|
|
|
FAQ常見問題 |
|
|
4/10/2004
|
大黑煙
本人之KAWASAKI ZRX400 巳行十萬左右,現平均半年左右便有大黑煙現象,每次到車行CHECK車,車行只說火咀問題及說本人不(炳)車,但本人一,二波巳在一萬轉左右轉波,平均轉數七千,本人有定期維修(換機油,風格),現請師父代為硏究 謝謝!!
TKYIP
老鬼外遊數天，由老編頂住先。
十萬公里以電單車來說已算是高里數。你話每半年出現一次，之後俾車房換左火咀後便沒有黑煙係咪？咁咪即係火咀問題o羅。但係半年火咀就打柴又快左d，可能係化油器俾得太多，試下換火咀時睇下支火咀係咩色，狀態如何？【知識技術】中有文章講火咀o架。
|
4/10/2004
|
轉波問題！
一波上二波或二波落一波都唔係咁顺，找空波又有D難，但只限在停定車時，落波準備停車時就好易入空波，請問咩原因呢？有咩方法可以解決？仲有避震點様check有冇問題？多謝主持幫忙作答，唔該！
堅
機件損耗，偈油到期，離合器調較不當都有可能。一頭霧水的話俾車房跟跟。避震打柴會冇晒油壓反應，淨係得彈弓係處彈下彈下。
|
4/10/2004
車友投訴
|
失HONDA CBR1100XX ( BLACK and BLUE)
地點 TELFROD GARDEN
時間 19;00 1 架 black
20;00 1 架 blue
賊在偷 警在看
希望警方能協助我們呢班失車
53729 kazou53729@hotmail.com
|
4/10/2004
|
支持睇唔過眼的人
交通警日日揸住架電單車在街上執行工作的確有一定的壓力和很辛苦的,我都認識幾個當差的朋友,他們說交通警放工後亦都好似常人一般耍娛樂減壓,他們也有自己的電單車,但以我所知他們在工餘亦喜歡雙白線扒頭,損車,等等不守法的行為,但他們在工作時偏偏喜歡針對自己的同好車友,有一次我不準確地過線由實線過了,但被一個不知所謂的交警大聲叫罵發咗癲咁樣,我冇所謂犯咗法就只好罸,但問題係嗰d差佬其身不正呀!嗰個人渣(交警5455?)希望佢早日................<<老編刪去>>
如妃
喂老友你2046完又係度鬧人，咁你都話係cut左實線，咁俾差人叫停又有乜唔妥？叫停你果個差人佢又點樣其身不正呀？
|
4/10/2004
|
AN150 & 星艦150
您好!
小弟剛出了二手的AN150.請問:
1) 如何分別她是AN150 還是星艦150?
2) 此車是否可加後坐椅背?
3) 此車用什麼o太比較好?
THANKS!
古月
AN150係打正日本Suzuki牌頭製做。星艦係台灣台鈴製造。兩個牌子根本唔同，牌簿上亦會寫清楚。車款設備可參看【靚車檔案】對比兩者圖片。
原庄椅背唔多覺有，改裝部件則有可能。10吋輪胎選擇冇乜所謂，石橋Dunlop都夠殺。
|
4/10/2004
|
台鈴susuki150用來操車一流
時間過得很快, 轉眼間我的P牌就快期滿喇, 回顧一年的P仔生涯有喜有悲, 喜的是可以楂住自己部心愛的電單車周圍去遊車河, 購物; 悲的是隨處泊車會擔心愛驅畀人偷, 畀人搞, 試過有一次新車落地不久, 在泊車位畀人推跌架車, 雖沒有甚麼大礙, 但車側身和手柄給擦花了, 當期時情不自禁的流下淚來, 事後真的很鄙視那個衰人, 亦因此有一段時期不敢亂泊車或放低部車太長時間.
我在這裡衷心的祝賀那些考獲車牌的P仔P女, 亦要忠告你們一下, 尤其是P女, 如果經濟可以的話, 無論操車或用來代步也好, 最好就選擇新車, 會比較安全. 而我楂了台鈴susuki 150都有一年喇, 覺得它操控容易, 起步又爽, 幾好呀, 它的車身和體重比起駕駛院的車還要輕型和細小.
