|
|
|
FAQ常見問題 |
|
|
2/6/2005
|
買車「上會」選擇
上會息口那裡較平?安信是否合理?
Eric
借錢息口高低取決於借款人的風險質素，借貸額多少，有否抵押品。如果閣下係專業人士，又或者薪高糧準，又或者係業主，息口當然會靚d。
一般來說，Bank銀行息口取決於貸款額的大小，借得越多，息口越靚。DTC存款公司的息口取決於借款人的風險質素，風險低的話，即使借細銀碼都會有靚息。Money Lender放債人的息口一般最高，因為專食銀行唔肯借的客，風險質素最高，自然收取較高利息。
安信係金融三級制的第二級DTC Deposit Taking Company，有機會比銀行拿到更低廉的息口。
|
2/6/2005
|
更正: 買車「上會」一問
車價 $43800 分24個月, 月息0.8厘,請問總額是多少?月息是否累積而令金額增大?
Eric
廿四期總利息開支係HK$8,409.6，每月供款係車價+利息/期數 = $2,175.4
只有樓宇按揭貸款先會採用「息隨本減」的計算方法，其他私人貸款和分期付款，都只會有「平息」方法計算。
|
2/6/2005
|
買車「上會」一問
車價 $43800 分24個月, 月息8厘,請問總額是多少?月息是否累積而令金額增大?
如果係年平息八厘，零首期，分兩年供的話，每月供款$2,117。
Eric
月息八厘？唔係化？一個月淨係利息都$3,504？
如果係年平息八厘的話，零首期分廿四期月供$2,117。
|
2/6/2005
|
「豪華羊」應否泊停車場呢?
泊停車場有什麼存在危機呢?選擇停車場有什麼考慮因數?停車場是否安全?
Eric
停車場唔係保險箱，只係免除被抄牌的風險。賊人一樣可以入停車偷野。
|
2/6/2005
|
Walkie Talkie
請問有無電單車用既對講機,即係唔洗按制都可以通話果種,大概幾錢?
Eugene eu2005chan@hotmail.com
前後乘客對話果隻可以問下安定。其他無線電配件最好去鴨記搵下。免提通話配件舊零水應該搞得掂。
|
2/6/2005
|
sv650
我係一年新牌仔現在抯大鷹,想換sv650andz750但z750沒有二手車所以楝2000年sv650
但因為650較舊所以很難看到車身細節,如尾燈是否有LED燈等.....
可否給一個網站來看看..........多謝
cheung cheung217322@yahoo.com.hk
舊款SV650冇LED尾燈。想睇車咪去約車主出來睇o羅，再唔係用search engine搵下睇到你唔睇啦。
|
2/6/2005
|
今日東方日報的車會報導．
你地ibike都有轉載到，老編睇完有何意見呢？我當天都參加哩個活動，都當天全日都合法車速．佢成指既用合車速以是十分克制．我覺得有小小搞笑，用合法車速係克制！？好似係應該過喎！其實佢報導既野，我其實有小小不合理．雖然有一ｄ部份我都覺得注意一下．
bill仔
佢地講出馬路上其他道路使用者的心聲。
|
2/6/2005
|
Re: 好憎盲H女司機
唉！真係嚇到癩尿架！
以後入呢ｄ迴旋處又或者以為人地會小路讓大路等地方都唔好大安旨意咁以為人地實讓俾你，由其是自己得兩個轆，蝕底的一定係我地！
Steven Magna250
|
2/6/2005
|
Re:學牌
學牌過左期係可以考試架.不過冇得租車學.
本人試過,我前幾年考試個個係5月.......但每次考都落雨去到8月先考到而我個學牌係６月頭過期,學牌過期去考試係得架
Free
|
2/6/2005
|
火咀
我想問下火咀型號個代碼..其實係分別代表d咩呢?例如NGK既火咀咁: CR7EH-9
第一個數字之前都知係咩..但係後面個E字H字同-9(係咪叫負9??)又係代表D咩呢??
好似唔多覺有人詳細講過...
馬格斯
請重溫【知識技術】內有關「火咀」的文章。
|
2/6/2005
|
改喉!!
