|
|
|
FAQ常見問題 |
|
|
29/12/2004
|
哇佬腳
老編你好！小弟剛由朋友中買左部cb400big one由於唔識野既關係想請教請教下^^
我渣左架車一排發覺架車Ｄ（達達）聲愈來愈大問返朋友佢話哇佬腳鬆，想問下呢個請況係咪要整架啦???有冇話去到咩情況話唔整唔得咁架？我問過整要二千幾＄丫........
仲想問問哇佬腳鬆係咪等於副計就唔掂.....要（湯）架啦？ T___T"
唔該老編解答小弟問題
quincy
唔駛咁擔心，哇佬腳鬆係正常損耗，唔使「湯」車咁嚴重。
你拿去俾車房聽下先啦，其實好多車都響緊，只要情況唔係太嚴重都可以容忍既。
|
29/12/2004
|
re: 泊位搬車
我係女仔, 抯150細羊, 俾人搬車已經麻木哂, 泊10次有7次番去見倒架車俾人郁過, 其實我每次泊車已先做風險評估, 有多過1個空位我都會揀個窄d既位泊, 留番大d既位俾其他人, 利人利己, 但一日甘多車出入, 所以好多時都係逃唔出佢地既魔掌, 最慘好多時俾人搬到連體嬰甘, 連個cum 都抽唔番出黎, 自己又搬唔開人地d車 (況且多數你隔離個架係無辜既), 不過都要讚下好多抯電單車既男仔都好helpful, 見我出唔倒都會幫手, 但唔係次次咁好彩, 試過幾次出車時因為咁而整親隻腳. 不過我都好想提提好多電單車長期放係骨位又唔抯走, 又霸住個位, 講明只可放24小時, 好多時都見d骨位有車擺到鋪哂塵!! 唔抯就賣左佢啦, 都唔知d人諗乜!
pooh
|
29/12/2004
|
扣分
其實我想知道違反交通法例比人扣分.係計邊日開始扣分呢..係違例個日丫??收到傳票個日丫(如果有傳票)??定係交罰款個日呢??
照計就應該係違例個日..但係有時等得傳票..再等上庭..再等交錢..都差唔多成年咁滯..咁變相咪扣少左一年分??(因為扣分日後兩年就會退回扣分)..
其實應該係計邊日開始呢??????
(我知道好多車友都唔知呢個答案,煩請老編同各位知情車友告知)
我都好迷惘
應該係定罪日起計，因為一日未上庭定罪，你都重可以用車，呢段期間係唔計o既。
|
29/12/2004
|
續GT200撻車問題
「我部車行左一個月多d，第3個星期開始撻車有問題，已換火咀，但係有時都要撻幾次先得。有時撻著左，俾d油部車(未落大架)，竟然就此死火。咁係咩事呢？」
>>>>>>>>>>>>
我已回車房check車，車房叫我撻車時，要同時扭油門，俾d油部車。
佢話唔扭油門著車係壞手勢，係唔係呀？
咁會唔會壤車？
史生
視乎車種而定。有d車用手指尾揩下個start制都可以著車，
有d車則要扭少少油先著到車。
|
29/12/2004
|
開風chork?
冬天著車如果開風chork, 會吾會傷車架?聽講剛著車吾好比大油令轉數提高因為偈油未上到偈會傷偈, 但開風chork會令轉數提高wor.咁開風chock著會吾會傷偈?
rebel色魔
風choke的存在作用就係俾你冬天著車用。
撻車前盡開風choke，當一著到車後便應把風choke關上一半，
讓引擎怠轉輕微提高一點便可，所以不存在傷車的問題。
|
29/12/2004
|
RE:回老編
==============================quote===========================
如果你見到人搬你部車，應該走埋去睇下咩事。
-已經見到啦,走埋去只有一個下場.
如果係自己泊得唔好未能善用空間，應該主動泊番好架車，
俾番多d位俾人地用。
-冇錯,不過就算泊得吾好,佢都吾應該搬我架車,吾洗講野啦,報警等警方處理啦~
但如果係果條友唔夠位都想夾硬攝入並有機會弄花其他車,應該制止佢咁做。
-甘大個人,識狙老電應該過18歲,成年人應對自己做既野負責.
