|
|
|
FAQ常見問題 |
|
|
19/10/2004
|
回應：士瓜灣..一間摩托車房
可唔可以講講邊間車房或車房地址.等大家小心小心
Gabriel gabriel1018@hotmail.com
你叫人send email俾你咪得o羅....
|
19/10/2004
|
嘩~~老編你好邪~~~
我係精靈o既傑仔,尋日先出過post問你野呢(校風油比),點知今日放工攞車,一打開個cum,見到尾牌個行車證拉左出黎....天呀!!!!!!!!!!!!!(講笑~~唔關你事~~)
不過~~摷勻成架車~~~申埋手入尾轆~~~都唔見張"發票"o番~~~
1>咁請問如果我要check下係咪抄左牌應該打去點度問呢??
2>如果真係抄左我又唔知又無理~~過左21日會點架??
你覺得無抄到o既機會大唔大呢??(因隔離果兩架都糸似唔見有發票)
唔該晒!!英雄!!
傑仔
阿壯士你如果真係唔見有告票可以唔使理佢。真係抄左你的話，遲d會寄信提你。不過你要確保運輸署登記的地址無錯。
|
19/10/2004
|
出燕疏問題
本人係今年18, p仔, 棍波牌,本人父親今年 4x 1年牌, 自動波牌
我想買街車, 18p, 實出唔到燕疏啦
咁其實想問, 4x 歲, 自動波牌, 出唔到棍波燕疏, 牌費???
就算得, 會唔會好貴?
MMC
老友你父親自動波牌點出棍波保險呀？
|
19/10/2004
|
回應：士瓜灣..一間摩托車房..好正呀...
你呢d情況我都好明白.我都去過土瓜灣一間摩托車房整車呀.都有你所講咁上下問題喎,唔會係同一間掛.佢又係同我講點整點整,之後要好耐先有車俾返我.到後來問番人先知,佢原來唔識整車嫁.你話笑死唔笑死啞.不過我就好彩過你.唔駛等咁耐.一個月咁上下姐.有時整車真係要睇清楚呀.人地係做買賣你又俾車佢整.做噴油又唔定.去之前你都睇下人地間鋪做什麼先,唔好亂去摩托車車房先得假.佢唔識整車你都俾部車入去.唔通叫你走呀,有$我都袋呀.鬼叫你入黎呀.自己醒d就唔駛俾人((握))啦.~~~~~祝~各位都醒目d啦..醒目仔
醒目仔上
|
19/10/2004
|
請大家車友如果有好車行就留個言啦~
請大家車友如果有好車行就留個言啦~
車神
|
18/10/2004
|
black shop
i remember that you said this site will not receive advertisment job from those 'black' shop, however some FAMOUS shop still have advertisment in this web site, like sham shui po 'xxxx' and kowloon city 'xxxx xxx' . i really feel very disappoint about it course people will follow those advertisment to find these shop, then more bike owner will got trouble. i think you also know the story about these 2 shop (maybe more than me ), and i think this is not my opinion only, most bike owner drive over 1-2 year must knwo the GOOD name of these shop. Maybe you will not post this essay, however i really very disappoint about it since i read this site everyday.
fans of old ghost
well as we explained before we don't have concrete evidence to prove they are doing those wrongful act by purpose and do it to every customer as their ususal way of running their business. As far as we know, there are many many suspect shops doing business and receiving a lot of complains, we just can't stop all of them unless police was involved. And we cancel one shop sponsorship recently becasue policeman said they are selling missing vehicles.
|
18/10/2004
|
點 diy 車頭指揮燈 做 巡''行'' 燈 ?
點 diy 車頭指揮燈 做 巡''行'' 燈 ?
