|
|
|
FAQ常見問題 |
|
|
6/10/2004
|
棍波車一問
本人新牌想買棍波電單車，見到suzuki有架QS150-B新車只不過萬七左右十分吸引，不過有朋友話suzuki D巡航車十分麻麻仲係中日合作添，制唔過，老編大人俾Ｄ意見小弟.....
１．本人作上班用途一星期五天，來回行車大約六十公里左右，此車合用嗎？
２．維修，及零件容易找嗎？
３．雙騎的話夠唔夠力？
４．如果Rebel-250又點睇，不過只有二手賣．
不勝感激
心急人 descartes1972@hotmail.com
你每日用60km，都算高用量，Rebe250點都適合過你講果部車。
|
6/10/2004
|
新車一問
老編你好，我架新車係an400i，想問新車係唔係會有"law"味，而呢陣味會幾時先冇？我架車行左300km，每次停車之後在鎖車時於後輪附近都會聞到唸種味。如屬正常，咁我都可以安心D。另想問新車除了run-in之外，仲有乜要留意？
newman
燒焦味是新車死氣喉所發出。你用左300km都重有味，表示新喉內隔音綿的表面仍未焦結。
|
6/10/2004
|
RE: 二衝手波古董羊
我個架係人手混油，O者係入油時要同時入 2T，唔知係咩原因會自動死火呢？THANKS~~~
古董羊
古董既o野真係估佢唔到，有時可能能供油過多令火咀被秊熄，有時係點火時間有問題，建議你俾專門整偉士羊的車店檢查。
|
6/10/2004
|
油
老編又係我呀 請問cb400vs一般幾錢一公里 八毫幾子一公里大唔大食 行山路多 常用5千-8千轉3-4波行100km傷唔傷車 洗車後DW-40噴响那裹 鍵油什麼牌子好我見D鍵油好大支有冇細支裝係唔係次次洗車後都要噴 噴幾多好 THX
綠荼仔
八毫幾子一公里略貴，5-8000rpm/100km/h冇問題。WD-40作用係防銹和驅散水氣，可噴左右掣盒、大架和側架。鏈油冇特別研究，只要寫明係適合O-Ring鏈使用便可。有D寫明係超杰配方唔易飛濺，噴到條鏈的關節位濕潤便可。
|
6/10/2004
|
老編大哥想請問原廠（本田）皮帶大約行多小公哩才需更換。250綿羊.謝謝
kk
一萬公里或以上，視乎駕駛習慣。
|
6/10/2004
|
大手泵
老鬼你好~ 請問咩係<大手泵>??? cb400 如果要換輪呔有咩好題議?? 謝謝
cb
老鬼外遊數天，由老編頂住先！
大手泵係指迫力總泵的圓周較一般大，能製造出較大壓力。
|
6/10/2004
|
醒少少當幫忙!!!
講多無謂,自知控唔倒架車就咪渣出流量多的路段.
在公路上唔到你勉強,係你後面D車都唔知等你好,定插你好.
閒時望下鏡擰下頭(係想你知道你正在阻住後面幾多架車,大佬!)
我相信條路會暢通好多,意外又會小好多.
NICK
|
6/10/2004
|
Re 修浬死氣侯
睇到有位大叔話最近派報紙,我相信佢係講緊跌車,係片低左
響地下跣果隻,但係呢種跌車英姿應該形容為派啤牌,的年青
小伙子到門口就擺低果D先至形容為派報紙,或者係...走火!
吹下水咋,唔好嬲呀,大叔
伍姑娘
|
5/10/2004
|
re:睇唔過眼
睇完好嬲的人，我同意你所講。
香港道路安全全靠你們了。
CC
|
5/10/2004
|
re:睇唔過眼
我係警察,我曾經cut雙白線都比同事告....如果你覺得佢告錯你,你就可以唔交罰款,上法庭同法官講。你知唔知點解cut雙白會扣3分,係因為cut雙白線的行為會對其他道路使用者構成好嚴重威脅,我同你講你cut雙白撞車,分分鐘保險唔保你。而你講話個警察都cut雙白黎追你,我想問你一條問題??+++條路得70公里,你超速行80公里...咁個警察唔通行70公里黎追你咩..你用下個腦啦!!!
