|
|
|
FAQ常見問題 |
|
|
1/6/2005
|
回覆Spencer的問題
你用英文問, 老編大人就用英文答, 老編既英文真係唔講得少! ^.^
不過, 基於閣下的文章語法錯誤甚多.我敢肯定你不是以英語作母語的人 (native English speaker)既然你又看得明這個偉大的網站的中文內容, 那麼不如用中文解答閣下的問題.好讓大家明白
你現在的處境是: 你已經通過強制試, 已經得到學習駕駛執照, 下星期就將會進行路試
可是你現在因為私家車超速, 遭法庭判處停牌.看來你應該有三個問題擔心,
1) 你可不可以參加下星期的路試?
2) 你的學習駕駛執照. 在停牌期間可不可以使用?
3) 你的學習駕駛執照, 停牌期滿後可不可以再使用?
1) 如果你翻查一下學車時的資料, 假如已經報考駕駛考試, 如果遭停牌, 任何考試表格都會被註銷, 所以你是不可以再參與下星期的路試你要在你停牌後, 再向運輸署申請路試.不過, 記著強制試的有效期只有兩年, 如果你的停牌期超過強制試的有效期(假設你2004年6月考強制, 而你停牌去到2006年7月),你的強制試已經失效, 你要重新報名, 重考強制試才可以申請學牌
2) 如果你被停牌, 無論你是駕駛什麼車輛而遭停牌法例規定是一旦停牌, 所有類型的駕駛執照都會被吊銷, 包括電單車學牌.時間長短就時乎法官判的停牌時期而定
3)你的停牌期滿後, 理論上你是可以重新領回電單車學習駕駛執照不過, 都是上面所說, 強制試的有效期只有兩年.而學習駕駛執照的有效期只有一年假設你2004年6月考強制試, 你的學牌的有效期大概都是直至2005年6月如果你的停牌去到2005年尾, 你的學牌已經到期, 即使續期亦只可續至2006年6月.要是你2006年6月都未考到路試, 你不可以再續學牌, 要重新再考強制試.
其實, 說這麼多, 一切都是取決於你的停牌期長短, 和你何時考強制試而定.
我本善良
「我本善良」兄見字請速聯老編......mail@ibike.com.hk
|
1/6/2005
|
RE: GZ150
你好呀﹗新車主﹗請問你部GZ150每公里大約幾錢？因為我都想出GZ150.
THX!!!
細細粒Beep
【車主報告】內有九份車主報告可以參考。油錢每人不同，只能作一參考。其實150四衝單缸機器食得你幾多油丫？
|
1/6/2005
|
唔該....我想問下93/93 HONDA NSR PGM III幾多錢1公里???仲有21歲考左個牌年半買93/93 HONDA NSR PGM III個燕梳大約幾多錢???
無知的車仔 faiiiii@msn.com
見到呢d問題本來想發老脾，但見老哥你封晒門，唯有谷住冇得發作....
油錢每人駕駛習慣，路段，和機器狀況每人不同。【車主報告】內有油錢和行駛里數可供參考，二衝250機器有權貴到$1.4一公里。
保險價錢一樣，都係每人不同，最慘重要係間間唔同價。直接問保險代理會最準。
最後難忍一插：家下都2005年過左一半，二衝機器出名唔襟，你重搵部以12年前的科技製造，重用左12年唔知轉過幾多手被幾多人炒過被又被幾多人改裝過o既古董，要o黎做乜？驅風？
你唔係受港產片影響下話？港產片拍電單車題材，專搵垃圾車拍個喎？點解？蝦觀眾唔識分，求其有啡呤就當跑車o羅！
|
1/6/2005
|
re: grand dink 250特然死左火
我的車grand dink 250今晚有這情況,在深水灣行行下特然死左火"好似冇油到咁",我即時泊埋一邊看看 水溫,火咀cap,電池, 都冇問題但都撻唔著 跟住我想下叫邊間拖車公司拖,大約45分鐘左右再試下撻,著得番,我架車從來都未試過咁樣,而家渣左年半行左16000公里左右,請問點算呢
++++++++++++++++++++++++++++++++++++++++++++++++++++++++++++++++++++++
你係咪落左腳架AR????有冇換過電池.?幾年車?你要CHICK下車最好就@O@"
我都渣GRAND DINK250
|
1/6/2005
|
想請教一下joyride200係幾多錢1公里架??
