|
|
|
FAQ常見問題 |
|
|
31/1/2005
|
換車胎一問
師父,小弟渣開街車,想請問一對車胎幾時才真正需要換呢,係唔係光晒頭先換呢?仲有係如果我換頭不換尾又得唔得呢?會唔會有危險呢?其實香港的地方,換邊類型的車胎才適合電單車呢?有沒有好的介紹?仲有係大cc的街車真係好重,我想換架大cc的但又好驚如果跌車我真係沒本事起番部車,你又點睇呢? 一部750cc以上的車都超過200kg.
bandit250
幾時換胎要睇幾樣野。首先係胎紋，通常最快蝕係中間棟直果部份，胎紋深度不能少於3mm。第二樣係睇胎o既形狀，電單車胎呈圓拱形，當圓拱形開始變得平坦時便要換胎。第三樣樣係睇膠質有否硬化唔咬地甚至龜裂。第四樣係睇胎面有冇深可見骨的傷痕，當然補胎次數不應多過兩次。最後一樣係當你覺得條胎令你冇信心時，都可以換。
換胎要頭尾同一型號一齊換。以上所講係最理想最安全而又有錢的情況下進行。如果你話冇錢換咁就咩都唔係問題。
大車係重，但唔係叫你舉起佢。技巧加習慣，咩車都用到冇問題。
|
31/1/2005
|
極驅是否關門大吉
極驅是否關門大吉
電單車
下？冇跟開喎....
|
31/1/2005
|
小子
to 小子
i choice GD250.
Kwan stephen98021
|
31/1/2005
|
各位車友,吾該大家幫我念下...
我想買車二選一
1)大鷹200 2)B&W 250
兩架都係台灣車,新車都係2萬到尾,我鐘意大鷹平地台,我又鐘意b&w CC 比較大.
如果係你地,你會選邊架.或且仲有邊架差吾多錢又正既車車?吾該大家THX
小子
丫醒目，識得唔問老編...
|
31/1/2005
|
換偈油DIY
車上只有圓窗加一劃比我睇, 唔清楚要入幾多先夠, 應該入高定低過個一劃呢?
michael micngsk@netvigator.com
咁果一劃係接近高處定係低處呢？通常分別代表Min和Max。
|
31/1/2005
|
頭盔一問
老編你好,請問你覺得以下那一款頭盔好些?
Arai,Shoei,Nolan,有間車行大特價,好像很平的,...信得過嗎?
David
三隻都係名牌。大特價可能係年尾清倉的關係。
|
31/1/2005
|
P仔買車一問
本人身高170cm,需要每天走大圍至尖沙咀返工,過P後多雙騎,因我只有兩萬資金,心中有三款車正考慮,SUZUKl HJ125T-3 Bella 125 新車,ET8二手,大鷹王200二手。請幫我決定!無言感激!
苦惱的人! cherrman618@hotmail.com
其實你係咪一定要揀綿羊呢？街車會唔會考慮？二手CB400SF Big One萬零蚊都有，再唔係CB250或者Bros400，就算係十年車都冇問題。
如果你只得自動波牌，幾部車之中老編會揀大鷹王200。
|
31/1/2005
|
新牌仔抯CB400 VS
師傅你好：我剛於月中考到電單車牌，一星期後買左架二手 CB400 version S ，請問我適唔適合裝釘把或 Fork碼？係兩樣一齊加，或是只需加其中一樣？有勞師傅了！
bryan
兩樣都唔使。等你技術成熟越用越激既時候先至裝。咁你先會感覺到分別係邊。
|
31/1/2005
|
學牌o既人可以自己買車做車主
如果無電單車牌但有學牌o既人可以自己買車做車主,有學牌可以買學車保險,當考到牌後可繼續用來平時P牌駕駛,足一年後保險會有 NCB 。
|
31/1/2005
|
What I need to know in a highway?
I need to ride a bike in a highway (the Kwun Tong one) on Wed.
I am so nervous...cuz...I am a 'P chai'
my bike is PGO G-MAX 150, weighs 125 kg...
will it be moved by strong wind...?
Will other drivers horn me when I ride in 70 km/h?