再且...我正駕駛一部私家車,見到你開部電單車cut隻白線過黎,我立即加速比油撞你,我都冇事,因為你1---cut隻白線 2---你胡亂切線,我冇停車距離。
呢位人兄我地一定有機會交手...保重..而阻咒人者,亦必被人阻咒。
(請老編刊登,我的字眼經以好收歛)
睇完好嬲的人
|
5/10/2004
|
RE:顏色一問
newpapaer had reported a foreign statistic that Yellow colour is the most safty colour. Coz even day time or night time, other drivers are easy to see u!
ghost
|
5/10/2004
|
回應行人路上行車
補充以上話題一句
為什麼四個轆的私家車可以開住引擎在行人路行駛而又唔叫司機落車推呢？你話政府係咪白痴呢！
車神
編按：私家車都唔可以，但捉唔捉你又係另一件事...
|
5/10/2004
|
老編, 你好！我是駕綿羊１５０(光陽kymco),是一手的．我想問我現在行了１４２０５ｋｍ，要不要換皮帶？我不知道何時要換！多謝你的答覆．
Maxso
小綿羊行左萬五公里，睇睇穩陣d....皮帶呢家野，話斷就斷...
|
5/10/2004
|
回應行人路上行車
我絕對不同意老編所講話香港政府當香港人係白痴，因為係個政府自已白痴才真。香港人每一日都在進步，而這個白痴政府還在原地踏步了幾十年。如老編所講，車速限制用 4-50 年前的汽車的標準及道路標準用在現今年代，有冇攪錯？所以話香港政府從來沒有當過市民是白痴，而是佢自已係白痴姐。
車神
|
5/10/2004
|
條友抽中部綿羊, 即刻放賣, 咁都得!
最近有個電單車抽獎的活動,我想好多車友都有寄信,我連十名都抽唔到,有條友抽到頭獎,車行免費送左部全新綿羊俾佢,條友仔架車都未落地,轉頭走去ibike賣廣告放賣(仲有得選擇顏色),車行都未定到售價, 佢已經來個大特價$32000,咁樣會唔會有d過份呢?事關車行免費送左部全新綿羊俾佢已經冇錢收,佢而家一個屈尾十走去賣番車行部車,頂爛市之餘又冇品,你係用唔著咪退番俾車行,點解即刻走去套現呢??車行會好冇面
ai
|
5/10/2004
|
Fun Bike?
本人剛考到P牌, 對Fun Bike 外型情有獨鍾. 想買新車, 想問 Yamaha TW225, Honda FTR, Suzuki Grass Tracker, Kawasaki TR250, 那一部性能比較好?
定係另外有好介紹?
Thank you!!
司徒
TW225因為用闊胎，操控會比其他車鈍少少。Honda FTR原庄唔算靚，要改好多野先得。Grass Tracker適合女仔用，男仔用Big Boy會好d。250TR外型復古，和Suzuki的ST250走相近路線。以馬力計big boy馬力最高，而外型亦最合老編心水。
|
5/10/2004
|
再RE: 又係bandit400一問..
水滾燈係寫乜字嫁..^.^......
thank you
wing
TEMP
|
5/10/2004
|
至Pizza hut各同事
正所謂(族大有乞衣)
但我不相信舊同事所說的(人人有份)
不參與被人排斥等行為
有單叫曬你出的.....
比你識飛好未??
最多未一粒鐘走3~5張單
全店一粒鐘又點止3~5張單呢??
有証有據的大可關門同經理說出
又可必在此回應前回應後??
Luen
|
5/10/2004
|
小心的死PK小巴佬
昨天晚上, 本人駕老電從旺角經上海街至佐敦, 途經油麻地時, 當時本人在快線行駛, 中線有一紅色小巴, 突然間此PK小巴由中線抽出, 把我迫向路中鐵欄杆處. 本人馬上急剎及響號, 但此PK小巴佬不但沒有抽回中線, 還刻意向我壓過來. 幸好在最後關頭時, 我終於把車剎停了, 還差半呎便撞上了. PK小巴佬, 我與你無仇無恕, 幹嗎要害我??? 你這樣做一定有報應的!!! 現請各位老電朋友, 小心一些PK小巴佬. 最後, 希望這PK不要再害人, 否則你生仔無XX, PK一世.