之前打錯email address
jangela@sinababy.com
有時真係想唔發脾四都唔得....油錢問題請參看以往來信。
|
1/6/2005
|
sf4
新買左部400vs,開車個陣搪軑有少少{了},唔知係唔係個"波子盤"有問題呢?
另外,而家市面各款車軚品牌d價錢都十分相近,咁請問哪種較適合sf400-vs呢?(誠希各sf車主提出其高見)最後,想問問若果條原裝避震漏油,有無得整?邊度可以整?仲有仲有，行車時引擎溫度真係幾高，有無計仔可降低少少個溫度呢？
vs新手
檢查波子盤的方法是把頭輪凌空，然後慢慢左右轉動把手，如果感覺在某一角度有kick住kick住的感覺，便可能是波子盤打柴。起步把手覺得「了」，有可能係頭輪負重不足，例如頭輪胎氣過高，尾輪胎氣過低，或尾避震預載過低，上斜起步等等....
尾避震漏油的話唔值得整，換喇。行車覺得熱，只有高波低轉行快d才降低熱度。
|
1/6/2005
|
離合器
請問冇轉數錶,怎麼是正常的轉波,如果唔夠轉數,轉波會唔會傷波箱／傷車 ( 冇撻牙聲 )
新人
有關轉波技巧請重溫以往來信。(咁多人唔知幾時要轉波o既？個牌點考架？)
|
1/6/2005
|
世風日下 本末倒置
有d說話，不吐不快。一路而嚟，睇到有啲駕駛者，不守道路規矩而被檢控or 票控後，便對全世界人申訴自己如何憤怒，如何無辜，呢啲人，係咪本末倒置？
自己做錯事，無檢討不再犯不單只，重要描述到警察如何冷血，如何要置之死地。道路上，人人平等，違例即係違例，無大細之分。你違例，即係有機會做成其他人不便or危險啦! 咁執法由邊個去做? 唔通係你屋企人咩!
怒漢
|
1/6/2005
|
請小心Ｐａｒｋｉｎｇ．．．．．．KS2539藍色花鷹王
有時看見老電人泊骨位真的很自私,有你無我、不顧一切的“隊”過去!完全不理後果,導至其他車友愛駒受傷!!心痛...真的心痛。
絕不絕不是鼓吹搬車。只希望泊車時大家可以將心比己,不夠位就唔好夾硬來啦!用少許時間想想,幾秒便好足夠了!我也想人人有位,現實就是不行!
五月三十一日十四時三十五分泊車在天星碼頭,當時左手是紅色PX200,右手是藍色version S,大家相安無事!十八時二十五分取車,該兩車已走,但你出現了,你的勁力手肘正打在兒身=痛在我心!我無奈?唯有像你般,頭也不回的黯然離開。請為人想想吧!
多謝iBike給機會抒發!!
保釣人仕
|
1/6/2005
|
Honda Stream125cc
通知使用honda stream125cc的車主
====
注意
====
我已更換了扭力加速器,$450...真係好快,好勁,平路快,上鈄勁!
雙回壓FSN-F1,喉$1300......老鬼大佬之前介紹~勁~!