去比 d shop 改又要幾錢?
oo
未必一定得，要睇番線路可能要加線。
老鬼唔會教你diy，所以老編代答。
俾人搞兩三舊水人工o卦？
提一提你巡航燈係犯法o既。
|
18/10/2004
|
Virago 250 改喉
請問如果改走條原裝喉, 改為一些比較嚮(大聲)的喉, 會否對車有影響
Aly alyyip@hkbag.com
有，行出街感覺上會威左，又乞人憎左，低扭差左，食油多左咁樣姐。
|
18/10/2004
|
撻車問題
老編你好,本人部車最近有個問題就是撻唔著車,撻車時只聽到"噠噠"聲,我自已度過舊電池有11.幾volt電,撻車時也有12volt左右,是不是舊電池有問題定係個電撻有問題,因本人的老電是大羊,是無腳撻的,所以現在很煩惱啊!
黑仔人上
電池唔算冇電，如果電撻聲浪正常，即係電池和士撻摩打都正常。有冇睇過火咀cap和火咀線有冇鬆？睇下火咀有冇電到好wor...
|
18/10/2004
|
水箱
老編大哥你好...又係煩你既時候....
我想請問一聲...水箱水幾時要換或要不要定時加水架? 是不是要經常 check 吓有冇水在裡面架? 除左水箱水要注意...還有什麼要注意架? 本人新買了一部 Hornet250 ...可是卻不知怎樣對待...請幫忙提點一吓...謝謝!!
LL
水箱水正常的話，兩年換一次便可。如果你老加水的話表示有問題，唔係水滾就係漏緊水。所以如果冇水滾的話，可以唔使理。
|
18/10/2004
|
有関B.M.W電單車之維修問題
剛剛看完老鬼信箱，有位車友對於BMW非常有興趣，但因維修問題而卻步感到非常慨嘆。
老實說：本人擁有BMW電單車兩部三年多其中一部是每天用來上下班(天水圍至柴灣)風兩不改，現在行了40000多公里仍然正常過正常，至於維修方面本人根本就沒有維修過除了消耗品外及只是在出廠2年才入原廠check車收費也不算貴啊。(註：我記得在當年取新車時個肥佬經理同我講，BMW 的電單車是可以用粗用的最好是每天都用那就一定不會壞唔使整，哈哈原是真的。重有，重有我12000 km 才換機油用日本車(車價超過100000)你有冇我夠膽！(重用埋d最平嘅死味？)
|
18/10/2004
|
yamaha YP250
老鬼師父你好,小弟架yp250欲想自行更機油時,因機油底蓋太緊,不小心將六角絲帽扭撻左,唔知有咩補救方法呢?如想換機油底蓋大約咩價錢?
kin dolphinchiu@yahoo.com.hk
辨法就係去車行叫人整,而個蓋好似$100內攪掂.
|
18/10/2004
|
老鬼你好！
老鬼師傅我前幾日岩岩買左部CB250！行車時發覺條電單車鏈好"鬆"所以本人用工具將條鏈"SIT"緊！雖然"SIT"完條鏈之後行車就無左D鈴鈴聲！但係停車入空波推車泊位覺得架車好難推"(好似拖迫力咁)我以為"SIT"得緊用手"咁"條鏈有虛位呀！未SIT"之前就好易推？點解呢?
重想問部車既轉數可以去到幾多架！(我用到５波"行５千"見部車以經好震！唔知係咪我重呢！我見到條尾呔扁哂！頭尾呔正常打幾多磅氣架！重有係部車行一公里大約幾$到架！
介蘭強 pc120e@hotmail.com
你更你"sit"完鏈無調較尾迫力螺絲啦!個轆後左,角度有變所以就拖住個轆,呔氣分別頭28,尾30.車震會有好多因數雖續一檢查.
|
18/10/2004
|
極力子威也
老鬼你好!!本人座騎為CB400SF,己用了兩年,約走了一萬公里。請問如何判斷極力子威也是否到期？
Peter
威也$120元,巳用了兩年,不雖理由就應更換.
|
18/10/2004
|
回應：士瓜灣..一間摩托車房..好正呀...
