|
|
|
FAQ常見問題 |
|
|
21/5/2005
|
faq未update呀
老編，東隧再沒有八蚊雞呢支歌仔唱喇!!!
呀係喎，thanks!
|
21/5/2005
|
shadow 750要換原裝死氣喉
我本人剛購買一架Shadow 750已改日本JMCA規格魚尾喉但因中段喉身生銹不好看,想要換原裝大炮死氣喉,但只找到一架shadow400的原裝死氣喉請問是否合用?性能有否差異?
如果要將魚尾喉再電渡可行嗎?效果及價錢又如何?
愛車之人 Virago_400@msn.com
400喉的出氣量可能未必夠750用。成梳換都應該裝唔到。
再電鍍當然得，不過好快又會脫落。
|
21/5/2005
|
新仔想知?
你好老編，本人剛考P牌，有D基本嘢想問吓：
1.火咀有甚麼用途?
2.Honda Rebel 250 仲有冇再出廠?
3.我買此車時巳是3手，外表很新(00出廠)、電不舊而且剛义(去車房check過)、火咀都換埋，不過有時很難撻得着，何解？是不是它的特性？
4.P牌規定不准在'高速公路'及在有3絛or以上行車線的公路上行駛最右線,對不對？
5.何謂'高速公路'？
6.此類車一般入咩油？
7.點樣為止'入波正確'？
多謝回答！
OK
1)火咀作用係點火燃燒油氣製造動動
2)冇
3)電池打柴，發電機有事，或者撻車技巧不對，都有可能會難撻車
4)只限高速公路上不準行最右線。
5)有標誌寫住，好似一個天橋咁o既物體，筆試有讀過。
6)普通電油
7)入波正確？扣起極力子入左波放番極力子咪得o羅？
|
21/5/2005
|
給阿飛哥....................
給阿飛哥
小人P牌1名,但有3年路面經驗,小人覺得我本善良講的說話是對的.而我日日揸車都覺得楂電單車唔係一定危險但技術同經驗係可以幫到自己,我覺得我自己應該要從250開始玩上去，之後400、600、1000等.我唔係唔敢揸大C.C.而係我自己覺得未夠經驗，應該逐級逐級上。阿飛哥其實揸細車都唔係樣衰呀,你估揸大車好型咩,到時上頭版就型，希望你自已都想吓
請勿用香港字
|
21/5/2005
|
大羊 YP400 的改裝問題
Hi, 如果部YP400的引擎震盪是正常的當回油時;問題1:可以改善嗎? 問題2:如希望改善它的表現(性能)可否指點吓?多謝!!!!
watson watson_tse@yahoo.com.hk
綿羊自動波設計問題係會有少少震盪。但試騎印像中冇你講到咁嚴重，不如你俾番代理檢查一下？改善性能？好有限，都係換喉改風格換普利珠更改供油程式咁樣。不過單缸400夠晒正常使用，要快，點改都唔夠孖缸500快。你似乎應該買T-MAX 500。
|
20/5/2005
|
愛車點算
我人在日本、有部川崎zzR400、唔知可唔可以運回香港用?日本車牌回香港後係P牌定係正式牌?仲有係香港買部NSR250PGM去日本用得唔得?運費多少?
wah tokugawah@yahoo.com.hk
你有居住證明和車輛文件，運過來香港稅項重有優惠。車牌都係正式牌。係香港運部PGM過去？係日本搵咪重方便？
|
20/5/2005
|
re:光陽５００cc
光陽５００cc我都响街上見過幾次囉喎，有車牌過喎，出唔倒牌唔係嘛，唔好玩喇！
仔仔
|
20/5/2005
|
打滑一問
老鬼你好！本人是抯X8的，近日發覺在起步或阻車時，當俾油前進時架車有D打滑，但很快就回復正常。但行車時就沒有問題。什麼原因本人記知多一點，麻煩各下。謝謝。
就仔
有機會是極力子皮問題.
|
20/5/2005
|
老編先生,請問我架偉士px200個地台又開始生瘦, 因以前試過, 跟住車方幫我做過地台用埋防瘦油, 我又用埋"粒突膠", 可以點處理?