Please give me an advice...thanks a million.
TimTim
Keep riding in left lane, do not over speed, find a slow car and stay 2 seconds distance behind him. (Don't follow van/lorry/bus) Stay alert and make sure you don't enter into a wrong exit and go to right lane in a hurry.
Try to be relax in suitable time, and no need to worry cross wind when you under 100km/h.
|
31/1/2005
|
re:換皮帶
我諗佢就係打漏左個0, 14000換過皮帶, 27000係時候去check下la.
jkeny
|
30/1/2005
|
re:換皮帶
1400KM第一次換皮帶???我連第一次偈油都未換喎
27000先諗換唔換???聽前輩講,,大鯊皮帶唔會過到二萬,你換咩皮帶咁堅???行到二萬六先要諗?????
文
|
30/1/2005
|
台產vs國產
台鈴GSR-150 HK$18,800
台鈴X星艦(鼓煞) HK$19,800
國產AN150 suzuki HK$16,900
u will buy which one
P仔
每人的喜好，要求和用途都唔同。你貿貿然俾條MC叫老編答，老編一定揀答案D。
三者價錢經已說明一切。
|
30/1/2005
|
牌費保險問題
我想問...我個牌費3 月到期...咁運輸署就寄左信比我啦..但係我架車係同埋保險一次過買埋喎...咁佢係咪到時會由我代理公司寄比我架....
運輸署個到話要我既第三者保險單或者臨時保險單資料...咁我自己個張係臨時保險單,得唔得架...我都無第三者既保險單...定係個張臨時保險單都係一樣架 ...thanks
緯小寶 wai_and_hay@yahoo.com.hk
運輸署會寄信俾你提你交牌費？！唔係o卦？
既然牌費同埋保險差唔多時間到期，咁咪先續保才拿張臨時保單去交費咪得o羅。
|
30/1/2005
|
MCB問題
綿羊仔mcb可唔可以轉去入波車
Alien
咩叫mcb?
係咪講緊NCD無索償折扣？如果原本果份保險只限綿羊的話便唔可以。
|
30/1/2005
|
呔氣磅數比率..
你好呀老編..想問下如貼紙上寫前2.00,後2.50即係幾多磅氣左右呢...依家我打約前30,後就34,super 400車..ok嗎..thx...
kk
有冇睇過胎氣換算表？你係邊一代Superfour呢？140定係160尾胎呀？
|
30/1/2005
|
換皮帶
本人架車係大鯊150.已一年半車了.已換過一次皮帶.在1400公里時.現在已行到27000了我想問下.現在需要再換嗎.
小楊
你意思係一千四百公里時就換左皮帶，現在到兩萬七千公里o勒，要唔要換呢？
............唔換都要檢查啦係話？
|
30/1/2005
|
保險一問
我想問下如果無電單車牌無學牌o既人可唔可以自己買車做車主？？如果可以咁買左車之後可唔可以用第二個人名買保險（有電單車牌架）
kc
可以試下同保險中介人解釋點解你要咁做，等佢地試下向保險公司申請。因為請電單車司機載自己的情況並不普遍。有關保險問題，請看：電單車保險大解構！
|
30/1/2005
|
re:400羊偈油過多
機油過多第一會減低車頭輸出，第二有機會機器內部油壓過高機油上盤同埋會整壞D油煎
kit
|
30/1/2005
|
邊架好?
我同大家講下我對羊羊既想法,睇下老編覺得我念得對不對.
我係假日車手:
1) 我想要車身細 (因為比大車靈活).
2) 基本雙騎要求 250CC 以上.
3) 油費平.
4) 車吾貴,比人整花都冇甘心痛,又可是但泊,心理壓力小.
Kymco 2000 Bet & Win 250 好似中晒要求.
我想問下,如果出車多數雙騎,我都幾重量級架.
B&W 250 好定係 大鷹200 好?
重量級羊手
大鷹王得178cc，同B&W差好遠喎....
|
30/1/2005
|
安全駕駛 心得分享
大家好, 本人已有九年駕駛汽車與電單車的路面經驗. 我不是一個車手. 只是一個道路使用者, 請不要誤會, 我不是要同車手過唔去, 只係知道呢到有好多新牌仔, 想同大家分享少少心得. 做到長楂長有, 真正享受電單車的駕駛樂.