你話你事後會送番d野俾佢，即係咩意思呢？明人不做暗事嘛~~
-我係暗人,吾做明事,報警我會用電話影底佢,記住車牌暗中報警 ;p
HAHA
大家都係車友，嘗試下正面d處理事情。
做人helpful d，大家都開心。
=========================unquote============================
我讚成老編講法,其實大家楂老電,無咩野咪就一就law,
搬下你架車,無花無爛你都話報警o既,警察黎到都叫你和解啦,
就算落案charge都賠唔到d咩俾你,盞浪費時間,
同埋好多時都唔係泊係你隔離果個搬你部車,
可能係隔幾個位果個車主,唔係親眼見到就唔好搞咁多野啦!!
HO
|
29/12/2004
|
RE:pizza仔保險問題
小弟以前都係pizza仔,所以好明你既感受
第一 你可以問勞工處,勞工法例好似列明賠錢最多都係陪$300(每月)
第二 撞車應該係由發生意外的車輛既保險賠,如果唔係佢買第3者黎做乜,唔通你撞左部法拉利,又叫你賠呀,或者各位車友有乜好意見,請幫口留言
小心駕駛
請即致電勞工處主任
某君
|
29/12/2004
|
o太氣
你好,車身寫著 200kg/cm^2
但油站係 kPa
請問 1KG/CM^2 = ? kPa
謝
James
有關胎氣的單位換算，可重溫知識技術內的檢查你的胎氣
|
29/12/2004
|
re:如果比我見到
你就算用好清楚既相機映到人郁你架車﹐如果你架車無損壞﹐交比警察都無乜用﹐因為呢個係態度既問題﹐無刑事責任﹐係法律上無寫住唔比郁人地架車。
lee
===============================================
你錯了,只要有人郁你架車而你又有證明,無需有任何損壞已經係刑事.
老編吾該幫忙證實一下
thx
chan
以老編所知，法律上係唔俾人無故移動他人車輛。搬車泊位在法律上唔係充份理由。
|
29/12/2004
|
回老編
如果你見到人搬你部車，應該走埋去睇下咩事。
-已經見到啦,走埋去只有一個下場.
如果係自己泊得唔好未能善用空間，應該主動泊番好架車，
俾番多d位俾人地用。
-冇錯,不過就算泊得吾好,佢都吾應該搬我架車,吾洗講野啦,報警等警方處理啦~
但如果係果條友唔夠位都想夾硬攝入並有機會弄花其他車,應該制止佢咁做。
-甘大個人,識狙老電應該過18歲,成年人應對自己做既野負責.
你話你事後會送番d野俾佢，即係咩意思呢？明人不做暗事嘛~~
-我係暗人,吾做明事,報警我會用電話影底佢,記住車牌暗中報警 ;p
HAHA
大家都係車友，嘗試下正面d處理事情。
做人helpful d，大家都開心。
|
29/12/2004
|
pizza仔保險問題
本人在某pizza公司做臨時工早幾日發生交通意外我在差館落口供實際上係自己不對現在公司話唔同我報燕梳最慘我撞個架係九巴陪唔起其實公司有冇權唔同我報燕梳
請留聯絡方法，老編再嘗試向專家轉達請教。
|
29/12/2004
|
好迷網=.= RE:CB400
我自已都唔知~~點答你姐老哥~~知都唔問老編啦
都話迷網啦 唔好唔會話手車快定唔快 而家我一見貨車就爬頭 好過比佢話cut就cut當你冇到 唉...
試過有次差Ｄ收唔切 唔知佢真睇你唔到定假睇你唔到 佢慢線cut快線前面又冇車左com右 又趕住返工冇理到佢 唉...
我再試真Ｄ部車先啦 你做咩今話自己部車呀佢都有生命嫁
好迷網
|
28/12/2004
|
火咀?
請問一早著車就要開choke,點解開車後要關choke.人地話唔關掉choke會燒火咀,其實係唔係咁啊??