心煩人
鐵殼車係會生鏽，省走佢補番防鏽油可。
|
20/5/2005
|
在車主報告發現奇怪事
光陽５００cc好似重未出到牌點解會有報告重係幾詳盡會唔會有人吹水
o下！乜重未出到牌o既咩？如果係真的話咁就真係折磨死d車主o羅...
不過即使真係未出到牌，車行有時會借T牌俾熟客試番佢自己部車，所以仍然有機會有車主試到車。
|
20/5/2005
|
給各車友
各位車友，要小心喇，在不久將來有位亞飛哥會响路上抯車。哩位飛哥剛剛攞牌，就想抯D快而勁嘅車，仲唔想掛P牌通處飛。如果各位有機會同哩位亞飛哥，一齊使用道路就祝你好運喇！都唔知點解俾佢攞倒個牌，唔愛識自已好喇，唔好害人呀！飛哥希望你自已都想吓，父母養咗佢咁耐，都唔好俾D老人家担心你喇。你咁嘅想法你除時都會上報紙頭版呀！
過路人
|
20/5/2005
|
想換車
本人用開400cc街車的, 想換一部頭,中段有力及快的, 可否介紹一下呢. 謝
雄
頭、中段要有力，又要快，咁即係段段都要有喇~~
假設你用緊直四400，咁樣要碼都要600或以上先滿足到你。唸下SV650/Bandit 650/Z750之類的街車選擇。
|
20/5/2005
|
大鷹王200 一問
請問大鷹王200 如想裝風刀有冇作用呢? thanks!
唔....(老編一臉嚴肅)，咁要睇下你要咩作用....(忍住笑)如果想泊車佔用多d位，又唔介意俾人刮爛的話，風刀作用都幾明顯架。
|
20/5/2005
|
「貼堂級」留言 <<---老編話o既！
回應阿飛哥"出乜車好, 唔掛P牌得唔得"既留言
阿飛哥, 呀, 唔好意思, 應該係飛仔.睇完你篇文, 你唔講你剛考到牌, 有18歲,我都唔信你真係一個成年人.成年人做任何事都應該考慮後果,你話我衰都係咁話
你想出大車, 又要跑又要街, 又要型又要勁.姑勿論你手車點勁. (不過新牌, 勁極有限)
楂電單車唔係一定危險, 但係呢一種心態絕對係你既催命符,學老編話齋, 未學行先學走, 遲早上頭條, 唔係嚇你.
仲有, 你明知自己係P牌, 仲問唔帶P牌, 行公路會點罰?首先, 阿飛哥你學車果陣阿SIR冇講咩, 去運豬署CUP牌果陣冇睇宣告單張咩?身為一個駕駛者, 理應知道自己的權利與義務
P仔一定要掛前後P牌, 理所當然, 你唔掛, 咪加監囉, 法例一早寫明
仲有. P牌唔係唔俾行高速公路, 只係唔俾行快線而已. 你仲問, 証明你根本冇為意法例
你問埋D咁既問題, 好聽D叫啟發思考, 溫故知新, 廣開言路, 集思廣益講衰D..... 唉, 費事講. 兩個字, 書面語是:"誘使及促使他人進行性行為"
真係要楂電單車, 請先練好自己技術, 同埋有成熟的思考.係公路上, 唔係剩係開車停車, 仲要顧及其他道路使用者,在適當的時候作出果斷的決定, 運用自己的技術及經驗避免意外發生.....呢家你炒, 最多你老豆老母冇左個仔. 但係第日你載人, 人地老豆老母冇左個仔女. 咁點算? 你楂架大車, 撞死過馬路個阿叔, 人地一門孤寡, 點算?
學你果句, 打擾你唔好意思,呀, 唔係, 應該係話打救你,真係唔好意思,你真係諗下, 自己諗野方式係唔係有一d地方需要改進,又或者你出文係唔係一時興起, 無心之失, 又或是說說笑?
你呢家坐晌部電腦前面, 就可以嘆冷氣含雪條.萬一第日有乜意外, 你又可唔可以好似呢家咁爽呢?
記住真係出車果陣, 請老編飲茶啦
我本善良
「我本善良」呢篇文係「貼堂」級大作！
|
20/5/2005
|
如何強化VTR250表現...
