|
|
|
FAQ常見問題 |
|
|
12/5/2005
|
影相一問
老編兄,本人十分欣賞貴綱所影的相片,可否告知是用甚麼器材影＆枝鏡頭幾多mm呢？？
維京人
感謝維京人的鼓勵，但其實我們拍的照片水準很不穩定，色溫和曝光的調校也未能得心應手。
大D機用Nikon，細D機用Canon。所有鏡頭都係Nikon，六支鏡頭中最常用的是AFS 80-200mm 2.8。
|
12/5/2005
|
尋人？！
老編大人,點解"小千學車日記"無o西聲氣？？？我係佢忠實fans呀！
小千迷
小千一早已考獲車牌，不過冇買車咁解姐.....
|
12/5/2005
|
保養問題
剛買左部二手ET-8羊仔, 部車行左3000公里, 上手車主過戶前已經換左偈油, 我對機車一d知識都無, 但覺得整體部車無咩唔妥, 只係尾BRAKE唔係好應, 唔知使唔使去車房大CHECK一下呢?
不過我所指o既大CHECK, 連我自已都唔知要CHECK咩野, 到底車房會幫我CHECK咩野呢?車房一般收費會幾多? 大約需時幾耐呢? 部車使唔使放低係車房過夜呢?仲有, 何謂風格,油格? 行左3000公里是否需要換呢d東東?
ET8
如果你部車真係行左三千公里咁少，重真係剛剛換完偈油的話，應該冇乜野可以搞。
你部車係咪好似新車咁新淨？條胎係咪好新淨？行得三千公里咁少，出車最多只有數個月。如果唔係，唔好盡信。
重有，車主賣車會換埋偈油俾你？如果呢位車主係老編個仔，肯定要打pat pat，點會做d咁蝕底o既野架？
俾車房check車時，同番佢講所有情況，師傅會視乎情況進行不同程度的檢查。一般肉眼檢查三分鐘做完，如果你同時光顧其他服務，有可能會收唔收錢。例如換下油格風格火咀偈油迫力皮等等輕巧野。如果師傅覺得情況有可疑，便會出動工具拆開機器檢查，咁就可能要收番一兩百蚊茶錢。
有關機車保養和結構，可參閱【知識技術】文章，和在FAQ中找參考書看。
|
12/5/2005
|
小綿羊轉跑車
老編呀，小女子剛剛甩P，過去一年抯ET8，現在想換fairing，心水車係RS125、CBR250RR或RVF400，其實小女子剛甩P適唔適合抯fairing呢？
最理想會係CBR150R。因為係四衝新車，呎吋適中，價錢唔貴。
|
12/5/2005
|
多謝各位阿姐阿哥意見
依家老公仲日日駕老電返公,尋晚放公已經十二點,仲趕住去個新識車友度試車....我惟有等一矩返來先休息,其實我已經無心亦無力再糾纏依樣野,大十年又如何,唔係之前位阿姐所講可以遷就個女仔,而係剛剛相反......嫁一個大自己十年我男人去期望得到遷就,只係女人一個美麗的誤會!我老公仲意電單車的程度已經去到戀物癖同不顧一切!可能已經去到攪本電單車雜誌或者是開店賣車的程度啦......
我知,每人都有自己愛好,大家係應該互相尊重,矩多野玩先開心,之但係我好想有人陪,係唔係可以約返d舊情人出來滿足下自己,令自己開心d呢?甘就公平啦,你玩你的,我玩我的!甘就大家都滿足,皆大歡喜啦!依個係我暫時想到最好的解決方法.
美麗少婦
老編開始懷疑太太你反對丈夫駕駛電單車是擔心他的安全，還是怪他沒有時間陪你？如果太太你真的擔心丈夫安危，那怎可能還有心情培育「婚外情人」？如果丈夫只是沉迷電單車，而太太你卻以「不忠」的行動來報復，選擇報復的方法會否有點離題奇怪？
老編不禁懷疑，「丈夫沉迷電單車」是否只一個籍口？即使丈夫不再駕駛電單車，但以後可能還有「丈夫沉迷工作」「丈夫回家只看電視」等等理由而再次發出「不忠」預警？
當然你想怎樣做，第三者沒有權干涉。但希望太太你明白，有d野只能想，不能做。有d野只能做，不能講。而太太你提到的事情，也請你不要再在這裡發表。除了開始離題之外，也偏離家庭倫常道德。太太您的留言將來不會再被刊登。
其他車友儘管有千言萬語萬般感概過來經驗等等諸如此類也請不要再在這裡發表意見。
|
12/5/2005
|
http://tinypic.com/xdd3t
E部野開(踩)出街會唔會比呀sir 捉ga? XD (笑)
DTWO
可能會俾警察勁睥又吹你唔漲果隻.....