突發事就一定有, 但考牌到宜家從沒發生個傷害到自己與別人的意外, 車輛到宜家依然陪住我(第九年了), 影過一次快相咁多 (50km/h, 誤會70km/h, 最後行左65km/h, 沙龍一張), 是認直的. 不是說自已有多好彩, 我唔係想話比大家聽我有幾叻, 我唔係神. 但我由開始到宜家, 都運用係學院所學到的一套又一套的理論. (樣樣都咁重要). 理論同實際經驗一樣重要. 互相支持.
有幾樣我個人覺得特別重要.
1) 熟練操控自己的車輛, 了解它, 愛護它. (重要)
2) 與前車保持最少2秒距離. 如後方冇車, 我會給自己再多的距離, 即給自己預留空間 (非常重要)
3) 不比後車緊貼最多2秒. 車多冇得避就給自已與前車多於2秒的距離. (非常重要). 安全下, 主動轉線比佢行先.
4) 主動預測前方可能會傷害自己的一切事物. 主動而有次序地避開它們. 即防衛性駕駛. (要有危機感)
5) (快慢與安全不等於, 快=唔安全?, 慢=安全?) 大前提係任何時候都不超速 (^^ 有機會要罰錢扣分), 適當時候用適當車速, 同一條路都可以係唔同的路面情況下有唔同的速度.
6) 最後, 每次駕電單車都要做. (心理) 要知道自己係電單車. 不做出對自己有傷害機會的行為, 更要主動保護自己. 做到長楂長有, 享受電單車的駕駛樂.
打8字個人心得:
(1) 一定要知道架車的離合器接觸位 - 比少許油(定速), 放離合器至有動力, 一有動力就要keep住咁hold住個離合器, 不要收也不要放. (架架車的離合器接觸位都唔同). 用尾brake控制車速 (brake的強弱也是架架車唔同) , 回應上面第一點. (學院車更加啦)
(2) 個身開始打斜後就做動作(1),留意:架車自然咁打斜就可以, 不需突登咁斜.
請參考以下片段:
(請留意排氣聲响, 即是比油)
http://gh3222.com:8000/8turn.wmv
p.s. 因為是chopper車, 腳分得算開, 要自己作出調整.
HONDA 車確係正!
harleyip
多謝哈利葉的熱心分享。
各位車友請細心觀看。
|
30/1/2005
|
窒油
我之前都係入 V-Power,部車時常打炮同死1大油就死火(撻左車起步果下),但入返普通油真係無晒事.
CB250
|
30/1/2005
|
re : 亡命平治ＪＪ１１X８
呢架bens傻架, 大約半年前我都試過在同一個位個條粉人右係禁近距離車埋黎, 個次我追條粉人出隧道就比佢走甩左(因果時仲係揸150羊), 呢位中年粉人 我唯有祝佢早日撞場比人X啦
400仔
|
29/1/2005
|
偈油過多.........
如果行左成千km先知入過多偈油(400羊)~~~~有d咩應該檢查下呢????係咪淨係睇下個風隔(海綿)有無滲晒油就夠呢??thx!!!
鬼太郎
睇風格有冇滲晒油，搾走過多油份。當然重要回復正常的偈油存量。
|
29/1/2005
|
PGO T-REX 150
想請問PGO T-REX 150裝
1) F?N-(PGO)雙迴壓靜音Kit喉
2) ?SN-數位式(DIGITAL)加強點火系統
3) F?N-扭力加速器
4) X-WIN加速器
有用嗎? Thanks!
Adrian
對不起老編沒有用過這些產品，所以沒有意見。
|
29/1/2005
|
RE: 攞命平治ＪＪ１１X８
o岩呀,唔駛同呢d雜種博命,佢自然會有應得下場.我都試過俾benz介,不過我係p,梗唔會用自己個牌同條命同佢玩,條友係紅十字會前介左我一野,可能佢驚我報復,係我前面慢駛左2,3秒跟住加速走人,去到演藝門口中快相中到應一應,去到華潤門口窒車咪又俾我過番佢.
ho
哈....
|
29/1/2005
|
小弟的買了二手1996/97 Hornet 250, 想找Owner's Manual 做些維修, 如valve clearance, carburettor settings, screw torque等. 請問那裡可找到? 上網也試過找不到...