突破原裝行車98KM........OVER110KM ,正
YIN chuikwokfa@ctimail.com
|
1/6/2005
|
re: 交通警員的補充
我尊重一d真係識得尊重市民既警察,不過我絕對不滿煆人p牌既所謂差人
我試過係吐露港俾一個所謂既交通警長...3條柴,追我...之後第一句問我: 知唔知自己衰咩?我心諗...前後有掛p, 行慢線...衰咩呀...衰正氣得制或者衰後生啦
跟著佢話...你有無牌架...p牌唔上得高速公路ga wor(除眼鏡, look大眼勁寸)我即時好憤怒...並且問佢幾時改左例架...佢話無改...仲串我點考牌,我心諗本人持有1 2 3 18 19 ...我真係唔知點考牌囉,我即時表明我識例...而且指出p牌的例,同即刻俾個牌佢睇, 佢先收聲放人,but仲串我唔好開咁快, 話我頭先"應該"過70km/h,你話警察唔屈人...我就唔信...如果我真係唔表明我識例?我諗佢即刻抄我行快線...上到court見到個官就口同鼻拗...無啦啦加監
其實係馬路上面, 亙相尊重姐, 唔好見人掛p就玩人...大車行快線...小巴cut雙白...個d仲危險同危害其人道路使用者,掛p唔掛p...唔會死人既...俾架大拖頭拖住隻吉架係快線cut埋來就會死人囉,捉下d唔識尊重人既人仲好啦...
晤識死
|
31/5/2005
|
gz150
呢架車平, 請問係咪被偷熱門對象?
新車落地
應該唔係....
|
31/5/2005
|
A question
My vehicle driving license will be disqualified due to I recent drove my private car which excess the speed limitation of 45KM. According to the Road Traffic Ordinance that I will be noted 10 offence marks in Road Traffic Dept’s record.
At this moment, I will be examined in motorcycle road test on next week and if I pass this examination.
Could you please tell me that whether my temporary permit of motorcycle driving qualification will be cancelled or not if I recover my qualification of driving license in later? Many thanks for your answer my question!Best regards!
Spencer
Penalty suspension should apply to all kind of driving license, and your motorcycle license will be discharged from suspension only after the penalty period end.
|
31/5/2005
|
頭盔問題
想問吓邊度有得噴頭盔，同埋大約幾多錢同埋要噴幾耐？？(Full-face嗰種)唔該！！
Ahdon undercover6408@yahoo.com.hk
|
31/5/2005
|
看後無奈兄單野一問
實線係冇車到都一定要停車，虛線係有車先要停車。
++++++++++++++++++++++++++++++++++++++++++++++++++++++++++++++++++++++
唔好意思老編, 虛線實線分別我知, 可能我問得唔清楚, i mean無奈兄果條唔知係虛定實線咋, 如他在虛線路口在比較高速下如行20-30咁駛出而令該交通警覺得你咁樣出路口危險而告佢不小心駕駛, 可能停一停再出,個交通警又反而唔會告佢.
小羊 lungfive@yahoo.com
|
31/5/2005
|
Re:綿羊裝扭力加速器有沒有負作用
首先扭力加速器係有一組軸承, 可以減少加速時彈簧的應力,(因為彈簧伸縮過程產生扭矩<轉動>)
減少彈簧應力(摩擦), 加速順滑左.亦因為有一組軸承在加速器底部,加速器底部比較原物厚,彈簧有更大壓力壓向飛碟,相同速度引擎轉數高左一點, 加速力大一點!!
但是小心軸承損耗(滾球沒有潤滑油互相摩擦)
蚊芝 ihm_manju2@yahoo.com.hk
|
31/5/2005
|
"老編冇用過，估計負作用係扭得爽左開快左會用較多電油。"
真的會快o左嗎?? (老編你係話扭力上得快o左, 定係車速快o左??)
