|
|
|
FAQ常見問題 |
|
|
3/2/2005
|
不是想追究某車行.我整車已用另一間車行,怕左佢.
我剛買了架 02/04 majesty 250c,已給車行維修任何物品.fork 油,換油,水箱水,洗吸及消"贊"口也換埋.換水箱水時有很多"瘦"水,車行已清理好.都算對佢人至義盡啦.其實好多0野都唔駛整我都換埋想佢"come"用d.好啦言歸正轉.
1. 我以前是用開 98/98 舊 majesty. 比較新款起步要扭大油門先到油,但當油到時佢起步太勁, 一加油佢好似"bid"就起行. 是否正常.
2. 行車後再加速唔易上,舊款易好多.
3. 慢車時唔係好穩定,是否街0太問題.可能我要就個油門唔敢行車與車之間.
4. 如架車很久沒渣,我怎可以令佢順一點.後坐乖客說好似騎馬仔咁.油好似段0下段0下咁.
我是香港二手買的,前一手已說明車行已更換fork 油,換油,水箱水,珠仔及皮帶.仲有保養.倒頭來要番執.仲要有生綉水箱水.不是想追究某車行.我整車已用另一間車行,我只想安安全全駕駛用幾千蚊來番執我都唔會再用呢間車行,怕左佢.
wdot
即係咁講，係你上一手個車主向你表示話佢已經係某一間車行跟過晒架車，點知你發現架車好多野都要整，所以覺得果間車行有問題？但係呢個係上手車主講咋喎，係真係假點分呢？
一俾油即刻起步，珠盤應該改裝過。其實咁咪重正？下下應有反應喎，嫌猛得滯用尾迫力拖一拖咪得o羅？慢車唔穩定，波子盤狀態，胎氣和技術都有關係，唔知係邊樣。綿羊加速力和分佈地帶，主要取決於普利珠的選擇。
|
3/2/2005
|
萬事得 JU 9057 四個轆司機正人渣
擒晚十一點半左右,車住個朋友去小瀝源幫另一個朋友救車,途中我由慢線cut去中線之前打晒燈,擰晒頭,肯定冇車先至過線,點知有架車後上兼比大油上前玩o野,差D將我同個朋友隊低,我當時好彩避得到姐,如果唔好彩咁點?後來我去到城門河橋面燈位,咁o岩撞見o個架車,正當想同佢理論之際,個金毛中坑司機同佢隔離個中坑乘客講晒粗口少我,當正我唔o岩咁,中企圖想落車打人,今日我去o左警署報警.
P.S. 我已經有三年幾牌,日日都用車,基本上早午晚有晒路面駕駛經驗,一向都冇大小炒車.
我個朋友都十幾年四個轆牌,二年幾兩個轆牌,都係日日用車,兩條友路面經驗絕對唔會比其他人少, 而且o個段路行 80 , 我雙騎兼天氣凍,只係行70左右,大家都有留意當時發生o既情形, JU 9057 呢架車入面仲有個女人同埋小童,個司機咁冇品遲早出事.
人渣JU9057
|
3/2/2005
|
本人架棉車仔拆了個風隔下來洗(連埋海棉一起洗)之後有以下問題:
1) 撻車時好大煙
2) 撻了車數秒後會自動死火
3) 比大油時也會死火(3千轉以上都會死火)
那究竟是什麼問, 如果是風隔還未乾透就擺回車上的話, 我已經用風筒吹乾了, 但以上問題仍然存在, 那是什麼問題?
calvin
試下將海綿塗上偈油先。照計洗完風格部車應該爽左先o岩，你的情況反而似係塞左咁款？
|
3/2/2005
|
RE : Levi's牛仔褲點解咁貴？炒車你就知
炒車報告個title好似唔係車友自己留架喎好似..我當年寫既時候都無留架
新手一明
唔係咁寫，又點吸引到你睇....
|
3/2/2005
|
老編,請問你對摺鏡有乜睇法,用摺鏡會否快車會很震,是否一定是napoleon鏡先好,因摺鏡唔同牌子價錢分別好大.亦希望各車友能比d意見,那裡的摺鏡平靚正及耐用?
