|
|
|
FAQ常見問題 |
|
|
22/10/2004
|
Reply - 被控告危險駕駛 <<--急徵專家意見
To: 蘋果妹
After read three new of traffic accidents on today morning (especially the one which happened in North Point), I think that your younger brother should be put into jail.
MIKE
|
22/10/2004
|
pgo g-max 150
好想死 架車29/9 我俾左錢買
但係到現在仲未取到車
車行話代理唔知攪緊咩 一時又話驗環保 一時又話唔知驗咩
講真都成個月la
做咩要攪咁耐
一個week 等一個week
代理的工作態度有點過份
現在車行話最話都要28/10先取到車
無奈中...~_~
steve
車行心急過你...香港驗車係咁麻L煩....好多新車第一水到港都要驗鑊甘....
|
22/10/2004
|
re：重病羊主
我都去過喎,雖然有時整得耐o的,不過慢工出細貨嘛,唔通求Q其行得走得就算咩??
我覺得整車呢家野真係冇得吹.快比返我,我反而仲驚.....最好整親都同我部車驗屍咁驗就最好喇.
老綿
|
22/10/2004
|
詢問事宜
老鬼and老編你們好
1.本人想問big one同ver s 分別唔同在那一處?
2.性能同優點分別大嗎?
3.請問用那一款呔較識合香港道路 ?
望能回覆thanks
新手人
分別在於點火程式，死氣喉，迫力卡鉗。分別唔係好明顯。香港道路冇乜特別要求，有得賣o既胎都可以用。
|
22/10/2004
|
GPR70SP
CB400SF Dunlop GPR70SP 真係幾好又唔算好貴約$1650-1700，好易warm up。
spoon
|
22/10/2004
|
Re: 請網友告訴我
代理整唔掂？
揚過
|
22/10/2004
|
Run=in 前與 run-in後
本人的an400i快將到達1000km，亦將會到代理檢查及換油。想問
1. run-in 完換油後車輛的行車表現有否不同？
2. 耗油量又會否因而減少？
Thanks a lot.
Newman
唔會有太大分別，run-in只係為日後高轉使用作好準備。耗油量可能會輕微下降，但你扭快左又會用多左油。
|
22/10/2004
|
請網友告訴我
KYMCO B & W 150 這類車邊度整比較好,
我架車有幾多野開始要換啦~
謝謝大家
BMW wlsamchen@yahoo.com.hk
|
21/10/2004
|
我想問老鬼大夫。係邊間車房度註診架？
麻煩老編經電貓透露，有無話維修開邊類電躉單車呢？唔該!
綿羊
家下通行都刮緊老鬼，我點知你係咪車行派來o既臥底o架！
|
21/10/2004
|
t-rex 150車呔,避震及迫力問題
.老鬼師父你好,本人係新牌仔一名,最近買了一架二手t-rex 150代步~
最近發覺,條前呔近住鈴o既位置有好多細細條o既裂痕,同埋前呔中間打橫有一條大約1 cm左右o既裂痕,多數o既裂痕都係2-3mm左右,請問有無問題呢?要唔要更換,同埋有咩野牌子可以選擇,以及價錢要多少呢?
第二,我發覺慢車時,我的前呔位置會發出一些好像是迫力掣動的聲音,當我當時係無扣住迫力架,呢個係咩野問題,點解會咁o既?要整大約要幾多錢?
第三,當我架車行到70的時候,我總覺得架車非常之震,尤其是係車頭,請問會唔會係頭避震有問題呢,要整大約要幾錢?
因為我平時都要行長途車,一日來回大約要行50公里左右,日常有咩野可以俾我簡單咁保養架車呢?