想問一下綿羊可否改響喉, 同會否影響車機能.thank
小強
可以，但低扭會變差。
|
2/6/2005
|
車胎
我部車唔知比人放左氣家係穿左
,後胎冇哂氣,我去左油站打氣,佢又
漲反好似冇事咁,唔知我要唔要換胎呢?
只要比車行check下咪知囉!
|
2/6/2005
|
Re: 好憎盲H女司機
老編:
如果係最右線, 根據steven既<口供>, 我覺得成件事個問題係響佢自己身上喎~~~
最大鑊係佢竟然俾大油越過兩條行車線, 中間仲要有架車擋住視線, 如果有車我真係唔知佢點算........
如果係咁, 老編你回覆佢既時候, 如果唔指出佢既錯處, 好似有d間接鼓勵其他車友憎恨4.6既司機喎~~~~~~
(純交流, 唔好見怪)
多口仔
進入迴旋處唔收慢讓車，便已經不對。Steven亦說明點解要俾油，事後亦表示嚇餐死。錯與對大家都會自行判斷，唔使下下做判官o既。
|
2/6/2005
|
拿遮
我重想有野想問呀！聽講二衝引擎較容易“拿遮”請問有什么方法可以避免呢？
希望老編先生能為我解答。謝謝
P牌仔
最基本的動作是高轉收車時要「和」著油門，不要在高速中長時間把油門關閉。其實好多二衝車都會有一個副油路設計，作用係當油門關閉時都會繼續供應2T混合油俾引擎。新車時的運作冇問題，但舊車便不能保證功能是否仍然正常。
|
2/6/2005
|
以下三款車自動波，你會點揀？
老編先生
i) 請問你以下三款車自動波，你會點揀？
1) Beverly 200
2) Liberty 200
3) X8 200
ii) 水冷車是唔是難打理好多?
henry
Beverly 200係舊款車，唔唸。Liberty 200擁有平地臺優點，車身輕，雖然轆大但起步力度仍然強。X8-200玩巡航豪華味，相比之下，Liberty 200較為樸素平實。要揀的話，出街見人會揀X-8，開工代步會揀Liberty 200。
水冷車唔係難打理，只是定期檢查水箱存量和風扇操作是否正常便可。
|
2/6/2005
|
Re: 好憎盲H女司機
請問車友"Steven Magna250"君, 迴旋處位內線即係最左線定最右線呢??
多口仔
應該係最右線
|
2/6/2005
|
請問香港的fz6n或s有人反應會有空檔熄火或怠速不懚的現象嗎?
你好我是台灣的朋友目前騎乘的是fz6n,里乘數8千多公里,前日在行駛中停紅綠燈打入空檔就熄火後一直不能發動,要關畢電門後才能發動,後來行進間出現錯誤訊息15號碼,不知老編是否有聽到港/澳地區騎乘fz6/s的朋友有類似情形發生.....謝謝
小周 bank5860@yahoo.com.tw
沒有聽過類似問題，歡迎其他車主補充。
|
2/6/2005
|
學牌????
請問如果我的考期是今年7月21日,而我的學牌只是去到7月7日. 這樣是不是要續多一年學牌呢???
