|
|
|
FAQ常見問題 |
|
|
1/10/2004
|
迫力鋼喉
你好:我想問呀迫力鋼喉同一般膠喉有咩分別,聽人講為何會好剎車一些.......還有想問隨左頭迫力可以裝之外...尾迫力可以裝嗎........(但就我所見多數人只裝頭迫力)又點解呢?最後仲想問呀不知為何本人在收車時按迫力...會發出(吱..吱)聲,頭尾迫力都是如事..而頭迫力不嬲都有響開..家下連尾迫力都如是(而且吱吱聲比較古怪)..為何會這樣,有甚麼解決方法?唔該....唔該
疑問人
迫力鋼喉Braided lines不會澎漲，比起老化了的掣動膠喉，在掣動時變形而卸去應該走落迫力卡鉗的部份壓力，所以手感較直接。另外一個好處是鋼喉的散熱能力較佳，當激烈駕駛時可幫助迫力油散熱。現代街車和跑車，95%以上的時間都是用緊前掣動，所以冇乜人會換尾喉。迫力有聲，可能係迫力皮濕水、到期，卡鉗積粉等等...
|
1/10/2004
|
行人路上行車
其實在行人路上, 慢車行是否都是犯法呢?差人見到有冇權抄牌?我好多時見到某些朋友從路口剷上去,去到某後巷泊車.雖然好慢,但要行人避車都好危險.
kelvin
係香港，電單車在行人路上時，引擎不可以在運作狀態，更莫講話正在駕駛。
但其實老編絕不認同電單車駛上行人路會好危險，任何一個正常的騎士和反應正常的行人，都會互相配合，唔會有危險。你睇下日本街頭，電單車、單車隨意在行人路上落，又唔見有事？你識閃時佢識避，冇問題。
但香港政府一向當市民係白痴，速度標準亦以一個最低能的駕駛者水平來制定速度上限。老實講機場條路行110km/h？老編真係會訓著。如果你拿部攝錄機影住前路，即使速度提升至210km/h你睇帶都會話乜咁慢架？但法例所限，唯有遵守。
|
1/10/2004
|
RE:有唔明新牌
老編我部cb400big one入灣時都有了了下,過嶨位又有了了下....行過地上面個Ｄ白字都有了了下(例如:巴士站)轉回旋處車尾都有Ｄ煽煽地我太氣前30尾33(因常載人)
如果想改善加個碼有冇用?定加支釘把好呢？
若如真係老編所講珠盤有事整要幾＄呢?
~麻煩老編你了~
Frrr
你個問題係操控唔正常，落補品無幫助。你條尾胎係新定舊呢？即使仍有胎紋，都要睇下條胎係咪行到起角平晒。波子盤連工包料可能要一千蚊左右。重有一個可能，睇下你尾擔個杯士有冇蝕到。升起大架，兩隻手扶住尾輪，前後左右上下咁用力搖下，睇下有虛位。
|
30/9/2004
|
有唔明新牌
請問老編 我部二手cb400入灣時堂呔一時時了了下 車尾好似成曰想甩尾今為什麼 一時有一時又冇 同用一波二波時部車起步好飈己定油慢放極力子今正唔正常今鬼好力?都7-8年車 定係未習慣部車 唔該話我知
綠荼仔
「部車起步好飈」？由於你係新牌，部車有未習慣，所以都好難講係你問題抑或係部車的問題。一般入彎覺得架車「撩」，可能係胎壓問題，也可能係波子盤問題。
|
30/9/2004
|
RE: 請自我反省 P仔
你都識講啦,好多時仲係行人路上(慢車駛出路口),我們都是有留意行人,而不是好似的士大佬和Van仔大佬般,在路口及迴旋處話出就出,不理他人死活,你們鐵包人,我們人包鐵呀?我們都是希望快快樂樂出車去,平平安安回家來 ^_^ ,其實大家都是道路使用者,大家能互相隱讓,意外便自然减少,大家皮氣都好D啦...."^_^"..
kim
|
30/9/2004
|
少少野問
請問2T係咪即係FOR 2衝用, 定係只係偈油咁解, 再要分2衝4衝?