祝編安
Vieri kc_ken@hotmail.com
呔面的裂痕是磨損而做皮,而呔邊就可能是日子有功,換靚呔就要800-1000元到,而鍀力有聲是有機會鍀力碼或鍀力皮有損壞.頭呔起一格格和唔夠呔氣都會引起震盪,此車最緊要定期換機油.而自己就可以得閑check下呔氣,偈油足唔足夠,在大架側架落下油,其餘就交比車行做會安全d.
|
21/10/2004
|
air filter question
i want to know how offen or how many km should i wash the sponge air filter? and i heard that people use wd40 to clean 'cup', the method is: turn on the engine and give petrol, then spary wd 40 to the air intake pipe for few time, they say this method is not the best one but better then dont clean it, is it useful or hurt the bike? besides wd 40, i saw some clean 'cup' spray cleaner which use the same method, are they useful or useless too?
wait for your lovely reply, thx a lot and please reply in chinese.
free rider
海綿油隔要浸偈油，係因為要用來黐塵。咁你話係入氣口度噴油，根本唔係做緊清潔。反而新油加舊塵，重會令到風格阻塞。
|
21/10/2004
|
尾擔潤滑
你好:想問有關尾擔軸芯幾耐先要做一次潤滑?是否要全個尾尾擔拆出來?如果拿去車行代辦大約要多少銀兩結賬呢?
sk
照正常絕少人會咁做,因人工都唔小,好多時會行到尾擔羅拿或啤呤打柴才維修,取出螺絲容易,但如要檢查埋內裏就要有一定情序.而價錢就要睇你架乜車.
|
21/10/2004
|
AN150 偈油隔
老鬼and老編你們好.
1:請問此款油隔在那裡可以買到.多少錢呢.
2:火咀線近日無故鬆脫,檢查後發現套內的接觸頭爛左,請問火咀線易唔易換and多少錢一條呢.
3:自從換了皮帶,珠仔,珠盤及極力子彈弓後,架車起步同加速都無換之前咁爽,
{要換既原因係珠仔蝕晒同埋珠盤爆裂,因行車時好嘈和會突然疾步}.
多謝回覆....
老羊騎師 cemc504@hotmail.com
是在機器左邊,40元到,可到代理購買,而火咀線可以剪掉頭端些少部份再用,購買NGK火咀線連cap亦可,200元有找,而換珠後忽力,就要問返間車行先知.
|
21/10/2004
|
Kymco Grand Dink250 為何油費會HK$0.66/1km
有勞主編幫幫忙
此車是我剛剛從車行二手買回來的
02年Kymco Grand Dink250
從車表面顯示只行了12000km
此車有甚麼配件或補給品需要配合呢？
老羊人
老羊人
點樣玩呢部車，可參考車主報告。
油費貴有好多原因，希望你只係風格夠期。
二手車的里數不能盡信，只能作一個參考。
|
21/10/2004
|
新仔買車決擇
老編及各位車友你好 :我係前兩日先考到P牌o既正宗新仔 所以問D問題會好無知 請大家見諒QQ.我現正考慮買車 有兩部心水 TW225及VTR250 我想問一問老編/各位車友 :
1. 呢兩部車大家覺得點呢?
2. TW225是不是只玩外型 而冇內涵? (我估比學院車好掛=.=)
3. 250cc 車 未滿25歲 的P牌 能否出到"燕梳"? 會不會好貴?
4. 有咩棍波車係適合新牌仔呢?
感激不盡
Cheap到爆
四衝250街車內涵多極有限，但當然比學院車好。
出唔出到燕梳及價錢問題應直接向保險代理查詢。
你講果兩部車都適合新牌仔。250 Fun bike或街車都一樣適合。
|
21/10/2004
|
RF600R
主編你好,本人看中一台SUZUKI的RF600R,現在有以下問題想請教主編先生.
1, 主編先生對此車意見.
2, 不知其性能、操控ok嗎?
3, 油費太約幾錢一公里?
4, 多人偷嗎?
謝謝!!
BO
RF600R屬上兩代600巡航跑車，分類等同CBR600F2或F3之類，以今日標準來看當然不值一提，但總好過400。油費唔清楚，應該六、七毫左右。放心，唔係賊仔熱門之選。
|
21/10/2004
|
打炮
老編好：本人台車是綿羊，近來發現撻車時死氣喉有打炮情況，但不是時常有此情況，只兩三天就會有一兩次，請問這樣有問題嗎？需不需要立刻維修，謝謝。
kk
唔使立刻維修咁嚴重，如果情況惡化先算啦。
其實兩三天打一次炮也蠻爽的啊...嘻
|
21/10/2004
|
澄清啟事(嚴正聲明)
早前一編關於外賣車手抽公司油用的留言,乃同事轉載自一個網上chartroom,
與本人並無直接關係,亦不代表本人立場,一切法律責任均與本人無關,煩請老編
代為轉貼原文,有勞!!