AK948 alankwok948@yahoo.com.hk
|
5/10/2004
|
二衝手波古董羊
老編、老鬼先生您地好﹗小弟係渣二衝手波古董羊，早前因為拿遮而換o左個中缸、活塞同埋活塞環。之後有一次，當我渣住架車去到三波俾油時，發覺第一下俾油個時架車冇力，要俾多 d 油先至行，但係當我一回油再俾油個下，架車就慢慢冇晒動力自己死火。由於個次死火後都冇再發生，所以小弟就冇去理會架車出o左咩問題，但係最近 (事隔2-3個月) 哩個情況就經常出現，嚴重到係每次出車都會發生，同埋每次停車後都會聞到陣好似 "瀝青" O既O羅味。小弟試過係架車就死火時，拖落二波俾大油等佢唔好死火，咁我可以涯到有避車處泊埋一邊熄車再韃車再行。我試過問其他朋友，佢地話我落多O左 2T，但係我自己試過落少 D 2T 都係一樣。我想問問老編、老鬼先生我架車出O左咩事？THANKS~~~~~
古董羊
老鬼外遊數天，老編頂住先。
你部羊係自動混油定係人手混油？如果係自動混油的話，試下改用人手混油睇下點？
|
5/10/2004
|
顏色一問
本人想出羊,"林"緊顏色 :
除了個人喜好,你會建議咩色 ?
白色會唔會好難打理同埋花左好覺眼 ?
紅或藍比較揚眼,令其它"渣"車者較覺眼,是否羊之佳選 ?
David
白色新車就靚，日子一耐變黃唔係咁盞。
深色車最唔襟污漕，易惹塵。
銀底灰、的士紅、香檳金等顏色最適合懶人，
唔洗車都唔覺。
其實咩色o既車都好，人地一樣會睇到你，唔駛咁擔心。
|
5/10/2004
|
回應：油錢節省不少,嘻!
如閣下認為其他人不知只是自欺欺人;如認為是很着數的事亦是十分短視的,繼續以此心態待人處事,可容納你的地方只會越來越少,這結果又是否很着數呢?希望你早日明白此道理。
多事人
|
5/10/2004
|
做pizzaｈｕｔ真好呀！可以唔洗錢就有油用
本人之前係做ｐｉｚｚａhut(shop11)送貨員,但依家冇做啦,個時成日都見到d 同事係公司d車到抽油用,我眼見都好想抽一份,但可惜我冇電單車>_<,佢地都好識時間地抽,個個都好齊心,我話唔抽啦,佢地就唔同我傾計,有單就全部比我出,真係好慘呀,好在依家我冇做啦!
ｐｉｚｚａ ｈｕｔ
|
5/10/2004
|
回應有關:油錢節省不少,嘻!
其實我聽我的朋友講!話其他pizza hut分店既外賣速遞員都係公司車抽油用,一部抽d第二部抽d,這樣寫字樓那邊就一定check唔到!而且仲找人睇水先抽.咁就一定冇問題呀!
做pizza hut咁正ga
|
5/10/2004
|
洗車
如果用紅威寳冼車得唔得架???
綠荼仔
油漆電鍍部份可用紅威寶開水洗。轆軨尾擔多油漬的部份可用藍威寶開水洗。
|
5/10/2004
|
RE: 又係bandit400一問..
我部車冇水溫表,可以在那知有冇水滾呢...另行完一大輪..士撈車5分鍾左右把水箱風扇都冇反應..正常嗎..?/thank you
wing
你應該有水滾燈o架？
|
5/10/2004
|
後鏡太小.
