|
|
|
FAQ常見問題 |
|
|
23/4/2005
|
re: 幾多公里
由屯門去黃大仙大約四十前後倒啦.(屯門去九龍塘就三十幾)老編都成日話有大買大好啦...有point架..一來一回就八十公里架喇...d車仔真係叫晒救命..到時成日要整..條數都夠你買架大少少既..起碼唔駛成日拎去搞咁煩嘛..所以我個人就認為250或以上會好d喇...
CBR600FT
|
23/4/2005
|
HORNET 250~~~~~~~~~
你好本人剛剛接觸機車對機車不是很熟識.近日聽到一個很奇怪的故事,話說有一台HORNET250,牌簿寫著02年出廠,02年的白色錶板,各人都認定這台是02年版,但奇怪的事就在這時發生~~~~~~一名看來很像熟識機車的人士走過來說了一句:這台是03年版的~~~~~~?_?
想問下是人們無知真的有02年牌簿03年版車,還是這個看來很像熟識機車的人士在說謊呢?若果我們日後有機會在私人車盤同車行出車的時候遇上這樣的情況我們又應該怎麼辦呢??怎樣區分車輛的版本呢?????請各位大大多多幫忙!!!!!!
小白
02年尾製造，都可以有03年版。一切都要check車架編號和引擎編為準。
|
23/4/2005
|
幾多公里
如果由屯門去黃大仙大慨幾多公里(行屯門公路、汀九橋、龍翔道)，又pgo T-REX150、大鯊王得唔得、定話RUNNER180四衝好。煩代解答。
小明
|
23/4/2005
|
偈油再問
10w-50適合於-15℉至50℉室溫下工作, 50℉ 是華氏，轉換到攝氏只得 10C, 夏天起碼攝氏30幾度，點解呀？謝謝
哈好野喎捉到錯處添，一圖在手勝過千言萬語
|
23/4/2005
|
殘八辦名貴跑車
本人在15/4/05(五)晚上大約23:25分於官塘物華街(周大福對出灯位)停灯等待轉燈便轉入協和街直去往聯合醫院，當灯轉本人開車之際；突然有一輛殘八扮名貴跑車(紅色)GS9175於協和街(街仔舖及麻雀舖對出燈位)衝燈係物華街前橫過(完全當條街係佢嘅掂行掂過)、好彩本人驚覺性高發現並按响號啦！吖~点知條粉腸一手正在講手提、仲完全好似聽唔到人哋响安比佢、仲以為自己安全依燈駕駛咁嘅"合府統請橙樣"，我唯有讓佢條粉腸去先囉！後尾條粉腸知衰停係一邊(大約協和大廈對出)、等我走咗佢先繼續行車。當時我真係想去警局投訴佢，但我...........冇做到；總言之呢啲粉腸遲早抄一鍋金佢就知驚(可能都係唔識驚、因一抄即死何來有得驚呢？)
小羊山John
|
23/4/2005
|
re:"前傾角拖曳距"...
多謝老編同車友熱心回答,我開始有d明.....但係果編英文d用字都幾深下丫.....
睇完後家下我又有個問題想請教大家:果編英文話數值越細慢車定,快車搖擺...咁點解老編又話跑車又會係數值細呢??唔通跑車高速其係好唔定既?定一話我讀書識認字有問題理解錯?先謝大家回覆
羊
果篇文係以美式巡航車為中心，美式巡航數值細極有限，所以佢話「數值大」的意思係超級誇張果隻，成條叉好似打橫伸出去過d，梗係轉唔彎啦。講求誇張外觀唔會講操控。
|
23/4/2005
|
借少少位賣o下廣告
我日日都有上黎呢度睇老鬼師父&老編大人解答問題呀！真係學到唔小o野。發覺有好多都係渣CB400 Super Four的和發問很多問題！如今有個“香港超四聯交所”網o係度呀！
http://groups.msn.com/super4/_whatsnew.msnw
大家渣開CB400 Super Four (Big-1、VS、VR、Vtec~1~2~3)的車友們，都歡迎來到香港超四聯交所發表意見和問題呢！可以幫輕o下老鬼師父同老編大人嘛！ ^-^
MrBCB400VS1
|
23/4/2005
|
老編，我想問問點解爬山電單一定用鋼線 Ling而唔用合金 Ling呢？ THX :p
鋼線軨較合金軨有較大的彈性，在凹凸路面高速行駛冇咁易撞凹隻軨。
|
23/4/2005
|
咩叫「跣」極力子?