香港人
你係邊位？做乜要嚴正聲明話與你無關？
有關外賣車手抽公司油一事，同好多人都冇關。咁佢地使唔使都要留言俾個聲明話同佢地無關呢？
老編先係度嚴正聲明：與我無關！
|
21/10/2004
|
慘人多謝各位有心人
係我啦 廢物 x9 500 車主,多謝大家回覆拍教小弟.不過架車都係冇咩起色,
其實買車真係要小心d,錢當然係問題,不過原來心情影響更加嚴重.
今天我為左佢我差d同老婆分手,因為好煩,同老婆講野語氣好重,
最後反星,車只是身外物,最多平讓出去.不過我吾想呢個板d板友接手我部廢車.
所以請各位吾好係近期買二手 x9 500,我是但平價賣比車行算了一個教訓.
男人最痛
唔使咁冇心機，咩情況會冇左部車？
一係炒車炒到total loss，你唔係，亦冇生命危險，手腳冇殘廢。
一係俾人偷車，除左火滾之外，重唔知可唔可以搵得番部車，心情會患得患失，好慘。
以上兩樣情況你都冇份，賤價賣俾車行，總算有少少渣剩。拿舊錢請老婆同自己食餐好o既喇！補一補唔係好易老。
p.s.老編代各位X9-500車主多得你唔少...
|
21/10/2004
|
想省錢<<---編按：也不能空波滑行！
我剛買了台 HONDA speed 400 1995, 差不多成4-5毫子一公里，合理嗎？
如經常空波滑行，能省錢嗎？ 空波滑行危險嗎？
thank you so much
p中的pig
我估你意思係話Honda Steed 400，以400舊車V2來說油費唔算貴。
空波滑行不會節省油費，而且是極危險的事。
空波行車會失去牽引力，在彎中行車線位會走樣，落斜波時也會失去速度控制。
當你關閉油門時，多餘的燃油會回流至油缸，所以不用擔心浪費燃油。
|
21/10/2004
|
好書 + 好網
哩度係一個好網大家都知. 真係好感激老鬼同老編每日都用咁多時間, 精神去答我地o既問題. 真係學倒好多野. 我由學車之前, 學緊, 學完, 買車, 到宜家, 都一直係哩度搵自己想要o既資料, 好有用.
有見大家對電單車維修保養咁有興趣, 想同大家分嚮幾本好書. 同哩個網一樣, 睇完肯定得益不少. 大家不妨去書店睇下.
“圖解電單車結構(萬里)” 十三四歲時買(宜家廿七), 佢教識我電單車的構造同原理, 包括engine, brake, ignition, electronic, transmission, cub, etc可以話係基礎班. 宜家都仲有得賣(新版). ~有一個題目是講turbo 的, 電單車也有嗎??
“機車維修手冊(日文譯做中文的台灣書)” 一本專教人日常保養及維修電單車, 清楚講明每幾多公里要做咩檢查. 圖文解釋簡單維修, 換brake pad, brake fluid, 洗吸等. 尾後有一章專講綿羊, 不過得幾頁. 買二手車可當跟住本書教來check 車.
“Motorcycle Maintenance Techbook (Haynes)” 好多人都聽過哩個出版社, 專出各類車o既manual, 非常詳細地教你整果一個車. Maintenance Techbook 係針對最common o既街車來寫, 彩圖加文字(英文)教你維修, 同之前那本差不多, 但更詳細, 更清楚, 更精彩….仲有教set valve clearance, check 電, timing, 連換fork 油都有. 唔識用架餐唔更要, chapter 1就教你點正確用tools.
如果你地拑開大路車的話, 可以買佢專門o既workshop manual 黎睇, 佢針對該車系而寫, 所講每一粒鏍絲位都同你架車一樣, 包唔會錯. 可惜我抯果款佢就冇寫, 可能唔太common.
以上三本書都係以街車為基礎, 綿羊可能唔係太o岩睇.
p.s. 本人抯Estrella 250, 如有人有owner’s manual 的話, 可跟我聯絡嗎? Email: charlestzehang@yahoo.com
(老鬼唔好嬲, 唔好cut文, 我地唔係個個都自己睇書整車唔俾你整架)
狂熱份子 charlestzehang@yahoo.com
|
21/10/2004
|
RE^^絛呔唔咬地點算好
收到 唔該你
甩甩地
|
21/10/2004
|
答問大會
老編、張瑛
好很多謝你們不辭勞苦為大家解答問題,而且還很快回覆呢!
iBIKE有沒有考慮舉辦答問大會?甚至聚餐會?