Jason
熱左車之後冇關上風choke 繼續行車係會燒火咀的。
|
28/12/2004
|
White smoke
My bike is YP250, i had the engine oil changed last week. Today i went to the garage to change the brake pad and the SEE FU check the engine oil for me(as he was the one who changed the engine oil for my bike) and he discovered that a little bit of engine oil has lost and white smoke come out from the exhaust. Seems there is a big problem,as he told me that my bike is burning the engine oil.The see fu suggested me to wait to change the engine oil next time and he will add 'TIM GA JAI' to the engine oil, see it might help. Whats your comment, do i need to get it fix immediately or as the SEE FU say wait till next time to change the enine oil with the TIM GA JAI.What is the worst about my bike. (Bcoz white smoke come out continuosly when i was going back home)
Thx
Clayton superclayton18@yahoo.com.hk
As you said "See fu" I guess you can read cantonese, so I use Chinese lah...
四衝程車出白煙代表副偈燒緊偈油，通常都係活塞環損蝕導至偈油流入燃燒室。引擎修護劑唔可以修補咁大o既破口，為免費時失事，應該要扑偈睇下邊度有事。唔理佢的話，白煙會越出越多，燃燒室也失去密封作用導至動力流失。
|
28/12/2004
|
P牌仔坐Aprilia 250cc
好想這幾天拍板買Aprilia 250cc，但...它
是否適合P牌新仔呢？會否seat位太高而導致而難控制呢？
使用low-down kit為何會令彎向表現差了少許？真有其事嗎？
買新車好緊張，有時怕被人呃！...先謝謝您的答覆
Tim
其實改低了座位後更好用更舒服，所謂彎向變差是指相對於高座位而言，槓桿效果減少，是一個理論上的改變，實際一般駕駛時沒有太大分別。P牌出Altantic 250驚你俾人妒忌咋...
|
28/12/2004
|
上庭
被控不小心駕駛要上庭, 可否書面認罪交罰款了事? 另外請問要罰幾多$? 本人P仔1個 -_-
stephen
|
28/12/2004
|
電池問題
老鬼師傅/老編大人
想請問從乜野地方/病況可以睇到個電池就死或已經死左呢?thx
v7
電池存量最準確係搵錶度，冇錶度便從頭燈光暗變化和撻車困難度評估。
如果行左成日車，第二日電池都可以唔夠電的話，即係柴左。
|
28/12/2004
|
好迷網
真係好迷"網"唔係好明好迷網兄想表達d咩?!
係想話俾人聽你自己手車好快丫??定係你覺得120km/h慢呢?!
小弟都抯開CB400, 仲要係94年big1, 亦都間唔中波波盡. 但係我冇你果種<己覺唔夠用>既感覺囉, 試問香港地, 除左快速公路, 有幾何有機會過120km/h呀?? 又有幾何有機會俾你波波盡呀?!
<120之後上得好辛苦, 盡得140>會唔會係你手油既問題呀??我架爛鬼車, 三波萬二轉上四波萬二轉已經輕易到150km/h啦~~~~
CB400雖然只係算係輕中量級街車, 但係你老哥都話"0-100km幾秒到"咁即係部車其實有返咁上下加速力啦~~~如果真係你所講咁要黎<想多d馬力係手安全d比貨車追有得走>, 老實講, 小弟唔係好信CB400會有貨車追跟得到.
<d灣冇跑車今好灣>, 咁咪換架跑車囉, 400街車, 死改爛改都係一架400街車, 求其一架原裝600你都唔使追啦~~~~
CB400
|
28/12/2004
|
RE: 荃灣朋友大家小心!
無良政府趁火打劫!根本位就唔Q夠,仲周圍捉,委派警方做打手,其恥無比!
華
|
28/12/2004
|
轉數上唔到.....
你好老編
本人抯00年cb250數月:
平路6000rpm多d 五波約110km/h 已是極速,
但未盡油,比油點都上唔到6500轉
(他的Maximum Torque 是在 2.04kg-m/6500rpm)
是否機件有問題, 還是正常呢?
謝謝你!
其實CB250極速有120km/h便ok。
要拿極速，轉數係四波便要入紅作準備，
如果冇keep轉數，係五波比較難扭上去。
|
28/12/2004
|
好迷網=.=
老編師傅
唔係p牌請放心 私家車轉用老電 想多d馬力係手安全d比貨車追有得走要行高速公路
thx老編師傅
好迷網
|
28/12/2004
|
re:荃灣朋友大家小心!
你話政府不知所謂,咁祖兄你又為香港做過啲乜呀.....