Runner車主
架車唔會大力左，但轉數上快左，搞到你好爽咁自然扭得狠左。
|
31/5/2005
|
RE: 黑仔~~~~~~~~~
無奈兄, 我以前考1,2牌時都係咁肥, 考官話架車係慢,但唔係停! 你唔知佢會唔會突然加速, 回想真係十分危險. 另外個dp牌特登唔掛牌,要痛痛快快地駕駛,諗下好啦,有乜事都係你自己承受?又何必呢? 你有權唔喜歡交警, 但希望唔係呢個原因啦
新手一明
|
31/5/2005
|
交通警員的補充
我今日真係好黑仔我只是在讓車路口沒有讓車, police就要告我不小心駕駛!!!!!係就係當時有車駛過來, 但是有成差不多10個電單車位, 而且還是大貨車, 非常慢~~~~我有足夠的時間駛過, 這樣都要捉我~~~~~阿sir話我危險, 唔通我話唔係咩~~~~~~我自問是很遵守交通規則的,在p牌的期間沒有過70 ,沒有載人 ,怎也估不到會死在這些事!我開始明白到人們會這麼不喜歡差人, 也明白到一些p牌為什麼會不守p牌的規則. 如期要忍著忍著也防不了, 到不如痛痛快快的駕駛了~~~~~~~我在這裡只是想說出心底話, 請各位不要見怪!!!
無奈
+++++++++++++++++++++++++++++++++++++++++++++++++++++++++++++++++++++++++++
你知唔知如果你駕駛時做d行為出黎,例如cut線,小路出大路,令到其他車輛因為你而急剎或收慢,你都有可能比控不小心駕駛.....
想談談另一個個案,我昨日見一電單車駕駛時只有頭P無尾P,如時我截停他,他就話之前跌左兼求請話無幾耐前比控不小心駕駛,傳票還未收到,我見呢位人兄考左牌3個月已比控cd,都唔忍心再加多腳,見佢還有兩部路到屋企就放佢一馬,奉勸P牌門少左個前或後P要整返先可駕駛,唔知呀..跌左呀..呢D唔係籍口,照樣會比人告,切勿以身試法
執法人員
|
31/5/2005
|
偈油一問
如果換偈油時超過或少於所指示的容量,兩者的影響係?
Macy macychan@yahoo.com.hk
相差少少冇問題。過多偈油會增加阻力，過少偈油潤滑不足。
|
31/5/2005
|
Re:怪問題
我想問下一個怪問題...(可能有人問過都唔定..) 如果3線行車 , 一架行緊慢線 , 另一架車行緊快線 , 當2架都係電單車 , 如果大家都同時切入中線大家又撞既話 , 咁邊個會唔著數d阿? 快線定慢線既車阿? (因為今日行車已經遇到3次.....3次都比人cut先....費事駁命)
++++++++++++++++++++++++++++++++++++++++++++++++++++++++++++++++++++++++++++
冇記錯, 道路使用者守則有一則(快速公路)講過咁既情況之下, 係慢線架車唔岩~~~~
|
31/5/2005
|
綿羊裝扭力加速器有沒有負作用
綿羊裝扭力加速器有沒有負作用, 如機器的損耗性, 車頭溫度.
Runner車主
老編冇用過，估計負作用係扭得爽左開快左會用較多電油。
|
31/5/2005
|
掣動問題
當用頭掣動時有嚮聲,但掣動皮又有,點解,需不需要更換,謝謝.
ping
制動有聲原因有幾種，有時係迫力皮濕左所以有聲，有時係迫力皮到期又會有聲，有時迫力粉積得太多，又有時係迫力鉗或迫力碟損耗少少移位又會有聲。俾車房檢查一下便清楚。
|
31/5/2005
|
老編果然係老編
"唔做暴起狂收的動作便可以慳唔少油。"
老編呢句真係金句, 勝過千言萬語. 好過成日計住計住點樣慳油.
小羊
|
31/5/2005
|
看後無奈兄單野一問
會唔會實線要讓車, 虛線停一停好d, 定係無奈兄係比較高速如行20-30咁駛出而令該交通警覺得你咁樣出路口危險呢?
小羊
實線係冇車到都一定要停車，虛線係有車先要停車。
|
31/5/2005
|
Honda CB400 Super BOL D'OR
老編，之前又話此車會於27/5到港，但點解好似冇晒聲氣咁o既？係胎死腹中定還是粲基update唔切網站 ??