機車人
摺鏡係泊位時的確幫到手。唔清楚邊隻牌子鏡唔會震，因為震唔震其實係睇你部車震唔震。老編認為後鏡係消耗品，刮花磨損係遲早o既事，太靚o既後鏡又會擔心俾人撻....
|
3/2/2005
|
巡航車與塑膠車
謝謝老編先生等,
綿羊在台灣叫塑膠車,這名詞是有點負面的,但愛塑膠車的人太多了,香港是不能比的,前個月在電視上看到一個有關偉士牌Vespa的節目,我才知道在台灣大些人很愛偉士牌,收集他們所能收集有關偉士牌的東西,各種版本,甚至海報,好像還開了間酒吧,與同好有個地方一起...原來不單止台灣如此,節目上說歐洲亦有不少車會熱愛偉士牌,偉士牌對我來說是很老土的,但這不代表他不漂亮,只是我不喜這個形而已...我必須承認他的吸引力,...
在台灣那個關於偉士牌的節目上,有位仁兄被問到為何熱愛偉士牌,他便很直言說出他與其他綿羊的分別 - 金屬 - 偉士牌的車殼是用金屬造,這是其他車比不上的,金屬給人的感覺是不一樣的,試想:若果平治的外殼是用膠造的.....電影"羅馬假期"中的偉士牌還有人當寶收藏...其他牌的...我不知了,...也不想去想了...
至於那些可以可拆上拆下的"啡呤"用金屬或膠作的,我反而沒意見,因為我是批評現代綿羊個車殼而已...
我的綿花了一些錢去改(希望給人多點金屬感,但...),很多人都說漂亮,有一日,身邊經過一架Honda的巡航車(到現在還查不出他的型號...),我的心情就跌下去了,因為與那台巡航車比較,我的車實在太低階了,我才明白無論我如何改,格局所限,他是不能有質的跳昇的,正如有些人把細cc的硬改為大cc,做很多事,但得到的卻不成比例(或敨在改裝的過程中很有趣)所以我開始收集巡航車,P牌過後便會考慮換,照各位仁兄說,照顧一台巡航車是很痳煩的事,這點謝謝您們的提醒,
愛他就要花時間了,天下沒有現成的愛情啦.....我現時的感覺是:他是不可取代的! - 金屬 - 當日那台Honda的電鍍金屬感還壓著我啊...
這裡只表達我的個人感覺,浪費了各位看官的時間,在此說聲抱歉!
David
嘩見你咁有心機打咁多字，又等老編打少少先。
很多人都對金屬或金屬感有十分深的情意結，如果Zippo火機用膠做，肯定冇人買。
鐵殼綿羊是綿羊之父，具有深厚歷史意義和文化基礎，討論偉士鐵殼綿羊，不應討論它的機械結構或操控或性能。(因為金屬做的車身，正正便是它的死穴。引擎後置並放埋一邊，正正是它的操控死穴)老編對偉士羊都有一份情意結，因為小時候父親也有一臺：)後來自已新牌時馬上買了一臺，不過keep得幾個月便忍受不了馬上賣了。
講番美式巡航車，同樣擁有深厚歷史意義和文化基礎。加上崇尚大美國主義的人在世界各地也有很多，而美式巡航車也是非電單車愛好者最普遍認知的車種，所以自有其存在價值。
|
3/2/2005
|
洗cup一問
你好呀老編:請問洗cup時係唔係會調教埋風油比呀?係唔係兩者有關係呢?
洗完化油器把所有野還原時會順手set風油比和tune 過balancing。洗化油器的原因係清除沾染在化油器內的微細沉積物。
|
3/2/2005
|
SUZUKI GZ150
有冇人玩過SUZUKI GZ150 ???性能,加速....好吾好??點解$17800都冇人買???
P仔 www.blacksky_ho@yahoo.com.hk
點解你話冇人買呢？代理賣到笑咪咪喎…
|
3/2/2005
|
條胎漏氣
你好"我係新牌仔,想問下我隻羊仔頭胎漏氣(可能比人破壞)想問下有無方法唔換新(因為都好新),可唔可以修補返或有咩方法.