本人都係前年初考取了電單車牌後，立即買新車。之後誤信損友，去了一間位於士瓜灣的車房整車，就是這樣另到我加深了做人的道理！事件就是這樣：起初只是水箱有氣噁水，佢就話燒(爭)口整左1500，人地出面賣1400的避震，佢就話全城最平直接同代理取貨收我2200，換條迫力鋼喉又750，裝放盜整到鬼五馬六，D線亂曬大籠600......之後出去問人比人笑到面都YELLOW！新車都比佢玩到變舊車，啡呤多左6-7條入肉花痕！真是好的教訓
其實整車一定要找一D比較大的車房例如呢度( 車行情報 )內果D，起碼人地明碼實價有返咁上下唔會亂黎！有乜唔得整到得，有乜事又可以上黎找老編救命^_^
出面果D真係豬又出黎開鋪整車狗又得，有事上黎錢唔見事小，命仔緊要，老電得2個輪乍！97至今政府終於有條好法例，今日聽收音機講整車技工要考牌，對於一眾駕駛者是天大的好消息，以後整車就有保障！其實大家整車應該找大行，一般大行維修中心乜車都會整，整到得為止有曬單據，價錢又唔會貴得好多，分分中平過出面。
貓糧
|
18/10/2004
|
上高波,縮一下油即轉,不用clutch
我試過老編教個隻上高波不用clutch,架車快好多, 又無左clutch個半秒空檔,一波接一波,我係chaiwan長命斜燈位起圍, 揸部rebel放頭, 好feel喔. 不過一波轉二波要用clutch, 如過無用, 波壓好大, 轉不到二. 多謝
hans
|
18/10/2004
|
請問各位知唔知原廠ET-8 150有乜色呀?
請問各位知唔知原廠ET-8 150有乜色呀?我剛剛考到P牌,想出部小羊返工代步,請問ET-8 150好唔好傢?或者重有無其他好介紹呀?謝謝各位~~
心急人
有咩色應打去代理問。et-8好唔好請看車主報告，或在關鍵字中搜尋以往作答....
|
18/10/2004
|
買賣交易
老鬼老編你們好, 我想問如果我想POST D零件上來你地個WEBSITE道賣,請問收費是如何計算
因為我記得早排你地講過是可以銀行過數的.但我已經搵不到有關資料,可否提供,謝謝
ROLAN
唔使急，你填完form後自然會看到相關指示。
|
18/10/2004
|
甩P備忘2.....一問
睇完甩P備忘2,學到好多野,唔使乜都矇查查,真係要再次多謝你地各位,thank you.
有一事想問:如果架綿羊有尾箱,上落乘客方法係點(尾箱阻住乘客隻腳伸過去) ?
新羊人
有尾箱係冇咁方便，但隻腳可以係座位上方跨過去，唔好玩啦....
|
18/10/2004
|
白光燈膽
老編你好，本人渣緊HORNET 600。見而家用緊的55W/60W唔係好夠光，想換過一個較光的燈膽。其實係咪所有寫住H4的燈膽都適合？因我見有D賣三四蚊一對的大牌子個盒寫住 5000K，4500K，5500K等光度，而且亦有寫住(55W/60W)及H4。另外有D有些價錢較平的就寫住可以由55W/60W加大到90W/100W(但冇提及什麼5000K，4500K，5500K等光度)。其實較貴果種係咪要加左火牛先可以用(即係人地賣緊最少千幾蚊果種HID)？定係兩種都可以只係換個膽就可以直接比我部車用？煩請老編解答。
這網站我每天必看，本人亦十分欣賞老編對貴網的熱誠，希望你們能繼努力！
jason
HID要外置加盒升壓，耗電較高，價錢又貴。普通白光燈淨換燈膽便可，幾十蚊都有交易。換咩都好，先唔好睇光度住，應該睇佢耗電量有否增加，呢個先係最重要。
香港唔同大陸，有幾何無街燈丫？的士夜晚開細燈都話夠光，你就話唔夠光？其實頭燈太光好乞人憎o架...
|
18/10/2004
|
Tire pressure
Dear almighty editor:
I increase my BIG ONE's tires pressure to front 28 & back 30. Handling improved but shock absorption became harder. It is alight? Many thanks.
