|
|
|
FAQ常見問題 |
|
|
15/5/2005
|
Re: 想買車的人
150綿羊上屯公？唔係唔得，有危險lor，車細又無力，貨櫃都快過晒你所提及的車，唔止你辛苦，部車仲辛苦。講真，如要選的話，最小都250街車，我現在都日日用250街車行緊屯公，安份守紀都叫做ok，如要爬頭快、pickup快，650或750先叫做隨心所欲，150綿羊留返市區內駕駛啦，你係咪棍波牌？如果唔係就見議用400綿羊走，good！
騎士
|
15/5/2005
|
一些問題
您好：老編，我想請問。經常有一些車禍(車撞車，車撞人，什至自炒)，撞人者，如是走了佬的PK，警方是如何找那條PK出來？香港這麼多車，警方都可以在1日之內找到。
WONG Ho Ying
如果有目擊証人記到車牌咪可以刮到條車主出來羅。
|
15/5/2005
|
天氣熱喇
天氣點熱都好, 點都要著夠保護裝備, 千祈咪貪方便咪貪蕭灑, 出幾多汗都可以沖涼嘛 ;-)
車友
|
15/5/2005
|
傳票幾耐會收到？
先謝過老鬼先生！事緣我大約上月月尾因違反交通條例，警察話會告我，依家要等法庭傳票來安排上法庭。我想問有沒有方法可以知道傳票寄了沒有？因小弟家住舊區，害怕傳票會寄失。不想因小失大。謝謝幫忙。無言感激。
機車小伙子
傳票應該係以掛號信形式寄出。如果你收唔到傳票，係唔使上庭的。所以有人搬屋避傳票就係咁解。
|
15/5/2005
|
老編先生你好！本人想請你比少少意見，我想買部ｍａｊｅｓｔｙ２５０，但唔知係咪市場需求大好難找到呢部車（因想買大約＄１８０００以下的價錢），最近見到有車行標二萬蚊，９９／９９ＤＸ２５０，當然好新淨，另一間就有部０１／０１＄２７５００，兩者算唔算貴，其實我較為想買舊款，因比人偷過車，所以唔想買太貴，另外ＤＸ和其他版本ｍａｊｅｓｔｙ有何不同？敬請賜教！
苦腦的人
DX應該係頭碟尾鼓版，代步冇問題。貴唔貴好難講，要睇車先知。舊款Majesty 250需求唔算太大，因為最平唔係佢。
|
15/5/2005
|
續高轉疾油冇力
有關magic車友在13/05/05的問題，請問修理中缸，遮鈴，曲軸，哇佬腳等零件約多少$？手術後能精神番嗎？一般車房應付得來嗎？
Guru
視乎情況平均五、六千蚊。有做開真正維修的車房當然應付得來。
|
15/5/2005
|
博士生醉駕撞死電單車騎士後不顧而去
各位好﹗今日睇新聞發現有一單交通意外想係度同大家分享一下。
報導述一中大醫學科學博士生兼聖約輸救傷隊隊員醉酒駕駛 + 撞車 + 不顧而去引致該名電單車私機死亡。
當我看過這新聞後，再一次證明如何極小心出車，如何循規蹈矩駕車都會有機會發生交通意外。只不過係睇下你出車果日運氣好唔好 + 能否被開果D不小心駕駛的盲丙私機同安全及道路意識夠唔夠。
好似今次意外咁，我只可以估計這個博士生出事後因為太驚而不幫傷者急救+報警咁就走左，好彩警察最後都可以捉番這個自私不付責任的所為博士生。
政府一早警告不要酒後駕駛家啦﹗你自已仲意酒後開車然後炒車死仲要比人笑你白痴同低死的話咁就自已炒死佢咪害人啦﹗而家除左害左人，仲害左人地的家人，仲要不顧而去，往係一個博士生WOW同聖約輸救傷隊隊員WOW。做得救傷隊隊員，見到有人受傷的時候當然要盡能力幫助傷者啦，而家撞到人，人地受左傷，唔幫人仲要走左去............越想越嬲同登果電單車私機唔低﹗﹗﹗
依照運輸處提供，酒後駕駛的刑罰為
初犯－記10分；或可能會喪失駕駛資格(吊銷執照時間的長短將由法庭決定)
再犯－吊鎖駕駛者執照(2年或以上)
及 嚴重者最高罰款為$25,000和監禁3年
我個人應為刑罰過輕，冇咩作用。其實可否建議刑罰重d，好似﹕一經證實就永久吊鎖駕駛者執照，如引致他人受傷或死亡的話，咁就要賠償傷者或死者的所有損失 + 罰款十萬元(罰款存在交通意外基金，作日後幫助受害者) + 社會服務令 + 監禁20年或以上，仲要吊鎖其專業人仕的身分(如有的話)。
