|
|
|
FAQ常見問題 |
|
|
27/11/2004
|
換呔問題
本身用110/70/17後150/70/17 , 如果我轉用 120/60/17同160/60/17 有乜後果呢??
假設OFFSET無問題裝到得話.
唔該.....
BANDIT600N
轆軨本身的闊度會唔夠，令到160胎邊缺乏承托，影響操控。
|
27/11/2004
|
GB250問題
本人剛買一輛gb250既新仔,我想問,聽講這車副偈係有d問題架(傘鈴係會消耗得好快同偈油會上唔到,如果真係可以點補救呀?)仲有這車一缸油可以行到多少km?仲有仲有我架車嚮低轉時勁震(手都痺)高轉時好d(6000>)咁有無問題架,多謝回答.
唔知頭唔知路新仔
好多舊設計的單汽缸車種都會有呢種問題，只要唔係長期keep住高轉行車便可減輕磨損。但即使要換遮鈴價錢都唔係太貴。一缸油可以行到幾多km唔肯定，應該有二百零公里冇走雞。低轉震，轉數高d無咁震，可以係話係正常o既。GB250唔係一部高科技o既電單車，要求唔好咁高。
|
27/11/2004
|
Re:不小心駕駛
老編咁講電單車因地面而出事係咪都會被當成不小心駕駛...........？..........咁萬一....炒左.......又萬一因地面收制不及撞到前車......或任何野...都係自已錯???
free
冇錯。總之你自己一個無啦啦煎低左或任何原因撞上前車，都係你錯。除非有突發原因，例如有狗或人以不可預見的情況下衝出馬路導至你炒車，你先至唔係不小心駕駛。
|
27/11/2004
|
Re:堂太左搖右擺
^^"鬆左手行到直線但堂太左右左右咁了了下囉.(^^"唔係心理作用見住佢左右左右咁了了下架).......我又有問過Ｄ朋友可能換左fork油會好Ｄ係咪架？因為我頭fork好軟
煩腦
頭fork軟唔會令你堂軑係咁了。頭胎的狀態，胎壓，波子盤都可能有影響。
|
27/11/2004
|
今時今日咁𦬓服務點得
本人上星期五去某車行買了三支R4偈油.換油時倒了二支入偈..到第三支時發現被人開了..倒出來睇已經變深黃帶水溶液..無倒入偈..迫住用2L偈油行了六公里返屋K.星期一本人拿回個支偈油去車行退回比佢..當時有個阿姐在那裹..阿姐話要問老闆..後來老闆過來..我同他講.他都話換回另一支新比我..當時我要求退錢..因我己在另一間買了一支倒了入偈.你換比我..我都無用起碼都要三個月或半年後才換偈油.所以要求退錢..老闆好不禮話..我都換返支比你,你還想點.你買時唔檢查清楚..想問大家.買偈油時會唔會打開來睇..就算你想..賣方都唔比..老闆話無得退錢..好像我在編他.比他麻煩.我叫他倒的偈油出來睇..他又唔倒..我只好取了支偈油走..一間在我心目中都算較好的車行都有咁𦬓服務..真令人失望...最令人失望的是你令到我不便.令到我架車操作不正常..而不是我令你麻煩.你是服務我..你..你..你地看完後敢唔敢去咁個服務車行買𣾀.我就以後都唔會..
被害者
當你發現偈油有問題冇入到時，點解要行六公里返屋企而唔係去返車行度即刻換油？老編咁睇呢件事：假如果樽有問題的偈油係未開封的話，車店事前冇可能會知道。站在佢立場來講，三日之後有人拿住一樽開左封o既偈油話樽油有問題，老闆未睇油就話肯換過一支俾你，都算係咁。
|
27/11/2004
|
不小心駕駛
老編大人,我於十一月初發生交通意外在落口供當日阿sir話要告我不小心駕駛.因我是第一次出意外所以可否告知小弟一些現在我雖要留意的基本事項.另亦有數個問題想希望老編能給與小弟一些意見,問題如下:
1.而家阿sir話要告我不小心駕駛,我想了解我上庭時認罪和不認罪的分別!
