|
|
|
FAQ常見問題 |
|
|
26/12/2004
|
怠轉問題
我架羊仔冇轉數表應如何調較正確怠轉呢?(驚調得太高耗油)
另行駛時收油會有輕微打炮聲,是甚麼問題?風油比不對會有影響嗎?
謝!
johnnyshum johnnyshum@hotmail.com
起大架後著車,當機器有一定溫度後調較,順時針看到尾轆有否自轉,slow以尾轆不能自轉為合適.
|
26/12/2004
|
RE: 泊位
其實泊得排骨位就要預左比人搬 , 初抯車時我都唔覺搬車情況嚴重 , 不過當我幾次係尖沙咀泊都幾次比人搬過之後 , 我發覺愈多人既地方搬車既可能愈高....
有一次真係好激氣 , 我去接女朋友準備回去取車時 , 發覺我架物明顯比人搬過 , 雖然架車無花到 , 不過架車真係比左右兩架車迫到完全出唔到(除非我夾硬來), 左右車完全夾住我架車 , 他們的車又比其他車夾....要我係左面邊位架車開始一架一架搬開dd先出到車.....好激氣...見到哥一刻火都來,真係好想推lum其他車.....
不過其中一次, 推車哥個人都幾有心機 , 幫我起大架添 ^^" 其實政府真係做d野啦 , 要我收dd停車幾都無問題 , 不過都比個合法既地方我地泊丫...
燎
|
25/12/2004
|
re ：lee
如果上庭比個衰人撐贏左，咁我需不需要付堂費呢。
ken
喂大佬你講緊咩呀？
|
25/12/2004
|
睇完之後....有咩感想....
之前果位人兄，雖然咁講法有小小恨心，但佢咁講其實都啱．．大家小心ｄ唔好亂來．不過我第一感覺係好驚囉．．用事果度係邊呀？咩係英雄之地？等我小心下．．
bill bills922@hotmail.com
|
25/12/2004
|
Re: 炒車報告：Virago 250收車無故炒低
>而在落口供當日佢問我點解會炒,
>我話懷疑係路面d"坑渠蓋",
>佢就立刻"停筆"加"變臉"
>叫我"諗清楚先好講"
>重用左約十分鐘時間
>話左一個佢在附近地點炒車的故事給我知道.
>最後我屈服左係政府d公物之下
>(即係個阿sir同張口供紙之下),
>我炒係因要我太重break啦.
我反而好奇阿sir講左乜野畀你聽，令你要講事實都唔得！
榮
|
25/12/2004
|
想找電單車
請問邊到找到d 50仔~90仔個種車???
阿基 fongtatkay@yahoo.com.hk
澳門
|
25/12/2004
|
睇完之後....你地有咩感想....
其實我心中辟頭一句係"抵死..."
一d可憐感都冇？冇喎...
恨意多過憐意...
剩係咁多...
呢d地方我基本上係唔會去，我重好愛惜我條命，亦都要靠楂車搵食養起我同我屋企人，任何行差踏錯既野我念我都唔會做，而我亦都祈望所有駕駛人士都係一樣咁念，起碼我唔想死係人地手上…
自己唔愛惜自己，一次意外足以致命。
無論係大車定細車...
睇多兩三次...
都係果句，抵死...
http://www.erborrico.com/206raba.wmv
123仔 laicfst@hotmail.com
觀眾的反應有問題...炒完車竟然有歡呼聲？
|
25/12/2004
|
問問
老編好
突然好想問問你有否比你台車呀老鬼師傅整呢，咁有否打個靚折頭比你架？嘻嘻
kk
一時時啦，老鬼實在太忙太好生意喇。
|
25/12/2004
|
re:問問 - 如何舉報危險司機？
如果認為其他司機的駕駛表現威脅到你的安全，請記下車牌，時間及地點，向任何一間警署作出投訴。 但你必需表明立場係想控告對方 ,警方才會作出跟進及交予有關部門調查。如果你想檢控程序加快，則需前往所屬區份之交通意外調查組報案室舉報 ,即有專人招呼 , 取口供 等
=============================================================================
仲有一樣野要注意既就係如果對方唔認罪既話﹐咁投訴人要追究就要做控方証人﹐因為唔係警方目擊﹐因此投訴人極可能需要上庭做証人。
lee
|
25/12/2004
|
關於泊位
我曾經見車友搬完人架車將自己部車泊入去跟住無位出來，去竟然連踩幾部車既sit位跳出來，呢D人真係不知所謂。我心諗如果去自己見到部車比人咁踩法唔知會點呢。所以有搬人車習慣既車友係咪要想搬人架車前諗諗如果自己部車都咁樣比其他人搬，自己接唔接受到先。諗清楚才行動啦。
ken
|
25/12/2004
|
問:02年Bandit600間隙
生死氣間隙數據如何?