我是一個勁錫車之人, 至今只行了二千米多少少, 正想換部大車, 如果你想買二手車又要信得過的話, 不妨聯絡我啦.
sally
阿Sally姐你都幾好笑個播，部車用左成年，都重可以串錯牌子名。部車用得少唔代表一定係錫車，用得多亦唔代表唔錫車....俾用家心得，應該去填【用家報告】。想賣車，應該去【買賣搜尋】。
|
4/10/2004
|
四冲程
老編及老鬼你們好!我的電單車知識非常有限,有一些問題想你們幫我解答!
1,本人駕駛CB400SFVTEC,我想知道fuse在車的那個位置,容易更換fuse嗎?
2,若我用100W/90W的白光H4頭燈可以嗎?(我現在用60W/50W白光H4燈)
3,super four的車頭內是否有一條鏈帶動凸輪運輪呢,如有的話如何保養?
4,最後,四冲程同二冲程有何分別呢?點解二冲程車起步會快過二冲呢?
問題多多,麻煩兩位解答.祝收視率蒸蒸日上.
問題人
老鬼外遊數天，由老編頂住先。
街車的Fuse一般都會在電池附近，容易更換。火數不同的燈膽耗電量不同，不建議使用。
Cam帶應交俾車房保養，一般五萬公里都唔會搞。
四衝二衝的分別，可在【知識技術】中找文章看。簡單來說是做四個步驟先點一次火的是四衝程，兩個步驟點一次火的是二衝，所以二衝引擎效率較佳。但你話二衝車起步快過二衝車我真係唔知你想講乜。
|
4/10/2004
|
偈油
老鬼你好我想請問一下，用在機車的偈油 (10W40) 可唔可以用在綿羊仔的，我知大家的黏度不同。但如果入錯 o左，效果怎樣？會否傷車，或者只是立 o左少少呢？我都知我衰，一時間睇錯左，倒錯機車偈油入隻羊度，請多多指教。
車神
老鬼外遊數天，由老編頂住先。
複合機油度數只是代表機油在不同溫度下仍能維持它在機件上的保護油膜，和車種無關。
|
4/10/2004
|
修浬死氣侯
老鬼又來煩你，本人最近派報紙，cb-750死氣侯磨去部份，請問用什麼才料可修浦回平整，買過條又好貴，有冇專整死氣侯舖頭，請旨教。
老鬼外遊數天，由老編頂住先。
香港地邊有人鐘意幫人修理架？有咩最好換，換全新，賺得多d又做少d。
死氣喉、尾避震機唔會幫你修理。有邊間車房肯做的話歡迎留言告之，幫你賣廣告！
|
4/10/2004
|
CB400 VTEC 2
本人現有些問題想問,希望能幫忙解答,撻車後slow車的轉數不穩定,但日常用車引擎沒有什麼問題?(現行了24000公里)請指點 如果要整大約多少錢 謝謝
michael
老鬼外遊數天，由老編頂住先。
通常都係化油器調較問題，但只要唔會死火便由得佢啦，一般電單車的轉數錶唔似私家車般穩定。
|
4/10/2004
|
新款車要驗埋環保果d
好慘 剛打過去車行 佢地話架G MAX 150下個week 都仲未有得攞
佢地話因這架係新款車要驗埋環保果d野喎
steve steveling21@hotmail.com
|
4/10/2004
車友投訴
|
XX車行呃錢!!!!!!!!!!!!!!!!!!!!!!!!!!!
本人昨天拎左架車去XX車行，加一個尾箱下0既撐架!!!之前亦有幫襯開,已問價所需$250。但今天去拎車0既時候,佢比張單我居然要$400,話有$150是人工。冇啦啦又加多個人工上去,之前已一早問明人工包料要how much!!!無理由最尾先再加人工姐!!!簡直令人氣憤!!請問可否去消委會投訴呢???車友務必小心留意!!!!!!!以免受騙!!!!
請刊登~~please
可憐的受害者
作為第三者我們不知道你們當時究竟是誤會還是欺詐，但以一般行情來看，250蚊尾箱連裝工又平左少少，但150蚊裝工又貴左少少....你可以試向消委會投訴，睇下證據是否充足…
|
4/10/2004
|
re:狗屍
點解睇唔過眼你自己又唔去移走佢呢?