Calvin外星人
俾胎舖或車行睇下係咪暗漏，有得補的話幾十蚊搞掂。
|
3/2/2005
|
回應士力50問題..,,,,,
"回應士力50問題..,,,,,
千奇唔好用.....我賴過野
jacky""
呀 jacky哥,你用過後有乜野事發生左呢...
kk
|
3/2/2005
|
換頭尾牙
想問下頭牙尾牙點樣先到期要換丫？同埋要幾＄玩呢？近日發覺條鏈好嘈唔知係咪到期呢？加左鏈油都係咁.....
jack
頭牙要拆先睇到，尾身可以睇下d齒有冇變形變尖。通常兩條鏈一對牙咁換，全套換晒後行車會靜好多。
|
3/2/2005
|
RE:換窄胎原因
因為120/170的頭尾胎已屬重型車使用胎,選擇上少左好多,平時都少用,多數係假日使用,所以想選擇優質的racing或者sport胎.但係同樣級數的範圍內,110/160的胎價錢抵玩好多.選擇又多.
vincent
|
3/2/2005
|
RE : Levi's牛仔褲點解咁貴？炒車你就知
可能人地想寫得生動d,苦中作樂姐,炒親車都係慘架喇,唔洗咁認真既
=.=;''
|
2/2/2005
|
撻唔到車
老編你好,架車係99年an250,.前幾日換左日本新電池.用了幾日.今早去拿車發見撻唔到車而電池就冇電.請問係什么問題?
快樂小騎士
新電池有冇叉滿先放上車？通常都會叉番一兩個鐘先放上車。還是你部車漏緊電？有冇裝防盜？
|
2/2/2005
|
回:小子
你講到好大份咁...你真係要諗清楚啦, 我覺得要平o既會要honda foresight, 零年易找, 價錢平, 新車$39xxx, 二手最平萬幾至二萬幾都有, 咁o既價錢會係粗用或平價首選, 台灣車始終冇咁耐用架!
綿羊大王
|
2/2/2005
|
RE: VTR 250 換呔
小弟用開Dunlop GT-501, 約$1000一對平靚正. 濕地乾地都覺得幾好.
如果想"激"d, 可以試下 TT-900, 條呔會尖d, 落灣會快d, 不過會貴dd.
再靚d可以用GPR 70, 不過都幾貴, 同埋因為係sport呔, 好快去貨, 唔係咁襟, 唔推薦你用.(其實小弟只係用過呢三隻呔, 其他牌子唔識推介俾你)
VTR250
|
2/2/2005
|
本田Vtech的問題
您好：本人想請問本田的Vtech技術，電單車和私家車有什麼分別？
WONG Ho Ying
Honda電單車和Honda私家車的VTEC原理和目標是完全不同的。
電單車的VTEC是把引擎閥門分成兩狙，在未達指定轉數之前，只有一組閥門運作。用意是在中低轉時節省燃油，但同時提供相近扭力。
私家車的VTEC則是在指定轉數後改變凸輪位置，加大閥門開啟的角度，因為鮮風增加，所以燃油也有配合追加。用意是為了增加馬力而設。電單車採用類似的設計是Suzuki Bandit 400V。
|
2/2/2005
|
換幼胎不換鈴
老編好,前日問過你話我想將部車既輪胎size改變,但係大前提下我係唔一並換埋鈴,用返原裝鈴,將原來120/170的頭尾胎 改成110/160的頭尾尾.咁樣安裝落去行有無問題呢?(我怕到時鈴闊過條胎)
vincent
170落160冇問題o既，但係你做乜要換窄胎？
點會窄過條鈴呢??
圓形有個 r 架,個 r 食晒果 10mm 咩...........
每邊5個換左唔留心望都唔覺得...........
wai896
|
2/2/2005
|
RE : Levi's牛仔褲點解咁貴？炒車你就知
師兄,你究竟係分享炒車經歷,定係幫你隻"勞"同d衫褲賣廣告呢??
條501咁堅,落場用佢都得,唔洗買皮啦......
-_-"
|
2/2/2005
|
換幼胎不換鈴
老編好,前日問過你話我想將部車既輪胎size改變,但係大前提下我係唔一並換埋鈴,用返原裝鈴,將原來120/170的頭尾胎 改成110/160的頭尾尾.咁樣安裝落去行有無問題呢?(我怕到時鈴闊過條胎)
vincent
170落160冇問題o既，但係你做乜要換窄胎？
|
2/2/2005
|
各車友小心
進x專賣大陸野仲收日本台灣貨價錢 . 各車友小心!小心!
