|
|
|
FAQ常見問題 |
|
|
2/12/2004
|
P牌出車問題
P牌有咩車出到?如果出架 Honda Forza 250 有冇問題?出唔出到架? 燕梳又如何? 如果我而家報考至到考試o個日... 需時多少個月?
Gap! leolai1437@yahoo.com.hk
一般250或以下的綿羊街車巡航車都出到保險，肯俾貴少少保費400都出到。所以Forza冇問題。考試排期的時間請向駕駛學校查詢。
|
1/12/2004
|
轉速唔穩定
你好,我剛剛買o左部CBR900,發現部車o係空波時,轉速有唔穩定既情況,是否正常呢?
叧外行車了一段時間，停燈位，部車好似想死火咁，會唔會因為天氣涷既関係呢？
Thanks!!
summer
新買回來的二手車，都係要換火咀偈油風隔。怠轉不穩，甚至乎想死火，可能係slow車過低，理想怠轉在1000-1200轉之間。行左車後引擎已經熱左，唔關天氣凍的事。當然認真的人，會係夏天和冬天時重新set過化油器。
|
1/12/2004
|
Re: 的士乘客
差人叔叔有提到超車該由前車右邊過, 但我當時堅定地反映, 當所有車輛停定時, 電單車有權於車間通過, 當時他亦無異議, 並口頭說問題該出於的士或乘客.
無奈我見他兩並不是交通警, 所以有所懷疑, 亦不知於此情況下"攝車"與"超車該由前車右邊過"有否沖突,請老編再賜教
超市老綿
以老編理解，攝車都應該在右邊過。
|
1/12/2004
|
修車問題
老編好：我台車時常燒fuse比車房維修，車房師傅說是整流壞了所以引至輸出過大而會時常燒fuse，我更換新整流一個，但都時常燒fuse車房又說因整流之前壞過所以電池都撞壞左，我都更換新電池，但情況都無變，最後車房check到是有一條電線燒毀引至燒fuse，整好便無問題但是車房要收我維修費用，我覺得是車房檢查不清楚，無理由再收我錢，但去地話呢D野好難講無話一定睇得出那處壞。我諗過那去另一車房整架，不過唔化算又要叫拖車仲貴過比返去整，咁都無計啦，比去整囉，整完就再無問題啦。我認為車房就好無責任。
老編請問有甚麼方法可避免類似事件呢。還有是車房檢查錯左，我徙左錢整另一樣野。之後又要整第易樣，可不可以追究車房既責任呢！謝！
不幸人
你只能夠話師傅唔夠專業，但好難證實佢失職。醫生醫死人，都未必一定係醫療過失。其實電氣係比較麻煩的事，好多師傳都唔願意跟電氣野，因為又o徒時間又未必一定搵到問題。
|
1/12/2004
|
差D炒車
老編你好,今晚歸家途中,遇到一驚險事想同大家分享下,當時行緊既馬路係來回各得一條線,
離遠見前面我這邊線的貨車正在U turn,當時架貨車已經兩邊線一半一半打橫係度,咁我自然收慢車駛近睇下咩環境,當我接近那車(大約十鬆呎),果個司機向我這邊望,咁我估計個司機望到我架羊而佢車尾又有足夠空位過(一架私家車的闊度),於是便駛過去,點知過到一半,架貨車突然向後駛,好彩我早有防範之心,即刻扭油加速才能避開,最接近時只有一呎距離.驚魂稍定,回想成件事,那司機究竟係睇唔到我定係有心玩野,又或者我應該停車耐心等佢turn完
先開 (不過有時好難下下都咁有耐性).
我想問下老編和各車友,以當時情況,如真係撞左,責任應誰負 ?
車仔fans
老編咁睇件事：老電人包鐵，遇事後講邊個錯係冇意思，因為時使你o岩晒，最傷果個都係你。所以點樣唔俾意外發生，甚至乎預計埋人地會做錯野，咁樣駕駛便會安全得多。你攝佢車尾時，佢o既後波燈著左未？如果著左，就係你錯。(唔好話俾我聽你冇睇佢後波燈或者睇唔到)
|
1/12/2004
|
買電單車問題
本人就過P牌...但身邊沒有朋友玩電單車....我還未買電單車...我鐘意巡行車...但我怕買回來才不鐘意...又不知去邊買車好..二手好..新車好...十分十分多問題...你覺得係唔係唔買電單車好過呢...我都只是玩玩...又沒有用途...thank you...