Question man.
normal, rear tire pressure can try 32
|
18/10/2004
|
新款偉士px200頭燈型號
我想問問新px大燈係咪H4規格?細燈同錶板燈是T10嗎?唔該老編!!
ma
2715 0133
|
18/10/2004
|
士瓜灣..一間摩托車房..好正呀...
話說有日在下唔知死去左一間車房整車.去到時個老闆好好人咁同我講,嗱你部車咁整咁整啦.改下呢度 整下果度.又有型d.又唔係好貴..都係兩千咁上下姐,咁在下就信以為真啦..點知我放左部車係佢度之後...點解等下又一個星期等下又一個星期,,都話仲未有得攞車呢...咁我就去睇下點..去到我見到車就散晒呀.但係就無整過野喎..問下點解咁啦...個老闆話.哦~個師傅唔得閒呀,要遲d先得.下咁我部唔係車呀.你唔識整就唔好話到自己幾勁幾勁啦.如時者等等下好怏就兩個月喇.都唔係話好耐...係好很耐姐.我都忍你嫁.部車o係你度.你話點就點囉.嘩我忍唔住喇.再問下點囉.得得好怏有得攞.好.唔該喎.要你幫我整車.仲要你袋我d錢咁辛苦~唔好意思呀...有得攞車啦..去到攞車都唔係佢講o既咁改,咁整.完全唔係果回事.唔係呀??咁都得.好~算唔同你嘈..咁幾錢呀.唔該~哦!好平姐多謝你$6000個大洋有幾蚊找唔駛驚..我唔係屈檔黎o既..下~唔係 $兩千度呀..好我俾唔該晒喎.要你整咁耐.收貴d都好應該o既..到最後部車都有好多野要出去整過..我都唔敢返去叫佢跟過.費事又要等多兩個月啦,其實我都係想講~如果你自己黑就唔好去整車,,唔係人地間車房係黑店呀,知無...
姦人堅
|
18/10/2004
|
保險問題
如果得19歲 P牌,出唔出到街車?保險會唔會好貴?
P
一切符合保險代理要求的話，可以出到250街車保險。三千零蚊o卦？
|
18/10/2004
|
Re: 甩p備忘2
老編大人好野,留言唔夠2星期就起到貨,睇完真係獲益良多,等我捉埋我女人黎睇先.....多謝哂全能o既老編大人,辛苦哂。
Terry
其實係你之前已經有好多人催過，老編一早甩晒褲。近日終於「的」起心肝搞埋尾。
下集拖左咁耐的原因，係唸緊相片應該自己拍定係問人借相。自已拍當然最靚，但由於後座乘客要示範錯誤姿勢，會有一定危險性，思前想後都係借相好d，是為美中不足之處。
|
18/10/2004
|
校風油比......(唔好炳我先呀!!我seach 過捜尋架喇!!)
老編大哥~~~~小弟Majesty125..o岩o岩改左風鼓..但係起步無力左又比之前震左好多..想問下一般車行調校風油比要幾錢呢??(你話大約得架啦!!我明架喇!), 師傅係咪要渣好幾次架車出街o黎試架??從風油比調校可唔可以做到加強番頭段呢??又係咪等於尾段會弱左呢??
唔該晒!!!英雄!!!!!
傑仔
壯士兄你咁精靈老編點捨得炳你丫....