2.我於落口供時,因當時小弟未能書寫所以全由阿sir代書.佢話告我不小心駕駛時我話懷疑係路面影響我.因為我當時起返身時回頭一睇,見到架車跌落地時同地面的磨擦痕跡係由個坑"距"蓋開始的.跟住佢見我講到呢度,佢就停筆.跟住好不悦咁講左一個佢自己多年前於同一地點炒車的故事我知.跟住話,你一定係做左一d野架車先會好似而家咁.你諗清楚先再講啦.我見佢好不耐煩而且我之前全無任何有關經驗,亦可能比佢"窒"一"窒".咁我話當時我煞緊車,咁佢就話你會唔會係煞車力度過強呀.咁我出意外當時個腦都空一空,咁我咪答有可能囉.跟住佢就好快手咁寫左係口供紙上面啦.咁佢會否係有意無意係度引導緊我呢.其實當時我可否要求在口供紙上寫上路面有坑"距"蓋等等的事情呢?
3.另外我聽人說如果我真係懷疑係路面問題,我可以以民事控告路政署.但係官字兩個口而且一年咁多人中坑"距"蓋.點解係我先有問題.咁你覺得我呢個理據是否成立?但係坑"距"蓋呢個問題一直是我地鐵騎的其中一個公敵.(出事時天氣良好)
4.如果個官罰得唔係重,我是否是但比佢扣分同罰款算數?唔好攪咁多野呢.
5.同上庭時我想知道個官大概會問我些甚麼,同成個過程係點架,等我好有d心理準備.
最後我特此聲明,因法律程序還未完成.以上文章只係我個人意見及以不具法律效力的方法去詣詢其它人的意見.
我真係好希望老編可以指教一下小弟,我唔介意留電話或者提供口供副本比你地.因為件事真係好困擾小弟.謝謝.
Glen wong lastdance@i-cable.com
你講o既交通意外，係自己炒低左丫，定係撞到人或車呢？
一般來說，即使路面有油漬，你俾佢跣到灘灘腰，都係你自己唔小心駕駛。法例要求一位小心駕駛的司機，會對路面任何情況都可以一覽無遺，及早作出對應措施。所以你話事後見到有坑渠蓋導至你炒車，已經係不小心駕駛的證據。
第一堂唔認罪，如果跟住認罪或被判有罪的話，會罰得重d。
「懷疑係路面問題,可以民事控告路政署」-->>如果咁都告得入，天下就會大亂。政府對於路面所引起的責任問題，係有豁免權利o架。
不小心駕駛如不涉及其他人命財物傷亡，都係扣分罰少少錢咁姐。唔好俾呢d野阻住你搵食，快快手搞掂單野佢，下次小心d，OK？
|
27/11/2004
|
老人家心聲
本人今年已45歲,剛剛學識用電腦一段日子,就看到貴網一些留言.
本人已開電單車超過二十多年,大大話話去過幾十間電單車舖頭,老實講有好有唔好啦.
如果去過覺得唔好咪唔好去羅,唱他又代表什麼呢?你只是幫了他賣廣告.
現在的車行還肯出去救車我已覺得很唔話得.
十間九間都係叫你拖過去.爆呔使唔使一定要換有無得補就真係睇你點爆法.
個洞大就無得補,就萛夾梗補咪又係漏氣.
死氣喉羅絲鬆有好多原因架,架車震,羅絲牙撻,羅絲生秀開左再修回都可能會撻...等等
我都去過屯門二間電單車舖頭行過,其實總括來講,我就覺得得一間,另外一間是精品店.
雖然我都見果間精品店有幫人維修,但係整車手法就麻麻地.唔夠專業.
