|
|
|
FAQ常見問題 |
|
|
9/10/2004
|
我想問Honda VTR 250 同 HORNET 250
二手車價就差唔多,我唔知選擇邊格好...我見到HORNET 250 死氣喉好近小腿(後坐)會否好熱呢?死氣喉本身熱嗎?仲有我想問 日本進口車 同 日本番新車係咪一樣呢?大家都話係02年製造...咁有咩分別呢?買保險二種是否高危車種呢?買2手車要睇什麼呢?謝謝回應thx
god tcygod@yahoo.com.hk
兩部車都唔係高危車種，適合新手練習。講馬力Hornet250用直四引擎會好力過VTR250。死氣喉有隔熱片保護，安全冇問題，少少熱一定會有。新車都係日本進口車，翻新車都係。買二手車注意事項請參閱【知識技術】相關文章。
|
9/10/2004
|
電池問題
小弟部PGO T-REX150在上月已更換電池，而我差不多每日都有楂部車，不過部車近兩日用電撻都撻唔著部車，好似電池無電咁，我問過朋友佢話可能係個整流有問題。我想請問一下新電池會唔會咁快玩完?如果係個整流有事要整返佢大約要幾$??THANK YOU
新牌仔上
你換左舊咩電池先？邊度做架？幾多錢？
|
9/10/2004
|
白色@150車匙
本人剛才回家看見係柴灣室內運動場一輛白色@150車匙遺留在車上,可能係車主留下,心想他應該很快發現回來,本想走人,但怕係車主回來前被壞人發現,不費吹灰之力抯走!所以唯有取走車匙,再想辦法,如車主見到,請留聯絡方法.如冇回覆,本人再將車匙交給差人,不知這方法可行嗎?請老編補充.
明
好呀好呀，咁阿明哥仔你都要留個聯絡方法得o架？
|
9/10/2004
|
回應MMC 學牌出車
學牌出保險約2800元,之後考到牌可用到一年後,會有NCB吾洗轉P保,又吾洗買過份新保.
伍伯 yuk1213dick@yahoo.com.hk
|
9/10/2004
|
邊度維修最好最信得過???
pp
你呢條問題等於問你邊個醫生最好最信得過？
咁你想睇咩病先得o架？
|
9/10/2004
|
換呔
請問專for R1既石橋014同埋米之連pilotrace(吾知有冇打錯型號)邊隻較好呢??
偉小寶 waikit510@yahoo.com.hk
你問我我會揀Pilot Race，但呢個答案並無任何代表性。
|
9/10/2004
|
死氣喉
小弟的02年Majesty C想換條死氣喉，眼見坊間各式各樣有平有貴、有新有中古、有台灣造又有日本造，花多眼亂，故此，想請教各位大哥買那款牌子及形號的死氣喉？
由於小弟要視乎月尾份糧多少，希望可以提供兩個款式作選擇，以$2000作為界線，$2000以下你們的推介是什麼？及$2000以上你們的推介是什麼？
另外，小弟希望條死氣喉唔使太嘈，因為換喉目的是想改善外觀及性能，尤其是低轉起步及高轉表現，至於條喉的聲音真係好其次，甚至同原裝喉一樣咁寧靜都無所謂。
麻煩各位大哥！
苦惱的人 on@tom.com.hk
綿羊換喉主要求外觀和嘈d，性能唔會有明顯改善，通常低轉重會差d添。你又唔想嘈，又要低轉好d，高轉勁d，邊有咁著數o既野丫！恐怕換喉會令你感到失望，慳番吧喇.....
|
8/10/2004
|
迫力放油咀鬆脫
你好， 本人是ZR-7 街車車主今日放完尾迫油后發覺放油咀不能上緊， 后發現卡鉗上的螺絲牙崩了， 而放油咀的螺絲牙就完好， 現在想請問有何放法補救呢？如果要換， 要幾多ｍｍ 的卡鉗呢？除了換過卡鉗之外， 又有否其它方法呢？大約要幾多錢...千萬個吾該
ugent!!!!!!!!!