在此一問.....為何貴網改版後
很多舊料不能重溫?
鴨 tcby2004@hotmail.com
鎖你，老鬼冇數據係手。
另外你話搵唔番d舊料，唔會架喎，新版應該重容易搵野至真。
邊d舊料你搵唔到呢？
|
25/12/2004
|
迫力
師傅你好 請問我部cb400vs頭迫力收車時堂軚有少少陣陣地迫力有少少cc聲點解
同雙騎時比之前辛苦左少少要高轉低3-4波先可爬頭單騎時冇問題
2個人300磅到會唔會超重400cc辛唔辛苦 THX老編師傅
北條司
先檢查頭胎氣壓。掣動時如果牛角有冇脈動感表示剎車碟有問題。有少少聲係正常，雙騎架車重左要用低一個波拿番d扭力出來都係正常。雙人300磅唔會超重。
|
25/12/2004
|
Honda XR250.....
想請問呢部爬雞係"腳撻"定係"電撻"呢??
唔該老鬼大人~
池~ siu_chi@hkonline.com
電撻
|
25/12/2004
|
華潤油站九折入油
好似由南橋去北橋果條路,
我唔係好記得啦,,..
沙田就在小瀝源警局對面,即係貨櫃試場果度,,
在沙田考牌就一定知邊度
其實...咁辛苦搵間未必岩路既油站,
而且以老電計最多都係慳幾蚊至十幾蚊..時間都買唔返啦
man
|
25/12/2004
|
關於泊骨位
在此我奉勸各位，唔好立亂搬人地架車，除左係犯法外，重可能帶來不愉快事件。有一次{真人真事}我在深水埔泊骨位，因趕時間所以夾硬搬開人地架車，重泊到無位上落添！點知當我二小時後回來取車時看見係SIT位上多左一條成尺長既刀痕，係比人用刀擋開既，嘩我當時又傷心又後悔，所以以後唔敢再搞人地架車，無位味搵D後巷泊囉！各位車友緊記:己所不欲，勿施於人呀。
魏福如
|
25/12/2004
|
睇完之後....你地有咩感想....
http://www.erborrico.com/206raba.wmv
睇完都唔係幾敢開老電去d英雄之地...
dtwo stanley1610@yahoo.com.hk
|
24/12/2004
|
Re: man
你睇依個網http://www.crcpfs.com/ 華潤油站網 有齊全港華潤油站地址
Mas1
|
24/12/2004
|
電王
請問安裝完電王之後
隻紅色LED係唔係長著?
Kitkit
冇錯，正常。除非你turn off。
|
24/12/2004
|
華潤油站九折入油
周圍都搵唔到華潤油站 d 地址...
重有無呀?
青衣近邊?thx
>>>
最近九龍的,,,青衣或沙田先有
man
lofoot lofootlo@hotmail.com
|
24/12/2004
|
re:泊骨位
好多野明知犯法都迫於無奈去做,
唔搬車泊非法位中蕉唔係個個都俾得起$320
不過都係果句→《錫住人地架車》
今朝見到原來楂巡航泊都好鬼開其中2個係鬼佬,
佢地只係1野倒後就入骨位,泊得都好開,
但唔會就番d位俾第2d車主,
熄匙就走人
HO
泊車唔留位俾其他人，咪即係叫人搬佢姐。呢個係現實問題。
|
24/12/2004
|
re: 排骨位
其實大家知吾知摋人地架車你犯法架?
我每次見冇位時我都係開車走,搵過第二度,
當我係同區走第二轉都冇位時,我會選擇非法泊車
例如路邊(呢個係政府迫我犯法,如果要抄只好比你抄)
而我一向都吾想及吾會去搬其他人既車,因為係形事罪行.