而另一間睇落就好一些,問他關於車的問題都答得有頭有路.
好唔好都幾夾人的.開得車都應是成年人,不要為一些事就好像小朋友般.
老人家有什麼得罪不要見怪
老人家
|
27/11/2004
|
油氈?
請問咩叫做油氈??
P仔
通常係指封存頭fork內避震油的零件。
|
27/11/2004
|
堂太左搖右擺
尋日跌完車(小跌)渣返屋企冇事，今日開車堂太左搖右擺,入灣又有左搖右擺,鬆左手行車又平行到行直線......減左Ｄ頭太氣又左冇擺得咁勁(宜家頭太減到29),請問架車有咩事呢？會唔會關珠盤事？定關fork事呢？
煩腦的人
放開手反而行到直線？咁部車冇問題喎。會唔會係你跌完車心理有陰影？檢查波子盤要把頭輪凌空，左右慢慢轉動把手，睇下有冇突然不順暢的地方。
|
27/11/2004
|
可否用免提電話
Hi, 我想知駕駛電單車時可否用免電話? 因為我見到有間頭盔店出售的頭盔是可以代安裝免提聽電話,是否合法呢?
不明人
只要不妨礙雙手駕駛便可。
|
27/11/2004
|
請老編參考參考
首先解答你的問題,屯門是有兩間電單車行的
分享機車心得交換情報本是好事
但當影響到有關商店的話,個人認為不應在此刊登
免得被人利用信箱來作不公平的控訴
誰是誰非,總不能只在綱上留言來定論
單憑一個簡單的電郵和網名來作控訴
似乎........不太公平
祝安好
賴昌昇
你說得對，我們一向的做法都是刪去車店名稱，只出地區名稱。其實到現在老編也不知道來信者到底是指那一間車店？你知嗎是那一間嗎？
|
27/11/2004
|
老編請問冬天
請問老編你冬天有冇着電單車皮衣嫁?
我係新牌仔一般電單車風褸頂得住嗎?
着半身皮衣抯車會唔會比警察捉嫁.幾部車一齊行會唔會當非法賽車嫁?
唔該師傅
^^新牌仔
電單車皮褸最唔阻風又最保暖，風褸或其他電單車衫無得比。十度以下要厚風褸內加厚抓毛衫先得。半身皮褸又點會被人捉呢？即使你full gear成套皮上陣都冇人會理你。幾部車一齊並排咁行就會有問題o勒。
|
26/11/2004
|
換ford 油
我架台灣150羊頭避振好硬(行唔平既路好似鑿地咁)可惜又無錢換左佢,聽講換左o的ford油可以軟o的,是否真的? 就算唔係,呢o的細羊是否定期要換下ford油? 幾耐?
仲有近排行車後面發出 '吱吱' 聲,兩年車,年半時換過皮帶,應該咩野問題?
感激答覆!!
BBQ hornet4638@yahoo.com.hk
其實是彈弓過硬,而減少fork油份量會有些少幫助,不過亦會減低吸震能力.
|
26/11/2004
|
頭fork流油
我的機車油氈破損流油,所以在十月換了新油氈,但近來抯完泊車後,發現頭fork芯有少許(非常少)fork油殘積,是否正常.唔通又流.可以點保救?
換新油氈時,因fork芯有磨損(少少凹),師父已將fork芯拋光,但佢話如果唔得,就要換fork,真的嗎.咁要幾多錢?
bandit
如fork心行程位置有明顯花痕,換fork心是唯一選擇,而通常一枝fork心都要千多元.
|
26/11/2004
|
攪攪震
HI老鬼：
我台freeway起步行車時感覺車頭震震下，到行順後又無事，逢停車後再起步行車都有這情況。我本人感覺係起步行車，到自動轉波個段時間就會有這情況出現。請問會是那處出問題煩請指點及應維修邊處啊！謝謝
kk q91972@yahoo.com.hk
這有雖要檢查一下極力子皮先,可看3快皮表面磨損是否平均.