不過話時話，除左好多4個或以上轆的私機在轉線時唔打燈外，我都見到好多電單車私機都唔打燈，唔該各位私機大佬、小姐，開車時循規蹈矩D，如果唔係有咩事時後悔，仲要害左人地就唔好啦﹗
細細粒學神BEEP
「分享」呢個字眼有d問題。
|
15/5/2005
|
1).Honda Freeway 2).APEX150又如可 3).TGB150又如可 4).TREX150又如可
以上的羊仔行屯門公路會否太飄，又大慨幾多錢一KM 。無有D兄弟姐妹可以為本人解疑難。
想買車的人
|
15/5/2005
|
silverwing 車主請幫手 - 有怪嘰嘰聲
請問其他抯此羊的大佬，你地架車有冇試過慢車收油溜前去燈位差不多停定果時有好多嘰嘰聲呢？d嘰嘰聲等到架車慢到入左空波就消失...聽落好似風擋傳出.....未入空波之前比小小油又冇左....係咪皮帶有事呢！同埋有冇試過放開手小小架車會向右邊傾呢？如果雙手打橫水平伸出就冇事，但微微離開把手便傾右啦...車速越慢便越傾得快！係咪正常既呢？車主報告內也有好多車主話此羊多怪聲..係咪又係咁呢? 因本人架Silverwing 03制造車只行左5000km.....如正常我便不用返代理比320元 check車！ 唔該大家幫幫手 謝謝 :p
抯羊仔
|
15/5/2005
|
退休
我已正式退出老電行列, 原因係未來老婆激烈反對(因準備結婚), 雖然老電係我人生中佔有好重o既位置, 我亦非常鍾意駕老電o既感覺, 諗o左好耐醒悟到老婆先係同你一生一世o既人, 真係唔想佢每日都為我而擔心, 就當係俾個保障老婆啦, 我亦係o度請教過、麻煩過老鬼、老編同各車友好多問題, 係度多謝哂各位o既幫忙, 最後祝大家駕駛平安, 生活愉快!!
退休人仕
後會有期！
|
15/5/2005
|
綿羊皮帶牙
我見我部AN400條皮帶外圈同內圈都有帶牙!
但係見其他車又無嘅? 可以解釋下嗎?
羊仔
設計上的問題.
|
15/5/2005
|
指揮燈閃動頻率
老鬼師傅你好~!小弟今天發現愛駒的指揮燈閃動頻率突然變快, 於是嘗試開著指揮燈行走一段距離. 經過大約兩個燈位的距離後,它閃動頻率又變回正常. 請問是甚麼問題? 本人的愛駒為CB400SS 謝謝.
Starkey
要檢查前後指揮燈線,和燈膽,最後檢查指揮燈閃制.
|
15/5/2005
|
續前問....
我都係諗住買X8,但最重要係D車友話偉士車電器多問題,係唔係架?
係有多唔多補品可以整靚整好D架車呢???
仲有會唔會比日本或台灣車既零件貴呀????
再三多謝.....
VFR800 chuen630@mail.hongkong.com
零件貴唔貴好難講,但肯定唔會間間都有零件換.
|
15/5/2005
|
CBR919 問題
您好, 想問問我部CBR 919 近期發覺1盤的溫度同其他3個盤的溫度不同, 我是在着車後用手摸頭蕉時發覺, 明顯1盤的溫度係比其他3個盤低好多, 但係摟落去部車完全正常, 當行完車熄車後, 1盤又比其他3個盤快降溫, 點解呢?? 同會有乜影響呢??...
要知道是否正常,只要看看4支火咀有否分別可.再量度中缸壓縮比,火咀cap等.
|
15/5/2005
|
火咀線
請問如果RUNNER4沖用雙芯的火咀線，會唔會有咩不良呢？倒如：大食....點火不良....等等....普通單芯和雙芯又有何分別呢？謝謝~
RUNNERRUNNER
導電性能會強左,沒有不良反應.
|
15/5/2005
|
士撻反應慢
老編你好, 最近凍車撻車時, 士撻好像慢了半拍才有反應, 熱車就反應好好, 不知道會是什麼問題呢?