順便問問如果同代理買車是否包manual呢 (sorry 我未同代理買過車)? 如果我就咁到代理問又會否"採"我呢? 我知我知... 是自己可問代理但老編咁博學,咪問吓先囉 :)
Hornet 新人
老編「博學」係一個幻象o黎架乍！維修手冊和車主手冊唔同，維修手冊係搵食工具，代理應該唔會賣俾你。同埋Hornet 250主攻日本市場，在網上較難搵到英文維修書。
|
29/1/2005
|
re: 街車襟係邊度!?
"你部車係日本水冷250，己經超越左150，係另一個境界喇。唔使擔心。"乜你原來講緊綿羊冇街車咁襟, 只係講緊羊仔咋!? 即係大羊就唔同??(其實我都想渣返呢架車, 但我一個月行成2000km, 長遠計梗係街車好啦, 但街車載人放物都冇咁方便, 加箱又肉酸, 先諗左好耐.......)
強強
重有400綿羊...
|
29/1/2005
|
trex150保養一問
hi老編..我抯trex150 o既 , 架車都行到36xxx lor, 我有定期換消耗品...平時都係問80(錶速)左右, 上斜都由佢慢慢上, 總之盡量keep住6000轉下...我想問下點樣先可以keep到副偈冇咁快死? 同埋老編你話得閒要炳下架車, 我想問呢d傻仔綿羊使唔使炳ga? 另外, 平路6千轉同上斜6千轉係咪上斜會傷d?謝謝
jkeny
車係要o黎用，壞野係不能避免的過程。只要做好自己本份便算數。如果下下都為左錫車唔扭，咁就會冇晒樂趣。車唔炳就會唔精神，上唔番應有極速。平路和上斜雖然同樣行6000轉，但車速唔同上斜一定會慢d，所以機器會熱d，只要唔俾機器過熱便可。
|
29/1/2005
|
問把手方法
老編你好！有見過一些車友握扭油的方法是︰
一、以無名指及尾指抓住扭油筒，再以食指及中指控制頭迫力及clutch的；
二、以姆指及食指抓住扭油筒，以中指、無名指及尾指控制迫力及clutch。
到底那一種方法能使駕駛人更有效控制部車？是否各有好處及壞處？(本人兩種方法都試過，覺得方法一在轉波時較靈活，但以無名指及尾指抓住扭油筒，覺得不太穩陣；方法二，則抓得較穩，但轉波則較遲鈍。)請指教。謝謝。
新手
兩種方法都可以，選擇那一種方法視乎個人習慣，考慮因素是個人手掌大小和手指長短。另一個要考慮的因素是極力子有幾重。對於日常操作開開停停，老編比較傾向用方法二，即是以以姆指及食指抓住扭油筒，以中指、無名指及尾指控制迫力及clutch。若駕駛方法接近賽車模式，則傾向用方法一。
其實還有一個中庸之道的方法三：以姆指和食指控制油門，以中指控制前迫力。無名指和尾指只是輕輕依附在把手。這個手勢略為不文，但可以共享方法一和方法二兩者的優點。
|
29/1/2005
|
RE: 攞命平治ＪＪ１１X８
相信好多車友都試過你既情況, 即係俾私家車星左一巴, 最興就係你響晒按, 但係佢見你係老電當睇你唔到, 咁既情況好多相信車友都試過追上去搵高燈射條pk (老電(>150cc)加速快嘛).