如果比人見到報警甘就大寧樂啦~
請大家搬人地車之前念多三秒 ;p
政府迫我犯法 ok2pk@aa.com
|
24/12/2004
|
我要提速BW100
你好！我的YAMAHA BW100 想提尾速可否请教。有经验的师傅需要哪些配件？谢谢！！
宁仔 MYKENSUPPER@yahoo.com
老編估你唔係香港人？提升尾速可以從選用不同重量的普利珠著手，加大化油器，改中缸和換直出喉....問題係如果有第二架車可選擇，值唔值得咁做？
|
24/12/2004
|
CD250U
請問CB250同CD250U既機器係唔係一樣架?我指中缸同姐LING,盤頂o個d呀? 中缸盤頂同波箱殼可以去邊到攪電度呀? 而CD250U可唔可以用銥合金火咀呀? 是否要換火咀線先可以用呢?
鋼線鈴係唔係唔可以裝原子呔呀?
seven seven_fung@hotmail.com
你封信老鬼掂行掂過冇睬到你，零件共用的問題你可以問番燦基維修部，佢地有parts book對number。電鍍車行可以代做，CD250U唔使用到銥合金火咀咁浪費呀？
|
24/12/2004
|
AN650長期保養
我想出架AN650代步長渣(唔計佢身肥), 綿羊同街車波箱我都明, 但我唔係好明佢波箱, 如果長渣, 會唔會有咩問題? 維修費貴唔貴?聽講話架車好多油要換, 好似有波箱油, 知唔知幾耐先換, 同埋幾錢?其實長期代步, 綿羊都幾貴下, 2萬km又換珠仔皮帶, 起碼街車冇咁多野攪。
強強
自動波比起腳波車一定會多d野搞，方便亦要付出代價。AN650係一架好特別o既車，佢冇普利珠，照理解亦冇波箱油。聽過鈴木科研話AN650皮帶好耐用，搞到佢地「擲」左成批皮帶都冇人換過乜滯。
老編都好鐘意AN650，只係冇錢換姐。
|
24/12/2004
|
問問 - 如何舉報危險司機？
老編，各位大哥：
我都時常發現好多van仔、的士亂咁cut線專恰我地老電。睇返各位大哥話可以報警，其實手續係應該點樣做架！煩請教下小弟。謝謝
ken
如果認為其他司機的駕駛表現威脅到你的安全，請記下車牌，時間及地點，向任何一間警署作出投訴。 但你必需表明立場係想控告對方 ,警方才會作出跟進及交予有關部門調查。如果你想檢控程序加快，則需前往所屬區份之交通意外調查組報案室舉報 ,即有專人招呼 , 取口供 等. 咩情況下你應該舉報佢呢？簡單來說，即係「危險」：“危險”指對任何人造成損傷或對財產造成嚴重損害的危險。
(a) 某人駕駛汽車的方式遠遜於對合格和謹慎的駕駛人所可預期者；及
(b) 合格和謹慎的駕駛人會認為該人以該方式駕駛汽車顯然是危險的，則須視該人以該方式駕駛汽車為危險駕駛。
(C)如合格和謹慎的駕駛人會認為有鑑於某輛汽車當其時的狀況，駕駛該汽車顯然是危險的，則駕駛該汽車須視作危險駕駛。
|
24/12/2004
|
新牌仔一問
後備油可行幾公里??? thx
一般後備油缸有四公升，(以大車16-18公升油缸計)可以行幾多要睇番你部車平均一公升油可以走多少公里推算出來。
|
24/12/2004
|
車位
話時話如果個位唔夠既話，或會阻度自己及兩邊車，我唔會泊既一係等一係去第二處泊，無謂撞度人地架車同自己部車呀。為泊位比人整花架車如果係錫車既，真係好鬼慘架。好多人已經對開老電有好多偏見啦，大家都係開老電既咪忍讓下囉。
ken
|
24/12/2004
|
re: 排骨位
係度真係要道個歉先...我都明有部份px200既羊仔羊女羊兄羊姐係好好人..而且我都唔係針對渣某一類車既人士...只不過係小弟唔好彩..次次都比人搬車..又發現係羊人既所為者..不過點都好啦..搬車真係唔係太好..真係要搬既..煩請各路英雄錫住人地架車..同埋唔好搞到迫住人..d女仔搬唔郁人地架車..冇位泊事走..最慘想走都走唔倒咋..
(其實電單車同私家車都係人地既財物者.點解輕身就要搬呢.= ="真難明)
係度再次同各位有品既牧羊人講聲唔好意思啦..^^"
長毛
|
23/12/2004
|
Hornet 250 基本設定 - 跟進
多謝老鬼, 但怠速方面, 試過調整怠速螺絲, 但拎盡了只可調低至1800rpm... 是否化油器已須要到車房整?
