|
|
|
FAQ常見問題 |
|
|
7/12/2004
|
RE:關事唔關事？？
老編大哥！！細佬o既心情真係去到最谷底！！點解會發生係我身上呢？？
話說細佬今日下午蛇o左出去整車，起初有位師傳問我咩事，我話行行下“支”一聲就無油到，之後撻唔著。跟住佢老哥話：唔使整喇，副偈"林"左，我立刻打個突，試問仲未甩p，永遠唔過七十既我，何德何能可以整"林"副偈？？
跟住，跟開呢部車o既師傳話：無可能，早幾日換偈油走o果陣車頭仲好靜，點會"林"偈？跟住就開始跟電池，又拆開o黎睇，佢話副偈無事，不過士撻磨打打左紫，係正常消耗，連埋之前要換既咪錶鏈，六舊水，夜小小就可以渣走！！
咁我話ok喇，就返公司做野，大約一個鐘後佢地打黎話：真係副偈"林"o左，而家要拆開副偈睇下邊度唔得就整邊度。咁我話我小市民搵得唔多，大約要整幾多？佢就話點都要拆散副偈睇下先，仲問我多唔多上高速。咁我話一星期點都有兩三轉機場，咁佢就話：唔怪之得喇，呢d車上高速唔得架......(我部愛驅係大林150)
我真真唔明，上高速同"林"偈有乜關係？？問過朋友，呢d case 閒閒地都收千呢二千，都唔小數目o架，計埋之前食左果兩張牛肉乾，咪錶鏈士撻磨打，短短五日我就用左三千大元係部車度......天呀！真係愈窮愈見鬼！！
老編大哥可以俾d意見嗎？？我真係六神無主！！
青衣黃某
你的苦況充份解釋左點解老編叫人走長途的話，架車最少要係250以上。大林150，可能只係幾千蚊買番來，一整要整幾千，咪話唔傷。最慘係今次整完唔知重有冇第二d野跟住要整。不如你拿果三千蚊做首期供過部台灣150新車重好....雖然都係150，但起碼都係新車，頭果一兩年冇大鑊野先…
|
7/12/2004
|
RS 125
How much does a RS 125 cost???
man
好似賣四萬八千幾
|
7/12/2004
|
請教下小弟,點樣可以好穩定咁停車?
小弟新牌剛出左架cb400,抯左一星期到,每次停車時都好唔穩定,左搖右擺....尢其是塞車要行下停下咁.....有冇方法可以停得穩定d....唔該大家!!!
新牌仔 my_life_my_story@hotmail.com
如果頭胎和波子盤正常的話，慢車的平衡只要多練習便可。試下慢車時扣起極力子，右腳輕輕拖著尾迫力，落左腳時把手輕微向右扭，車身自然會向左跌。
|
7/12/2004
|
保養問題
勞煩哂你老編~~~ 我既愛驅係Hornet 250
1)其實返工著車應該run架車幾耐係最好?
2)run車之車須唔須要俾d油話者keep 住轉數?
3)最後剛開車應該早d轉波?用較高波檔?定係應該keep高轉?