你違例泊車仲大聲夾惡...唔拖走你部車咪便宜咗你囉.....
火
|
28/12/2004
|
好迷網=.=
請教一下老編大人
好迷網剛抯電單車幾個月出了部cb400己覺唔夠用點算?
d灣冇跑車今好灣 波波盡部車好似好辛苦今
0-100km幾秒到但120之後上得好辛苦盡得140為什麽?原裝車冇改
剛買又不想換車 改車會不會好d 又唔想抯今快
念到RUM當 THX 十萬個唔該師傅
好迷網
阿迷惘兄你都幾迷惘喎，寫錯晒d字...
你呢頭又話唔想開咁快，呢頭又話部車唔夠用，即係點呢？
400cc上到120km/h之後真係要等一等，你話極速得140km/h應該唔會，
如果條路夠位，轉數keep得好，架車冇事，CB400SF爆錶絕冇問題。
先檢查胎氣，換好偈油火咀風格，再keep好高轉先轉波。
咪住，你話你剛抯電單車幾個月？咁咪即係P牌？咪玩d咁既野啦！
|
28/12/2004
|
125車比較
你好,請問YAMAHA YBR 125 II 和SUZUKI EN125-2A 兩部車之性能何者較優勝?
而維修保養方面何者較平宜以及較耐用呢?
另可否告知YBR125II之行貨正價是多少呢?
MR YIM
嘩你講緊中國製造.....老編真係未用過，所以俾唔到用家報告俾你，你可以上中國的機車網站或討論區度搵下有冇相關用家報告。YBR125II好似冇行貨。
|
28/12/2004
|
黑店
本人的車zx9只是維修流電油問題，後給了XX車行修理，問題不但無整好，遂還將我的車整壞了，它tune過化油器後車的轉數去到六千轉後便不去了，現整了個多月也沒法整好，但我的車本來很正常，XX車行還要我千多元修理費、說整了三星吸，但對轉數問題沒關，但它整壞了我的車還無法修好，我應如可，人工是否不比，要否車行賠錢？
eako eako828@yahoo.com.hk
老編本來都想同你跟下呢單野，但係該車行老闆成日都唔係香港，好難搵到佢。
如照你所說，問題出於漏電油，但現在搞到轉數上唔到，似乎越搞越wang....
應該叫車行想辦法tune好化油器才交車。而你應該只付修理漏電油那部份的修理費。
|
28/12/2004
|
乜野係俾空油轉波?
係咪+或-波都用到?
另外想問波子盤係乜?how to check it? Thx
Lok sonraku@hotmail.com
意思係在轉波過程中先俾啖空油再放放極力子，等離合器接合時動力接合時更順滑。
加減波係半自動波唔需要咁做。波子盤係指轉向把手之下，連接車架鵝頸的一組圓盤啤鈴。檢查時可讓頭輪凌空，慢慢左右轉動把手，看看把手轉動時阻力有否不平均。
|
28/12/2004
|
Re: 如果比我見到佢
阿lee先生，我想你有些誤解，跟據香港法例374章道路交通條例第49 條干預車輛罪:
"任何人沒有合法權限或合理辯解而登上一部車輛或干預該車輛任何部分，即屬犯罪，可處罰款$5000及監禁12個月。"
合理辯解例如警務人員移走阻塞交通的車輛或消防員為救火移走車輛等。如果有人被告干預車輛罪，而佢嘅合理辯解係為了自己泊車位，都無話唔得嘅,個官接受咪得囉。
PatPat
|
28/12/2004
|
鋼線鈴有咩唔好?
點解會驚爆太?
j
通常用鋼線軨的輪胎都分為胎殼和內胎，缺點係一吉釘就會漏晒氣，優點係鋼線軨彈性較高，適合在不平整路面走動。
|
27/12/2004
|
Re 有關檢控問題
會用傳票送往府上，到時上庭或可選擇書面認罪交罰款
|
27/12/2004
|
荃灣朋友大家小心!
荃灣區全城勁抄牌, 我已經中了招, 大家要小心, 無謂益這個不知所謂的政府!!!!