Vega
睇多d試車感受和車主報告，睇下咩車最合你口味。
駕駛電單車係一項個人活動，自己一個遊車河都好過引。大個仔架喇，唔係做樣樣野都要人陪o既。
|
1/12/2004
|
搵邊間健康院好
你好:如果我岩岩同朋友既朋友買了一部NSR 4仔,但我和我朋友都唔係太識睇車.所以我想再搵一間有信譽的車行驗車.咁我應該搵邊間會比較好 ??唔該
P牌仔上
驗車冇問題，搵出問題係人都識，落手整果下先煩。唔係話師傅唔得，而係車主好多時都唔捨得換新零件....咁就神仙都難救。
|
1/12/2004
|
re:偷車問題
多謝黃某;我以前都系咁諗,但系幾萬紋放系街道,佢地做偷車就冇本生利,真點都講吾過自己,政府又吾系冇收牌費,出界又會抄牌,偷車問題就比私家車多,最慘系冇仇報,私家車都話有機會搵得返.
thank
yin
|
1/12/2004
|
舊車?
我想買Bros 400/650 ,但這部車巳停止生產了,咁如果部車有咩問題,要整果時咁係唔係沒有新零件更換??或者會唔會找舊零件都好難??
Jason
重有存貨o既，Honda零件算易搵。
|
30/11/2004
|
150cc 的壽命？
我想問大鯊王無病無痛無撞過的話，平均可以行到幾多公里先至功成身退，拿去擋車呢？
xyzeric
零件供應齊全而又肯乜都換的話可以玩好耐，五年-10年100,000km都冇問題。
|
30/11/2004
|
re:偷車問題
我家住荃灣,現希望買入sv650(s) , 請問有冇人知這車是否偷車集團愛駒;而最大問題,我這邊(大㝯口)基本上都冇車位(排骨=有都滿)煩請提供
yin
-------------------------------------------------------------------------------
近東亞商場有一排排骨位，放工時間後可以去碰下運氣！！
都無話熱唔熱門既車款o既，我老友部tw200慘遭毒手，落晒冚，前後鎖都出事，但係有時係街都見到人無鎖泊過夜，所以我o地呢d老電人都係被動o既多，可能見你個頭盔靚，見你鎖左係部車度，反正都要郁手，咪成部抬走你咯......d衰人睇中o左點都走唔甩！做好自己本份，增加佢地落手o既難度，做得衰人o既，多數都係捨難取易。
就算俾你睇晒失竊報告，你鍾意o既，點都會心郁郁買o架喇，係咪？？做好自己本份，咁起碼出事果陣都唔會自怨自艾先喇！！
青衣黃某
|
30/11/2004
|
CB400 VTEC 1 剎車有聱
本人現駕駛CB400(日本番新車),今年買時曾加硬頭FORK,每當落斜時剎頭制時,會有"卡"一聲, 而平路剎頭制稍大力時亦間中有"卡"一聱,請問是否正常. 另嘗試在車上拉實頭制向前大力搖動, 同樣有"卡"一聱.
DLH
會唔會係有波子盤有事呢？
|
30/11/2004
|
p牌夢想的2衝車
Hi:請問p牌渣pgm係咪好危險?係咪真係好似D人話既易放難收?還有駕駛它時有什麼地方要特別留意?如果唔係太快 keep住係60-80km 又收唔收到呢!?pgm4會唔會係pgm系列中最好的車呢?其實跑車中250cc最好會係邊種型號or牌子....?thx
心急的(R)
PGM III/IV NSR250係一部好車 -- >> 當年新車果陣。
可惜二衝機器壽命短，新零件又貴，所以好多車都係五朥七傷。
4仔係NSR後期的作品，但係以III仔好飛d。
250跑車？新車時二衝架架都好，家下.....時代轉左，跑車係600cc起。
|
30/11/2004
|
你好~
想請問一下~本人25歲是一名P牌~本想出一台NSR的,但有看到老編你好像提到不太適合P牌
那跑車中有那幾台比較合適P牌呢??煩請回答~謝謝
TERRY~~
四衝150或250跑車例如CBR150R或ZZR250。
|
30/11/2004
|
澳門賽車
請問老編可唔可以發表一下發生意外果兩位外籍車手現時情況點呢?