心煩車主 pakningli@hotmai.com
用住尾迫力楂落車行睇下有無得救啦!或者dup牙救得番.
|
8/10/2004
|
yp 250化油器
我想問一問yp250 原裝化油器直徑或半徑有幾多
如果用回原裝中缸但裝左大手徑化油器會唔會快好多
或者會唔會有問題??
因本人想改化油器,有無d咩網站可提供 thanks!!!!
steve stevetsang168@yahoo.com.hk
改大化油器只要set得好是沒有問題,好好玩添!價錢由大約4千元起,詳情可到旺角林查詢!
|
8/10/2004
|
死氣喉
我架車係cb400 vtec1 ,想問下我想張整條死氣喉連梳蕉拆出黎~引擎同梳蕉個接口位入面係咪有d膠用黎接駁架呢?如有又可以係邊到買到?thanks~~~~~~~
dusty dustyng@hotmail.com
正常有死氣喉埩口便足夠,並沒有膠的,如真的要用,可到汽車靈件舖購買.
|
8/10/2004
|
車胎大小計法
請問d 車胎計法,係計條令定係條胎外圍?for example:
2004 CYGNUS X 125SR 輪胎(前) 12, 咁 12 係條令 ｏｒ 胎?
MMC
12吋係指輪轆軨的直徑。
|
8/10/2004
|
bross400
老編你好...小弟剛成為P仔..最近不停睇車想買架街車心水係CB400SF vtec...但我有個老死佢渣開bross400...而家換左架cbr1000..所以佢話送左架bross400比我操下車先....其實個款都ok...不差...又no pay....重不需要擔心買左架cd400 vtec比人偷..但我想問bross400..成十幾年車會唔會好多o野整..佢都渣左兩三年都話幾好..同埋兩者都係400...會不會差很多....老編大哥..如果你係我你會自己買cb400定還是要左部bross400呢?...最有沒有bross400..個spec?...thank you!
9月27日1take pass的P仔
喂你老友認真唔話得，唔使錢梗係要Bros400啦！即使要錢執都抵，你買架二手CB400SFVTEC都一定要執。雖然Bros400馬力和400SF差一截，但你拿來操車代步一流，唔使唸，講聲多謝再加一餐飯好去搞保險轉名喇。(規格表請在網上搜尋)
|
8/10/2004
|
考牌一問
我有1,2牌5年,現想考電單車牌 , 見到荃灣$2750 , 我想問$2750係全包定仲有其它費用.報名後要多小個月先考到 , 我是否不用再考筆試 . 謝謝
Kitson lillianfans@hotmail.com
我只能答到你不用再考筆試。其他學車細節你要問番荃灣駕駛學校先至係最準確。
|
8/10/2004
|
輕輕改下小羊
搜尋 -> 老編話過"如果用冬菇風隔最好再set過一次jet咀"
老編你好,近日想輕輕改下小羊，增加擁有樂趣,想問老編換走風盒和死氣候之後，是否雖要作相關調整,"Set Jet咀"、"調整化油器供油量"、和 "調整點火時間" 那個是雖要？Jet咀是什麼、如何調較？ 原廠CDI和化油器是否可以調較？
_PJ
通常唧咀會換大一號，調整點火時間可以買台記FSD的racing電點。
|
8/10/2004
車友投訴
|
大車行真巴閉
小弟有日專程由港區走去九龍區一心想買車.....諗住大車行啦!但係D服務態度...XXXXXD 嗰D人好似唔憂做噤...入到去冇人招孚你不特只..問佢嘢時一係叫你自己睇傳單,一係就好冇禮貌答你...態度好似唔做生客....人哋大把熟客囉!其實小弟剛考到牌想買部車...又很多人叫我去睇吓囉....結果就一肚氣囉....我記得後生嗰幾sales真係好差囉....後來去到另一間分店個老D個亞嬸就好人好多...不過佢叫我去返大D嗰間買時我都係冇去因為怕咗D sales.....