龍五
2T油雖然係俾二衝程引擎作潤滑之用，但因為佢會和電油一起混合燃燒，所以唔係偈油。四衝程引擎唔需要用2T油。
|
30/9/2004
|
請自我反省
你們時常話的士佬,van仔佬點衰點衰,但你們有冇想過你們有些電單車駕駛者好多時為了泊上行人路,完全不理會行人,話上就上,好多時仲係行人路上慢車駛出路口,你們又知不知對行人會好危險!請那些人好好反省一下.
P仔
|
30/9/2004
|
渣緊Bandit250 想轉Bandit600 yr2000
老編你好,小弟渣開bandit250,其實最令我心動的車係bandit600有fairing版,但一路都擔心車太重(超過200kg)同太大部(捐車隙唔方便)重有係耗油量高的問題(聽車主講要成(0.9/km),而你又點睇呢部車呢?我身高175cm同160磅5年牌,我又啱唔啱渣呢部車呢?車行話2005年又出新model, 加大到650cc, 你又點睇呢?請指點下細佬,唔該晒!
bandit小弟弟 superman888hk@yahoo.com.hk
好難想像閣下你有五年經驗，加上有身材，都係玩250，重要玩左五年咁耐？快d轉車啦！
Bandit600甚至係bandit 1200都好容易用，但B12油費都係八毫子左右，bandit 600要九毫子就唔係咁正常。新車同舊車係兩個市場，價錢也有很大分別，唔好等新車喇。
|
30/9/2004
|
Majesty 400
本人剛買了一檯全新Majesty 400,需不需要keep住車速及轉數,同埋個避震有冇得較軟o的,與及有什麼需要留意,謝謝
kwun kwun122880@yahoo.com.hk
有關新車run-in的理念和方法，請看【知識技術】內的相關文章。簡單來說，係換左第一次偈油之後先至好快。run-in時有快有慢便ok。頭避震無得搞，尾避震可調較preload預載。
|
30/9/2004
|
車位不足
横頭磡富運街電單車位跟本不足，每晚都泊到出界，又怕俾差佬或咖啡仔炒牌都唔知怎好，希望有關方面能夠增加車位。
Hang
|
30/9/2004
|
有冇地方可以租借電單車架
本人剛考獲電單車牌,因家人反對以致不能購買電單車,大家都明白剛考獲一定經常想騎電單車, 我想請問香港有沒有地方可以租借電單車?謝謝!
康妮 connie_ko_118@yahoo.com.hk
自租自駕週圍去...係冇o既。一係報讀鐵騎路路通止下痕...
|
29/9/2004
|
想轉250車
本人仲有幾日終於到一年,可以甩P,因為甩P後大部份時間要載人,想由PGO轉揸250羊(二手),BUDGET 最多萭八,請問有何好介紹?Magesty 250 或 Foresight 250 買到嗎?那部無咁易壞及維修平?如果棍波要CB250 又好不好?望老編及各位比比意見.Thanks
甩P人
Budget咁緊，買Foresight或者Freeway 250比較適合。CB250都好，但坐人會係綿羊舒服d。
|
29/9/2004
|
Kawasaki Zephyr400
代步上班,適合嗎 ? 維修及油耗如何 ? 香港大部分街車都是super4, 很少人抯Zephyr. 不知這車性能如何 ?
7-11
西風比較舊款...性能亦不及CB400SF或同廠的ZRX400。維修油耗無特別報告，如果你鐘意個款都冇問題。
|
29/9/2004
|
又又又又又係的士佬之竟猜遊戲,估中冇獎)
駕駛車款: cb400vs
製造年份: 1998
意外種類: ???