心急人上
到香港都要時間拆櫃架？架車係showroom架喇。
|
31/5/2005
|
黑仔~~~~~~~~~
我今日真係好黑仔我只是在讓車路口沒有讓車, police就要告我不小心駕駛!!!!!係就係當時有車駛過來, 但是有成差不多10個電單車位, 而且還是大貨車, 非常慢~~~~我有足夠的時間駛過, 這樣都要捉我~~~~~阿sir話我危險, 唔通我話唔係咩~~~~~~我自問是很遵守交通規則的,在p牌的期間沒有過70 ,沒有載人 ,怎也估不到會死在這些事!我開始明白到人們會這麼不喜歡差人, 也明白到一些p牌為什麼會不守p牌的規則. 如期要忍著忍著也防不了, 到不如痛痛快快的駕駛了~~~~~~~我在這裡只是想說出心底話, 請各位不要見怪!!!
無奈
你都識得講，在讓線路口前冇讓車，重話警察有錯？
|
31/5/2005
|
幾時轉波？
剛剛買左部二手sv650，請問幾多轉才轉波呀？我都知道聽聲就得，不過真係好少機會發出hu hu聲，同我以前D車分別好大。thank！！
頭痕人
唔係聽聲，係憑感覺。冇力便踩低一粒，好震便踢高一粒。總之唔跑馬仔，唔入紅區便可。
|
31/5/2005
|
我想問下一個怪問題...(可能有人問過都唔定..) 如果3線行車 , 一架行緊慢線 , 另一架車行緊快線 , 當2架都係電單車 , 如果大家都同時切入中線大家又撞既話 , 咁邊個會唔著數d阿? 快線定慢線既車阿? (因為今日行車已經遇到3次.....3次都比人cut先....費事駁命)
燎
原則係後車應相讓，因為前車較早入線而取得優先權。
|
31/5/2005
|
RE: 未除P的新手
一諗,頭P好少話跌左而唔知.....尾P行車途中跌左唔知,都有情講,但係就要睇阿SIR放唔放你一馬講真,一開始掛P,就好心掛得穩陣D,到時真係跌左&真係加監,就唯有怪自己黑仔
純粹個人意見,有錯請指正
+++++++++++++++++++++++++++++++++++++++++++++++++++++++++++++++++++++++++++++
咁又唔好咁講,因為前兩日我去停車場時都發現頭p唔見左......都唔知係上次出車飛左定係停車場唔見左......
羊
除左應該確定P牌牢固地安裝之外，開車前也應該檢查。
|
31/5/2005
|
躍馬SR400
請問全新SR400的kick Start會不會很難使用？除了在燈位前及斜路死火後會引起途人圍觀之外，有沒有其他潛在[論盡]情況會發生？
Al
新手的話，乜者會論盡d。技術熟練左，除左唔會死之外，腳撻都係一腳起兩腳止。
|
31/5/2005
|
只有學牌能杏出車
請問只持有學牌者能杏提早買車作練習考試及代步之用途?保險公司會否替他出三保?而學保保費又如何?謝謝
kin
可以出學牌，但行車時間和地點有相當限制。價錢請問番保險中介人。
|
30/5/2005
|
新手一問
小弟駕CB400 BIG1,想一問油隔行幾多KM換一次，另外迫力油及火咀要幾時換一次，另再想一問我駕車疏蕉如要換﹝上一手穿過再補，好難看！﹞S版的蕉二手也OK要幾錢！有勞回答！
新手
偈油格理應每次換油時更換,而迫力油就可每年一次,火咀可用8千至一萬公里.
|
30/5/2005
|
架車撻5到
前幾晩落完大雨又無遮,第ニ日撻5到,好似無電我架係bandit400點算?
highay
拖車...!
|
30/5/2005
|
偈油一問
我架綿羊最近換了偈油,但發覺換了之後,在停車時有吱一聲...請問這有沒有問題的?thx
新手
唔關換偈油事。可能係迫力皮的聲音，可以不理。
|
30/5/2005
|
請提供
想問下GZ 150.有什麼好呔呢.原裝果條真係唔係幾掂.真係幫幫忙.小小水都係咁線,好驚呀.