杰
可以檢查start摩打炭精.
|
15/5/2005
|
成日撻唔着?
你好老編，本人剛取P牌，買了架3手Honda Rebel 250(00年出廠及登記)，試車時大致冇問題。但當試完車及交易後，本人獨自駕駛回家途中(10 mins後)，架車過了燈位幾米後，架車慢慢拋下拋下，然後死火! 之後本人撻極都撻唔着架車(此車是用電撻)，好彩有好心人幫手，他替我用手推翻着架車，才避過一劫(當時有很多車在路面-培正道)！他說我車的spare cord未tune翻正，加上本人按得太多次電撻，所以D電被扯乾哂！架車推翻着後，他叫我走多一兩個鐘長途，架車就自動會充翻電! 但我沒照他吩附，只用了15min就駕駛了回家。回家泊好了(媳匙了)，再試吓撻唔撻得着，但點撻都唔着，我沒有理他。隔一晚後，我試吓再撻車，但又係點撻都唔着，真惨，搞到要自己推車落斜路(真係大汗叠細汗嗰隻)才撻翻着呢! Ha Ha...仲未完，當我揸了大約1 hour 後，我發覺架車好鬼熱，於是停一會比它休息吓(當時巳入空檔-N)，幾分鐘後想踩翻一波開車(此時未比油)，點知一踩到一波架車即刻死火！又係點撻都唔着，唉！為有息匙，然後再開翻睇吓車頭燈及左右嬁有光(check吓有冇電)，仲有喎！但何解又撻唔着車呢？真係頭痕，點解呢？如果次次推車先開到車咪好唔得掂？不過今次唔推都唔得囉！老編，今次你真的要幫吓我，如果唔係我日日飲力保健都保唔翻！係度多謝哂李健學院阿Kent，多謝哂！
Ray007 rockymany@yahoo.com.hk
有兩個可能，一係你部車的電壓唔夠，一係電池打柴。既然係買二手車，電池狀況唔肯定的話，可以用電錶度下，熄匙後電壓應有12V，著車怠轉應有12.8V以上，扭油時電壓會去到14V以上但唔應該超過18V。
如果你唔趕住用車的話，可以拆舊電出來俾車行代叉，叉飽後都有同樣問題的話，便換新電。換完新電都係咁，便可能係架車差唔到電，發電機，整流都要檢查。
|
15/5/2005
|
想問問 ??
小弟的150綿羊仔係鈴木在大陸製造的,新車買入已7個月,近來有D問題 :
1/ 凍車箸車行駛後,當慢駛時俾油,車頭會急"chop"幾下,但較高速和行番順後又無事,老編知是咩事和嚴重嗎 ?
2/ 用車時車頭大燈無端端會焛幾下跟住又正常番,何解呢 ?
THANK YOU....唔好意思阻老編你寶貴時間
JASON
可能係凍車俾太啖油消化唔切？頭燈閃？即係冇開燈但突然自己閃幾下？唔通你粒燈掣接觸不良？
|
15/5/2005
|
電池充電.
行車中,是會一路充電架?我每次抯車都是返工或放工15-20分鐘,是否會充電不足?
ray
除左時間值外，也要睇番引擎轉數，太斯文的話也會影響充電狀況。如果日日用車著15-20分鐘，完全冇問題。
|
15/5/2005
|
re : 續前問..x8 200
我係x8的車友
我開o左8個月都完全沒有問題，電器都沒有問題，
原廠配件係貴o左少少，ok啦~~
Francky
|
15/5/2005
|
買車一問xjr400
老編大人.
1.請問對YAMAHA xjr400此車有何以意?