你好! 剛考到電單車牌(手波).並出了一台二手的150小羊.但發現後鏡太細小了.可能我是新牌,不懂如何調較後鏡.請問,後鏡太細是否比較難看得清楚? (還是因為我是新牌所以不習慣?)細鏡應如何調較?MANY THNAKS!! *_*"
KEVIN
判斷一位駕駛者的技術有多純熟(包括私家車)，可以從他花多少時間去調較後鏡可以知道。熟手只要左後鏡能大致上看到一點點左方和後方正中，右鏡可以看到大部份右後方便可。即使有時睇唔晒後方的全部情況，都可以移動頭部去改變鏡中事物，當然擰頭望都係一項十分重要的安全動作。
|
5/10/2004
|
更換零件問題?
老編, 你好！我是駕大鷹皇１５０．我想問我現在行了9180ｋｍ，除了更換過偈油, 請問有咩耍更換？因我不知道何時要更換！多謝你的答覆．
gary
你行左接近成萬公里，只係換過一次偈油？唔係o卦？小綿羊偈油因為容量少，所以要換得密d，一般建議一千公里便應更換。如果你覺得加速時震動較大，或極速下降的話，便檢查皮帶和普利珠。如果冇乜事，便可以唔使搞。
|
4/10/2004
|
小問題
老編,我剛考了牌,老豆話平平地買部羊送我,我想問:
1:政府文件的登記車主可否同車行出的買家收據的人名不同 ?
2:如果政府文件(牌簿等)用老豆名,咁車保可否我自己出番定還是要同政府文件同一人才可
出車保 ?
3:如果全部野用老豆名,咁係法例下,我可否駕駛此羊 ?若遇意外,保險公司會否不賠 ?
Thanks a lot !
18才的光仔
我唔識開車，但我有錢買部車再請個司機翻來車我都得咩？所以登記車主名字可以和保單上的指定駕駛人不同名字。如果你父親有電單車牌，咁當然用晒佢名會方便d。你用唔用得車，就要睇下個名保險公司對其他駕駛者的要求如何。一般綿羊仔，都唔會有咩特別要求。
|
4/10/2004
|
回應：失HONDA CBR1100XX ( BLACK and BLUE)
本人亦係此屋苑租戶，其實仲有部BMW在兩日後俾人偷埋，個車主我都識，傾過幾句，鄧佢心痛，此事發生約個零星期前，我都收到管理處叫電單車主做好保安，但問題係車場條電閘虛位太多，唔用保安咭都出到。於是我寫了以下一封信給管理處，分享如下，結果係管理處從善如流，將改建保安系統及加裝鐵柱。
致XX花園管理處
有關近日電單車被偷個案意見反映
本人為XX花園X座住客，近日得悉接二連三有電單車被偷的個案，甚為關注。本人過去曾長期月租私家車位，現在則長租兩個電單車位。對於XX花園停車場的管理，發現有以下問題，希望得到改善。
首先，雖然X座及X座停車場電閘以保安咭作入閘控制，但出閘時卻不需以保安咭再確定，形成偷車者一旦突破車輛本身防盜，就可將汽車駛離停車場。本人親眼見過一架私家車在U座停車場出閘位置倒車時，因觸動出閘感應器，電閘自動打開，完全失去防盜作用。
其次，停車場電閘的長度不足，橫閘下方亦有足夠空間，導致電單車可輕易從閘邊與石壆間出入，完全不設防。雖然目前以‘雪糕筒’企圖阻隔，但對偷車者，甚至任何人而言，完全是無阻嚇效用。
第三，X座停車場對外有一行人天橋連接X座，但下面竟有一空位，可以自由進出X座停車場，因此X座保安閘口，完全是形同虛設。
第四，本人多次在凌晨或深夜時份，發現有保安員，乘坐管理處的保安車輛內，停泊在X座等等停車場內睡覺，並不似在執行巡邏職務。亦有一些保安員，巡邏停車場時，毫不留意停泊車輛的情況，只知用一最短直線步往保安點，按下金屬按鈕便離開。要知道XX花園停車場的費用，較同區其它屋苑為高，我亦期望有較高的服務質素。但上述的工作態度，與收費不但不相稱，更損保安專業形象。
本人認為管理處要求租戶加緊保安，卻完全不提停車場設施的改善，是消極及不負責任的做法。而管理處僅表示已訓示保安員加密巡邏停車場，我認為並未足夠讓租戶安心。更何況要求租戶一旦發現可疑人物時，要通知保安部，更屬不可能。要知道偷車者多選深夜作案，難道租戶可以夜夜守候嗎？
所以，本人提出以下三點，期望管理處及保安部儘快跟進。
第一：立即改善停車場電閘設計，以及其它相關漏洞。
第二：在電單車位加設U形鐵柱，讓電單車可以鐵鏈上鎖。
第三：督促及監察保安員的服務質素。
本人期望管理處從善如流，讓XX花園成為我們安居樂業的地方。
住戶及停車場租戶
XXX
副本呈送：XX花園業主委員會，XX議員辦事處
|
4/10/2004
|
點解d人話要"炳車"呢
1.) 點解有人話架車間中"炳"下會好d, 係咩原理?