你改左風鼓令鮮風流量多左，需要俾番多d油，做得到的話可以有頭有尾，不過會用多左油。你部Majesty 125係行i定係行化油器o架？行化油器易搞d，行i就要搵番專用儀器較mapping。都係幾舊水人工到姐...
|
18/10/2004
|
burgman150
hi老編,請問burgman150的皮帶,普利珠,普利盤,迫力皮,風格等等消耗品.是不是要用原廠.市面有沒有其他副廠零件適合它.如皮帶同普利珠知道它的型號和珠的重量就可以通用.另外我想自己換火咀,位置在那裡.現在市面有一些電子穩壓器,他說能穩定全車電壓提升電器性能,慳油等...是否有幫助.thx
suzuki150
只要規格一樣，無需使用原廠貨。但質素視乎不同牌子而定。火咀位你拆座位下的啡呤睇下。電子穩壓器對細車舊車特別有用，但穩壓器用料要靚先得。
|
18/10/2004
|
如何有效地 提醒其他道路使用者 開啟頭燈
很多時, 都發現有其他道路使用者, 並沒有開啟頭燈. 請指教有否方法提供, 如:燈號, 響號,手號....或許可在這裡通報一下
以老編所知---->>沒有。你用手指指下自己個頭燈，再指下佢果個咪得o羅
|
18/10/2004
|
想問太氣打幾多??
我架係 KYMCO B & W 150 今日去到油站想打氣,點知攪來攪去原來自己吾識打,想搵人幫手,睇一睇油站d人個個都好忙,所以冇問啦~
自己試,因為之前係度睇過,好似係先較左磅數,跟住打氣,記得好似話有 BB 聲...但最後一下 B 都冇又好似入左好耐氣甘...算啦,入氣失敗...其實我架車應該入幾多 ?又點入?入完係吾係有 BB 聲架?Thx
sam
係叮叮聲唔係bb聲。我俾你吹到b一聲就真，你有冇用力隊個氣咀入去架？
打幾多氣應該睇番你部車的貼紙，一般小綿24/26，自己按情況調較無一定。
|
17/10/2004
|
spark
i heard that some people clean the spark and adjust the width of gap and then use it again, no need to change, is it possible? how to adjust the width of gap and do u have any spec.?
kk
Yes in old days people will do it in this way, use a brush to clean the carbon and adjust the spark gap. It is time consuming and not better than replacing a new spark, forget it.
|
17/10/2004
|
有關寶馬r1150rt之維修
我對此車十分有興趣，亦看過貴網址對此車的評價，我想問若此車在香港駕駛適合嗎? 及此車若需維修，複雜嗎?因我亦聽人說過abs燈會失靈及因此車用乾式離合器，會否比較容易消耗得快。
tak superfour@yahoo.com.hk
據寶馬維修相熟人員表示，BMW電單車好多時都係電子問題，需要返原廠set。日常使用當然麻麻地，但假日長途放下狗就冇問題。
|
17/10/2004
|
胎氣
老編：想問下ＰＧＯ Ｔ－ＲＥＸ１５０條車胎要打多少磅氣。同埋我發現我部車條胎Ｄ氣都漏得好快下差不多日日都要打。我想問下條胎係唔係爆左，如果要換多約要幾＄
ＴＨＡＮＫＳ
我睇你條胎應該係暗漏緊氣，試下補胎得唔得先啦。
|
17/10/2004
|
XX車行~~勁
致各車友:
於深水x某間車行,吹囂十分,自爆整車一流,技術高超;又話唔係熟客就唔整.本人於那間車行買了一部二手車,買果陣時就話乜撚都得,又話包整咩又話點好又話點得,點知到一出街就發覺有大撚把問題,eg:鮑魚斜左,令到收車嚴重有問題,仲差o的搞到我抄車;另外,佢地又唔識點set車,set到部車八唔撘十,搞到部車整呢樣就壞第二樣,原本冇問題都俾佢整到有問題,但最慘就係又整唔到好,仲話自己點技術好,真係比個good佢呀. 在些希望可提點各車友如果要買車or整車的話,千萬唔好去呢間咁有技術水準既車行,因為後果會非常嚴重,生命受到影響.
400
|
17/10/2004
|
Bullet 500 ES + Jubilee chair???
