|
|
|
FAQ常見問題 |
|
|
24/5/2005
|
fork 碼
請問有無fork碼係岩 CB250?
AB
CB250對fork好似得37mm直徑？一定要落的話，試下搵綿羊fork碼睇下有冇合適？
|
24/5/2005
|
警局老電位
本人想問在什麼情況下可以泊車進入警局車位，如果不是警員，後果如何?
聰
哈，你都幾好笑個喎...俾人趕番出來o羅？
|
24/5/2005
|
極力子皮
老編大人,請問150羊行到42000公里雖要換極力子皮嗎??因比大油時會姪...唔該晒~!
apple
四萬二公里唔止極力子皮，好多野都要檢查。皮帶珠盤迫力皮...睇睇。
|
24/5/2005
|
打手唔係第一次扮野AD
~_~ 我有追開呢度d post...都有一年+
見到有車友讚 "臀瞞"/"完塱" d 車行都唔係第一次
係真係假大家就自己判斷喇......
o係度問野&睇開 post o既 Tommy
|
24/5/2005
|
re:慘遭PＣ追殺
大衛兄,泊在天橋底的電單車差人通常唔告除非有市民投訴就局住告,而你落左車篷差人用盡辦法都睇唔到你張行車証先會告埋你呢條,其他車雖然一樣落車篷但掀起部份能見到行車証就唔會告多條,所以你可以考慮行車証貼放位置.
稍有淺見之人
|
24/5/2005
|
車主手冊
老編你好,我最近買了YP400,但是果本手冊是意大利文,完全唔識睇,請問哪裡找到中文or英文版或者網上有無得download?
uncle fai
俾你考起....
|
24/5/2005
|
呔氣計一問
請問大家呔氣計可以係邊到買到呢?(什麼類型鋪頭) 還有請問大家價錢方面大約多少?
唔該~大家^o^"
P仔阿邦 tt0279@hotmail.com
胎氣計種類繁多，最簡單的筆型胎氣計幾十蚊一支都ok，但唔會太準，只要keep住用同一支胎氣計作一個參考便可。有賣騎士用品的車行一般都會有售。
|
24/5/2005
|
保養一問
從貴網的老編問答真獲益良多，請繼續努力﹗我最近發覺駕車( super 4 vs)好似起步無乜力，朋友叫我換火咀及火咀線。此外，我駕了這車一年，並無換過油格，只是 keep 住換偈油，及風格。在貴網我又看到有人說經大雨，車會出問題。咁究竟車無力，應該是那一方面出錯？我想問除了油格、風格、偈油及火咀外，平時還有甚麼部件要換？唔該晒老編
文仔 tcm_810@yahoo.com.hk
起步冇力的原因，可能係你習慣左度力，也有可能係火咀狀態不佳，也可能係胎氣不足，或者車鏈到期要攝。但油格應該起碼每換兩次油便換一次油格，幾十蚊一個油格你都成年冇換過似乎....
|
24/5/2005
|
後加溫度錶
老編你好, 本人騎CB400, 騎法斯文. 想問有需要安裝後加的溫度錶嗎 (因錶版只得水溫警示燈)? 因為夏天來臨, 熱量好像高了不少, 有點兒擔心! 謝謝老編!
杰
冇實際必要。
|
24/5/2005
|
**電單車安裝音響**
老編大哥，本人揸 99-00 Skywave400, 眼見很多大羊都安裝簡單MP3音響, 我想問吓對部車(電磁)或其他部份有沒有影響? 如果想安裝大约價錢是多少? 有沒有好地點提供?
雄仔
請用「音響」搜尋以往留言。重有請唔好用香港字。
|
23/5/2005
|
re: 新牌Magna
唔知各位有冇覺得佢呢個留言好有賣廣告成份呢??
詳盡咁講晒地址鋪名..衰到係呢度賣廣告..
不過都係唔好講呢間野咁多..唔好助長呢個惡行..