雖然事後諗番通常都會話自己傻, 冇理由搵自己條命仔黎玩o者.唔係話你唔o岩, 不過老編成日都話, 無論邊個做錯野, 炒得車就一定係老電蝕底. 同得人玩野就一定要留位俾自己走.你同條pk玩緊野, 就唔好跟咁貼啦, 有咩理由仲會響灣心食佢一野架. 你真係要檢討下~~~
多口仔
|
29/1/2005
|
re:PGO T-rex 150散了
老編大人回覆:
你部車都算heavy duty....又上山又跑highway，一日跑五十幾公里，一年便要跑一萬八千公里，即使以私家車來說咪數都屬於多果隻。你走highway唔可能唔炳，平均速度估計有應該係110km/h之間？老編估計係機件損耗的可能性大於電器或化油器問題。check下架冷濕穩陣d。
小弟回覆...講真...都幾heavy duty...再加上我成百九幾磅...真係咩車都俾我玩死...其實我用車都只係於星期至五...一個月行一千左右,至於速度...因為我仲係P牌...所以我都唔會開得太快,都係80左右(錶速),今日拎左去整...話曲軸真係有問題...大約報價要二千五...你認為,呢個價錢合唔合理呢?
Vieri
連工包料屈佢換埋機油都可以接受。
|
29/1/2005
|
我係之前問關於窒油問題果位仁兄,我昨日去了車房整車,諗住換迫力油放氣($150),GNS電池($450),換風格($150),洗化油器($350)啦,加埋上星期換全成偈油支半($200),NGK火咀兩枝($100),足足駛左成千幾元有多,當完成以上野之後,跟住撻車,誰不知一扭油,又開始窒下窒下,再扭大d 油,就死埋火,跟住佢問我油缸有冇油,我話前兩日先打滿,然後打油蓋一睇,佢話問題係出於缸油事,佢話你係咪入 Shell V-Power,我話係,佢話d 油原料太重,火咀把d 油燒唔盡,所以打炮同立油,佢話入番普通油站電油,就冇事...
究竟有何此事?如有此事,我咪比人搵笨,我咪一星期內白白浪費成千幾元,換過缸油咪得囉,駛乜攪以上咁多野,真陰公,真慘....救命
究竟係咪你d電油太靚所以有問題，老編都好有興趣知。
靚油反而燒得唔好？你燒完呢缸油再話過我地知下....
|
29/1/2005
|
大應200
買大應200 二手車在車行買信唔信得過呢?
1年多D車, 行左1萬2公里...... 有冇問題呢, 但架車殼好新個喎,
都唔知點解????? 會唔會有其他野我係唔知, 到駕落先知有其他野俾錢維修???
你問既問題冇人會知，甚至賣車俾你果間車行都可能唔知。收車果個人，扭幾下油望一望聽下聲就會開價，車主肯賣便成交。最重要係部車著到，有懷疑最多係街口兜幾個圈覺得冇問題便收工。有好多問題都係要車主用落先會知，呢個係事實，買二手車或多或少都一定會有野換有野整。
|
29/1/2005
|
問波子盤
你好!!我架車係CB400我想問車個個波子盤可唔可以去九龍啤呤行度買到個波子盤架?同埋個波子盤有冇份質素架？仲有想問問CB400架車Ｄ螺絲係公制定英制架?~~~thx~~~~` ^^
Kwan
理論上絕對可行，有d四驅車尾輪啤鈴都係自己配。但呎吋方面老編則沒有概念。日台電單車一般都係公制。
|
29/1/2005
|
re: 街車襟係邊度!?
我架係Majesyt250五圓錶, 我都係1500km換下油, 8000km換尾牙油, 10000km換火咀, 咁keep住, 架車襟唔襟呢? 我always in highway成5500rpm架, 不過起步、加速就好柔順, 唔會質落去, 我咁渣法對架車有冇咩問題呢?有冇聽過引擎清洗機? 洗副偈邊度? 有冇作用呢??thx~
強強
你部車係日本水冷250，己經超越左150，係另一個境界喇。唔使擔心。
引擎清洗機即係換偈油時先同你搵洗偈水洗副偈一次先才入新偈油。私家車就常見，電單車可以人手做，但冇乜人肯俾錢做。
|
29/1/2005
|
攞命平治ＪＪ１１X８
小弟今日晚上行經新山道橋面向觀塘方向在快線行緊７０Ｋｍ，慢線有巴士和其他車輛，當時我看見後鏡有強光迫近，但我並沒有加速仍然是保持７０Ｋｍ，因為我過了架巴士時前面兩條線都是望空的，誰不知一輛平治在本人的左邊約２呎位以高速一巴打埋嚟，攪到架車擺了兩擺，好在冇炒到，當我驚完之後立刻無名火�𡦈咱h追個ＰＫ，剛巧入隧道佢前面有架廿九座頂住，於是我用高燈射佢以示不滿，他亦還我一招灣中收車，我亦收到'了'咗兩嘢。出咗隧道之後他又以高速駛去，之後我再諗番我亦冇必要走去追佢和用高燈射佢，因𤔡條ＰＫ咁樣渣車始早一鑊埋單。
羊手
|
28/1/2005
|
發現遺失行車証
發現JW6090行車証遺失在金鍾"郎"拍車位.
