。
答案其實好簡單，還原基本法。其他道路使用者『用眼睇』就可以的了！
還記得考車牌時第一件要考的事是甚麼？不是駕駛技術，是考視力呀！盲的，看不到前面車牌號碼的，巳經不用撻車了，可以即刻『肥佬。』落車！下一位！
對那些視電單車如不見的其他道路使用者所引起的意外，為甚麼要將責任推在電單車司機身上？
今日若然在法庭一單交通意外貨車司機話看不到電單車所以將他撞死，辯護理由是：『原來是電單車司機在行車時，沒有穿上反光衣或繫上一條反光帶，以增強其他人的警覺性貨車。他是隱型的物体。所以其他貨車司沒有機警覺性而將電單車司機撞傷，撞殘廢，撞死。所以都是電單車司機自已活該，怪不得人。』
這樣行嗎？
道路安全議會委員、香港汽車高級駕駛協會副主席蒙海強先生認同反光衣可以減低意外，理由是：『年輕人好多時以為自己駕緊『烈火戰車』，在路上面係咁飛。有時佢地唔使再掛P牌，反而信心大增，但其實駕駛態度仲未成熟，咁其他路面使用者好危險。如果穿反光衣可以減低意外，確實值得考慮。」』
擺明玩針對了！又是一句，『人必自侮，而人侮己』，好一個活生生實例了。
事實上，不論年齡，身份，車的種類，祇要上得任何車輛駕駛位置，這個司機就有可能超速，衝紅燈，過双白線，班馬線不停車等等…..所以政府使有相關罰則，理應一視同仁。
道路安全議會委員、香港汽車高級駕駛協會副主席蒙海強先生相信不會不明白如此顯淺的道理吧？
他擺明是針這一班：『唔使再掛P牌，反而信心大增，但其實駕駛態度仲未成熟。駕緊『烈火戰車』的傢伙。哦，明白了，原來是這一班人累街坊！
問題核心是：『駕駛態度仲未成熟』。
事實上，任你是P牌，剛甩了P牌，五年牌，十年牌，廿年牌，五十年牌，都會如道路安全議會委員、香港汽車高級駕駛協會副主席蒙海強先生–所講的：『在路上面係咁飛，咁其他路面使用者好危險』。世界上有永遠駛態度仲未成熟的人。
亞---蒙海強先生就好像忘記了任何司機，在路上面係咁飛，[超速？快到飛？]都是犯法，都有相關法例罰則。
如果技術不足，駕駛態度惡劣而引致意外，對其他路面使用者構成危險法。法庭罰則是可判罰款，停牌，坐監，或重考，或終身停牌，終身停考等等。
『沒有穿上反光衣或繫上一條反光帶，電單車不會變了隱型的， (我就想啦，警察看不到我，看不到，看不到，任我係係咁飛，係咁飛!哈哈哈！)這是遣反科學的嘛』！根本對事情完全沒有幫助。
基本上，道路上其他駕駛者做回本份，專注駕駛，望住絛路，便可大家都平安大吉了。穿反光衣可以減低意外的論據根本不成立。
他------道路安全議會委員、香港汽車高級駕駛協會副主席蒙海強先生祇是協助政府針對地羞辱電單車駕駛者而巳。
不吐不快，事關電單車界未來幸福，同我買左的靚靚戰衣可以見到天日、論據實在要令人清淅明白，故此文章太長，敬請原諒！
不需使用更不敢使用排骨位的千八車主
|
18/6/2005
|
電錶問題
老編你好,本人所用的2手boulevard 150是置有一個電池錶,而電池錶刻度分別為10,12,14,16. 上星期本人上午把車泊下後,到晚上去把車取回,只是相差6,7個小時,發現著不到車,眼見電錶指針一開始刻度拍住12低1格,每著一次又會下降,然後又緩緩上升少許,到最後著了好多次都是著不到車,而電錶指針就降到10和12的一半,當然我知是沒有電了..