kalok
外籍車手老編只知道scott斷左腳，另一位唔清楚。林創坤剛於30號凌晨可以落床，性命冇礙。
|
30/11/2004
|
street bike not in use
Except for security,what precaution is necessary to maintain a street bike in good condition,if it will not be in used for a period,let said 2 ~ 3 months.
thank a lot
Freeman
disconnect the battery, re-fill fuel tank, turn off the fuel cord, and keep it in a safe place with higher tire pressure.
|
30/11/2004
|
偷車問題
我家住荃灣,現希望買入sv650(s) , 請問有冇人知這車是否偷車集團愛駒;而最大問題,我這邊(大㝯口)基本上都冇車位(排骨=有都滿)煩請提供
yin
|
30/11/2004
|
車匙唔見左
點算
nanaling hahaling@yahoo.com
配匙。
|
30/11/2004
|
轉波2
大人好, 多謝大人的意見, 但我想知道怎樣知道極力子虛位過多呢? 我還發現部車一到5,6千轉就會好震同好嘈, 底過或高過5,6千轉就沒事, 點解?
xo
虛位過多的意思係當你扣住極力子，其實極力子仍然未能和曲軸動力完全切斷。起左大架入一波睇下尾輪係慢慢轉定係轉得好勁便知。冇大架的話可以入左波向後退，係咪要特別用力先退到後？
|
30/11/2004
|
水冷問題
Dear Editor,我想問水冷車幾時先要加水? 點先知要加水ga? 加水喉水OK? Thanks...
初哥
只要唔水滾，兩年換一次水箱水便可。如果要加水，最好入蒸餾水。
|
30/11/2004
|
pizza仔修正
正是老編你所說,一模一樣,而家就係比人懷疑我攝車,而無見到的士而比佢撞,但係我根本無攝車,真是氣貧.
pizza仔
係事實就得。無論問你幾多次，你都係照直講。
|
29/11/2004
|
問問
副偈要更換(杯士)，話偈入面都有好多(杯士)
其實(杯士)是甚麼？？？？
thank。
煩仔
有cam杯士和曲軸杯士是半圓形的金屬圈,用以承托曲軸或cam.
|
29/11/2004
|
03 R1的怠速...
各位編輯辛苦了∼在下剛從朋友那兒入手一部03年R1，發現1.此車並無阻風門？（同是噴射供油的R-1000有） 2.怠速僅有1000rpm（R-1000為1400rpm左右），空摧油門時...曲軸會產生極明顯「扣∼」的震動，感覺像是瞬間拉扯...曲軸反應不及 > < 不知是否引擎怠速過低導致引擎提速困難？ 03 R1正常怠速該是多少呢？ 謝謝
Melody rainey.skyline@msa.hinet.net
這是電子風門,是不同車種設計,而機器的聲音是馬力的表現,正常轉數可在800-1200rpm.
|
29/11/2004
|
打炮
大偈哥哥
本人有Suzuki GN250, 近期時常於高波檔同高轉數下收油但未落低波檔時, 死氣喉發出像爆炸一樣的嚮聲. 非常厲害! 曾經交車到某車行想檢查, 但師父則說嚮喉沒有大礙, 而且說非常難攪. 沒有為本人修理! 請問是什麼原因? 我曾自己換了風隔, 但問題一樣. 還應該是什麼問題呢? 請賜教!