Alff
普通暖車係怠轉一兩分鐘便ok，如果初初著車怠轉不穩可以輕輕定住油門，千萬不要高轉炳佢。之後慢慢用低波慢慢開車，走一段路先再開快。
|
7/12/2004
|
再續2衝偉士200
漏波箱油(車身右邊)
好多ｐｘ ２００都係咁
我果部都係但唔係流好多ｄ
師父話唔駛理佢ｌａ（因一換就要８舊水）
定期入番油就冇事
pgm3
|
7/12/2004
|
冇品的人~
話說小弟放車，上星期五有一個自稱"DAVID"的無恥之徒，28歲，四年牌，來電顯示：6231005易，約我睇車，一時又話佢o向韓國返泥，屋企人唔俾出街....一時又話阿婆生日，唔出得街....我便好心將車由香港島駛至"禽獸花園"給他看；可惜此禽獸不如的人放飛機，連電話也不聽，讓我苦等了兩個多鐘，更可憐的是我女朋友身體不惜也要食足兩個鐘的西北風。事前已有朋友勸阻，事後更被人責罵。我地不作出任何毒咒，就等老天爺判決此人吧了。(據他的家人稱他住在....唔知係咩北街六號)
可憐人
|
7/12/2004
|
Up-grade from 400cc to 600cc sportbike
I rode CB400 during my P licence year and upgrade to 600cc sportbike afterwards. I face the same problem of choosing which 600cc sportbike. I ride my bike everyday to work. I have to cross the Hunghom Tunnel everyday at rush hour and I am short (only 5 ft 3 in). Eventually, I bought a Honda CBR 600 F4i and is quite happy with it now. The handle bar is higher than other pure bred sportbike. So, you don't have to lean forward too much. The torque at low rev is acceptable. It is fast enough to have sportbike feel compared with CB400. I do have some backache everyday when I reach home. However, the pleasure of riding this bike on highway overcome this shorcoming! Sorry that I have difficulty writing Chinese.
CK Koo koockw@hotmail.com
|
7/12/2004
|
車o太問題
老編大人好.小弟上次慢派完架車之後,已經對開車有一定心理陰影,特別係轉灣時,唔再夠膽訓住入,好易Ball out(快慢都係),唔知係咪因為咁,我覺得自己架車o既原裝o太真係o係冬天冇咁咬地,有冇好介紹邊隻o太o係冬天會咬地D?同埋乾地and濕地都咁咬地?(我架係 VTR250)
Thanks
同胞勿近
估你的情況唔關胎事，係心理作用。電單車轉彎唔壓車行唔得快，你唔肯壓車所以波勾。
|
6/12/2004
|
AN400尾避震機漏油
我係澳門人,座駕係99年款AN400,近日發現行車時後輪很震,去代理檢查佢話油壓尾避震機漏油,而家只係靠彈弓工作,要整就要成份避震連啤令換,報價淨係零件要$8500大元(加幾千元足夠買架全新的綿羊仔了),我覺得好離譜,單避震都要咁貴,如果雙避震咪要萬五蚊以上;同埋是否一定要全部更換,不可修理;因為澳門人多數用綿羊仔,整大車的車行較少,因此唯有上網請教,望能指點一下小弟,多謝
KinKin wklei@macau.ctm.net
如眼見油壓心漏油是沒辯法,但你說後輪震請說明情況,因避震打柴不是震而是你座落架到上到會彈下彈下,雙騎情況更加會覺得架車沉左,避震價錢是因設計和車種,牌子而不同,所以不應該作此推論.(再續)
|
6/12/2004
|
車胎問題
我以前用BT090,現換上Dunlop GPR70.用在CB400上.但用後如加速至約時速100公里,把手開始震動,若以這車速落彎更上下左右全方位亂彈.非常危險.已更換三星位和頭輪(咇呤).但無情況改善.後來更換偏硬頭fork油.好左少少.請問有無試過以上情況和請指教如何維修.是否GPR70不適合CB400的車重或車速?另外我的尾避震為Bitubo全功能形號產品.會否因尾部調整過硬所至?謝謝!
Viper edmondfu@macau.ctm.net
呔應該是沒問題,三星位是否指戥呔,放鉛的位置同重量是否準確?呔氣有否過硬,唯獨是波子盤問題,不過這問題應一早存在.可能換左新呔反應強左你才發覺.
|
6/12/2004
|
Hornet 250 基本設定
我剛買了二手 Hornet 250 想請教下以下:
1. 正常怠速 (現時1500-2000rpm是否太快?)
2. 怎樣調整怠速 (怠速螺絲? where?)
3. 前後胎氣應打多少?
4. 鏈油應隔多久加? 加之前可用什麼清洗舊油?
希望老編或老鬼指點.