2.引擎係油冷定水泠.聽朋友說是油冷的.如果是油冷.會唔會好似溫度過高而導至''琳計''
1)睇價錢，同年份價錢便宜過CB400SF20-30%便可以考慮。
2)係油冷，但唔需要擔心，反而水冷車先要多野擔心。
|
15/5/2005
|
一些問題
您好：現時有沒有電單車車廠有著，日產的VCR引擎和Saab SVC引擎。可變壓縮比引擎，師範圍是14:1至8:1
WONG Ho Ying
電單車暫時未有可變壓縮比的設定。
|
15/5/2005
|
架車大食？
我楂Magna250返工，車程係由屯門去火炭，會由屯門公路到城隧再入沙田上火炭∼
我聽人講話平均$0.4一公里，以為會好平。但楂左一個星期，發覺其實油錢都好甘，因為我平均隔一日就入一次油，每次$85左右。即係話$85只能來回屯門沙田兩次！即係話每程$20！敢問老編以我架車同埋我的車程，咁樣算唔算大食？如是，何解？有咩改善方法？
多謝老編抽空回答！
Vinnie Petrucci vinnie_petrucci@yahoo.com.hk
咁如果搭的士，每程又會係咩價錢呢？
|
15/5/2005
|
Re:巡航燈
想問下咩叫做巡航燈？係唔係巡航車先至有？謝謝。
Al
在開細燈的狀態時，左右指揮燈一齊著便叫巡航燈，唔關係唔係巡航車事。
|
15/5/2005
|
Re:續前問..x8 200
X 8 200 用嚟代步冇問題，要快就唔好考慮喇！整體嚟講係一部好車。
論電器日本車一樣有好多問題，睇你點保養唧！
X8車主
|
14/5/2005
|
續前問..x8 200
我都係會買X8-200,問題係好多車友話偉士車電器問題多,係唔係呢??仲有會唔會比日本及台灣車既配件小及貴呢??如果唔係原廠配件又有無其他選擇...謝謝...
VFR800 cchuen630@mail.hongkong.com
Piaggio的零件唔係最平，亦唔係最貴。小問題方面，X8-200的車主報告點講呢？
|
14/5/2005
|
x11
Laser/Mircon邊度伐理???我都知道自己好煩,唔好意思,最後一次....
man
可以試問土瓜灣九龍城道cycleworks二輪車.....佢地有隻喉Erion Racing，係專做Honda車死氣喉。呢隻喉好似係供應俾美國Honda鬥AMA B Team o既專用喉？
|
14/5/2005
|
好片共享 => 真正人車合一的境界
唔睇你走寶,我諗學到佢一半都可以出來擺擋.
http://hipaper.hinet.net/member/images/show/03240641111.wmv
一部車高性能的車再配合一位高技術的駕駛者操控.
小騎士B12
Moto GP 上海站果位Ducati狂人....
|
14/5/2005
|
有邊隻街車
可以唔用尾箱擺一 full & 一 half helmet ?(250 or 400cc) thanks so much
jeff
所有街車都可以，車尾左側有頭盔鎖家o麻~~再唔係揭開座位底，兩邊會有頭盔勾俾你勾頭盔架~~ (真係有就唔使咁答你)
|
14/5/2005
|
巡航燈
有人話, 長開車頭兩盞之巡航燈是不合法的,是嗎????
是。
|
14/5/2005
|
改錶板問題?
請問本田 Jade250 可否改用 CBR250RR 的錶板轉數錶呢?如果唔得..是否要改其他零件才可呢?希望老編可告知...thx..
man
應該唔得，兩者引擎特性不同，紅區及最高轉數都會唔同。Aftermarket有速度及轉數錶賣，街車好易話為姐。
|
14/5/2005
|
臘一問?
請問臘膏是不是粗臘,架車幾年無打過臘,先用臘膏後用臘水都是暗.
ray
粗蠟呈杰撻撻的膏狀。如果車漆本身質素差，點卒都冇用。
|
14/5/2005
|
CAT CHOPPER
http://www.cat.com/cda/layout?m=73180&x=7
335
|
14/5/2005
|
x11
唔好話小弟煩,你講$8000貴,甘有咩喉係平d???大約幾多錢???條鋼喉係唔係只可以換一截,因為有聯動???手泵16mm同19mm有咩唔同???唔該晒....
man
搵下Laser/Mircon喉睇下有冇貨同埋平d？鋼喉換頭迫力便可，手泵直徑越大，制動力度越大。
|
13/5/2005
|
太古地鐵站A1出口對開個斑馬線安全島上見到黃腳立做野~
五月十三號(星期五)...<<--黑色果隻~
今日於太古地鐵站A1出口對開個斑馬線安全島上見到黃腳立做野~
我仲見到黃腳立先生於同一部車車中發出今日內第二張0既牛肉乾~ <<--因為工作需要我會路經常路經此地~
大家如果放車響太古附近就小心啦~
小爬雞七號 siu_chi@hkonline.com
|
13/5/2005
|
停車場位置提供 !!