Sam samang060@yahoo.com.hk
火咀,化油器調較不當和死氣喉漏氣或內裏散左都會有此情況.
|
29/11/2004
|
cb250！
前日我同個車友(大家都係"p"仔)出黎食飯！食完飯去遊車河！點解佢架錦羊仔(125cc)佢既加速力勁過我部cb250既？
同佢係燈位彈出！佢部竟然快過我部！(我以經擰進油門同轉波)！但係到中段我部車開妨快過佢！我覺得個波箱Ｄ波牙個個都好近就算到５波(都要擰好大油先致到km80！)！點解呀！
同埋請問cb250火咀行幾耐先要換呀！同埋佢個風格位置係邊架！唔該晒！
萬潔靈 pc120e@hotmail.com
這是車種問題,火咀可8000更換而風格在左側𠗟內.
|
29/11/2004
|
對唔到眼鏡位
幾年前在排骨位比人hit & run, 眼鏡走哂位加長短手。 早兩星期剛好波子盤到期比人維修兼彈正fork芯, 一心諗住撥亂糾正, 點知都係長短手, 眼鏡位始終對唔正, 究竟邊到出左問題? 謝謝回覆
HO kamholai@hotmail.com
點解最簡單你唔睇下把軑有無彎到而引致長短手!
|
29/11/2004
|
RE. 3仔加偈油泵
我之前都有一部3 仔. 因油泵時去時唔去而拆去油泵. 但後又覺得好煩. 你的問題也曾困擾我一段時間. 我問過車行, 要約千六元, 車房老板的答案如老編講'泵壤了易拿姐' 3 仔隨時可上一萬轉, 二是修理過的油泵不可能是新零件. ($1600 應該不是新泵吧?). 所以我到最後都是放棄了.
tmy
|
29/11/2004
|
車底燈問題??
你好,早前朋友從台灣買了兩條車底燈送给我,我想知道在香港法例可不可以安裝這東西,我就從未見過有鐵騎用過,是不是違例呢??如果可以安裝,那裡可以代為安裝呢??謝謝~~
pau tyf@hkstar.com
你都知違例啦，俾你裝左上去，夜晚出街好顯眼，好易俾人捉。安裝應該所有車行都會同你裝，因為有生意做嘛~~
|
29/11/2004
|
pizza仔慘被的士橫腰撞,pizza仔氣忿到極點
27/11晚上我被一部的士橫腰撞到訓低,佢大路入小路,玩哂足timing,我過佢又入,點知佢撞低我,好彩擦傷下嘟,但係亞sir的假設性問題同很惡的語氣,令人很氣忿,佢問我有無攝左攝右,不停咁問,我根本無攝到,前面無車我攝咩呀????佢又好像唔信.又無人證,小弟又窮,真係感到無助,小弟第一次上白車,真係激死,係咪pizza車比人感覺都係開得快先?真不公平,老編,我可點做呀?告我時,我可點做呀?唔該
的士大路入小路，攔腰撞到你？即係的士係對面線要轉入去你左手邊的小路時，遇上你剛到而把你撞倒？
如果係咁，的士要切入你條線，道路優先權係你度。攔腰撞到你即係你行得先過佢。錯在的士。
如果情況唔係咁樣，請再詳述之。
|
28/11/2004
|
支霍漏油
我和剛在上面發問的車友一樣, 架車的霍漏油, 因為霍芯己出現很多如蟻咬一樣大細的小洞, 無論換幾多次油氈, 出去走兩轉又再漏過, 請問可否如那車友所說, 去拋光霍芯摶一摶得口吾得, 因為問過價, 換霍芯連工包料都幾甘, 又有沒有其他的解決方法呢, 謝~~~~~~~
容袓
蝕到有小洞，重想點救？唔通要成條刨到唔見左d小洞咩，咁樣條fork芯幼左咪配唔到油氈o羅。
|
28/11/2004
|
新牌仔
老編您好.我係新牌仔出部大羊代步.心目中有兩架YAMAHA majesty250同鈴木 - Skywave 250 日本版請問那部比較實用同耐用? 謝謝
AN因為有400，所以揀得Suzuki通常都會買400。250會揀Majesty。如果放書包或大件野，AN會較實用。
|
28/11/2004
|
汽缸蓋滲油
師傅你好:本人駕gsxr400 ,二手12年車5萬多公里以下疑問,還請多多賜教.
病症如下:
[1]有機油漬,明顯瓊在汽缸蓋上的4粒內六角羅絲的窩陷處.用手沾過還是濕潤的 ;同時發動機下部都有好像被油滲過的痕跡,但查看占口膠沒有明顯油漬.