Otter
正常在800-1200,縲絲在化油器中間向下,是菊花形,呔氣可打30,32.鍊乾就落油,如想清洗可用火水抹去沙塵.
|
6/12/2004
|
runner200水箱漏水...
老鬼先生你好!
小弟手多多擰開水箱後就不斷漏水(末擰之前無),每次停車後就有兩行水漏落車身到,請問點樣可以解決?
同埋偈油格在那處?
Thanks!
十架8架都係咁,為有買個新膠圈,不過好快又會咁.油格在右邊機器,放油縲絲前些.
|
6/12/2004
|
新仔
你好....
我朋友讓部NSR 4 仔比我..但係我想知開動了車..未扣離合器時聽到很像小石子在空鑵內的聲音...但扣實離合器時就沒有了~這是有問題嗎?是大問題嗎??還有小量白煙..這是否二衝車會出現的現象....
麻煩晒你....唔該晒....
R
一係部車係乾式極力子,一係極力子總承有問題,有煙是2衝車現象因2t同電油混合燃燒,反而無煙你就要檢查一下2t泵有否塞左.
|
6/12/2004
|
油江膠一問
我部fairing車兩邊油江下的膠都無左,個油江無咁緊,左右都郁到小小,請問有無問題呢?語該哂.
我建議你都係買番兩粒膠,唔係又嘈又整花個油缸.
|
6/12/2004
|
CB400 vtec 1
請問 cb400 vtec1 頭 fork 想換油
(單一支 fork 計)
容量應該用多少 ?
大約用多少度好呢 ?
阿 ken hung__@hotmail.com
用10w油,油面度120mm.
|
6/12/2004
|
vtec結構問題
老鬼又要麻煩你啦唔該哂先!本人部係cb400vtec 1 當上次換風格時見到風格對上有個小盒仔而內有一片海綿好似一個迷你既小風格咁而係呢個盒後面有條喉駛去座吸度既請問呢個小風隔既野係有乜用呢因見到片海綿都好污髒問師傅駛唔駛清下整車個師傅又話唔駛喎所以想知道呢個小盒係有乜用途.重有請問高流量既風隔有d可以清洗的那是否只用清水洗就得呢?thx
係比化油器油路回氣用,海棉只不過是防止有野跌落去.而個d風格是可用洗潔精清洗但一定要完全吹乾才可裝回.
|
6/12/2004
|
兔仔跳問題
本人的自動羊,近日低轉起步時會跳幾下(有時很勁),是不是皮帶到期了?
神神
反而我覺得極力子皮同珠仔多d.
|
6/12/2004
|
死火
本人渣3仔的,行緊70-80咪突然林電(頭燈暗左,指揮燈,按冇反應)但冇死火擺了一會又回復正常,我十月二十一日先換整流(二手正廠),電池是有電的...我諗唔會咁易又壞丫...
又係五號仔......=.=
整流壞才會換,唔明點會有二手.只有再check電器.
|
6/12/2004
|
志
老鬼大哥
今日行行下車,個速度表突然發到最盡,反覆試驗下,只要架車一行就發到盡,
但里數卻正常,會唔會係咪表鏈有事呢,
我架係AN150,如果係咪表鏈,,我想知邊度有得賣呢..
thx
還要check埋咪錶牙,兩樣鈴木科研有售.
|
6/12/2004
|
600cc跑車一問
老編
小弟之前坐駕為CB400SF,自問安全駕駛足3年經驗,而家想升級玩R6(LED尾燈款打後)或GSX-R600(00款打後)(唔飛,不過想過跑車癮),有以下問題煩請老編你俾D意見:
1.之前我"淨坐"過部NSR,覺得個坐姿唔多慣(手婉太低同腰要伸好前)同埋個油缸頂住個肚咁,咁以上兩部野又係唔係仲難搞呢
2.呢兩部車低扭點樣,相比起SUPER FOUR(我見你地D試車話600SS低扭差少少咁)
3.22歲,3年牌,出到燕梳0麻(唔好講錢"住")?