|
12/5/2005
|
被人偷去籃色125cc TGB 303
老編千個唔好意思..借少少位作個失車啟事
本人5月11日於油麻地碧街地鐵站外車位被偷去籃色TGB 303 車牌JW7954
裝有白色大尾箱(送PIZZA嗰種)黑色頭沙板有明顯修補過 因此車已極殘舊(五年車)相信被偷去玩或拆件居多 大哥如玩夠拆夠 敬請高抬貴手掉到路邊當眼處..
各車友網友如有發視 煩請通知一聲 TEL:91347580 華 小弟感激不盡
華
唔使唔好意思，來信經已同步上載在【失竊報告】中。
|
12/5/2005
|
整流一問?
我架車是XV250,整流在04年12月新換,前幾日撻唔著車,今日推著車，抯走修理,車房話要換整流.請問點解個整流半年就打柴,車房又換左超白光頭膽，話唔用超白光會好的,請問點解??
黑仔
電子零件的壽命好難講，又唔知你上手果舊整流係原廠定係雜廠。
你意思係話車房同你拆走左個白光燈膽，還原番一個原庄燈膽落去係咪？咁要睇番白光燈膽的耗電量是否和原庄燈擔的耗電量是否一樣而定，如果增加電氣負荷，當然唔好。
|
12/5/2005
|
霧燈一問
話說法例規定唔可以裝其他燈，咁裝霧燈又係唔係犯法呢？
Newman
在車輛登記時，原庄車規格通過驗車過程的便可以。自己後期加一樣唔得。舉例：四驅越野車通常會在車頂和車頭加裝兩排霧燈和射燈，在馬路上行車，全部唔開就冇事。
|
12/5/2005
|
Re: 買車一問
多謝老編和呀寶的意見﹗我會考慮一下。其實..........小女是指我自已，老編大老，我只不過係一個廿幾歲的女仔，咪講到我好老咁呀﹗
p.s. 我的重量唔到100磅。 :)
當我成功考牌後，會在這裏和大家分享一下的.......... hei hei
細細粒學神Beep
稱謂自己應該係「小女子」，「小女」係指自己個女。
既然你唔係auntie，咁老編就精神好多o勒，歡迎和大家分享兩個轆的喜與樂。
|
11/5/2005
|
LED燈
我想問如果我莊左d燈係個車既外殼
晚上行車,會唔會比人告,有冇話唔比莊咩色燈
會。除左原庄燈應有的顏色之外(頭燈白色，指揮燈黃色，煞車燈紅色)，改變原有顏色或增加其他燈，都會被人捉。
|
11/5/2005
|
Re: 買車一問
講番哥兩部車,我認為刀125會比另一部細羊好, 起碼個wheel大D行車都安全D啦。不個與其買刀125, 不如買部GN250好過.......呢部就真係可以有排抯la...
寶
|
11/5/2005
|
re: 著拖鞋楂車會唔會比人抄牌?
首先不要講法例，其實應從安全性考慮為首，莫講話穿拖鞋，就算短衭都不應考慮；２.６始終係人包鐵，安全裝備不可缺，意外始終係意外，你唔係神算。最起碼都要穿得能保護到重要部位，如果你怕熱、想貪方便，不如連頭盔都唔戴去抯車！或者最好連車都不要抯。
祝大家能：開開心心抯車去、平平安安歸家來！
公路巡警
呢類問題老編一般都會留俾其他車友補充，各位果然沒有令老編失望！多謝晒！
問呢條問果位仁兄，應該檢討一下對生命的價值觀。
|
11/5/2005
|
re: 著拖鞋楂車會唔會比人抄牌????
私家車著拖鞋楂車係冇問題,但如果發生意外,就可以因為你著拖鞋而告你不小心駕駛.