2.) 噴車軨變黑色大約要幾錢條?
謎人
引擎長期在低轉高波行車狀態，火咀和死氣哇佬容易積碳，車頭會變「立」。噴軨計埋裝拆工夫，最平都要幾舊水一隻....o卦？
|
4/10/2004
|
P牌新仔
本人剛剛考到牌做p仔想買部車返工 本人想買Honda VT250請問依部車好唔好? 同埋我係得20歲保險受唔受同大約幾錢呢?thx
Mas
舊款的Honda VT250都好似有幾款，唔知你講緊邊款。如果係Spada都幾好樣，可靠易用。P牌出棍波250應該冇問題，但保費多少請直接查詢保險代理。
|
4/10/2004
|
ET8之地盤
我每天返工都駕車,工作的地方是地盤,又有濕泥又有乾沙.
我想請問各前輩如果成日行地盤,有什麼方法去護理一下電單車??
應該每天都去沖洗一下前輪的車碟嗎?怕會生秀嗎??
後輪的尾牙組和死氣喉也要沖洗嗎??怕會生秀嗎??
還有什麼地方須要注意嗎??
請各前輩指點.
eddy eddynamsk@yahoo.com.hk
搵架10吋轆行地盤，一定傷車。越野電單車每次爬完後都要洗車，何況ET-8？出入前洗車當然重要，但問係你可以洗得幾多日？你老闆叫你來係番工唔係叫你來洗車....建議加長前後泥擋。
|
4/10/2004
|
加油
一次過答到三十幾封信 代表你(勁) 睇下有幾多人支持你Yeah ^0^ 挑戰極限 比心機
綠荼仔
|
4/10/2004
|
CB400SF 水箱 風扇
老編你好,想問cb400個水箱風扇正常情況下是否一着車就應該轉動?因本人的不會轉動(93 CB400SF Big one),這是否應該立刻維修或更換? 如果不理會它,可以的嗎? 若是要更換新的,價錢大約多少?麻煩老編~
東仔 komatsuarea88@yahoo.com.hk
一著車風扇便馬上著才是不正常。風扇要達到指定溫度先會著。
|
4/10/2004
|
想問問關於火咀問題
halo!!老編我想問下關於火咀熱值係Ｄ咩?換火咀選熱值高定低好呀？同埋著車洗唔洗(溫)火咀架？
烈康
火咀問題請參閱【知識技術】內相關文章。另外火咀唔使「溫」。
|
4/10/2004
|
老編
我相信好多車友同我一樣, 一直都十分欣賞老編你o既工作效率, 同埋日日上黎幾次睇下你答左信未, 學下野咁, 而貴網的確令小弟獲益不少(相信好多人都係), 繼續努力!!
jkenny
|
4/10/2004
|
re:支持睇唔過眼的人
人地犯法人地既事, 你唔滿意既可以試下上庭同個官講, 警察都cut 實線啦.
點解話人地針對你? 錯左就梗, 唔罰你係人情, 罰你係道理, 如果捉你o個個交通警係抯4個轆既咁你條氣會唔會順d?
