|
|
|
FAQ常見問題 |
|
|
26/4/2005
|
re:請老編評理
我都試過呢d事,我個時爛左個豬頭,搵某車行換個新,佢地整車前又話一定幫你整番靚仔...點知囉車時佢攪到我架車成套fairing移晒位...我同佢地理論,佢仲講話個豬頭大陸做係咁架啦...真可惡,整之前又唔見佢咁講,呢d車行唔使旨意我再幫襯...
諗番起呢件事都好憤怒的人
|
25/4/2005
|
死氣喉問題:
本人駕駛Super Four,最近更換了Kit喉(吉川).現請問換了喉之後,有沒有其他機件上的配置{需要配合}和死氣喉要不要run in. Thank you!
benny lam
吉川？係咪台灣喉？成梳換定係換尾截？淨換尾截可以不理。全新死氣喉初時會有燒焦味，但對性能無關。
|
25/4/2005
|
油門問題
老編你好,本人係drive honda@150,想請問油門虛位可否自行調較,如果可以的話,要用乜TOOLING同點做呢?唔該
無知的人
建議俾番車行搞，費時一陣上唔實連油門威都甩埋。
|
25/4/2005
|
cam鏈一問..
hihi...想問cam鏈什麼時間才要換呢..因我部車正在大修,已打散副偈,見條cam鏈都好正常,但部車係93年,行左7萬幾里..車行話條鏈都ok,係有少少鬆,禁換唔換左佢好呢...thx...
榮
橫掂都打散晒，梗係有咩換咩啦，真係貪過癮想再扑散第二次咩....
|
25/4/2005
|
Re:2004 Yamaha Vino 125
I've got one
It's quite pretty but very slow
I should have bought CBR 150
man
|
25/4/2005
|
訂車但係香港冇代理
本人訂了一架 royal enfield, 因為香港代理已經冇做, 我想問吓有冇車行可以代辦驗車出牌等手續?而政府收幾錢首次登寄稅?thanks!
咖啡人
有，搵番有做入翻新車的車行幫忙吧。首次登記稅好似係35%？
|
25/4/2005
|
回應：危險呀!己為人父的車友.
我都見過有人一家３口坐一隻大羊喇！
個老豆係前面，個老母係後面用件大褸包住坐係中間既呀仔＠．＠
１８
|
25/4/2005
|
回應B12偈油問題
車主手冊上寫明用SF~SG級數偈油的,照用就包無問題,而一般香港天氣用15W-40已相當足夠
如經常高轉行車就可考慮用15w-50偈油,用全合成也好,半合成也好,我就用開半合成...每1500英里就換一次偈油和油隔.
絕望的金三角
|
25/4/2005
車友投訴
|
請老編評理
鐵騎編輯部各同事︰
你們好！看了你們的網站己差唔多三年，十分欣賞你們不眠不休為大家報導及解答問題專業精神，希望你們能繼續努力。
講返正題。本人有一位朋友最近把他的四沖溫拿200 拿到某電單車行維修有關停車死火(太詳細的呢度唔講了)的問題。他向該店老板交待清楚，應老板要求，把車匙交低後便走了。
大約十分鐘後，老板致電給我朋友，説車的火咀剛給他們扭斷了，而且其中一部份還跌左入氣缸。由於我朋友工作的地方就在附近，他們馬上去了解情況，當時老板跟他説︰”都唔知係你定我唔好彩，應該係上手換火咀時唔啱牙，並強行扭入去，所以拆火咀時扭斷左”。當時我朋友都好唔高興，但冇計啦，搞到咁想攞返走都唔得啦，再者他見老細冇同佢講過收取支火咀出黎的收費問題，心唸應該佢地應該唔會收佢錢攞返支火咀出黎，所以就把車繼續留在該車房修理。
最後，老板決定要拆偈，如事者，我朋友每天中午及放工都去看看他們的進度，他們一時又話冇鉆口膠要等第二日先去買，一時又話尾擔個”bearing”難左，又話再要等第二日先去買。再唔係又話個水溫感應器有問題，又話再要等去買，如事者共等了九日，終於攞可以攞車，老板收費$2140，我朋友當然同佢理論啦，但係佢又話: ”鄭生，我個師父8舊水一日嫁！我地幫你整左咁多日都應該比返d錢丫！”。後來重話原來唔係火咀唔啱牙，而係因為大耐冇換火咀積實左喎，都唔知信唔信佢好。講左大約半個小時，老板都只肯收齊頭數二千，我朋友最後無耐接受了。