請問咩叫「跣」極力子?
新手
離合器處於半接合狀態。
|
23/4/2005
|
偈油！
您好,請問半合成私家車愒油可否入落電單車呢！會否有問題！thx
香港猛男
老編對於私家車和電單車偈油能否共用這問題是中立的。電單車之所以有專門偈油，根據偈油廠的說法是因為電單車多數使用濕式極力子，偈油同時供應俾極力子片使用，情況和私家車不同。還有電單車的轉數較私家車高，所以在高溫高壓下對油膜形式的要求更高。
如果你部車不是用濕式極力子，使用汽車全合成偈油不可能會有問題出現。
|
23/4/2005
|
"前傾角拖曳距"...
"前傾角拖曳距"=trail. Actually, the diagram shown on iBike is not correct. Trail is the distance measured from the NECK and not the FORK. See this diagram:
http://www.kennedyschopper.com/Trailchart.html
Andrew
多謝補充
|
23/4/2005
|
re:Honda Phantom 200
+++++++++++++++++++++++++++++++++++++++++++++++++++++++++++++++++++++++++++++
很多朋友都認為，我身高只得5呎，體重100磅左右，屬矮小身型，不太適合駕駛「體型龐大」的巡航車。
+++++++++++++++++++++++++++++++++++++++++++++++++++++++++++++++++++++++++++++
to麥甩咯 mandychung, 我女人體重90磅左右,矮小身型,身高只得5呎,she ride what? she ride sportster 883,不太適合駕駛「體型龐大」的巡航車,問題會係自己覺得部車適唔適合你用
cbr900
|
23/4/2005
|
re:你好
+++++++++++++++++++++++++++++++++++++++++++++++++++++++++++++++++++++++++++++
你好,本人的車是pgm3，請問頭尾迫力是怎運用的，收車是用頭或尾迫力呢? 因未學過。
基仔
+++++++++++++++++++++++++++++++++++++++++++++++++++++++++++++++++++++++++++++
WOO!! really danger,頭尾迫力是怎運用的??未學過???未學過就楂pgm3??are u crazy...
cbr900
|
23/4/2005
|
追問"前傾角拖曳距"
又想請問此拖曳距之長短對performance有何影響?先謝回覆
羊
數值越大，頭輪直線行駛的安定性越高。所以跑車數值最低，美式巡航車數值最高。
|
23/4/2005
|
回pgm3問題
你架車會唔會行行下死火呢?我之前都有發生過可能係龍根唔掂,成抽換都係五,六佰蚊但係二手既,試下唔開燈睇下有冇事?如果冇事可能真係龍根有事
同道中人
|
23/4/2005
|
問問
老編，本人剛考取到電單車牌當然想第一時間買部綿羊仔呢，本人是新牌一名用水冷車好定用風冷車好，其實兩者有甚麼分別，點樣才知道部車是水冷定風冷。請不要見怪問這些問題。謝
ok仔
除左高性能跑車一定要用水冷之外，其餘車種用風冷或油冷都冇問題。水冷在車頭位置會有散熱柵和風扇。
|
23/4/2005
|
RE: 有少少問題.