MAGNA迷
|
23/5/2005
|
慘遭PＣ追殺
違例泊車被票控實屬理所當然。可以話受之無愧。 但本人曾有以下經歷，想請各位仁兄仁姐給多少意見和指導，以舒解心中屈結。 月前本人將電單車停泊在荃灣愉景新城對開巴士站行人天橋下，還尊照哪兒牆上貼著由荃灣警署發出提醒車主的告示做好防盜措施，將車子用布蓬蓋好，還前後上鎖後離開。到下班後取車時發現遭受票控，心想上得山多終遇虎，誰叫自己貪圖方便。取出告票一看嚇然發現當中不只一張告票而是兩張，其一是違例泊車，其二是沒有展示行車證！最叫人費解的是同一PC在下午2時抄一張，另一張則是2時30分，莫非此PC抄完一張後，一路行，一路心心不憤，回來再添食？ 環看四周，起碼90%的電單車也跟我一般尊照荃灣警署發出的温馨提醒落好布蓬鎖好車，八卦下查看其他車是否同一命運，答案是其他有事的都只有一張。不死心下再看看其他同志布蓬的規格，也跟本人的沒有兩樣，都是前方沒有透明膠，只有車尾車牌部份是透明。經此一役，本人除慎重檢討自己是否出現結構性的相貌問題外，根本解釋不到此種現象。
一點題外話，有時經過警署，看見有不少差大哥都以電單車代步，而警署內也設有充足的車位，尢其電單車位方面真的另人羨慕，一來空間足夠，二來有瓦遮頭，三來最重要不用擔心上班無位泊而務票控之險。有納稅人安排這一切一切真的是多麼的幸福。
說了一大堆廢話，我衷心希望執法人員們多體諒小市民們，放條生路行下。
大衛
|
23/5/2005
|
公道自在人心啦..
個間野d功夫好定壞我就唔知..不過睇佢地整車既手法..佢地對客人d車既態度...就有d問題喇..(因為我住附近..有時都會經過..所以見倒)咩車行都生存倒既..差在我地比車佢整完之後仲生唔生存倒者...祝各位好運啦
|
23/5/2005
|
Re: 讀後感: 睇完BMW R1200C失竊一事
次次出街都要俾$320泊車, 邊個會咁做? 仲有, 阻街可能俾人拖走埋架車添!
你估d 人有心拎你架車佢唔會睇下你架車泊開邊頭? 你屋企個停車場都唔安全架.
香港抯電單車真係幾煩, 買架靚d 既又驚人攪, 買架平既亦都有人攪, 泊車最好都係做足本份, 落com, 碟鎖呀咁啦, 倒d 有顏色既液體落去唔知嚇唔嚇到人?
路過的
|
23/5/2005
|
re: 新牌Magna
我部車比呢間野整完之後行左唔夠1個鐘,在屯門公路跪低左,為有拖車,拖左返O士，點知仲要大修左我2千幾,我唔知係佢唔識整定係我唔好彩,廠CHECK返出黎,有好多野都裝錯晒.
1)皮帶 (反轉方向裝)
2)夾住皮帶果位粒羅C冇左介子,攪到成個野同機器穀掃晒.
3)大陸電池
4)條尾呔SIZE細左 (問返原本佢收貴左我好多)
5)佢冇呔機,用手換到我條鈴花晒.
不過可能人夾人啦,我之前都睇過佢好多投訴,唸住朋友介紹至落去,點知又貴左又衰左
得不常失!!!
RUNNER
|
23/5/2005
|
讀後感: 睇完BMW R1200C失竊一事
剛剛睇完呢單失竊一事,令我覺得無論你泊部車係邊都係冇乜保障,往往以為係安全的地方,正正就係失竊的地方,呢件事令我知道如果我部車真係咁貴,我就泊係最多人出入的地方,仲有做足預防裝備,最多都係罰款320,當你部車超過十萬的時候,320相比於車價已經係唔駛比下去,泊係car park真係信唔過,d停車場只係識得收$,點會在乎你部車呀講真.