我朋友知道現在己好難追返錢，但他覺得這車房十分不負責任，不心扭斷火咀我朋友可以原諒及理解他。但自己不小心做錯事，點解要將保救的費用轉嫁到車主上？零件費用可由他自己比，話晒都係新，但老板也不應向他收取$1300的人工。再者，基本上老板由頭到尾都冇解釋最初點解會死火，亦冇講過他們做過任何關於這問題的維修，在發票內亦只有拆偈所涉及的人工及零件費用。
該車行真的十分不專業，而且十分不負責任。到底他們有沒有維修過死火這問題？我朋友現在還在試車，還未清楚死火問題是否己解決。但希望老編比一點意見，這車行的做法是正否合理，收費是否合理，並申張正義。亦希望籍此提醒各位車友小心。如老編能抽空幫忙，我的朋友定必十分感激。
Jason
我們會嘗試聯絡該車店了解一下事件再發表意見。
|
25/4/2005
|
2004 Yamaha Vino 125
請問大家對 2004 Yamaha Vino 125 有什麼意見 ?
新牌綿羊女
|
25/4/2005
|
? 3-wheels motorcycle in HK
I would like to know that is there any 3-wheels motorcycle in HK for selling?
Few years ago, I saw a Pizza Co. used these kind motorcycle for transportation.
But now, I can't see it running in the road.Is it too old, so all these kinds of motorcycle condemn?Can I ordered these kinds of motorcycle from Japan? Because I knew that Japen had a lot of these kinds motorcycle.Thanks!
Winifred Leung
以前薄餅店果d三輪綿羊只得50cc，正所謂做鬼都唔靈。如果想買部車係村口附近買下「食送」都ok既，問下專營日本翻新車的車行叫佢地代訂。
|
25/4/2005
|
方法
調教風油比時，洗唔洗好似調教slow車咁，"雀"住部車呢?
羊羊羊
當然要，但建議調較風油比的工作交給車行代勞，費時越搞越衰。
|
25/4/2005
|
胎氣
請問我架車上打住前輪200kPa 2.00kgf/cm2 , 後輪225kPa 2.25kgf/cm2.其實係健議打幾多胎氣?我睇過胎氣換算表都唔多明!本人架車係tzr250
咁你用緊打胎氣果個錶，係用咩單位呢？
|
25/4/2005
|
@stream VS HJ125-T7
本人剛考到p牌,想買架綿羊代步,因預算有限,honda @stream 好定 suziki hj125-t7.
thanks.
Si
以流行程度來說，Stream 125因推出日期較早所以街上較多。老編認為小車係過渡時期，只需要睇款便可。
|
25/4/2005
|
PGM III & IV
我係一個新牌仔, 請問應該選擇PGM III 還是PGM IV呢? 請問兩者有何分別呢? 唔該晒 ^_^
新牌仔 carmanok001@yahoo.com.hk
在老編眼中兩者都係不合時宜的過氣選擇。二衝引擎壽命短，引擎內的重要零件，遮軨和架冷壽命只有萬餘公里，出問題一定要換新零件才可解決問題，但今時今日車價咁低，根本冇人會捨得俾成萬蚊去換新件。如果你係新手，建議遠離二衝跑車。
廿一歲，新牌，二衝跑車，好易上報紙頭條，唔係嚇你。
|
25/4/2005
|
買車問題
hihi~小弟係新手,我計劃緊學電單車同埋賣車,但係發覺好似到處都無乜比新手睇既野 :(
問題: 我想知我應該點揀買乜車好呢? 我心目中係想drive街車,架車最好慳油d
budget我諗一兩萬啦~~最好可以分期..我希望就係加埋哂所有第一次出車要比既錢唔駛三萬啦,咁呢...d車既spec有d乜野係要留意架?同埋有無邊架車可以建議返比我呢~? sorry我真係連點樣問或者問d乜都唔知 -o- 叫我入車行我都唔知點開口...
