|
|
|
FAQ常見問題 |
|
|
3/3/2005
|
續CB400 SF Verson R 一問
95'02 BigOne二萬五km (番新車)23,800.00. 不過我同佢地講想換番原裝喉及加番尾箱,佢地就話唔加錢但揾大架(二手)約莫要$300
95'99 R 四萬幾km,無大架,尾箱 有kit喉$18,000. 揀邊款好啊 ?
仲有一個保險問題, 滿10年既車要加Loading 25%,咁我今年買95年份既車唔駛加, 但到06年開始就要每年加$25%咁d保費物好溶 ?!
老編只會睇製造年份，登記年份冇意思。兩部車都係95製造，里數只能作一個參考，始終還要聽下聲和看看車身狀況。
兩部車里數差別兩萬公里，雖然有d車行兩萬公里一早七孔流血打左柴，但對於CB400SF來說兩萬公里的分別不會太大。如果有做正常保養的話，對性能更加係完全冇影響。
你可以著車聽下邊部車d聲實淨細聲d，扭油時邊部車冇咁震，如果差別不大的話，俾多六千蚊買部年份一樣但行少兩萬公里的車，可能有點浪費。
超過十年車會加loading，但你到時會開始有NCB，唔會貴好多姐。
|
3/3/2005
|
燈泡
我想問我架vxr180頭燈唔夠光但我已轉用白光燈泡有冇辦法可以較光o的,電王可以嗎,還是可以換成組超白光燈,價$多少
thank
電王能減低頭燈光暗度的變化，但不能令燈泡超出本身光度。你話唔夠光的定義係...？唔夠其他同款車光？還是未能夠達到你心中的標準？超白光燈是指HID燈嗎？需要改裝和較耗電，價錢由千餘元起...。
(你要咁光做乜？出入地方冇街燈咩？)
|
3/3/2005
|
電王
我想問電王介紹网頁在那裏,vxr180合不合用呢
123
電王icon在右邊的橙框。進入後按頁底的電王圖片便會看到隱藏的電王介紹。
或直接按此
|
3/3/2005
|
ATV
ATV 可否出牌在街上行走?謝!
James
不能。
|
3/3/2005
|
CB400 SF Verson R 一問
想問點解市面無乜Verson R既, 會唔會差過 BIG ONE 呢 ? 此車是否無水温錶? 水滾點算 ?可唔可以換番條BIG ONE喉, 加番大架呢 ?R 算唔算高危 ? 95'99 R 四萬幾km (番新車)or 95'02 BigOne二萬五km (番新車)揀邊款好啊 ?
迷𢜟的爛鬼波
Version R用方型豬頭，香港市場唔係咁受。所有水冷車都會有水溫錶或水滾警示燈。
換番Big One條喇叭喉應該可以番落大架。R版唔算特別高危。
95/99和95/02點揀？講埋價錢先有揀o架...
|
3/3/2005
|
扶車
小弟抯羊數年..最近轉抯大cc fairing車...重量大大提升(架車)
想知道跌車後應該點扶起先正確呢..
貴網所講係將近地面既把手拉貼至油缸用腳發力..
但有其他網係講將近地面既把手拉向另一方向(即遠離地面既把手緊貼油缸)
然後用腳發力...
其實邊個方法先係最易扶起架車呢????
其實兩個方法都得，關鍵係鎖死一邊把手先發力。
把較近地面的把手貼近油缸，好處係重心容易歸一。
|
3/3/2005
|
泊車位置
老編,想請問以下泊老電位置較安全?
(1) 泊街,用粗鏈攬住尾轆.
(2) 泊公共屋邨露天位,用粗鏈攬住尾轆.
(3) 泊私人屋苑,但無位扣粗鏈.
RX
好難講，多車一齊泊的地方較易吸引賊仔。唔好以為私人屋苑一定會較安全，世界冇絕對。因為賊仔可以成部車抬走，所以扣粗鏈攬柱較安全。
|
2/3/2005
|
綿羊裝釘把
小弟都見過，"懶"有型，有鬼用咩，比我用好過la
RVF
|
2/3/2005
|
一位小心的駕駛者遇到不小心的駕駛者
如有其他駕駛者(4個轆)在馬路上作出挑釁, or他刻意在非常接近我的距離cut線, 但最終沒有撞到, 請問我可否上前把他截停, 然後報警, 告他不小心駕駛, or警察在場時我可要求他向我道歉? 我相信這方法最好用來對付PK小巴佬and的士佬, 因他們沒有時間, 而我大把!