唔信car park的車友
|
23/5/2005
|
錶板顯示
你好,請問cb250和gn250的錶板上有沒有電油量顯示呢?
求知者
沒有。
|
23/5/2005
|
2月 & 3 月失車report
老編大人，點解2月同3月既失車report pdf file 入面d 資料好似一樣既?
大蛇 snake.big@gmail.com
地區統計果份就冇錯，但型號統計果份就係一樣，追追警察果便先...
|
23/5/2005
|
re: 新牌Magna
果間車房D人好友善架！老實講我都成日落去佢地鋪頭坐呀、吹水咁，佢地教左我好多電單車既野！個人認為有時一D細既車房仔，響人際方面會好過大既車房，始終佢地肯同你做朋友，唔係下下都諗住錢囉！
當然，佢梗係要搵返些少先可以支持到架！
講咁耐，果間車房叫進榮，響屯門井財街，垃圾站對面，大家得閒可以去幫趁下！
新牌Magna vinnie_petrucci@yahoo.com.hk
|
23/5/2005
|
vtec-III巡航燈
開啟車匙後車頭左右指揮燈會長開啟唔熄變成巡航燈,請問係米範香港交通條例??如果係應該點做??多謝百忙之中回答簡單問題
OVO
長著違例，照計驗車時應不能通過。可以叫車行改線路。
|
23/5/2005
|
YP400換消耗品
請問幾時須要換,例如:偈油,火咀,風格,電池,皮帶......
uncle fai
請看車主手冊
|
22/5/2005
|
RE:反對換大尾牙唔影響速度表
除非你架車係度頭轆,如果度頭牙就一定有影響,我無記錯RVF係度頭牙!
honda dreamwing http://groups.msn.com/cclub
榮哥講野一定要信...
|
22/5/2005
|
新手買車
新手想買啡零車,唔知買邊架好.......請各方好友幫手
大俠
新手？不如試下CBR150R。
|
22/5/2005
|
行夠4千，有o羊保養
你好呀，師傅。我架車係LML star delux 150二沖車，個款同vespa 200一樣果部，我係上年十月買的，是新車，頭2000km，我都每1000km換一次油，而家到了4000km了，我有幾條問題想請教
1.咁我洗唔洗換油呢？
2 大約幾多km換一次油？
3 大約幾多錢一次？
4.仲有無其他野要經常換呢？
5.當我有高波轉低時，我己經減到適當的速度，最近一個月轉波時有"Click"一聲，究竟架車係唔係有問題呢？？
真係麻煩曬你。。唔該。。
深 siusum2000@yahoo.com.hk
2沖最好每4千公里檢查或更換火咀一次,而波箱油就可每4-5千更換,到一萬公里就要檢查極力子部份.
|
22/5/2005
|
前迫力一問
師父你好!my bike is 03 estrella 250 custom which just bought three months ago. I found that the head brake is too sensitive. No matter in high and low speed, when i use head brake, my bike raises big noisy "Gi~~~~~" (although i press it in litte force). At the beginning, I think it should be normal situation because of "new brake skin". However, no change until now. I had asked the bike co., to check but they said it is OK.Is the head brake really no problem? If yes, how can i stop the noisy?Pls help me......
Cody
如迫力碟是正常,這多數是迫力皮問題,可換皮質較軟那種.