我見倒有d車一萬多d,有d就成幾萬蚊都有...但係完全唔知佢地分別係邊..又或者唔知可唔可以介紹我搵d乜野睇左先,之後先再搵車?!至於如果performance (?) 個d其他野會令到架車貴好多...我諗可以暫時唔要very high performance,因為而家暫時我只係想用佢返工代步,另一個問題: 沙田去到灣仔...大約要幾錢油架呢~?同埋d隧道費之類~~最後...我想問埋有無d flow chart (最好有埋幾錢) 係關於新仔出車架 ? 我見多數個d flow chart都係話考車要幾錢, 無乜講話出車要幾錢同埋注意d乜..thx!!
鬼仔 dislike@gmail.com
【知識技術】內有新手買車的相關文章。預算費用的問題比較難說，買咩車和修理費都冇一定準則。你的情況唔需要太心急住，一邊學車一邊慢慢睇鐵騎網誌其他各部份的資料，唸到確實問題再問。
三萬蚊預算絕對足夠買台灣或中國製造的小車，連同保險牌費和基本裝備。揀下車款，睇中再問，OK？
|
25/4/2005
|
SDRZ400SM vs XR400motard
請問老編大人，SDRZ400SM比XR400motard價錢平宜一大截，但據貴網的報導SDR400SM表面規格所述之性能比XR400motard為佳，何解？兩者二擇其一老編大人你會選那一部？擴展性那一部較佳？謝謝！！
你係咪講緊Suzuki DR-Z400SM和Honda XR400 Motard？雖然未知XR400 Motard定價，但兩者價應該唔會相差好遠？從帳面上看馬力的確有明顯分別，但始終要試過先有定論。
|
25/4/2005
|
把手問題
我部150cc 羊仔轉彎時個把手好易"了", 之前發生過一次小派, 行直路都係咁, 已經試過打呔氣, 應該唔關呔氣事, 會係咩問題? 派完後覺得把手好似鬆過以前, 只要一邊手用多少少力就會"了了下"!!
小段
似乎係波子盤有問題，俾車房睇下。
|
25/4/2005
|
Re :殘八辦名貴跑車
物華街協和街交界,係交通黑點,成日都有意外
個度短短十幾二十米,但就有三支登,的車往往望左前一支登係綠登就照行!
小心,小心!!
大羊王
|
25/4/2005
|
re:行行下車有問題
會唔會係上下眼鏡bearing爆左呀? 我架單車都試過, 好彩只係單車, 如果唔係炒鑊金.
業
|
25/4/2005
|
b12問題一問
我想問你的Ｂ１２用私家車竭油定电單車竭油，我就用開私家車褐油，但有人話會影響極力子、你話怎樣，我怕會燒極力子•
小榮
你問緊邊個？大頭仔？佢咪講左用汽車全合成偈油o羅？
|
25/4/2005
|
危險呀!己為人父的車友.