老編您好！弟想強化VTR250馬力及路面表現，可有什麼配件建議改裝？約莫費用、那裡選購等？謝謝！
亞歐
250唔使點強化，練熟技術之後換車吧喇。
|
20/5/2005
|
xr250短沙板
請問那裹有售？價錢大約？thx~
陳仔
問下旺角亞林，佢地改過XR250。
|
20/5/2005
|
唔好意思呀~老編~又要你幫啦~
本人18歲~岩岩考到車牌(無其他駕駛經驗)~有幾樣野問你~
1.我最高出到幾多cc車.(我想揸跑車或街車)可唔可以話比我本人最高出到咩車又受保le??(唔該比d車款例子我丫)
2.我唔蔕p牌,又行高速公路點罰ga?? (初犯駛唔駛加p監ga??)
3.本人要出車啦~可唔可以講幾款車比我呀~(要型型地啦,大cc,大馬力,最緊要保險公司受保啦)
打擾你唔好意思~出完車請你飲茶啦~!!
飛~
唔夠歲冇其他駛經驗，頂到盡都係250-400。
唔掛P係一件非常愚蠢o既事，因為你一出街，係人都知你係新牌，即時埋你逗你，冇掛P牌捉到當然要加監，冇初唔初犯呢回事。
腳波車可選擇250街車巡航車或fun bike。咁多車款又唔知你喜好冇得講，
不如你係【買賣搜尋】【靚車檔案】【車主報告】內揀幾款車出來再傾過？
|
20/5/2005
|
第一部車
剛向朋友買了部Majesty400,本年車及有本年牌費
1:$43500是否合理價?
2:座高問題勉強單腳平放地下,好不好load低座位?
uncle fai
你意思係05年製造的Majesty 400賣43,500?直頭超值啦！
單腳平放地下好夠。其實腳前掌掂地已ok，腳爭掂地冇意思。
|
20/5/2005
|
偈油
Motocycle boy:Thanks a lot for your concern. I would be grateful if you can let me know where can big one's useer manual be found on the web.
guru
|
19/5/2005
|
部車好大咬
小弟二個月前買入Yamaha XJR1200(97年車)發覺要成1.7元行一公哩(100km要13.5lit油).
擺去車房佢話要洗化油器換埋套3星,師父話實o.k 點之耗油量完全無改善不特止重比之前無
咁大馬力都唔之點算.請教老鬼師父.呀車可否調較油費便宜D或那處出了問題,唔該哂
還有維修前5000rpm到160km/h
維修後5000rpm得140km/h呢！
Herman hbcy2@yahoo.com.hk
會否有機會看錯錶而計錯數(公里和英里),因1.7實在太勁,又或且你架車勁改,有可能佢見你架車大咬而縮細main jet所以有頂住的感覺.
|
19/5/2005
|
扣迫力時牛角的手感比以前軟
最近發現(部et8)頭迫力無以前咁好收,扣迫力時牛角的手感比以前軟.要扣到比較底時先有反應,但一樣停到車.想問下係乜問題,車房話重有迫力皮而其他野就正常.而佢話架車老化會係咁無得整(03年車假日車).唔知係唔係呢?
tomy
是要檢查手泵心和迫力喉等,命仔緊要,無得整都有得換丫,咁講說話都得!
|
19/5/2005
|
Fazer 400 97/00
你好,本人是一位新手,有以下問題請教!!
1. 室温25-30度撻車要4-5秒及加油才可.
2. slow車不穩定,有成300-400轉上落.要常調效slow車.
3. 空波時,加油至5000轉後快收油門,會使slow車更低,甚至死火.