FELIX yaukc118@yahoo.com.hk
|
4/10/2004
|
150GrandBand
老編, 你好！我是駕綿羊１５０．我想問我現在行了１４２０５ｋｍ，要不要換皮帶？我不知道何時要換！多謝你的答覆．
Maxso
唔知你部係咩車，唔知你係咪新車一手用到而家，所以唔知道。每一款車的皮帶都有不同壽命，不同牌子之間的正廠貨也有分別，不同的A貨分別更大。有懷疑俾車行檢查一下。俾個貼士你：雞廠皮帶可以幾千公里甚至更少就玩完，靚廠皮帶可以係幾萬公里，你叫我點估？
|
4/10/2004
|
又係bandit400一問..
hihi..想問92年bandit400的水箱風扇幾時才會開的,因我行完屯門公路後把扇都冇乜反應,有冇方法可以試下呢...另此車的水箱水才那裡可以check的,因找不到水箱蓋,而拆油缸容易嗎..thank you^.^....
wing
最緊要係有冇水滾先？冇的話唔使理。行highway咁通爽唔會太熱。你下次試下係市區用完車之後唔好熄車，由佢擺係度怠轉，如果風扇識得著又識得自動熄，冇問題。水箱水要起油缸先睇得真，但唔容易拆。
|
4/10/2004
|
其實香港可否買國產車架？
我係大陸見到巡航車款，成架Shadow敢款，本身已有三盞巡航燈，大腳八，乘客椅背，大風擋，形到爆，不過就唔知幾多cc，而且係國產牌子，問司機買左幾多錢？佢話$5600搞掂，其實香港可唔可以買架？
過到環保廢氣個關，打埋稅冇話唔得。
|
4/10/2004
|
T-MAX
請問T-MAX亮了"V-BELT"果支燈仔，條皮帶仲可以行倒幾多呢？因為我架車只行了兩萬，而廠方公報是兩萬三才需要更換喎。謝謝
FC freddiechan200@yahoo.com.hk
老鬼外遊數天，由老編頂住先。
廠方俾的只是一個參考數值，著燈咪去睇下o羅。
|
4/10/2004
|
大鷹200日本版新車出問題
老鬼你好!我部大鷹200落地1個月左右, 無跌無撞, 近日發現頭輛同手把唔成直線,有無得搵代理維修? 容唔容易攪? 需然只係偏右左唔係好多, 但係有時開快少少時發覺會有偏離左少少行車線, 請幫忙解答!
阿偉 hkckw1974@yahoo.com.hk
老鬼外遊數天，由老編頂住先。
當然可以搵代理維修，但不會在保養範圍之內。
你呢單野易有易搞，難有難搞。要易搞自己都可以搞得掂-反方向一腳伸落去，伸到佢直為止。要難搞的話，拆出來睇下邊部份歪左然後搞番正佢。
|
4/10/2004
|
re:支持睇唔過眼的人
大家咁討厭警察既手法﹐或者我比個建議啦。打劫﹐殺人放火﹐就打999啦。d 非緊急既野﹐例如輕微交通意外傾唔掂數﹐就打電話去各區報案室。爆屎渠﹐執狗屍呢﹐有個叫1823既政府熱線既﹐http://www.1823.gov.hk/c_index.htm唔該比少少公民意識喇。仲有﹐d比警察叔叔發左告票既司機﹐你諗下自己做過乜先啦﹐人地為你好咋﹐你撞死人唔只收告票呀﹐要受靶架﹐有乜不滿咪同(東太蘋)東方太陽蘋果講咯﹐話你自己cut實線斷正比人周到﹐警察話你﹐然後你問候人﹐於是警察就比告票你﹐仲要講埋你估告你個警察收左工都好似你咁添呀。難怪香港水平日漸下降﹐我自己都差左呀。
lee lmkleolee@yahoo.com.hk
|
4/10/2004
|
回應pizzahut車手偷油一事
有些人以為偷油係員工福利之一,呢位仁兄從我在pizzahut的外賣車手朋友中得知佢自已"揚左"所以已在覓新工作逃避,但仍經常以偷公司油用省卻油$為榮,唉~