4.如果日日用長途,邊度你覺得"辛苦"D(要你答我邊部舒服我知你都答唔到)
其實我都想玩NK,Z750同Z1000都好正,價錢仲正,不過我想搵部有風鏡既同我頂下風,起碼R6同GSX-R600都有塊"鏡仔"丫
仲有呀,如果你地有時間既話...."既話",可唔可以做D專輯介紹下D傳奇車手呀...如杜漢等..
謝謝你
過來人 cb400sf@bikerider.com
你夠歲夠牌應該出到保險o既。NSR係v2引擎，車身較窄，R6和GSXR600係四衝偈，引擎較闊。視乎個人喜好，老編就鐘意闊車，但好多人鐘意窄車。R6駕駛姿勢比起GSX-R600較緊湊，細車轉大車，R6會較易適應。但高大的人會揀GSX-R600。
買部跑車唸住日日用走長途絕對係搵自己笨。手腕後頸後腰都會累，如果你用背囊裝重野重嘆呀。一塞車水溫係咁標，人地跑車o黎家嘛，一著車就要行，塞車唔行的話，散熱水箱幾大都唔會頂得幾耐。
跑車的風鏡要發揮作用，一定要好高速同埋伏低晒先得。睇你個款都係唔玩過唔心息，但因為你日日用車，唔同人地係假日車，所以預左你會玩半年會後真係頂唔順，到時會轉用大街車。到時你發覺整車方便價錢便宜，路上塞車都唔會唔耐煩，就會忘記跑車架喇。
|
6/12/2004
|
輪呔漏汽
尾輪呔只係用左一個多月,平均兩個星期無左十幾磅氣,是否正常,還是有滲漏?
我日日都駕車的,如果係唔正常,甘可以補嗎?(都唔知邊度漏)定要換條新的?
龍 peugeot@excite.com
你條新胎應該中左釘漏緊氣，只要唔係胎肚位置中釘，傷口位置不大都可以補。
|
6/12/2004
|
RE:關事唔關事？？
老編大哥：
細佬真係無用！對住部車成半年都唔係好認識部車，之前都人話細佬應該認識下部車，細佬真係受晒架！！不過搵食真係艱難，有咩事多數都係駛返去車房。
老編大哥所講既「偈油窗偈油尺是但總有一樣o卦？如果放清偈油，偈油燈會著架喎，有冇著呢？」我一樣都唔識......請老編大哥你再指點下細佬。
今朝都又番去出睇睇部車，亦試過撻車，第一次達得著，不過又係俾大d油又“支”一聲停左，跟住又死火，指揮燈、大燈運作正常。
等一陣車房開工，我都會打去問問，拖返去成數都好高，不過細佬真係想知多d！！
青衣黃某
蒲多d車房，問多d，慢慢便會知多d。等你拖返去車房後再話番俾我地聽係咩事啦。
|
6/12/2004
|
偈油??
哈囉,
想請問Yamaha嗰隻4S是否全合成偈油,合港幣50元有找,但上面無寫明是否全合成的,全合成的有什麼記號??
如果要用貴的偈油,我算一下,要比汽油錢還貴,我在台灣騎馬車125,1000公里才6-700台幣,但貴的偈油要800台幣....
謝謝
David
雖然我唔知你寫乜，但HK$50冇可能買到全合成偈油。
|
6/12/2004
|
jha
jha這隻牌子香港有代理嗎..?
應該冇，二衝喉...你試下問世紀電單車行。
|
6/12/2004
|
小問題三個
1. 想問下 Bro 400 能否加裝燃油錶 (外置)，如有，大概多少錢？
2. 另外想問下有無地方可找到此車的 manual 資料，因小弟找了
很耐都找不到。
3. 最後想問此車的車胎胎氣打多少為合適
謝謝老編指教
新手
可以加裝燃油錶，但款式繁多幾舊水到幾千蚊都有，分分鐘貴過你部車。
胎氣都係28/32開始再微調。Manual一早絕晒版架喇。
|
6/12/2004
|
RVF
老編你好....