巨無霸
應該好多車行都提供到意見,鈴木車米仔都好似有.
|
30/5/2005
|
續問: 低轉/高轉
我係P仔,都有同樣疑問
我試過上斜路,3波,3500轉,30km/h,架車無力,我就扭大油(4~5秒左右),但係轉數同速度都冇增加,我於是踩低一粒,等轉數升番,才再轉上三波
我既疑問係,我扭大油,供油多左,照計爆發力勁左,點解轉數都係唔上??
我諗 PeterLL 兄係想問,1~唔踩低一粒,繼續扭大油,但係轉數及速度無上升, 及 2~踩低一粒keep住行高轉,轉數及速度均上升,邊樣方法用多D油?
另外,如老編所言,火咀會積炭,係咪可以高轉轟一段,就可清除積炭??請老編指教
alexhau18
冇力梗係轉低波喇，唔轉低波只扭油，細車一定扭唔上，大車就得。話時話，35km/h行三波係遊離慳油狀態，根本車速過低，減速比過低，想加速都唔靈。
保持正確波段等尾輪有足夠牽引力，比起要慳果少少油來得重要。電單車食得你幾多油？
唔做暴起狂收的動作便可以慳唔少油。
|
30/5/2005
|
咪表吾行
我的125小羊電子咪表突然吾行,會在甚麼地方出問題呢?另外,我10日前換了hid,會吾會係呢個原因呢?不過先聲明,我白天才用hid,晚上會用正常燈胆,所以吾會殘住人雙眼.....謝謝
David
哈哈...要問下佢有否駁錯線或插頭鬆左!
|
30/5/2005
|
RE: 未除P的新手
一諗,頭P好少話跌左而唔知.....
尾P行車途中跌左唔知,都有情講,但係就要睇阿SIR放唔放你一馬
講真,一開始掛P,就好心掛得穩陣D,到時真係跌左&真係加監,就唯有怪自己黑仔
純粹個人意見,有錯請指正
alexhau18
|
30/5/2005
|
撻車打炮 (回老鬼)
老鬼好,本人渣四衝600,我架車當無渣一兩日時,一撻車就會打炮 (凍車),每次都係撻車頭果一o下,行駛時就無打炮,請問為何會這樣呢?
ming
乜四衝600?行i定行吸?
Suzuki RF600R, 行吸的.
ming
這可能有輕微漏油情況,或可先行調較風油位看看有否改善,切記著車時勿加大油門.
|
30/5/2005
|
600 to 700cc bike
Hi editor:I want to upgrade to middle sized bike e.g. SV 650, hornet 600 or Fraser etc. For second hand bike 3 to 4 year old which model and brand would you recommend? As I want the least engine degeneration and mantinance problems.
A Super Four rider adapted to its force
May be Hornet 600 is a safe bet? Please check out Owners report for further user comments.
|
30/5/2005
|
哪裡可以安到好似'pizza box' 外賣車果種尾箱呀
請問哪位車友, 朋友知道在哪裡可以安到好似'pizza box' 外賣車果種尾箱呀, 我搵極都搵吾到呀.... 吾該幫幫手. 謝謝
pakningli@hotmail.com
|
30/5/2005
|
一些疑問
老編大佬,你好.先贊贊你地個網有野睇又有野學,我日日都睇睇,UPDATE下.我自從拿正牌後,出左部中日合資的150新羊數月,現有幾個問題,麻煩老編解答,THANKS !
1.機油濃定稀好 ?
2.最近有時箸車時, 扭匙去ON後按電撻會全無反應, 但再扭下匙又正常番, 有無事呢 ?
3.當下斜坡停定車後, 只按實頭BRAKE時(碟剎), 仍然可以用力推前部車(頭尾BRAKE都按實就 正常), 這樣頭BRAKE算唔算唔掂 ? 可以點攪呢 ?