祖
|
27/12/2004
|
CB400vtech2 一問
本人的CB400vtech2在5000-6000轉時引擎傳出震動(輕微)，影響把手上的後鏡(影像蒙胡)，震動是否正常？因為上次換機油時，車行入多200ml，行走1000km後發現。風格和化油器是否也有影響？
光 kwong_22@yahoo.com.hk
輕微震盪相信是會有的,由其是預備開vtec,不過我又唔知隻機油度數有否過低而引致,因如是風格和化油器並不會換油後才發生.
|
27/12/2004
|
GT200撻車問題
我部車行左一個月多d，第3個星期開始撻車有問題，已換火咀，但係有時都要撻幾次先得。有時撻著左，俾d油部車(未落大架)，竟然就此死火。咁憬咩事呢？
史生
這可能是剛著車時自動風門開左,這時你會聽到slow係比較快,而在這時你加油才會死火.試下等佢slow回落時才加油開車.
|
27/12/2004
|
撻車問題
老鬼師傅你好, 本人的車是CB400, 一向都是入ESSO油的, 今天第一次去SHELL入油, 入完油之後撻車沒有反應 (沒有任何撻車聲, 燈只是輕微暗一暗, 然後正常亮度), SHELL的職員說有人試過同樣情況, 等一陣就會撻到, 但我等了5分鍾都是同樣情況, 於是我用推撻, 離開之後試左幾次都撻到沒有問題, 請問為何會有這樣的情況發生 ? 如下次有同樣的情況, 應該如何處理.
謝謝你的回覆.
杰
這並不是牌子問題,只是撞正停係油站,請先檢查一下電池是否正常,順序start索制和摩打.
|
27/12/2004
|
成日比d狗痾尿落個車蓋度
成日比d狗痾尿落個車蓋度落個車蓋度,開頭都有用"滴路"抺,
隔冇耐又係咁,有d咩可以避免?有冇野可以噴?
細羊 agagleung@yahoo.com
可以去寵物店買一種防止狗隻便溺的噴劑。
|
27/12/2004
|
三輛車
本人想買部三輛電單車來短途載貨新舊不拘(最好是送pizza個種有大尾箱),但在買賣欄或車行都看不見,請問有什麼辦法可以知道有車賣
richie richie9394@yahoo.com.hk
留意果d係50仔所以上唔到highway。可以向有做日本翻新車的車行代訂。
|
27/12/2004
|
問-偈油,fork碼,kit喉,電流優化器
請問我的GD250綿羊用全合成定半合成偈油呢?幾多公里換一次呢?fork碼有什麼作用和作用大嗎? kit喉實際用途是什麼? 如果經常走高速公路換不換kit喉好呢? 有hi-fi 電流優化器作用大不大?..........thx
eason
半合成偈油也可，只要勤換偈油便成。
製作優良的Fork碼可減低左右前叉的不同步抖動和變形，
在激烈的駕駛情況下讓頭擔表現更穩定。
Kit喉是指重量較輕，回壓較低的排氣喉。經常高速高轉會較適合。
電流優化器對於改燈膽、加燈、裝Hi-Fi的車，更能發揮穩壓保護的功效。
|
27/12/2004
|
電流優化器
本人沒有信用卡但又想買電流優化器怎算? 我是很有誠意的
eason
你可以用現時【買賣搜尋】的付款辦法。付款後連同付款證明，收貨人資料及收貨地址，發電郵或傳真給我們。因為早陣子訂單數量超出預計，以至未能兼顧非信用卡的訂單。謝謝。
詳情按此
|
27/12/2004
|
Virago 250收車無故炒低
其實上到法庭, 同你錄口供個阿sir都去, 佢重驚個你, 我試過小路出大路抄車, 比人告不小心駕駛, 阿sir上庭比左好多自己的意見, 例如, 我前面係黃格, 不可以停車, 所以要快車駛過, 我冷靜地反問, 黃格可不可以慢駛經過, 算不算違例, 佢當場無聲出, 最後個官判由於未能證實雙方的駕駛方法, 判我無罪. 我想, 你同個官講, 阿sir引導你寫供詞, 個官不會幫差人, 個官係幫無法律代表的被告. 組織一下, 照實講, 法律係公正. 放心啦.
hans
|
27/12/2004
|
轉車一問
本人有2年250cc自動羊經驗,現想轉用sv650s,有以下問題想問老編:
(1)sv650s 操控是否平易近人呢?