===================================
我剛買了二手 hornet 250 想請教下以下:
1. 正常怠速 (現時1500-2000rpm是否太快?)
2. 怎樣調整怠速 (怠速螺絲? where?)
3. 前後胎氣應打多少?
4. 鏈油應隔多久加? 加之前可用什麼清洗舊油?
希望老編或老鬼指點.
Otter
=======================
正常在800-1200,縲絲在化油器中間向下,是菊花形,呔氣可打30,32.鍊乾就落油,如想清洗可用火水抹去沙塵.
Otter
咁真係化油器問題,因slow實在太高.
|
23/12/2004
|
路口出彎前凳一凳後死火 (自動羊 PGO T-REX 150)
老編您好,小弟係初哥一名,月前經車行購入一台二手羊,己行幾百里,
一直運作正常。但今晚放工取車後抯約數分鐘小路出大路慢車出彎時,
路面不平凳左一下後突然死火,錶板既燈全部熄哂,俾油無反應,
即刻靠路邊再撻一次即行得返,好彩返家途中無再發生...
請問係唔係部車未溫夠(只開車前比小小油幾秒), 怠速過低(1K-1.5K),
或是電器問題...請指點
P仔 maile@mail.hongkong.com
可能只是機器未正常運作,沒有什麼突別.
|
23/12/2004
|
有日路過車行見到d野
有日路過車行(私家車)見到有位師父安裝一條cable 包住條電油喉<有咩作用架? 電單車又用唔用得架?
路人
作用可能防止被機器整溶,而電單車多數設計巳一早預防.
|
23/12/2004
|
runner 200 風"間"問題
老鬼 你好 又係我^^"
我見之前d 文..你話 風"間"最好 一年要換一次,唔可以洗的嗎? and runner 200 的風"間"係邊到?左邊車身黑色好大件果件野? 最近部車停定時好似有d吸風的 嗚嗚聲(輕微) 唔知係咪風"間"問題?
dtwo stanley1610@yahoo.com.hk
如海棉是可清洗,風格可拆出檢查,如乾淨可再用,但頂多一年就必須更換.
|
23/12/2004
|
super four vs
老鬼先生你好,小弟將會出部sf400vs 97/04,想問下此車如果雙騎應該打幾多呔氣?仲有我每日行highway大約40/km,想問下大約會幾錢一公里....thx
Ken dolphinchiu@yahoo.com.hk
原裝車而又雙騎應為6毫子到,呔氣頭可30./尾32.
|
23/12/2004
|
引擎縲絲爆牙
本人幾天前發現引擎有地方漏偈油,將車交與車房維修,師傅話係燒掙口,要整兩日.
但第二日致電給我話冇得整,因中缸與底盤有兩縲絲爆牙,不能上緊,我睇過後佢話一係擋車,一係就收我$1500(完本收$2800)幫我裝回,但不丞擔日後問題.當裝回後試過冇咩問題
佢有話想我比多$500人工,最後只好比了$2000.現過了幾日,問題終於出現,真係再漏偈油．
現想問老鬼師傅,我宜家可以點做呢,有冇維修縲絲爆牙的方法？莫非真係要擋車,另外想問其實係咪架車老左d縲絲就真係容易爆牙,或其實會否係佢施工不當而上爆縲絲呢？
本人架車係95年HONDA JADE 250.有冇其他相同引擎底盤可換呢?
希望老鬼師傅可幫忙解答..謝謝！
無奈人 chukkingman@yahoo.com.hk
未能見到爆牙情況,不知到位置可否落到工具,一般可用突別工具種回絲牙,亦因原本漏油的原因到師博手上才發覺,但無得整為何又會比錢收車...
|
23/12/2004
|
50km - 60km
親愛的老鬼,
本人隻小羊唔知點解一到50km-60km就會(侄一侄),次次都係o甘,唔知點解.希望無事啦>_<
祝聖誕節快樂~!
may
檢查下個風格啦!
|
23/12/2004
|
E火咀
直四換了E火咀後，其中一支經常移動，修緊後行一排後自己就移動走氣，請問老鬼係火咀問題定其它問題請旨教，CB-750謝謝
waterflow waterflow@netvigator.com
自動會鬆即係盤頭火咀牙有問題
(滑牙),所以收唔緊.
|
23/12/2004
|
有關GT200的問題
車的背景資料──
車款：GT200
已行公里：900km(500km時已check了車)
出車時間：20多天,不足1個月
我今天剛遇到這問題：
我到油站入滿油，之後著車準備走人...