老編大人你好,小弟想問下Royal Enfield 的Bullet 500 ES + Jubilee chair(即係sidecar)香港出唔出到車?因為我都唔想勞煩老編大人你,不過我send左email問佢佢又唔覆我,就想問下大人!!雖然而家長江果隻sidecar可以係香港出車,但始終覺得祖國車都係無咩信心.....萬分感謝!!!!!
hammer mjmbmi_michael@yahoo.com.hk
以老編理解，應該冇問題。但你最好都係打電話落去代理度問一問？
|
17/10/2004
|
避震?
老編先生,我想問下尾避震頂果到有一粒黑色的制係咩來啊??用來調教什麼的???
Jason
調較受壓Compression
|
17/10/2004
|
新手買車...
本人是新牌仔，打算買mojito 150。
我在網上看到很多mojito的車主說mojito150本身的問題，想問一問，這輛車適合p牌嗎？
它有什麼優、缺點呢？
我什麼駕駛的知識都沒有(例如：車的零件、check車、保養等)，我是否適宜現在買車呢？
除了mojito150外，還有什麼車可以考慮呢？vespa車?(我只有約$30000)
stanley gucici@yahoo.com
Mojito.150 擁有小綿羊的所有優點和缺點。輕巧易用，油費便宜，外形美觀，同時馬力一般，速度一般，操控也是一般。三萬元預算建議俾一部份錢，一部份上會供。以同類車相比，Mojito 150比ET-8或Habana125更受歡迎。
所有人都唔一出世就識車，慢慢學o羅。
|
17/10/2004
|
哪台車好
目前考慮想買三台車 ,BMW的 R1150RT 本田的STX1300 或是CB1300
CB 的成熟還有操控使我對他很有信賴感 , 朋友知道我想1150RT 時就跟我說
BMW 的車在台灣容易發生水土不符的情況而且水平對臥的汽缸容易導致汽缸變成橢圓形
~ 朋友建議我買STX 1300
這兩台車對我真的有很大的吸引力~ 希望老編可以為我排解心中半年來的疑惑
阿傑 fuhsuam@yahoo.com.tw
BMW是虛榮感大一點，但論性能STX1300一定較佳。相對之下CB1300比較平實，是最好用但又最不顯眼的車。每天都用我買cb1300，不是天天用我買STX1300。送給我的話我揀R1150RT。
|
17/10/2004
|
租私家位
老編你好,今日係屋企附近搵到室內私家泊位,要400元/月,我架新羊價万七,相對來說,
泊位貴嗎 ?市區泊位一般要幾錢 ?請解答,唔該哂.
IP WAI MING
相對於唔駛錢的排骨位，$400梗係貴啦。公屋和政府停車場一般都係兩舊水，私人屋苑一般係六百蚊左右...港島黃金商業區要過千蚊一個月...好多人想泊室內位有錢都搵唔到，貴唔貴你自己唸...你部車值萬七，如果嫌$400月租貴的話，咁咪買過部貴D個o羅…如果停車場租金係以車價平貴來製定，咁又幾好呀...
|
17/10/2004
|
死氣喉穿左個窿
老編你好呀 又係我新手阿樹想請教你呀 本人部YAMAHA TZR V2 今日已經無咁多黑色既油(猲油)漏出黎, 唔知係咪已經漏晒? 但我行車時盞OIL燈著左, 我今日仲揸左成100公里,會唔會有問題呀? 另外我發現左死氣喉頭段穿左個窿呀, 對行車有咩影響架?
新手阿樹 tytam@systechtelecom.net
請檢查2T油存量。死氣喉在不應該穿窿的地方穿窿，會嘈左同埋低減弱低轉輸出。我唔知你漏緊咩油所以答你唔到。
|
17/10/2004
|
收車拖波補油, 點顧頭brake
快速收車時,拖波補油, 隻右手又拉brake又補油, 動作好尷尬,正常係o米o甘做
hans a9508776@graduate.hku.hk
熟能生巧嘛，都唔係好尷尬姐....正常用車時，轉數唔係太高，根本唔順要呼空油拖波，淨扣頭迫力拖波都夠。
|
17/10/2004
|
加速的問題
老編我覺得加速的問題呢個題目好實用亦好有用，覺得可以將佢加落（知識技術）度長談
Free
加速技巧冇乜秘密可言，主要都係個人手腳配合的問題。冇扣底講晒架啦.....