|
26/11/2004
|
回覆:多口人
如你所說,屯門那間車行那麼"友善",我同樣是在屯門爆軚,他只叫我拖架車去佢地門口,本人亦是新手,事後先知原來未必一定要換軚,可以補軚。那麼他們又為什麼連這點都不對我說呢?你說會影響他們0既聲譽,但他又有否顧及車友0既安危呢??其他人想法我不可干涉,我亦只是比其他車友一個警惕姐,相信一間公司冇誠信,是靠他們自己的!!
joyride200
|
26/11/2004
|
Re : 請自重
我覺得火既意思可能係話老編只是好隨便講講"差佬點講"就算,無再講其他吧?我覺得老編既意思其實都幾明顯 , 在"左面扒頭"有無問題丫? 咁個差老有無charge你lee樣野丫?
獠
|
26/11/2004
|
請自重
老編,我係你的忠實讀者,我每天都會上你地鐵騎信箱睇下有乜留言資訊,一向老編你都給我一個正面的形象。但當你回應(的士)一留言中....一句(差佬點講)令我對你好失望,呢一句說話係街外車友講,我唔怪佢地,但老編你代表貴網...
火
唔好意思令你有所誤會。其實差佬一詞被香港人普遍使用，應該不含貶意，起碼老編沒有。既然會引起誤會，老編以後會多加注意用詞，謝謝。
|
26/11/2004
|
新手買車之謎
老編: 小弟在上星期一take pass..正想買一輛街車~!!現年21歲,有兩年車牌~想問出那一部街車好? 小小資料俾你作reference~! 本人都喜歡踏單車,仲有少少技術,多數都係用身體作轉向之用,唔用手都得~!^^
有車牌兩年間都有渣下快車~行下山路等,但本人有安全意識~!請放心~~買電單車都係作代步之用~兩個汽缸會好d,慳d ma~會唔會!? 由上水出九龍既路程用多~~要日日都出車~!!請問有咩街車可以介紹下咁呢? (250 ? 400? )hornet250, bros400, vtr250 邊部好?????????
vtr250 同bros400 都係首選~!仲有想電單車問下點可以起頭行呀??thx~~
p 仔
既然你講到自己咁有運動細胞，咁樣即使係400 o既V2引擎都一定滿足唔到你播...唔怕保費貴的話最好出直四400啦。ZRX400/CB400SF/Bandit400/XJR400重有Fazer400任揀。四衝400起頭要靠彈極力子，不過唔學好過學啦...
|
26/11/2004
|
熄燈一問
老編大人,請問是否每次用完車都要熄左大燈 ? 如不做,是否因放電令電池好快打柴 ?
乜唔係熄車自然會斷埋電力,因為本人基本上KEEP住大燈的制ON無理佢. 麻煩哂 !
波牛
視乎每款車不同設計，大部份車一拿走條車匙後便會熄大燈，除非你扭左去parking才會著燈。不過老編都養成習慣熄埋燈制，費時下次著車前頭燈先亮起用緊電。
|
26/11/2004
|
偈油一問！
老編師傅！我想問cb250換偈油,大約要幾多升度呀？同理用邊隻偈油好呢(合成式半合成)！
唔該晒！
萬潔靈！
機器殼上有寫要幾多偈油。CB250用半合成偈油都ok。
|
26/11/2004
|
的士乘客
如常返中環屋企, 當時行經斜路, 紅燈前停有7至8輛的士, 於是如常由的士左邊落斜, 車速大約十多咪, 突然被一的士車門撞到PX200右後側, 隨即連人帶車挨落左邊欄杆, 人冇事, 回頭望, 一四眼乘客操著令人討厭的英語口吻, 問我怎樣楂車, 當時冇人受傷, 只看著受傷的小羊, 再望向那四眼的"竹星", 小羊的頭燈,牛角,右後側均受了傷, 頭FORK亦有少"淆". 佢話"NONE OF HIS BUSINESS, YOU ARE SPEEDING", 及後報警, 軍裝到場(非鐵騎).