車友:
用幼蠟好d? 有冇好介紹?做個朋友仔? ICQ:62208283
傑 kmk525-a@yahoo.com.hk
|
23/4/2005
|
關注油價大聯盟5.1大遊行
關注油價大聯盟 主辦
民 主 黨 協辦
__________________________________________________________
反對油公司瘋狂加價
汽車大遊行
香港四大油公司壟斷汽油價格, 近期更藉石油來價上升而瘋狂加價, 對運輸業和架車人士構成沉重負擔! 因此, 我們呼籲大家行動起來, 發出抗議聲音! 並請大家踴躍參加是次汽車大遊行:
日期: 2005年5月1日 (星期日)
集合時間: 中午十二時正
集合地點: 數碼港第三期空地
行動流程:
12:00pm 車輛集合 (於車身張貼標語等)
12:30pm 由集合地點出發
1: 15pm 遊行至中環民光街附近, 泊好車輛後, 步行上政府總部
請願
1: 45pm 到達政府總部
2: 00pm 完成請願, 返回泊車地點
2: 30pm 清理車身標語等物品。約於2:45pm至3:00解散。
行動主題: 抗議油公司壟斷油價及瘋狂加價; 要求立即減油價; 要求政府加強監管油價。
報名方法:
電話聯絡: 秦先生(6088 6841)或陳樹英議員辦事處 (2460 9528)
傳真至 2453 1328, 或電郵至:jsyc@dphk.org
秦 jsyc@dphk.org
叫油公司減價似乎無乜道理，原油價格係咁升，電油當然貴。政府一向主張市民採用集體運輸工具，所以對汽車和電油都抽重稅。各位下次入完油不妨睇下張油單，睇下電油究竟賣幾錢一升，政府又抽幾多錢一升？要減，都應該係政府先減電油稅！
養成獨立思考的習慣，自然不易被有心人所惑。
|
22/4/2005
|
請問"前傾角拖曳距"是甚麼?
羊
一圖在手，勝過千言萬語
|
22/4/2005
|
新聞匯報室
本人發覺貴網的"新聞匯報室"中來自"蘋果日報"的新聞並不能閱讀, 每次點click後: "對不起！此內容只供訂戶瀏覽。若 閣下有興趣想知更多資料，可按入「查詢訂閱詳情」。"
惱人甲
呢個係版權問題，人地個網要收費先可以睇，我地唔可以crack開被封鎖的內容架！
新聞匯報室的作用等於係一個剪報備忘，等各位每日都可以一次睇晒當日有咩電單車相關的新聞。
|
22/4/2005
|
偈油問題
私家車偈油和電單車偈油,有什麽分別?渦輪油呢?什麼叫合成油有什麼分別?電單車入渦輪油呢得唔得?
ken
有關偈油問題請重溫【知識技術】內的相關文章
|
22/4/2005
|
回應:VTR250 行車中.. 有時聽到"沙..沙..沙..~~" 聲...
攝攝條鍊加d油先啦
碼田
|
22/4/2005
|
VRoom嚴評ibike
老編......看到你係最新情報既title說"Vroom嚴評ibike" , 差d比你赫死 , 以為ibike係台灣評價唔好 , 看完之後先知原來係相反先鬆口氣.......老編真衰..... >.<
燎
搞下氣氛嘛~~
|
22/4/2005
|
續....VTR250 行車中.. 有時聽到"沙..沙..沙..~~" 聲...
鏈油:about 3 month..
攝車鏈: 二手車唔知... 請問點check 車鏈 是否不正確 ..thank
VTR
先落鏈油和攝番尾鏈先。可搜查「攝鏈」看以往文章。
|
22/4/2005
|
請問:10w50w 偈油的工作温度較高又"傑"D， 通常用於高轉數車，但散熱及潤滑是否沒有較稀的偈油好？定係我攪錯？風冷車，用"傑"好定稀D好？
複合式偈油擁有廣闊的工作溫度範圍，10w-50適合於-15℉至50℉室溫下工作，高轉數引擎適宜揀選較杰的偈油，以維持適當潤滑油膜。較稀的偈油是為了天氣空寒冷，偈油仍維持一定的流通性，潤滑機性。但係在香港根本唔會有零度或以下的天氣，所以揀偈油睇後面果組數字便可，當然數字越大，容許的的溫度便越高。風冷車壓縮比唔慌高得去邊，亦唔會係跑車設定，所以唔使用到10w-50。10w-40都搞得佢掂。
|
22/4/2005
|
抄車一問
的士佬突然抽出，急停乜尾抄低！的士就走咗！其實係咪應該抄落架的士度呢？起碼有人賠錢！
可憐人
應該記低佢車牌號碼然後投訴佢駕駛方法有問題，再搵索償專家追討你既損失。投訴方法請參閱FAQ。
|
22/4/2005
|
續....VTR250 行車中.. 有時聽到"沙..沙..沙..~~" 聲...