4.我發覺部羊D BRAKE(頭碟尾鼓)完全唔掂, 一人時還勉強可以, 當二人時要留好多位同按得好死(尤其下坡時)先至停到車, 問過代理話係咁的同埋話要分幾次按BRAKE唔好一次按死,我想問佢地解釋合理嗎 ? 我自己想如果遇到緊急情形要急剎,咁咪PK...老編大佬有無計可以改善 ?? 我好想攪番好佢.
大頭仔
1)較稀o既機油係比嚴寒地區用。香港天氣會令稀機油更稀，減低油膜保護作用。
2)綿羊著車唔係要扣迫力先著到車o既咩？
3)綿羊制動以尾輪為主，頭迫力太強的話易生危險。
4)合理。
雙騎落斜要急煞，咩車都會覺得辛苦。只有保持安全車速和預油煞車距離，才是根治方法。
|
30/5/2005
|
我架Ｚrx400好似比較大食,平時6千轉上下用車但係成9豪子1k.偈油過多有無関係???著車行車都好順,入一波就有少少Ｋ.....ps原裝無改喉.仲有加防x要多少錢最好可似搖控著車.多謝回覆先
健
偈油過多會令引擎阻力增加，不過耗油量都唔應該咁高。由於你部ZXR400有一定歷史，化油器調較和活塞環狀態都會影響耗油量，請檢查。防盜價錢由幾百蚊至幾千蚊都有。唔建議用remote著車，舊車撻車時一般都要俾油，remote好難著到車。
|
30/5/2005
|
re: 低轉/高轉??
我意思是問.低轉扯大油(油門扭到最盡), 其實冇乜力, 但都不踢低一個波繼續行車,
如化油器或其他有問題嗎?
PeterLL
火咀會容易積碳。應該保持正確波段。
|
30/5/2005
|
Re: suzuki gz150
I ride from Eastern Kowloon to the Peak everyday. My weight is about 15Xlb. At Magazine Gap Road, gear 3, run at around 4-50 km/h(a bit exhausted). At Peak Road, gear 4. run at >50km (comfortable). I haven't tried to run faster when going up to the peak as it's dangerous and I'm a "P".
Dicky Dick
|
30/5/2005
|
初換偈油
老編你好小第初換油請教,150羊應換:
1. 半/全合成油?
2. 換幾多係咪睇說明書? (我唔係0係代理換, 第二間車房知唔知換幾多架)
3. 大約幾多錢?
4. 邊隻油最合適呢?
換油人
礦物油/半合成/全合成偈油都得。一分價錢一分貨，價錢由幾十蚊一公升到百幾蚊一公升都有，靚油行得順d靜d，平油一樣冇問題。但緊記用乜野油都要定期更換。150羊通常都係0.9-1L咁上下，機器殼有寫，車房都會知。
|
30/5/2005
|
偈油一問
之前有人問汽車偈油可唔可以用係電單車度，老篇答只要係SJ級以上，就一定得；但我看知識技術又話d抗磨成份唔同會令極力子打滑做成反效果，咁應否用？用落AN650度會否有問題？對極力子或其他部件會否有影響？請多多指教！
車迷迷 fbike@sinaman.com
你睇d唔睇d。雖然你有睇【知識技術】已經好抵錫~~都要打一下patpat。首先，話電單車需要特別抗磨成份果篇文，係代表賣偈油的一方所寫的，當然有佢地o既立場啦。第二，AN650o既極力子唔係浸住偈油，只有腳波電單車的濕式多片雜合器先會浸住偈油。所以AN650即使唔用偈油，都唔會影響極力子。
|
30/5/2005
|
換機油問題
請問如果更換機油時當所有機沖漏出後是否要著車呢?好讓留在油隔內的機油再漏出嗎?那樣即是引擎內沒有機油?會否令活塞環受損呢?謝謝
新車不建議咁做，但舊車著果十零秒無問題。
|
30/5/2005
|
Re: CB250
哎...九年CB250，洗下車，換返d損耗品，送多一年牌費，人工包料$4000左右(可能有找，仲要唔靚仔)，咁就開價兩個幾，買新車好過！
騎士
|
| |
|
|
|
 |
|