老編及張瑛如怕神秘身份被揭,可以全程戴大頭佛或面具呢!
辛苦了!
劉德華
搞個慈善羚羊鐵騎化妝餐舞會都好喎，個個都要帶面具出席....
|
20/10/2004
|
發現有怪聲
本人的車是一部綿羊近呢一兩日發覺行駛到４０至６０公里頭轆會發出撻撻撻撻聲速度快d同慢d都冇聲會唔會係迫力皮或鮑魚同迫力碟碰撞產生的聲音
啤酒精
鮑魚杯士,頭轆啤呤,兩者有問題都會有此聲音.
|
20/10/2004
|
趣事一則 交通警紅燈停車後再開車即死火
今日渣車返屋企,同一部寶馬警車一起停係紅燈前到,我在慢線佢在快線,當紅燈轉綠燈時,我見佢入波開車,但唔知道佢攪乜,開車即刻停左係到仲死埋火,要重新開車,跟住佢一支箭咁就走左去,我等佢表演完畢後我先尾隨佢開車走.事後我覺得就算部車勁到識飛都冇用,如果駕駛者本身技術唔掂都係冇用.
bandit
真係老貓都會燒鬚...
|
20/10/2004
|
RE : 條呔唔咬地點算好
for CB400 superfour, U can use Dunlop GPR70SP very good even wet road! Or using Bridgestone BT 010 , both are good tires!
ghost
|
20/10/2004
|
Re: 慘慘慘之後再慘慘慘.2
我架車有相似，我師傅話係線圈，check 下係咪線圈啦。
車人
|
20/10/2004
|
平貴油之分別
老編大佬,先多謝你每日無私地為廣大電單車愛好者解答疑難,儘管D問題有D都好無謂
(包括我)......好X開心啊(原諒我文化低),過二天就有得去車行"力"新車,真係重開心
過娶老婆.....我想問下D無鉛電油平同貴的分別大嗎 ? 使唔使即刻check下呔壓同點攪 ?
ON FIRE MAN
貴油會燒得爽d，但唔係必要。新車交俾你時應已check好晒所有野，包括胎壓。帶錢帶頭盔帶手套帶鎖去拿車就得。記住擺直架車先開車，唔好一開車就轉彎。
|
20/10/2004
|
re:慘慘慘之後再慘慘慘.
每次用完車拔去電池負極，再用車先駁番???
老編, 加個開關制駁出去出面會唔會好d呀.
次次唔用都turn off,會無左時鍾同行車record, 不過無辦法啦.
路人乙
咦你呢個辦法都幾好播！Trip Meter和時鐘會冇左，但總里程計重係度。
|
20/10/2004
|
迫力油
我架大羊近日發現頭迫力油壺內的油少了一些,差不多到達LOWER線,己檢查過油壺至鮑魚,發現並沒有漏油,想問老編點解會咁?(會唔會係迫力皮到期,因為傘住所以睇不到)己行了約20000KM.而尾迫力油就正常
VICTORY vic8856@sinaman.com
迫力油存量係會隨著迫力皮磨蝕而降低。你的情況應檢查迫力皮是否到期更換。
|
20/10/2004
|
Dry chain
Hi editor:Today I found my old big one' bike chain became dry again. I had use some spary sold in bike shop twice before but was not long lasting. May I use engine oil to paint on the chain? Must i wash the dirt on it before?Thanks a lot.
Question man.
Chain oil will not fly away, for best result yes please clean the chain before apply new chain oil.
|
20/10/2004
|
RE: 慘慘慘之後再慘慘慘.2
睇完呢件事實後,我諗我以後買車一定唔會諗X9 500呢架車,代理仲話送一年燕牌,咪攪,都係渣番我至愛的街車好過. 如果我係你就拿拿臨平d賣番出去,應該會有人要,咪當買個教訓law.
bandit
|
20/10/2004
|
慘慘慘之後再慘慘慘.2
甘其實係未吾應該私人買賣呢?我都知錯啦~冇防盜,不過架車本新好似有個紅色 LED 係前錶版度.吾知有時閃下閃下,可能係防盜...聽說係 SIDE 架燈.電動大架走去車行叫佢 DISCONNECT ? 甘未冇左大架用..不過就算吾 DISCONNECT佢,基本上都用吾到.