1位小心的駕駛者
請重溫FAQ內【如何舉報危險司機？】。
|
2/3/2005
|
又係回應Runner 漏油
話睇里數錶入油, 只係針對油錶油燈唔準既問題, 如果你sure 油箱有事, 千奇唔好230 至去入油呀! 我唔想害到你要推車去油站. 假如你個油箱只有6L, 自己計計! 慢慢試下!
唔係話唔好去check 下車換下野, 有時錢係要駛, 如果成日'型住'架車'生力清啤'(有d 野喎), 去到車行人地又話呢樣果樣唔得, 一大堆'傳說''神話'之後..., 人地打開門做生意...仲唔幫你個銀包放血咩? 摸熟d 自己架車, 確定問題至整啦!Good Luck !!!
飛燕落
|
2/3/2005
|
極速得131km
我今日開部綿羊grand dink250 ,極速只得131km
請問有冇車友又係用grand dink250 ...可以比較一下嗎???
阿土仔
你重想點？
|
2/3/2005
|
CBR600F4i sport
請問CBR600F4i sport有冇空間放車套~~~~~~~~~~~~~
後座位如果把工具包攝埋一邊，用薄車套俾心機摺好d應該勉強放得落。
|
2/3/2005
|
請問大家知唔知邊到有得買二手 SHOEI 頭盔
請問大家知唔知邊到有得買二手 SHOEI 頭盔 ? Thanks~
Samuel Kwok imagine211@yahoo.com.hk
唔係化？頭盔都要買二手？香港應該冇二手頭盔專門店。真係要買，可留意【買賣搜尋】內的有關頭盔的分類信息，或主動登出徵求信息。
|
2/3/2005
|
換皮帶後轉數高左?
請問老鬼, 我架車係t-rex 150, 近排換左皮帶, 珠仔, 極力子片同火咀, 但換完之後, 架車極速跌左, 而且在同一油門開合度及速度下轉數高左, 請問是否有問題? 謝謝
jkeny
珠仔重量有冇改變呢？
|
2/3/2005
|
re:無為人
你好,小弟放部車上網賣,真係激死,比人串到爆,唔買咪過主囉,我留左電話呀,覺得我賣得貴咪打呢小我囉,我部cbr250rr值唔值,約我試車咪知囉,最怕你唔出.
老編,你話點先.明人不做暗事呀.
bryan
留言的用途是方便準買家和物主作正常買賣的查詢和回應。其實胡亂留言的人，通常都會是對該車款有興趣。但這類心術不正的人，想用這些手段向車主壓價，打擊賣家信心。
提一提你，賣家利用密碼在【車盤管理】登入，便可以把離題的留言刪除。鐵騎網誌的同事見到離題留言都會主動刪除，並且記下該電腦的資料。
|
2/3/2005
|
Rin in Style
Excuse me , I already buy a new AN400S , but I don't know how to run in the bike . Because threr are two style I heard before . First one is to drive it softly until you change the oil . Second one is to drive it hardly because the
cylinder can complete the run in fastly .So , Idon't know which one is the best method ? thank you!!
傳統run-in方法最多人用，但過程比較沉悶，忍手忍得好辛苦。新派方法比較激烈，唔係咁多人敢試，但時間會快好多。
在考慮用邊一種方法時，先衡量自己能否忍受漫長的過程或有充份的技術把車激烈駕駛。
高性能引擎老編會選擇用快的方法，一般引擎會用傳統方法。原因係高性能引擎需要磨合的其實只是活室環和哇佬，而一般引擎則汽缸壁也需要磨合。
|
2/3/2005
|
訂左電王
我想問下，上網訂左電王大概會幾時送到???
hang
接到order後會係第二日寄出，通常兩個工作天之內便會收到。
|
2/3/2005
|
馬力扭力
其實單以加速能力黎講(唔係極速...只係約100km/h以下)...扭力係咪主要影響因素呢..
而馬力大既車既發揮範圍係咪多數係高轉區域呢??