過了幾日,我朋友駕著他的電單車來,用過江龍幫我著了車,然後就去到他相熟車房檢查,車子放在那裡一天檢查,最後師傅致電說是電池問題,並幫我換了新一個電池,昨天去取回車,成功著車便安全回家
但本人由買車直到剛更換新電池時,電池錶指針從沒超過14,最高都是只有12高一兩格左右,新電池都是一樣,這是正常嗎?
每次開車,看到電錶指針每著一次車都由12下降少許,感覺電池著車著4-5次就會耗到電壓不夠力著車..所以每次著車都有點緊張..心想如果電錶指針每次都能去到16就好了(可能想法錯誤,請指正)
謝謝老編幫助解答問題
直直
健康的理想電壓在12.8V，但即使電壓在12V也能著到車。雖然換了新電池，但可能未夠時間叉飽電，試下多d用車，情況應有改善。
|
18/6/2005
|
轉右灣
最近我Drive的Runner轉左灣無問題, 但轉右灣時有D唔係好順, 窒窒地. 好似想冼呔咁.
我Check過行直線無偏左或右邊. 車呔Check過無起角 新換三個月.而且呔氣都夠.
是最近才發生的嗎？奇怪，有無check過波子盤？
|
18/6/2005
|
正式保單
對唔住,剛才 send 個問題.已經係 "知識技術" 搵到答案,多謝 !
warren
|
18/6/2005
|
silverwing換kit喉
我們尊敬的老編大人:小弟有3條問題想請教大人 :)
第一 我架車想換條大眼仔喉全梳，聽朋友話羊換kit喉冇得 set 個燃油噴注的，因為冇果份电腦....咁會否影響架車既性能，佢又話靚喉唔會冇左低扭，头中尾都咁近！請問有冇可能呢?如換左之后打炮咁咪屎....又是否要換kit風格配合呢？
另外如果換埋輕珠+kit喉的話 耗油量會增加多小左右呢？現在我全原装大約0.65/km。
最后一條想問如想增强制動力，換鋼喉定換菊花碟比較實際呢?因2者價$差不多? 而我換碟的話只打算換头碟 射射你解答 :)
抯羊仔
換左靚喉可享有全區域增益，還需要在點火，供油和入風方面配合，耗油量也一定會增加。。如果點火時間和供油程式沒有更改，低轉表現便一定會較差。換喉後如果全部做晒適當調較，係唔會打炮的。老編認為Silver wing原庄性能已夠用，換喉都是為外表或追求排氣聲。頭段性能能否保持的問題，其實不太重要。
增強掣動力的終極方法是更換手泵，卡鉗，加大迫力碟和更換迫力皮。換掣動喉能改善手感，提升迫力油散熱能力，菊花碟只是偷輕重量和改善散熱效果，而者對增加制動力並無直接幫助。
|
18/6/2005
|
自首
我昨日下午二時許在大埔道出九龍方向,差d掃低左個車友。如果佢睇到留言的話,比我講聲Sorry。
昨天我駕駛白色駕駛學院corrola實習由大埔道出九龍,入荃灣並經城門隧道折返。出車時正下著大雨,路面多車,加上「盡責」的導師全程不斷「提點」令我已經手忙腳亂。至大埔道一斷兩線路段,我正靠左線行駛,至一段工程地段左線封閉,導師問我埋到地盤啦!做mud仲唔cut 線?倒後鏡見右後方車輛未埋到黎,於是急忙俾油抽頭,無留意到右前方有個車友,差d撞低左佢,好彩佢係我車頭比油走得甩,無意外發生。
係度想同個車友講聲唔好意思。
路路通新丁 h2189@softhome.net
|
18/6/2005
|
溫度問題
老編你好，小弟為我架 sf vs 剛更換了一條土炮尾喉，聲音非常足夠，但不知是天氣熱，定條喉有問題，或是其他部件出錯，今天我過海走紅隧後，發現溫度的燈長著，在旺角休息一會後，燈熄，但再次駕車到大埔，行到入獅隧，燈又再次亮起﹗究竟是否條喉令到駕車有問題？
此外，我發現換喉後，轉波的轉數有很大的差異，在換喉前我只在五至六千轉轉波，但這兩天，駕車聽聲轉波，看一看轉數錶才知到八至九千轉才轉波﹗是否因為我駕車方法不恰當才導致溫度燈長著？
