|
|
|
FAQ常見問題 |
|
|
9/5/2005
|
小路入大路
今日去左一間公路旁的油站入油,入完油出返公路,正常等慢線冇車入返公路,咁我望哂條慢線得一架私家車,等佢過左我就開車入返慢線,點知突然俾架拖頭呠我~我望真D原黎架拖頭係打緊左燈由中線切入黎,好彩走得切避得過架拖頭,如果唔係就大鑊啦...........
由呢件事我發覺,原黎小路入返公路,除左要睇慢線有冇車外,都要留意中線有冇車切入~
但我又有個疑問啦,乜唔係通常呢d位前後五十米都會有雙白線響中慢線間架咩?如果唔係點保障小路切入的車輛?
Vinnie Petrucci
車輛匯合處唔一定會有實線阻止車輛切線。呢件事亦教曉你出大路唔係淨係望慢線有冇車咁笨實。
|
9/5/2005
|
re: 美麗少婦
其實有好多野都係注定既~電單車係危險~~但係每樣野都會有危險性既啦~其實兩個人相處好簡單!你就下佢時~佢就下你咪得囉~使咩要生要死呀~~如果真係頂唔順咪分開下囉~等大家都冇咁嬲既時候,再慢慢傾!!好多野都唔急得既~!希望你可以諗得通啦~唔係樣樣野用迫都可以解決到既~>.<
R妹^0^
|
9/5/2005
|
性感電單車
http://tinypic.com/504ajc
Vinnie Petrucci vinnie_petrucci@yahoo.com.hk
|
8/5/2005
|
Re:架車成日撻唔著
老編大人：小弟雖然係新牌仔，但都會check好架車個死火車係冇著到先著車啦！我仲山埋頭燈先著車，以防頭燈扯哂D電走，著唔到車！
我講既應該係在正常情況下著車，但都係好難撻得著佢，其實架車如果今日楂完，第二日會好容易著到車，但如果今日楂完放響度一個星期架車就好難撻甚至撻唔著，我想知點解姐.......
新牌Magna vinnie_petrucci@yahoo.com.hk
電單車日日用的話，係會比較容易著車。一個星期先用一次車，如果電池狀態麻麻地的話，慢慢走電走左一個禮拜，電壓便會稍低於正常而較難著車。
可以試下舊車的撻車技巧，唔好咁貪心唸住佢會一次著到車。試下分三次撻。第一次和第二次撻車的時間維持在一秒以下。用意係俾佢熱下身。第三次撻車的時間可以長至三秒，同時吊少少油門。唔得的話，等一陣俾電池回魂，再用第三次撻車的手法撻，每次按電撻的時間唔好過五秒。當感覺到引擎發動後，馬上放開電撻，同時俾多少少油等佢唔好死火。現在的氣溫係唔需要用風choke，但如果一定要開風choke先可以著到車的話，便要俾車房檢查機件狀況。
|
8/5/2005
|
電池一問
我架大錦羊用了整整兩年,冇事冇幹,行得走得,個電池要不要更換呢?我睇你個網話要年半至兩年要換,如果而家換,會唔會浪費呢?因為要成400元,比起我私家車的電更貴?網上賣180元一個電池,會唔會係冒牌貨?