當時所有車已停定, 而好明顯我架車已經過口左的士尾門, 佢冇留意路面情形便開門撞到小羊的右後側而令我跌車. 當然我亦應該擁有"十二面玲瓏"的眼光, 應預知他會突然落車.
問題:的士佬話佢突然落車, 乘客話我SPEEDING, 我話我過車後被撞. 的士佬話如果乘客當場唔肯和解或賠償, 事後通常都無把握告得入乘客, 以老編經驗, 邊個責任最大, 而我索得賠償的機會大不大?
有煩老鬼老編大人.
超市壞羊
的士司機有責任提醒乘客落車時注意交通情況，乘客憑咩話你speeding？佢有儀器度？佢架車當時行緊50km/h？但道路守則係超車應在前車的右方越過前車.....差佬點講？
|
26/11/2004
|
是否每間易手車買賣車行都有收車服務?
你好老編!本人現有一輛大鷹王,想轉玩vtec 1,車行有否提供收車服務(即大鷹王+現金=vtec)??vtec 1何時開始生產?車行是否不可試車?若是,該注意些什麼事項?街車的牌費與綿羊相同嗎?不厭其煩地問問各車友24歲,1年牌--第三保約多少??謝謝老編和各車友仔幫忙!
火龍 Kayayin@Hotmail.com
有利可圖的話車行一定會收，視乎你心目中要賣的價錢是多少，車行有冇水位走盞....VTEC 1冇記錯係99年推出，三保費用每人都不同，因為要睇你做咩工。自己問保險代理啦。
|
26/11/2004
|
哈哈思思上電視！
不過只睇倒一半，遲 D 追番....
哈利陳
|
26/11/2004
|
您好：你有沒有看有線電視新聞一台，有講徐樂思!電視台拍得好「靚」
WONG Ho Ying
Miss左添！有冇link呀？
|
26/11/2004
|
P牌可唔可以出Manga 250
P牌可唔可以出到Manga 250?但我only 21years old 保險出唔出到? Pls reply thank you so much
B chanb167@yahoo.com.hk
Magna 250應該冇問題，但你應該直接問保險代理。
|
26/11/2004
|
人身部品購買
鐵騎老編，您好！本人為台灣地區的網友，近日內欲前往香港洽公，並抽空購買電單車專用的競賽皮衣，想請老編介紹幾間香港地區較為優質的店家，本人希望店家的皮衣種類多樣，以利選購。(若不方便指名店家，可否請老編直接回覆至我的E-mail)十分感謝！
biketown
可以去文偉和三禾，地點可在本網站中找到。
|
26/11/2004
|
大頭佛
請問老編有咩比較平o既大頭佛推薦?Axxx 要成 2k+ 一個.....Sxxxx 都差唔多..thanks!!!
MMC
試下Nolan...
|
26/11/2004
|
多口人.
老編先生：
有關屯門車行被幾位車友投訴，我想多口一問。本人也曾找屯門紅？一車行救過命，覺得他們很公道。事發我和女友在屯門公路爆了呔，幸好剛到小灠出口，好狼狽，嚇到震，尤其我女友，屯門公路轉入小灠的車仍然高速在我倆身邊駛過，後找到一朋友知道最近的一車行，便是以上一間，打通電話後廿分已到場，而且補呔打氣後，即時可開車回家，免了拖車，更收得好平。我對他們的服務好滿意。我希望該投訴者指的不是同一間？若真是同一間，會否是相方有一點誤會，因為在此公眾綱站公開指責某公司，無論事實真與否，都會對某公司做成傷害。
請諒小弟多口了！
Tmy
究竟屯門有幾多間車行？
|
26/11/2004
|
偈油問題
老鬼大人你好，我有架ＹＰ１２５，說明書說每一千公里換偈油，但看到你在這裡說可以三至五千才換，有點不清楚，可否詳細說一下，謝謝
Ｄａｖｉｄ
應該係你誤會左，老編一向都講一公升機油便要一千公里換油。
|
25/11/2004
|
頭呔好尖
唔知點解每條頭呔都玩到尖晒,近呔邊三mm就起角,尾呔就盡開,係咪呔氣唔準,我已經跟原裝呔氣打,不過我對係乾地呔,唔知有無關係?