車主: lung
事發經過:
頭先淩晨點幾打完牌由尖咀番屋企,臨入紅隧時因好少車,出U-turn 位入直路扯到8-90km,突然有條茂利pk的士由右邊怒向左cut 3-4個車位無打燈去到我前面唔夠20m 倒,最攞命係"牠"跟著立即急剎停車打死火燈,我淨用頭brake剎到離"牠"5-6m後都未停倒,个車尾仲"了"到有响呔聲,即鬆brake,向右屆一屈,謹謹避過,經過架pk的士右後尾時得半呎位倒,望0下條pk的士佬,"牠"沙曬冧,原本想x"牠"�m費L時唗L氣,我俾錢入隧道後見倒佢在隔線�m冇L理佢
當時感受:
條pk做乜9?!!
條尾一"了"我先識驚會炒,因以前�m試過thanks god 今次無事
事後影響:
小心方圓十里內啲的士佬,佢哋想攞命,以後淩晨去到o個度我諗會有d陰影
肇事原因及教訓啟示:
半年前換o左對好d嘅呔,一個月前換o左brake oil,應該幫倒d呢單野手,keep 住架車收得好緊要
另外,希望各位brother幫手估o下條pk究竟想做乜9? 除左可能我係佢暗殺目標之外,我估佢可能唔想入隧道,想入後波and then 去番火車站 or 尖東
lung
|
29/9/2004
|
Volty VS Fun Bike
甩P在即想轉街車(Volty) or Fun Bike,唔知點揀請給予意見.天氣好一般會馳車上班,經觀塘繞道到東廊去柴灣假日西貢etc.基本上睇樣兩款都Okay,不過都係揀唔到,
第一.想知道兩款車除了外型上,其他有什麼分別?
第二.其實我唔會花金錢去包裝部車,因為我唔識又無錢.
第三.如果老編建議Fun Bike邊架會係你心水.(請顧及我高度女仔5呎2)
第四.轉部車都會玩幾年(我而家部車係150羊)
Thanks.
Yau amdyau@yahoo.com
Volty 250都幾適合女仔玩，但grass tracker會更過癮，如果搵到big boy版重好，外型也較sharp。原庄樣都夠殺。
|
29/9/2004
|
幾多工里要換皮帶?
我架 PIAGGIO X9 500 係二手私人轉讓既, 而家走左 18000 ,想問下 行幾多換皮帶 ?
sam sam@wideland.hk
好難講，你二手車唔知上手換左咩皮帶落去。過低里數亦不能盡信。如覺不妥，為穩陣計俾師父檢查一下好d。
|
29/9/2004
|
CB400新手求教！
主持你好！小弟姓周，初揸CB400，型號Ver.R，有多條問題詢問，希望你能指教！ (1)我每天朝早著車，引擎總會傳出有規律的<<達達達達>>聲，但行走一輪後便會細聲了很多，引擎沒有什麼問題，很夠力水，而且就算扭到萬二轉也沒有黑煙，排出的是透明，聲音很好，這些<<達達>>聲是引擎結構所應有的還是其它呢？
(2)請問九年的車在保養上有什麼要多加留意的呢？還有我可用什麼添加劑令車子更精神及更耐用呢？ (3)本人揸車從來都會在2千5至3千公里左右換偈油的，那麼我需要用一些高質的還是一般的嗎？我只日常代步，從不激走，會Keep住3至6千轉來揸.
問題長又沉，望能回覆，感激不盡！
堅
達達聲係凍車時哇佬運作的聲音，正常。既然你部車咁精神，唔好搞添加劑o勒，勸換偈油和油格，和用靚偈油已經好夠。不過我會認為你偶然爽下無壞，由二波開始，試下過左七千轉先轉波，最好係九千轉先轉波，等架車舒展一下，唔好屈得咁辛苦。
|
29/9/2004
|
保險問題?