近日常常見到有d雙騎,後座唔係靚女,但係都吸引到我望,因為我見到個小朋友,我估小學一年級到啦,見到都牙煙,坐到訓係到,個尾箱浪住個頭仔,如果個老豆訓個靚彎,個仔都唔知飛左去邊...........小心小心.
pizza 仔
|
24/4/2005
|
漏唔知乜油
老編你好, 本人是駕駛CB400 Big One, 連接氣缸後的是化油器嗎 (不是死氣喉那邊)? 其中一個出現漏油的情況. 不知道是什麼油, 很深色的. 因化油器應該冇偈油運行, 而且亦不是車內偈油的顏色, 所以不知道是漏什麼油, 唔知老編知唔知有乜事呢?
CB400
唔敢肯定你指邊部份。如果係引擎砧口漏油，便是偈油。如果是風盒滲油，都會是偈油。如果是化油器，便會是電油。俾師父睇睇。
|
24/4/2005
|
行行下車有問題
我係o岩o岩考到牌，買部新既大鯊而家用左一個月。今日行行下唔知點解架車既把手好似郁唔到咁，轉彎要靠壓低架車先轉到。咁我即係停埋一邊睇下啦，發覺停定同慢車個把手都仲郁到，係有d唔順咁囉，但係快少少個把手又郁唔到，搞到我心慌慌唔知仲繼唔繼續行好，雖然轉彎只係靠壓低架車都冇問題，但係我都驚架車無端端發生咩事？
Wah
胎氣有冇問題？聽落情況幾危險。
|
24/4/2005
|
波子盤同普利珠 係咩來的!
想問下有咩分別?係唔係綿羊先有?
stu
波子盤係轉向把手和車架鵝頸部份連接的啤鈴。普利珠是綿羊的離心式無段自動變速中提供變速作用的重要零件。
|
24/4/2005
|
尋日向車行出左部日本番新車HORNET250.
有D事發生左..我想問 : 我向車行出發時,GA車就無問題,一撻車就去,但當去左一後路,我JEI到去油站時,入完油之後GA車又撻唔著,電撻無反應,撻左好耐都撻唔著,當我按一下電撻,大燈就閃一下.連績幾次都係,再等一陣都係甘無反應..甘我就推埋一面睇啦,開著架車等一陣再撻ENGINE就開始有少少反應,..最後開埋風choke,比少少油甘經過左一陣又開得車,.....
甘係發生咩事呢?....請老總比比意見
Kenny kenny_int_d_h@yahoo.com.hk
好多車都有cut off,就是當撻車時自動給電燈斷電,這是正常,而當熱車後難著車或slow不定時可調較一下化油器,你可返回車行再作跟進.事關有保養不必怕麻煩.
|
24/4/2005
|
re:03年版hornet250
最大分別係座高矮左......,炭韱紋錶板底!性能完全無分別,你唔需要咁介意02定03囉!架車精神咪得囉!
http://groups.msn.com/cclub
|
24/4/2005
|
Ducati為什麼會變成這樣?
傳統的戰線(SBK)，已經失了競爭力，已變成日本4大車廠(本田、川崎、鈴木和Yamaha)的競技場。而新踏入的戰線(MotoGP)，成績更是慘不忍睹，變成了陪跑份子。
WONG Ho Ying
well.....這個嘛~~你要明白以前SBK賽例，直四引擎不能超過750cc的讓賽制度已被取消了嘛...
|
24/4/2005
|
Re: 偈油！
我架車(Suzuki GSF1200S Bandit)一路用汽車全合成偈油 (Mobil1 5W50或0W40)，行左23,000km，冇任何問題，性能良好 (油費都算低，華潤價$0.63/km，唔知同用全合成偈油有冇關係)。
大頭仔
|
24/4/2005
|
偈油
請問綿羊係乾式極力子嗎?我意思能用汽車的偈油嗎? 謝!
oil
綿羊的自動變速機構雖然唔同電單車的乾式極力子，但一樣都係唔會掂到偈油，可以用私家車全合成偈油。
|
24/4/2005
|
鐵騎士頸骨折斷慘死
港島石澳道近爛泥灣昨發生奪命車禍，一名玩具工程師趁周末假日，駕駛電單車往石澳遊車河，途中一輛客貨車由避車處掉頭駛出，電單車收掣不及攔腰撞向客貨車，鐵騎士頭部猛撼客貨車車身，疑因撞力過大，當場頸骨折斷慘死。
>>大好青年咁就冇左條命,大家渣電單車的真係要小心駕駛,生命冇take two.