Super Four
冇錯係同扭力有關，而扭力係直接同排氣量成正比。馬力大o既車發揮範圍唔一定係高轉，只係同級車種中如果馬力較大者，會係利用高轉數獲得額外馬力。
|
1/3/2005
|
老鬼師父:
我架02forza行在4萬到,上星期換左新皮帶,新同珠仔20g30g(KITACO),
起步都無問題,但發覺慢車時20~30想加速,個轉數裱係上,但架車點都唔去.
好辛苦先去到90.我想問下係唔係換新珠仔同時要換珠盤,定係極力子皮到期??
希望老鬼師父比D意見,教教小弟現在可以點做.thank you
為什麼換皮帶沒有檢查極力子皮,這款珠是否給此車形號彩用,珠的size同重量會跟珠盤的弧度有關係.
|
1/3/2005
|
續....痛失馬力和扭力
老鬼、老編
風格很乾爽,沒有機油.但我想提供多些資料,此車在出事前大約一個月,曾交車行更換傳動軸(架冷),雖然當時試車沒問題,但有可能因為車行疏忽,如接口沒有做好,引擎沒有密封...直到現在問題才"發"出來嗎?要怎樣才能証實及追究呢?
很煩的Alias
*******************************************************************************
Hi 老鬼、老编
我部車是Suzuki UE150,一次換完機油後,部車好像完全失去馬力和扭力,怎樣扭油平路都只有50-55km/h,上斜極速更加是35-40km/h.停車後檢查機油量,並放走一點機油,情況無變.第二天到車行檢查,師傅打開了化油器,把油遮取出,但無穿無爛,他用風槍吹吹化油器內部,說有點髒,前後裝、拆油遮幾次,期間並無調校或更換任何部份,最後師傅說是油遮的問題,並說若仍有問題可能須要更換油遮,但他始終說不出油遮有甚麼問題.我馬上試車,感覺部車回復正常了,但奈何只開心了一晚,第二天早上又是故態復萌....
我再將車交到另一車行,師傅估計是化油器髒,我在現場見他把化油器拆開並清潔了個多小時,並換上新火咀.怎知試車時都是一模一樣,頭、中、尾段都依舊完全沒有力,我很失望.
雖然部車是沒有力,但我從不感覺到窒油.
我暫不想再將車交到任何車行修理,老鬼、老编可否指點迷津?我應該檢查哪部份?
感激不盡
Alias
這情形下是換完機油後發生,可先檢查機氣壓縮是否正常,再看風格有否載滿機油或風格不乾爽,因可能是機油過多,因你說巳放了些少.再續!
Alias jasonox@hotmail.com
仲簡單,之前修理過機器,度左壓縮先!只雖要查看中缸位置有否漏.油便知有無密封.
|
1/3/2005
|
水溫錶 &油溫錶
老編大人,想請教水溫錶同油溫錶係唔係一樣的,只是接感應既地方同插頭唔同呢?定還是廠方話係水溫錶,就唔可以裝落油溫車當油溫錶用呢?
sam
size同感應溫度都不同.
|
1/3/2005
|
綿羊炒凹
老編大人:有次泊架車一陣, 然後前輪上鎖鏈. 番黎開車時, 唔記得解鎖. 結果一開車不斷擺動, 然後炒低... 架車一邊花晒, 側邊外殼凹左. 唔知補油同"dup"番個殼大約幾錢? 同埋洗唔洗拎架車去Check? (我驚佢跌一跌, 有問題)
史當
你架係咩車？鐵殼羊？整番都可能要使幾千蚊。
外表唔重要，凹左都行車，反而你要睇下迫力碟和卡鉗有冇走位。
|
1/3/2005
|
回應RUNNER漏油
多謝咁多位師父師兄教路...
我頭FORK係彎左LU....因為JAR 個時頭呔唔係直架..
同埋..最神奇係漏油問題...我架車唔會彈槍架....真係你入多一L...佢漏番俾你..
最頂我試過6L 冇事..仲要3L.3L咁入..真係3L又3L..又3L..就漏啦!!
另外我想問係睇可以RESET 個個錶嗎? 行230 度去入油? 我試下啦..新牌仔乜都要試啦..多謝先..