多謝老鬼師父指教
愛車人上
jamjam
只雖要找間真正能洗化油器的車行,和檢查一下生氣膠,風格火咀便可.
|
19/5/2005
|
請問Shadow400可改合金ling嗎？
很多人說鋼綫ling很不穩陣，請問Shadow400可改合金ling嗎？因我見個有人將Shadow400前後都改密頭ling，一般車行有做嗎？大約幾多錢？
John jsbach2@netvigator.com
查實個個係ling蓋,大車行可以代訂,唔駛改呤咁貴.
|
19/5/2005
|
CB400 Big One 撻唔著
近日試過有一次無端端撻唔著車，但電器和電撻聲全部正常，最後唯有嘗試在30幾度烈日高温下，竟然要開風choke才能成功。唔知點解呢，會否係火咀或其他部份有問題呢？請指點、唔該o西！
偉仔
是雖要檢查火咀同風格.
|
19/5/2005
|
唔認同22歲P牌學咩人渣400cc街車
我不是話果位車友話p仔渣住250cc先唔o岩,但有時d 400cc車價錢差唔多同250(一部份既車)我都會選400因夠力同上高速唔會飄,但最緊要就係知道自己既極限同小心駕駛.講真係馬路行有時就算你小心渣都唔代表你隔離d車既司機小心．
ｐｇｍｔｈｒｅｅ
|
19/5/2005
|
三陽&鈴木
各位好,想請問一下兩款車, 誰會可靠一點呢?單從性能表看, 好像是一樣啊.SYM Megalo 125 & 鈴木 HJ125T- 3 Bella,但以品牌來說, 是否鈴木會好一點?
Joe ngkhjoe@yahoo.com
Megalo台灣做，Bella中國做。以產地來說，台灣製造較優勝。
|
19/5/2005
|
Reply of 19/5-05 "Oil Check of Big One"
Sorry! I'm not saying you are wrong but for HONDA motorcycle oil check procedure, it is clearly written in all "Owner's Manual" the oil level should be between the upper and lower marks on the dipstick (level gauge) with insert the dipstick WITHOUT SCREWING IT IN. If required, add up the specified engine oil to the upper level mark (without screwing in the dipdtick).
motorcycle boy
|
19/5/2005
|
唔認同22歲P牌學咩人渣400cc街車
本人覺得渣車與年齡唔可以直接拉上關系,咁唔同通要廿九幾歲先渣得400或以上?咁玩R-1個Ｄ咪成三十歲人?(可能誇左Ｄ^^")再者400cc車有幾難騎呢又？唔開快車自制能力緊要Ｄ
Free
|
19/5/2005
|
2000 Yamaha R6 Fairing
Hi all, can somebody tell me where i can buy race fairing for 2000 R6 in hong kong? i am going to hong kong end of the year and hoping to buy some parts for my bike, thank you very much!
ryan abcdryan@hotmail.com
try Star Bike, they should get R6 replacement fairing very easily:
http://www.ibike.com.hk/02_market/starbike/map2.gif
|
19/5/2005
|
偈油一問
老編：請問我big one的偈油剛到油尺的最低刻度是否ok?度尺前需否將油尺轉入才抽出看？又之前入多了偈油我抽出差不半升，但已高囀行了幾十km會否傷偈？
guru
如果油呎唔擰入去，油量在Min便ok，如果擰入去，油量應該在Min之上才保險。請盡快檢查正確偈油量，少了半升機油短時間不是問題，但不應長期維持這情況。
|
19/5/2005
|
我最近先考到牌，前幾日出左部 vtr250。出車時冇問題，但之後發現天氣潮濕時就好難撻車。
1)是否正常?
2)咁o既情況下開風 choke 會唔會有幫助?
3)另外.... 我搵唔到風 choke 個位 (哈哈~ 好失禮)
4) 一般情況下，架車擺幾耐唔唔郁會冇晒電？我一個星期只出車一兩次，近排天氣唔好，都成個星期冇出過車。
thx a lot~!!
p 仔
1)唔正常。
2)懷疑你難撻車的原因是電池唔夠電，雖然開風choke有可能會易d著車。
3)風choke通常會係兩個位，左把手掣盒有拉桿，或者車身化油器之下有拉桿
4)電池正常又叉滿電的話，最少可以頂到一個月或以上。
建議你有機會先檢查電池。
|
19/5/2005
|
re: 芭提雅租車
唔洗牌都租到
周街都有得租
Tommy
|
19/5/2005
|
車速問題
我於曰前發生交通意外,本人於小路右轉出大路,被一跑車失控打斜撞到右尾車輪,沙板及尾泵把,但我已入正自己條行車線,對方於地上留有一條迫力痕,長度為24.7m,該段路面為50km,請問可造成24.7m之迫力痕,對方之車速約有幾快. Thanks!!!!!!!