劣劣劣劣劣劣劣
新P
|
8/10/2004
|
想出PGM 3
本人想出部pgm三仔, 但係想問吓係唔係要成日維修, 唔想行行吓叫拖車, 想攞唻代步得唔得,通常維修咩部份,成日壞咩野.出車要注意部車咩地方?thanks!
K仔
真係唔明白點解今時今日重有人會對III仔有興趣？二衝機器的正常壽命好短，引擎機件某些部份低至一萬公里便要更換。但買新件好貴，冇人會咁做。於是大家都係搵舊件，兜兜轉轉塘水滾塘魚又係果撮舊車舊件係處轉來轉去.....
講款PGM舊到唔舊，講性能新車冇得頂，壞左冇得整，你重話想搵架二衝跑車代步？即係叫你拿一把生晒銹又崩牙o既開山刀去批指甲，你話好唔好？
|
8/10/2004
|
救命呀! 速度表支針停左!
師父好,我部車bandit250左面速度表支針停左係65km/hr到,無論我係行車或者係停車支針都係冇轉到,不過顯示公里數就冇問題,我行車時仲見到佢轉緊,我問其他人話要成個表換要過千銀,請問個表仲冇得救呀?老實講成個換實在太貴.唔理佢又唔知道自己行車有冇超速.唔該晒!
bandit250
老鬼外遊數天，由老編頂住先。
之前老編講過，香港地冇人鐘意修理，只係鐘意幫你換野。新零件貴就搵二手件換。(各位Bandit 250車主呢期要落車秊保護個速度錶)
|
8/10/2004
|
如非學車，可否租車？
小弟擁有自動波電單車牌一年多近兩年，由於女友嫌無冷氣，今年中已購入私家車，故原有的綿羊經已賣出，半年沒有接觸電單車，現在想再感受一下電單車的駕駛樂趣，但養多架羊又負擔不起，身邊又沒有朋友駕駛綿羊，想問一下有沒有綿羊可以租？如駕駛學校的綿羊可否租來用？如可以租用，可否上高速公路？
Chris chris@cs-vision.net
鐵騎路路通
|
8/10/2004
|
自己裝油cooler
請問自己裝油cooler有甚麼事要注意?點樣換油架?點先知入幾多油先至夠啊!多謝回覆!
Felix felix04man@yahoo.com.hk
好難係度三言兩語講得到。你俾車行搞啦。
|
8/10/2004
|
綿羊問題
本人用緊架未夠一年的AN250I,宜家發覺一按掣動,頭登同錶板的登都會暗左小小,放開制動又光翻,以前無的,是否有的野就黎壞,如整流或電池?多謝經常解答問題!!
Jamking peugeot@excite.com
建議檢查電壓是否正常，行i的車更要小心電池、整流的保養。
|
8/10/2004
|
re: 學牌出車
咁如果學牌出保, 之後我又考到牌, 轉P保咁係咪又要買過份新保/轉保?如果係, 咁都幾煩喎, 又要洗好多錢 >_< thanks :D
MMC
所以冇乜人會買學保
|
8/10/2004
|
詢問
老編 你好 本人睇中kawasaki zzr250同honda fsx150依兩部車 但好多人話kawasaki依部車維修零件同車軚選擇係好少 係唔係?部fsx150維修零件同選擇係唔係多d?兩部車邊部車保養無咁麻煩? 最後想有無兩部車架規格表比我參考 thx
Mas maklaitim@netvigator.com
你拿緊兩部車來比較，力水一定係ZZR250佔優，兩部車的保養都唔係太麻煩。俾我揀一定係有大買大。規格表請自行在網上搜尋。
|
8/10/2004
|
Tune 車一問：
Ibike 你好。想請問小弟舊Super Four上手車主將空轉調致1500轉凍車也沒大問題，現我將它下調致800-1000，凍車在紅綠燈停開易死火。上次正CORD無油前連熱車停開也有時死火。開spare cord 也撻不著。要Tune 車嗎？How much $$?普通車房曉tune 嗎？怎知電池到期？Thank you a lot
wenmuo
400cc怠車在1200rpm以上會穩定d，你可自行調較怠車，怠轉旋鈕在化油器後方，要伸手入去擰，建議帶手套費時lat親。正cord行到無油時，如果未能及時擰去spare cord而冇油死火，係需要一d時間俾電油落翻去化油器度。所以我唸你部車冇問題。MF電池打柴前可以全冇先兆，但一般你會感到電力較弱，難撻車，起動摩打的聲音無咁強勁...