新仔
應該要o勒。嘩老友你咪學車學左成年？
|
2/6/2005
|
油錢問題
老編大哥，其實我都問過油錢問題，我腍其他人的想法是想預計一下而已，好讓有個打算。因為每種車用油不同，藉此問一問其他同道中人，知道想買的車會否大食，好讓自己會否改變買此車的腍法。如果大食的話，可能會轉買其他車。如果用油錢比搭車錢還高的話，我會考慮花多一點時間好過太用神去揸車。因為本人買電單車目的是希望方便、比私家車平及節省時間。最後，希望老編大佬保重身體，唔好再見到有人問油錢問題而勞氣。保重！保重！
小明
養車開支比起乘搭交通工具的開支貴。因為油錢只是養車其中一項開支，除此之外牌費，燕梳，維修費用，停車場月租，告票等等都是必然開支，計埋車價的話總成本肯定貴過搭車多多聲。咁點解重要養車？
因為擁有自己的電單車，比起搭車多出更多自由度，時間彈性同埋私人空間。最重要係有駕駛樂趣，呢d好處都係乘搭公共交通工具無可比擬的。
|
2/6/2005
|
老編你好，本人在五月中在某車行修理綿羊仔,因為起動組彈公夠期引致起步震,當時有一名師父仔幫我修理,怱然師父仔話有嘢做要出街,不幸事情就發生,有一位小小小師父過來同我整,我見佢整好久,本人都玩過好幾隻羊,對羊機件都知一二,最後佢都整完着車後表面都無乜嘢,跟住我就回家,因本人要離�誘迨悗嶊膘�27號再用車行咗日,前後大約行咗20公里發覺隻羊無力𣎴久起動組出煙唔行得要拖車,跟住拖去相識車房修理經查後,起動盤,珠及裏面膠連皮帶�m消曬,大師攵告知在正常情形唔會發生,為一解識就係那位小小小師父無同我上實起動組前珠盤螺絲引致,要我花千幾蚊修理費,過咗個幾星期想追究�m難,最後一句無下次
黑仔上
|
2/6/2005
|
bandit前叉
請問老編大人.邊到可以找到bandit1200既前叉呢.我架野成日都要整.成日流油.我想成條換左佢.唔知幾錢同可以去邊到換平D...thx
bandit苦主
你係fork芯蝕左所以成日漏油？成支二手fork真係好少見。通常都會問下代理淨換fork芯咩價錢。
|
2/6/2005
|
電腦匙鎖頭
老編你好,請問其實什麼是電腦匙鎖頭??
即係車匙上無鋸齒狀而係有不同大小凹點果隻。
|
2/6/2005
|
re: 好憎盲H女司機
我都有迴旋處避盲毛的士佬+ C家車o既經驗
o係石門迴旋處出大涌橋路, 我一早打定燈, 諗住冇事, 用正常速度過
點知部的士係咁沖出黎, 未夠呀, 旁邊隻c+車 見的士出, 佢又出....又係 horn 都horn 唔切....
跟住好彩, 一齊 dup, dup 得到, 的士佬之錯, 耍手俾我過, 跟住我俾佢嚇一嚇, 爆油走人出灣 + 落斜, 快得濟, 差d 撞爛, 好彩有推開軚+瞓低d 先冇事, 後面小巴佬見到即彈開十尺...........~_~
之後每次出 roundabout 都好小心
有個諗法...
1. 電單車o既 horn o係緊張關頭係用唔到.....只可以燈位巡航時 boot 下沖出黎o既路人
2. 如果頭燈光d, 射正人果時, 佢會唔會易d 知道我o既傳在...?
Tommy
你都識得講：係盲H。搵燈殘住佢對眼都應該冇用。
|
2/6/2005
|
re..為二衝爭返口氣
呢句有0的問題(老編你憎二衝都唔洗踩到一文不值囉)
<老編先生 本人是P牌仔，已有三個月駕駛手波綿羊經驗，現想換一部全新Aprrilia RS 125 二衝電單車。本人很喜歡此車外形，請問先生對這車有什么評語？同時駕駛二衝電單車有什么駕駛技術配合可以使引擎較耐用呢？希望老編先生 能為我解答！謝謝！
P牌仔
新二衝機器冇乜問題。你又用開二衝機器，習慣左引擎牽引力低的特性，所以整體應該冇乜問題。>
証明老編不是憎恨二衝車的人,只是厭惡還有人問現在好不好出3仔,4仔0的十幾年前既車,最後出廠0個部都9年啦,你係咪買到0個部先,呢個網成日講當維修同車價唔成比例既時候就係放棄架車之時,還有看看pgm當年既技術(0個0陣係好勁呀)同2005年既fairing(R6,ZX-6R..cbr600rr)比較下所有科技,還覺得0個0古董好便無話可說,繼續楂你的pgm吧,學老董話<與時並進>呀