其實好多野市民可以自己做番﹐
唔係哎交﹐爆水喉呢d野又要報警﹐
狗屍應該由食環署去負責﹐
你應該打電話去食環署﹐
但我相信有即時危險police會負責。
lee lmkleolee@yahoo.com.hk
|
4/10/2004
|
bike parking
Who can tell me where have a bike parking in causeway bay? thank you
fai
|
4/10/2004
|
新車
小弟想買新車,不過基本上一出車就要兩個人一齊坐
聽講新車要 run 車,run 車期間只可坐一人
甘因為要坐兩人而 run 吾到車點算?
thx
Sam
Run-in期間冇話唔可以雙騎，只要唔好超出負苛便可。
|
4/10/2004
|
買車
老編你好,又係我"P"女! 今次我想問下; 如果想出部小羊,除o左買新車以外,去出邊買2手車, 佢地會唔會整好先至賣畀人.(即係買o左番去,冇手尾,唔需要再跟)又或者去d大行(例如:HondX,SuzukX)會有D "Trade-in"車. 又會唔會整好先至賣番出去? 買呢d車靠唔靠得住呢?
"P"女
以前有車行會係咁以執下，然後平d賣。又有d車行會勁執部車，然後圍番成本，賣貴d。但係買車人士有平買平，根本唔識分車的質素。於是乎質素好但價錢貴的車賣唔去，反而價錢平d但要執多d的車較易賣。咁你話車行重會唔會幫你跟到架車新車一樣丫？即使會，你又會唔會買丫？
|
4/10/2004
|
的士投訴表格
有冇人試過用？有冇用？投訴攪幾耐？麻唔麻煩？
|
4/10/2004
|
撞車後問題?
本人今日騎電單車在紅綠燈位被前方貨van撞倒,事源是本人之電單車己停定，位址在中間線頭位偏左,已前方貨van因踏住行人班馬線,所以倒車，撞到我車頭右邊，黑位同藍位都有好輕微花痕，本人之車是02tmax500日本翻新車,出車不夠一個月，所以要求對方賠償1000元，但對方唔肯,於事便報警,警察到後問我們是否自己解決，心想對方賠償500元都算,但最後落完口供便離開,5日後再到警局落口供。本人現在有幾個問題?
1. 要不要影相作為上堂証供?車受損照片
2. 本人勝數高不高?
3. 是否現在修理車或審判後才修理?
4. 請詳述上堂到倍賞之流程及注意事項?
5. 電單車翻噴部份或到原廠買新一件,顏色會不會不同其他部份?
6. 全車翻噴可不可以camp對方保險公司?
謝謝老編大人
關鍵係要個官信係貨車司機入後波撞到你，如果呢一part搞掂則一切易搞。如果現場不能和解，而你又想追究，便應聘用公證行評估損毀程度及維修費用，作為日後追究賠償的基礎。俾公證行睇完後便可以維修，翻噴的色水一定和原庄有出入。
老實講，你的情況不樂觀。第一錯就係冇當場捉佢賠錢。你俾佢走左，想佢再俾錢真係膝頭對上就係脾。第二，你講緊賠償都係一千幾百，從金錢角度上，唔值得搵公證行做野。
|
4/10/2004
|
Re: Re: Re: Re:葵涌見死狗
作為一個市民, 絕對有權利, 亦因為咁你都有義務, 如果你係街上面有個婆婆叫你帶佢過馬路, 你有好多選擇, 但你諗都唔諗就話可以叫警察帶佢過去, 你又砌詞可以將依件事轉交有關部門處理(如社署), 但有無諗可以直接帶佢過去呢? 正如你係路面上駕駛, 見到有其他駕駛者遇到困難, 你可以幫佢打電話報警, 你又可以理都唔理就走左, 又或者停低睇下有無可以幫手既地方, 但我睇到你既對話, 理解到你係一個理都唔理, 關人X事既市民, 你既行為我絕對理解, 但就唔應該砌詞一定要人地幫你去處理囉! 你係路面上見到死狗, 你大可以自己落車去攪掂佢, 點解一定要麻煩第三者呢? 唔通你覺得自己對手係應該乾淨D, 人地對就要服侍你?????
一個路見不平的人
|
4/10/2004
|
BANDIT 400一問
我部係92年BANDIT 400 8000轉以下無事,但一過8000轉爆VTEC時會噴大量黑煙,但部車係有力的,想問點解呢...而平時用4-6000轉行車,會唔會攪到嫁車冇禁爽嫁...THX......