停咗產的RVF重有零件供應嗎...?
有困難嗎...?
有困難，老編呢度冇零件供應。你應該問燦基。
|
6/12/2004
|
cbr250rr用superfour呔係咪有問題
cbr250rr用superfour呔係咪有問題
cbr250rr用superfour呔係咪有問題,係咪無咁好呢,我覺得訓灣時唔定,同埋起起地角呀條呔.請問要換一條咩呔呢?唔該.
兩者應該係110/140同一呎吋？
cbr250rr尾呔應該係140/60/17而cb400係140/70/17 =_=
chow
乜140胎有60扁平率o架？分別在於吸震能力，輕微影響舒適性和操控性。分別不大。
|
6/12/2004
|
多謝騰尼哥
在此多謝屯門xx騰尼哥,半夜三更凍冰冰都肯黎龍鼓灘救我車,仲在15分鐘內到達,不致於細佬凍僵.萬分感激.麻煩晒.唔該唔該,多謝多謝.
地盤佬
|
6/12/2004
|
想換an６５０
本人生有十年駕駛經驗大部份時間都係駕駛自動綿羊現在的愛駒係２５０想換部an６５０不知道這台車是否很難操控它的變速結構那麼複雜在維修方面會唔會好貴因為我想買二手車又因為係車主報告上冇這方面詳盡報告所以先要勞煩老鬼和老編兩位師傅 (大拿拿五萬幾蚊梗係想問清楚請見諒
綿羊老老
AN650都算容易駕駛，聽鈴木維修部講話條皮帶好耐用，搞到佢地入左一批皮帶都冇乜換過咁話。呢部車如果價錢相宜的話買得過。
|
6/12/2004
|
再續2衝偉士200
上次問如果漏波箱油(車身右邊)
老編問番我
漏得勁唔勁先？叭叭聲咁定係暗滲？暗滲又唔想俾錢整咪定期添油o羅。除非油漬走落條胎度，否則唔會有直接引起危險問題。
現補充:我通常每星期駕星期六同星期日,所以約一星期左右先發現有d油o係地下乾左咁. 呢個星期冇咩漏,會唔會係已經漏晒呢?
如果係冇晒波箱油咁駕車會有咩問題,會唔會間接引起其他令我瓜柴的問題,有咩注意?
可以點整? 燒"jarm"口會唔會斷尾? 如果整要幾錢左右?
麻煩老編大佬再指教小弟
小羊
其實老編都唔肯定你果d係咪波箱油....最衰老鬼都唔係二衝手波羊果科....
假設真係冇晒波箱油，你會發現轉波好困難。燒砧口的話部車會冇力，副偈重會有好多油漬。要整的話一定要扑散副偈換砧口。幾多錢真係要問番鐵殼手波羊專門店。
|
6/12/2004
|
想加轉數錶
請問科西加轉數錶,可否加呢?價錢要幾多呢?
THANKS.
豪鬼
After market的轉數錶應該幾百蚊有得找。
|
6/12/2004
|
RVF
老編你好...
我想問RVF有咩外形上的改裝呀...?
有網址參考嗎...?
........RVF....停左產好耐o羅喎...自己上網search一下吧。
|
6/12/2004
|
新仔車一問
請問用松節水沫車得唔得呀
如果set位有洞(好細)比水入左怕唔怕
加錬油要咩步驟如:係唔係要用布沫乾條錬先呀跟住......?
點先知前避震有無問題呀(我架車用力壓前佢唔彈回,只上返少少......)