我又想問多一問，溫度燈所提示的，是否只是引擎過熱才著，又或者是其他部分過熱都會著？
p.s 1) 當我停車唔夠兩秒，溫度橙便熄﹗
2) 因我只換尾段，是否和這有關？
3) 當我停車時，隔三分鐘摸一摸尾段，完全感覺不到熱，只有引擎還熱！
4) 尾段為仿碳纖的土炮﹗
又再次勞煩老編，大恩大得，不勝感激﹗
文仔 tcm_810@yahoo.com.hk
偈下傾又何來大恩大德呢。溫度燈著左表示水滾，但唔會關換喉事，請檢查水箱水存量及風扇開關是否正常。換左喉之後，常用轉數高左係正常的。因為一來部車低扭差左，你要俾多d油先肯去，二來在高轉時副偈反應爽左，你又唔覺意俾多左油.....滅聲鼓部份如果係用carbon做的話係唔會熱的。
|
18/6/2005
|
鋼線鈴和合金鈴有無分別？
老編您好，我剛剛買左部街胎版爬山車，我可否改用合金鈴？其實鋼線鈴和合金鈴有無分別？........我是指在一般街道用。THX!!!!!!!!!
新車主
捨得俾錢當然可以換軨。鋼線鈴的彈性較合金軨大，應付凹凸路面時冇咁易整壞轆軨。
|
18/6/2005
|
電單車新手問題~
今日出左人生第一架車~電單車~~有d問題希望有心人可以解答解答~
1.架車得一條車匙咋~係咪可以拎去俾人配多幾條架~?因為本人比較論盡易唔見野~
2.架車有乜防盜設備~?佢送左兩把鎖~但形同虛設~~按住極力子~一樣可以推走架車~
3.見好多人個頭盔都係就咁勾o係車上~乜真係唔怕人偷架咩~?
4.想裝個尾箱擺野~車行話個尾架都要千幾蚊~請問係咪差唔多咁既價錢~??
5.如果唔小心大吉利是俾人偷左架車~咁係咪乜都冇架喇~?有冇乜野申討賠償既方法~?我仲供緊架車~係咪要繼續供埋佢~??
請指點迷津~ :)
430
車匙可以去一般配匙的店舖試下，視乎車匙長度，未必間間有。最好帶埋架車去配，講明要擰得著部車先俾錢。配好匙之後，收藏好原庄果條匙做種，唔好用copy果條做種。
新手哥，你部係咩車呢？防盜設備視乎車價而定。萬零蚊o既車冇理由落份六千蚊o既防盜. 頭盔掛係車上唔係就咁勾係度，而係鎖住頭盔個D-ring係頭盔鎖內。不過一剪就冇。裝尾箱視乎牌子，大陸野好平，歐洲野會貴，總之一分價錢一分貨。你點解會認為被人偷左架車之後可以問人追討賠償架？上會當然要繼續供。除非你買全保包埋盜竊險。不過保費好貴，計算賠償方法會七除八扣，所以全保好少人買。
|
18/6/2005
|
回應排骨位千八車主
正苦係咁無銀用架啦,雖然我都幾憎d 搵食車,但今次紅燈罰則我就撐佢地啊,行人過路燈有閃燈提示行人,有乜理由車燈只有短暫既黃燈,強硬出招,,睇廖女士坐得幾耐,呢頭抄左運輸處長,轉頭又玩立法.叫人減價又唔見佢咁醒,
|
18/6/2005
|
輪呔~
請問各位~我部車係3仔~110/70-17r,150/60-17r請問用邊隻呔好d呢~
最好係排水性及禁行的輪呔~thx
repsol花
|
18/6/2005
|
買車的疑問
老編你好,本人有點好奇想問問大多數偷車賊都係偷honda,yamaha同suzuki,其它牌子例如kawasaki,aplilia,bmw都比起以上牌子失車率低,固中原因請問老編會否知道,因本人甩牌想買車,睇中honda cbr600同kawasaki Z1000,兩款比較邊部好d呢?唔該
準車主
數量都係一個因素。多車的話中o既機會都多d。CBR600RR和Z1000係兩種唔同種類的車種。睇你要跑車定係要街車，好難作一比較。
|
18/6/2005
|
日本250羊無平台
點解日本250羊會無平台ga????有平台真係好方便ga....幾時會有呀?