小心駕駛
|
24/4/2005
|
幾多公里
多謝各位大哥指點，理論上150羊仔應該可以應付有關路段，只要本人小心或其他道路使用者唔係殺人犯就可以。如荷包可以的話，我可能買部 honda freeway250。多謝！多謝！
小明
|
24/4/2005
|
CB400尾避震
我部係96年二手CB400 Big One，最近聽到尾避震出現'吱吱聲'，是否夠期換？或可否自行噴W-40頂住先？（有無人試過咁做）若真係要換，有無o的平平o地推薦？Thx.
莫欺少年窮
如上下(差位)就可巳試落w-40,油壓心就唔好,因會分不清有否漏油情況,如巳漏油就是夠期更換,平有大陸,中價有美國佬,貴d有意大利.
|
24/4/2005
|
波箱一問
架９ｏｃｂｒ２５Ｏ三個月前換過波箱油，一直轉波無セ問題，年份高平時只代步用•一萬轉度上落好少炳住劈，剛換偈油、但ｏｆｆ波難揾左•一二波轉波時冇甘明顯、有時只轉到ｏｆｆ波，甘関波箱油事定頭牙定波牙定極力子事呢？有セ解究牙？老鬼大師
鐵銹新牌
偈油質數和份量有直接影嚮,簡單d可先調較極力子虛位,試試有否改善.
|
24/4/2005
|
ET8無力
本人的et8有2年車齡,行了約18000km,於13000km時換了珠仔皮帶,最近極速只有70km/h,上斜又好無力,有乜辦法?
Jacky mini_tortoise@hotmail.com
咁可能係風格火咀出左問題.
|
24/4/2005
|
我係新牌仔..
我係新仔,煩緊買車問題,聽人講日本車好..但唔知道買邊架..我預2-3萬買架車..請問老編/各車友有咩心水俾小弟呢..綿羊/街車都想玩..綿羊要150 cc以上~~本人對電單車唔熟悉..請大家多多指教@@
19歲的小朋友@@ smartblok341@yahoo.com.hk
預2-3萬買架車..
綿羊....Honda Foresight 250
街車....Suzuki Grass Tracker 250 Big boy...
|
24/4/2005
|
Re : 關注油價大聯盟5.1大遊行
哈 ! 好一句 "養成獨立思考的習慣，自然不易被有心人所惑。 "
老編您真係好心水清 + 有智慧 + 一語中的，抵您個網站搞得咁成功！
|
24/4/2005
|
死火喇
老編你好，本人渣ftr223，呢排架車成日燈位死火，Slow車唔係太穩定，尤其熱車先易死火，會係咩出左問題呢？偈油換左冇耐，又試過交快d slow車........,電池到期會唔會關事？因為呢排盞頭燈都高轉光d，多謝解答！
玄野
slow車唔穩定要睇番化油器和生氣膠，頭燈高轉光左？檢查電壓和整流。
|
24/4/2005
|
尾鼓幾時換
頭蝶有深坑紋要換，尾鼓睇唔到，幾時要更換呀？老編！
換尾皮時師傅會見到。
|
24/4/2005
|
VTR 250
打爆左油江, 行左280公里 就要開後備油先再行到車.其實係咩原因呢?與年份有關嗎?我架係02年製.我成日要行50-80km/h. 點樣行法可以慳d油? 同埋我覺得係唔係夠期要換偈油呢?同架車大食有冇關係? 定係要去車房check下? 公價要幾錢左右? 老編有冇好介紹?