|
8/10/2004
|
Yamaha Majesty 125 問題
老編您好,本人乃P牌仔,剛買入一部二手Yamaha Majesty 125. (上手車主只用了約半年) 有以下問題請教.
一. 上手車主未有附上車主手冊. 請問那裡可買得到.
二. 慢車時,引擎有點"質"油,轉速不定.車子像跑馬仔,這是甚麼問題, 可以修理嗎?
謝謝赐教
羊仔
唔知你部125係咩版本，試下問代理可否補購或相借影印，如果唔係講明你部車的年份和型號(咩錶板，係咪行i...)，在【買賣搜尋】徵求一欄中求其他車主幫手。
|
8/10/2004
|
回應抽獎車
老友你出價$32000駛鬼同你買呀!你都好大咬.我都係果日抽唔中獎其中一個.車行即時平$3000,同你差唔多價錢.我幫佢買好過益你.
|
8/10/2004
|
吱吱聲
Good evening 老編, 你好, 想請教一下, 本人架 Forza 250 當殺制時車身發出吱吱聲, 還有當行走時有些起伏時, 也會有吱吱聲出現, 請問是什麼問題呢, 要盡快去修理嗎?
Thank you !
新仔
制動時有吱吱聲應該來自卡鉗，行走起伏時有吱吱聲，應該係尾避震有事。迫力有聲問題不大，尾避震打柴只要不開快車也沒有太大問題。
|
8/10/2004
|
震動.
老鬼先生,本人有些少問題煩請解答.
1.我部cb400sf之前在5000轉左右車身有輕微震動,之後更換偈油.油filter及風隔後就無事.我想知道那裡出現問題?
2.請問士啤油掣在車的什麼位置?
3.點樣確定車呔是否起角?會危險嗎?
內內子
老鬼外遊數天，由老編頂住先。
首先是老編不覺得有問題，少少震動實有，而你換了油有明顯改良的話，表示你當時偈油經已夠期。士啤油掣在油缸左下，伸手可摸到。車胎應該呈圓拱形，隨著行車里數增加，圓拱形會慢慢消失，觸地面積會越來越多，影響彎向性能。
|
8/10/2004
車友投訴
|
強行覇位的AN４００車牌８６６
本人在蔣軍澳富寧花園居住平時會把自己電單車放在屋菀外圍鐵絲網則近年發現有條PK車牌８６６用食環處垃圾桶同一架爛單車加尼龍繩覇位大家都係擺街啫駛唔駛咁小心比人燒車燒你個架唔緊要唔好累人PK
睇唔過眼的人
|
8/10/2004
|
大咬
我新買左部 GRAND DINK 250cc約一個月行左1000kkm
唔知點解要6毫子 1 km 以 250cc 不應今貴
唔知會唔會同 slow 車有関 因為架車在行熱左後
slow 車2000 幾有時 3000 轉 有人話行 4000/5000 仟
km 後就會平 d 唔知係唔係 或者架車有問題
新 P 仔
老編唔好意思答得你咁直接，但又唔識得好婉轉咁解釋....你問下代理啦....
|
8/10/2004
|
Runner車胎
今日無意中發現條前車胎胎斑中有舊野到~好似軟膠物体~我用螺絲刮下佢~但係是連埋胎心入邊~我想問係唔係原子呔補過的?是否正常?要不要換車胎?如果要換車胎洗唔洗前後一對換?