若物主見此留言, 請到拍車位車頭方向"難"桿取回.
快活小騎兵
|
28/1/2005
|
X門果間榮x車房,大部份賣大陸野,又唔整車,求其敷衍兩句,換 d 咩,洗d 咩,又話整好,倒頭來之前�H問題又出現,大家小心小心
|
28/1/2005
|
今晚回家時，有車洗地，令到路面濕滑！當我過彎時，感覺到我隻羊個尾輕微擺向外…
但是，並無響呔的聲音，擺擺下，我無理佢，因為之前都試過，佢自己會返埋來。請問呢個情況係咪叫《打滑》?發生時我應該點做？成因係咩？我條呔係咪有問題？
Mr. Au
打滑或者叫跣胎。跣胎時千祈唔好掂迫力，收油慢慢拿番直架車。
唔關條胎事，濕地應該減低車身傾斜角度，唔好開咁快。睇左未?---->>濕地駕駛Maximize
|
28/1/2005
|
街車襟係邊度!?
我睇過其他網, 好多網友都話街車襟用好多(同老編你既講法一樣), 但其實講緊襟係邊度?
綿羊唔襟, 乜唔係定期keep住換油、斯文咁渣, 咁就冇乜大問題咩??
強強
唔係話綿羊唔襟，只不過比起電單車的保養頻率更高，稍一不慎忘記保養便易出問題姐。細綿羊的無段自動變速損耗都幾快，要keep好狀態便要定期換野。另外一個事實係排氣量越大，機件便會越襟。大部份綿羊都係細車，所以機件負苛較電單車高，日日咁操，自然快d老。
|
28/1/2005
|
re:PGO T-rex 150散了
會唔會係因為我日日都要行長途有關呢?我日日o既行程係...先一段山路,跟住就行晒7號幹線咁滯,之後再上一段高速公路...日日來回都50公里有多...我架車而家行左萬五公里左右,咁耐以黎,我都係keep住7000轉樓下黎行,算唔算係炳緊佢呢?
Vieri
你部車都算heavy duty....又上山又跑highway，一日跑五十幾公里，一年便要跑一萬八千公里，即使以私家車來說咪數都屬於多果隻。你走highway唔可能唔炳，平均速度估計有應該係110km/h之間？老編估計係機件損耗的可能性大於電器或化油器問題。check下架冷濕穩陣d。
|
28/1/2005
|
買車問題?
老編你好 : 我是新牌仔,個子不高約152cm到,請問你如果買ET-8會否不合適呢?但如果買Huasha VINI 150 又會否常壞車呢?這二款車那款行HIGHWAY好D呢?或有冇其它車款介紹呢?
其實ET-8座位都幾高架...不過好多女仔都用緊(不過用得開唔開心就唔清楚)。
國產車的價錢比較平，代價係質素比較參次。
細羊走Highway，可以唸下Burgman 150,Joyride大鷹王,Majesty YP125...等等較長的車。
|
28/1/2005
|
頂佢個肺 (2)!!!!!!!!!
老編 :事原係咁o既,我有部羊(大鷹),比佢整,整左成過幾星期都整唔到,成部車散晒,之後竟然話唔識整,要我拖出去.你話係咪比佢吹到啤一聲啞?頂~~~
企鵝 sduck@i-cable.com
咁果間車行有冇同你還原番？有冇收你錢？
|
28/1/2005
|
頂佢個肺!!!!!!!!!