honda
冇事的話唔使換。老編現在用緊的電池大大話話都用左三年。只要經常用車，養成熄車馬上熄燈的習慣，整流有問題馬上換的話，正廠的MF電池可以用好耐。
不過咁，MF電池臨死前可以係冇徵兆，話死就死o既。平時留意撻車聲是否正常，頭燈光暗變化大唔大，都可以評估到電池的狀態。
180蚊一個電池？......應該係國產電池。質素視乎閣下運氣，用平野，梗要搏下架啦。
|
8/5/2005
|
Re: 美麗少婦
如果「美麗少婦」的留言是惡作劇，大家一笑置之吧！如果「美麗少婦」的留言是真的，那就算電單車的事情解決了，未來他們相處一定會出現更多的問題，祝美麗少婦好運，珍惜眼前人！
jf
|
8/5/2005
|
突然死火
本人的forza type Z 只出車一個多月, 剛剛檢查完車, 一切正常,但係頭先我開車後,停在燈位前,停左一陳, 佢自己死火, 著車後又無事,請問係咩事,駛唔駛整,請賜教
新仔一問
偶一為之唔係問題，可能係車頭未warm up好所至。
多口問句，你部Forza係最新款果隻呀可？因為有部份舊款Forza有一個「idle stop」的多餘裝置，當啟動呢個裝置後，部車停低一陣間唔開的話會自動死火o既。
|
8/5/2005
|
回應家書...
小弟現時單身，但年前也因女友反對而賣掉陪伴小弟多年，出生入死o既CBR...我覺得電單車對好多人來講係好重要但一定比不上老婆及家人;小弟平生最睇唔起果d打女人o既男人，如果我知道邊個騎士打女人我一定見一架界一架!
香港仔大R
電單車唔使用到「出生入死」咁誇呀~~咁樣家人有乜辦法唔乍形？
|
8/5/2005
|
new comer
hi 呀.想問問honda 的magna/steed/shadow/Rebel好d呢?(如果係250 - 400cc)日本返新車係唔係會好過港出的2手呢?
new comer
日本翻新車和香港二手車，一樣都係二手車。不過車行買翻新車回來後會執一執先賣。比起私人轉讓，車行翻新車會享有售後保養服務，不過價錢會貴過私讓車。新手玩巡航車可以揀250級，例如Magna 250都幾靚仔。
|
8/5/2005
|
買車要注意D咩?
你好老編，本人剛考到牌，睇中架二手 99/02(製造/登記)Honda Rebel 250。就快去試,請問有咩要留意? 本人很担心因為自己電單車知識很薄弱而俾人呃，但又冇朋友幫我試，請問點好？如真的自己去睇，要謹慎留走意什麽？請指教，謝謝哂！
Ray007 rockymany@yahoo.com.hk
有關買車前的檢查事項，可重溫【知識技術】的相關文章。
當一切ok時，便要對文件，對車主姓名，對機器和車架編號，
出門口前，在【常用資料】中列印【私人轉讓協議書】兩份，
把你們交易的一切資料，都一式兩份寫在協議書當中以作交易細節的憑證。
|
8/5/2005
|
回家書少婦
睇完哂你post, 你老公真係唔岩, 攪成咁都係佢錯..............因為佢一早應該揀個鐘意電單車既女人!!
600車友
有見地....
|
8/5/2005
|
家書-
小姐你條仔渣咩車出去玩就唔好係呢個網狂講你老公渣咩車同叫佢唔好渣好似張呢你既事公開出來(做男人梗係唔鐘意la)有咩事自己同佢講你講唔到既就同佢屋企人代你同佢講.
提外話-你唔比佢做既野佢實會做出來(我見好多人係咁包括我在內):>
pgmthree
|
8/5/2005
|
回家書靚婦人
To 悲情少婦,
我都係女人,但我就唔會好似你咁做,你咁做同要迫死佢或迫死自已有乜分別?你倆都係成年人,有乜事應平心靜氣坐低傾下,而唔係呱呱嘈或者夾硬"送"走你伴侶既野,你試諗下如果你老公夾硬"送"走你d靚衫靚鞋化粧品,你會點??
我bf以前冇抯電單車,佢同我講佢想去學,我讚成佢去學,亦預左佢會有牌後買車,反而佢老爸老媽全家反對,我就同佢講lee d係佢興趣,只要小心抯就ok,想做就做米老左後悔!佢家陣都係P牌,我未坐過電單車車尾,佢就算甩P我都未必敢坐佢車尾~好多朋友都問點解我比佢去學,我既答案係"倆人相處 貴乎尊重",好多人會下下用"遷就"對方來相處,如果大家試下用"尊重"對方來相處就更好,因為"互相尊重"較"遷就"來得冇咁大被壓迫感!