dreamwing
原庄胎氣只係一個參考，係一個起點俾你去調整。舊胎係唔會平均地損耗，試下頭胎唔好打咁飽。
|
25/11/2004
|
新手買車一問
主持人, 我今年25歲, 但無私家車車牌, 咁係咪只係可以買250c.c 或以下既電單車呢?
我心水想買Honda CB 400 VTEC III, 係咪無望呢?
忠實網迷 keithcck449@hotmail.com
P牌都可以出400，保費貴少少姐，問下保險代理喇。
|
25/11/2004
|
關於三款舊款車問題！
請問老編及老鬼師傅，CBR250、CBR400及RVF400這三款車雖然已停産，但係它們的零件供應有問題嗎？(我指是從正途)車廠還有新零件供應嗎？多謝回覆！唔該！
堅
零件供應不成問題，放心。
|
25/11/2004
|
新車必須注意問題。
大家好、本人訂了１台新車。想請問試車時最重要的是？我訂了的是Harely 的８８３。
謝謝。
ＡＮＤＹ
試車定係拿車？試車主要睇下自己感覺如何，唔對路就行人。拿車的話要對一對機器車架編號。
|
25/11/2004
|
Re : 謀財害命
我都在屯門某車行換過呔,我中立o的睇啦,死氣喉羅絲鬆又唔代表佢唔識換呔o既,我都係開大鷹200,新車落地行左3個星期左右都試過死氣喉羅絲唔見左2粒,我都係返左奧x整,咁唔通佢地又唔識安裝?我問返佢地話係因為部車開動時有機會會把羅絲震鬆.有時羅絲生左秀大力修又會斷,修唔緊又唔得,唉~~~有時都唔知點講好.不過屯門間車行對客人o的態度好nice,都好肯盡量幫客.都萛過得去啦.
大鷹王200,林仔
|
24/11/2004
|
新手買車三皮野內....
你好,我得三皮野(淨車), 想買新車, 我住西貢返太古城,想買架自己同雙騎舒適既車, 有咩suggest ar?Thank you very much!
Coleman
長途雙騎又有要求，得三皮野老編會買二手車。例如400街車或者250綿羊。
|
24/11/2004
|
奇怪???想知如何分別尾擔
老鬼,老編你們好..本人想請教一下,時下車行所賣的二手Honda跑車,如CBR-400RR, CBR-250RR, PGM3,2.等的尾擔是否可以交換使用? 因為就本人所發現,大部分他們所賣的車,以同年份來作計算亦有分別,我可看到如400RR的尾擔與PGM3的相同,而一些車的尾擔更使本人感到疑惑.Overall可說是年份高,價格貴又"鬼"及無保障.到底,如果真的尾擔可交換使用,懸掛幾何又會否因此而改變?而400RR的尾擔有沒有因不同年份生產之份?祝工作順利.
