|
|
|
FAQ常見問題 |
|
|
5/3/2005
|
細羊？
請問200cc算不算是老編所說的細羊呢？200cc車每日行10多分鐘80km/h負荷又算不算重呢？
s人
200cc唔算細羊。
即使係125綿羊，行80km/h都唔算高負苛。
|
5/3/2005
|
新牌可介紹買什麼車
我在本2月才考到牌,想買架二手羊仔,想請問用一萬至一萬五可買什麼牌子,和請問如買二手車本身要留意什麼呀!THANKS!
LAU PO
15k預算內買二手綿羊都幾多選擇，你可以在【買賣搜尋】中揀選「綿羊」和輸入價錢上限便可。買二手車要留意的地方，可參閱【知識技術】內的相關文章。
|
5/3/2005
|
綿羊撻唔着, 仲有怪聲
我隻係小綿羊ET8, 一嵗幾啦, 好少用, 但一個星期會撻一次車.今日撻, 照舊第一兩次撻唔到. 再撻, 按了電撻四五秒後, 車後有一聲頗大的爆破聲, 似是將沙砲或是膠間尺掟落地的"啪"一聲. (撻車時有電有反應, 就係未着到)我再試, 又係咁. 唔敢再撻0勒.
唔知有乜嘢可能性有呢個情形呢? 我應該再撻車嗎?
小白 steps07@yahoo.com.hk
似乎化油器有漏油現象,最好係用多D,再著車時不要把油門打開.
|
5/3/2005
|
錶把問題
老鬼師傅,我的車的錶把有問題，油錶不停地兩邊轉，左轉一圈後，右又轉一圈後。轉數錶經常130007冇轉過。速度錶能夠顯視，不過反應很慢。請問還有得救嗎？
新仔亞游 joseph@discovery.org.hk
咁嚴重應該無得救.
|
4/3/2005
|
火咀
請問(NGK CR7EKB)是不是E火咀,因為說明書寫住,唔該,
B仔
NGK有KB???唔識!
|
4/3/2005
|
續: t-rex換皮帶後轉數高左
t-rex 150換左皮帶, 珠仔, 極力子片同火咀, 但換完之後, 架車極速跌左, 而且在同一油門開合度及速度下轉數高左。珠仔我凈係知佢話用原裝, 應該只有一個重量, 而佢應該冇轉輕珠, 因為起步唔覺快左. 再謝謝。
jkeny jkeny@netvigator.com
檢查夾皮帶的表面有否不平,可能因此引致極速跌左.
|
4/3/2005
|
我部sv_mav個電撻摩打壞了，知唔知要幾多錢?
我部sv_mav個電撻摩打壞了，知唔知要幾多錢?
同埋點解個電池咁快要換既....一年差不多換一個....點樣先可以保護好d.....
唔該晒!!
ray nrs_ray@yahoo.com
磨打可能換了炭精可再用,還應檢查一下電器用品電池應可用年半或以上.
|
4/3/2005
|
我架車係suzuki 400cc type s 03年10月買的,宜家行左萬七公里,請問幾時要換皮帶和珠仔和其他消耗品,例如:迫力皮,火咀等.??
mike
皮帶可於2萬更換,其如的可作檢查先有雖要時才更換.
|
4/3/2005
|
偈油
想問下CB250 同 CB400 SF 係入幾多偈油的?
昂 specialistjulian@yahoo.com
cb250,1.5L,cb400 2.9L
|
4/3/2005
|
牌費問題????