怎知按了幾下都不能著車，於是熄匙，再扭右著車。今次無問題，著了車。
後來駛到一地方停下來，再著車時，怎著也著不到車了。我便致電回車行問個究竟。車行叫我用母匙試一試，我立即回家取母匙(我在家的附近)，然後再試。
試了兩次還是不行，第三次卻成功著了車。於是我就再用後備匙著車，又成功了。熄車，再試，又得。
我又致電到車行，車行說是晶片的問題。
之後，我有3次停車熄匙，再著車時，有2次都未能一著即開，都要第二、三次才成功。
不知道是什麼原因呢？
有救嗎？
史先生
這是設計和品質的問題,你應返回車行詢問或檢查,著車要撞手神,萬一行車時自動cut off咁點算!
|
23/12/2004
|
turbo閃
小弟剛自己換白燈殼指揮燈.....初初裝第一盞時一切正常...但裝第二盞開始turbo閃
但開死火燈四盞一齊著...又正常wor..~~~~聽朋友講話係指揮燈火數不夠....要換炟..
是否這樣??thank you
fung av520@i-cable.com
是,雖要4個燈泡火數雙同或更換閃制.
|
23/12/2004
|
打炮and死氣喉(隔音綿)
我架車一收油時就會打炮!有時仲有火噴出黎!想問有咩辦法?
同埋想問死氣喉內既隔音綿點先至要換(同貴唔貴)?
因為我個朋友話我架車0甘打炮仲噴火好快會燒哂D綿!
但本人攞車時已經有打炮,有俾人整個但冇改善!
thank you!!
一仔 pui110799@sinaman.com
一係絛喉散左,一係化油器調較不當,死氣喉綿由150元起至300元到,換綿雖要取出內膽和包紮得好緊,要有一定工具才可完成.
|
23/12/2004
|
"27/08/2004" 白煙問題
27/08/2004 : "老友你部車燒緊偈油喎，唔理佢的話情況會越來越嚴重。你的情況應是活塞環磨蝕，令燃燒室喪失密封性能，偈油走入燃燒室所以不斷地消耗緊偈油，也會令動力下降。"
請問這些情怳一般要維修多少錢呢?
謝謝
T-MAX
如真的雖要小修的話,3,4千元起碼,磨哇佬,起炭屎,換呤,換膠圈,換睜口,偈油水箱水等.
|
23/12/2004
|
泊位
有次去深水黃金排骨位，我攞車時，隔離有個silverwing 車主攞車(新車)，眼見佢架車比人挖了一條傷痕，佢望住我，我望住條痕，再望下佢，佢知唔關我事，"唉了一o下" 好唏噓地走了，當時我真係深深感到果種心痛法。我有時都會搬人地車，但會就住搬，唔得就算囉。
spoon
|
23/12/2004
|
RE:香港又話起賽車場? +隧道收費
成日話冇地,唔環保,但係又拎D地黎起高爾夫球場喎(聽講高爾夫球場都唔係好環保咋喎),唔合乎經濟利益?個場睇你點搞既0者,管理得好,我覺得唔會輸,而且日後既經濟利益仲會好高(F1,MOTOGP,SUPERBIKE,DTM,JGTC,BOXSTER CUP多到你數都數唔晒),搞下賽車日又得,香港又有咁多車行,又可以俾人試新車,仲有,可以搞MEMBERSHIP(呢樣先搵錢呀),香港地咁多公子哥兒,你越貴佢就越黎,你見木球會呀,高爾夫球場會呀,邊個會話執笠(你睇下佢地D會籍幾銀),行政管理工作做得唔好,做乜都冇錢呀啦,就好似香港政府而家咁樣囉,起隧道又話蝕,蝕又加價,加價又冇人用,又蝕又加價,加價又冇人用, 又蝕又加價…..週如復此(政府收返晒D隧道,全部統一收費)…. ….搞埋D窮人隧道同有錢人隧道,太憤怒喇,搞到我離題,同埋希望明年澳門期聽到余錦基話"各位車迷我地有賽車場用喇"
怒姥
|
23/12/2004
|
STEED問題
steed400前後咤打幾多氣.換偈油加油隔要幾litre..唔換偈油隔要幾litre..