WarJunkie
你講果d車都一早停晒產，舊車零件互用先可以繼續成形。但各款車的尾擔都有不同，要改便要改避震改杯士位，工程唔細。近代CBR400RR尾擔應無分別。
|
24/11/2004
|
Re:新牌佬買乜車好？
新牌佬買乜車好？
師傅、您好：我係新牌佬(已經四十歲、有私家車牌、亦買過車)，我想買綿羊、街車、或巡航車好？幾多CC好？有甚麼要注意？有人話綿羊危險性較高、是否？我預算用少於四萬買新車，師傅有甚麼好介紹？勞煩閣下了。謝謝！THX！
bryan bryan21@gmail.com
你的用途係乜？長途定短途？山路多唔多？需唔需要載好多野？平時用私家車開得快唔快？
你先答左呢撮問題老編先可以俾到意見。
回覆問題：代步、港島至新界區、山路唔多、需要載一袋20磅攝影器材、平時駕私家車很少超速(現在沒有私家車)，有勞師傅了。
bryan bryan21@gmail.com
閣下要搵一部開工用的腳車，載野又重又多，對速度沒有太高要求，答案會係400綿羊。但以四萬元的預算，老編推介一部01-03的二手Suzuki AN400。玩下手尾箱都唔駛裝。
|
24/11/2004
|
HID 問題
'目弟'翻之前的POST. 老編話 "hid要外置加盒升壓，耗電較高，價錢又貴"
但HID唔係省電些嗎? 係街賣緊的HID通常係35W,甘耗電量係唔係同我地平時用的普通H4 35W/35W的耗電量一樣嗎?因我部綿羊係用雙H4 35W/35W,想換兩支HID係唔係應該無問題?
多謝老編同老鬼經常解答車友的問題,萬份感激!!!
龍 peugeot@excite.com
你講果d係一般鹵素白光燈，幾十蚊至幾百蚊便有交易，老編都用緊。
|
24/11/2004
|
電力輸出
本人想問下當著左車時電量係唔係應該高過12V,但比油時是否會有13點幾V?????????????
但係本人架車比油時只得11點幾V想請問會係咩問題??????????(車房D人話整流同電池)
但換左之後都係0甘,過左兩日最後連新整流同電池都瓜埋!!thx
BLUE
正常比油量度電池要有14v幾才足夠，換左整流和電池都唔得，可能要睇埋發電機。
|
24/11/2004
|
關於馬力同前叉~~
老鬼師傅你好,請問甚麼是Ram Air Simulation??同埋想問倒立前叉及正立前叉的分別,好處同壞處,唔該!!
Puma im7ho@yahoo.com.hk
量度馬力時在跑步機上無法做到真正高速時的風壓效果，令ram-air無法產生應有作用，所以要模擬有風壓的情況估計最高馬力。倒叉剛性較高，操控較好。
|
24/11/2004
車友投訴
|
謀財害命
本人上星期因爆軚,所以拎左架車去位於屯門某車行度換軚。佢就同我講話條死氣喉都生銹,叫我整埋佢。咁我就因為冇咩錢,so冇換度啦!!點知換完條軚後幾日,我係屯門公路發覺架車有怪聲,咁跟住我就拎架車去奧士度問下咩事啦!!原來0個間車行"居然唔q識換軚,都唔知有心定冇意,我條死氣喉0個d螺絲居然上唔實,有2粒已經甩左,好彩發現得早,如果唔係成條死氣喉甩左都有之。0個間車行0既行為簡直令人憤怒,若然條死氣喉係公路甩左,我咪見得報!!各車友請小心~~~~在此亦唔該晒奧士行哥!!!務必要刊登啊!!!!!!!
joyride200
|
24/11/2004
|
新仔...
編緝你好,本人看過編緝的意見後,想通了,我咁快學人買跑車咪等於自殺...[平時連單車都少踩,而且踩親都PK(不如買單車吧啦)](笑^-^)打消念頭後,想買二手OFF-ROAD車練好技術再算,但OFF-ROAD車不知會唔會比跑車更難控制呢??會唔會之後想轉渣跑車會較難習慣??可能比較(o尋),還望見諒,謝謝...
新仔
.......老編年紀大紀性唔係幾好，唔記得俾過咩意見你播....
自信心不足的新牌仔可以用250單汽缸街車練習，以操控來說街車處於所有車種的中間，轉騎其他車種都會容易適應。
|
24/11/2004
|
求助!!