老編你好,小第想問我剛續了牌費(車),但想賣車同時留牌,請問車的牌費是否屬於新車主呢?定係跟個車牌(留牌)呢?而我係咪要出過新牌費呢???多謝回答!!!
kkchan
牌費會跟番架車走，留牌唔會留牌費。
|
4/3/2005
|
如果pgm3裝電王最好裝係邊呢????
pgm
車尾唔得咩？
|
4/3/2005
|
死氣喉
請問150cc綿羊的kit死氣喉可唔可以裝去250cc綿羊到?
cc
通常唔得。碼位和個咀都唔o岩。即使o岩裝，每一條喉都會有最大流量，要配番車的排氣量。
|
4/3/2005
|
首次登記稅問題
老編大人 , 其實我係燦基既網頁看到架新車好想買 , 不過想起首次登記稅問題....其實首次登記稅係幾多 % 架呢? 其實燦基以及其他代理既車價係連唔連首次登記稅既呢?
明
所有牌子的車價都已包括首次登記稅。電單車FRT係35%。
|
4/3/2005
|
2005kawasaki的ZX-6R與ZX-6RR
想請教大大kawasaki 2005年的ZX-6R與ZX-6RR的cc數與馬力分別是多少呢?
帥氣男孩~^^"
剛問過kawasaki代理泰力，他們表示RR的馬力比636版細少少。因為價錢太貴，今年佢地應該唔會返RR版。
|
4/3/2005
|
頂！油公司又加價，迫我要換細車，小那巴＄？人地外國減價果陣又話香港d油係存貨所以無減價空間，依家人地加價佢地又即刻加，重話係今晚12點加，真係無天理！！
VMAX
|
4/3/2005
|
RE:維修後無力
見大家屯門友..不妨提提你..
個間野...唔多掂..各方面都係啦..
有班玩車既人已經知道或者中過招..
難得個頭有呢d鋪頭...點會冇車友聚下丫..
你唔覺個度有咩玩車既人聚雜咩??
屯門友2號
|
4/3/2005
|
RE:無端端好似冇油到想死火
我都試過咁既問題..後黎終於有一日..再撻唔著..好彩未上公路..
拖返廠整...原來係個電油泵死左..
你可以睇下關唔關事...
Marcus
|
4/3/2005
|
re:長短定義
多謝老編竟然對這題目咁認真去作答.在下亦對本身隻小綿羊{shark150}有更深的瞭解.
怪不得我由觀塘往上水.行大老山,即係全程{30km左右}只係俾十元要停一停.
果種感覺都唔夠行大埔道咁爽.
行大埔道,真正高速{速乜鬼.咪得果七八十}都只係沙田{20km左右}開始.
行大老山..基本上全程都要俾住咁行{成半個鍾有多}
從而家開始我都有一個概念,,小綿羊,,高速行駛廿分鐘左右..要俾佢抖一抖先.
講真,,呢個時候...人都要煲返支回魂煙啦:}}}}}}}}}}
|
4/3/2005
|
<中央車盤>
老編: 本人在 貴網登了一則賣車的廣告，很快便為愛驅找到了一個好歸宿，感謝 貴網提供一個這樣放便的渠道給車友們! 請繼續努力!!
另，本人不懂得如何在放盤的廣告 (編號：28563; cbr600f4i sport)裡登出「已售」的訊息，故煩請 老編幫助本人跟進，希望別麻煩到你。謝謝。
祝 安
Stanley Kubrick kubrick333@yahoo.com.hk
在管理版面以密碼登入，選擇「己售」的check box便可。
|
4/3/2005
|
Fully synthetic or semi-synthetic?
Dear editor,My bike was CB400SF VTec 1, my riding habbit is 2nd gear 10,000rpm change to 3rd gear, and then keep 5,000 - 8,000rpm for riding. I see that the price different between fully synthetic and semi-synthetic is 100%! ($6x and $13x), do you think it's better use semi-syn. and change oil every 1,500 KM, or use full-syn. and change oil every 3,000 KM? Please reply in Chinese and thanks for advice!