chi
老編認同有部份老手對二衝機器有情意結，因為當年飲二衝奶長大，自然有特別感情。佢地有技術有知識，最重要係有錢同埋唔止得一部車，購買二衝跑車亦基於一份收藏心態。但新手乜都唔識，預算不多，以為用少少錢就可以買到一部好威o既跑車的話，老編便有責任提醒佢地，事情並不會如他所願。麻煩事少，危險事大。
|
2/6/2005
|
偈油
想問綿羊250新車行多少公里才能發揮到最佳速度,換偈油須多少公升,其實那一牌子較好,因為價錢差不多
車主手冊應該有講磨合里數。通常頭500-800km便換第一次油，第二次換油可以係1000km之後，換左兩次油都好穩陣架喇。偈油級數和規格有統一標準方便比較，睇產品規格便可知道偈油的質素和特性。
|
2/6/2005
|
撻一撻
新手請問老編:
1.如果架車(二手)一個星期只行一、兩次，洗唔洗間晤中撻一撻佢或空波開着引擎一陣run一run佢，等下次開車易D撻及令D電回流番呢？
2.如停車或行車狀態時，入咗空波及加油(扭油門)，對部車有咩影响呢？
新仔一號
淨係撻著佢空轉一陣，係唔夠力叉電o既。可能連撻車果下都補唔番。
停車空波扭空油，純綷自娛，耗油。
行車無端轉空波，尾輪喪失牽引力，危險。
|
2/6/2005
|
回應：為二衝爭一口氣
老編語氣係重咗，不過二衝的壞處係不爭的事實。
大儍
當個人喜好不被其他人認同時，當然不會好受。二衝舊跑車的車主當然會對老編的言論感到不高興，但其實有些存有大量易手二衝跑車作販賣用途的車行，相信他們會更加不願看到老編反對新手購買舊二衝跑車的言論。
|
2/6/2005
|
交通警員的補充
如果你咁cut車都話無危險，唔通要等俾人撞死先知危險咩？試諗吓如果你考俾嘅時候咁cut法，你會否合格呢？你又唔調轉諗吓俾你cut那個司機又係咪好憤怒，幸好佢見到有個警察幫佢出番口氣，調轉你俾人cut，你都想有人幫你教導佢啦，如果個警察見到後唔理，你咪仲氣憤，你仲可能投訴佢添！！
Ahdon undercover6408@yahoo.com.hk
|
2/6/2005
|
好憎盲H女司機
呢個世界馬路上既殺手排名榜第一位我諗唔應該係的士、小巴或者貨櫃佬！應該係盲H女司機！我自從出左牌到而家三個月，雖則唔敢講話好遵守P牌果幾條天條，但都唔係一個危險駕駛之徒！因為小弟好細個已經上大陸玩電單車，所以對電單車認識都唔算淺！
呢三個月黎，小弟一直都路路暢通，冇乜危險事情遇過，渣車亦都好小心，留意哂路面情況黎渣！點知噙晚差D俾個PK盲H女司機掃低∼！
話說小弟渣住架老電由荃灣中上屯門公路迴旋處位內線行緊，轉到就黎到上公路個斜路位正要出彎之際，有架盲H女司機渣住架七人車望都唔望停都唔停咁由虛線位隊出黎，我見佢突然隊出黎又黎唔切響咹，又眼見一收就直插入佢架車右邊，咁就博一博比盡油試下過佢，但佢竟然好似睇我唔到咁俾油去！問候佢娘親！
好在架車性能良好，所以能夠僅僅響佢車頭飛過，但望返後鏡真係差小小俾佢high到個車尾！可惜不幸既事接二連三咁發生，由於俾大左油架車直標出去，差小小隊埋上斜右邊果個壆位度！呢個時候唯有勁收頭尾制，可能落尾制同拖落低波重得制，架車尾轆好似向右咁冼左小小出去，我聽到路面ｄ石仔俾我架車個尾轆片到飛哂埋個壆位度！
成個過程都唔過五秒，真係好L驚，返到屯門去油站入油，隻手係咁震，嚇L死！至PK係個女司機好似冇事發生咁，理都唔理我！乜老電真係咁難發現架咩？點解D PK可能小路出大路望都唔望就死出黎！點解咁多人炒車死唔見你呢D盲H女司機死？
我講咁大段野，只係想提醒各位車友，以後路面上小心盲H女司機！
祝路路暢通！
Steven Magna250
假日車+女司機更加係高危物體…遠離，提防，隔離…各車友共勉之。
|
2/6/2005
|
呼油熄車!?