Man yanyan427@i-cable.com
有勞「交通意外調查組」的車友幫手。
|
19/5/2005
|
芭提雅租車
十二月考到牌都無開過，成日都心思思。昨天出了機票Package 到芭提雅玩幾日，旅遊書說那裡租電單車很平，是理想的代步工具，搞到我都好想係果度租車開幾日定下鋪癮，有以下兩問麻煩老編或其他識途老馬指點一下。
1. 要用國際車牌租車嗎，我還是P牌有無問題？
2. 有沒有其他注意事項(如法例、安全及防盜等)？
如果有泰國租車經驗請分享一下，如有好的租車店推介更加感激，多謝
强制新丁 -> P牌新丁 h2189@softhome.net
請輸入「泰國」搜尋以往留言
|
19/5/2005
|
火咀
1.請問老編有甚麽請況會令火咀出現問題? 本人揸 Honda Rebel 250，下雨又會唔會整熄個火咀呢?
2.依家D天氣，係早上(凍車)又洗唔洗開风choke撻車呢？
3.一般電池剛充完可以用幾耐？
007
如果落雨會整濕火咀的話，便要檢查火咀cap的密封性。
正常的話，廿幾度唔使開風choke。
電池、發電機、整流全部正常的話，可以用到兩三年。
|
19/5/2005
|
re:現在非常氣憤的Aries
其實我都比人撞低過, 我都無講野, 叫左差佬先, 有時講多都嫌費時, 根據road and traffic ordinance, 有不小心駕駛, 停泊位置對其他道路使用者做成不便, 並無泊位置不正確而導致他人損失. 以後可能面對更多不公平, 平常心面對啦.
車友
|
19/5/2005
|
RE: 22歲有冇辦法出到400cc街車呀
22歲P牌學咩人渣400cc街車呀,渣部cb250操下啦,你冇睇最近有單野一車兩命咩,渣車個件都係得21歲,乘客只得19歲,渣住架180cc的羊仔失控自炒,最可憐都係件19歲妹妹仔,大好一生斷送俾個無路面經驗的司機.
超速係要付出代價的
|
19/5/2005
|
P仔問題
如果我在行車途中被鐵馬捉到,而他告我車頭無掛P但我車尾有掛,請問我要唔要加監,如要請問延期多久,而他說我會收到傳票,請問多久才收到以等了三星期唔該各位大哥
未除P的新手
|
19/5/2005
|
RE:四個了解
-----1)自己的極限，2)車輛的極限，3)其他司機的意圖，4)道路可能會出現的危機
那麼駕駛什麼車都沒有問題。
本人絕對認同呢四點,p仔女有四大原則,其他駕駛人亦應有四個了解而抯車...
|
18/5/2005
|
cb250撻車問題
小弟剛買左部2手cb250 有時撻車有問題,一波拉緊離合器,按鈕撻車時有0撻一聲,但車唔著,要將車入一波,放離合器輕微前後遙,再拉緊離合器,按鈕,才能成功著車,請問是何原因,能自己修理嗎?
小明 swming1809@yahoo.com.hk
這可能只是極力子制問題,最好用空波著車,可使start麼打減輕拖力.
|
18/5/2005
|
22歲有冇辦法出到400cc街車呀!!
但係我仲係P仔喎
荒木飛呂彥
之前其他人咪叫你問多幾間o羅。
|
18/5/2005
|
抦車問題
其實好多人都話久唔久要炳下架車,箇中理由都大約知道.但係又應該炳成點呢?紅區前既一兩千轉留手先得丫..定係行三分二既引擎轉數就已經ok呢
細cc當然易炳啦..但係有返咁上下既(如600..750...1000或以上既fairing車計)
一二波都可以到100km/h..可能唔止添...咁應該點做呢??
準車主
四衝程引擎用到三份之二轉數已ok。
|
18/5/2005
|
re: 安全情況下超下速
re: 安全情況下超下速 >>>> 點為之安全? 冇乜車/少車o既 highway?
咁會唔會好d? 捉到都係 $320??? right??