Po
兩個方法以金錢計都係駛咁多錢，雖然換油換得密係好事，但怕你冇咁多時間成日換油。
二波一萬轉上三波果下如果唔係必要的話，最好唔好成日咁做。一來耗油，二來你上三波後轉數又跌番落5-8000rpm根本唔係加緊速，之前谷上果下根本浪費左。建議二上三時轉數在7000rpm之前就轉波，真係要加速，400SF三波都可以扭到上去。
|
4/3/2005
|
轉數時大時細
我想問有時開風 choke 時轉數會時大時細,關 choke,等一會兒,好快死火
leung
風choke正確操作是先打開100%，一著車後便把風choke關閉50% ，讓轉數不會上升得太厲害，保持比正常怠轉高一點便可。如果轉數唔穩定，細細力咁俾少少油吊住油門一陣又放手睇下得唔得，當轉數穩定後，把風choke全關，揚幾下油門便可開車。
|
4/3/2005
|
First time buyer
Hi, I want to buy a private sell used bike. However the owner said the license fee is already expired for a long time. So is it if I got the insurance then I can apply for the license? How can I know if the bike has not been used on road during the license expired period?
James
如舊車主不願補付過期牌費，必需在車輛過戶時向運輸署填寫一份保證書，聲明此車輛在欠付牌費期間沒有在道路上使用。如被揭發車輛被使用過的證據例如俾人捉到違例泊車或超速，舊車主需負上法律責任。
|
4/3/2005
|
長短定義
時常聽老編講,細車唔好走長途,咁長途係幾多公里才叫長途呢,例如:由沙田去上水,約廿公里左右,所需時間都係十幾分鐘.例如:走市區,由官塘去旺角,十公里都無..但就種種原因.要成半小時先到達.用時間去量度還是由公里去量度.
你的問題相當好，指出老編的說話有時十分含糊。
借此機會好好說清楚：其實老編話走「長途」的意思是指高速行駛的時間，因為細車一上高速，引擎便會在高負苛狀態運作。每日來回二十分鐘高負苛運作，對機件維護的要求便會較不需要高負苛運作為高。
細綿上高速公路是弱者，速度慢，不穩定，而且車身細又冇保護。如果你要求一位擁有一定駕駛技術的人，每天上下班都要駕駛細綿上高速公路，絕不會有樂趣可言，只是對現實的一種無奈妥協。
鐵騎網誌有兩位同事便分別駕駛125和150綿羊，每天在不同幹線上行駛，實在苦不堪言。
|
4/3/2005
|
CB400打冷震
師傅你好，我日日都有看貴網，巳從貴網學得好多知識，希望你們能繼續努力，我永遠支持你們。
我部CB400巳有9年車齡，最近試車發覺當時速約60公里左右，自己嘗試雙手輕輕放開把手，發覺堂軚盤有左右擺動、震盪狀況，何解？但若時速低於60公里或高於80公里，情況就無咁顯注？我巳排除路面狀況所影响之可能，是否要裝釘把呢？又唔知是否上手車主炒過大鑊呢？現時抯車都就住就住，擔心會影響行車安全，勞煩師傅可為我分拆原因所在嗎？
祝貴網同人身體健康、業務蒸蒸日上、財源滾滾來！
和仔
好多舊車的把手在中速放開手的情況下，都會有不同程度的震動。如果仍然行到直線，冇問題。即使放手後架車偏向一邊，只要唔係急速地過線，情況都可以忍受。
問題可能有幾方面，最常見係輪胎不平均磨損或胎壓不正確。「鄧」胎不正確，或前叉狀況有異，又或波子盤打柴，頭尾輪alignment出問題等都會有影響。
|
4/3/2005
|
re : et8維修一問
整都要萬五，仲有車房肯要咩？但係個骨架完全無問題，所以都好唔捨得呀！
melopui
有o既，「湯」車都有幾舊水執o既。(嘩好似講緊風涼話咁)
根據佳保公証行提供的賠償指引，保險公司在考慮非結構性安全的賠償個案時，經常遇到repair或replacement的問題。指引是repair cost不超過replacement cost的75%為準。如果修理費用超過75%便會準許replacement。
你部車要整15k，根據上述指引，同年二手車價應該超過兩萬蚊先應該整。自已唸唸。
|
4/3/2005
|
又係電王問題....