問[1]是否發動機蓋羅絲鬆動使機油滲出,占口膠到期,或大修過安裝不當 ?
[2]發動機較為震抖,用眼明顯看得出車頭和把手有節奏的抖動.怠速時較嘈像有什音.
問[2]是否活塞或活塞環磨損,時規鏈鬆散.氣門間隙是否到期調校?
[3]收油時轉數回落緩慢,空擋加大油門,排氣管有一些碳粒黏附在白紙巾上,有汽油味.但不見有嘖白煙或藍煙.
問[3]是否化油器要調整?請問化油可否有散零件出售的呢 ?
[4]剛著發動機時排氣管有不同的溫度,其中一條用手感覺幾秒都不覺灼熱.但熱車後便很熱.
問[4]火花塞工作不正常 ?
問[5]排氣管最尾段底部有2個5mm的窿,有影響嗎 ?
問[6]市面是否有不同快慢頻率的指揮燈閃爍器出售嗎 ?如想調快其閃爍頻率還可以如何加改呢 ?
問題多多勞煩了師傅,更要多謝師傅傾囊而授.祝工作順利!
心急人 kent14@i-cable.com
盤頂螺絲位處是膠圈的,只雖更換膠圈便可停止流油,而清洗發動機外殼後再著車,便可知道什麼地方滲油,發動機震抖是由於有一個汽缸並沒有正常運作,這可從火花塞看到(偏黑的顏色)同樣有機會是化油氣和火花塞帽引致,兩樣都雖要檢查或維修,化油器的零件是可散賣,問題是有否現貨.
|
28/11/2004
|
好似無油到
有一次開車,己溫車溫了幾分鐘,但當開車時油門好像無油到..跟住就死火喇..請老鬼help help...
fion
你封信沉左係老鬼個in-tray度好耐，老鬼都冇答。
老編又唔敢問點解，所以答住你先(應該係問住你先)
你部係咩車？係咪經常性發生？係咪細cc車俾得大油得滯秊熄左？
|
28/11/2004
|
轉波
大人好,想問問如果轉波唔順及空波難找是否波箱油要換呢? 還是enegine oil要換? 或是有問題出現?
XO
先檢查極力子威也虛位是否過多，再睇偈油係咪夠期換。四衝程的轉波電單車，偈油做埋波箱油的功能。
|
28/11/2004
|
NPA引擎問題?
NPA應該跟GP引擎一樣是合金的汽缸http://www.yamaha-motor.com.tw/sv%20max/GP.htm
但又有人說GP引擎就是陶缸 因為NPA引擎出來時YMT還特別說自己的NPA引擎比較好
還說4V不好 所以有人說GP就是陶缸 只是YMT之前說陶缸不好 所以YMT不敢承認GP就是陶缸
MAX SV(在台灣叫SV-MAX) 在台灣有出2種版本 第1版就是SV-MAX 第2版就是賽車競裝版
也就是香港的MAX SV 台灣賽車競裝版(MAX SV) 有特別打出廣告是陶缸 但SV-MAX初版沒有
只打是用GP引擎 但2種版本貼紙上都有GP CYLINDER
但賽車競裝版(MAX SV)也打出陶缸的廣告 所以台灣人都稿不清楚
這就是台灣的SV-MAX http://www.yamaha-motor.com.tw/coolnews/svmax.htm
這就是賽車競裝版(MAX SV) http://www.yamaha-motor.com.tw/newmodel/SVMAX.htm
這2種版本有貼紙不同的分別 賽車競裝版(MAX SV) 有黑白方格旗圖案 SV-MAX 沒有
我在想是不是賽車競裝版(MAX SV)是把GP引擎的汽缸璧上鍍上一層陶瓷
所以廣告就打有陶缸又有GP引擎(GP CYLINDER)
NIC
|
28/11/2004
|
今時今日咁O既服務點得
咁小弟覺得，無人咁得閒無O野做打一大編O野去中傷某間車行，當然作為當事人/受害者就更係會加埋自己O既觀點與角度，當然會有小小企係自己立場講O野，正所為公說公有理嘛。
而老編大佬係呢度既渣FIT人，佢更係要做一個中間人去講下O野，平衡下！令到我唔係咁識O既人知道事既道理係邊。
至於我地呢D局外人只可以當一件事去睇，知多小小，到自己發生問題時就無咁驚呀嘛！！
青衣黃某
人情與道理，不可老馮地混為一談。貨品有問題，一定要換，冇得換的話先至講退錢。作為客人，當然可以提出任何要求的權利，但商戶並無義務要滿足客人所有要求。偈油係長用長要的消耗品，一定會用得著。
|
28/11/2004
|
香港有無得賣
香港有無得賣 yamaha tzr50 ???