舊人pizzahut
|
4/10/2004
|
老編自己留言
一連處理左超過三十封信，真係人都顛！
老鬼外遊數天，快d返來呀！
老編 mail@ibike.com.hk
|
4/10/2004
|
瘋狂的Toyota ae1xx
10月2日晚十點四十五分左右，行大老山出九龍，入隧道時見到後面有架巴士跟住，心諗...唔駛驚（因為我係一個駕新車不足五日的P仔），而為巴士快極有限，唔會比佢跟到貼一貼。點知仲有五分一就可出隧道之時，突然聽到很大的引擎聲，三兩秒間便有架（金色 / 青綠車）toyota aexxx 的私家車在快線cut入慢線在我旁邊超車，我嚇到呆一呆，也看不到他的車牌。好彩我定住油，亦冇左飄右飄，如果唔係......xxxxx大家行車要小心，尤其O個D引擎聲好大的PK。
祝o個D飛車高手早日撞車死，死o個時仲記住唔好害到其他人。
Newman
老編唔贊成飛車，但五日新手兄亦唔使咁驚，佢插得你就一定會預埋你要既位，即使你個刻要俾油，都唔會撞到佢。如果你真係炒左，只係你在受驚之下操控失誤所至。
在道路駕駛的安全關鍵，除了要控制自如外，亦要學習和其他道路使用者互相溝通。有經驗的駕駛者，遇上快車或慢車，佢都一樣會配合到，唔會驚唔會怕。怕都係怕遇到酒後駕駛或者新牌駕駛，因為佢地冇常理可言，好難估佢地想做乜。
p.s.AExxx出隧道加速果下可以有幾瘋狂丫？聽你咁講都知你當時車速超慢。唔好介意，慢慢練習技術自然會提升。
|
4/10/2004
|
吾想死在亂車之下
澳門賽事臨近，又是非法賽車的季節，作為皮包鐵的騎士們，在公路上遇到非法賽車群，應如何自保？ 多謝指教！
小P仔
你問得非常好，簡直係承接Newman兄的問題。
電單車在高速公路上遇到四輪非法賽車群，的確好得人驚。這時要保持冷靜切勿胡亂擺動，在線位和車速上都不應改變。佢地自然會就到你。唔好唸住避佢地，轉向慢線或收慢車速都是極危險的行為。當然亦唔好加速同佢地死過。
在山路中遇上四輪非法賽車群，如果係同線則在安全情況下盡量靠左線慢行便可。如果是迎頭線則十分危險，因為驚有人會越過火位爬頭，所以在安全情況下應盡快靠到最左路邊停車，等班PK走晒之後先開再開車。在一些盲彎中更要小心，線位盡量靠左。
|
4/10/2004
|
P女 想買 SUZUKI VOLTY 250
我是 p 女一名, 因為只得五呎高, 朋友介紹我買volty... 想請問下呢款合不合我呢.... 一開始買就手波250 好唔好呀 ? 又或都係試下YAMAHA VINO 125 先呢 ? 羊我就真係未DRIVE 過.....其實我貪VOLTY 似學院車.... 好似唔錯...
螺絲
棍波車和小綿羊係兩樣野，如果你鐘意Volty250的原因係因為佢似學院車的話，咁點解唔真係買部學院車呢？以學院車的標準來說，Volty 250重好多。
|
4/10/2004
|
前輪有聲：
老編你好。客套說話不多說了，本人CB400因dup前brake有聲，所以換了前面4個brake皮(Daytona)，及洗了左右兩面鮑魚。現在空轉前輪時，還是聽到有些少磨鐵聲。而在剎前brake時，右碟還有很少”度”、”度” 聲。(時有時冇，在慢車dup死時多數有。)請問刻怎辦。謝謝。
Pingke
你話果d少少磨鐵聲係迫力皮揩到集碟d聲，正常唔使理佢。慢車dup死時右碟有度、度聲？唔敢肯定係咩聲，會唔會係隻碟有事？
|
| |
|
|
|
 |