想問下如果我p仔車用了一年(棍波車),現在想換車,咁我的 10% NCB係可唔可以計去另一部車(棍波車)到啊?咁係換車果d時間,我沒有車,那麼,我的10% NCB可以保留到幾時啊?
jason
你的Ncb可以轉過去另一輛車。唔用車會有一年期限，過左就會取消從頭計過。
|
29/9/2004
|
P牌
P牌我亦嘗經歷過, 好多人都對 "P牌" 制度有意見, 個人認為此制度乃用以 "磨練" 新手之忍耐力, 並非加以為難, 希望各新牌朋友好好利用這十二個月 "磨練" 技術, 而非偷偷摸摸吧, 順祝中秋快樂, 人月兩圓.
都係電單車朋友
|
29/9/2004
|
回應PIZZA HUT偷油
SAM 我認識，慳吝係佢本事，舊時同女友去街都AA制,你話佢有冇担呀？
其實PIZZA HUT對你幾好，WHY咁做？因為升唔到職？
無論點都好，有人害你又好真又好，同公司都要有交代。
POLICE唔做野，但JIM ALWAYS ONLINE到時……
曾經係SHOP66同事
|
29/9/2004
|
Re: 太小選擇
Beside VTR250 and ER-5, you may consider Suzuki GS500, 500cc雙汽缸, front and rear disc!
Po
|
28/9/2004
|
離合器一問
午安:
1)綿羊前皮帶輪內有普利珠,後皮帶輪有離合器組件,如果以an400來計,幾多km要換普利珠,幾多km要換普利珠盤,幾多km要換離合器?(換以上零件時,架車有沒有先兆)
2)我曾經在以往文章內看過:機油容量每用1公升油=每行1000km換油,以我部車來說用1.9公升油,是不是最好行1900km就換油.因本人在貴專欄內您建議每3000km or3個月換一次?
?????????麻煩大夫斷症??????????
wah wahwah907@sinatown.com
1.除皮帶更建議里數更換外,其餘是先看後換.如珠同皮差不多夠期時,slow車比較震,而偈油就每2500-3000km更換.
|
28/9/2004
|
綿羊
an-400尾牙油是不是要拆開皮帶外殼先見到入油位及放油位,同埋要幾多公升?
wah wahwah903@so-net.com.hk
只雖拆開皮帶黑膠蓋便看到.
|
28/9/2004
|
漏偈油
老編你好,小弟部車買番來時<私人買賣>發覺漏偈油,每日漏幾滴,之後拎去車房,師傅話頭牙偈油毯漏油,需打散架車先換到偈油毯,由于維修費貴冇換,師傅幫我涂左D掙口膠,哩兩個禮拜都無漏,近日又再漏,比之前勁,請問換油毯是否一定打散架先換到?如果唔換有冇其它解救辦法?<小弟愛駒系94年RVF>有勞老編解答,唔該
世榮 www.wingandrvf@yahoo.com.hk
油毯用內夾殼式,所以反轉打散,人工會貴d,但如果唔整只會越漏越多,沒有其他方法!
|
28/9/2004
|
壞車一問
vxr180,當我打開包住皮帶果組野既膠蓋時,見到好多金屬粒粒,請問邊到打碎左而令我部車壞?同埋換哂成組野大約幾錢?唔該.
bryan
*有機會只是start麼打牙的粉粒.