50 > 64 或以下
70 > 84 或以下
80 > 94 或以下
100 > 114 或以下
Tommy
唔好為左超速而超速。何謂「安全情況」？每人能力不同，不能一概而論。在時速超過100km/h時，一般人的兩秒守則應該提高至四秒或以上。
任何時候，自己都要有信心遇上障礙物時能緊急收到車或有空間轉線逃生，呢兩點係開「快車」之前的先決條件。
|
18/5/2005
|
VTR250
有幾次開車,諗住warm up分幾鐘先開車.都聽到死氣喉尾個度有"Pak"一聲,
好似裡面塞塞地,想飛d野出o黎咁樣,會唔會係條喉dirty? 請問老編條喉有可能係咩事呢?
傑
條喉正常唔會塞，你聽到果d聲可能係打炮聲，即係排出的廢氣仍然含有一定可燃性，當遇上空氣時便燃燒造成響聲。
|
18/5/2005
|
Re : Runner又一意外
本人極之贊成老編的論點,如各位車手能處處留一手以防萬一的話我相信意外必定可以下降!對不對?以下是本人同我架鈴木仔的經驗末知能否和大家分享:
i)入彎必定收油及下一擋位(因我成日都啉住這睇唔透的地方是最危險)皆因我細膽.
ii)燈位前如排唔到頭位必定唔捐上前(因車身太肥),如排頭位的話必留意對線/左線或右線有冇車沖燈,如冇,必以最快時間出閘及在安全車距內閃入中/左線.(唔靠左駛$320㗎)
iii)安全情況下超下速(50km就走6-70km,70k就走8-90km,100-110km就走110-120km)都幾過癮㗎!(皆因小超小罰,大超大罰及扣分/加長P期,而我就唔想受罰)
以上小小意見我深信各位車友必定知道但好多時都會忘記㗎!
fatboy
多謝分享！
|
18/5/2005
|
被私家車撞.
老編你好,請快些幫忙及祝貴網蒸蒸日上.
本人在上星期日在一個私人地方的停車場泊下本人的電單車,但是該私人地方的老闆話不能泊在該處.叫我泊在另一處,是在兩私家車中央,因為兩車中間有空位,兩車中間車頭位置係有一棵樹分開,所以中間後的位置可以容納我的電單車.
事件是發生在另一輛私家車想駛出該私人地方的停車場時,該私家車將我的電單車撞倒並壓向我左手面的私家車.先講本人電單車及左手面的私家車傷勢,我的電單車頭沙板爆&#21655;,左面車頭位置的車身有十多條花痕,左手面的私家車給我的電單車壓倒而它的右面車尾處而凹&#21655;一(達).
好了,到後來同撞倒我電單車的私家車車主商討賠償問題,初頭都話會賠償給我們兩車,到我寫下雙方車主資料,同撞倒我的電單車的私家車車主資料及該私家車車主願意賠償給我們兩車時,該私家車車主講講&#21523;又話我電單車泊的位置有問題,及不會簽該賠償協議同想唔賠償.
到後來有交通警經過時,就叫該交通警處理了,後來交通警說我們和解的辦法是可以接受的,但係個私家車車主攪&#21655;很久都係唔簽,到最後都係交通警作出記錄三方車主資料及該碰撞事項,之後私家車車主話呀sir都落&#21655;薄,所以唔簽那張願意賠償協議.佢話只係會負責維收我們兩車之責任,重話收我們兩部車都拿去他的車房維修,我們兩車都覺得算數了,維修好就算了.
所以今日就打去我的車房問頭沙板換過及左面車身補油大約幾多錢,報&#21655;之後就打去比
私家車車主,佢話太貴佢唔會比錢,叫我將我部電單車拿去他的車房維修及比了那車房老闆的電話我.之後我便打去問佢點樣,個車房老闆佢話私家車車主叫佢做中間人攪掂我地兩部車,但係最多只會出二千元維收我們兩部車,及給我電單車壓倒的私家車已經在他車房中商討維修,說那私家車已經要一千五百元維修,及說只會給我五百元,你維修又好唔維修佢都只係會比咁多,重有如果我接受佢就唔會同果部私家車維修先.及同我講,該私家車只撞倒我的電單車而我的電單車壓落左面部私家車,在責任上同保險上,撞倒我的私家車只付責我的電單車維修,給壓倒的私家車就是我的責任同保險上都係cam我的電單車保險.