慢車王 ZENKI@HOTMAIL.COM
我估你條胎曾經撞到硬物，導至條胎杋布層受損，俗稱「生仔」。如果係事實的話，條胎己經壞左，要換。前後胎應用同一系列形號，但如果尾胎仍然很新淨則只換頭胎便可。
|
8/10/2004
|
高轉起步........
本人的光陽GRAND DINK 250近來發覺高轉起步車頭會"嗚~~~~~~~" 一聲,還越來越"響",和, < 頭痕 > 慢車起身步又有"丁丁~~~~"聲 ,拿去代理檢查,佢話因換了"扭力加速器"到期會發出止聲,換了原裝杯,初初一Ｄ聲都冇,1個月後即而家又黎枓...激死! 點解會咁???????一年都未夠...........請回答 thx
神神
老編唔好意思答得你咁直接，但又唔識得好婉轉咁解釋....你再拿俾代理檢查下啦....
|
8/10/2004
|
學牌出車
請問 pass 左強制, 拎左學牌, 可唔可以出牌 & 保險?125/150 自動羊thx :P
MMC
可以出學保，詳情請向保險代理查詢。不過學牌有好多限制，高速公路及某些路段唔上得，深宵時份唔用得....等等。
|
7/10/2004
|
pizzahut車手肺苦之言
本人都係pizzahut車手,偷油當然唔好啦,偷得幾多呀,不如去多幾單,搵下tips好過啦,講開tips,其實都幾慘囉,下雨天,打風,行唐樓,到收工10:59pm先叫餅,以上四種,送到去一蚊都無,你都咪話唔灰,同埋有d人比一蚊仲大大聲講唔洗找,fine,你當我係咩,我星期六買支旗都$5蚊啦,d外國人叫pizza都比10幾蚊啦,枉d人扮外國人句句中英crossover,呢d又學唔到,同埋住公屋d人都會比tips多過d自稱中產既人,所以我永遠支持長毛.
無名
|
7/10/2004
|
RUN-IN一問
本人出了一部 Forza Type Z, 想問run-in時要用+/-波run 定係自動波run 呢.
ray
用+/-波會平均一d。或者可以交俾我地免費同你run-in三五七個月哈哈。
|
7/10/2004
|
換偈油
請問如果自己換偈油,如有什麼要注意
nicam nicam12002@yahoo.c0m.hk
你要先唸定廢油倒去邊(當然要合法地點)
|
7/10/2004
|
新車續問
老編你好，我架新車係an400i，想知新喉內隔音綿的表面仍未焦結，那代表是好或是壞？
另想問新車除了run-in之外，仲有乜要留意？
newman
正常冇問題，俾d時間佢就會冇味o架喇。新車要run-in，要換油，同埋睇熟車主手冊。
|
7/10/2004
|
咪錶鏈斷左
Bandit 600N 條咪錶鏈大約幾錢條呢.......唔該晒..........
偉偉 waifox@hotmail.com
2390 0347
|
7/10/2004
|
經濟起飛啦，若果屎唔臭都有人要!
早兩日望住個起碼3年連銀鏡當年值4舊半既內滿頭油臉油加汽油滿佈花痕頭盔，突然有衝動想換(想下咋)，估唔到昨晚係愉景新城個排骨位比條唔知乜人偷九左......都唔知佢偷黎做乜九..... 雖然係好舊，但買個新既都要幾舊啦.......正杏加橙
KLai
|
7/10/2004
|
silverwing 600
老編大哥想請問原廠 honda 皮帶大約行多小公哩才需更換。600 silverwing 綿羊.謝謝 !! 10000 or 20000 km
san
想知最正確的答案，應該打開本車主手冊睇下，或打去問代理維修部問下。每一款車的建議里數都會唔同，呢度冇維修手冊答你唔到。
|
7/10/2004
|
細羊問題
老鬼哥/老編哥,(知道老鬼哥外遊數天,辛苦老編哥~)
小女剛出了二手細羊(150CC.00年車), 但發現以下問題:
1)避震-架車D避震好差,震到連後鏡都睇O吾到.