龍根電線澳士睇過話冇事.....
你招絕招真係好絕,甘我次次停車開車都要用"仕爸拿 同 罹C起子" ?我開車 D 人會吾會以為我愉車架,一定人地報警甘我點呀 ?就算吾報警我次次開車,停車都要攪成粒鐘,我不如坐巴士啦.仲有,冇左電動大架,我個人之力跟本起吾到大架.澳士帥父同我講,呢架車吾可以自己加減野.電子車電腦知道你加減左野會吾肯行.死得啦~有冇 X9 500 高手救下我呢個苦主呀吾該啦~有咩野辨法幫到其他人好似我甘?
p.s. 我架車有冇方法放左去? 我買番黎 $27000
兩年行左 18000 放可以放幾錢?
無助的新車苦主
睇番你買車個價錢，兩年車500綿羊賣兩萬幾，價錢的確幾吸引...原來有暗病。同私人買車冇錯，你買X9-500都冇錯，只係你唔好彩…錶板閃閃果眼燈會唔會係晶片匙o既燈？應該唔關事。而家搞到咁揚，(老鬼信箱係鐵騎網誌五大收視之一)重邊有人敢買你部車丫？不如真係擺低俾奧士叫佢地慢慢跟？
老編重唸到一個方法可以縮窄範圍：試下拔除不同的fuse，睇下拔除左邊隻fuse之後冇再漏電？(不過你要準備不停叉電)如果真係發現到拔除個別fuse後冇再漏電，起碼知道係邊部份電器有事，收窄診病範圍。
|
20/10/2004
|
條呔唔咬地點算好
老編你好,條呔係上手用落.條呔重好新.象牌METZELER溥呔.行咗車成個月都唔食地.點解?平時入灣正常車速比多dd今多多個尾look都想派想派今 入灣落山尾制用小小會甩尾.只可用低波(2-3)頭制同用引擎剎車先得.但會慢車時又會好高轉數.落山波波盡個尾look先會定Ｄ 行車幾小時絛呔一Ｄ都唔痴手重好乾爽呔温暖一般 人地Ｄ呔就痴手暖好多
部車比車行師傅試過車冇事正常.但絛呔就未開好話一般慢車唔太食地快先食地.今點用呀
想老編比意見小弟,如果絛呔用得又走去換 好似唔係好環保又浪費 (小弟好長氣請唔好介意)有冇需要換呔?換又有什麼牌子的呔好?又要幾錢到?cb400用 謝謝
甩甩地
其實你俾車行師傅試完車，佢都冇話要換，咁就應該唔使換。唔通佢有生意唔做咩？
|
20/10/2004
|
慘慘慘之後再慘慘慘.
架 X9 真係會自己走電,又吾可以用腳起電,都吾知點算,
就算架車羅去比人乂電,過兩日又冇晒電,
車行話就算買過舊電都冇用,因為吾關舊電是.
話一定有地方走電,但吾知邊度走...叫我羅去澳士.
我買左車之後大大話話都去左三次啦,
澳士又搵吾到架車邊度走電,佢都話舊電冇事,
不過乂滿過兩日又冇晒電,成架車拆散晒,再還原
都發現吾到邊度走電,呢幾日我用左成 1500 元整車啦~
仲可以點,擺明比人昆左啦~
老編大人,我係網上私人買賣,我有冇辦法追究?
有冇人可以救救我呢?
男人最痛
追究？你當你同車行買都未必一定有得追究，何況私人買賣？
你架車有冇裝防盜？有就剪左佢。電動大架可唔可以disconnect左佢先？
龍根電線係咪全部check過晒？
重有一招--->>呢個係絕招：每次用完車拔去電池負極，再用車先駁番。
點解係絕招？迫到你入絕境先用重唔係絕招？
|
20/10/2004
|
回應: 黑店白店
老編兄，In computer centre case, you can see those shops on the black list still there, never request remove from rating, thats why they know the game. Customer have the right to leave rating, shop owner have the right to reply it. Thats fair.