本人二手买到一部03GSXR-1000,车都几好,只是转波指示灯旁边的按钮不知有什么作用,我试过启动时按住两三秒,转波指示灯会闪烁几次,速度显示的右上角会出现一个类似闪电的标志,重复此操作该标志又会消失(关闭电门重启同样会消失),请问,有此标志时可以正常行车吗?或者这样操作可以激活某项功能?谢谢指点!!
neal xiegang88888@163.com
請用大五碼！
|
24/11/2004
|
P牌新手一問
我想問P仔比人影到快相(鳥籠)~會唔會寄信來通知?定係去續牌先通知你要加監
如果車速唔超過15KM會唔會加監?
一般被加監係唔係即時知`~定係去續牌先通知你要加監?
THXX~~
P仔
|
24/11/2004
|
RE: P牌仔有野問~~行車證位置
根據法例,電單車行車證要展示在電單車左方能清楚看見的地方,老編所說的左面擋風玻璃是用於私家車或其他汽車. 如你把行車證貼在頭fork位置,只要能從左方清楚看見行車證所有資料便不算違法,但頭fork是圓柱形的,相信要展示所有資料並非易事.
PatPat
|
24/11/2004
|
新太
師父我想問下我架cb400換左對新太，但取車渣回家時發覺堂太有Ｄ震(40-50比較震)去到80-90Ｄ震又少左,我又試過唔用雙手渣太由佢溜又行到直線喎,會唔會因為新太關係？
leo
這可能是呔氣過硬和裝呔時沒有幫你度呤和裝轆時可能有些偏差.
|
24/11/2004
|
YUASA電池
老鬼你好!小弟個半月前在某零件舖買了YUASA電池 (YTZ10S-MF) ,是CB400VTEC2用,日前冇電開車，用叉機叉満(AUTO OFF 2Hrs),但過了兩晚又冇電開車,以為車有亊,比車房CHECK,結果整流和打南磨冇亊。去零件舖交涉,他試車後話最高電壓14.3V,平均12.5V,話電壓太高整壞電池,他説YUASA代理不容許咁高電壓,只可到Charge 13V多D,不肯換另一個電池,另再買電池平D比我,我只好買了YUASA電池(YTX7L-BS),他説入電池水比較接受電流波幅大,我問7AH是否足夠,他説冇問題,就當我黑仔。我想問電壓是否太高、入水電池是否好過冇水電池、大部份舖頭在這情況斱冇得换、個半月後才有事電池是否有可能。謝謝解答！
V仔 vsvcvl@yahoo.com
正常比油量度電池要有14v幾才足夠,新電好少有問題,如檢查過電池和整流,打南磨等咁唯一只係你用快充充壞電池,因size一樣佢才叫你用7a,只是弱小小,冇水電池係好過入水的,大家質地不同.
|
24/11/2004
|
水箱水
老鬼你好！
我架二手車買番黎時，d水箱水係紅紅地色，請問是否正常？如果要補充時，是否要入番紅色的水箱水？
可唔可以於走d舊既，入番d新(綠色)既入去呢？
邱 yau2110@yahoo.com.hk
水箱水的顏色是視乎牌子而定,紅,錄,藍都有,補充時可加入清水.
|
24/11/2004
|
凍車後撻車有困難
老編你好:
本人新購入二手Magna 250不到兩星期,請問
1)車行話呢款車撻車時要俾少少油...是否正常?
2)近日天氣稍冷~18度,朝早已不能撻著車,但中午撻車鬼死咁生猛,泊車與撻車時有沒有甚麼特別要注意?
3)本人到燈位時都長扣極力子不入空波,會否對車子有不良影響?
4)停車後是否一定要入空波?停車後不立即熄燈會點?
非洲人
只是加小小油這是可以接受,長扣極力子此車是沒大問題的,但停車後不熄燈就會做成放電效果.
|
| |
|
|
|
 |
|