沙沙聲係邊度傳出來呢？
++++++++++++++++++++++
VTR: 我"古"是引擎or波箱... 車鏈我"林"唔會有咁0既聲....thank
vtr250
引擎唔應該會有沙沙聲.....你幾耐冇落過鏈油或者攝過鏈？
|
22/4/2005
|
HID頭燈膽
HID頭燈膽&白光燈膽
係唔係一樣呢
chris012 chris005201314@yahoo.com.hk
唔同，HID燈有升壓火牛，光好多。
|
22/4/2005
|
RE: 有少少問題.
"立時新"係粗蠟, 可以去到污積, 成日用連油漆都可以去埋. 用幼蠟好d.
車友
|
22/4/2005
|
請大家留意
2005-APR-22 蘋果日報
警 擒 偷 鐵 騎 頭 盔 賊
【 本 報 訊 】 昨 凌 晨 三 時 半 ， 獨 行 竊 匪 在 深 水 北 河 街 一 三 五 號 後 巷 ， 企 圖 偷 竊 一 部 電 單 車 放 在 尾 箱 的 頭 盔 及 手 套 ， 被 巡 經 警 員 撞破 。 疑 犯 踏 自 備 單 車 逃 跑 ， 但 逃 至 五 十 米 外 被 徒 步 追 至 的 警 員 擒 獲 。 疑 犯 姓 蔡 （ 三十 六 歲 ） 被 捕 帶 署 調 查 （ 圖 ） 。
---------------------------------------------------------------------------------
偷黎做乜?
隼仁
【電單車新聞匯報室】都有講，請各位都多加留意。
|
22/4/2005
|
VTR250 行車中.. 有時聽到"沙..沙..沙..~~" 聲...
VTR250 行車中.. 有時聽到"沙..沙..沙..~~" 聲... 當聽到"沙..沙..沙..~~" 聲.. 我就落下一粒 (e.g Gear 3,有沙..沙..沙..~~" 聲,就落 Gear 2). 或 不比油 (keep gear 3).. 然後再比油或 上一粒 (e.g Gear2, 上 Gear 3), 咁就冇"沙..沙..沙..~~" 聲.. 請問是否有問題?? 而我已用上新的機油.... THANK.. YOU...
VTR
沙沙聲係邊度傳出來呢？
|
22/4/2005
|
老編...有D技術上既問題想問,我楂緊Magna250... 請問轉波既方式適合比大油令轉數快D提昇而轉波,定慢慢比油等佢慢慢提昇岩D同有效率D呢?我之前楂羊係feel到比完大油後再keep住果個速度會好D... 但呢架就唔係好知點樣會好D.因為聽講四沖車要炳佢先爽..但我架係巡行車..正確既駕駛方式係唔係唔應該甘進取.唔好甘炳法?...雖然我feel到炳佢同比較高轉架車會爽D.因為我驚會好傷架車.同埋覺得架車好似好大負荷.另外我聽人講拖波拖得唔好會傷到極力子...甘個原理係點樣傷法? 係呼油唔夠,定係太短時間就由高速減至低速...令Engine 一時間超過左果個波段既速度呢? 謝謝你的回覆..