BB
係車架設計問題，平地臺的車架剛性冇咁高。
|
17/6/2005
|
回應排骨位千八車主
唔使興，我早已經在某友好谷幫你回應左以下留言:
其實我覺得佢只是講反話
對住哩班無能正苦兼 [供墓員] ，可以點講，人人都知的問題佢唔理，扮唔知，睇下立法會的答覆，火都來；只識搶錢，官商勾結，批准齊齊商人搶錢。
車神
|
17/6/2005
|
廣告拍攝 徵求籃色電單車及司機一名 $1000
廣告拍攝 徵求籃色電單車及司機一名
電單車︰最好係藍色，但其他深色亦可(如深紅、深紫或深啡)，任何車款都可以。
司機︰男女皆可，中等身材，有車牌。
日期及時間︰27/6 或 28/6 ，時間未定(可商量)，但會係日間4個小時左右。
人工︰$1000
有興趣的朋友請send電單車及你的相片俾我 mikemang_2000@yahoo.com
mikemang mikemang_2000@yahoo.com
嘩...有工開…
|
17/6/2005
|
RE : 一個對骨位死心的人
立法一個老電一個位, 我當你真係立左法, 咁平時己經無位泊果D點, 唔通車手永遠唔落車, 一路行一路行, 直到經過有吉位先可以停? 唔好玩啦.
牛一
|
17/6/2005
|
回應嗰位老兄說話
我古都係看路段.有時小弟架GSX750係短途街頭巷戰.也不及d綿羊黎.另外.又唔知人地改過乜.可以肯定呢架X4一定唔係全原裝日本版100PS..180KM CUT油果隻.佢同得你玩.一定系有料咖啦.話唔定係日本好興.馬力超過200PS..1500CC及高壓縮比個隻.個樣就扮豬食老虎係街道行.而你又是輸起圉及公路.果架X4原裝設計本身巳是公路霸王能手.排氣量同爆炸力好你好多.(你架R1落場就好)所以放到你無影咯.我都明你o既感受.唯有下次見到小心咯!!
.....
GSX750 兄
|
17/6/2005
|
再談骨位
小弟認為依家D老電係排骨位的擠逼情況已愈來愈嚴重,本來5個位,有能本事泊了10車以上,直頭逼到同死人的骨位無分別.既然私家車也是一車一位,本人愚見最好立法限制只可每格泊一架老電,違者抄牌.這樣才能避免撞花,搬車等令人討厭事,不過我知都無乜可能會立法.
近來老電數量升得好快,骨位這問題已忍無可忍,我試過要被迫地連搬10架車先有位出車,政府劃左一格格都係想用適當闊度規範一格一車,依家已變成無人理會,香港人,唉......
我咁講一定有人唔同意,說什麼只要大家泊車時小心D,儘量唔好搬車,泊密D都OK,問題係普遍香港人(不是說所有)都只顧自己架車擺到入位,唔會理別人的車,這又關乎於香港地公民教育差,我咁講得罪哂香港人,但這是事實....我想不到除左立法外,有辦法可解決.