|
28/9/2004
|
P仔P女請注意：
我見到有好多P仔P女，冇掛p牌又犯左事俾捉到後，係呢度留言問使唔使釘釘牌？
咁我真係想問一下，係換領暫準駕駛執照時，你地有冇睇熟法例所需及你地到底可以做d乜同唔做得d乜？
問人地洗唔洗釘牌，我念你地只係想聽d安慰既說話者，係咪？我本身係職業車手，我見好多p仔都掛頭唔掛尾，掛尾唔掛頭我又見到好多p仔p女都掛到睇唔到半個p字，其實咁樣d交警叔叔已經可以告你地冇正確展示"p"字反光牌，呢樣野一定加刑半年冇得傾。
人地唔告你係費事搵野做，如果一旦各位p仔p女係冇清晰咁展現"p"字牌而又犯埋記分事項
咁d交警叔叔就要"楂"正黎做，即係所謂"做野"，搞掂你地等你地重新考過。明味。
p仔p女們啊！好多野唔好等到出左事至黎後悔呀！
考過個牌，既浪費時間又浪費金錢，為乜咁蠢呢！
光輝聖天
|
28/9/2004
|
前掣動鮑魚碼爆開左
你好老編大人...本人前掣動鮑魚碼爆開左,((鮑魚碼一分為二的 ))只是燒旱可唔可以呢?
安唔安全呢??? Thanks!!!
kk
我會話迫力既野唔好搏....
|
28/9/2004
|
太小選擇
老編你好,本人想買部250-500cc街車要有30匹以上但價錢約在$47000元以下的新車,睇來睇去只有本田vtr250和川崎er5,而香港人九成九都係買super4車價貴到飛得起,我想問點解會噤小選擇還有以上兩款車在性能耐用和用油量的比較.
細隻佬
我反而想問下你點樣定出30ps以上和$47000以下呢？兩部車論力水梗係ER-5啦，雙汽缸重有水冷咁抵玩，重想點？
|
28/9/2004
|
re:spare oil tank
多謝之前回覆,可否再次解釋'OFF' 的用途,謝謝
hornet250
off的意思係把油喉關閉，唔會再有油走落化油器到。起油缸時要擰去off先可以扙去油喉。
|
27/9/2004
|
YAMAHA XV250的火嘴型號
你好！前次向你請教YAMAHA XV250的火嘴型號問題，已經查到。95-98年款對應型號是NGK CR6HS,01-03年款對應型號是NGK CR6HSA。希望給有此車的朋友一個參考。
平常
|
27/9/2004
|
前掣動鮑魚碼爆開左
你好老編大人...
本人前掣動鮑魚碼爆開左,只是燒旱可唔可以呢?
安唔安全呢??? Thanks!!!
kk
...... 你俾車房睇下先啦，唔知你爆成點樣...
|
27/9/2004
|
spare oil tank
I want to know the operation of the spare oil tank. What is the meaning of the four indication "res" 'fuel""off" & "on" ?Thank you
hornet250
ON is the normal postion, RES means reserve, turn to RES only when the fuel ran out in ON position, and go to gas station asap. OFF mean shut down the fuel supply, when you need to departs the fuel tank for servicing purpose, turn to OFF postion.
|
27/9/2004
|
RE:trex150亂咁打炮
回老編, 死氣喉係原裝(生晒瘦, 應該冇穿), 油量冇變, 但上斜勁冇力...謝謝
jkeny
原庄喉....耗油量冇變....但上斜勁冇力，建議檢查電點裝置，火咀和風格。
|
27/9/2004
|
買車初哥
老編大佬你好,告祝貴網仝人中秋快樂,個個開開心心.我在去年考了老電牌後,一心苦等完P才出車,先幾個月終換了正牌,依家想買番架綿羊,有D野請教,唔該哂....
(1)我打算週六日休息時才用車,即經常會連續幾日唔用,咁對部車係咪唔係幾好? 需否每一
兩日"著"下部車行下? 落完雨係咪最好去清理車笠的水漬以防生銹?
(2)保險係由同車行約定取車那天生效,定係由保險公司自己定?
(3)買車那天係咪只須落訂,到取車時才全部找清?
(4)取車時要check車的什麼地方? 重有冇乜野要留意? 本driver's manuel係咪要成本睇哂?
唔好意思,咁大個仔第一次買車,希望所有野順利,所以比較長氣....