我隻大羊行i、改左HID(孖燈)、HiFi(6喇叭, 車機), 係咪值得裝電王呢?
我見市面有類似既野, 又係咁駁法, 但成千蚊, 果d係咪個電容容量大D架呢?
瓜田李下，其他牌子當然不方便評論啦。
你部車駁咁多野，電氣系統負苛幾大。
行「i」對電壓穩定也較行化油器的要求為高，自己唸唸。
|
4/3/2005
|
深井帝華軒附近泊位 ?
帝華軒出面路口有個垃圾房,隔離有幾面車位
下路陀地
|
4/3/2005
|
電王...
請問二衝車安裝後效果好唔好呢??
路人丙
做乜呢期咁多人問電王？一陣人地以為老編做馬.....
二月二十八日有呢段留言：
++++++++++++++++++++++++++++++++++++++++++++++++++++++++++++++++++++++++++++++
回pgm3
我都係渣3仔,之前都有同類情況發生,我之前係打啦磨打柴同燒熔左條電線,搵二手打啦磨4百幾蚊到有找,如果去燦基買條全新龍根都係1400蚊,如果諗住長渣買得過丫,仲有裝電王幾有效~
五號仔
++++++++++++++++++++++++++++++++++++++++++++++++++++++++++++++++++++++++++++++
|
4/3/2005
|
除了学徒外
大家好。小弟対鉄馬興趣濃厚。除了乗車四囲去外、更想学習維修。香港有没有専門学校可供学習維修電#21336;車的？
AU
請用大五碼。
|
4/3/2005
|
電池
以一部250cruiser,正常用, 一年三個月電池就玩完, 有無問題,
hans
有。
|
4/3/2005
|
vtech 後備油制
請問vtech有冇後備油制？
有油錶睇，要spare cord做乜？
|
4/3/2005
|
換偈油一問
我想問點先可以自己換偈油？我唔知邊粒鏍絲至岩。sf 400 vs 應用咩偈油？2t or 4t ？還是有其他更好？應該買幾多尊偈油？又大概幾錢？我俾車行換一換要二百蚊，其實貴唔貴？我又唔知佢用咩偈油喎。仲有，換風格又大概幾錢為公價？我買車到依家，行0左一萬鬆少少，請問有咩要 check 一check ？thank
安全駕駛者 tcm_810@yahoo.com.hk
你連四衝程機器用4T或2T油都未知，點樣自己換偈油呀？換完油重要合法地棄置偈油，好煩姐！你去車行換油，車行會問你換咩油架嘛！有平有貴任君選擇點會話唔知換咩油呢。
如果真係有興趣學，咪睇住師傅換油偷下師o羅，不過小心上番油底鏍絲時唔好上到滑牙，滑左牙就會好煩。風格價錢問番燦基零件部最準。
你架超四換油，車行報價＄２００蚊咁平？四公升油唔收你人工幫你換油重想點呀老兄？
你話行左一萬公里冇咩要ｃｈｅｃｋ？你．．．有冇換過偈油呀？
|
3/3/2005
|
RE : 維修後無力
你係咪去果間xx整呀?? 放o係門口銀色果部係咪你架?
屯門車友
|
3/3/2005
|
深井帝華軒附近泊位 ?
小弟要去深井帝華軒半天,想請各車友幫忙,留言告知附近那裡有泊位 ?
(室內停車場.骨位.唔會抄牌的街位都可以)Thank You !
羊迷
|
3/3/2005
|
電王一問!!