呢間車行近排咁多負面留言既？係咪得罪左人？被人整蠱緊呢？
|
1/2/2005
|
reply 回巡航車問題
Dear Editor & other biker friend ,
I do agree large size scooter impact cruiser market even on street bike, but viewing in other angle , it give more choice to us for enjoy different kind of bike , I am one of the example that owned a scooter AN400 2 yrs ago, and now own silver wing, I also owned Street bike CB-1 ,CB1300 , and Cruiser Rebel 250 , Magna 750 , BMW r1200c just before. From my experience , all of them have there fans,
My feeling is that Street bike have more sport , solid , have there revised & additional accssories, and easy handling properties ( such as breaking , curve & acceration ) , Seat uncomfortable.
From Cruiser , I enjoy to own them , I like outer classic design from front wheel , handle bar , fuel tank to rear wheel , I am also interesting to clean and polish them , I also enjoy to study culture background . But I don't know why Hong Kong unlike japan , USA or other Country , They like to modify cruiser and more crazy . This type of bike Powerful and Seat comfortable .
For Scooter , my feeling of scooter is that it like narrow made private car , comfortable , not heavy and riding clean , metering panel design very clear and luxury, and storage box is very useful from front panel to under seat . Less powerful.
From my riding experience , each of them have there good and weak point, depends on what you concern during you making decision , consider horse power , larger cc ( since same liscence annual fee with small cc ) , seat comfortable , outer look , easy of handle .... ! Untill present , I have not conclusion which on is the best !
David , you if making decision , just think what you want first , and then select what kind of bike to near you want !
BB
|
1/2/2005
|
PS250一問??
請問有冇車友用緊呢款車??因為星期六同女朋友去睇車,覺得呢款車幾型,大家都好鐘意,上黎睇車主報告又無呢款車既報告,所以係度問下大家既意見??
朱仔
|
1/2/2005
|
回應士力50問題..
千奇唔好用.....我賴過野
jacky
|
1/2/2005
|
抄車撞車
請問以下情況誰有賠償責任?
1.跣胎自抄,車毀人傷,人就cam車手獎,咁整車費是否cam自己保險?或食自己?
2.跣胎自抄,架車撞傷人/車,別人的湯藥費/整車費是否cam自己保險?自己就冇仇報?
johnnyshum johnnyshum@hotmail.com
Dear Johnny Shum:
1. 如果車有買「全保」，修理費可向保險公司索償（会扣墊底和折舊）。如果車只買了「三保」，則只能自已負責修理費了。另受傷司機只要有三天病假以上，可申請「車手獎」（即社署交通意外傷亡援助金）。但受傷乘客除了可申請「車手獎」外，還可有機会會"claim"保險的。詳情可瀏覽本公司網頁，或致電查詢。
2. 因自已的過錯以致他人受損失，自已當然冇得賠，別人的損失(包括湯葯費修理費...)亦可向你／你的保險公司追討。所以，意外後應盡快報保險，否則保險公司可能會因你「違反保單條款」而拒絕替你賠償第三者的。
佳保公証行
(以上內容僅供參考，並不代表法律意見。）
|
1/2/2005
|
P牌仔買車想試車
小弟想出一架RUNNER VXR180 綿羊 02 年0 手, 14500 車價..其實會唔會好貴?
同埋如果試車試D 乜先知架車好唔好...即係邊方面要留意? 而留意的部份又要有邊D 反應先係唔好呢? 02 RUNNER 會唔會太舊? 行左幾多咪數先係唔好?
焦急人
價錢可以參考番【買賣搜尋】中的【叫價參考】。其實淨睇價錢未夠，始終要視乎車身狀態先可以決定到貴或平。
試車？其實你想試下款車適唔適合你用？還是想試下部車有冇問題？
無論係邊個目的都好，車行一般唔會俾你試，只會載你出去皮番轉。
私人賣車可能會俾你試，但你地應該已經講好晒價錢，一定買，只係爭在想試下部車有冇問題，咁先會俾你試。
但如果你炒車的話唔駛講野你就要買左佢。所以除非你好熟車又好有信心，否則輕輕咁試根本試唔出問題。
保養好的車，行左幾萬公里數都唔係問題。保養差和駕駛習慣差的車，可能萬零公里便有問題。
|
1/2/2005
|
車呔size問題
Sorry!琴日條問題打錯o左
我架車係ZXR250.原本頭呔110/70-17，尾呔140/60-18,而家換o左頭呔110/70-17，尾呔140/70-18,請問會有咩影響？
豪
啊乜原來ZXR250尾轆用18吋轆既咩？係咪架....