仲有去車行check車要多少$$(只check)
我架係gb250
多謝回答
松節水抹車？唔係呀化！
seat位有洞？係包住座位的人造皮穿了小洞？如果係咁會入水，最後修補或重新再包過。
即使打左柴o既避震，都識得彈番上來。前叉過軟或過硬，你會感覺到。
check車一般用眼望兩望，用手摸兩摸都唔會收錢(如果你有野幫襯開的話)。但如果真係用工具檢查，一百幾十冇得走。
|
6/12/2004
|
想請問買易手車問題~
老編你好呀~想請問一下~是不是十年就要驗車呀?想買一台95年的易手車~是不是下一年我就要拿去驗車呀?煩早回覆~謝~
TERRY~
香港電單車冇夠年期就要驗車這回事。
|
6/12/2004
|
關事唔關事？？
老編大哥！
細佬部愛驅星期四係車房換o左偈油，咁駛左返屋企泊底，星期五六北上工幹。
今日本身諗住同朋友上大帽山遊車河，但係部車行行下聽到"支"一聲，咁部車就無油到，跟住仲死埋火。
泊底一邊睇，油箱又夠油，到底咩問題？？咁朋友黎到救車喇，佢地話可能換偈油時「羅c」零得唔夠緊，咁d偈油溜晒出黎，但係又唔見有偈油既物體溜出黎.....唔知關唔關事呢？
返到停車場睇下，又唔見有溜偈油既痕跡，朋友講既野岩唔岩呢？車房星期日又無開工
而家部車泊係出面，，都咪話唔心掛掛......
青衣黃某
你部車重有冇偈油你唔知o既咩？偈油窗偈油尺是但總有一樣o卦？如果放清偈油，偈油燈會著架喎，有冇著呢？
老編認為冇偈油的可能性極低。現在你部車重係咪撻唔著？有冇撻車聲？會唔會係燒fuse？
|
6/12/2004
|
Skywave Type S
你好!本人想知道怎樣分別Skywave TypeS 250和400.除了行車証寫上的cc外,仲有其他方法嗎?車身上能看見嗎?
william
乜車上冇寫250/400o既咩？
|
6/12/2004
|
極力子間題
小弟部街車， 近排着車要扣住極力子才能啟動（就算空波都係咁）， 以前只要入空波就可以了， 請問何解呢， 另外， 就是當行到四五千轉時再加油， 就只有轉數錶加快， 車就冇乜快， 好以扣住極力子俾油咁聲．．．．．．．ps. 最近曾自行調教極力子wire
pakningli pakningli@hotmail.com
極力子片打柴....要換極力子墊片。
|
6/12/2004
|
偈油
老編你好,我日前去車行買偈油,個老闆娘同我講話,我部綿羊仔唔洗買靚偈油(全合成),
因為佢話我地每一千都換一次偈油,我都半信半疑,結果我都買左一支半合成的偈油.
想問老闆娘講的話是真的嗎???
及我自己換偈油時發現,部車係入0.9L偈油,但我部車放出用過的偈油我量一量,見距離0.9L都差幾遠。
想問正唔正常,如果唔正常係唔係部車燒偈油???
雙喜
你當然有權選用全合成偈油，老闆娘咁講都係想幫你慳錢。如果你部車係有油隔的話，換油時冇換油隔係會扣起一部份油。下次再換油時再留意情況如何。
|
5/12/2004
|
偈油
老編hi：
點解偈油會變黑色的，好耐都唔換偈油會對台車有甚麼影響呢！
如長時間都無開台車，偈油是否都會自動變黑的，因是車房師傅講架。
thank
kk
因為偈油其中一項功能係清潔活塞環，燃燒室的炭屎會被偈油帶走，所以會變色。而經過使用的偈油，化學結構都會開始變質。所以要定期更換。
|
5/12/2004
|
fork油
老編~你好∼
我有Ｄ問題想問下架
我今日拎左架車去換fork油,咁師傅問我換邊隻講左咩10度15度20度其實點分架？
明
係指fork油的稀濃度。杰D o既油避震反應會硬d慢d。
|
5/12/2004
|
cbr250rr用superfour呔係咪有問題
cbr250rr用superfour呔係咪有問題,係咪無咁好呢,我覺得訓灣時唔定,同埋起起地角呀條呔.請問要換一條咩呔呢?唔該.