你倆既成夫婦,應好好學習好何相處才能白頭偕老^.^
Jackies smilejac@sinagirl.com
|
8/5/2005
|
撻唔著車
我楂Magna250,由於考牌前已買車,但又因為落雨俾人delay左三次,所以架車已放左響度兩個月,所以先前架車都壞過一次,我即刻搵人換過火咀,電池同洗化油器,同埋之後一個星期搵人楂佢一次長途
我上個星期終於考到個牌,但噙日想楂的時候唔知點解又撻唔著,我只係放左架車響度四日,唔明點解咁快會撻唔著,我撻佢的時候,佢會出現撻車的聲,但就點都唔著車,我試過自己推車,佢「bobobobo..」咁行左兩步又死火......關唔關偈油事?唔該哂大家!!
Vinnie Petrucci vinnie_petrucci@yahoo.com.hk
首先睇一樣野：引擎死火制係咪在off的位置。
|
8/5/2005
|
折舊率
電單車的折舊率是怎計?
明
香港市場未成熟，冇統一折舊率，價錢以市場供求狀況的決定為主。
|
8/5/2005
|
cb400sf 換太一問
老編你好,本人現騎cb400sf-big one版,現時用更的尾太是140...可否轉用160嗎?
多謝回覆
超四
不可以，因轆軨唔夠粗。
|
8/5/2005
|
et8 換火咀
各位et8車友: 你o他換火咀係唔係在sit位下面o個個小小的窗口位(一粒鏍絲o個個)度換o架, 我隻手伸左入去就已經冇晒位, 點換呀!? 各位前輩你o他點換o架? 多謝指教!
Joey
|
8/5/2005
|
價錢一問
點解HONDA Hornet 250會貴過SF-CB400咁多既，想換車都換唔到....有無攪錯...
P
年份新舊唔同？
|
8/5/2005
|
回家書靚婦人
其實老電都唔係妳諗得危險成咁既阿姐
小弟既睇法係, 要黎既, 一樣可從多方面收皮, 電單車九成幾以上既意外, 一兩個星期後個人係百份百無事既(一d傷都無), 有得幾多單會做成永久殘癈或甚至瓜老襯呢
但相返, 巴士, 行人, 小巴, 四個轆又何賞唔會有意外呢, 巴士火車一獲仲好多件添
日日騎老電既人, 有人一個月派兩獲, 有人十幾年都唔派或抄一次(技術好加有安全意識加...)或者妳禁擔心佢, 若信邪咪同佢排排八字，同佢作多ｄ福， 信主既咪祈多d禱羅
若呢ｄ都唔做，可能妳己唔愛他了
Shing
|
8/5/2005
|
RE話自己美麗少婦
哇!查電單車啫, 不用要生要死, 要刀仔吉大脾咁嚴重掛? 我都係查"蕉四", 呢部嘢平靚正, 咁都算玩物喪志, 唔係化?咁玩幾十萬一部hi_fi, 幾百粒一架林寶,又算點呢?
查老電咁少事, 都鬼殺咁嘈, 難怪你愛人都怕咗你啦, 真係落街聽引擎聲都冇咁火滾!
大姐, 你仲大大聲話自己幾靚幾散鏡, 但你條佬都寧願揀部"蕉四"唔理你, 咁你係咪應該檢討吓自己呢? 得個靚字係無乜那用的, 一部外表靚的老電, 如果又無力又食油, 真係你要囉!
嗱!凡事都唔駛去到咁絕架, 你真係搵人人個阿伯抬走你老公兩部老電, 難保佢會照辦煮碗, 搵dhl送你去非洲!搵日主動啲, 話要坐佢車尾去吹風, 包保感情大躍進!