忽然醒起台灣咁多老電,人地D泊位是否一格格同埋使唔使泊到逼埋一起,有無人可留言告知?
一個對骨位死心的人
台北通處周街亂泊個喎？行人路，騎樓底，總之無處不在。
|
17/6/2005
|
請問避陣太軟或太硬對轉灣及過坑有何影響?
V8
避震太軟，容易行晒成條避震o既行程，除左重心變化過大之外，也容易撞底失去避震作用。入彎前收車份頭沉得緊要，出彎時開油沉尾，頭輪感覺不良。
過硬則會出現跳動感，輪胎唔能夠保持平均抓地力，避震作用同樣不能完全發揮。
|
17/6/2005
|
閣下唔係鬼佬，唔好同我講英文！
Re:不需使用更不敢使用排骨位的千八車主
Why u said that bull. dont waste our time la....
kwan stephen98021@yahoo.com.hk
++++++++++++++++++++++++++++++++++++++++++++++++++++++++++++++++++++++
收到！不過閣下唔係鬼佬，唔好同我講英文！跟我講一次：『唔好同我講英文！』我個個禮拜日都可以同真正鬼佬講英文，呢度可免則免嘞！
甚麼叫『煲？』中文的文章技法中有一種叫『嬉笑怒罵』，你懂得沒有？老師有沒有教你呀？
我『煲？』得過以下呢段立法局對白？
以下是環境運輸及工務局局長廖秀冬博士今日（六月十五日）在立法會會議上就陳偉業議員的提問所作的書面答覆：
答覆：主席女士：
我們每年都會評估全港電單車的泊位需求和供應情況。現時，領牌電單車約有31,000輛，而全港指定的電單車泊位（包括路旁及停車場泊位）則約有23,000個，指定泊位的數目已可滿足超過七成在夜間泊車的需求。而由於電單車車身細小，司機亦可把電單車停泊在非指定的停車地點，例如新界村屋前的空地等。我們留意到在荃灣、屯門、元朗、沙田、葵青和北大嶼山，指定電單車泊位不足的情況較其他地區嚴重。
至於在日間，我們估計約需9,100個電單位泊位，而供應則有8,600個，指定泊位的數目已可滿足超過九成的需求。我們亦留意到在北大嶼山、深水埗、灣仔和荃灣的指定電單車泊位不足的情況較其他地區嚴重。
為增加電單車泊位，我們會：
（1）要求新的發展項目根據《香港規劃標準與準則》提供足夠的電單車泊位；
（2）在批出短期租約停車場時，要求營辦商提供更多電單車泊位；及
（3）在不影響交通流量及道路安全的情況下，設立更多路旁電單車泊泣（包括位於天橋底及行人天橋底的泊泣）。
你老哥如此有見地，又何不立文品評環境運輸及工務局局長廖秀冬博士這段文章一番呢？用中文呀！係------中文呀！
甚麼叫『喂屎』你–『呔唔？』呢度係車友吹水地帶，預了吹水唔抹嘴的啦。閣下d『呔唔？』好寶貴嗎？係就過主啦！
不需使用更不敢使用排骨位的千八車主
|
17/6/2005
|
Re: 就係在下點著火頭講泊排骨位的問題
哈利佬,講野係大聲d喎(同條直出死氣喉一樣)......哈哈
我都夠膽泊咪錶位啦
用滅聲喉既六千車主
|
17/6/2005
|
RE:影月
RUNNER左邊的入風位是俾尾牙散熱的，右邊即是裝飾的。
羊
|
17/6/2005
|
SV650
您好！本人最近想換車,係貴網見到一部鈴木00年SV650！本人亦去睇過車！但係有個疑問？
1.部車行左成八萬公里,部車洗唔洗大修
2.SV650機件襟唔襟
3.本人剛甩P如果揸650CC有無危險
4.SV650幾錢一KM？
5.CB400好揸定SV650好揸
6.00年SV650易手價大約幾多
7.如果部車壞左,出面Ｄ車房識唔整
8.00年SV650市面流通量大唔大
THX
RSI
行左八萬公里，最起碼要攝哇佬。其他如遮鈴、cam鏈等要聽聲和臨床睇先知。Suzuki機件近年有好大改善。你甩P前騎咩車？如果係250-400街車都可以。油錢應該六毫子左右。有經驗的話當然係SV650好過CB400SF。易手價你睇番同類車盤作參考。車房當然識整，V2盤冇神秘可言。SV650流通量當然唔夠Honda車大。
|
17/6/2005
|
好耐無發言......