kk
你問o既問題，全部都可以係部車身上搵到。
|
23/12/2004
|
有關出大車的問題
本人留意到買賣搜尋有sv1000s寄賣,想問有400cc經驗是否能跳上1000cc？那車價又是否合理，約見時要留意那裡？危不危險？身高是否問題？有無人偷？
阿爸
好難答你400cc經驗能否駕馭SV1000S，始終要睇番每個人的能力。如果你己經舞到部400伸晒利都覺得唔夠用的話，轉騎大車當然係好事。SV1000S都幾易用下，正常咁用應該冇問題。
車價是否合理....要睇左車先知...睇車決定買時要驗文件，其餘細節可在知識技術中尋找相關文章。咩車都有人偷，唯有自己做好本份。
|
23/12/2004
|
泊車
sorry, 睇錯了小小,但5架車拍8個位....咁就唔得啦...私家車咩!不過希望中家唔好"夾硬"攝位泊車..
william
|
23/12/2004
|
Re: 排骨位
我就覺得大蝦細....
我係渣ET-8, 又係女仔,
我架細車經常比人搬....
初初出架新車時, 咩都唔識, 又錫車, 又唔識掌握點迫位, 見 D 位唔夠大, 只好"on 99"咁等啦...
試過最勁等左9個字呀..-__-!
等唔緊要....一路等....見到其他人搬別人的車又可迫到位...幾興>_<!!
唯有怪自己唔夠力...唔識搬....
連我愛人都話..係我咁傻等9個字....~__~!!
最最嬲....自己架細車比人搬到不似人型/車型/羊型....
試過一次, 左邊鏡比人搬到鬆左, 行車返屋企時...成隻鏡氹氹轉...幾驚呀....@_@
經過年月洗刷....現在我都有搬別人的車, 無辦法...請見諒....
但我最僧D人"格硬黎", 夾到我地D細車連車都出唔到...!!!
做人有D品, 將心比己.....尤其D人搬別人的車時, 唔好係咁"蚊"對鏡啦...會斷架...
試諗諗...現在多左係多女仔渣電單車...細車多數女仔渣架啦....
唔好搬得咁過份啦...唔該~~
Bie Bie
|
23/12/2004
|
回應：香港又話起賽車場?
講真，政府呢期成日話窮，情願用十億起馬鐵，情願賤賣資產，都唔去想下起賽車場，大家想下2天的澳門賽車，吸引了多少因賽車而間接獲益的行業？同時不單止澳門，在有賽車場也不等於沒有非法賽車。如大家記得話，Ralf Schumacher也在街下超速，2年內2次，而第2次是在80km/h超速了62.5%。
WONG Ho Ying
|
23/12/2004
|
RE: 長毛
長毛曾留言:
其實好多渣老電既人士(尤其係渣vespa..px200呢類既人),成日都似住自己車細迫埋兩架車中間泊位,一泊就泊到隔離d車既倒後鏡直晒.
__________________________________________________________________________
說話又唔好咁講, 我都係用px200, 泊車就算3架泊2個位, 如果我泊完人地出唔到車我一定唔泊, 寧可等下個位. 咪又可以俾d粉皮成架AN400之類的大羊咁泊埋黎, 我個側鏡咪一樣領晒野. 關VESPA PX200用家咩事. 係果D人的問題, 就好似果D好有政治目的, 成日搞搞震重大條道理D人一樣.
小羊 lungfive@yahoo.com
|
23/12/2004
|
RE: 仆街貨van.....FS5601
全力支持, 呢d人咁渣車法, 真係睇少陣都唔得, 有d賤精雙白線, 唔打燈cut線做齊, 我渣緊車咋, 抄唔切佢車牌, 抄到實報案, 罰死佢.
小羊 lungfive@yahoo.com
|
23/12/2004
|
誰對誰錯?
排骨位吾夠,應該拍好d,
架車大吾想花,拍鬆d,(5架車拍8個位)
有架細車見到,拍入左d車中間,好易整花其他車.
甘到底係大車吾對定細車吾對呢老編??
小鬼 CAR@IB.COM
理論上泊車係跟番白線一架車一個位。
但現實冇可能做到。搬人地d車唔o岩，但有時真係唔搬唔得，
現實世界係搬車時不會弄花別人的車，出入時盡量愛護人地架車，
己經算係咁。
(泊得街邊排骨位，預左一定會花。)
|
| |
|
|
|
 |
|