2)熄車後, 架車有燒容膠味, 是否BREAK皮燒了(到翌日開車,車的前&後制動並沒有問題).是否正常?
3)一般買二手車後,該有什麼要檢查?(如更換機油,BREAK皮,皮帶...ETC..還有什麼?)
4)行車時,車的前FORK很搖晃(很敏感,身體的輕微動作也影響車的行車路線),是否大部份的150CC細羊都是這樣? 因小女曾抯MAJESTY150,她車速越快,前FORK越定.WHY? 是否個別車種設計,還是我的技術不好?
5)一般CHECK車大約需要多少$?
感謝感謝!!
小南
阿小南姐請問你部係咩車？
震到後鏡都睇唔到應該係引擎震的機會多過尾避震差。
燒膠味請檢查死氣喉有否曾經灼熔車秊仍殘留著的膠質。
新買二手車後要檢查的地方，還有輪胎，普利珠，電池，火咀等消耗品，詳情可在知識技術中查看相關文章。
唔肯定你話前叉敏感的程度去到邊，一般十吋轆綿羊會比較敏感。駕駛電單車，身體輕微動作當然會影響車身。
一般全車檢查，但之後冇幫襯走人，可能收你幾十蚊或一百蚊，又有可能唔收搏留客。好難講。
|
7/10/2004
|
P 牌被啄尾. 點好?
我好守規則, 於快速公路會行慢線, keep 70km/h,
自問好穩定安全駕駛, 但總有車(大貨車)鍾意啄到實, 差兩個電單車位, 又唔過我頭,
我明佢地行順左, 懶踩brake, 但我這些與世無爭既人可以點做呢?
一條人
前方暢順時保持既有速度。不用理會後車。(當然你要在慢線)
前方有車時，減慢速度，增加與前車的距離。
遇前方有車比你更慢，別超越他，保持適當跟車距離，讓後車忍受不了轉線避開你們。
要減速，閃動制動尾燈兩、三次，吸引後車注意。(閃動的意思是輕扣迫力桿幾次，但未有制動力出現)
要轉線，提早打定指揮燈，再閃兩三次制動尾燈，待情況許可才轉線。
|
6/10/2004
|
點解 D 新款車會咁??
老編你好，我有一奇怪問題想問下你。E+最新果D機車，明明有2邊头燈，但開低燈時只有單邊著燈 CBR600RR係咁 ZX-6R又係咁 連 2005 R6 都係咁！點解?? 搞到夜晚開車 d 光側埋一邊......咁安全咩? 唔通為左慳电??
jacky仔
老編都好唔鐘意單眼龍的設計，但人地線路係咁設計，吹佢唔漲。
|
6/10/2004
|
細羊一問
老編您好。我剛成為p仔，打算購入一輛細羊代步。本人心水細羊為:
1. honda @仔
2. sym g-max
不知老編對以上兩車有何評價呢？可否從失竊率，維修等作出取捨？或是有更好的提議？
另，細羊真的不適合上公路嗎？我翻過靚車檔案和車主報告，2部都很好，真係唔知邊部好。本人身高約175，重約145磅。多謝解答。
tra
Honda @150還是@Stream 125？G-Max150係PGO出品唔係SYM。
所以我都唔知你想揀咩車。
老友你身材咁fit，玩150羊會唔會委屈左你呀？
維修容易，便是好車，好車便會失竊率較高，針冇兩頭利。
整部250啦老友。
|
6/10/2004
|
re:睇唔過眼
香港的警察,希望你地真係可捉晒D CUT隻白的福街司機,因為這些人對於抯老電的我地簡直係計時炸彈.