1.萬有兄:小弟撐你,要泊排骨位,首先要預左比人搬,預左花,預左比人搬到要被抄牌,靚車?都係唔好泊排骨位囉,點解香港電單車文化會咁低落?我都唔明......,大慨是政府加電單車主做成吧!!
2.什麼X4快過R1?......論性能,無可能輸,要輸都係輸人......!大慨你條氣會唔順吧?曾幾何時,有好多Super Sport在大帽山都輸過比一架叫Magna 750的Chopper車,佢地條氣都而家都未順呀......
Honda Dreamwing
|
17/6/2005
|
Re:極力子問題
1. 上個月新出架手波車，行住六波跟住要慢車所以拿住極力子唔放連續入低波，但是踩唔到落空波和一波，是否正常？
2. 及係拿住極力子唔放入空波再入一波但入唔到，請問是我駕駛方法不正確抑或是架車有唔妥？謝謝幫忙
-------------------------------------------------------------------------
你用番學車果陣的方法!! 逐個波落啦!!
Jack
|
17/6/2005
|
比較
本人用過BT014同MTR01、02，始終覺得BT014好用，尤其落雨天，老編你會比較喜愛邊款？
車友
兩隻都冇用過...
|
17/6/2005
|
Re:不需使用更不敢使用排骨位的千八車主
Why u said that bull. dont waste our time la....
kwan stephen98021@yahoo.com.hk
|
17/6/2005
|
脊椎保護板
請問老編如何選擇適合自己的脊椎保護板？有什麼要注意的地方？
Al
戴落去覺得舒服，唔會阻住扭腰便可。
|
17/6/2005
|
就係在下點著火頭講泊排骨位的問題
有人回應說在下係傻的：『發神經咩！老電唔准去油尖旺及銅鑼灣、灣仔、中環..』
唉，小朋友，聽大人講o野唔該帶埋個腦丫，呢個地盤的老編素來窒人唔使本，如果他認為左下是傻的，早巳窒到在下飛出九條街啦，重使等你出聲？成熟的大人說話方式有一種叫：『反話』，聽過未呀？反話呀！
不過幸福並不是必然的，我們這個英明神武的政府處事往往自我感覺良好，例子如銅鑼灣天橋改道引致大塞車，塞到去西隧出口，運輸處都可以回覆傳媒話：『情況令人滿意。』死未？
備注：我話：『這個英明神武的政府』，用詞意思其實係反話。反話呀！你估在下真是這個無能政府的FAN屎嗎？
建議老電唔准去油尖旺，背後的說話是：你班死電單車佬，死飛仔，二等賤民，政府唔比足夠電單車位，你吹得政府脹咩？你班賤民自相殘殺，互相爭車位又真係令人大快人心！
我說老電唔准去油尖旺及銅鑼灣、灣仔、中環..最深層次的反話、背後的說話是：如果政府出到這一招，班電單車賤民又可以如何？咪又是逆來順受！難道可以反抗嗎？
相信老編亦認同政府是有心將電單車車位玩弄於股掌之中。老編亦無奈說出一句：『老編的個人看法是，香港政府一向不鼓勵個人運輸工具，所以利用泊車位不足來抑壓汽機車增長。.』
又有人說：三個位泊五架車，誰出了界，警察可合理抄牌，可以抄誰?