兩者應該係110/140同一呎吋？
|
5/12/2004
|
cbr250rr,set完slow車,電達開唔到車,要推先開到
cbr250rr,set完slow車,2000轉set番1000轉後,電達開唔到車,要推先得,同埋很難去番空波,二手買番來只係一天,請問係咩事,有無得整?唔該.
舊車的狀態可能唔係咁好，例如電池整流火咀極力子...等等。有冇預錢整車？
|
5/12/2004
|
我想安裝一個小型電子鐘
最近買了一個$20電子鐘，貼於前箱蓋上，奈何居然被盜。
有建議否？我駕的是Suzuki QS150T
中仔
戴手表。
|
5/12/2004
|
升級大車
本人已有二年車齡(400cc),想升級大街車,但無朋友有大車可提供意見,大車是否很難操縱,慢車車子是否很重(>200kg),容易適應嗎 ?
7-11
現代的大車例如Z1000係輕到你唔信。傳統車如cb1300靜止時梗係重喇，但開車後都好易平衡。
|
5/12/2004
|
偈油?
老編師父,d偈油係唔係有分電單車同私家車用啊??我買左支私家車用的全合成(0W-40)偈油,發覺部車好似冇咁去同比以前多左少少震(高轉時),但低轉果時又冇咩問題.以前用果隻係電單車專用(10W-50),但因價錢貴好多,所以試用私家車的偈油.見果個盒係SJ級,以前果隻係SG級會唔會係問題?而且二者都係全合成(因在知識技術見到話SJ級唔適合電單車用)咁想問下私家車用果隻會唔會對副引擎有傷害?
Jason
老編認為只要係全合成偈油，便可以適用於一般電單車上。當然賣偈油的人會不同意這說法。事實上人們的心理是很奇怪的，好像不用點錢便不開心。其實用咩偈油都好，最緊要勤換油。
|
4/12/2004
|
fork油唔平衡
我想問問fork油唔平衡係咪會引致行車時太了了地同有少少搶太感覺?
因為近日發現fork上有少少油漬(少少∼好少)另一支就冇,同時亦出現太了及少搶太感覺,速度40-60較明顯0-40及60-140又唔太覺有問題T__T"想問下靚仔老鬼架SF咩事∼万個thx~
cass
如只是fork頂漏油,應該是o-ring裂左引致,呔氣,波子盤也會引起問題.
|
4/12/2004
|
化油器滲油
rebel 250 化油器滲油, 左邊特別明顯, 維修大概要多小錢, 有邊d零件要換?
仲有散熱片頭幾格近頭位置有油污, 我望過死氣接口無事, 會係o羊事?
hans
可能是化油器杯底膠圈漏油,連洗吸都要5百零到,至於散熱片附近應該是盤頭縲絲膠圈漏油.
|
4/12/2004
|
AN400落Break時有"支支"聲?
請問我現用AN400一年左右, 但近日開車時發現落Break時有些少"支支"聲, 同時轉灣時(慢車)輪胎亦有D"支支"聲. 行車及各樣均正常. 請問何解 ? 怎樣改善情況 ?
心急人 lala@annapurna.com.hk
睇下有無迫力皮同呔氣.
|
4/12/2004
|
偈油
偈油尺點睇,係唔係架架車一樣?點樣量度偈油係最正確?
watsons kinghouseking@yahoo.com.hk
油尺長短各車不一,將車擺直,再將油尺伸入再取出,再看油量是否到達上線便可,(你會看見有上下線或斜紋)
|
4/12/2004
|
唔知是什麼問題
本人用的是Magna 250 , 於一星期前更換了火咀及偈油, 但這星期每次摓車都死火及要拉 "Chok" 等五分鐘先可以行車. 請指教
Samy samytong@hotmail.com
火咀度數是否一樣.
|
| |
|
|
|
 |