Rolan
|
6/10/2004
|
Tune 車一問~~~
我架係250羊~~~知道換o侯要tune車~~~咁如果再換埋d高流量風隔係咪要再tune過呢??如果唔tune, 或者師傅tune得唔好有無咩特徵架~???(你再得閑d先覆啦!!唔急架!!哈哈)多謝你呀呀呀呀呀!!!!!!!!!!!!!!
琪琪
換直出喉，因為回氣壓力減低，所以引擎出氣順左，有利高速運作。同時出氣爽左，代表入氣力度要加強，所以要換高流量風格。但原庄點火時間和引擎閥門的開合時間會變得不配合，部份油氣在未點火燃燒前便隨著廢氣溜走，所以改喉會在低轉冇力或打炮。解決辦法可以是加大供油量，以追補之前溜失的油氣，或更改閥門開關和點火時間。
|
6/10/2004
|
Re : 條友抽中部綿羊, 即刻放賣, 咁都得!
Ibike 仲有相睇, 係人都你知係邊個. 已經有車又要貪便宜, 家陣俾你好幸運咁抽到, 車都未收就大大隻字咁賣車. 老友, 唔俾面車行唔在講, 你即係曬我哋D想出車, 抽又已經入唔到圍, 連當日同你一齊抽都唔中班朋友無你咁好命啫.
人一個
|
6/10/2004
|
Re:至Pizza hut各同事
有咁多單你出都有著數啦,人工20幾30蚊個鐘,出多幾單貼士都唔止呢個數啦,
而家都仲偷緊油請收手啦,唔係第時報紙頭條出"必勝客車手偷公司油被捕"就唔好啦,呢個網咁多人睇,話唔定而家有人查緊啦,同埋唔好影衰我地d鐵騎士同pizza hut前員工
Terry
|
6/10/2004
|
re:睇唔過眼的人
法例係保護大家，維持社會安定，我哋好慶幸生活响香港呢個有法冶的社會和有一班公正的公務員。正如交通法例一樣，嘅然過咗雙白線就係犯咗法，害己害人，理應受罰，又何必找籍口，本末倒置呢？莫非有差人打劫，你又同人講差人都打劫啦，做乜要拉我呀？
希望呢位人兄不要再是非黑白，不要向法例挑戰，到時受害嘅都係自己，做個守法的道路使用者。
大傻
|
6/10/2004
|
新車應幾時換油
老編你好，小弟出左架QS150T 綿羊新車，宜家已行470km，新車應該幾時換油好? 鈴木果邊個哥仔話check 車時換，不過佢個免費check 車係響一千，四千同八千公里，好似太耐咁，我係咪應該響500km 時換油? 定係600km 時換會好d?
大蛇
係咪有三次免費換油？你鐘意幾時用晒果三次免費換油係你自由，建議你先用左第一次先。你講一千四千同埋八千公里，係免費check車，check車唔等於換油。
|
6/10/2004
|
PK的士佬
前兩日半夜2-3點操車.因為新牌夜晚冇今多車可以操下手車.點知比個的士佬跟到貼一貼.後鏡光到セ都睇唔到.我再比油又收車個PK又抽頭走咗去.佢部仲要係凶車冇客.唔知個PK做セ九9野.絛路有三絛線.我行中線絛路又冇車行跟今貼為セ九9.左右都有得行.整抄D電單車好好玩.睇唔到佢個車牌.睇到你就PK.去POLICE交通部投訴會有POLICE跟進或可以打電話.我朋友教我嫁 最好個PK比記人滿分失業停牌 坐係度眼光光 食西北風 按99
各位車友 有セ三七二十一先記車牌等POLICE收佢 安全為上
天收的士佬
|
| |
|
|
|
 |