|
17/10/2004
|
著車問題
老編大人你好，小弟又有疑難。我部150羊仔係新車，發覺每晨早著車時，都要按住個電"tat"掣差唔多五至六秒至著到車 (出了車大約三星期以來都係咁)，扭少少油門就會易些著車。車熱左之後再"tat"車就冇問題，按著車掣一秒就著車。請問會唔會係電器問題定係正常?會唔會係好嚴重?需要去車房check check 嘛?
大蛇 snake.big@gmail.com
你部車好正常。
|
16/10/2004
|
再想問問加速的問題
我對呢個加速方法都好有興趣(因為我係渣羊仔的^^").
我想問下老編咁樣唔使掂個極力子咪撞牙撞到飛起??
咁Ｄ賽車手係咪咁樣加速架？
仲有想問下長期咁樣加速駕駛法架車會壞咩多架?
平
縮油唔扣極力子轉高波係唔會傷波箱既，反而減少離合器耗損。留意縮油的意思係手腕急速地窒一窒便夠，便係真係收晒油。
原理係在一縮油的一剎那，齒輪失去壓迫力，用較生動的比喻即係處於迷茫期，只需輕輕一tick便可上高波。用呢個方法轉低波亦可，不過轉數唔可以太高，否則一轉低波轉數會上得太多。只能在漫遊時使用，搏緊命時便不適合。
賽車手既波箱係相反，轉高波係踩落去既，佢地唔使縮油添，因為有電子轉波器幫手，在感應到波棍在壓力時自動cut火，原理一樣但反應和時間更快更準。
|
16/10/2004
|
被控告危險駕駛
睇見蘋果妹個心情(情況)本人都深感同情，雖然我唔識法律，又無咩野幫到手，但係哩次事件上面，又一次証明：自己有事，永遠都係屋企人最擔心，勞心又勞力！蘋果妹細佬係今次事件幸好無意外，希望各位年青人車手真係小要揸車，為你既家人着想、也為人地既家人着想吓………
michael
|
16/10/2004
|
胎壓
我架細羊(原裝胎)車行話要打28/30,但"感覺"唔咬地,改打26/28會否偏低(我150磅)?
另說明書寫胎氣是1.75kg/2kg,我化為磅大約25/28,但頭胎是否太低?
車廠是以多少負載計算胎氣?信邊個好?謝!
johnnyshum johnnyshum@hotmail.com
細羊打28/30似乎太高，你話25/28似乎較合適。車廠的建議胎氣只係以一個平均約數，單騎和雙騎都會分別列明所需胎氣，但由於產品會在極凍和極熱的地區發售，所以數值只能作一個基本參考，你必需按本身感覺再調整。
|
16/10/2004
|
買車一問
我想問新牌仔買邊架fairling最好呀??
四衝150-250較適合，例如Honda CBR150R或Kawasaki ZZR250。
|
16/10/2004
|
回覆﹕被控告危險駕駛 <<--急徵專家意見
睇黎呢位蘋果妹好似覺得你細佬衝燈好應該咁喎﹐無車就衝?咁以後你自己睇車得啦﹐使乜有燈嗟﹗重要衝三次同30km/h﹐即係都無乜考慮就衝喇﹐或者無人捉就以後都衝?
我就話你請8000蚊同請15000蚊律師一樣﹐佢做到既都係求情輕判﹐重要第一庭無認﹐死硬。除非你用幾十幾萬請呀檸檬個清鴻啦﹐佢可能打得甩既。
真係世風日下﹐道德淪亡﹐點解而家d人﹐自己做錯要唔認﹐仲要話警察捉你錯處係唔岩﹐仲話要搵議員???都岩既......個d 逃緊身 呀可能會為左出位幫你既......你就同佢一齊大喊警權過大啦﹐d公安可能驚架。
消防員
編按：後生仔經此一役應該得到教訓知錯o架喇....等上庭呢段日子應該係最難捱，我地不用太嚴詞相向。
|
16/10/2004
|
被控告危險駕駛 <<--急徵專家意見
多謝大家的意見.