(2)sv650s 如走長途(每天約80km)是否適合?
(3)sv650s 油費約HK0.5/KM 是否正常?
(4)sv650s 是否偷車熱門車?
(5)由自動綿轉sv650s是否有點誇張?
RX
答案一：是。
答案二：適合。
答案三：正常。
答案四：ar......你睇番警方提供的偷車報告。
答案五：唔誇張，因為你有兩年250綿羊的駕駛經驗。
|
27/12/2004
|
re:如果比我見到
你就算用好清楚既相機映到人郁你架車﹐如果你架車無損壞﹐交比警察都無乜用﹐因為呢個係態度既問題﹐無刑事責任﹐係法律上無寫住唔比郁人地架車。
lee
|
27/12/2004
|
re:如果上庭比個衰人撐贏左，咁我需不需要付堂費呢。
你唔需要比堂費﹐因為負責控告的是警方﹐你是目擊証人﹐但是否控告由警察決定你所見的情況是否夠証據。
lee
|
26/12/2004
|
如果比我見到
如果我泊好車,之後比我見到有人搬我架愛車,首先我會用架電話影底佢.
我會小心睇下佢點搬法,如果佢好小心,冇整花我架車,我等佢走左,會送番d野比佢.
如果佢好吾小心,我會過去罵佢,跟住報警.
HAHA
如果你見到人搬你部車，應該走埋去睇下咩事。
如果係自己泊得唔好未能善用空間，應該主動泊番好架車，
俾番多d位俾人地用。
但如果係果條友唔夠位都想夾硬攝入並有機會弄花其他車
應該制止佢咁做。
你話你事後會送番d野俾佢，即係咩意思呢？
明人不做暗事嘛~~
|
26/12/2004
|
交通意外
一輛電單車與一輛旅遊車，下午一時許在油麻地加士居道天橋相撞，30歲電單車司機受傷昏迷，已送醫院救治。 被巴士轆過下身, 慘!!!!!!
|
26/12/2004
|
RE: 泊位
既然o甘多人都搵位泊搵到火都o黎，不如搵人吹雞元旦車隊大遊行啦！反映老電車位嚴重不足的後遺症－強迫人去非法泊車，兩個車位泊三架車，搬車．．．．
Oakyeah
但係搬你部車o既人，正正又係電單車友...
|
26/12/2004
|
fork oil
would u please tell me do Tai Ling 150 scooter need to change fork oil or not?
thanks
kwan
No hurry, change them every two years if you want.
|
26/12/2004
|
RE:睇完之後....你地有咩感想....
都唔係香港黎,不過,我第一眼睇果陣幾驚佢撞返部老綿部,好在冇
如果封晒條路玩,山路真係好正,但係好似佢咁係唔係都劈住入,唔抄就假(話就話叫彎路之王0者,始終都係頭輪驅動,推頭推到嘔)
二成熟
|
26/12/2004
|
又有片share 比大家睇
http://vip.cyberexpress.net.hk/~junieo/tremisten.wmv
又火burn 0太...又坐禪 起頭...勁....
dtwo
|
26/12/2004
|
有關檢控問題
請問如果被行beat警察目擊違規, 並記下車牌(但冇即場檢控), 真係落charge的話, 程序會係點?謝謝
jkeny
|
26/12/2004
|
Majesty 250 後輪轉動時發出嘈聲
老鬼你好,有野想請教你. 我部99年majasty 250 起昨大架後用手轉動時會發出嘈聲, 同地D人部車比較真係嘈好多. 想請問有可能是什麼機件有問題呢? 謝謝你的回覆.
Ricky
有機會尾轆位置啤呤有問題.
|
26/12/2004
|
3仔疑問
請問3仔應該幾多里先CHECK一CHECK車呢?
其實一般CHECK車包括D乜呢?包唔包洗吸、換波箱油呀?
本人部3仔係溝油既，所以驚住會積碳！
如果落貴店進得以上動作要幾錢度呢?
因為本人楂3仔日子尚短，唔該哂?
KIMI goodbanba23@yahoo.com.hk
check應包括檢查水箱水,呔氣,較鋉,電池,火咀,風格,全車威也和關節位落油等,洗吸和換油是另一收費的,
|
| |
|
|
|
 |