X門"進X" <---- 不知所謂,唔識整車就出聲,唔好晒我時間!!!!!!
企鵝 sduck@i-cable.com
唔好勞氣，可唔可以講多d來聽下呀？
|
28/1/2005
|
PGO T-rex 150散了
都唔知點解...上次換完火咀風格無耐,仲未聽老編講換皮帶火咀...架車已經有大問題...以前slow車...1600轉...一路唔理佢唔俾油,佢都無咩野問題,轉數都唔會跌,而家唔理佢,佢會慢慢跌...跌...跌...最後跌到1000...頭燈都無埋...跟住死火
再撻車...架車著左,不過之後又係咁o既情況...仲有一樣野就係,以前著車係唔駛俾少少油去著,而家就一定要俾,唔係就唔著...至於加速問題...上斜路轉數會係咁跌,平路行o既話,轉數會o係5600轉左右徘徊,等好耐先識上,點解會咁...呢排手頭緊...但我都想知係咩野問題...煩請老編大人幫幫忙...
Vieri
喂手頭緊呢樣野好難幫個喎呀....老編都想搵人幫下手…
你架車行左幾多公里？係咪成日盡油炳佢？如果里數多又成日盡炳的話，可能係曲軸箱有問題都未定...都要俾車行睇睇先肯定。
(利力PGO整車算平，唔知代理整車有冇得碌卡呢？)
|
27/1/2005
|
老編你好呀..想問下super 4 ,如果用白金火咀+ngk火咀線,和原網火咀+原裝火咀線(都用左10年了..94年車),分別大嗎..比你你會唔會投資去換呢..thank you
ki
可能有3-5%增長，值唔值得好難講。
|
27/1/2005
|
CB400食機油問題
小弟架超四都有6歲,行左5萬有多,未大修過,一直都KEEP住三千至三千五換機油,最近發現有食機油現象,換完機油後行二千公里左右,凍車落大架CHECK機油尺,差2分就去到最低既刻度,但係就未見燒白煙,我想問下,咁樣食機油緊唔緊要呢?如果換遮拎,大唔大工程呢?會唔會好惡整呢?(聽聞人工都要二三千)因為架車我諗住長用,如果拆散黎整,順手應該跟埋D咩呢?請老編賜教
CB400
如果真係食機油，行兩千公里都重有機油剩，又冇白煙，情況都唔算嚴重，手頭緊的話都可以不理。真係要整的話，到時扑散副偈後車行會同你睇下有咩順便搞埋。冇野壞的話會攝哇佬和調整cam鏈，再換過砧口，機油，火咀便可以收工。
|
27/1/2005
|
再問鵝頸太實問題........
本身係支 fork 溜油所以先換左 motul 20w-30w 既 fork 油落去,因之前我覺得堂軚鬆(所以叫佢上實d)點知就有咁既情況出現啦.對 fork 硬左,反應快左易壓車左,入灣定左,但太快入有時覺得好((了))鵝頸實左,大灣定左,同裝左釘把既感覺係唔係一樣呢???
BANDIT600N
擰實波子盤唔可以代替裝釘把。因為釘把有油壓起到吸震作用。
|
27/1/2005
|
@150 VS FORESIGHT
老編你好 ! 我依家抯緊@150約2年車, 近期心思思想換架大羊, 心水係全新forisght, 但聽朋友講就算換左250性能都同依家呢架分別不大 (@有16匹, forsight 21匹), 亦唔快得去邊 (依家抯@一般都有90-110km), 再加上我每日返放工都要攝車la, 買架大羊可能仲衰, 搞到我唔知換唔換車好, 請老編俾d意見!
pooh
150和250的極速只可能差十零二十公里，但分別係扭力大左，同埋常用轉數會低左。對加速和雙騎甚至上斜的時候，部車會輕鬆d，自然人都會輕鬆d。250羊攝車當然會較150差，但攝車講術，好多人用大車一樣勁攝冇問題。
|
| |
|
|
|
 |
|