照你咁講尾胎扁平率由70%增加到80%，條胎會厚左，圓周會大左，起步和上斜會慢d，但會舒適左。
(都係覺得你尾胎呎吋有問題...)
|
1/2/2005
|
唔係嘩！
極驅只是不做維修同門市零售轉營做電單車零件批發
路人甲
|
1/2/2005
|
我想問,我抯緊部HONDA VTR 250,依家仲係一名P仔,但想換呔,但市面上唔知邊一款呔比較好D,因我較早前因為尾轆"線"呔而訓車,好彩只係輕傷,所以想換條濕地及乾地都比較有好表現O既車呔,希望各位能夠俾D意見!THANKS
P仔
老編認為正常駕駛的話，揀任何牌子的sport或sporttouring級數的胎經已夠殺。其他車友如有心水不妨分享一下。
|
1/2/2005
|
老鬼/老編好!小弟想問架車(hornet250)呢輪覺得比較’登’,同一路段上都覺得差咗,連我女友都話’登’咗。小弟睇過頭fork回彈力無遲緩感覺，請問兩位大師有咩意見。(頭fork,尾避陣兩年未有換油同檢查過，唔知係咪呢個原因)唔該兩位師父!!!
kkchan
比較「登」的意思係咪即係「硬崩崩」咁解？照計Hornet250頭叉冇野set，而你又話兩年來冇搞過佢，照道理唔會無端端「變硬」o架？唯一可能係胎氣打多左。如果唔舒服，橫掂兩年未搞過，都好應該換fork油，到時順便睇下頭叉彈弓有冇變形？
|
1/2/2005
|
回巡航車問題
老編及各位朋友,我隨便一問便得到這許多人的回應,真是感謝,這就證明這網誌的成功了,....
本人喜愛綿羊,但綿羊外表全是用掃膠作的,就算是an 650這隻終極霸羊,T-max這隻終極跑羊,都沒有電鍍金屬,好像失去了電單車的該有的霸氣,最後要自己換金屬把手,全不秀鋼死氣喉,但還是很有限,感覺還是出不來,全車都是掃膠,ET8雖是金屬,但卻老土,....
車廠要省錢也不要這樣,事實上重型的豪華羊並不便宜,...試看,若T-max用輕巧的鋁合金做的,這隻終極跑羊給人的感覺會變成怎樣呢?謝謝您們拉
David
咁又唔係喎，現代綿羊的車架和避震結構都係金屬丫，即使係巡航車，街車或跑車，啡呤部份只有油缸係金屬做，其餘啡呤都係用「掃膠」做架乍....貪佢輕身得o黎替換又容易嘛...某些貴價跑車更連油缸都唔用金屬喇...呀，sorry，係「塑膠」唔係「掃膠」...
重有乜你話ET-8老土？你試下係茶餐廳咁講，老編驚你出唔到門口呀：)
|
1/2/2005
|
VTR Club
Dear 老編......
煩請借個位一用 :)
http://groups.msn.com/HondaVT-BikeClub
不論你係 VTZ , VTR 250, VTR 1000 , VTR 1000 SP1 , VTR 1000 SP2 擁護者,歡迎加入及參與活動.
老闆
嘩....真係有VTR車會呀!!!)))))))
|
1/2/2005
|
有關新車 Run 車問題
我想買新車,不過怕 Run 車,所以想問下大家意見啦~新車吾可以雙騎 ? (我成日要咩住女朋友,冇得吾雙騎,點算?)新車吾可以快過 60km/hr ? (甘上吾到高速公路?)就算我自己都好重,吾好雙騎...我一個已經等於雙騎,甘我一定 Run 車 Run 得吾好啦,有咩辨法?大家幫我念下啦,老編你話呢...(費是一陴又話我吾問你) 講笑,吾該晒老編
其實我甘係味即係不如買舊車 ?thx
小子
有關新車run-in的介紹，可以參考知識技術的以往報導。
如果以正統的run-in方法的確好辛苦，但又冇話唔可以雙騎或超過60km/h。
總之第一次換油前唔好過一半轉數，換左油後經已自在好多。
|
1/2/2005
|
綿羊大王
回 1)大鷹200 2)B&W 250
大鷹200會係你呢2架車o既首選, 零件易找又平d, B&W 250比我100%唔會買, 你睇下條街有幾多人渣就知啦, 不過我會勸你用多d錢買架日本250cc好過, 因為你買左呢2架車好快就想換車, 信我!!!