而請律師方面, 我問過法庭當席律師, 佢地話唔會幫在裁審處處理的"交通傳票"案...我都唔知點. 問過幾個律師的收費. 有d又話新手4,5千都肯打. 有d又話8千可以搞掂.有個又話收萬伍. 有個又話唔使打,唔好浪費錢.因為多數會無事.最多判社會服務令,停牌就梗.
想請教徐網友律師, 正常呢D求情案. 收費係幾多到架?
仲有,因為小女子同家人都負擔唔起5千以上的律師費. 有無平D可以介紹.
另已布網友提供意見,著我們找議員,這方法也不錯.
因這兩天我請假去探小弟,公司已有怨言.同事又以為我想跳槽見工.我也感到很大壓力.家人也很苦惱.得他一個兒子.
當初小弟見四周無車,判斷力差,先以30哩速度沖過一支黃燈連兩支紅燈.估唔到白炸在後見到...唉.總之就麻煩啦.
蘋果妹 bmc_saikung@yahoo.com.hk
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
蘋果妹於十月十三日之留言
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
各主編大人您好!小女的弟弟在半年前因衝了3支紅燈而被控危險駕駛.(沒有傷人)
十日後便要上庭.現還押於監房等候判刑.
但因本人家境並不富有,實難以支付昂貴律師費,亦已向一些人仕尋求協助,可惜未能尋獲意見…敬希主編大人們慷慨為小女解答愚蠢問題：
1) 弟弟在第一次上庭時已不認罪. 他是首次犯案,沒有其他案底.但駕駛年資不長,因今年只有19歲. 第二次上庭時,他認了罪,所以現被判入拘留所.14天後會進行大審.
請問, 被判入獄的機會計您們推測會有多大?
2) 我們到時候應會以他自己作辯護,(因沒錯請律師,法律援助署亦不處理交通傳票之類的案件) 他可以提及什麼內容,以使給法官一個好印象.(簡單來說, 應怎樣求情才為適宜?)
對不起, 因本人全家的文化水平也不高,實在難以向其他方面尋求協助.唯有在此向大家不恥下問良方,謝謝.希望可早日得到閣下寶貴之答覆.千萬個感謝您們!!
祝 如意健康!!
蘋果妹 bmc_saikung@yahoo.com.hk
|
16/10/2004
|
hornet 250
點解部車個引擎間中發出咕咕聲,同埋會好似無力(今)thanks
chi
你部係Hornet 250？
d聲係引擎發出抑或是由排氣喉發出？
個人懷疑係你高波行車，縮左油之後轉數下跌，想加速時就咁扭油架車唔夠扭力，所以咕咕聲唔肯去。下次試下踩低一個波先俾油加速。
|
16/10/2004
|
加速的問題
老編之前曾這樣回答百有關加速的問題"起步要快係有技巧，不過會對極力子損耗較大。技巧在於一波時保持離合器在若即若離之間，讓引擎轉數上升得更快。當車速有30km/h-40km/h時便快手縮一縮油同時踢上二波(唔使扣極力子)，由二波開始無9000rpm都唔轉波，餘此類推，你部車好快便可以頂上180km/h。"
請問二波時是否一樣要保持離合器在若即若離之間, 三、四波, 直至最高波段才完全放開極力子呢?
MIKE
對不起，老編寫得不夠清楚。
跣極力子的動作只是在一波進行，並只是比正常慢一點才放晒極力子桿。在上二波前極力子桿已經完全放開晒。跟住一路都唔使掂個極力子牛角，只需縮油轉波便可。
|
| |
|
|
|
 |