If the shop is good, of course we have to thanks them. If the shop have something wrong, why can't accept blame by bikers.another example, openrice.com , open area for public to post rating, I really do appreciate.
Of course, if the commend is too offense, you have the right to remove it.
Why I am serious in this topic?
Due to in motorcycle market, we don't have chance to test before buy !
Bike only have 2 wheels, if the repair serivces is not good and can't trouble shoot correctly, those shops are putting you in danger situation which we don't know until we have accident.
Bikers already in a not fair game, we just want to have better community to share information. Anyway, thanks for reading my post.
重病羊主
|
19/10/2004
|
轉棍波車
剛剛轉駕棍波車,就駕1400cc,有咩要注意?
龍 peugeot@excite.com
記得轉波！
|
19/10/2004
|
重病羊主
點解一講呢個問題會有咁多人心同感受Ｏ既．我都有Ｄ咁Ｏ既事發生過係我身上呀．慘 arm嫁喇,o係呢度講下d百街鋪頭出黎.因為佢地好多都有睇呢個網嫁.等d百街老闆知道下有人唱佢都好呀.我地幫你買廣告呀,*百街咸雞旦* p k無人性車房老細.D LEE C 眼．你地好心啦，唔好騙我地Ｄ小車主啦．唔該，我地都係唔識整車先要係幫忙姐，你收應該收Ｏ既就算啦，點解收左錢又唔好好地幫我地整車咁無人性．
路人
|
19/10/2004
|
回應：士瓜灣..一間摩托車房..好正呀...
我都有同樣經歷，地點係Tuen Mun，去三了至四次，而家羊羊係第二個車房大修中。Waste my money and time.
見議 iBike 可以加個欄叫 ’黑白店’ 之類，由車友投票同傳送個案。車友免得被騙財車房車行’湯’。
電腦網有同樣 http://www.hkgolden.com/shop_rating/shop_rating.asp
重病羊主
講好話冇所謂，講壞話點算？邊個去求證？法律責任邊個負先？：)
--->>你講果個網有咁寫住：
【貴商戶如不想被列入黑店白店中，請電郵至xxxx，貴商戶將從此評價中剔除】
莫講話黑店，評分低少少的話車店都會要求移除，咁樣咪又即係冇用？
|
19/10/2004
|
又係冷車著車問題
老編大人你好! 上次問你關於"Tat"車問題，想問下冷車著車時應該長按著車掣五六秒等佢著車定係俾少少油黎著車好? 我d 朋友有d 話前者會整到舊電池快打柴，有d 話後者會傷副偈，都唔知係邊個事實邊個吹水，希望老編能俾個意見我。
大蛇 snake.big@gmail.com
俾油撻車點會傷偈？至多係俾得太多油令火咀易濕姐。長按電撻五、六秒唔係咁好，驚燒摩打又扯電。不如分開幾次撻，每次最多兩、三秒，同時俾少少油。
|
19/10/2004
|
換機油
我本來諗住自己換蠢油,但係出左事.就係換果陣粒羅c滑左牙,咁點算呀.
janny
換蠢油？唔怪得之瀨野啦：)
老鬼之前答過：辨法就係去車行叫人整,而個蓋好似$100內攪掂
|
19/10/2004
|
取車時應注意事?
本人新牌仔一名，於車行買了一部全新羊仔。
查實於取車時應留意咩呢?新車係咪一定安全可靠架?
牌簿、燕梳外仲有咩文件要keep起架?
另外,Check 車主要check咩呢?唉!真係咩都唔識，煩各位幫忙呀!
新羊仔
全新車都應該唔會有乜問題，對下文件，留心聽書，番去睇熟車主手冊便可。
牌簿、燕梳和買車單據，保用證等都要小心保存。其他可以去【知識技術】度望下。
新車輪胎和迫力未開，開慢d。知道最近油站，拿車後去入油。
|
19/10/2004
|
Re : B.M.W電單車之維修問題
I was also a previous onwer of bmw bike , now change to Honda due to personal reason , In previous time , I was not always carried my bike to my working place, but almost twice a week , 50km each trip, its reasonable repair , mainly on consumerable parts , I have once non-consumerable repairs as my bike is already 7yrs old , it was some parts becomes older ( ie pressure switch and seal parts from outer engine .. ) , the price is 120HK$ and 400HK$ respectively . Or you may compared with honda , it will or may be only 10-20% more ( personal exstimated ). From my experience of owner , I feel BMW required less repairs but required more expensive from its parts !