Po
機械既野，一係唔用，用得就預左會有損耗。極力子片係耐用的消耗品，只要減少「跣」極力子的時間便可。Magna 250係一部baby cruiser，應該以悠閒的心情駕駛，動作唔使急，一切以柔順為主。
|
22/4/2005
|
再問降 Fork 問題
對不起老編大人，請問Motard(街胎)版爬山車由於兩個輪的直徑都細左，是否又會有前傾的問題出現？太前傾的電單車是否不適合新牌人士？我是否可以將我部爬山車轉為街胎但仍然保持前輪大後輪細？因為我覺得街胎行走馬路會安全D........謝謝老編！
Motard版除左用街轆之外，避震行程都短左配合番。你要改好多野先得，唔建議咁做。如果覺得部車唔適合你用，早換早著無謂再駛錢落去改到唔湯唔水。
|
22/4/2005
|
頭燈
頭燈大燈有一隻唔光令一隻好暗,我家車係ｃｂｒ４００,我開高燈有好光,係唔係電池冇電
去車行換個新要多少錢,燈燈膽要多少錢,車行有冇得買
chris chris005201314@yahoo.com.hk
似乎係燈膽有事多過電池有事。俾車行睇下，佢地會有燈擔換，或者推介你換白光燈膽。價錢唔會超過幾舊水。
|
22/4/2005
|
VTR250
聽老編講話VTR250用半合成油都冇問題,咁請問用邊隻牌子同型號ge半合成油會比較好呢??
仲有, VTR250如果要改裝黎行好似澳門咁唔平ge地,要改d咩野, 有冇咩好介紹?
新仔
偈油有國際通用標準評定品質，同級產品規格都統一左。揀咩偈油唔夠勤換偈油重要。經常行走不平整路面，可以較軟小小避震。
|
22/4/2005
|
T-REX vs Shark 150
T-REX vs Shark 150,如果得呢兩部, 老編簡邊部??邊部會少d 問題?THX!
elf
假設性問題好難答....車一定要整，所以邊部平就買邊部！
|
22/4/2005
|
cbr 避震
大師﹕我部老爺90年cbr250過ｄ凹凸路時跳得几勁•有咩避震抵換呢？我吾劏架車住架！另外咩叫整流牙？
鉄銹新牌 t238945@yahoo.com.hk
去車行問下，佢地都會同你搵貨。發電機製造交流電，經過整流器(Rectifier)轉為直流電後，才會供應予電單車使用。
|
22/4/2005
|
VTR250 小問題
油壺燈(偈油燈)著左，即係冇油壓? 可以點處理? 換偈油?同埋左手高底燈掣隔雜有個小小既桿可以推上推落,有咩用?其實冇轉數表要聽聲轉波,係唔係架車要"撼撼"聲先轉波ga? 點樣轉波法先唔傷偈?多謝指教.
P小朋友
如果著車後，偈油燈仍然亮起，表示油壓嚴重不足，應該馬上檢查偈油存量是否足夠。左手推桿係風choke掣，冷天撻車時用。除左聽聲轉波之外，重可以用感覺轉波。覺得架車嘈，便踢高波，覺得架車唔夠力，便踩低一粒。
|
22/4/2005
|
補胎
老編：本人前兩個月爆了後胎，近來發覺爆胎位置有慢慢漏氣現象，請問可不可以在同一位買再補一次胎呢！謝
kk
你意思係話補胎的位置仍然漏氣？盡人事可以拔出原有牛根再補一次，但如果仍然漏氣便要換胎了。
|
22/4/2005
|
有少少問題.
1) 上手車主唔記得左幾時換過偈油, 請問我點知幾時先要換呢?
2) 好似話有隻野係叫做"立時新"去積用, 係咩東東? 有咩用?
3) 想條舊舊地死氣喉(銀色不锈鋼部份)返新,想自己搞下,有d咩計?
4) 有次唔小心趺車,VTR250 左手個轉波手掣灣左, 自己可以點整? 好鬼硬...
請老編/老鬼先生賜教.謝謝!
問題少女
答案一：馬上換。答案二：唔知。答案三：電鍍喉蝕左就冇得回復舊觀。答案四：應該換新牛角。
|
22/4/2005
|
你好
本人的車是pgm3，請問頭尾迫力是怎運用的，收車是用頭或尾迫力呢? 因未學過。
基仔
未學過咪去學o羅。
|
22/4/2005
|
電王
如果VFR裝電王最好裝係邊呢????