唔該老編先! ^^我自己楂羊,熄車0更係就甘熄車0拉!但見有 D 街車車友熄車前呼一大淡油,隨即熄車.呢個動作有什麼用?? 是否下次撻車易 D?? 對引擎好D?? 定識女仔易 D??
Manju ihm_manju2@yahoo.com.hk
目的係俾化油器留番一啖油方便下次撻車。其實運作正常路化油器係唔需要呢下動作，如果係電子燃油噴注的話，更加無必要。
|
2/6/2005
|
re: 車牌問題
我想請問老編大人由合格當日計起什麼時候可以去運輸署拿到車牌及沒有拿到是不是不能開車呀？謝謝你寶貴的時間回答！
ｐ仔
+++++++++++++++++++++++++++++++++++++++++++++++++++++++++++++++++++++++++++++++
其實佢話就話七日，但我考完牌兩日後已經去左長沙灣果間運輸處拎牌了∼
無錯，呢段時間好難捱，因為我未考牌已經買左車，仲難捱，所以我選擇左唔捱！
Steven Magna250
|
2/6/2005
|
re: grand dink 250特然死左火
我架車都曾發生過類似問題，得出結論係有組車頭電線因為先前落好L大雨渣車而燒左，但又繼唔哂，所以有時架車溫度過高又或果組線突然短路而引致死火！
另外，如果你架車係有一組線負責監察架車有冇一波落腳架死火線，另外仲有一組線係死火制線，你架車死火的因都可能係因為呢兩組線燒左，快ｄ搵人check check！
另外，落大雨渣車，我指真係好L大雨，渣完後最好check下所有電器、線圈等等，因為好可能因為呢ｄ出問題而引致架車突然死火∼
Steven Magna250
|
2/6/2005
|
大埔車房維修那間好?
我架車壞了前煞車器, 急住維修, 家住粉嶺,請問粉嶺或大埔附近有冇可靠車房介紹
請提供詳細地址及電話!謝謝!
小財 wicky_hosc@yahoo.com
大埔有合平車行。聯絡方法係【頭條情報】或【車行情報】可以搵到。
|
1/6/2005
|
為二衝爭返口氣
小弟架係90年pgm3渣左幾年不論風吹雨打行左成4萬公里有多,只係懷個整流而家咪又係行得走得好地地,係日本仲有好多人玩緊啦,老編你憎二衝都唔洗踩到一文不值囉.
威爽花
世事無絕對，總有例外o既。珠海都重有好二衝鬥緊Production 250，識整肯換當然冇問題。祝各位想買二衝古董o既新手好運。
|
1/6/2005
|
我都知自己黑仔,唯有以後小心D,奉勸各位新牌仔出車前要檢查清楚愛驅,小心渣車路路平安
未除P的黑仔新手
|
1/6/2005
|
LML羊問
本人剛出了LML delexe star, 行車時震動奇大...是否正常? 加daytona避震會否有大改善? 繁請指教?
新手
先天所限...冇乜野好搞。
|
1/6/2005
|
goggle
Dear 老編,我想請問要用goggle個D頭盔,個goggle會唔會影響個視域狹窄左,例如motocross goggle?thanks
唔會。
|
1/6/2005
|
Honda CB1300Super BOL D'OR
老編你估燦基會唔會引人Honda CB1300Super BOL D'OR ?我覺得它幾好,你覺得點?thx
abc
聽佢地講過，因為價錢貴所以暫時採取觀望態度。金盃造形真車比相片好，多個啡呤真係實用好多。有人訂1300SB就梗係最好啦。
|
1/6/2005
|
re: 車牌問題
我想請問老編大人由合格當日計起什麼時候可以去運輸署拿到車牌及沒有拿到是不是不能開車呀？謝謝你寶貴的時間回答！
ｐ仔
==========================================
話就話 7日, 其實 3-4 日應該會 ok
得間又方便的話, 可以上運輸處試下
Tommy
|
1/6/2005
|
Hornet
Dear Editor:I like Honda bike Hornet 600 but also interested in SV650, any biker had driven them both and make a comparision for me? How to differentiate exported version of Hornet 600 from Japanese version?