老編,各車友 你好 !!小弟對泊車地點有D提議 但係唔知可唔可到行.......??
相信大多車友都唔介意比一個幾十$$放架車係時租停車場-->總好過食張牛肉乾!! 但係依家想知道各區有時租電單車停車場資料又好難搵!!! 雖然話就話威信有,但係佢又唔係個個車場都提供!! 又有冇其他公司或車場提供時租車位呢?
所以小弟想問老編可唔可以建立一個泊車資料 停車場地點&資料可由各車友提供 方便各車友查閱 ... 小小意見 多多見諒!!
請賜教 謝謝 ^v^
對政府車位死心 nice_alto@yahoo.com.hk
第一，你所提議的事情一向有做緊，但反應一般。請檢索【老鬼信箱】以往留言。
第二，電單車收費泊車服務，並唔係你想像中咁多人肯俾錢享用。
第三，【常用資料】中有收費停車場的相關資料。
|
13/5/2005
|
跑車一問
我想問fairing "萬一" 炒車，係咪真係甘過其他車架？
Alan
唔係。炒車視乎當時速度和四周環境，看看你遇上什麼障礙物而定。所以係賽車場上炒車比較安全。
|
13/5/2005
|
x11
小弟想問換左kit喉大約會貴多少錢一km,甘大cc好驚....淨係條尾折喉$8000算唔算貴???(蠍子)換手泵定換鋼喉會有明顯改進???唔該
man
哦原來淨係一對silencer？咁就真係少少貴....淨係換尾截，可以唔使re-map份腦，油費只會輕微上升。想改善制動力度，一定係換手泵最有效。但換得手泵，冇可能唔換埋鋼喉。好似你入理髮店咁樣，唔通會齋剪唔洗頭咩？
你放心換野啦，如果換晒d野後，都係覺得都係唔係太鐘意的話，記得call老編平平地幫你哽左佢。X11引擎取自黑鳥，帳面馬力140ps，正常咁用根本用唔晒。老豆玩厭部車，傳俾個仔玩都重得。
|
13/5/2005
|
開spare cord
正常超四，行到幾多公里要開spare cord ．thx thx
peter
每人開車的方法和駕駛路段都唔同，一般應超過180km。正確使用士啤cord的方法，應該係等到架車正cord冇油先至撥去士啤cord。因為如果你一早撥定去士啤cord，你可能會唔記得左冇油而冇去到油站，到你發覺冇油時便認真麻煩。
當你知道架車差唔多冇乜油，而行車時感到油門反應突然變得呆滯時，便要馬上伸手去撥士啤cord，你會有三十秒左右的時間去做呢下動作，否則當正cord油用晒死火之後，便要等一段時間先可以再撻得著部車。練習下先啦！
|
13/5/2005
|
盤頭條焦漏氣
我懷疑盤頭條焦漏氣，有無辦法check it myself ?if 盤頭焦漏氣，engine 會吾會出現怪響？thx ...big brother
KITKIT
你係咪話死氣喉連接引擎的位置？如果冇撞過，好少會有呢個情形.....你撕張廁紙條隊埋去咪知道有冇漏氣o羅，如果死氣喉有會漏氣的話，死氣聲應該會大聲同埋刺耳左。
|
13/5/2005
|
moto gp
你好,看見你們首頁報導最勁果幾個世界冠軍車手後,有些問題希望貴網指教:請問wgp和moto gp有何分別,它們所用車種之排氣量又分哪幾個級別呢?另外街車(如老編的Bandit1200)許多也有過1000cc的級別,為何rc211v這些最快車種都只得1000cc呢?謝謝!