唔駛吓吓係到放晒生死狀咁激的!
brucelee
|
8/5/2005
|
兩夫婦大鬧鐵騎網誌
比人打就當然要報警啦
小姐 你真係有廿幾歲丫? 真係睇唔出...
以死相迫.. 為咩丫..
有野就3口6面講清楚 唔好係度嘈
D 度又唔係家事法庭..
死左 上左頭版 咪只會比人笑
冷靜D啦 細路女
煩
|
8/5/2005
|
RE.:家書4
妳和他拍拖及結婚時是否已知他愛駕駛電單車?在拍拖及結婚時也知他是不定時工作嗎?為何現在又要逼他放棄電單車,還要告御狀.對男人來說,威逼力越大,反抗力越大.再加上妳告御狀及在網上公開妳們問題,使他更反感,所以妳老公才還以顏色.雙方不要硬鬥硬,大家平心靜氣吧.
對電單車又愛又恨的人
|
8/5/2005
|
嘩
家事昵d野，唔使玩到上ibike呀！
好心啦
|
8/5/2005
|
大鷹車底
我架大鷹車底有條小侯....吾知係斷左定原來就係甘....
thx 吾該
小鷹
入油過多的話，會從車底一條膠喉漏出，你睇到果條應該係呢條。
|
8/5/2005
|
家書4.---我以死抗議
ken,我知道你今日又坐super4返工,如果你仲再有一次,你等住係你返工條路收屍啦,你知我言出必行.....好過我同你收屍......
悲情少婦
冷靜....冷靜.....衝動於事無補呀~~
|
8/5/2005
|
兩夫婦大鬧鐵騎網誌
ken打女人的行為是不對的，請做好男人應做的本份，你同愛人結婚不是要照顧她一生一世，愛護、無論生老病死、順景逆景等等這些例行的句子....
講單小故事你聽，從前，曾經有一個生前打劫過億的大盜，在死前說過一句：[能安靜地坐在一張凳上，是多麼的幸福！] ken你有否坐底靜靜地想，你又有否明白當中意思....請珍惜眼前一齊。
而做人女人(ken老婆)就亂來，嘈到上來鐵騎網誌，你不是早就知道老公愛電單車？本來你好直得幫，不過又要鬥氣，走去酒店燒錢，又告枕頭狀。你應該要做好女人的本份，直到最後一刻，這樣才可得人珍惜及後悔.....
剛剛離婚的大男人
|
8/5/2005
|
交通部意外調查員對VFR800P的駕駛報告
本人為交通部一名意外調查員,雖不是長時間駕駛VFR800P,但自從警察部分配左比我地用之後,我大部份出外查案都係用佢.
第一佢車新引擎同機件都正到不得了.令到駕駛者到彎路及濕地仍然極有信心「訓」,而且馬力方向明顯比750好好多...加速快起步強....唯一係慢車時震左小小無750咁定...而且又有ABS.....講開ABS真係有好有唔好...濕地放心收車,但煞掣明顯比750差...要用多好多距離,而750慢車又定煞車只要你控制得好,絕對比ABS系統好....講住咁多先...大家有興趣我先再講......
多謝晒，不如填份車主報告啦...
|
8/5/2005
|
RE:有問題關於炒車報告---迴旋處CB400SF遇盲H女司機
本人鴐46/26過回旋處的習慣如下(假設要第一個口出):
1. 如果開始時在右線/中線而左線有車一齊等出時，盡快用內線加速打燈cut左出；
2. 如果開始時在右線/中線而左線有車但佢先我後(唔需要等出)，打定燈(等其他人知我會在呢個口出)，無論大車細車都會先觀察keep住距離，隨時收油等佢過先(假如佢見我唔到仲繼續趬下個出口而我又要在呢個口出)；
不過真係有d司機係唔會望鏡同無擰頭，但駕26時更加要主動留意，入回旋處，又洗乜開咁快？如果你當時個速度慢d/天雨路滑(唔信你會片入去)，我敢寫包單--->無事。
總之小心駛得萬年"馬"。
|
8/5/2005
|
RE:有問題關於炒車報告---迴旋處CB400SF遇盲H女司機
你的講法無錯,個女司機在迴旋處行第一線,無錯係應該在第一個出口駛離迴旋處.