WING
先看火咀和風隔，再看化油器，最後檢查哇佬和凸輪軸。長期低轉高波行車當然會冇咁精神，所以見到賣車廣告，如果車主話佢錫車唔扭，知佢好打有限。
|
4/10/2004
|
想問一下,你點睇
本人叫Patrick,現揸YP125, 因為係返工車兼經常接戴人真係唔夠用��,想換車,GILERA嗰部NEXUS 500 好嗎?定係SUZUKI AN650好啲呢!好多人同講我意大利車好多小毛病,要整搵零件又要等好耐,唔知我講得啱唔啱呢!定係換街車好呢.因大部份朋友唔係揸400,就係再大CC嘅車.
PATRICK coolpatlee@yahoo.com.hk
睇你篇文我以為睇緊2046，真係唔知你講緊乜要斷估....唔好用香港造字喇，好易出亂碼。
我估你想問：為方便載人，和襯到朋友的電單車，所以想換大車。而家煩緊揀Gilera Nexus500好呢還是SuzukiAN650好還是街車好呢？
從司機角度出發，會揀Nexus 500，因為操控較靈活。但從乘客角度出發，AN650會較舒服同埋裝多好多野。街車的舒適度和油門加速的柔順性，一定不及綿羊舒適。乘客話事的話，一定係綿羊。司機話事的話，任何一款600以上的街車，都會勁過任何綿羊。
老編最憎載人(新相識例外)，所以一定揀街車。
|
4/10/2004
|
葵涌見死狗
公說公有理，婆說婆有理！冇錯交通警好多嘢做，你都講得啱，市民都有責任，市民都可以將條屍拖埋一邊，之但係一般市民又點識處理屍體呢？佢地又點様可以保証自身安全去清理條屍呢？我就曾經見過一個好差人處理相似情況！當日我等巴士，係路中心度有條唔知係大布定係杋布之類，佢二話不說就將隻鐵馬著警號燈，然後落車將塊布拖埋一邊，咁我唔知佢咁做係出於職責定內心，但係就覺得佢處理手法非常正確，顧己及人，事法地點係啟業邨巴士站附近往九龍城方向，如果係個位警察先生，而又見到此文，麻煩你發表下，依種做法係職責定係好心！如果唔係咁我地又可以點做？例如有咩嘢熱線呀(有人接個種，唔係聽幾個字都未問到自己想問個種)，唔該...!
|
4/10/2004
|
"吸必打"一問
請問甚麼是"吸必打"，"吸必打"有問題，是否會嚴重影響耗油量．謝謝
YY
吸必打是化油器英文Carburettor的港式譯名。如果調較不良，是會影響油門反應，動力輸出和耗油量。
|
4/10/2004
|
RE: Re:Re:葵涌見死狗
香港警察唔係身驕肉貴,現在啲人乜都只係識搵警察,都冇緊要。我地係人民公僕我地好願意去幫人。但係你地見到隻死狗又有冇人去報警呢???你唔報警察唔知又點去收屍呀!!!唔係係警署門口就一定見到嫁,而(睇唔過眼的人)..你的題議放雪糕筒或者搵人打交通....搵得人黎不如執左佢...你成日同伊拉克比...咁你又有冇諗過你生活係一個咁安全的社會,警隊出了幾多力。警察連死屍腐屍都係咁執啦,唔通一隻死狗會驚駭突咩。
明
|
4/10/2004
|
大家覺得?
HONDA FORZA, AN250, MAJESTY 250
邊一隻好d
hei
舊款車當中老編會揀Majesty 250，樣靚身材正！新款車揀Forza X或Z。
|
4/10/2004
|
偈油選擇一問
老編大人!想請教一般行街代步既車,是否選擇全合成偈油就已足夠,有無必要選擇racing型號既偈油?听說racing化既偈油為左提升車既爆炸力,反而會犧性左引𢺋保護效能.
五角
未聽過話racing偈油會為左提升車既爆炸力,反而會犧性左引𢺋保護效能。用咩油睇自己荷包有幾漲便可。
|
4/10/2004
|
有車想放,比車行好定私人好?