現在講倒咁樣,我真係想同佢上庭告到底.
現在有幾個問題.
1.該車主話我泊車有問題,是否有問題呢?但係呀sir都話如果唔夠位出,點解唔叫人讓開呢.
2.該車房老闆話三車的責任問題是否正確呢?
3.同我之前接受佢口頭和解,現時又要告佢,有冇問題呢?
4.告佢方法係怎樣做呢?
請盡快回覆我應怎樣做才是最好.唔該,ths.
現在非常氣憤的Aries
現在非常氣憤的Aries：
氣憤對自已沒好處，還是一步一步做，据理力爭吧！簡單回答：
1)因你是死車，最大責任仍是撞你電單車的那部私家車。
2)不正確。
3)冇問題。因對方已違反承諾。
4)先找「公証行」拍照做公証，還應向負責的交通警投訴，將來對方被判入罪後再循民事索儐。
佳保公証行
|
18/5/2005
|
支持ibike
老編兄：貴網真是做得很好，本人每晚上網的時間都全給你了，連上咸網都無時間上，貴網內容豐富，學術及娛樂一應全。為表我們網友對 鐵騎網誌 的支持，本人有一些提議：
一．送機車貼紙（要有ibike logo 及網址，可代起宣傳之效）
二．送寄存網址給網友（亦是有宣傳之效）
三．聯合各大小車行，提供購物優惠。
四．送掛車旗仔（要有ibike logo 及網址，可代起宣傳之效）
五．送頭盔（要有ibike logo 及網址，可代起宣傳之效）
六．送電單車（要有ibike logo 及網址，可代起宣傳之效）
七．送樓（要有ibike logo 及網址，可代起宣傳之效）
等等．．．．．．．．．．．．．．．．．．．
註：上部真心，下部份講笑！（老編兄請見諒）
et-home
嘩~~老編邊處擔當得起，搞到兄台你連上咸網時間都冇...一陣搞到性趣流失或性取向扭曲咁咪大件事？咸網係每一個成年健康正常o既男人都會公開或私底下參觀一下o既網站。唔好唔上。
送野...唔係唔想送，問題係資源有限，另外係發放渠道有限，所以要再研究一下先得。
|
18/5/2005
|
回應 Joe ngkhjoe@yahoo.com 買SYM Megalo 125
我想首先sym, 偉士兩車產地唔同, 價錢當然差一大截啦, 另外二手成交量也差很遠, 所以
'04'的放盤, 只要$9800, 也不無可能. 而et-8是玩款的, 我想你的考慮應加入會否只是操車用, 如果操車後會轉大cc的話我諗Megalo 125已夠了, 因為當你操車後, et-8都未必放到處$10000, 咁, 倒不如買架04的Megalo 125, 直至佢入土為安, 另外年份新d, 問題都小d嘛. (如有錯漏, 煩請老編出手, :) )
小羊
|
18/5/2005
|
觀塘鴻圖道抄牌
各位車位小心觀塘鴻圖道與巧明街交街差人抄牌
亞七
|
18/5/2005
|
SYM Megalo 125
本人是一名準學神, 準備在考牌後買一部新的sym megalo 125.有以下問題, 不知可否在這裡請教一下.
1.我覺得它的尾呔尺寸好像小了點, 可以改闊一點(1cm/2cm)嗎? 改了會否好一點?
2.最近有一部04'的放盤, 只要$9800, 是否太便宜呢? 如果04'也這樣便宜,
出新車好像太傻了吧... 還是這款車一點問題呢? 但車主們的報告都一致好評呀.
3.最後, 除了這款之外, 還有什麼好選擇呢? 因為偉士牌都很貴啊,性能差不多的et-8 都要貴萬多元...Thanks a lot !
Joe ngkhjoe@yahoo.com
原廠設計的輪胎呎吋是考慮全面因素而決定。私下加粗輪胎不會是好事，較耗油也會影響操控。二手車的車價不能一概而論，因為每部舊車的狀態也不盡相同。類似的台灣選擇還有大鯊王。
|
| |
|
|
|
 |
|