man
嘩原好幾好樣個喎...
http://www.yamaha-motor.nl/products/gearbox_50cc/50cc/tzr.jsp
睇香港代理的手法應該唔會賣，分銷去澳門就有可能。
|
28/11/2004
|
3仔加偈油泵
細佬部車係PGM3，出車時車行話上手已經將偈油泵除去，改為"溝油"！細佬出車時講落認為無乜問題，到現在部車都真係無乜問題，但係身邊朋友經常叫細佬我加翻偈油泵，話咁會方便D知偈油份量同唔使偈油沉積底部...總之百利而無一害咁啦！我想問你點睇同埋如果真係搞搞佢咁你知唔知大約幾多銀度咁呢?
力仔 goodbanba23@yahoo.com.hk
人手溝油唔會有問題。自動混油如果失靈咁就好易拿遮，所以上手都拆走個混油泵就係咁解。
|
28/11/2004
|
請問vtec1?
請問vtec1?
係由幾多年至幾多年完架? thx
冇記錯係99-01咁上下。
補充:02年都仲有出VTEC 1架.香港既HONDA代理賣HKD55800.00, 仲多送一套頭沙板,油光同鴨尾.
|
28/11/2004
|
天鵝問題?
請問天鵝的汽缸是陶缸嗎? 我只知道天鵝是GP引擎 但有人說GP引擎就是陶缸只是說法不同
我問這些是因為YMT(台灣YAMAHA) 在別牌的車做出陶缸和4V引擎的時候
YMT還說自己的做的NPA引擎比較好 這有網站
http://vnet.yamaha-motor.com.tw/SV/page3.htm
但YMT現在也有做4V 也有做陶缸 所以有人說GP引擎就是陶缸 只是說法不同罷了
所以這問題對台灣來說很亂 台灣也沒有像貴站有如此專業的機車網
所以想您幫我查查看
NIC
以老編手頭上的資料來看，Cygnus X的所謂GP引擎，應該是採用四氣閥設計的意思。而勁戰125SR才是採用陶瓷中缸。你所說的NPA，是否便是陶瓷中缸？
|
28/11/2004
|
請問vtec1?
係由幾多年至幾多年完架? thx
冇記錯係99-01咁上下。
|
28/11/2004
|
Yamaha MAX SV125 的問題?
SORRY~~~ 可能我是用台灣的叫法 所以您聽不清楚 我用別的方法問好了
Yamaha MAX SV125 是陶缸版的 可是它的貼紙也有GP CYLINDER的字樣
那是代表GP CYLINDER字樣就是陶缸嗎? 還是它是用GP引擎在汽缸壁上有鍍上一層陶瓷?
另外我之前問的問題? 你的回答的意思是GP引擎跟陶缸是2種不一樣的對不對?
多謝您的回答 ~i^o^i~
NIC
以老編所知，MAX SV125係用陶瓷汽缸。咩叫做GP引擎？係鬥緊GP賽事的引擎？還是借用參與GP賽事引擎的製造技術？唔好咁認真，單缸125綿羊可以有咩GP技術？好多綿羊都有陶瓷汽缸，大陸造的綿羊都有，一萬蚊都有部。
|
28/11/2004
|
問問
老編：hello
溫度錶壞左要整好貴，如用其他溫度錶，改裝在車身其他位置可不可行，去車房攪你認為幾多錢較合理。thank。
ken
可以用其他牌子的水溫表替代，幾舊水應該有交易。
|
28/11/2004
|
可否用耳筒聽歌
我想知駕駛電單車時可否用耳筒聽歌?或者用喇叭聽歌,是否合法呢?