有麥手續要留意? thx
abc
車主私讓通常價錢會較高，但可能被人玩餐飽。車行現金即收，江湖救急。睇你心機和時間有幾多。賣車梗係要搞清楚過戶手續喇。如果車行唔想轉名，都要寫番張責任聲明書。(雖然出左咩事呢張紙不具法律效力，但有總好過冇。)
|
4/10/2004
|
有唔明新牌
老編你好 我又有唔明cb400今曰試過部車入灣時個尾輪好唔定 好似爪地力不足 個尾輪同地面好似好滑好冼今 好2尾轉向過多轉向多過頭轉向 入呔氣260都打唔入絛呔度冇當當聲 2個人坐尾輪會定少少 因為新買2手車有1個月保養想check真d部車有冇事有壞重有得整 絛呔d文重好深好新但唔係好新鮮 朋友話我絛呔重未開好冇今食地 點先知絛避震有冇打柴 試過大直路急收有少少向右橫移 入左灣就冇今穩定冼冼地今 收油會衝一下不過得少少
3Q師傅
綠荼仔
我同你坐係度都係斷估冇辛苦。為安全計，你俾車房試試車睇下咩事。
|
4/10/2004
|
V型氣缸和直列氣缸既分別
老編大人!小弟知道老電有以上兩種模式氣缸,但很想老編解說一下兩者既俱別和各自的優點,例如馬力,扭力,操控性方面既比較.
paul
有關引擎種類解說，請參閱【知識技術】內的相關文章。
|
4/10/2004
|
強化剎車系統一問
老編你好!本人的車係前後鼓剎式制動的,想請問除左更改碟剎之外,還可以有哪些方法可以加強制動能力呢?另想知道brake鋼喉可否安裝於鼓剎制動上呢?麻煩老編解答.
Paul ngpaul@rocketmail.com
機械鼓煞一般都採用威也鋼索，唔係行油壓，所以用唔著鋼喉。改碟煞工程頗大，而鼓煞的掣動力，未必一定不及碟煞，只是手感較差。
|
3/10/2004
|
著唔到車
本人揸山陽１５０，行到沒有汽油，再次入油後著唔到車，請問
是否油管有汽，唔上油，應如何處理？多謝！
夢中人 kennyysliu@yahoo.com.hk
這會是難著的,你只雖strat耐些便可.
|
2/10/2004
|
Re: Re: Re:葵涌見死狗
>>唔講道理既人我見得多,我諗你都算最唔講道理又最口賤嗰個.
>>實在呢d"路見不平"既事,每個市民都有責任去處理或向適當部門反映.投訴
>>係到係咁嘈,靜係識瀉個波俾police根本多餘
睇唔過眼既人2
|
2/10/2004
|
RE: Re:葵涌見死狗
Many countries police don't do many things. But in HK, police need to do a lot even 嘈交，爆水管，屋企壞燈，d人都要call police。
**系咪人地外國police唔駛做就等於香港既police唔駛做呢?可能收條狗屍的確唔系香港police既份內工作, 但系作為一個有責任心既警員, 明知個度有潛在既危險, 系咪可以唔理? 等到真系有人發生交通意外時, 咪一樣關你事? 點解唔事前做d防預既工作呢? 就算唔收起條屍, 有冇諗過可以放d雪糕筒+路牌之類, 甚至放架警車或交警在前指揮交通? 樣樣都話唔關我事, 呢d咁既官僚作風, 實在唔要得, 成日要同外國police比, 你又有冇諗過外國d police成日都要對住d傻佬,分分鐘抄牌咁少事都可能比人開鎗? 你睇下伊拉克, d人排隊去應徵做police都比人用汽車炸彈炸, 我地身驕肉貴既香港警察, 唔該你醒醒, 如果真系咁唔滿意份工就咪做, 唔好因為你個人而影響整個香港警隊既形像.
睇唔過眼既人
|
2/10/2004
|
掣動卡鉗
老鬼你好，這裏好熱鬧呀，又有得發問，又有得留言！
言歸正傳，我想問下，掣動卡鉗的O-ring凸左出黎，我想自行拆開更換，我只知要放左d掣動油。請問拆活塞的步驟係點？
謝謝
仔仔
迫力呢d關乎命仔o既野，第一次都係俾車房整啦。
|
1/10/2004
|
新手買車之謎
小弟日日都有睇老鬼信箱,真係學到好多野
本人是p牌,想買一部二手250街車,但要係$15000-$16000之內,包保養事宜,一般二手車買番黎,如果去第二間車房到check車會唔會好d,係咪會check 到好多小問題?? 因為唔係自己賣出既車。 一般check 要多少錢?? (4氣缸和2氣缸)
係二手市場中,合上面要求既大路有bandit250, spada250,另小弟也見過zeal 250和jade 250。但全都係高齡細缸車,唔知老編對以上四小車點睇呢?? 本人較喜歡bandit250,但係高油費同噪,又今我唔知點算好? 所以spada250係另一選擇,雙缸保養係咪易過四缸好多
?? 另老編有冇好車介紹?? spada250 對新手來講可以嗎??