(但你要記住[係應該]並非必需)佢無駛離並不代表佢有錯.佢無駛離迴旋處.
而你行第二線想駛離迴旋處而切線入第一線.係你佔用他人行車線.其實迴旋處
內行車同大直路行車無分別,當你切線引至意外.責任應該在你身上.
sau
|
7/5/2005
|
VFR800P 好型
如果有車友係做鐵騎阿sir而又騎緊呢部形野，可否分享一下呢部車的試騎感受(Long- term test)，因為係街見到都好多人望，好高收視。
喜歡大馬的人
|
7/5/2005
|
唔該各方君子幫忙
請大家幫幫忙,如果有一個三十多歲,五尺六七,個樣好似叮噹裡面個大雄,個樣唔差唔好,帶眼鏡,外表好似好斯文的中國籍男人向你部電單車問價,你千歧唔好覆電或者俾部車我老公試,希望依度主持唔好覆可疑查詢,就當係幫下小女子啦!無限感激......
仲有我想問如果叫人人搬屋抬走一部superfour,一部大鷹要幾多錢,又有冇呢樣服務呢?
我老公仲係唔認衰,相反仲要我認錯,我一定要送走兩部衰野......
長情少婦
|
7/5/2005
|
re 請老編評理
there are to many bubbish bike repair shop in the market.i has too many bad experience. Now i would like to go to the chun kee(honda) to check or repair.
Moreover honda is the best in motorcycle, also the service.not expensive,give me confident. i like scooter, i like honda... ...
kwan
|
7/5/2005
|
RE:有問題關於炒車報告---迴旋處CB400SF遇盲H女司機
人地有責任咁又點呢??人地最多咪幾年唔駕車，你比佢撞到，命都冇呀！電單車唔同私家車呀，唔係你岩就冇事架，人地明亂Cut你線，你咬佢呀，最多咪不小心駕駛，但係自已就大件事，非死則傷。
文
|
7/5/2005
|
家書2 - 我搬去五星酒店住,但會用你張白金咭,等找數啦,衰人!
我真係傻,以為講左件事比奶奶知,個老公會回心轉意,好可惜知我話俾阿她知,更不斷媽我,更對我奉打腳踢,從未打過我,我好傷心,老公仲話我黑心,利用老人家迫就範,我老公大我成十年又要返份輪班公,我一直覺得大家註定聚少離多,真係好傷心,為左依d甘的所謂"愛好",更對我呼呼喝喝,又唔采我,昨晚更係分房睡,唔通我真係做錯?想人關心自己都錯?仲話我d錯誤的愛情觀阻住玩電單車,我地剛剛新婚,已經如此......我得二十幾歲,又有事業又好樣,都攪成甘,我真系覺得 "電單車"害人不淺......老公又係熱底,玩完電單車返來,更加係燥火,燥火就會媽人,對人粗聲粗氣.....好似另一個人!仲要求我道歉,成日話我想控制人,真係有精神病......
我日日返工又要讀書進修,又要做家務,做慣大小姐真係從來冇甘辛苦......所以事都係我付出,自己就成日上電單車網同玩車,我係邊個?我覺得已經心灰意冷,唔想再俾機會,我真係好想趁侯生搵個令一件呀,就算情夫都無所謂!
ken,我要你知道幸福唔係必然,你好好反省自己的錯!我搬去五星酒店住,但會用你張白金咭,等找數啦,衰人!