|
22/5/2005
|
車胎
我約八個月前換了頭及尾胎，尾胎爆過一次，近兩個月時常感覺到尾輪轉彎時入彎不是太暢順及有打滑情況。所以再更換尾胎，換胎後感覺好似再無出現類似情況。問題就係條舊尾胎還有好深胎紋及無其他明顯的勞損點解會有入彎不順及打滑情況呢。會不會之前車房師傳換錯其他車胎給我呢。因今次我去另一車房換車胎的。thank
kk
補過胎應該更留意胎氣。估計你之前的尾胎胎壓唔夠所以轉彎感覺不佳。唔關車房事。
|
22/5/2005
|
RE:想知道為什麼這個年代電單仍然給人負面印象
其實唔止大車, 什至綿羊,街車,chopper, 亦無論司機有無p牌, 都有人係咁係公路及巿區裏面,馮車過車, 唔理其他道路使用者. 我試過係大埔公路行九十, 就見到前面有個p牌偉士羊, 同我同速係前面行緊; 又試過係旺角渡船街左轉上高速時, 有隻羊係同線我既右手面過我, 果陣我行緊六七十....總之學老編話齋, 睇人唔好睇車啦
新手一明
|
22/5/2005
|
GS500E (續問)
1.請問如果要執灑以上提到的問題，大約要幾錢???
2.為何GS500E(舊model)會配備"平衡軸和cam鏈自動調緊器來改善引擎震盪感和耐用性能"，而新model GS500 無ge??
3.一駕(02/02)GS500 (行25000km, 賣$27000,車行車)和一駕(97/97)GS500 (行15000, 賣$8000,私讓車), 老編你會選邊駕???
唔該你
執齊萬零蚊到。通常都係按先後情況分批更換。新舊款引擎都有平衡軸。呢d車唔會點轉款。用腦唸下，02車行兩萬五公里，97年車點會行萬五公里呢？老編會揀02果部。
|
22/5/2005
|
想知道為什麼這個年代電單仍然給人負面印象
在星期六和公眾假期，以踩單車或行山形式，由大尾督走到鹿頸。你便會看到很多勁車如BMW、Ducati 999、本田CBR600RR，川崎ZX-10R等當了條路是自己買了的，2條線用齊，訓完一個彎又訓一個彎，簡直當了自己是Valentino Rossi上身。
沿路有一段是有斜坡鞏固工程，那一些電單車通常都唔會理D臨時交通燈，一於照衝。有燈衝燈，有彎訓彎，你在這裡可以看到社會上，為什麼多仍然到電單車的印象那麼負面，反而私家車又沒有這情況(Ferrari 360 Modena、本田NSX、Lamborghini Diablo、日產Skyline GT-R)。
註：這條新娘潭路，是一條熱門的踩單車路線(不是指一家大細租車)，同時又是3項鐵人的賽道，個個星期都有Roadbike在練習。懇請又車(網)友，雖然這裡的車和人的確是小得很，但是唔好得意忘形，完全不顧其他的道路使用者的安全。單車在法例都是車的一種。
謝謝
WONG Ho Ying
|
22/5/2005
|
入波
新手-請問老編如果揸架Honda Rebel 250(冇轉數錶睇)，係咩時速先至入三波、四波及五波呢?
007
唔需要睇速度。憑感覺便可。初學者可依據以下現象調整波段：
當覺得引擎轉速上升，但又嘈又震，扭油但速度唔係好上時，便要踢高一個波。
當覺得引擎轉速下降，跑馬仔chok下chok下又冇力時，便踩低一粒。
熟習之後，便會在以上跡象未出現之前便會轉波。
|
22/5/2005
|
擺多過渣....會點???
情況係咁: 本人想出駕二手私人轉讓的GS500(97/97), 因這只是假日車，只行約14000km，也放底無渣半年，但仍然著倒車!!!我想問老編：
1.如果我買左果駕車返來，需要執D 咩?
2.行得少D 里數的二手車，是否較佳?
3.GS500 同GS500E 有甚麼分別?
4.如果自己對車不太認識，是否應找車行幫手check 車？但叫佢check咩？需要幾錢?
多謝你
里數只能當一個參考，還要視乎車身狀況。所以單憑閣下的描述唔可能會知道要換d乜。但基本動作係換偈油火咀風格，檢查電池整流發電機是否正常，視乎輪胎有否變形胎紋變淺膠質變硬而要更換。迫力皮、迫力油、車鏈、頭尾牙視乎情況要換。擺左咁耐，化油器是否要洗，油門威也和極力子威是否積死要換等等....最後就係頭尾避震狀態如何，有冇打柴漏油...