重使問？全抄！使同你客氣？
又有人說：一條長車隊出車，對馬路其他道路使用者的滋擾好大。莫講話係為興趣出車，人地為生計示威，車隊都要俾人斬開一截截。…..
所以話電電單車手自已巳有一種自我賤民心態，語云：人必自侮，而後人侮之！說一條長車隊出車，對馬路其他道路使用者的滋擾好大，我呸！
在下個個星期天同哈利會出車，多則三四十架，少則二十多架，威風凜凜，何來對馬路其他道路使用者有滋擾？成熟的大人、大家都知道，條馬路係亞公嘅，架電電單比足牌費，保險費，便有權使用，唔用你就笨蛋！我夠說彌敦道巴士又嘈又多又慢又經常切線埋站，加上一條長蛇陣，對馬路其他道路使用者的滋擾好大，尤其對我的電電單，更構成安全威脅啦！
我鐘意車隊出車，你吹得我脹咩？邊條法例唔淮一條行車線上連續多過兩架電電單以上的？又有邊條法例唔淮一條行車線上連績多過兩架私家車？巴士？的士？小巴？點觧祗是電單車車隊就是滋擾好大？
答案祇有是：自我賤民心態！難怪電電電單車手總是給人欺負！
不需使用更不敢使用排骨位的千八車主
好燥喎，萬有兄。
|
16/6/2005
|
Re:極力子問題
1. 上個月新出架手波車，行住六波跟住要慢車所以拿住極力子唔放連續入低波，但是踩唔到落空波和一波，是否正常？
2. 及係拿住極力子唔放入空波再入一波但入唔到，請問是我駕駛方法不正確抑或是架車有唔妥？謝謝幫忙
-------------------------------------------------------------------------
此乃「空波滑行」，是極之危險的駕車方法，請保重。
Al
|
16/6/2005
|
起步問題
你好，本人揸温拿二沖剛換皮帶珠後發覺起步冇晒力雙騎重差，上輋起步好危險，但過20-30公里後就冇是，請多多指點
roy kitam2004@yahoo.com.hk
換番原廠重量的珠仔便冇事。
|
16/6/2005
|
極力子問題
各位大哥好！本人是新手一名(一個月)，現有兩個(可能是同一個)問題，
希望各位幫忙解答。
1. 上個月新出架手波車，行住六波跟住要慢車所以拿住極力子唔放連續入低波，
但是踩唔到落空波和一波，是否正常？
2. 及係拿住極力子唔放入空波再入一波但入唔到，請問是我駕駛方法不正確抑或
是架車有唔妥？
謝謝幫忙
新人 sylwong13@hotmail.com
係你自己問題,請小心!
|
16/6/2005
|
re:X4 點解咁勁(咩料)
0甘都唔明老編所講,你手車唔夠人o黎啊,算吧啦,一山還有一山高,你佔楂R1唔係win梗,人既因素重大啦,唔係邊有羅絲同舒米加
R6
|
16/6/2005
|
偉士牌油箱油垢厚.還可以維修嗎?
你好.我生日的時候朋友送了我一台我很想要的偉士牌90.可..因為大家都是外行人.所以沒有檢查車況.就直接向車主ㄚ公那買回了車.想拿去車行整理.車行先說原廠漆保留的很好.很漂亮.可..一掀開油箱就說這台車沒救了..可我想試試看..所以想問問..還可以換油箱嗎?現在還買的到嗎?另外還有就是..因購買時腳踏板那鋪了踏墊.所以..也沒查看到..有一些些的腐銹..還能用的好嗎?..其他則是一點問題也沒有..可以麻煩儘快告知我問題嗎?麻煩你了..謝謝!!!!
小天
無得救的意思有兩種,一係無零件(停產),一係修埋完後貴過本身車價,試下問多幾間.
|
16/6/2005
|
壞電定無電?