A poor Chinese character typer
Hornet 600用直四偈，較SV650 V2偈冇咁震和高轉會爽d，但低扭果下就一定係SV650勁d。Hornet600日本版用Nissin鮑魚卡鉗，公里咪錶。
|
1/6/2005
|
Bandit 400V (請幫忙俾意見) !!
你好呀,我想問下92/95Bandit400V重應唔應該買呢??保養同維修貴唔貴呢??因為本人想換部400cc
白賴人 laihok@gmail.com
維修價錢應該唔貴，不過小問題較多。如果車價好平好平，部車又幾好的話都可以唸下o既。
|
1/6/2005
|
pgm3 用家留言
真係唔用買3仔la. 整到你煩. 上斜 Traffic jam 真係想死.
3仔
|
1/6/2005
|
回車牌問題
合格後四日已經有得cup車牌!!!(雖然運輸署話七日後先有。)路路平安!!!!
memegut
|
1/6/2005
|
RE:車牌問題
運轉署話7個工作日先有得吸牌,
不過如果你心急又唔嫌麻煩3-4日後可上去試下
我就考完4日後去吸牌
ho
|
1/6/2005
|
老編先生 本人是P牌仔，已有三個月駕駛手波綿羊經驗，現想換一部全新Aprrilia RS 125 二衝電單車。本人很喜歡此車外形，請問先生對這車有什么評語？同時駕駛二衝電單車有什么駕駛技術配合可以使引擎較耐用呢？希望老編先生 能為我解答！謝謝！
P牌仔
新二衝機器冇乜問題。你又用開二衝機器，習慣左引擎牽引力低的特性，所以整體應該冇乜問題。
|
1/6/2005
|
停車問題
法例是否規定當停車時一定要扣迫力?如果雙手放開把手兩手fingfing是否不可?
johnny johnnyshum@hotmail.com
法例有冇講就唔知，但你見大部份電單車停車時，駕駛者雙手都會放在把手上，係因為有實際需要。好多燈口路面都會有暗斜設計，電單車需要扣住迫力避免溜後，另外腳波車都會扣住極力子，方便一轉燈就閃人。
|
1/6/2005
|
回我本善良兄和老編大人
小弟在此再三感謝我本善良兄和老編大人為我作如此詳述，令我獲益良多，查因小弟對中文打字一竅不通而昨天哪問題的答案對於我有迫切的需要，情急之下唯有拿二十六個英文字母七并八湊，實在見笑於諸君。這段留言的中文打字也是由我同事代勞，殊感汗顏。小弟會在往後日子努力學習中文打字并進修英語。謝謝教晦, 祝各位車友，車技進步！路路平安!
Spencer spencerlhk@yahoo.com.hk
嘩…唔使咁認真。
|
1/6/2005
|
車牌問題
我想請問老編大人由合格當日計起什麼時候可以去運輸署拿到車牌及沒有拿到是不是不能開車呀？謝謝你寶貴的時間回答！
ｐ仔
唔記得左係七日定係十四日呢？合格通知書上有寫日期的。未cup牌當然不能駕駛，呢段期間係最難捱....
|
1/6/2005
|
見到咁多人問完又問哥d咩咩insur阿 , 咩咩油錢幾多阿哥d問題...我都覺得又煩又無聊.....油錢點解唔參考下車主報告姐?
老編唔好咁爐氣.....飲返啖夏桑菊先啦.....
燎
|
1/6/2005
|
講下d廢話先
睇完老編既cb400金杯版真係有d感動~ (勁喜歡豬頭仔NK車) , 不過哥張美女兩腿之間影哥張如果隻右腳無姐到架車既左鏡~ 真係正到無輪啦~
文
俾你睇晒就唔過癮架喇...<<---(咦講左去邊呢)
|
| |
|
|
|
 |