其實冇油之前,偈油燈已成日都著, 一"達"匙就著偈油燈..冇咩油會著偈油燈ga 咩? VTR 成日都冇油量計,果d電子錶要裝既話要幾錢左右,老編有冇咩好牌子介紹? 邊隻好d? 邊度有得整?想全身檢查部車, 要幾錢左右? 可唔可以check到有時有D 怪聲既原因?(因發覺行車時好似有d怪聲"沙沙聲"發出,自己左唔知係邊度發出)候覆, 謝謝! 祝出入平安,年年加人工!!
心急人上 kmk525-a@yahoo.com.hk
冇電油又關偈油燈咩事呢？老編搵唔到你的問題係咩亦搵唔到你篇文的焦點所在。有懷疑，拿架車去燦基維修部等佢地由頭到尾幫你跟一次，教你認識番你部車。
|
24/4/2005
|
倒立前叉??
倒立前叉與一般正前叉的頭FORK 有什麽功能上分別？謝謝！
倒叉剛性較傳統套管前叉高，在極端駕駛狀態時操控較好。
|
24/4/2005
|
ABS系統﹖
請問電單車之ABS系統是甚麼﹐如何運作呢﹖
B仔
ABS是Anti-Lock Braking System，當ABS感應器感覺到輪胎在煞車鎖死輪胎時便會把減弱制動力度讓輪胎重新回復抓地力。
|
24/4/2005
|
re: 幾多公里
我每天都用大鯊行走上水至官塘{經大埔道}來回若八十公里,但我行既路段,無屯門公路,龍祥道咁多彎同斜路.我就兩至三星期換一次油,普通半合成,一舊水四升,私家車用偈油.唔炳,順油行,多保養,八十公里以下速度..半年時間都無咩大問題.但...遲早都要換250以上既車先得,,因為...車唔累,人都虛脫
|
24/4/2005
|
偷車一問
其實爆鎖偷車抯走及用VAN成架搬走的機會率係多少呢？ 30 % :70 % ?
一般車友都不會用撈鎖，又大又重！ 如果用VAN成架搬走的機會率高的話，
似乎落乜鎖都冇用！
叫做盡下人事咁解....
|
24/4/2005
|
re問退牌費
牌費到期日前最少六十天,以運輸處規定既 {每日} 百份比去乘尚餘日數
1314/365=3.6
3.6*日數=尚餘總額
牌費尚餘日子不足六十天不可退回
五個半月若170天
1314/365=3.6
3.6*170=612
無記錯好似咁樣..有錯請各方高人指點指點.
|
24/4/2005
|
老總: 我剛買了一架02年牌簿,但賣者說3年份新款,.因我想加問多關於前者有車主問如何分辨hornet250的年份資料.編號和有那些特質可分辨,.請指教.
有請Hornet 250的愛好者補充...你知老編對車仔冇乜研究.....
咁其實賣家話03年新款又有咩唔同呢？
|
24/4/2005
|
問退牌費
各位車友,退牌費係點計? 續日計番 or 一個一個月 or 一季? 用咩黎做單位? THX
仲有 5個半月 ,thx!!!!!!
Tommy
你部車拿去「當忂」？
|
24/4/2005
|
re: 幾多公里
得就一定得, keep 高波低轉會冇咁快死
有 budget 的話就有大買大, 大車d parts 實"come" d...
Tommy
|
23/4/2005
|
re: 幾多公里
屯門到黃大仙約30公里多少少，用150cc好似唔太好喎，話晒都高速公路，老編金句實施d，有大買大啦~~
Francky
|
23/4/2005
|
轉波有聲
老編你好!
我部踢1係轉五或六波時除左有入波果下聲外間唔中會feel到係入左波放極力子果下有(達)一聲,好似入唔晒波要再入埋咁!我想問架車係咪好大問題定係其他車都有咁ga情況?
唔該晒!
明
唔敢肯定，俾師父試下車先真。
|
| |
|
|
|
 |