其實講到尾..我部車油缸係咪有問題?
|
1/3/2005
|
et8維修一問
想問下架et8因為個車頭重創，車房話要$15,000換晒車頭零件同噴過油，其實買過部都得，有無d唔係原裝零件，唔駛咁貴？定係無眼屎乾淨埋拎架車拆卸算呢？但係個engine仲work，可唔可以賣到錢？
melopui@sinaman.com
整萬五蚊？你部車都好傷喎，扇吧啦六師弟....
一係「滔」左佢，一係賣俾車房，執番一殼眼淚然後買果架啦。
|
1/3/2005
車友投訴
|
服務態度惡劣
今天下午，我打電話落去某一電單車行(最喜愛賣日本翻新車)，原本想問他某一隻偈油幾多錢(因為朋友介紹，他說果間車行有得買)，打完之後，佢老闆叫我等一陣，之後斷左線，我就打多一次落去，點知都係佢接，我就再問番隻偈油幾多錢，點知佢好惡咁話：「問、問、問，問咩問，放工自己落來睇」，跟住又俾佢CUT線。
他的態度就係嚇左我一跳，我仲邊敢落去看呀，今時今日這樣的服務態度邊得架。
綿羊新手
|
1/3/2005
|
請問在那處能訂購到 " Honda XL1000 Varadero"?價錢大約多少?
alex
Honda代理燦基佢地應該冇現貨，但可以問下訂貨要幾耐同埋幾多錢。
|
1/3/2005
|
回應Runner 漏油
我都係'jar'Runner, 幾年前新車番來到依家都係入太滿油就漏, 傳說(只係傳說)話油箱內有個安全位, 如果油太滿就會在安全位漏出..., 我唔多信(架車幾錢? 有無禁多'花神'?), 不過用左幾年, 又無事, 無理佢! 叫油站職員入到'頂鎗即停', 應該唔會漏,
都係漏的話, check 下'law'! (如果真係有事, 請通知聲, 唔該)
Runner 個油錶出名唔準, 唔好理佢! 我習慣睇里數錶入油, 行大約230至240km 去入油, 9-10公升左右啦! 入完reset 番個錶.如果你覺得太險, 早d 去入油.
我都撞過車, 頭fork 無事, 可能我果d 係輕微碰撞啦..., 人地話有事定你自己睇到彎左呀? 四千幾..., 見仁見智啦..., 我唔敢講太多...!!!
想借此機會多謝編輯大人及老鬼大師父, 為我們這些初哥解決了不少問題, 使我們穫益良多. 祝 你們身體健康, 工作順利!!!
飛燕落 leungkaiching@hotmail.com
多謝「飛燕落」的詳細補充。
其實我地都係拋磚引玉，老編幾時都崇尚「集體智慧」。
|
1/3/2005
|
保險一問
你好，本人電單車的保險在五月中先到期，但我現在想換車種(由羊轉街)，想知道這樣保險可以轉車嗎？再者我現在那份保險是由車行代出的，那我可以直接聯絡保險公司講轉車的問題嗎？
man
視乎你份保單係咪只限綿羊，如果係的話便不能轉街車。可以嘗試直接聯絡保險公司，但通常佢地都會叫你搵番代理跟。
|
1/3/2005
|
回應 CB400 兄
我就乜牌都有晒啦,係差師傅同政府牌未有,依個香港有人會奉公守法,但有人唔會......佢地視法律如無物,有錢咪有羅,無錢想贏難d羅.
我無話要同任何人罵戰,大家都係想交流下.........知多d,事情係有正負面既...
我只係想講任何意外就算自己岩都唔一定贏
重有世界上又有幾多個人明知錯重大大聲講比人知係自己錯架.........
SV650 係我朋友,我都想佢追得返晒,我都希望法律係公平既........
BANDIT600N
|
1/3/2005
|
綿羊裝釘把
我見過綿羊裝釘把響頭fork,同頭fork成一平衝線,有沒有實際作為呢???
另外,綿羊又有沒有必要裝釘把呢?有什麼作用?正確應該裝在那裡?請回覆~謝~
問題少女
綿羊裝釘把？真係未唸過(其實都未見過)
|
1/3/2005
|
Re:致 Majesty KK7895 車主
我諗你做同post上黎係甘好.萬一個賊去羅左點算? 咪好心做壞事? 我之前都試過有甘既情況... 雖然好想幫個車主,最終都決定唔理.. 有無人可以比個好D既辦法?? 因為你都唔知點確認車主身份... 定係應該報警?