被打少婦
兩公婆床頭打交床尾和....唔o岩講到o岩姐....
|
7/5/2005
|
泊完排骨位,左面油缸小小凹左,但左面的車己走左,無得追
話說1/5晚9:00到泊車在佐敦大華後面排骨位,己要泊出格外啦(個位係格外)
左面伸有兩架車已經格外啦,泊我左面係一架藍色超四有尾箱(架車唔係原裝藍色係淺色d,所以記得)
當我耍樂完,囉車見到車油缸花左,但只係d''立''穢(好彩之前多手打多左幾層''立''),之後用布抹左無乜事,再CHEAK 一CHEAK其他住 ,'(太黑睇唔清)都唔多覺有事走人,返到停車場光d先發覺油缸有小小凹左
這真係無仇報 >..<!!!!!想追究都無門!!!!!!!!!!點解d人d位咁闊都可以咁,弄花別人車又不顧而去....唉！！
點解d人d位咁闊都可以咁,弄花別人車又不顧而去....唉！！都唔知係我駕大車錯還是hk D 位真係唔夠的錯!!
駕大車無乜必要都係唔泊排骨位,同得閒打多幾層立,真係有利而無害
MIC 99/CBR600F4
|
7/5/2005
|
咪數錶
請問咪數錶係咪可以換走 / 調校 ?成本係唔係好大 ? (因為仲有d萬幾咪0係市場上)
如果整爛左係咪換過新由 0 開始 ?謝
錶咪
所有問題的答案都是"yes"
|
7/5/2005
|
RE:有問題關於炒車報告---迴旋處CB400SF遇盲H女司機
老兄，莫以為私家車錯o西，呢單野你自己亦有責任，若你在路面有危機感的話，根本就唔會發生此事，出唔到迴旋處，就請行多過圈，珍惜生命，生命無take two；請反醒。
公路巡警
|
7/5/2005
|
大鷹後座吾舒服
大鷹200後座腳位吾舒服,有冇方法改善?thx
小鷹
好多綿羊後座腳踏位都唔係咁舒服，冇計。
|
7/5/2005
|
死氣喉問題
老編您好，點解一條噪喧巴閉既死氣喉可以加強電單車的性能？其實死氣喉既運作是怎樣的？因為好多間車房都叫我改架電單車呀 ( 我架車用緊原裝喉 )。謝謝！！！
辛仔一鳴
嘈冤巴閉唔等於改善性能。不設滅聲設備或者死氣喉穿左窿一樣會嘈，但唔代表可以改善性能。你部係咩車？原庄喉的設定是兼顧所有駕駛情況和考慮到廢氣和噪音，Kit喉則主要集中照顧引擎在高轉時呼吸是否暢順。
|
7/5/2005
|
有問題關於炒車報告---迴旋處CB400SF遇盲H女司機
其實係咩情況下個女司機要負上責任
為何講到該名女司機好似一定錯硬咁
其實撞左落佢尾門唔係表示人地已經橫越左你一半...
理應有足夠時間俾你作出反應
你出唔到迴旋處就要行多個圈?
我都唔係好明...其實好似兩個人都有責任..為何講到好似個私家車衰硬?
其實係迴旋處有無話點樣撞就係邊一方既錯??
Apse
|
6/5/2005
|
撻車一問
本人想請問老編,棍波車撻唔著車可以入2波推車,2衝既綿羊有腳撻,咁自動波既綿羊撻唔著車可以點做呢?
問題青年
冇腳撻o既自動波車，只有拆電池出來拿去叉電或叫拖車。
|
6/5/2005
|
honda stream125 問題?
請老鬼大哥,指導小弟在香港那一間可改,和大約價錢?