不明人
RE: 可否使用免提電話
根據法例，在道路上駕駛電單車時，佩戴任何收音機的耳機或卡式機的耳機，均屬違法，除非該電單車：
(i) 正作警隊用途；
(ii) 正作任何其他已獲運輸署書面允許的用途
意思是不可用免提,除非你好彩或是你有$$$
PatPat
|
27/11/2004
|
SV-MAX問題?
請問SV-MAX在台灣有出2種版本 第一種是SV-MAX(出版) 第2種是賽車競裝版
賽車競裝版它有強調是有陶缸的 可以它的貼紙也有GP字樣 那是不是代表GP就是陶缸
還是它只是在GP上電鍍上一層陶瓷 所以SV-MAX(出版)沒有陶缸 只是單純GP引擎
賽車競裝版有陶缸加GP引擎?
NIC
老編真係睇唔明你想問乜。乜野係 -- GP引擎賽車競裝版有陶缸加GP引擎? --
125四衝程引擎你唔駛唔駛咁認真呀？
|
27/11/2004
|
To: 老人家
本人只想說中肯的批評不但不會影響名聲, 還可以令人或車行有所改善. 姑勿論網友的批評是否盡如其所言, 但我們亦須聆聽. 因他們有言論自由. 既然老人家你說剛剛懂上網, 你應該知道互聯網是其中一個傳播媒介.
車友甲
|
27/11/2004
|
新手買車
我睇中了SUZIKI GZ150 chopper, 但擔心國產車不耐用, 會不會經常要整呢?
A仔
........貴車都可能要成日整，答你唔到。
|
27/11/2004
|
Majesty400
老編你好,本人架400揸咗約2500KM到,有兩個問題想問:(1)之前你教過我避震可以較,但我發覺係冇得較,揸緊嗰陣時久唔久條避震會結列格肋,咁點先知道佢打咗柴,(本人約160磅,平時間中有双騎,乘客約100至150磅)又有冇邊一款較為好,價錢又合理(2)揸咗兩個月倒(新車)己經死咗5次火,有次重危險,係轉緊彎既時候,想比油起噃架車,點知就突然死火,於昰差一點便抄車,最後好彩冇事,想問架車問題出係邊度
majesty400
你用咁多廣東字，成篇文咁多亂碼，下次用番大五碼，廣東字加個「o」咪得o羅。
尾避震連預載preload都冇得較？唔係o卦？如果避震打柴後架車會有波浪效果出現，淨係得條彈弓彈下彈下冇左油壓效果。
你話容易死火的問題，應該電子sensor的問題，要俾番代理跟。
|
27/11/2004
|
YAMAHA的GP引擎問題?
請問YAMAHA的GP引擎是陶缸嗎?
NIC
現時所有高性能跑車的汽缸壁上都鍍了鎳磷夕碳化物來抵抗高溫和減輕磨損，比陶瓷氣缸更高級。GP廠車M1用了什麼物料則未敢肯定。
|
27/11/2004
|
今時今日咁𦬓服務點得
老編:你咁講都得..我明白他都唔知道被人開了支偈油.他換支偈油比我.我都算了..咁我都無用當然想退回錢..只要他說咁多曰條數退唔到.講聲唔好意思.我都算了.點知老闆即時則而我.以為我編他.而令我非常不滿...點解三曰後才去換..我星期五約6:00pm去買..星期六晚約2:00am換油..星期曰車店休息..所以星期一才領去換..點解我要楂車返屋k?因咁夜無車搭除非搭的士..我又唔想放架車在後巷.所以迫住楂六公里返屋k..
受害者
閣下的情況已向有關車行傳達。你可以咁樣睇件事：你向車行買三支偈油，貨銀兩訖。呢份係一份合約。合約內容係你以一個事前協議好的代價，購買三支特定品種的偈油。所以當你發現其中一支偈油有問題時，交易情況與合約內容不符，所以車店應該無條件更換。但你因為已向其他車店購買了偈油，而不再需要第三支偈油，則此情況不應在合約內容之內。因為買賣合約內容只是單純的買賣、貨品、價錢，而不會包括買方的需求改變之條款。車店不退錢，唔可以話佢有錯。
|
| |
|
|
|
 |