冇所謂最好的地方，總之放在座位下或啡呤內，唔會俾人拿到，又唔會濕到水的地方便ok。
|
22/4/2005
|
吱吱'聲
你好：小弟的車係exceed 150綿羊,新車買後發覺尾轆軸處在慢行時會聽到吱吱'聲.車行話係Brake粉,用水沖沖後話無問題.但係情況無改善,再和車行講佢又唔理我,話無問題.吱吱'聲一年後.我回去車行換胎又叫佢跟跟,佢話可能係Brake皮有問題會跟一跟.但係情況又無改善.其實有咩問題?會唔會唔係Brake皮有問題,係其他問題,如尾牙or尾牙油?
@新女
唔敢肯定係尾避震有聲定係尾轆啤鈴有聲...但你行左成年都冇事又冇惡化，似乎問題又不大喎？
|
22/4/2005
|
三仔請問
頭避震流油到迫力皮和碟之後，迫力功能減弱很多，頭碟很多油積，用頭迫力都清不去，是否要換迫力皮? 谢谢
樂仔． ｋｌｏｋｍ３＠ｎｅｔｖｉｇａｔｏｒ．ｃｏｍ
危險！快修理前叉更換油毽。迫力皮如果唔係太新換的話，最好一齊換埋。
|
22/4/2005
|
RE: Honda Phantom 200 (身高只得5呎，體重100磅左右)
唔好話我地唔俾d專業的意見妳,講真妳的身高真係唔適合渣呢款車,在操控上妳會有一定的難度,而且妳仲係新牌仔又要掛住個p牌,我建議你都係渣住綿羊仔磨練下駕駛技術見多d馬路上不同的駕駛者的駕駛方法,我見盡唔少新牌仔出車一定要出新車,但係最快趺車好多時又係佢地,咁你點解堅持要買新車呢?其實好多二手車質數都唔錯,只怕你唔識貨.
小騎士 B12
老兄你係何方高人呀？口吻似係車行中人...
|
22/4/2005
|
回ken
基本上最易壞電器,如果你部車開到兩戔頭燈就冇問題~仲有2t油一定要全合成千期唔好慳,唔好用壺仔撈剛穩陣D,1L=12ML比例~祝:路路平安
五號仔
|
22/4/2005
|
都唔知d人點泊車既
昨晚走左去旺角唱k.係旺角一路都係冇乜位,咁我就諗住泊係上海街.去到見到有位靚位就泊好去,你我附近有部細t.之後我自己仲泊好d,希望佢唔好走時撞到我啦.之後仲鎖部車就走.好啦.唱完k返去,覺得部車個豬頭好似比人撞過.仲比人撞到爆左個豬頭.我頂呀~~~點解d人走時都唔睇清楚就走既.你自己都知香港地d位係好多車泊既啦.你可以慢慢出既.希望你下次比私家車,比大貸車撞,諗起就火都黎.
d
|
22/4/2005
|
Re:死氣喉上唔到高溫油
Cant兄！用800或1000號沙紙省完再用天拿水抹一抹再噴會好上好多,我架big one噴完幾個用都仲未甩
Free
|
21/4/2005
|
死氣喉上唔到高溫油???
老鬼你地好,我架車係01年制cb400vtec,最近條喉(出果度四條,水箱樓下)生<受>.咁我去車房噴油啦,點知幾日就甩色,返去車房老細都幫我噴多次,但第二日出車又甩左D。
車行話佢隻油頂到成5,6百度,點解條喉會頂唔順呢?????唔該o西!!!!
Cant
是因沒有起底和未乾就開車所做成.
|
21/4/2005
|
有冇人可以幫幫手!!(ＰＧＭ３問題)
小弟所駕車係ＰＧＭ３..近排停車及空波停車都轉數唔定...如果唔比住油停車10秒內就死火..只有將轉數調教到二仟轉就冇死火..奇怪事就係將車頭燈熄佐就完全正常(停車及空波一仟轉都唔死火)請問知唔知什麼問題....
檢查下個電池先,因有撞電問題.
|
| |
|
|
|
 |