多謝指導.........
dick dick@aoyagihk.com.hk
綿羊改裝店有好多，例如荃灣羚達，土瓜灣綿羊熱點，九龍城翔利，S&S等等不能盡錄....價錢...換喉改珠都應該係幾千蚊之內。
|
6/5/2005
|
火咀線問題
請問如果換左ngk果d kit火咀線係咪轉數會比較會上得快少少呢?同埋換左實制效能有乜唔同呢唔該哂
kit火咀線電阻細d，所以火花會勁d。但要考慮電噪對行車電路會否造成干擾....實際效能係你全車上下內外都改晒，而d錢重未使晒，咁一換冇妨。
|
6/5/2005
|
RE: 電鍍問題
電鍍都分好多種, 有好多唔不同度數,如果你要有效果就要搵隻耐得熱既, 我見好多人將條死氣喉電鍍了幾日, 就耐不到熱變成亞色甚至黑色, 那就真是無穩啦....!!
如果你想電鍍成黑色, 那是叫(鍍落)....
Jefferey
|
6/5/2005
|
RE:九龍塘ive你咪理~
各九龍塘ive你咪理~同學仔令命~~~冇必要都唔好放車係學校門口~~~抄牌呀!!!
警察先生好好心咁同我講~話有人同一日call左幾次話行人路有電單車放左係到要佢地做野!!
同學仔~~你有冇得罪左人呀!!!!!
2005-5-3
pgm3
4號個晚都有來抄，好在我咁o岩病左冇揸車，不過d校工都幾好人，逐個classroom通知。
jony
|
6/5/2005
|
回美麗少婦
我好明白你心情, 之前我女友都因為電單車危險呢樣o野而好擔心我, 有次因為送完女友返家後就落雨, 結果當然要水中駕駛啦, 返到屋企佢就打o黎喊哂口話好擔心我驚我出意外, 咁我就應承佢賣車, 當我去到車行時又唔捨得, 畢竟電單車真係為我帶來好多歡樂, 俾我見識到好多o野, 之後佢都叫我唔好賣, 最後..宜家我都搭車返工假期先渣, 希望係馬路o既時間越少就越少危險啦, 要一個渣開電單車o既人唔渣真係好難架, 希望你o地會搵到一個共識啦
過來人
|
6/5/2005
|
VTR！
您老！小弟剛買VTR,買車時車行換埋金鏈,我攞車楂左兩日,發現每次停車起步,吊住極力子行車行順左跟住放哂極力子時架車就跳一跳,雙騎重明顯,(個症狀好似上鈄入錯波比油架車無力條鏈好跳咁)！車行話條鏈攝得緊,所以跳,但佢同我攝鬆左行車時又係咁？？WHY！我試過積起尾轆轉個尾轆,個頭牙好响,達達聲？係咩事呢！？同架車幾錢一公里呢！VTR入半合成電單車偈油或入全合成私家車偈可以嗎？
鐵騎戰士
如是新鍊就要看看頭尾牙有否損壞,和當坐上車避震受壓後,車鍊會否即時變得過緊.而偈油我只用專比電單車用的.油費應5毫子到,視乎你點用車.
|
6/5/2005
|
極力子一問
我部et8已行了30000km，最返兩三個月凍車起步有很大跳動，會否極力子皮到期呢？唔維修會否影響其他機件？Thx
3G
請檢查全套極力子裝置,包括極力子皮(呤鐘)看看有否打滑情況出現.
|
6/5/2005
|
本人有一部已駕了15000KM的自動羊,最近換了皮帶及補外盤珠,之後自動羊變得沒有力,跟未換前有很大的分別,不知為何會這樣,煩請解答.謝謝.....
德仔上 qirong1012002@yahoo.com.hk
一係換了不同重量的珠,一係裝錯零件.
|
6/5/2005
|
re 請老編評理
I also went that shop before.
1. My CBR250 can't start the engine
2. the shop is the closer to my home
3. they said one or two days to change the battery
4. finally, I got it in 5 days and they said they changed the new transformer and battery - total $15xx.
5. because I was very new and paid it. After talked to friends, too expensive. anyway, forgot it as I was very new and no experience.
My conclusion, tried to ask more friends or ibike before taking to repair in order to reduce the loss. thanks
cbr250
|
| |
|
|
|
 |
|