如果小弟沒有信用卞,可以有邊種途徑買到電王呢??如車行之類,THX~
123
電王只在網上直銷，冇信用卡可以利用銀行轉賬，介紹文章內有銀行付款細則。
|
3/3/2005
|
極力子
其實極力子既鬆緊..係同車種有關..定係同握法有關呢??同埋點樣先知道架車個極力子較得鬆定緊呢??我架車要用四隻手指拿住..放少少就去..而我朋友d車可以留返隻尾指位..再放少少先會去..咁我個架係咪太緊呢??問題多左d..煩請見諒
你意思係話極力子虛位？標準的虛位設定係扣極力子後放開，行程約70%先到磨擦點。如果放開行程未夠15%便到磨擦點的話便太少。行程太短的話，每次轉波你都要扣晒極力子先可以轉波，轉波時間會用耐左。另一個壞處係好快會到達扣盡極力子也未能把動力完全切斷的地步。
|
3/3/2005
|
新牌可介紹買什麼車
我想買羊仔,thanks!
po
唔知你o既駕駛歷史，用途和喜好，俾唔到意見。
|
3/3/2005
|
維修後無力
星艦150,因本人是新手一名,隻羊行到無機油都未知,最後當然死埋,去屯門某間車行修(紅橋),整完收了四五佰,話什麼遮ling 全燒,他沒有得換,但說巳換了機油隔,還說給我知隻羊
只可行40km,他說巳無計可施,我想問如果我出九龍的車行修,大約要多少維修錢呢
屯門友
拖車連大修二,三千到,就要睇下換幾多野.
|
3/3/2005
|
在雨中
我駕的是virago400/92,在晴朗乾爽的天氣下,部車是正常的,但當下大雨,路靣開始積水,
十五分鐘之內,部車就會開始窒油,而且放炮,最後一停車就會死火,很難才著到車,我該從
何處開始跟進
TO CHAN
電器問題,所有電器都要檢查.
|
3/3/2005
|
續問CB400
最近發覺轉波時，經常有'咔咔聲'，聲音應由波箱發出，這是否正常，或須否將車送到車房檢查？因我是新手，莫見怪。謝謝！
和仔 rickyeungws@yahoo.com.hk
這可能只是鍊鬆的情況,到車行檢查一下尾鍊便可.
|
3/3/2005
|
再續....痛失馬力和扭力
老鬼、老編
已度左壓縮,車行話正常!
師傅指是化油器的油遮發脹,一定要換,但我半信半疑,仍未更換,若真有其事,會否導致我的情況呢?
若是,是否只須更換油遮,不用更換整個化油器?
好很煩的Alias
******************************************************************************
風格很乾爽,沒有機油.但我想提供多些資料,此車在出事前大約一個月,曾交車行更換傳動軸(架冷),雖然當時試車沒問題,但有可能因為車行疏忽,如接口沒有做好,引擎沒有密封...直到現在問題才"發"出來嗎?要怎樣才能証實及追究呢?
很煩的Alias
仲簡單,之前修理過機器,度左壓縮先!只雖要查看中缸位置有否漏.油便知有無密封
*******************************************************************************
Hi 老鬼、老编
我部車是Suzuki UE150,一次換完機油後,部車好像完全失去馬力和扭力,怎樣扭油平路都只有50-55km/h,上斜極速更加是35-40km/h.停車後檢查機油量,並放走一點機油,情況無變.第二天到車行檢查,師傅打開了化油器,把油遮取出,但無穿無爛,他用風槍吹吹化油器內部,說有點髒,前後裝、拆油遮幾次,期間並無調校或更換任何部份,最後師傅說是油遮的問題,並說若仍有問題可能須要更換油遮,但他始終說不出油遮有甚麼問題.我馬上試車,感覺部車回復正常了,但奈何只開心了一晚,第二天早上又是故態復萌....
我再將車交到另一車行,師傅估計是化油器髒,我在現場見他把化油器拆開並清潔了個多小時,並換上新火咀.怎知試車時都是一模一樣,頭、中、尾段都依舊完全沒有力,我很失望.
雖然部車是沒有力,但我從不感覺到窒油.