GS500E配備平衡軸和cam鏈自動調緊器來改善引擎震盪感和耐用性能。
|
22/5/2005
|
借車比人炒左...
各位好,我有一事想請教各位架!,我同個fd最近都考到電單車牌,佢問我借車!
如果借俾佢,佢炒左車和車倒人,我有無車架?第3保又包唔包架?
@_@v ngaianson@yahoo.com.hk
簡覆：
1)借車俾朋友後發生交通意外，經常有之。應馬上報保險。
2)只要盡快報保險，且沒有違反保單條款，保險公司會按保單為你處理賠償。
佳保公証行
|
22/5/2005
|
Ｚ７Ｓ，ＦＺ６Ｓ，Ｂ６５○Ｓ
老編兄，我不認同你的講法，你話ＦＺ６最慳油，但怎會呢？因ＦＺ６用Ｒ６引擎，壓縮比高達１２.２:１的超高比數，高轉偈，吃油狂，而Ｂ６就用真正街車偈，壓縮比只係１○.５:１，低轉偈，怎會耗油量會高過ＦＺ６呢？奇怪！何解呢！
小榮
你都講得有道理，但FZ6供油量比R6少，耗油量唔會似跑車咁高。其實耗油量都好睇點用部車，相信斯文用車的人，駕駛FZ6S的耗油量應該仍會比B650少一點。
|
22/5/2005
|
Re: Z750S, FZ6-S and Bandit650S
謝謝老編的回答,自已仍在 Z750S及FZ6S 兩者中選擇,個人亦比較喜愛FZ6S的外型,特別果條超型中置喉,但兩者的價錢都是7萬幾,好似Z750S抵玩D...........如果我是用來代步番工(至少玩3-4年),是否應該有大買大?普通的車房有否這兩款車的零件作維修?我怕要硬食代理超貴的維修費.........另外這兩款車是否熱門偷車款?如果兩架只能活一架,老編你會選擇哪架呀?Thanks
PEZ
精簡d答你先，有大買大！幾靚都係假：) 原因：打算用三、四年的話，力水一定要夠用先得。兩款都係新車，即使你俾其他車房整，佢地都係要問代理拿零件。
|
22/5/2005
|
未除P的新手
如果我在行車途中被鐵馬捉到,而他告我車頭無掛P但我車尾有掛,而當時我頭P行車時掉了,請問我要唔要加監,如要請問延期多久,而他說我會收到傳票,請問多久才收到以等了三星期唔該各位大哥
|
22/5/2005
|
唔該哂老鬼大人，我今日拎左架車去車房驗，佢話我前排好大雨楂車，所以有水入左風隔，所以先會影響到撻車同出現塞住條喉果ｄ聲，果然換左新風隔後架車爽到不得了！
同埋佢都教埋我點樣自己換風格，佢話有時呢保養既野做車主一定要識些少，例如識得換下電池、偈油、風隔、feel屎、普通電器野咁，下下都拎俾車房搞，人地唔嫌你細單你自己都小數怕長計啦！我都好認同，作為一個車主唔單只要識得楂架車，仲要識得保養同小維修，咁架車又開心、自己又放心！
新牌Magna vinnie_petrucci@yahoo.com.hk
邊間車房咁好呀？講出來分享呀？
|
22/5/2005
|
車速
老編你好,小弟架RVF買番來時已經換左大尾牙,想問行車的實制速度比咪表所睇到的速度慢?
wing
換尾牙唔會影響速度顯示。
|
22/5/2005
|
維修
二手車價$29000,買後機件維修執左二仟五元,還未計換大堆消耗品,老編你話貴唔貴,如果唔經常換車的話,電單車係咪買新車楂兩三年仲有著數呢(因折舊率恨死私家車主)因本人以前架車係朋友私讓,完全沒有維修煩惱,但買出面的二手車真係看彩數
下次買新車的人
機器維修兩千五蚊唔算好貴，如果真係整好冇手尾的話....