而至於電單車就一定唔得啦!!
k
|
11/5/2005
|
LED燈仔
車底裝燈仔好唔好呀,$250連裝工和開關平唔平呀.THANKS
車底裝燈，日頭睇唔到，夜晚俾人捉，裝來做乜？
|
11/5/2005
|
re: 著拖鞋楂車會唔會比人抄牌????
re: 著拖鞋楂車會唔會比人抄牌????
如果想著涼鞋有對靚腳睇吓，咁就著番對鞋啦，
如果唔係，磨薑就大獲啦!!!!!
Francky
|
11/5/2005
|
RE著拖鞋楂車會唔會比人抄牌????
法例好似大約咁寫
要著一對包藏整隻腳既鞋兼要穩固,
但...就算可以著拖鞋,我都唔會著
|
11/5/2005
|
買車一問
各位好﹗小女現在還在學車中，正計劃考牌後用2萬左右蚊買部125-150cc的電單車，只求代步，不求快車，現看中以下兩部車﹕
1. Honda @ stream 125cc HKD13,800.- (綿羊)
2. Suzuki GF125U 125cc HKD16,800.- (街車)
路程由將軍澳至沙田, 會走西頁經西沙再經馬安山多(因不用付隧道費)。打算除P後都不會換車仲有機會雙騎(假日郊遊, 單騎約100lb, 雙騎約250lb)，所以心水是買部150cc的街車，但又好似冇咩街車有150cc... :(
聽朋友說，Honda 車耐用+細食，Suzuki大食，所以佢極力遊說我買Honda車，唔知各位有冇咩意見或者其他車介紹呢？仲有，唔知我所說的兩部車是否合適新牌走西沙路？
細細粒學神BEEP
「小女」？你個女學車？你好呀auntie!
單騎100lb，雙騎250lb，即係auntie你成150lb重呀？乘客重過司機咁多，對操控唔係咁好喎，不如auntie你都學埋電單車喇，咁咪唔使要架125揹兩個人咁慘o羅？
未發生的事，唔好咁快落定論。甚麼「不求快車」「甩P後都唔換車」之類的說話，等你個女真係考到牌買左車，親身感受在一年之後再講都未遲。
你講果兩部車都係中國製造，都係單缸125，都係海軍鬥水兵。只不過一部係綿羊，一部係街車。如果你個女考棍波牌，當然應該出街車，熟練一下轉波技巧。
|
11/5/2005
|
re: 著拖鞋楂車會唔會比人抄牌????
著拖鞋楂車會唔會比人抄牌就唔肯定, 您大可以試下, 不過著底衫褲開車就一定冇人話您, 用下個八月十五喇, 您個腦丫.....
抯車人
|
11/5/2005
|
關於UE150問題:
老編你好~我想問02年o既 UE150偈油係入幾多升呢?因為車身又冇寫,支偈油針又冇刻度,仲有呢架車有冇偈油隔架?有又o係邊度?唔該哂~
billy仔
正路都係入0.9-1公升之間。其他問題可以問鈴木科研。
|
11/5/2005
|
著拖鞋楂車會唔會比人抄牌????
我記得私家車係唔可以的..但唔知電單車可唔可以呢?
|
11/5/2005
|
x11
想問吓1波轉2波有好大聲<卡>,點解會甘,有冇問題......重想問甘大cc可唔可以唔用離合器轉波?要係幾多轉開始,紅區係10000.唔該....
man
可以試下一波唔好扭咁高轉數先轉波。轉波唔用雜合器的方法只是把握縮油的一剎間同時轉波。
|
10/5/2005
|
當雪藏牌遇上PS250....
請老編解答~THX~03年中考左個電單車牌, 再到04年頭補中1,2牌, 到宜家都係渣過一次26, 之後都係渣46,不過見到架PS250又心郁郁, 唔知自己適唔適合渣呢?? 同埋呢架車多唔多老鼠郁手呢??
平日車程：將軍澳至上環(有1-2KM左右上落山路)身形：180LB左右單騎多
死皮
PS250唔難用，你咁大隻又單騎，又有路面經驗，實舞得佢掂。偷車呢樣鬼好難講，冇車咁寫包單一定唔會被人偷。
|
10/5/2005
|
B12輪胎推介
石橋020會是不錯的選擇,路面感覺良好,乾濕也表現平均,價錢適中
緣望的金三角
|
10/5/2005
|
鐵將x防盜問題
我想裝個鐵將x防盜, 但我住成34樓, 有無用(佢有d話係500米)? 同邊隻款係最新?