小弟對電單車都有一定既認識,但就係識理論,見到真車就唔知點睇好,我相信好多人都係咁。就係呢個識d唔識d既心理,所以好驚俾人呃。 化油器點睇?
p 仔
建議買Spada或Jade250。check車唔貴，整車先貴。如果你打算同車行買，咁應該講清楚佢包d咩保養？邊d情況免費整？邊d情況要錢整？人工收唔收？保養期幾耐？知道大概情況後認為價錢合理先買。買完有事先搵翻佢跟，跟唔掂先搵第二間車房。
化油器點睇? <<---??用眼睇：)
|
1/10/2004
|
CB400
你好，首先祝貴刊業務蒸蒸日上
小弟現有小小問題請教，我架CB400 SPEC2 落地剛足半年，近日發現空波著車時，係引擎左邊傳出輕微(KUNG KUNG)聲(唔係著車引擎聲)，但一拉極力子時就無左，行車亦無事，究竟有乜問題？第二樣就係有時剎車會聽到頭FORK CLOCK CLOCK聲，是否波子盤有問題？架車並無任碰撞過，是否經常行駛凹凸路面所致？煩請回覆•多謝
michaelfox41@msn.com
1,這是(極力子總承)的聲音,些少是會有的,如聲音漸大的話就要檢下一下2.波子盤和頭轆啤呤都會這樣,兩者都一樣要檢查.
|
1/10/2004
|
迫力皮"吱吱"聲
本人之CB400SF尾迫力皮更換約5個月, 假日車, 但近日發覺有時在慢車輕扣尾迫力時會發出"吱吱"高音. 但經本人檢查後發現迫力皮仍很新,尚有一定厚度. 另外, 我嘗試較大力扣尾迫力, 聲音反而消失. (之前的迫力皮使用2年都沒有此問題, 這次只是於換呔時順便更新迫力皮,無奈反而有此毛病) 望錫教, 謝謝!
Kai chjghrok@hotmail.com
迫力皮會有牌子之分,選用外國牌子會最好,因皮質適合,如貪平選用國產貨就無得救,而有聲可能他門裝皮時沒有(飛邊),所以才會有聲.
|
1/10/2004
|
冬車難著
你好我駕駛的是大R750 97行I版,每天早上及冬車時都十分難著車,問過車行話無事,話著車手法不正確,但我發現駕車水溫在34C以下是需要START 5-6次,34C以上一次至2次,我想問下是否正常,還是有其他問題,謝謝
狐狸 foxtak@sinaman.com
假如不是手法問題,有可能化油器調較問題,如兩者都不是,咁就會麻煩些少,有哇佬緊的現象.
|
1/10/2004
|
問問cb400車殼
老編我想問下cb400既車殼係咪通用架？因為我部車尾殼爆左所以想換左佢,咁可唔可以換VTEC3個車尾殼呢∼？∼唔該~
峰
尾燈同手挽位不正確,並不合用.
|
1/10/2004
|
Re:葵涌見死狗
屎撈人
police will inform FESD 食環署， but 食環署 no 服務承諾， they may not go to there within 9 min. It's not police job, 正如你也不會自己去處理狗屍。因為無手套，也不衛生。你有無外遊過？Many countries police don't do many things. But in HK, police need to do a lot even 嘈交，爆水管，屋企壞燈，d人都要call police。
U drive motor bike & feel it's dangerous, & do u know many police also need to drive motor bike?
換角度想下
|
1/10/2004
|
死氣喉生銹
請問死氣喉生銹如果不理時否會越來越嚴重,應該怎樣清理?