===================================================================
你講得好實際,不過我有個朋友,有架 b&w 150 除左吾夠力一切都 ok喎~
老編話 b&w250 同 大鷹 差好遠,我估佢意思係 b&w 好力好多.
而我個子比較重量級,係味應該以 cc 為重呢?
比多小小意見我啦....吾該
thx
小子
|
1/2/2005
|
Re:Big One 哇佬
老編~老編~~未答我thx~~~~ T___T"→我想問就係我去整完哇佬之後性能會唔會再好Ｄ?同埋我續繼用唔理佢會點架?........二千幾....話公道姐...唔係個個比得起:>_<:"(千其唔好話我窮仲學人渣車丫~:>_<:~)
煩緊整哇佬的傻人(-_ -")
咁就要睇下你部車用幾錢買番來。如果係萬零蚊，咁梗係要唸唸啦，因為哇佬響唔係一個急切性問題。整完將來又可能會響過，而且你話性能冇變差，所以手緊的話咪再等下先o羅，話晒同安全性無直接關係。
|
1/2/2005
|
行車線一問
想問一下如果條路因為多大車行, 行車道中間凸左, 而左右就凹左, 咁應該行邊個位比較安全呢?
P 仔
如果把行車線的闊度分成五份，應該行第二份和第四份。
|
1/2/2005
|
有冇方法可以P牌同未夠22歲出到Fairing呀??
好想出部Fairing呀>><<
當然有辦法。先搵個夠歲夠牌o既仇人，然後同佢扮friend，叫佢幫你出份保險咪得o羅！
|
1/2/2005
|
回 1)大鷹200 2)B&W 250
大鷹200會係你呢2架車o既首選, 零件易找又平d, B&W 250比我100%唔會買, 你睇下條街有幾多人渣就知啦, 不過我會勸你用多d錢買架日本250cc好過, 因為你買左呢2架車好快就想換車, 信我!!!
綿羊大王
|
1/2/2005
|
Re: 大陸牌??
"臨時入境車牌應該係透過旅行社和人事安排。"
Could I know details such as charge, procedure, etc? Thx.
WAH pyau04-ibike@yahoo.com.hk
呢便冇呢d資料，可以試向車會查詢，例如MCC或百老匯。
|
31/1/2005
|
RE: 巡行車
我係P仔一名, 揸緊VN800, 我覺得要揸巡行車首先要考慮自己適唔適合, 巡行車要型真係要好用心機保養, 你有冇耐性? 咁大部車你有冇位放? 平時出街找車位都要D時間呀! 操控方面講真功多藝熟咋(一味講力)... 同埋你唔洗諗可以開好快(大cc車除外), 總之要型真是要負出呀!!
Jefferey jeffereyiu@yahoo.com.hk
|
31/1/2005
|
士力50問題..
你好呀老編,想問市面上的士力50之類的添加濟有作用嗎,有d人話用左開頭會好少少,但之後副偈會好快死,真的嗎,十年車的super 4 加唔加一支試下好呢..如果有人兄試過都可以比d意見,thx...
kk
以老編認知，殘車唔怕用，新車正常車唔好搞。
|
31/1/2005
|
Re:美式巡航車
美式巡航車的實用價值，直接被重型豪華綿羊衝擊。電鍍保養麻類，泊位困難，性能差，都是在香港發展停滯不前的原因。當然香港仍有不少人鐘情於美式巡航車。
__________________________________________________________________________
我係新牌仔.之前出左架巡航車.老編講既問題我全完體驗曬.真係有感而發.如果真係要玩既話要考慮下D缺點先.首先係泊位.如果泊排骨位既話.最好可以去D偏遠D既地方.因為人流多既通常都無你份.因為車大.第二,轉灣要慢慢轉.唔係訓得低好易刮腳架或喉.所以要收到架車好慢去轉灣.過快好易bor out,好危險.同埋性能當然唔可以同街車比.你楂巡航車既心態就當係散緊步就岩,唔急得..第三,要keep住洗同抹.我就兩星期一次.一次大約3-4個鐘.唔係生秀再拾仲煩...仲有一個問題係無得涉車.過隨道只可以祝福D綿羊同街車一路順風..另外我換左響喉,初時真係噪到頂唔順.唔換又唔似樣.不過最終都習慣左.所以出之前請你考慮清楚.雖然係好煩.但我都無後悔買巡航車.因為巡航車就係巡航車,其他車代替唔到既. 而且亦係一個經驗. 最多玩到自己開始無耐性照顧同應付佢既時候先換啦.