大力仔
三十四樓？咪要穿牆過壁六十八次？500米一般係講直線距離。
|
10/5/2005
|
大鷹200
大鷹的加速表現不太明顯,上高速還可以,但難免會俾人推;雙騎直路約百一,斜路頂多八十!!油費約五亳一公里!!
喪丸
|
10/5/2005
|
尾箱
有咩尾箱係可以莊到落去tgb到??
代理好運車行特登設計過一隻尾箱俾佢，不妨問下。
|
10/5/2005
|
大鷹200
請問, 大鷹200 好唔好駕駛, 雙人間唔中出下吐路港有冇問題呢? 二手OK?
一般可以行幾多公里架車先夠期換呢? THANKS!
請參閱車主報告。
|
10/5/2005
|
我想考電單車
各位你好,本人想考電單車牌可否教我應該點做le??可唔可以教我考電單車牌個流程呀??
唔該各位
elvin fei_long_22@yahoo.com.hk
冇乜流程可言。政府規定左一定先通過強制考試，才可獨自出街練習。荃灣駕駛學院有提供電單車強制課程，學牌和路票佢地會同你搞，揀好上堂時間，買定裝備，準備開展人生新一頁喇~~
強制試合格後，你可以選擇留在原校升讀路試課程，或者去鏗鏘或貴記租車出街練習。
|
10/5/2005
|
好貴呀!~2
其實又唔係咁講話唔合理既~試想下宜家買部93 big one渣幾年後放出去分分鐘仲抵玩過其它車蝕一定唔多∼93車都仲值万七万八幾年後放車可能放返咁上下價出返去咁就蝕少當
賺啦~~其實宜家用車最好用400cc架啦價＄又平零件又足又易渣要玩快Ｄ上到600cc但600cc個同400又好似有斷距離咁所以我覺Ｄ車保值得有個道理既.....不過本田Ｄ車又真係冇乜好彈.........比佢吹賬~
evolve
|
10/5/2005
|
雨水入油缸
老編先生你好,小弟是新手一名, 有次下雨到油站入油時, 不小心把油缸蓋表面上的雨水倒進油缸內, 請問會否引致嚴重問題, 又應該如何處理? 謝謝
vtr250
交俾車房搞，佢會在化油器底部的縲絲位度放電油衝出水份和其他沉殿物。
|
10/5/2005
|
Ｂａｎｄｉｔ１２○○尾呔一問
老編大人，請問你的Ｂ仔頭及尾呔打幾多磅呔氣，我多數雙騎，２４○磅左右，打多少磅才好？我現在尾呔用緊米仔１○○Ｘ，用了４個月現己起角、１８○尾呔實在太昂貴啦！我打開４○磅。
小榮 冇
老編單騎頭尾都係36psi，你雙騎尾胎好似要打42psi。四個月起角係因為你跑highway跑直路較多的關係所至，冇辦法。
|
10/5/2005
|
SV650S 係V2 扭力為 6.3kg-m/7400rpm; Brandit 650S 係直4 扭力為 6.09kg-m/4000rpm
為什麽V2最大扭力輸出的轉數會高於直4? V2 特點是否低轉時扭力強？ 兩架車老編會選擇邊架？ 謝謝！
V2引擎先天優點便是低扭比直四引擎來得快，不過老編較喜愛直四偈，因為引擎震盪較細。
|
10/5/2005
|
madison S200 fuel gauge
dear editor,my bike is supposed to have 12L fuel tank. when the fuel gauge deflect to nearly zero and fill in, only ~8L can be filled.i'd like to know whether it's normal, or any potential problem?thanks
dm
you still have gas in the reserve tank, and the fuel gauge is playing quite safe to remind you never running out of gas.
|
10/5/2005
|
re: 美麗少婦
一人讓一步啦,打風落雨咪唔好抯囉,等老婆少一點擔心.而做老婆既應該給予老公一點信心,一咪又生又死,如你老公一路抯一路諗你講既說話,仲危險十倍啊
做得夫妻,對方實有令自己欣賞既地方架啦,有咩唔岩講到岩.人地老公,呢排天氣唔好,咪唔好抯囉,吊癮咪落去著下車俾下油聽聽引擎聲囉.
|
9/5/2005
|
zrx 400呤呔問題
ibike各位師父好.我想問98年zrx400尾轆用18吋呤d軚就難買少少同款少.想換17吋呤,但係會唔對行車有影响!