Po
|
1/3/2005
|
偈油隔
點解有d車要換偈油隔, 有d車就唔駛換?(Majesty250只係一執網仔, 唔駛換)
但聽人講, 換偈油隔仲緊要過換油, 咁唔駛換果d車咪好大鑊?
強
因成本和設計不同，有d車只得沙網冇偈油隔，但都能發揮到一定功能。
定期更換偈油和偈油格同樣重要。舉個例，換洗碗水都要換洗碗布。
|
1/3/2005
|
RE:[問]p牌出羊
先多謝你既回覆
你建議的250綿羊中.. 97,98的乜大約要19000-21000, 但和99an400比較, 是否因技術較成熟所以更耐用?? 另外相差150cc, 動力會否相差很遠??
rick
應該唔使咁貴。你有冇見部第二代01年AN400賣兩萬七呢？唔好急慢慢搵下。
250和400綿羊的分別在於扭力，在加速和上斜時便會好用好多，但尾段極速唔係快得好多。
|
1/3/2005
|
回應 Bandit 600N兄
首先聲明, 本人一向不主張於網上展開罵戰, 此舉一來引起網友之間不快, 更甚者, 會影響有關網站之形象.
但本人有感兄台之言論有誤導他人之成份, 故特此向借 貴版地方一用, 希望老編原文登錄.
(其實最主要原因係, 你"Bandit 600N"老哥撻著左我...............老編, 你念在我打得咁辛苦, 千祈唔好唔登呀~~~)
"請問依位人士有無 4,6 牌架呢,如果係你撞到佢,架電單車都唔知線左唔知去邊啦? 仲咁傻等警方黎呀........架的士想點郁都得啦,食正晒條線都重可以呀..........無第三著左場老電炒乜車都唔著數(我覺得)因為法律係黑既.............."
首先, 回答老哥你既問題, 小弟有1, 2, 3, 6, 22 號牌, 但小弟聯想唔到我有冇4.6牌同我之前既言論有任何關係.
另外, 回應老哥你既言論, 原諒小弟偷懶, 以下文章節錄自運輸署的「道路使用者守則」 : <<假如你涉及交通意外假如你駕駛任何車輛（包括單車）時，不幸涉及交通意外，即使你的車輛毫無損毀，也要停車。如果有人傷亡，或有車輛或物件損毀，一定要停車。如果撞倒路上或路旁的動物（例如豬、牛、馬等），導致這些動物傷亡，也必須停車。意外中如沒有人死亡或嚴重受傷，或沒有造成嚴重損毀，你可以把車輛移至附近安全的地方。如意外中有人死亡或嚴重受傷，或造成嚴重損毀，任何人士沒有警務人員的許可，不可移動或干擾車輛，但救人、救火或 應付緊急事件除外。>> http://www.info.gov.hk/td/chi/advice/124.html
另外<鐵騎網誌>亦有如下文章 : <<Q2. 如發生交通意外，在什麼情況下需要報警？
A2. 如只造成車輛損毀的交通意外及無人因而受傷及無政府或第三者財物損毀，雙方已停車及交換資料並能協議和解，便已完全依循法例需求而行，所以無須報警及採取進一步行動。
如雙方未能和解，或交通意外中有人死亡、受傷或引致政府公物受損或車輛嚴重損毀，無論雙方有否交換資料，亦必須在意外發生後24小時內報警求助。而在未得警務人員授權下，涉案雙方或任何人不應移動或干擾任何涉及意外的車輛。任何足以毀滅、更改或隱瞞該意外的證據的行為，即屬犯罪，可處罰款壹萬元及監禁六個月。 >> http://www.ibike.com.hk/03_knowledges/accident_faq/01.htm
閱畢以上文章, 煩請閣下考量, 以閣下之做法, 當閣下遇上如SV650"Shing"兄一類之意外時, 是否足以在法律上自保. 又或保障自己的"追討能力".
CB400
|
1/3/2005
|
小心!!!
各車友小心xx電單車,何為專業?差O的脫轆!!命來的,小心小心!!!
小羊
咁嚴重o既指控，講詳細d先啦。
|
1/3/2005
|
失竊報告
老編大人
請問點解仲未有舊年12月同今年1月既失車report?