不過你部係咩車呢？如果係抵買的話，都冇問題o既
|
22/5/2005
|
給: 各位車(網)友
最近看了多編，新牌(什至是學神)，問的問題，有以下的回應：
(1) 其實現在雖然是2005年，但是電單車對於一般人的印象，都是停留在《天若有情》、《烈火戰車》的年代，講起電單車，只懂得2衝程的NSR系列。
(2) 我在當時也在這問了老編，老編給了的答案是不應去考慮2衝程車，於是的便轉了目標到街車和巡航車。但在學院試用過巡航車，便愛上了它，同時因為只想代步而不想「入廠」於是只有巡航車的結構是可以滿足要求。
(3) 新牌和學神，莫講保險，連什麼是2衝程和4衝程都唔知。佢地未必會真的是想買車，只想知大約情況，講到保險，佢地未必自己都有買保險，有Agent。不過有P牌，部車出街唔掛就真係離譜一D。同時未必身邊的朋友，是電單車司機。這一些野那人教他(她)們?
上得這個網人人都經過這個階段，唔好崎視人地
WONG Ho Ying
|
21/5/2005
|
Magna 250 97/99
救命呀老鬼大人！我今曰渣車入完油，撻返著佢的時候聽到拍一聲然後先出現平時撻車的聲。咁我就熄左佢再撻，試左兩次都係咁，試到第三次仲連撻都撻唔著！後尾自己推返著架車，返到屋企途中停燈位，我手痕噤下個撻車制，佢就即刻死火，仲撻極都撻唔著，後黎又係自己推返著佢，架車上到某個轉數就上唔到，死氣喉個聲好似塞住左咁，後黎我在佢塞左果個轉數再俾多ｄ油佢又通返喎........
返到屋企停低架車，入空波，落側架無啦啦又死火，我都唔敢再撻返著佢......
老鬼大人，到底我架車有乜問題呀？等住救命呀.....唔該哂！
慘人 vinnie_petrucci@yahoo.com.hk
應該唔關個制事,只不過可能壞左火咀.(除非你入左油渣).
|
21/5/2005
|
化油器一問
我揸開HORNET 250F 今天去換火咀，發現支火咀好黑，個司父話化油器有問題。
1)想問是否正確
2)問題大唔大
3)有否其它意見
Edward topccw@yahoo.com.hk
火咀過黑是消化不良,會大咬同容易壞火咀,的而且要清洗和調較化油器.
|
21/5/2005
|
問有關頭尾牙,車鏈,車呔
師父你好,小弟部二手車都有十年車齡,對電單車保養和維修知識很少,想請問頭尾牙,車鏈在其麼情況先要換呀,車呔紋如果到了最低保險車紋還可以用到何時或者立即要去更換,因為小弟覺得頭尾牙,車連,車呔已到期.有甚麼牌子車連和車呔介紹呀.謝謝你
你應該檢查一下車鏈和頭尾牙，有關車鏈的保養，可搜尋以往信箱。尾牙齒輪變尖變形便代表頭牙狀態也不會好到那裡。以最佳效果而言，換兩次鍊或三次鏈，便應該要換頭尾牙。換左新鏈和頭尾牙後，行車會暢順和靜好多，過彎時尾擔都會定d。
車胎也是不能節省的部品，胎紋變淺已經係好遲的警號，通常條胎變平起角便應該換胎。
|
21/5/2005
|
Z750S, FZ6-S and Bandit650S
老編你好,本人想換全新600以上直四街車,如不計"有大買大",從維修保養/零件價錢,折舊率(二手價)及失竊率方面,請問老編建議買 Z750S, FZ6-S or Bandit650S 哪一部? 謝謝
PEZ
其實中量級四衝機器都好耐用，除左正常保養工作之外，引擎好少會發生問題。以輸出計一定係Z750S最強，而以最慳油會係FZ6S。零件應該係Suzuki較便宜。折舊二手造價也應以FZ6S較硬淨。
或者你應該從居住或工作地點考慮，那一間代理對你比較方便番去做保養工作。而者當中，老編最喜愛FZ6S的外型，Z750S的輸出，和B650的價錢，哈哈。
|
21/5/2005
|
至新牌車手
看完各車友回應阿飛哥仔的留言，我想講一下我認為所謂"技術"的定義。 只怕新牌"車手"誤會所謂"技術"是指如何飛街飛到200km/h都唔洗死，又或者如何用飄移入灣等等...