健
座位會低左，份頭座番低少少會好d。
|
9/5/2005
|
Re: 美麗少婦
男人最怕比人哦同管，都肯娶你為妻,梗係愛你啦！我都係女人，明白到你一心想個老公安全，叫佢吾好揸電單車，點知佢吾令情，重發哂癲！！之但係，你亦都要明白，吾係你認為嘅嘢,人哋就一定要做到嘛！你自己細果嗰時，亞媽叫你做嘅嘢，你都吾係做足啦，係咪？！佢大你十幾年，平時梗係好多嘢都讓你，比你，所以一下子有嘢吾依你，你就覺得佢吾愛你，今次你挑戰緊佢唯一可以控制到嘅嘢，佢梗係發癲啦！自己諗諗有無過咗火。
你自已識吾識揸車？你有無坐過你老公手車？點解你認為揸電單車係危險嘅事？我有46牌，亦有26牌，兩種車我都成日揸，危吾危險，好大程度係在乎司机嘅駕駛態度及經驗而吾係揸乜嘢車！三言兩語，好難去改變你嘅思想。去問多啲有二種車牌嘅朋友，聽下人哋嘅意見先啦！
singsing
睇你d廣東字就真係睇到有少少din...
|
9/5/2005
|
好貴呀!
細佬最近發現街上多o左好多P牌既超4及上一個年代既大包圍如pgm3,4 cbr4250,400等等,可能多p仔出所以令到該類車既二手價都處於好唔合理既水平，依家買同一個年份既車竟然仲貴過2年前買......
老編講得o岩，價錢係由市場供求決定，不過我都不得不佩服本田，d車用o左十幾年都咁爽，其他廠果d一早劏o左la!
數碼港CBR
|
9/5/2005
|
尾牙
hi~我想問下將尾牙由42換做45咁多左3個齒會唔會對架車有Ｄ乜影響呢？咁頭牙洗唔洗換?因為我在網上買了個鐵45尾牙但網上賣的頭牙不是鐵是鋁合金咁樣可唔可以共用？
浩
有機會影響速道錶,要看錶鍊在頭牙定頭轆,大三齒尾牙起步會快d雙對會短氣左,即係好快要轉波.牙可以共用但損壞速度不同.
|
9/5/2005
|
點先知道皮帶幾時到期要換? 多謝大家的幫忙!
叻
每款車都有原廠指示而又不同,你款係乜車呢!
|
9/5/2005
|
GILERA Runner 200 VXR起唔到步,好似o先極力子o今!!
GILERA Runner 200 VXR起唔到步,好似o先極力子o今!!
起步比油時聽到個尾有ｏ靴ｏ靴聲，但起唔到步，ｏ靴一兩秒先起到!!!
換ｏ左起動組件都係一樣，
之後換ｏ左尾牙箱三個ｏ比吟，起步正常返!,不過行了一個月後ｏ右出現返同樣問題，
我朋友部Runner 200 新車行了１０ｋ到同樣出現這個問題，之後部車賣ｏ左
這是不是Runner 200 的通病??
如果整返要幾錢到？？去邊到整好??想一次整好!!!
thx
wai ngxxm@hotmail.com
有機會係極力子同極力子鐘打滑!
|
9/5/2005
|
化油器
請問老鬼師傅大人.
假設一架普通綿羊仔單氣缸,行一個普通機械式化油器,架車要出現咩毛病,就必須要清洗化油器呢?
可唔可以講三四個常出現例子,等大家知道有咩先兆後,可以盡早去比師傅睇睇架車. 唔該晒.
志 nwsman999@yahoo.com.hk
多數是油缸生銹或入水引致窒油,經常死火,slow不穩定等等..
|
9/5/2005
|
點樣莊螺絲燈??
我想問螺絲LED燈係點莊,我買左反黎,但係唔知係邊到
入電源,我做想莊多幾粒,咁樣做會唔會攪到好快冇電?
問題少年
12v,一絛電,一條地便可,除非你裝到成架都係否則沒有問題!
|
9/5/2005
|
想學車...