大蛇 snake.big@gmail.com
係喎，追追先...
|
1/3/2005
|
日本翻新車(forza)
老編你好~
我想問下點解d翻新車,通常都係行得一兩千，會吾會係車行調教過呢，禁拿去其他車行check可吾可以check到真實行左幾多呢？我睇中左部forza03年，顯示只係行左１３００km，不過又０的朋友話，因為日本過邊d人換車換多好快，所以行得禁少．．請問係吾係真呢？買二手forza時，要留意咩呢？因為車行都吾比試車，又吾知點檢查，希望老編教下我呀∼∼∼多謝！！
鬼sir lawrence_suen1973@yahoo.com.hk
判斷里數是否「合理」，通常會從年份和車身狀況判斷，例如睇迫力碟，頭fork，死氣喉和輪胎等狀況。當然日本有好多好新淨o既二手車或demo車出口，有低里數荀盤一d都唔出奇。但其實買二手車睇里數只係一個參考，主要都係睇車身狀況。當然行左九萬公里梗係多，但五千和一萬公里的分別其實不大。
係車行買車冇得試，只能要求佢載你一程聽下聲睇轉數睇下副偈咩反應。但新手都唔慌會聽到乜，所以新手揀年份較新的車和有維修部的車行會好d，真係部車有事都可以俾車行跟番。
|
1/3/2005
|
防盜器問題
請問鐵X軍果種雙向防盜有無車友用緊呢?佢比起普通既有乜分別呢?係遙控上既液晶面上會點睇到部車有乜事呢?因舊果個壞左想請教有無人用緊呢?thx
|
28/2/2005
|
回pgm3
我都係渣3仔,之前都有同類情況發生,我之前係打啦磨打柴同燒熔左條電線,搵二手打啦磨4百幾蚊到有找,如果去燦基買條全新龍根都係1400蚊,如果諗住長渣買得過丫,仲有裝電王幾有效~
五號仔
|
28/2/2005
|
Fusion 想換NGK火咀Cap
Fusion 250 想換NGK火咀Cap 有3款 直形, L形 及 短形那款合式
陳大文 xysoul2000@yahoo.com.hk
應該是曲頭直形那種才對.
|
28/2/2005
|
水溫sensor?
老鬼師父,我部big 1 的水溫sensor 是否壞了?我折了果粒sensor(出面好似咪插,裏面係圓柱體的東西),用他錶他佢的數值係3XX ohms,初時我以為係我的溫度表有問題,但我用果條線直接落地,但水溫錶又會移動(係去到紅色果到)咁我個轉數錶裏面果個水溫錶應該無問題啊,之後,我就用了一個30 ohms 的電阻落地佢就升小小但又未到C果個位,請問如果我買一個新的水溫sensor 果個sensor 未熱的數值,同熱左的數值係幾多啊(果個ohms 數).因為我驚買左個新之後,才發覺唔係個sensor 問題??Thanks a lot!
Jason wcl997@hotmail.com
47~47庵@80度,25~30庵@100度.
|
28/2/2005
|
迫力碟發熱
你好!本人vtec2換了頭呔後,發覺一邊碟比另外一邊碟熱好多,請問有乜野問題呢?己拆左飽魚出黎睇,該應冇乜事!
steven chiman7974@hotmail.com
有機會裝轆時把左右杯士掉轉裝.坐上車計應是左邊短d,右邊長d.
|
28/2/2005
|
有無解決BMW細鳥f650gs至7500rpm就斷電的良方?
1.如有解決方式請不吝賜教!!謝謝!!
2.不知是否有讓F650GS馬力提升的引擎改裝套件?(http://www.team-pami.com/englisch/index.htm) 在這裡有F650的擎改裝套件;但不知和F650GS能不能通用.........??????
3.如有相關產品及價格敬請告知,謝謝!!!!!!
Wei ipo.tw@msa.hinet.net
你只雖給予對方機器no,便知可否共用.
|
28/2/2005
|
cb250尾brake發出"支支"聲
老鬼大人 , 我架cb250約3個月前個尾brake換左brake皮 , 不過前一排就次次係慢車速時殺車就發出好剌耳而大聲既"支支"聲 , 但是又殺到車喎 (都幾應下) , 查左成個星期都仲有 , 其實有咩問題呢?