我暫不想再將車交到任何車行修理,老鬼、老编可否指點迷津?我應該檢查哪部份?
感激不盡
Alias
這情形下是換完機油後發生,可先檢查機氣壓縮是否正常,再看風格有否載滿機油或風格不乾爽,因可能是機油過多,因你說巳放了些少.再續!
Alias
jasonox@hotmail.com
呵....如真的油遮發脹,所以在安裝時不能偑合從而漏氣是會的,這便只雖更換油遮便可,換完油遮叫佢試兩三日車才取,問題再發生便是錯症.
|
3/3/2005
|
無端端好似冇油到想死火
你好,我想問我近期渣渣下車,無端端好似冇油到想死火,之後我拖低一個字,再比油,間唔中會死火,又或者會冇事,繼續行駛,又試過係燈位死火,跟住撻極車都撻唔著,撻著左,唔夠二,三秒又死火,極麻煩,我上星期先去車行洗 cup,換火咀,開頭幾日都幾暢順,但過多二,三日問題開始出現,究竟架車出現左咩問題?請求幫我解答..thank
Leung
這種情況二話不說就去返間車行叫佢攪番啦.可能根本未攪掂又或且唔係這問題.
|
3/3/2005
|
vtec 整流保護
老鬼＆老編你們好，vtec的整流位於車底外露位置，所以時常會有沙石和水漬，導致時常很多污垢，請問有什麼方法可以清潔和預防，是否有cover可以蓋過整流位置保護佢，謝謝！ ＾＾
setuppk pakkan18@hotmail.com
只要每以洗車清潔便可,切勿加上外殼影嚮散熱,這仲容易整壞整流.
|
3/3/2005
|
電王~電流優化器
條線有幾長?????
心思思
約一米長。如果需要長線，可以在付款後發電郵通知我們講明要幾長。
|
3/3/2005
|
Forza Z 尾椅附加配件
請問在靚車檔案中介紹之 Forza Z ，其中我看到車主 Simon 之尾椅附加配件，請問在那裡可買到？！ 因我問了很多店都無！
tat bcwtmail@net-yan.com
應該好似係燦基！
|
3/3/2005
|
如果張票被雨淋濕晒~可以點??
請問如果我收到一張告票~佢夾左o係車頭~~又冇入膠袋~~成張票被雨淋濕晒~~爤熔熔~~幾乎乜都睇唔清楚~~~可以點呀???thx~~~^^
bb~
到咁上下未俾錢的話你會再收到信提醒你交錢。你係運輸署登記的地址收到信個可？
|
3/3/2005
|
re:請問大鯊可否裝電流優化器
請問係唔係要將個電流優化器放置o係seat位下面行李箱度,會唔會另外有地方可以放?
ho
最方便當然係放番入去行李箱度，但如果你有其他選擇都冇所謂，電子野唔好俾佢濕水便ok。
|
3/3/2005
|
請問大鯊可否裝電流優化器
老編大人,請問大鯊可否裝電流優化器,知唔知可以裝o係邊個位?謝謝
ho
當然可以。新舊大鯊王的電池都是放在腳踏位，鬆三口縲絲便見到。
(資料由奧士車行提供)
|
3/3/2005
|
小心抄牌
各車友注意﹗短期內，九龍灣鴻力工業中心旁的行人通道可能會有人抄牌，小心﹗
接近消息人士
走鬼呀~~
|
3/3/2005
|
re: 燈泡
改 HID 燈似己是潮流, 但太光的燈會有以下壞處：
(1)會有可能影響其他道路使用者(尤其燈影過高者更甚),
(2) 前方照亮太光會令自已瞳孔收, 細燈光以外地方更難看清楚,
(3) 下雨或大霧時過白(冷)的光, 更會令前方景物如有一幅白牆堵著視線.....
(4) 對電器的額外負荷亦可能係未知之數........
開電單車的人
同意...
|
| |
|
|
|
 |
|