求知者
有關WGP和Motogp的分別，請翻看iBike專題網站「www.ibike.hk/motogp」中【motogp】的歷史小簡介。兩者只是頂級賽事不同，125和250仍然保留。所有賽事的排氣量和重量都有嚴格限制，用意是在盡量公平的原則下，讓各車廠在指定範圍內各自努力。
極速的高低，排氣量只是其中一個影響因素。最主要是看引擎先天性設計是否適合超高轉使用。其次是看波箱齒輪比。所以某些五前速1200cc街車的極速，可能還不及六前速的600cc跑車高。而Motogp賽車的速度比市販跑車馬力高出幾班的原因，是因為它們犧牲了耐用，還有不惜工本，每一臺引擎都被調較至最盡，有需要的話可以每跑一場便拆散副偈re-build。市販車講求穩定耐用，如果要你每日開完車後都要搵一crew人服侍你架車，搵鬼買！
|
13/5/2005
|
想問下部車漏2t如果唔理佢會唔會好大問題?同埋有乜原因會咁?
廢成
你意思係咪2t油壺漏油？二衝車引擎潤滑靠2T油混和電油一起燃燒，如果2T油漏晒，同時副引擎就冇左潤滑，會過熱拿遮積死，破財之外更會產生危險。漏油原因通常都係「年紀大，機器壞」呢個鐵一般但又一字咁淺的理由。
|
13/5/2005
|
請問：為什麼我找不到KYMCO Xciting 500的試車報告了??
是的，我每天最愛看的就是i Bike有介紹KYMCO Xciting 500的試車報告。為什麼今天找不到了呢??我好想要再看看Xciting 500的試車報告啊~~~~~~~~~
南勢角
阿哥，唔該你睇番menu，【靚車檔案】內有Kymco的file嘛~~你唔話想話俾老編聽從來冇click過上面d掣呀？iBike咁多料，點可能係面頁放得晒呢？真係俾你吹漲.......
|
13/5/2005
|
續高轉疾油冇力
我部係CBR250
magic~
咁細cc又高齡o既「跑車」，俾人催殘左咁多年，副偈扭散左一d都唔出奇。俾車房跟跟，佢地會同你檢查中缸，遮鈴，曲軸，哇佬腳等零件是否打柴。
|
13/5/2005
|
打（立）
老編你好!我想好下打（立）用（立）膏定用（立）水好呢？兩者其實有乜分別？
Jessica
打蠟？越杰的蠟越要用力，不過去漬和打磨的作用較強。越稀的蠟，用作拋光和一般去污之用。如果好耐冇打過臘，可以先用粗蠟打磨，跟住先用臘水進一步拋光。
|
12/5/2005
|
頭燈問題~
我部tgb f409 2個頭燈都燒左,我想換左佢但係我唔知係幾w??我想換白光燈會唔會有問題呢?
最好用番原廠w數,15/25w,用白燈驚佢唔夠力推.
|
12/5/2005
|
有關偉士X8 200
本人正準備買入偉士X8 200作為代步車之用,雖然本身有多年駕駛電單車之經驗,但並無駕駛綿羊仔之經驗,亦未曾買入過,故對機件及其電器都不大認識.
本人會於買入初步日行約30公里左右,大約兩個月後只行6至8公里左右,因本人向其他車友查問,多講偉士車電器好易有問題,故請教請教,同時本人原本想買大鷹200,不過見偉士只貴一萬,又係名車,因本人覺得偉士由軍車做到民用車,到現在仍有偉士車於街上行,一定有其過人之處...故請教兩車那部好....
VFR800 chuen630@mail.hongkong.com
X8外型和功能都較吸引，老編會揀X8，試唸下成套波棍都可以隊入去座位下，認真過癮！
|
12/5/2005
|
頭fort 油多少一問
hello,老編大人,我最近換頭fort油,原來應換上90,但不小心換成120,頭fort變得很硬,前面反彈得很強,請問有無危險呢?謝謝
David
頭fork過硬，會減低重量轉移的幅度，令頭輪制動效率下降，也較容易鎖轆。在彎中頭fork過硬也會彈下彈下，影響操控。
|
12/5/2005
|
x11
小弟部車想換條kit喉玩,但問過最平都要$8000(尾喉),唔知有冇好介紹???
man
四出一再出二，成梳換算平.....
|
12/5/2005
|
高轉疾油冇力
到6千轉已開始發出雜音,轉數再上仍是冇力,由其上斜更為明顯,2個月內已更換偈油,4枝火咀,風隔,電油隔,亦曾經在化油器底部的縲絲位度放電油衝出水份和其他沉殿物,但仍沒有改善,請幫忙解答,THX
magic~ magic1977@netvigator.com
基本問題：你部係咩車？
|
| |
|
|
|
 |