燎
第一皮質問題,第二換皮時有否吹走舊迫力粉和把迫力皮飛邊.
|
28/2/2005
|
GILERA Runner 放水箱水!
GILERA Runner 200 放水箱水,點放呢??因為想在夏季前自己換新水箱水!
thank you!!
wai ngxxm@hotmail.com
要把水膽位置水喉碼剪爛,把水喉拉出才能放水.
|
28/2/2005
|
坐2004年川崎ZX-10R遊車河(看下好La，千其唔好學，後果自負)
http://p.lacoste.free.fr/Galerie_perso/Toefftour_Ausserorts.WMV
WONG Ho Ying
二波173km/h起頭，六波230km/h在一條行車線之內過彎，出彎後見條路直少少，架車都未棟直得晒就行299km/h，你叫人點學呀？
|
28/2/2005
|
電池問題
我部pgm 3個電池成日打柴通常每一個月換一舊,但係去車房檢查d線圈同整流都冇問題,最慘兩間車房個答案都係一樣....真係頭痛.你話我換車好還是找出答案好(我好鍾意部車)
頭痛 hang_1209@hotmail.com
電氣野...人人都怕....線圈整流冇問題，咁架車會唔會有地方係咁漏緊電，扯乾電池呢？
例如以前有裝防盜，因為漏電所以剪左線....之類之類....尋求真相係好事，但未必係對自己最有益的事......
你話你鐘意部車，所以我估你都唔想換。情況就好似你好鐘意一條想撇你o既女，但係你唔制，重係咁搵分手原因.....呢d事永遠都係吃力不討好。
|
28/2/2005
|
Re:新牌仔
漏油可能係正/副油箱裂,要整!Ruuner常見問題!
4千???係o米malossi 灰腳連鮑魚？係就四千差o吾多o羅(歐羅貴o左!)
其實可以留意o下出面有無2手Fork
M&M
|
28/2/2005
|
致 Majesty KK7895 車主
銀色 Majesty KK7895 車主, 請向你的停車場管理處取回你的車匙, 你的車匙遺留在車子上, 我交了去管理處那裡, 請自行取回。
(PS:有一條鎖匙爛左,唔關我事架,我見到果時已經爛左)
多謝鐵騎網誌提供留言地方
Paul
|
28/2/2005
|
回應果位回應炒車報告: 微雨盲H的士佬掉頭撞正SV650，重要講大話
回覆
有架泥頭車響的士後面, 但邊有可能知道個車牌丫, 唉, 其它車, 事不關己, 更加采你都傻.其實我和架車扇停後, 見亞差(另一受害者)又企響我面前, 下意識即枱反起架車,亞差有幫手, 枱起後但無改變角度 (諗反其實唔應該即枱, 但又怕架車訓得耐唔好, 當時真係好自然敢做, 經驗少)
分析真係想知點撞既話:
其實馮架的士係右邊司機門凹左, 我架車係左邊fork灣, 右邊輕微, 左邊腳踏個轉波tick爛左和唔知飛左去邊, 若經調渣, 點計都係熟於的士eye埋黎, 若話我直撞既話就唔係敢爛, 而係連頭燈都爆(但車頭部份無爛只花一件啡呤野(派低後跣做成),
和fork至少都一對一齊灣啦, 而且家陣係向前灣, 好明顯D力從後衝上前的, 仲有我對左邊鞋仲有撻的士d紅油響樹, so呢點己確定的士eye我左邊, 另到我派右邊, 仲要扇成三四秒先停
要符合到呢點, 兩個可能性, 一係如事實敢, 的士1線, 我2線, 的士一線eye埋黎我2線
另一可能係我cut雙白過佢頭, 跟住到達的士時, 的士至比油eye埋我左邊樹
理論上第一個可能合理d, 第二個可能性即係我話玩自剎敢cut雙白黎過佢頭
敢各位推測會係對小弟有利定都係兩者都一半半chance呢?
其實個的士佬開頭有講賠賞野嫁, 和叫我唔好報警, 不過三架車加有人受傷, 點都要報, 後來阿SIR和救護人到後, 居然即改口供話自己行快線, 話我CUT雙白, 希望佢本住良心, 真正落口供講反實話啦
Shing
|
| |
|
|
|
 |
|