本人的yp250 2002車舊版，10/2004買，車行話已換新電池，約本年2月突然冇哂電撻唔着，之後拿舊電池去差翻又用得，到昨晚行車回家途中發現錶板開始變暗，我都估到可能又冇電，於是就比大D油走一轉希望差到啦，返到屋企車場泊好位再試吓撻車，真係撻唔着，救吓我啦。
simon kwong simonkwong1360@yahoo.com.hk
是可以檢查電池和整流先,可先自行拆掉電池充電,才到車行檢查整流.
|
16/6/2005
|
風格,撻車
請問cb250...＊１風格有少少油是否正常，一般風格價錢大約多少
＊２空波撻著車後，比油會死火，什麼原因，已換新火咀
＊３死火後撻車撻唔著，按鈕時只有（噠）一聲，要將車入一波往後推，（感覺上要撞一齒），再入空波才能撻著車，是什麼原因．
ｐ牌仔上
*1 正常風格好似2百元到.
*2 車頭熱後試試有否死火.
*3 極力子制,空波燈制,同埋要把側架完全收起.
|
16/6/2005
|
BIG 1頭BREAK
請問BIG 1頭BREAK發現有一邊皮，一邊蝕得厚一邊蝕得薄一啲，請問是怎麼原因呢?係唔係個鮑魚出問題呢?如要修理,大約要幾錢呢? THANK YOU!!
DT dt320_hk@yahoo.com.hk
一般修理迫力都要4,5百元,而你架big one有機會只是搖臂位績死.要檢查清楚才可決定.
|
16/6/2005
|
改裝
Hello,我代朋友發問,希望可以幫忙.她在德國有一部05 Speed Triple,請問有甚麼重大改裝可令此車極速超過360km/h?她雖可在德國合法超速,但奈何沒有太多零件可買,請問香港有否像美國的Monster Garage能提供一流改裝技術?Brgds,
Peterson
唔好玩啦，無罩式街車超過200km/h後，風阻己經好辛苦，走230km/h即使架車得，個人都唔支持得好耐。Speed Triple 1050要過360km/h，睇怕除左份頭同埋油缸坐位可以保留之外，引擎，供油系統，波箱同埋尾擔都要全部換晒先有可能。加埋渦輪增壓或者氮氣加速裝置之後，Speed Triple 1050變左一架好長好低，淨係識走直路的怪獸。
|
16/6/2005
|
四左架an４００i想知多d
我全程行市區每公里０.５４一公升油行２３km算唔算貴我重想知去邊到整車或檢查會好d因為翻代理到要排期如果各有好介紹可以email比我唔該晒咁多位靚仔靚女
mingcom2008@yahoo.com.hk
|
16/6/2005
|
回國RE 馬格斯
你自己覺得點解有錢人會多D特權,你有無諗下李嘉誠未有錢之前做過乜..人有兩種一種只會抱怨他人對自己唔好,另一種人係努力改變自己去達到目標..
我係想講你想有特權,而你又覺得有錢人多D特權,淨係埋怨乜都唔做你覺得個世界會因你而改變咩???
不如諗下點努力搵錢,你搵到錢o羅就有特權o拉,到時你有就能力改變現實,仲可以幫到D無錢人...
VFR800
|
16/6/2005
|
Aprilia RS 125
老編大人，小弟就快出 Aprilia RS 125 的新車了，請問老編大人新車需要什么保養和對此車有什么評語呢？，同時請問意大利車的引擎是否不耐用？謝謝老編大人。
亞Punk
新車唔會有咩問題，記得用靚2T油。二衝引擎冇四衝引擎咁耐用就係真o既，即使係日本引擎都係一樣。
|
16/6/2005
|
但係佢架車重好多及有載人堝.又唔係跑車.會唔會佢可能改左好多KIT野呀.因我當時已盡西全力發西癲追.所以真係唔明.但都追唔到. 你可以解釋得清楚啲及分坼嗎! R 1 兄上.THANK YOU..
R 1 車手
重有一個解釋，不過唔知你接唔接受到：係人o既問題：)
|
| |
|
|
|
 |
|