Bikerbmw
咁珍貴o既用家報告，等老編撮一撮：寶馬電單車比起日本電單車，修理次數較少，但每次修理費較貴....呀唔係，係好貴至真！
|
19/10/2004
|
音響一問
請問一下,電單車自行加音響,犯唔犯法.警察有沒可能捉?
jupiter
應該唔犯法o卦？除非你係車頭綁個sub-woofer，再係車尾掛兩個喇叭...不過就算冇人捉你，行車時都不應聽歌，命仔緊要。
|
19/10/2004
|
輕珠問題
老編大人，小弟的forza剛改了輕珠,本人有些問題想請教。
改了後起步爽了，但尾段好像唔夠力,以前６千轉可上80km，但現在只到75km,在更高轉數時相差更大,這是否正常？還有車子在6千轉時本人覺得較震和嘈,但再高轉時又沒有了。新車到現在3600公里都有出現,問過代理又話冇問題,但本人始終唔放心,所以請老編大人指教。
謝謝!(已換了3次偈油和尾牙油)
新手
原廠所選定的珠仔重量，係考慮到全區域性能。改珠仔只能在頭段和尾段中作一取捨，不能兩者兼得。
|
19/10/2004
|
To醒目仔
絕對認同你後半段O既睇法!因為............人O地剩係得副噴油傢生係到又邊有其他傢生
整車呢?!所以幾仟蚊買個教訓下次留心多..D... O羅!
catch me IF U CAN!!!!
|
19/10/2004
|
緍緋厩皘倈珿ㄆ
婾㺭さぱ㶏‵バ緍緋厩皘垐σ眏𤤯刚𨫋𨗴,礛𢚘腊и箇𡲥揭绑程е琌11る26ら,叐Ч材𠜎揭𠐓腊и𡲥隔刚σ戳,и钮𤎌量杠Τよ猭ぃノ单硂或蕂𤨣丁𠐓逼隔刚戳,𢵧𥛣毙и喩妓暗,㯗䅿𤊕𤧣逼戳𢵧𥛣匡拒漋‵バ緍緋厩皘σ倈
み喆倈𤎌叐....谅谅 ngyukman478@hotmail.com
Please use Big 5 code
|
19/10/2004
|
駕駛學院的故事
小弟今天在沙田駕駛學院剛考強制試合格,然後幫我預约課堂最快是11月26日,上完第一課才幫我約路試考期,我聽人講話有方法不用等這麼長時間才排路試期,可否教我怎樣做,同自己去排期可否選擇回沙田駕駛學院考的
心急的人上....謝謝 ngyukman478@hotmail.com
關於學牌P牌的事情，老編完全係脫晒節好耐喇....可以試下自己排期，但一定唔會去番駕院考。
|
19/10/2004
|
慘慘慘!
幾天前我仲考慮買邊架車,最後決定買二手 X9 500
點知買左吾夠兩日大架吾識起,去澳仕,話要換部份電腦同皮帶,
部份電腦要三千,皮帶要1千,仲要換珠仔...未計好條數,吾換住,點知今日連車都著吾到.
原來冇電,要搵的士佬過江龍(比佢$50),再去澳仕,話試下乂電,如果乂左一兩日都係甘,
有可能架車走電...如果係就死得啦
買車既時候,我試得好小心,試左兩次長途都中招.男人買車最慘莫過於此
同大家講一句:如果買二手車,千其吾好買電子車,好多問題
老編大人,我而家應該點呀?救救我吧
無助的新車苦主
機械野永遠比電子野可靠。機械問題可以修理，電子問題只好更換。
唔好咁灰住，睇下有冇走電先啦。
|
19/10/2004
|
精靈o既傑仔
精靈o既傑仔,我今日個牌又係比人拉左出黎...
好明顯,因為我釘係個車牌板度,比人拉起左,
我有車 cum, 成架車搵晒,都冇發現有牛肉乾,
我古佢係味睇下你牌費有冇比?
森 wlsamchen@yahoo.com.hk
你試下換個位擺，我驚你似俾人搞多d....
|
| |
|
|
|
 |
|