以上係小弟小小愚見.如有講錯請各位見諒
Po
講得好。
|
31/1/2005
|
Big One 哇佬
你好丫老編∼我上個月買左架93二手Big One,買返黎個時哇佬都有響(個錶行左七千幾，應該係返頭車),一個月後既宜家Ｄ哇佬聲大左,都大聲左好多^^"但性能同一個月前冇變,只係Ｄ聲令我覺得副計好似就散咁....
我想問就係我去整完哇佬之後性能會唔會好過宜家?同埋我續繼用唔理佢會點架?因為我每日都行成80-100公里,架車都叫係粗用車....所以唔知點好.....
我亦有問過車行價整哇佬人工$700加埋料$1800左右攪掂個價公道嗎?
仲有係返頭車仲有咩要執執佢架？
煩緊整哇佬的傻人(-_ -")
換過晒d哇佬腳再攝埋收2500取價公道。翻頭車睇埋頭尾轆啤鈴，波子盤，頭尾牙，油喉等等到期未。當然車鏈迫力胎電池全部要跟一跟。
|
31/1/2005
|
re: 各位車友,吾該大家幫我念下...
27000呢個 budget...買日本二手 250-400大羊啦
such as....HONDA Foresight 250, majesty 250, an250, an400...etc
高幾班
Tommy
老編一直唔敢用「高幾班」呢個字眼....
|
31/1/2005
|
車呔size問題
請問我架zxr250
原本尾呔係140/17 17R
而家換o左尾呔140/17 18R
請問會有咩影響？
豪 dennisma@ctimail3.com
你肯定冇寫錯胎size？你原本條胎係140/70-17先真嘛？
咁你係換左140/80-17定係140/70-18？
140/80-17條胎會厚左，條胎圓週變相大左。
140/70-18係俾18吋軨用，根本裝唔到。
好似冇呢個呎吋個喎？
|
31/1/2005
|
hello,你好,p過後想換巡航車,但看車主報告,以及靚車檔案,好像玩巡航車的人不多,是否操控上不及街車的原因,所以玩的人有所選擇呢?
David
美式巡航車的實用價值，直接被重型豪華綿羊衝擊。電鍍保養麻類，泊位困難，性能差，都是在香港發展停滯不前的原因。當然香港仍有不少人鐘情於美式巡航車。
|
31/1/2005
|
大陸牌??
To editor,我係大陸見有架"哈利"掛左香港牌之外仲多左個"臨時入境"牌
我想問下點樣可以jar我架電單車返大陸ga...我知正式私家車果d中港牌至少要20萬..
唔知電單車有冇中港牌?我要返大陸返工...想過下係大陸jar車隱...請問果d"臨時入境"牌係麥lai ga?Thanks ^^
S
臨時入境車牌應該係透過旅行社和人事安排。
|
31/1/2005
|
改細胎
老編大人,請問本人部inazuma 頭/尾胎分別是120/170,如果更改為110/160,會是好處定係壞處呢?請指點.
vencent
會慳油d和靈活少少。
|
31/1/2005
|
撻唔到車~
今早突然架ET-8撻唔著,昨天都冇事!不知道是否電池有問題呢?
rOY rcwcheng@hotmail.com
通常都關電池事。搵電錶度下。
|
31/1/2005
|
CB400的分別
師傅：請問CB400 Big One，CB400 SF，及 CB400 VS 有甚麼分別？我買左一部二手車，車行話係95年CB400 VS ( 個車殼就真係VS的殼 )，但牌簿就寫係CB400 SF，但網上資料所得 VS 版係96年先至出，去另一間車行裝配件時，車行職員話VS版頭輪應該係金鮑魚，但係我架O既頭輪係用 Big One 黑色鮑魚；又請問師傅 VS 件衫可否換落 Big One 上而冒沖 VS 版？我怎樣先至分辨到我架車是？版。有勞師傅！
蠢人
由於零件配件可以共用互換的關係，日本翻新的CB400SF車撈到亂晒都唔出奇。最正確的辦法係睇車架和引擎編號。但其實Big One版和VS分別又有幾大呢？
|
| |
|
|
|
 |
|