初哥
我都祝初哥仔你中秋節快樂！
你成年幾無掂過電單車，估你會生硬過新牌。買部易用d既車會穩陣d。部車經常唔用，電池得唔到機會充電，所以你最好買部車有腳撻裝置，即使冇電都可以用腳撻著。保單生效日期係你辦手續果日開始，或者你可以指明邊一日生效。買車落訂，拿車俾尾數冇錯。拿車時要對牌簿的車架和引擎編號，是否和車上的編號一樣。車主手冊梗係要睇，重應該好好保存似便將來翻查。
|
27/9/2004
|
高轉吱吱聲
又有野請教，請指點迷津，唔該晒。尋晚開開下車，聽到吱吱聲(好似金屬磨擦聲，又似有野鬆左震震下)，開頭以為車頭發出，聽聽下又似副引擎(因為轉波時會停)，無論邊個波段高轉時都會有，但只在高轉出現，唔知關唔關車震事。
我都知咁多個「唔知」，老編好難斷症，但係呢幾日又未得閒去車房，又鬼死咁擔心，所以都係忍唔住手Send上黎問一問，估計邊度壞最大可能呢？大唔大劑呢？，唔好意思，麻煩晒！
周恆
唔知你架係乜車呢?(會否鋉鬆)
|
27/9/2004
|
入油問題
((老鬼教授))
本人有d入油問題想請((老鬼教授))解答,本人有一部CBR600.由於市面有兩種電油,一種係辛烷度低,一種係辛烷度高,我想請問我應該入邊種油??
黑鬼 520wah@sinaman.com
兩種都可以,而不過多數人都選擇後者,爆得勁d.
|
27/9/2004
|
幾錢
想問頭fork 彎左<---只係小彎,可以彈番直,同fork 筒歪左,整番連人工要大約幾多
sf tec 1
黑仔 y_kin_fai@hotmail.com
較fork會由$300起一支,更要視乎雖不雖要更換fork油.
|
27/9/2004
|
Off-road?
Dear editor,
I would like to ask you some question about using the off-road bike. Is it suitable for using an off-road bike in HK? The weight of the bike is so light, and the tires are so narrow, is it safety when riding on a highway? How about CRM 250? Because 2T engine is already out. Thanks
Ken
As you said it is a off-road bike, highway is not the best place for them. of course CRM is a good bike, only if you can find a decent one.
|
27/9/2004
|
呔氣
您好:an 400應該打幾多呔氣好呢?
rose rose12@hotmail.com
尾擔式車身應有貼紙寫住打幾多胎氣。一般都係28-32psi
|
27/9/2004
|
p仔
我係p仔
比人抄雙白線and 冇掛p
釘唔釘???
|
27/9/2004
|
trex150亂咁打炮
老編你好...小弟架trex150不嬲收油都會打炮, 但係尋日唔知點解, 連我唔俾油都照打..
只要轉數過左3000時(落緊斜, 冇俾油), 都會不斷打炮(其實係發出打炮的雜聲), 但此現象時有時冇(50%有), 點解呢? 謝謝
jkenny
有冇換過死氣喉？耗油量有冇上升？
|
27/9/2004
|
新車問題
HI,你好...我新車落地(SV650s)有少少問題想問下...
1)我想問下應該行幾多要換一次偈油?
2)想換白燈...係咪換左就會冇左高燈?同埋有咩要注意?
3)架車冇油燈著左仲可以行幾多?
謝謝解答
SONIC sonicsss@sina.com.hk
第一次換油越快越好，500-1000km之間。第二次在1000-3000km之間換，以後每三千公里換油。換白燈唔會冇左高低燈。著油燈即係叫你去油站，應該都可以到幾十公里。
|
27/9/2004
|
高轉吱吱聲
又有野請教，請指點迷津，唔該晒。尋晚開開下車，聽到吱吱聲(好似金屬磨擦聲，又似有野鬆左震震下)，開頭以為車頭發出，聽聽下又似副引擎(因為轉波時會停)，無論邊個波段高轉時都會有，但只在高轉出現，唔知關唔關車震事。
我都知咁多個「唔知」，老編好難斷症，但係呢幾日又未得閒去車房，又鬼死咁擔心，所以都係忍唔住手Send上黎問一問，估計邊度壞最大可能呢？大唔大劑呢？，唔好意思，麻煩晒！
周恆
來信撥交老鬼師傅斷症。請稍候
|
27/9/2004
|
扣分問題?