在路面駕駛,我認為所謂"技術"是指如何發現危險,而在安全的大前提之下,最快避開,跑到目的地。 第一樣要學的是如何發現其他司機威脅你的安全。 舉個例子,有次在三線公路,我行快線。左前方有架的士快速由慢線cut入中線，我立刻感到唔妥! 立即收油. 果然架的士唔停繼續快速cut埋入我條快線! 佢入左快線之後,車尾同我前輪都不及兩尺距離! 明顯佢冇看盲點! Pu都Pu唔切，好在我識收油...
其他例子如在紅燈頭位起步,我一定check有冇車衝黃燈。 呢D學院都教唔曬既小事,就係我所謂既"路面駕駛技術"。 佢保左我七、八年駕駛平安。 你明唔明？
Jim
|
21/5/2005
|
Re: 出車~
亞老編大人,見你份人冇乜o野,唔怕得罪先講啦,你若果覺得答D新牌問題,係會攪到你火滾,咁你咪鬼答囉,你又唔係唔知有D香港人o既習慣不嬲都係"飯來張口",情願你搵埋答案俾佢,佢都唔會自己去搵.你仲要答佢,真係不智,我相信你每日都會有其他 e-mail 答,無謂浪費網路資源同時間啦.你唔答佢,佢o地都會搵保險傾o架啦.
To: 所有新牌仔,唔好一步登天,我相信唔會好多間保險公司會受你出大CC 車, 俾你出到又點? 遲早咪有機會仆街, 一步一步o黎啦.
P.S. 天氣熱,飲多碗涼茶啦老編.
CD-Rom umd@yahoo.com.hk
飲左喇...答無聊問題真係一個幾厭惡性動作....多謝你的意見。
|
21/5/2005
|
想換車
hornet 600 點睇丫?????
出口版係一個不錯的選擇。
|
21/5/2005
|
一些問題
買車，養車都是什麼大問題，只要你有固定職業，有錢便可以。車主的噩夢，莫過於是偷車，有什麼方法去避免人家偷。工作地點，就話可以日日唔同的停泊地方，但是居住地點如何轉移陣地?
小弟居住大埔，觀察了數月，發覺在警局對面的電話機樓，算是一個安全地方。如有附近的泊車的安全地方，希望網友可以提供。
WONG Ho Ying
|
21/5/2005
|
咪 ^^'
聽朋友說頭盔裡可以裝咪說話的,請問哪裡可以裝?價錢多少呢? 謝謝回答
安安
安定，頭盔店，頭盔專門店，十三街.....都有類似配件提供。
|
21/5/2005
|
呀想出勁車o個位新牌~
都唔明你成日留言問出唔出到大cc車做乜？打個電話去保險公司問下, 講少少個人資料職員都可以答到你(我都係咁). 仲有掛唔掛得P都問得出？借問聲你個牌係點考o家？
路過P仔
|
21/5/2005
|
出車~
HONDA CB400 SF VTEC III,18歲p車牌出唔出到????保險受唔受??
飛~
講左九萬幾次保險價錢因為人人背景職業都唔同，而保險公司每間受保政策都唔同，最慘係重會五時花六時變，點解你唔自己問下？保險中介人又唔係有牙，問下又唔係一定要你做，真係唔明？
|
| |
|
|
|
 |