PGO150
係會越來越嚴重。方法係搵鋼絲綿落水卒。平時多加清潔。
|
1/10/2004
|
RE: 請自我反省 P仔
本人以前在觀塘返工，每天都要把老電泊在鴻圖道的冷巷內，但每次本人抯上去時都會打哂燈，並於路口上停車，讓所有行人先過，直至有禮禳的行人停步讓我才會抯上去，多年如此，從未有過意外，所以我覺得老編講得好岩...我地同路人都會互讓咁就大家好。
jacky
|
1/10/2004
|
PGO TEX-150
Ｔｏ：老鬼
我部車近期唔知點解，當我用完車我熄時之後佢會有撻撻撻.......咁聲在死氣死喉發出。究竟係d咩原因呢??
ｐ牌仔敬上
ｐ牌仔
個d只是鐵器泠縮熱漲的聲音.
|
1/10/2004
|
P牌衝燈尾
小弟在9月30日土瓜灣馬頭圍道一個交通燈位衝燈尾，當過緊途中有兩下閃光。事後我返回案發現場，發現原來係一個白鴿籠作怪，我重目擊有兩架車同我同一命運。
我有幾個問題想請教下老編大老:
1.係唔係有閃光多數都被影咗相?
2.會唔會比被影咗相就一定斷正?
3.如果斷正通常幾耐先會收到通知?
4.我個P牌重有一個月就甩，如果斷正會唔會比"加監"?
5.通常由事發當日計起需要幾耐先會完成整過法律程序?
6.我有D朋友講過佢都試過發生同我一樣的情況不過之後咩事都冇，會唔會有這回事?
thank you
心急的人 vincent2022@yahoo.com.hk
「咗」<<---即係咩字呀大佬？
有關P牌案例請參閱【FAQ】部份。法律部份請參閱【常用資料】的相關連結。
一般來說，P牌衝燈被影相，梗係會加監啦。
|
1/10/2004
|
Majesty 400
對不起,因本人對車唔係咁熟,點樣去調較preload預載(尾避震),謝謝
kwun122880@yahoo.com.hk
你的工具包應該有個好似鐵勾船長個勾咁o既物體，你條尾避震的底部應該有個好似波浪形的鐵圈牙，用個勾去擰呢個鐵圈，來改變彈簧的伸展度，彈簧伸得越長，preload越少。
|
1/10/2004
|
新車
小弟想買新車,不過基本上一出車就要兩個人一齊坐
甘 rin 吾到車點算?
sam
「甘 rin 吾到車點算?」<<--你想問乜o野呢？
|
1/10/2004
|
有唔明新牌
老編有事想請教 cb400我見部車寫一人坐頭呔打200尾打250 今2個人坐要打幾多好(因要載人)頭先去入汽入到唔見了粒呔啲 我試過行(60-70km放手部車行到直線又冇了 今部車係唔係冇事呀)不過用123波一加油好似有d跑馬仔今向前衝跳跳下今 用23波下斜路慢車收油再比油會好了(嚇鬼死後面d車)有冇方法可以補救 前曰下斜入灣甩尾嚇死 好彩冇抄
(唔好怪我長氣) 安全第一 ^^3Q
綠荼仔
氣咀果粒「的」可以去車行配番。載人尾胎打試下280。加油跑馬仔，咁收油有冇跑馬仔？我唸你要檢查化油器。另外尾避震打柴未？
|
1/10/2004
|
了了下 --.--
hi Frrr你部cb400車同我部車都了下了下今 點解會今了我好都想知道 載人重煩 有時重好似想甩想甩今 如果自已抄都心安理得害到坐車尾果個就唔好啦 有冇車友有好意見呀
綠荼仔
|
1/10/2004
|
sr250頭尾牙一問
老鬼教授，我係9月25日問你有關sr250頭尾牙，請問我應去旺角那裡找？我唔知係邊?Thanks
綿花糖
旺角黑布街亞林電單車行
|
1/10/2004
|
葵涌見死狗
本人今日返工路經葵涌道, 差館對開有隻死得好慘既死狗係快慢線中間, 下半身粉碎, 唔見晒, d內臟同肉碎一地都係, 二行條車線都係一灘血肉, 地下d 血都真係乾得七七八八, 唔知d 政府佬係唔係唔洗做。係差館對開有死狗仲要死得咁"核突"都冇人去清理, 仲要係行車線度阻礙行車, 一個唔該老電車中肉塊煎低落左死狗度, 你都冇話唔驚。
屎撈人
|
| |
|
|
|
 |
|