老編大人:本人因一時不慎兩次雙白過線,一個月內已被扣了6分,我係想問吓如果耍取回那6分係咪同私家車一樣兩年後冇再犯交通例就會自動有番所失既分呢.多謝!
kent honkeiy@yahoo.com.hk
我地都係共用同一扣分制度，老電和4個6都係用緊同一套分數。有關扣分制度和計算方法，可參閱【常用資料】的相關連結。
|
27/9/2004
|
Re:幫手揀羊
你好老編大人,請問點解唔選grand dink選S2 250?因為我都有相同問題苦惱緊。2部我都鍾意,真係唔知點選好 如唔方便回答 請e-mail給我 多謝老編大人賜教
Terry terry0089@yahoo.com.hk
兩者選其一，揀A會有人問點解唔揀B，揀B又會有人問解唔揀A。同一件事可以有唔同的角度的看法，老編選擇揀S2，並不表示不允許別人揀Grand Dink。
|
27/9/2004
|
想請問RVF 與 CBR400RR 那部車較易操控,給各其長短處? THX
問題者
兩者的馬力差不多，但CBR400RR的座姿較RVF400舒適一點，把手較高，車身也較闊。RVF的駕駛姿勢很緊湊，但操控RVF400會好一點，但有一個致命缺點：V4引擎好熱。
|
27/9/2004
|
RE : P 仔,女小心 一位自稱【警務處退役同僚協會的名譽顧問】
竟然有D咁o既人?!?! 為何佢會對你無原無故的窮追猛打 ??? 係咪你碰到佢架爛鬼車時唔知仲繼續開車，所以佢誤會你故意 "不顧而去" 呀 ?? 無論點都好，你當初報左警，到場處理的警務人員已將兩車的捐毀情形用文字記錄下來，如未來真係要上庭文事訴訟，對方或者你覺得有需要時都可以勾番個記錄出黎作證。不過，個記錄對邊方面有利D，就真係要當事人你自己去衡量。但你一定唔洗"卸"呢D 粉人，正所謂狗仗主人勢嘛 ~ 法庭一定會給予一個公平公正的栽決的。
警務處現役同僚協會非名譽閒人
|
27/9/2004
|
回應:P 牌一問
我記得我掛P牌的最後一日係星期六，而星期日運輸處又吾開，所以我星期六當日上運輸處問(詢問處)可否早一日換，佢地話唔得(我都預左)，但係佢地仲補多句，就係叫我過左星期六就唔好渣車，要換左牌先渣得，因為我個暫准執照星期六就到期，而正式執照又未有，如果渣車，就即係無牌架駛。其實我都唔知詢問處的人所說的是否正確。
邱仔
咦，係喎，個P牌到期冇換牌，即係無有效駕駛執照...佢講對0岩。
|
27/9/2004
|
電力問題
老編你好 我是貴網常客 你們好高速回答 真要謝謝你們 我看見有好多話super4好好 但電器又有好多時壞 我部2手super4vs成日冇電未過保養用一日壞一日頂 好很煩 對HONDA車沒有信心 你話點算??HELP
大R
唔明，二手車但又未過保養？請檢查電池和整流，用正貨唔好用A貨。
|
27/9/2004
|
P 牌想出車
我剛考到P牌手波,想出車,但我係一個矮小的女仔,只得五呎高,腳又短; 對電單車款又一無所知... 請問想出車的話有什麼選擇?
螺絲
棍波全新車有CBR150R，細細架好易食。
|
| |
|
|
|
 |
|