老編呀，小妹想學電單車呀，但我唔識踩單車的，有影響嗎？我唔識踩單車既話會唔會學綿羊易D呀？
小佔
唔識騎單車會困難d，因為你同時要學習平衡和學習車輛操作，而其他同學只需學習車輛操作。你的學習進度會慢過其他人好多。既然學單車唔駛錢，不如先學識騎單車先。
|
9/5/2005
|
Re:想換車
甘我又想知道 150新車好,定係二手250 好? 老編係會點選?
小鷹
力水唔關新舊事，250永遠都會大力過150。舊車要睇產地，日本製造會比較耐用。
老編只能指出客觀事實的片斷，整幅圖畫要你自己去重組。
|
9/5/2005
|
cbr600rr 歐規日規分辨比較
小弟是新手，最近想買一部二手車看了許久，終於決定是HONDA CBR600RR 2004年款，後來發現市面上有歐規日規的分別，小弟只隱約知道歐規的馬力比較大，卻無法分辨歐日規車，小弟想買歐規的，想請問一下老編，是否能夠明顯的分辨歐日規的車種
coolkuby starkubymail@yahoo.com.tw
可以請上手車主出示燦基行貨的車主卡，也可以向燦基查詢車輛維修紀錄。
|
9/5/2005
|
想換車
老編大人好,我而定用o既係150羊,已經楂左年幾,睇中左部Grand Dink250,升級此車有冇問題?睇左呢個信箱好似好多小問題,而亦睇左車主報告d車主好似話都ok,請老編大人幫忙
謝謝
ho
250一定好過150。買全新車一定好過買舊車。
你又不妨估下點解老編要講呢d廢話？
|
9/5/2005
|
換車問題
老編你好本人正想換車希望老編給意見
1-suzuki SV650和BANDIT650S那一部好
2-那一部維修和耗油比較平
3-本人用車主要返工和假期車間中行吐路港，多謝老編
雄仔
以前Bandit 600就唔夠SV650威，家下B650唔失禮呀，用額外增加的排氣量，追番V2引擎的低扭，到高轉時直四偈又著數過V2偈...耗油邊部平？應該相差無幾，跑吐露港650好丫...建議買Bandit 650S。
|
9/5/2005
|
To: 少婦
算鬼數啦妳,妳老公考個牌妳估好容易o架?要過五關斬六將先考到o架,妳估佢真係咁好彩符符碌碌拎個牌咩,我唔知妳識佢時佢有冇電單車,如果有,咁妳都要負責任囉,佢有妳都仲要嫁俾佢,即係妳愛佢,包容佢啦,如果佢係"成親"之後先去考,咁妳有冇盡能力唔俾佢考先?
況且佢唔係去滾又唔係去飛,咪由得佢囉,識得返屋企就得啦,係,冇錯,做老婆又點會唔擔心?四個轆o既意外率其實仲高過兩過轆囉,唔好講四過轆,妳睇日本火車咁多過轆應該好安全o架啦,點知都發生意外,問題係自己有冇安全意識同埋自唔自律囉,妳老公咁大個人識諗o架喇.始終呢D係妳家事,我o地唔應該理,不過見妳走上o黎呢度講,呢度又係兩個轆o既地方,緊係自己友幫自己友o架啦,妳老公好難做o架,仲有妳都識得叫妳老公唔好開電單車,唔想佢冇命,妳又有冇諗過自己又話要生,又話要死都係好唔成熟o既呢?
P.S. 人o地老公,你睇到之後,自己都要好好諗清楚,妳老婆講o既o野始終都o岩,陪妳一世,照顧妳一世o既係你老婆,唔係架車囉,你要幸福快樂定係極速快樂就睇你自己點做喇.
祝家和萬事興
夫妻和順會主席
|
9/5/2005
|
洗吸問題
老編/老鬼先生,感謝你們每次都為我解決難題~ 小弟愛駒是02年Hornet 250.至今大概已經駕駛一年半, 想請問怎樣決定須要洗吸與否?而近排亦發覺由一波轉二波好像不太暢順和比平時聲音較大, 已調較過Wire,但未有明顯改善,是否須要更換波箱油? 最後,我想請問我是否須要更換水箱水,Brake油和fork油?
Alff
如果油門反應、怠轉和加速都表現正常的話，無需要洗化油器。Hornet 250冇波箱油，只有偈油。你上次換偈油係幾時？水箱水兩年換一次便可。Brake油宜檢查存量是否足夠和顏色是否渾俗？Fork油通常一年換一次，以維持最佳避震狀態。
|
| |
|
|
|
 |
